0

Последни коментари

Книга на неделата

Убиј го таткото 6  
  • img-book

    Тој е сè што таа се заколна да избегнува.

    И покрај тоа што неизмерно го обожава своето необично семејство, Попи Хатавеј копнее по нормален живот. Но судбината има друга замисла и со помош на малата палава ласица ја запознава со Хари Ратлеџ, загадочниот сопственик на хотел и моќен, богат изумител. Паѓајќи во неговата стапица, угледот ѝ е загрозен и сите се изненадени кога го прифаќа неговиот предлог за брак. Наскоро открива дека нејзиниот сопруг е подготвен да ѝ ја подари сета своја страст, но не и довербата…

    А таа е сè што му е потребно.

    Хари би направил сè за да ја освои Попи – освен да ѝ го отвори срцето. Свикнал самиот да го носи сиот свет на плеќите без да оствари поголема блискост со другите… но остроумната и заводлива Попи сака да му биде вистинска сопруга во секој поглед. Сепак, додека страста се распламтува меѓу нив со секој изминат ден, во сенките се крие непријателот. Ако Хари навистина сака да ја задржи Попи, мора да го спушти гардот и целосно да ѝ се препушти на љубовта, еднаш и засекогаш.

    Wishlist
    Намами ме во самрак (Хатавеј #3) од: Лиса Клејпас 450 ден
  • img-book

    „Блескав манифест за отстранување на пречките што стојат меѓу вас и богатството од вашите соништа.“ – Њујорк магазин

    Водич кој ќе ви го промени животот и ќе ви помогне да ги заработите парите за кои само сте сонувале, од најпродаваната авторка на Њујорк тајмс, која се вивна до врвот со Ти си ѕвер.

    Ти си ѕвер за правење пари ќе ви помогне да ги надминете стравовите и пречките поради кои досега не сте постигнале финансиски успех. Повикувајќи се на преобразбата на својот живот за само неколку години, кога од личност која живеела во реновирана гаража со празна банкарска сметка станала жена која со стил патува низ светот, Џен Синсеро одново нè соочува со својата неповторлива дрскост и практичност поради кои Ти си ѕвер стана апсолутен бестселер. Комбинацијата од урнебесни лични приказни и куси блескави поенти успева да го разоткрие вашиот скриен потенцијал за заработување пари и да ви обезбеди вистински резултати.

    Научете како:

    • да откриете што е тоа што не ви дозволува да заработувате пари
    • да ги растерате сите сомнежи, стравови и изговори
    • да се поврзете со парите на нов, профитабилен начин
    • да го подготвите коктелот на создавањето
    • да ја откриете својата вродена способност за збогатување
    • да си ја обликувате реалноста и да престанете да бидете жртва на околностите
    • да станете толку богати колку што сакате да бидете.
    Wishlist
    Ти си ѕвер за правење пари од: Џен Синсеро 490 ден
  • img-book

    Лили и нејзиниот поранешен сопруг Рајл најпосле успеваат да фатат ред со заедничкото одгледување на нивната ќерка, кога таа ненадејно го среќава Атлас, нејзината прва љубов. Пресреќна е што најпосле времето е на нивна страна и веднаш ја прифаќа неговата покана да излезат.

    Но возбудата ѝ е засенета од сознанието дека, иако повеќе не се во брак, Рајл е голем дел од нејзиниот живот и дека нема да му се допаѓа што Атлас е дел од животот на Лили и нивната ќерка.

    Раскажана од перспективите на Лили и Атлас, Ова започнува со нас продолжува токму онаму каде што завршува епилогот од неверојатно возбудливата Ова завршува со нас. Откривајќи ни повеќе детали од минатото на Атлас и следејќи ја Лили додека ја зграпчува втората шанса што ѝ ја дава љубовта, додека и двајцата се справуваат со љубоморниот поранешен сопруг, Колин Хувер ни докажува дека никој не умее подобро од неа да допре до нашите срца.

    Wishlist
    Ова започнува со нас од: Колин Хувер 520 ден
  • img-book

    „Сагата за Рајна“ е роман базиран на вистински настани и вистинската животна приказна на Рајна Алексова, првата школувана аптекарка не само во Македонија, туку и на целиот Балкан.
    Родена во 1883 година во Битола, по тешкото детство и смртта на нејзините родители, радост пронаоѓа единствено во учењето и цврсто решава дека ќе го исполни ветувањето дадено на нејзината покојна мајка, дека ќе стане некој и нешто. Со неизмерната љубов кон образованието, Рајна урива бариери и стереотипи во Османлиското Царство. По завршувањето на Француската гимназија во Солун, нејзиниот постар брат Ристо Шпицарот (на турски аптекар), кој ја имал првата аптека во Битола и бил трговец и приучен аптекар, во 1902 година ја однел во Лозана, Швајцарија, и ја запишал на Факултетот за фармација, на нејзина голема радост, со желба да дипломира и потоа заеднички да ја водат аптеката. Рајна во Битола се вратила како европска дама, со диплома на фармацевт. Нејзината и радоста на брат ѝ Ристо траеле кратко, бидејќи, откако веста за школувана каурка стигнала до тогашниот управител на Битола, започнуваат мачните денови, месеци, па и години за најучената жена во градот на конзулите. Турските власти не ѝ дозволувале да ја врши аптекарската професија. Но Рајна не се откажувала. И така продолжува нејзината животна приказна, вистинска сага…
    Но „Сагата на Рајна“ не е само роман за професионални достигнувања, туку и приказна за семејни радости и болки, скршени срца и залечени надежи; делумно љубовна, делумно трогателна, делумно позитивна и покрај сето црнило. Во секој случај, наша и исклучителна.

    Wishlist
    Сагата за Рајна од: Оља Петрушевска – Томева 350 ден
  • img-book

    Го запознав Хадсон Ротшилд на свадба. Неочекувано имав добиено покана за во еден од најелитните ресторани во градот. Хадсон беше кумот и веројатно најпрекрасниот маж кој некогаш сум го видела. Ме покани да танцуваме, а хемијата помеѓу нас беше неопислива, речиси нереална. Знаев дека не беше добра идеја да се плеткам со него со оглед на тоа на чија свадба се наоѓав. Но конекцијата беше ненормална и одлично си поминував.

    Но забавата нагло запре кога Хадсон сфати дека не сум таа што реков дека сум. Видете вака, во врска со неочекуваната покана што ја добив. Па, таа всушност не ми беше испратена мене – ѝ беше испратена на мојата бивша цимерка, која ме зезна за киријата за последните два месеци и побегна некаде сред ноќ. Сметав дека ми должеше барем едно добро скапо излегување, но технички, бев падобранец на свадбата. Па кога бев разоткриена, побегнав најбрзо што можев. И мислев дека успешно избегнав проблем… сѐ додека не ми текна дека си го оставив мобилниот на масата. Погодете кој го нашол?

    Тоа е лудата приказна за запознавањето со Хадсон. Но верувајте ми, ова не е ништо во споредба со сѐ што следеше.

    Wishlist
    Поканата од: Вај Киленд 450 ден
  • img-book

    Милан Берг стои на семафор кога одеднаш до него застанува возило. На задното седиште седи ужасно преплашено девојче со солзи во крупните очи. Таа очајно се обидува да залепи една порака на прозорецот за да му каже нешто.

    Дали бара негова помош или се работи за нешто друго?

    Милан не може да ја прочита пораката – тој е неписмен. Само еден од над два милиони луѓе во Германија кои не знаат да читаат и пишуваат. Но чувствува во себе: девојчето е во смртна опасност.

    Кога тргнува да ја бара, за него почнува една кошмарна одисеја, а на крајот го чека злокобно сознание: понекогаш вистината е премногу ужасна за да можеме да живееме со неа, па способноста за игнорирање е најголемиот подарок што може да постои!

    Wishlist
    Подарокот од: Себастијан Фицек 550 ден
  • img-book

    Тој дава сѐ од себе да се обиде да ја заборави.

    Кев Мерипен копнее за убавата, фино воспитана Винфред Хатавеј уште откако нејзиното семејство го спасило од смрт кога бил само дете. Но овој привлечен Ром е човек со мистериозно потекло – и се плаши дека неговото мрачно минато би можело да ја уништи нежната, прекрасна Вин. Па затоа Кев не дозволува да потклекне пред искушението… и наскоро ја губи Вин поради иронична игра на судбината.

    Таа не го познава човекот во кој се претворил.

    И тогаш, Вин се враќа во Англија… но открива дека Кев се трансформирал во ладен човек кој ја одбива љубовта по секоја цена. Во меѓувреме, се појавува привлечен додворувач кој кружи околу Вин. Кев мора да одлучи дали ќе преземе нешто бидејќи моментот е сега или никогаш. Во секој случај, прво мора да се соочи со опасната тајна за неговата судбина… или да ризикува да ја изгуби единствената жена за којашто отсекогаш живеел…

    Wishlist
    Заведи ме в мугри (Хатавеј #2) од: Лиса Клејпас 450 ден
  • img-book

    Не постои нешто полошо од тоа да живееш врата до врата со твојот непријател од детството, освен можеби да си принуден да соработуваш со него на проектот од твоите соништа, да бидеш уценуван да се согласиш на нешто што едноставно знаеш дека не е во ред и некој да ти го краде какаото.

    Сѐ додека има многу какао, алат во рака и успева да одолее на опасниот шарм на Конор О’Нил, Рори Џејмс би требало да може да го преживее проектот со сочуван здрав разум. Но, ако не успее… Веројатно ќе помине уште некоја ноќ во затвор, ќе добие уште некоја забрана за приближување и ќе го изгуби умот по човекот кој ѝ го уништува животот…

    Wishlist
    Шах мат од: Р.Л Метјусон 440 ден
  • img-book

    Една од најмаестралните и најтрогателните љубовни приказни на Џудит Мекнот ја оживува на хартија неверојатната страст на една нескротлива американска убавица и еден комплициран англиски лорд.

    Кога одеднаш останува сирак и сама на белиот свет, Викторија тргнува на патување преку океанот, нетрпелива да стигне до своето наследство во Вејкфилд, раскошниот англиски имот на далечниот роднина, озлогласениот лорд Џејсон Филдинг. Страшно збунета од неговата ароганција, но истовремено привлечена од неговата грациозност на пантер, таа ги чувствува болните спомени што тлеат во неговите мрачни очи. Кога тој најпосле ќе ја земе во прегратка, будејќи слатка ненаситност кај неа, тие се венчаат и ги обзема неопислива, бескрајна радост – најмногу затоа што конечно се слободни од злата канџа на минатото. Но тогаш Викторија открива предавство во сржта на нивната љубов… љубов за која сонувала дека ќе триумфира не само еднаш, туку засекогаш.

    Wishlist
    Еднаш и засекогаш од: Џудит МекНот 490 ден
  • img-book

    Слоун би отишла до пеколот и назад за оние коишто ги сака. И го прави тоа, секој Божји ден. Заглавена во врска со опасниот и морално корумпиран Ејса, таа е подготвена на сè, само за да преживее додека не најде излез. И нема намера да дозволи ништо да ѝ застане на патот.

    Ништо, освен Картер.

    Слоун е најдоброто нешто што некогаш му се случило на Ејса. И ако се прашува тој, тој е најдоброто нешто што некогаш ѝ се случило нејзе. И покрај тоа што таа не го одобрува неговиот криминален животен стил, тој го прави она што е неопходно за да биде чекор пред сите во бизнисот. И чекор пред Слоун. И нема намера да дозволи ништо да му застане на патот.

    Ништо, освен Картер.

    Wishlist
    Предоцна од: Колин Хувер 490 ден
  • img-book

    „Се викам Симон. Имам десет години. Јас сум сериски убиец.“

    Роберт Штерн, успешен адвокат, не е ни свесен што го чека кога прифаќа да се сретне со нов клиент во предградието на Берлин. Затоа се шокира кога сфаќа дека личноста којашто треба да ја брани е десетгодишно момче – Симон – кревко дете со хронична болест, кое тврди дека бил убиец во претходниот живот. Изненаденоста на Штерн брзо се претвора во хорор кога го пребарува подрумот каде што го испраќа Симон и наоѓа остатоци од човечки скелет, череп расечен со секира – баш како што Симон му кажува дека ќе најде.

    Но ова е само почетокот, бидејќи Симон му кажува на Штерн каде сѐ ќе најде други жртви чии тела стоеле скриени и неоткриени со години. Одеднаш и сегашноста делува убиствено опасна…

    „Детето“ е изопачен брз трилер кој ќе ви го забрза срцебиењето од адреналин.

    Wishlist
    Детето од: Себастијан Фицек 490 ден
  • img-book

    Марија е силна и независна архитектка, успешна и истакната во својата област, па не е никакво изненадување кога добива понуда за работа во престижна компанија. Нејзиниот хумор зачинет со многу сарказам, способноста да се шегува дури и на своја сметка и вечно позитивната енергија која зрачи од неа, ја прават како магнет за сите во нејзина околина, но особено за мажите, кои не остануваат имуни ниту на нејзината огнена коса, полните сензуални усни, крупните искрени очи и женствените облини. Но тие нејзини очи кријат голема тајна и имаат исплакано премногу солзи во животот, а зад нејзината убава насмевка лежи незамислива болка.

    Кога почнува со работа во новата компанија, таа веднаш му го привлекува вниманието на најимпресивниот маж кој некогаш го сретнала. Темнокосиот Александар плени со своите сини очи и лесната, секси насмевка; очигледно е дека многу жени паѓаат на неговиот шарм, но Марија има штит од изградени ѕидини околу себе, кој ѝ помага да одолее на искушението. Не само што не сака да се плетка со колеги, туку и знае дека тој не е слободен маж, па јасно поставува граница. Но, разумот е едно, а неверојатната конекција и неодолива привлечност помеѓу нив нешто сосема друго… Кога ситуацијата почнува да излегува од контрола во еден нејзин момент на слабост, Марија ја искористува деловната можност и заминува во Италија, за да побегне што подалеку од него, и од болката која тлее во неа цели 18 години и овој пат ѝ се заканува целосно да ја скрши.

    Wishlist
    Совршен допир од: Ана Антовска 350 ден
  • img-book
    Таа ќе склучи договор со најлошото момче на факултетот…
    Хана Велс конечно наоѓа некој кој ја возбудува. Но и покрај тоа што е многу самоуверена на секое друго поле во нејзиниот живот, носи огромен товар кога станува збор за сексот и заведувањето. Ако сака да му го привлече вниманието на типот кој ѝ се допаѓа, ќе мора да излезе малку од својата комфор зона и да го натера да ја забележи. Па дури и по цена да мора да му помага во учењето на иритантниот, арогантен капитен на хокеарскиот тим во замена за фиктивно рандеву.
    …и ќе биде страаашно добро.
    Животната желба на Гарет Грахам е професионално да игра хокеј по дипломирањето, но расипаниот просек на неговите оценки претставува закана за сѐ за што напорно се трудел цел живот. Па затоа не му е проблем да прифати да ѝ помогне на една саркастична бринета да предизвика љубомора кај друг тип – подготвен е на сѐ за да си ја осигура позицијата во тимот. Но кога еден неочекуван бакнеж води до најлудиот секс во нивните животи, Гарет брзо сфаќа дека нема да се задоволи со преправање и глумење. Едноставно мора да ја убеди Хана дека човекот што го бара е тој.
    Wishlist
    Договорот од: Ел Кенеди 450 ден
  • img-book
    Ако секоја приказна има две страни, значи едниот секогаш лаже.
    Џек: Има неколку збора кои можат да ја опишат мојата сопруга. Прекрасна. Амбициозна. Неспособна да прости.
    Ана: Мене ми е доволен само еден збор за да го опишам мојот сопруг. Лажливец.
    Ана конечно го има она што долго го посакува. Со многу напорна работа за да стане главната водителка на вести во BBC, со многу направени жртви во поглед на пријателите, семејството, па дури и сопругот – кој сега веќе ѝ е бивши сопруг. Па кога некој станува закана за работата од нејзините соништа, таа е подготвена речиси на сѐ за да не ја изгуби. Кога ја испраќаат да оди да известува за убиство во Блекдаун – малото мирно гратче каде што пораснала – таа не сака. Но се покажува дека жртвата е нејзина пријателка од детството па нема избор. Наскоро таа не е само новинар кој известува за приказната, туку е во сржта на истата.
    Детективот Џек Харпер е сомничав за инволвираноста на Ана во случајот. Но и тој крие нешто и не кажува дека ја познавал жртвата, сѐ додека не почне да сфаќа дека и самиот станува осомничен во сопствената истрага. Еден од нив двајцата знае повеќе отколку што признава. Некој не ја кажува вистината… Тој и таа е брз, комплексен и мрачен трилер кој ќе ве тера да погодувате кој е виновникот до самиот крај.
    Wishlist
    Тој и таа од: Алиса Фини 550 ден
  • img-book

    Тој е осуден убиец во затвор… но таа не се плаши од него.

    Новинарката Софи Алтон го истражува исчезнувањето на млада мајка, Меган, која неодамна е пуштена на условно и сега бега од властите со нејзината ќеркичка. Потрагата ја води Софи до братот на Меган, Марк, осуден убиец – и воедно човекот со кого таа има поминато една незаборавна ноќ пред дванесет години.

    Осуден на живот во затвор, Марк ја користи Софи да побегне за да може да ја најде сестра си и да ја заштити од монструмот кој ја гони. Софи знае дека треба да се плаши од Марк. Но сѐ уште премногу добро се сеќава на жестината и страста во неговите допири, дури и по толку време.
    Заедно следат опасна трага додека многу луѓе од двете страни на законот прават сѐ што е во нивна моќ да ги спречат Софи и Марк во пронаоѓањето на Меган… и откривањето на вистината за минатото.
    Wishlist
    Забранет допир од: Памела Клер 450 ден
  • img-book

    АКО ТОЈ МИСЛИ НА ВАС… МРТВИ СТЕ.

    Една чудна несреќа во рурален Вајоминг води до апсење на човек за потенцијално двојно убиство, но понатамошната истрага упатува на многу пострашно откритие – сериски убиец кој киднапирал, измачувал и масакрирал жртви низ цела Америка најмалку дваесет и пет години. Осомничениот тврди дека тој е само пион во огромен лавиринт од лаги и измами – но дали може да му се верува?

    Случајот веднаш го предаваат на ФБИ, но овој пат тие се принудени да побараат надворешна помош. Го бараат Роберт Хантер, кој е поранешен психолог за криминално однесување и главен детектив во одделот за Ултра насилни злосторства, да направи низа интервјуа со уапсениот човек. Овие интервјуа почнуваат да откриваат ужасни тајни кои никој не би можел да ги предвиди или очекува, вклучувајќи го и вистинскиот идентитет на убиецот, кој е толку внимателен што никој, па дури ни ФБИ, немал поим дека постои… сѐ досега.

     

    Wishlist
    5 out of 5
    Злотвор од: Крис Картер 490 ден