Од Европа, со љубов: Храниме умови, инспирираме промени
16 книги. 13 европски земји. Безброј приказни што инспирираат.
„Од Европа, со љубов“ е книжевен проект на САКАМ КНИГИ, реализиран со поддршка на Европската Унија преку програмата „Креативна Европа“.
Преку 16 внимателно избрани книжевни дела од различни европски јазици и култури, ви носиме нови автори, незаборавни приказни и важни теми за љубовта, еднаквоста, различностите, менталното здравје и зачувувањето на нашата планета.
Откријте ги книгите, запознајте ги авторите и преведувачите и дозволете една нова европска приказна да стане дел од вашата библиотека.
-
-20%
Меморија на водата
0Original price was: 470,00 ден.376,00 денCurrent price is: 376,00 ден.По Векот на самракот, светот повеќе не е онаков каков што го знаеме. Бурите ги распарчиле континентите, мразот на половите е стопен, а кинескиот Нов Киан владее со Скандинавија. По еколошката катастрофа предизвикана од нафтените војни, најдрагоцениот ресурс во новата реалност е водата – и злосторствата со крадење вода се плаќаат со глава.
Во тој посттехнолошки свет, седумнаесетгодишната Норија Каитио станува мајстор за чај – угледна позиција што доаѓа со огромна одговорност и добро чувана тајна: каде се наоѓа скриениот извор на свежа вода. По распаѓањето на нејзиното семејство, Норија мора да одлучи дали ќе го следи таинствениот пат на своите предци или ќе тргне на забранетото истражување на изгубените земји со својата пријателка Сања, во потрага по одговори и спас.
Оваа дистопична, моќна и поетски напишана приказна ни доближува реалност што, за жал, не се чини предалечна ниту неостварлива. Ова е книга што долго ќе ви ги опседнува мислите.
-
Јаз – Дарко Тушевљаковиќ
0370,00 ден„Страдањето со кое се соочуваме обидувајќи се да ги премостиме бездните во нас, не знае што е јазик, нација, вера, пол, тоа не е ограничено со географска ширина и должина“, вели авторот во едно интервју.
Токму овие зборови совршено ги доловуваат универзалните човечки димензии опишани во овој моќен општествен роман за Србија во 1990-тите години и на почетокот на новиот век. Роман што одлично ја прикажува младата генерација растргната помеѓу заминувањето и преживувањето во сопствената земја, но и постарата генерација, проголтана од носталгијата и во борба против времето што ги надминува.
Сликајќи ги животите на младите луѓе во турбулентното време и комбинирајќи елементи на општествен роман и фантазма-горија, Тушевљаковиќ во „Јаз“ создава сцена на која, среде големи политички и историски пресврти, се појавуваат впечатливи ликови со своите човечки и интимни драми.
Трогателен и комплексен роман, кој се занимава со универзалната тема за тоа како човек може да се надмине себеси и своето минато и да го зачува сопственото право да биде различен, да биде човек.
-
Невестата
0550,00 денСусана Макаја, девојка со ромско потекло, но одгледувана како Шпанка, исчезнува по нејзината моминска забава, а нејзиното тело го наоѓаат по два дена. Нејзиното убиство би било само уште едно обично убиство да не е фактот дека жртвата била малтретирана, врз неа бил извршен ужасен ритуал и дека сестра ѝ ја доживеала истата судбина пред седум години. Убиецот на Лара отслужува казна затвор, така што постојат само две можности: или некој го имитира модус операнди на убиецот или невин човек лежи во затвор.
Инспекторката Елена Бланко, која го води случајот, останува во служба на полицијата затоа што не може да го заборави нерешениот случај што ја прогонува целиот нејзин живот.
Во истрагата, Елена мора да навлезе во животите на двете девојки со ромско потекло, кои ја отфрлиле традицијата за полесно да се вклопат во општеството, и да открие кој сакал да им се одмазди на толку суров начин.
-
Аномалија
0520,00 денКога летот 006 на Ер франс од Париз до Њујорк го зафаќа епска олуја, животите на патниците засекогаш се менуваат. Авионот безбедно слетува на аеродромот „Џ. Ф. Кенеди“ во март, но на сечие изненадување, во јуни на радарските екрани се појавува истиот авион, со истите патници, кој слетува на воениот аеродром во базата Мегваер.
Што ќе прават патниците, но и владите? Како да ја објаснат оваа појава, кои протоколи да ги земат предвид, што да прават со двојниците? Тие се само некои од прашањата што си ги поставуваат политичарите.
Но што да прават самите патници? Кој е вистинскиот ЈАС, кој има право на живот или како да продолжи да живее заедно со својот идентичен двојник? Што ако некој починал меѓу март и јуни? Никој не може да го објасни овој невиден настан кој покренува бројни морални, теолошки, научни и егзистенцијални прашања.
Бестселерот „Аномалија“, добитник на најпрестижната француска награда „Гонкур“ за 2020 година, критичарите го нарекуваат „зачудувачки книжевен експеримент“ и „единствена комбинација од трилер, научна фантастика и психолошки роман”, а во светот исполнет со страв писателот ни го поставува прашањето: кои сме ние?
-
Танци со коски
0550,00 ден„Секогаш имате избор. Запрашајте се дали вреди за тоа што ќе го добиете.“
Навидум едноставна приказна за еден несреќен патологанатом. Северин не го ценат на работа и малку го плаќаа; во личниот живот му се случува нешто неразбирливо, а самодовербата му е на нула. Кога ќе се најде практично на дното, ја прифаќа можноста да заработи.
Предлогот не е сосема легален и тешко може да се очекува нешто добро од пазарот на трансплантација на органи, но примамливата помисла конечно да си го обезбеди животот е посилна од сомнежот. На крајот на краиштата, треба да земе само мала „ситница“ од веќе починати луѓе на кои тоа повеќе не им е ни потребно. Засега од починати. Засега ситница.
Чекор по чекор, одлука по одлука, Северин постепено се менува – од пренебрегнат човек што спасот го бара во алкохолот, за првпат почнува да чувствува самодоверба. А со неа расте и неговата неспринципиелност.
Откако еднаш ќе изврши злосторство, второто и третото доаѓаат многу полесно… Тоа што до вчера го сметал за недопустливо, станува негова нова норма.
Дали е способен да запре? И колку далеку може да оди човек што еднаш ја преминал границата?
-
21 Начин да умреш
0420,00 денКолку брзо може да ти се урне сиот свет?
Во еден момент, Стела е едно од најпопуларните девојчиња во класот, а во следниот таа е отфрлена, понижена и исклучена од групата која порано ја водеше.
Кога караницата со нејзината најдобра другарка Амалие излегува од контрола, Стела станува мета на неумоливо малтретирање. Малтретирање преку Фејсбук, по пораки, со сурови видеа на Јутјуб, на страницата за омраза што секој ден собира сè повеќе лајкови. Амалие ништо не може да ја спречи во одмаздата. Само Филипа разговара со неа, но… каква е таа другарка што го крие нивното пријателство пред другите?
Додека вознемирувањето станува сè пожестоко, светот на Стела тоне во тишина. Музиката која порано ѝ беше единствениот спас, повеќе не ѝ носи утеха. Никому не му верува, надежта ѝ исчезнува.
Но тука е нејзиниот список – списокот со дваесет и еден начин како да ја запре оваа болка. Со дваесет и еден начин како да умре.
-
Алјаска
0370,00 денМоќна приказна за двајца необични пријатели кои ги спојува љубовта кон едно куче.
Свен е решен: на првиот училиштен ден ќе направи нешто големо, нешто незаборавно. Фора што ќe ги спречи соучениците да го гледаат само како „кутрото момче со епилепсија“.
Паркер, пак, сака да остане незабележлива. По најлошото лето во нејзиниот живот, не верува никому. Но по завршувањето на првиот училиштен ден, открива нешто неверојатно: новото куче помошник на Свен е Алјаска – кучето што порано беше нејзино. Кога го здогледува во негово друштво, ѝ се враќаат сите убави спомени од времето што го поминале заедно. Очајно сакајќи повторно да биде со Алјаска, една ноќ Паркер се маскира и се прикрадува во собата на Свен… Во превезот на мракот, децата си ги споделуваат тајните и стануваат пријатели. Но прекуден тие се туѓинци – и двајцата ја кријат својата болка, копнеејќи по друштво и разбирање.
„Алјаска“ е трогателен роман за болката, храброста и исцелувачката моќ на пријателството. Приказна што ги разоткрива предизвиците со кои се соочуваат младите при созревањето, товарот што секој од нив го носи во душата и пријателството што може да расцвета и во најнеочекувани околности.
-
Балот на лудите жени (Е-КНИГА)
0400,00 ден📱 Е-КНИГА | ДИГИТАЛНО ИЗДАНИЕ (EPUB)
Внимание: Ова е електронско, а не печатено издание на книгата. По успешното купување добивате линк за преземање на книгата во EPUB формат, наменет за читање на телефон, таблет или компатибилен е-читач.
Историска драма за жените затворени во болница за душевни болести во Париз во 19 век.Во прочуената психијатриска болница „Салпетриер“, доктор Шарко го фасцинира општеството со своите јавни демонстрации на хипноза врз наводно луди жени отфрлени од семејствата. Но вистината е покомплицирана – тие не се навистина луди. Некои се несакани или непослушни сопруги, други мајки што не можат да ја преболат загубата на чедото, трети се ќерки што одбиваат да се покорат или девојки родени од вонбрачни врски. За париската елита, најзначајниот годишен настан е Балот на лудите жени, кога можат да ги набљудуваат пациентките облечени во свечени костими како танцуваат на звуците на валцерот. А за самите пациентки, балот претставува редок момент на надеж.
Женевјев е главна медицинска сестра во „Салпетриер”. По смртта на сестра ѝ Бландин, таа ја отфрла верата и се посветува на науката, слепо верувајќи му на познатиот доктор Шарко. Но нејзините убедувања се разнишуваат кога ја запознава 19-годишната Ежени – ќерка на угледно семејство, насилно затворена во болницата. Ежени има тајна: таа гледа духови. Инспирирана од забранетата Книга за духовите за која зборува цел Париз, таа е решена да избега од болницата, да се ослободи од ограничувањата на својот пол и да најде луѓе што ќе ѝ поверуваат. Но затоа ѝ е потребна помошта на Женевјев…
-
Кога жеравите летаат на југ
0450,00 ден„Жеравите летаат на југ“ на шведската писателка Лиса Ридзен е импресивен дебитантстки роман кој допира директно до срцето. Книга за која без двоумење може да се каже дека е невозможно да не ве трогне.
Дома кај Бо ретко се менува тивкото секојдневие, освен кога доаѓа персоналот од службата за домашна нега. Но тој го има своето сакано куче Сикстен, па не е сосем сам. Во празнотијата што зад себе ја оставила неговата сопруга, која живее во дом за дементни лица во шведскиот град Остерсунд, кај Бо почнуваат да ријат и гребат размислувања и сомнежи. Времето е премногу кратко за да стигне да го реши тоа што на моменти се чини невозможно – односот со синот.
Таткото и синот несигурно, но упорно се обидуваат да се сретнат на половина пат и да се доближат еден до друг. Но, во исто време, синот е убеден дека омилениот придружник на татко му, Сикстен, мора да се пресели, бидејќи осумдесет и деветгодишниот старец не може повеќе да се грижи за него. Заканата дека ќе го изгуби своето куче буди длабок вител од емоции што го тера Бо да се наврати на својот живот, на татковството и на својот начин на изразување и искажување љубов. -
Салто
0370,00 денАлвур има дванаесет години и живее за гимнастиката. Негова најголема желба е еден ден да настапи на Олимписките игри и да патува во Јужна Америка со својот најдобар пријател Рагнар. Но додека Рагнар е успешен во сè и изгледа како да има совршен живот, Алвур постојано се сомнева во себе и се плаши од мислењето на другите.
Кога тимот добива покана да патува во Бразил, Алвур очајно посакува да биде избран – но токму тогаш на неговиот сакан помал брат Еики му дијагностицираат аутизам. Алвур одбива да поверува дека Еики е различен и чувствува дека никој не го разбира. Во потрага по одговори и сила, тој тајно ја контактира својата мистериозна тетка Харпа – поранешна олимписка шампионка во гимнастика, која по страшниот пад ги прекинала сите врски со семејството и светот.
Ова е трогателна приказна за братската љубов, за борбата со сопствените стравови и за пронаоѓањето на храброста токму онаму каде што најмалку ја очекуваме.
-
Нескршливото срце на Олива Денаро
0450,00 денВо 1960-тите години, во сончевата Сицилија, 15-годишната Олива Денаро сонува за слобода – безгрижно да трча по полињата, да учи нови зборови, да живее живот необременет од традицијата. Но во општество кое вредноста на жената јамери со нејзината послушност, желбите на Олива се сметаат за опасни.
Кога вниманието на несаканиот додворувач се претвора во понуда за брак, Олива е соочена со ужасен избор: да се покори на очекувањата или да се заземе за своето право самата да си ја избере судбината. Нејзиниот пркос ќе ги предизвика вековните обичаи и ќе поттикне значајна промена. Инспирирана од вистинската приказна на Франка Виола, првата Италијанка што одбила „репарациски“ брак откако била силувана, „Олива Денаро” е трогателна приказна за храброста потребна да се отфрлат општествените пранги. Лирската проза на авторката ја оживува борбата на младата жена за самостојност во светот решен да ја замолчи.
Зборувајќи за силата на жената и за моќта на отпорот, „Олива Денаро” е роман што нè потсетува на цената на слободата и на нејзината бесценетост.
-
Камчето
0420,00 денТрогателно сведоштво за надежта и пријателството во еден од најмрачните периоди во човековата историја.
Приказна за талентираниот виолинист Еитанас и неговата најдобра другарка Ривка, кои растат во свет во кој децата се смеат, кучињата лаат, а жените си муабетат на скалите.
Животот би бил прекрасен, дури и идиличен, да не е ужасната вистина – никому не му е дозволено да излезе од градот, а оние кои ќе минат низ портите, никогаш повеќе не се враќаат.
Оваа наградувана сликовница ни открива моќна приказна што се одвива во еден од најмрачните периоди за човештвото – холокаустот.
Лиричното раскажување на авторот и прекрасните илустрации одлично ги доловуваат деталите од секојдневието во гетото: град опкружен со sидишта, патролиран од војници, во кој надежта сè уште се насетува на покривите.
Тивок потсетник дека дури и во најтешките моменти надвладуваат надежта, пријателството и човечноста.
-
Киндерленд
0420,00 денМоќен роман за детството, напуштањето и издржливоста. Кога родителите заминуваат на печалба во странство, 12-годишната Кристина е принудена да се грижи за своите две помали братчиња. Оставена во малото молдавско село во кое живеат речиси само деца и старци, Кристина нема друг избор освен да го носи товарот на животот на возрасна жена – да готви, да чисти и да ги чува братчињата – и истовремено да се соочи со осамата, тагата и копнежот што ја обземаат поради прерано изгубеното детство.
Низ нејзините очи, романот го истражува длабокото влијание на економската миграција врз семејствата, особено врз децата обременети со родителски обврски несоодветни за нивната кревка возраст. Во селото обележано од отсуството, напуштените деца, кои сепак се полни со надеж, се сеќаваат на нивните родители низ ритуали и обичаи, низ нивната бујна имагинација. Додека се борат со чувството на напуштеност, наоѓаат утеха во избледените спомени од семејниот живот. Авторката мајсторски ја балансира суровата реалност на преживувањето со нежните моменти од детството, сликајќи трогателен портрет на изгубеното детство на предвреме пораснатите деца.
-
Балот на лудите жени
0400,00 денИсториска драма за жените затворени во болница за душевни болести во Париз во 19 век.
Во прочуената психијатриска болница „Салпетриер“, доктор Шарко го фасцинира општеството со своите јавни демонстрации на хипноза врз наводно луди жени отфрлени од семејствата. Но вистината е покомплицирана – тие не се навистина луди. Некои се несакани или непослушни сопруги, други мајки што не можат да ја преболат загубата на чедото, трети се ќерки што одбиваат да се покорат или девојки родени од вонбрачни врски. За париската елита, најзначајниот годишен настан е Балот на лудите жени, кога можат да ги набљудуваат пациентките облечени во свечени костими како танцуваат на звуците на валцерот. А за самите пациентки, балот претставува редок момент на надеж.
Женевјев е главна медицинска сестра во „Салпетриер”. По смртта на сестра ѝ Бландин, таа ја отфрла верата и се посветува на науката, слепо верувајќи му на познатиот доктор Шарко. Но нејзините убедувања се разнишуваат кога ја запознава 19-годишната Ежени – ќерка на угледно семејство, насилно затворена во болницата. Ежени има тајна: таа гледа духови. Инспирирана од забранетата Книга за духовите за која зборува цел Париз, таа е решена да избега од болницата, да се ослободи од ограничувањата на својот пол и да најде луѓе што ќе ѝ поверуваат. Но затоа ѝ е потребна помошта на Женевјев…
-
Твој Толак
0370,00 денСтариот Толак е човек со многу противречности. Горделив е и избувлив, но и праведен и нежен. Тој води битка со новиот, непрепознатлив свет во кој одамна не наоѓа смисла и сѐ уште бескрајно ја сака својата прекрасна сопруга Ингеборг, која исчезнала пред неколку години. А сега, тој умира.
Неговите две деца ретко го посетуваат, останат му е само Одо, или Одо Будалата како што го нарекуваат соседите, кого Толак како мал го прибрал да живее со неговото семејство. Тој ќе настојува ќерката и синот да го посетат за последен пат — зашто е дојден моментот кога молчаливиот човек треба да проговори и конечно да им ја открие тајната која со години му ја јаде душата.
Во овој краток роман, во кој се испреплетуваат елементи на љубовна приказна, на семејна драма и на неизвесен трилер, истакнатиот норвешки автор Торе Ренберг слика трогателен, комплексен и вознемирувачки портрет на маж од „стариот свет“, кој е релевантен и денес. Роман за потрагата по смисла и за суштинските нешта во животот.
Тригери: семејно насилство, ментално здравје.