-
Танци со коски
0550,00 ден„Секогаш имате избор. Запрашајте се дали вреди за тоа што ќе го добиете.“
Навидум едноставна приказна за еден несреќен патологанатом. Северин не го ценат на работа и малку го плаќаа; во личниот живот му се случува нешто неразбирливо, а самодовербата му е на нула. Кога ќе се најде практично на дното, ја прифаќа можноста да заработи.
Предлогот не е сосема легален и тешко може да се очекува нешто добро од пазарот на трансплантација на органи, но примамливата помисла конечно да си го обезбеди животот е посилна од сомнежот. На крајот на краиштата, треба да земе само мала „ситница“ од веќе починати луѓе на кои тоа повеќе не им е ни потребно. Засега од починати. Засега ситница.
Чекор по чекор, одлука по одлука, Северин постепено се менува – од пренебрегнат човек што спасот го бара во алкохолот, за првпат почнува да чувствува самодоверба. А со неа расте и неговата неспринципиелност.
Откако еднаш ќе изврши злосторство, второто и третото доаѓаат многу полесно… Тоа што до вчера го сметал за недопустливо, станува негова нова норма.
Дали е способен да запре? И колку далеку може да оди човек што еднаш ја преминал границата?
-
Меморија на водата
0470,00 денПо Векот на самракот, светот повеќе не е онаков каков што го знаеме. Бурите ги распарчиле континентите, мразот на половите е стопен, а кинескиот Нов Киан владее со Скандинавија. По еколошката катастрофа предизвикана од нафтените војни, најдрагоцениот ресурс во новата реалност е водата – и злосторствата со крадење вода се плаќаат со глава.
Во тој посттехнолошки свет, седумнаесетгодишната Норија Каитио станува мајстор за чај – угледна позиција што доаѓа со огромна одговорност и добро чувана тајна: каде се наоѓа скриениот извор на свежа вода. По распаѓањето на нејзиното семејство, Норија мора да одлучи дали ќе го следи таинствениот пат на своите предци или ќе тргне на забранетото истражување на изгубените земји со својата пријателка Сања, во потрага по одговори и спас.
Оваа дистопична, моќна и поетски напишана приказна ни доближува реалност што, за жал, не се чини предалечна ниту неостварлива. Ова е книга што долго ќе ви ги опседнува мислите.
-
Меморија на водата (Е-КНИГА)
0470,00 ден📱 Е-КНИГА | ДИГИТАЛНО ИЗДАНИЕ (EPUB)
Внимание: Ова е електронско, а не печатено издание на книгата. По успешното купување добивате линк за преземање на книгата во EPUB формат, наменет за читање на телефон, таблет или компатибилен е-читач.
По Векот на самракот, светот повеќе не е онаков каков што го знаеме. Бурите ги распарчиле континентите, мразот на половите е стопен, а кинескиот Нов Киан владее со Скандинавија. По еколошката катастрофа предизвикана од нафтените војни, најдрагоцениот ресурс во новата реалност е водата – и злосторствата со крадење вода се плаќаат со глава.
Во тој посттехнолошки свет, седумнаесетгодишната Норија Каитио станува мајстор за чај – угледна позиција што доаѓа со огромна одговорност и добро чувана тајна: каде се наоѓа скриениот извор на свежа вода. По распаѓањето на нејзиното семејство, Норија мора да одлучи дали ќе го следи таинствениот пат на своите предци или ќе тргне на забранетото истражување на изгубените земји со својата пријателка Сања, во потрага по одговори и спас.
Оваа дистопична, моќна и поетски напишана приказна ни доближува реалност што, за жал, не се чини предалечна ниту неостварлива. Ова е книга што долго ќе ви ги опседнува мислите.
-
Невестата (Е-КНИГА)
0550,00 ден
Е-КНИГА | ДИГИТАЛНО ИЗДАНИЕ (EPUB)Внимание: Ова е електронско, а не печатено издание на книгата. По успешното купување добивате линк за преземање на книгата во EPUB формат, наменет за читање на телефон, таблет или компатибилен е-читач.
Сусана Макаја, девојка со ромско потекло, но одгледувана како Шпанка, исчезнува по нејзината моминска забава, а нејзиното тело го наоѓаат по два дена. Нејзиното убиство би било само уште едно обично убиство да не е фактот дека жртвата била малтретирана, врз неа бил извршен ужасен ритуал и дека сестра ѝ ја доживеала истата судбина пред седум години. Убиецот на Лара отслужува казна затвор, така што постојат само две можности: или некој го имитира модус операнди на убиецот или невин човек лежи во затвор.
Инспекторката Елена Бланко, која го води случајот, останува во служба на полицијата затоа што не може да го заборави нерешениот случај што ја прогонува целиот нејзин живот.
Во истрагата, Елена мора да навлезе во животите на двете девојки со ромско потекло, кои ја отфрлиле традицијата за полесно да се вклопат во општеството, и да открие кој сакал да им се одмазди на толку суров начин.
-
Невестата
0550,00 денСусана Макаја, девојка со ромско потекло, но одгледувана како Шпанка, исчезнува по нејзината моминска забава, а нејзиното тело го наоѓаат по два дена. Нејзиното убиство би било само уште едно обично убиство да не е фактот дека жртвата била малтретирана, врз неа бил извршен ужасен ритуал и дека сестра ѝ ја доживеала истата судбина пред седум години. Убиецот на Лара отслужува казна затвор, така што постојат само две можности: или некој го имитира модус операнди на убиецот или невин човек лежи во затвор.
Инспекторката Елена Бланко, која го води случајот, останува во служба на полицијата затоа што не може да го заборави нерешениот случај што ја прогонува целиот нејзин живот.
Во истрагата, Елена мора да навлезе во животите на двете девојки со ромско потекло, кои ја отфрлиле традицијата за полесно да се вклопат во општеството, и да открие кој сакал да им се одмазди на толку суров начин.
-
Љубовен експеримент во Њујорк (Love Deception #2)
0590,00 денРоузи Грахам има проблем. Всушност, неколку. Неодамна ја напушти одлично платената работа за да може да се сосредоточи на тајната кариера како автор на љубовни романи, но му нема кажано на семејството, а сега е западната во креативна криза. Згора на тоа, таванот од станот за малку ќе ѝ се срушеше врз глава. За среќа, го има резервниот клуч од станот на Лина, нејзината најдобра пријателка, па се вселува во него додека таа е на пат. Само што Роузи не знае дека Лина веќе му има дадено клуч и на нејзиниот братучед, Лукас, истиот оној братучед што таа го демне на Инстаграм. На нејзино изненадување, Лукас ѝ предложува да живеат заедно додека го реновираат нејзиниот стан.
Лукас е решен да ја игра улогата на шпански витез, само што наместо сјаен оклоп, тој носи пешкир околу половината, има разоружувачка насмевка и неодолив нагласок. А, да, и умее да готви. А кога ќе дознае за креативните маки на Роузи ѝ предложува скандалозен експеримент за да ѝ се врати писателската инспирација. Роузи нема што да изгуби. Нејзината глупава занесеност по него ја има наполно под контрола, но на престојот на Лукас во Њујорк му се ближи крајот, а Роузи воопшто не е убедена дека шест недели се доволни за да се справи со крајниот рок и – со себеси.
-
Те сака, мама
0590,00 ден„Секој е способен за ужасни работи. Само зависи колку му е лош денот.“
Мекензи Каспер е исклучителна ученичка, но сите секогаш ја поврзуваат со нејзината мајка – светски позната писателка на бестселери чии мрачни и изопачени трилери имаат огромен број обожаватели низ целиот свет. Кога мајка ѝ ненадејно загинува, обожавателите тагуваат, а истражителите се прашуваат дали нејзината смрт навистина била несреќа. На денот на погребот, Мекензи добива мистериозен плик во кој наоѓа страници од дневникот на мајка ѝ, кои почнуваат со зборовите:
Сакаш да дознаеш една тајна?
Те сака, мама.Содржината ја шокира… но наскоро ѝ пристигнува второ писмо. И трето. Мекензи започнува сопствена истрага и разоткрива тајни со кои нејзиното семејство живеело со години. Набрзо почнува да сфаќа дека патот на мајка ѝ до славата бил исполнет со злокобни лаги кои можеби ја стигнале. Понекогаш за славата вреди да се убие. Или уште полошо. Мекензи ќе открие дека постојат и полоши работи од убиство…
-
Најпрекрасното злосторство на годината
0570,00 денЗапознајте ги Меги Чејс и Итан Вајат – новата кралица на мистеријата и мајсторот на трилерите. Таа го мрази од дното на душата, а тој мисли дека нејзиното име е Марси (иако таа постојано го поправа). Кога и двајцата ќе ја прифатат мистериозната покана од нивниот таен обожавател да го поминат Божиќ во Англија, никој од нив не очекува нивниот домаќин да биде најпознатиот автор во светот: Еленор Ешли, Војвотката на смртта.
На три дена пред Божиќ, надоѓа снежна бура, а следното утро Еленор ја нема. Исчезнала од заклучена соба. Меги почнува да се прашува дали Елеонор е во опасност или ова е некаков тест. Дали Итан е нејзин соперник или е единствената личност меѓу сомнителните гости на имотот покриен со снег на која може да ѝ верува?
Додека снегот продолжува да вее, телефоните не работат, а напнатоста расте, секоја трага ги доближува Меги и Итан до вистината, а нивното соперништво се претвора во неочекувано партнерство. Бидејќи овој Божиќ, двајцата мора да станат сојузници (а можеби и нешто повеќе) ако сакаат да ја спасат Елеонор.
Освен ако прво не се убијат меѓу себе…
-
Нашиот најубав Божиќ
0520,00 ден„За Божиќ, чудата го осветлуваат небото над Шкотските Висорамнини.”
Гејл Мичел, брилијантната и амбициозна бизнисменка, со години се наоѓа во зенитот на кариерата, но по цена на односот со своите ќерки. По ненадејното соочување со сопствената смртност, ги контактира со неочекувана покана: повторно да го поминат Божиќ заедно – за првпат по пет години.
За сестрите Саманта и Ела Мичел, Божиќ е најубавиот период во годината, време кое го поминуваат во смеа и веселба, обидувајќи се да ги надоместат топлината и магијата што им недостигале на празниците додека растеле. Годинава, додека Ела се приспособува на животот како мајка, а Саманта се надева да постигне деловна зделка за куќата во којашто ќе го поминат празникот, двете сестри решаваат да ја прифатат мајчината покана.
Додека снегот непрестајно паѓа, се разоткриваат стари тајни, се разгоруваат нови познанства и жените од семејството Мичел се принудени да се соочат со вистините што предолго ги избегнувале. Заедно мора да научат дека патот до прошката ретко е без пречки, но понекогаш, еден Божиќ може да смени сè.
-
Божиќната колиба
0520,00 ден„Таков е животот, нели? Се трудиш да го извлечеш најдоброто од добрите делови, а со лошите се справуваш колку што можеш подобро.”
Имоџен е маркетиншки гениј, но иако нејзиниот имиџ на одличен професионалец е вистински, среќните приказни од детството што ги раскажува се исто толку измислени колку и нејзиниот наводен ентузијазам за Божиќ. Работењето деноноќно и без одмор отсекогаш било нејзиното решение за преживување на празничната сезона, сè додека исцрпеноста не ја натера да направи катастрофална грешка.
Имоџен е принудена да земе еден месец одмор од работа, но за среќа, нема да мора да остане во бедното станче во Лондон и да размислува за својот тажен живот. Дороти, нејзината омилена клиентка, ја поканува да престојува во нејзината Божиќна колиба во Котсволдс. Куќичката е совршено прибежиште и Имоџен брзо се навикнува на идиличниот селски живот, особено кога деновите ги минува со енергичниот ретривер и шармантниот ветеринар.
Но кога тајните од минатото ќе ѝ го нарушат мирот, дали Имоџен ќе остане сама за Божиќ или сепак ќе успее да им прости на оние што ѝ згрешиле?
-
Крадецот на бакнежи
0590,00 ден„Можеби сум чудовиште. Најпосле, се појавувам ноќе за да си играм. Но истото го правиш и ти, малечка. И ти си дел од темнината.”
Ќерката на шефот на чикашкото подземје, деветнаесет-годишната Франческа Роси животот го минува во позлатен кафез потчинувајќи се на семејната традиција и обичаите. Иднината ѝ е јасно исцртана: не ја чека факултет, туку договорен брак со симпатијата од детството, Анџело Бандини, наследникот на едно од најмоќните мафијашки семејства. Во текот на ноќта на нејзиното претставување пред општеството, Франческа е подготвена да му го понуди својот прв бакнеж на Анџело, но под превезот на мракот, суровиот сенатор Вулф Китон ја измамува и ѝ го краде, заедно со нејзината слобода.
Принудена да се омажи за Вулф, сиот нејзин свет се распаѓа. Сенаторот го отелотворува сето она што младата жена го презира кај мажите: тој е арогантен, безмилосен женкар, кој кова планови против нејзиното семејство. Сепак наскоро ќе открие дека под оклопот на цинизам и суровост што Волф Китон го носи околу себе, се крие многу, многу повеќе.
Единствената желба на Франческа е да се врати во прегратките на Анџело, а единствената цел на Вулф е одмазда. Но можеби и двајцата ја потценуваат моќта на своите чувства еден за друг.
-
21 Начин да умреш
0420,00 денКолку брзо може да ти се урне сиот свет?
Во еден момент, Стела е едно од најпопуларните девојчиња во класот, а во следниот таа е отфрлена, понижена и исклучена од групата која порано ја водеше.
Кога караницата со нејзината најдобра другарка Амалие излегува од контрола, Стела станува мета на неумоливо малтретирање. Малтретирање преку Фејсбук, по пораки, со сурови видеа на Јутјуб, на страницата за омраза што секој ден собира сè повеќе лајкови. Амалие ништо не може да ја спречи во одмаздата. Само Филипа разговара со неа, но… каква е таа другарка што го крие нивното пријателство пред другите?
Додека вознемирувањето станува сè пожестоко, светот на Стела тоне во тишина. Музиката која порано ѝ беше единствениот спас, повеќе не ѝ носи утеха. Никому не му верува, надежта ѝ исчезнува.
Но тука е нејзиниот список – списокот со дваесет и еден начин како да ја запре оваа болка. Со дваесет и еден начин како да умре.
-
21 начин да умреш (Е-КНИГА)
0420,00 ден📱 Е-КНИГА | ДИГИТАЛНО ИЗДАНИЕ (EPUB)
Внимание: Ова е електронско, а не печатено издание на книгата. По успешното купување добивате линк за преземање на книгата во EPUB формат, наменет за читање на телефон, таблет или компатибилен е-читач.
Колку брзо може да ти се урне сиот свет?
Во еден момент, Стела е едно од најпопуларните девојчиња во класот, а во следниот таа е отфрлена, понижена и исклучена од групата која порано ја водеше.
Кога караницата со нејзината најдобра другарка Амалие излегува од контрола, Стела станува мета на неумоливо малтретирање. Малтретирање преку Фејсбук, по пораки, со сурови видеа на Јутјуб, на страницата за омраза што секој ден собира сè повеќе лајкови. Амалие ништо не може да ја спречи во одмаздата. Само Филипа разговара со неа, но… каква е таа другарка што го крие нивното пријателство пред другите?
Додека вознемирувањето станува сè пожестоко, светот на Стела тоне во тишина. Музиката која порано ѝ беше единствениот спас, повеќе не ѝ носи утеха. Никому не му верува, надежта ѝ исчезнува.
Но тука е нејзиниот список – списокот со дваесет и еден начин како да ја запре оваа болка. Со дваесет и еден начин како да умре.
-
Ловејќи го злотворот (Robert Hunter #10)
0550,00 денСекоја приказна си има свој крај.
Тој е најопасниот и најсуровиот сериски убиец со кој ФБИ некогаш си имал работа. Поседува исклучителна самоконтрола, широко познавање на криминалната психологија и искуство со хипноза. По три години поминати во затвор со максимално обезбедување, тој успева да избега. И е многу, многу бесен. Во својата ќелија веќе ја испланирал одмаздата до последен детаљ. Сега е време да ја спроведе. Да ја натера личноста одговорна за неговото апсење да страда. Да ја принуди да учествува во игра во која нема шанси да победи.
А таа личност е Роберт Хантер, неговиот некогашен пријател и цимер од студентските денови. Двата најсјајни ума во историјата на „Станфорд“ повторно се среќаваат…
-
Алјаска
0370,00 денМоќна приказна за двајца необични пријатели кои ги спојува љубовта кон едно куче.
Свен е решен: на првиот училиштен ден ќе направи нешто големо, нешто незаборавно. Фора што ќe ги спречи соучениците да го гледаат само како „кутрото момче со епилепсија“.
Паркер, пак, сака да остане незабележлива. По најлошото лето во нејзиниот живот, не верува никому. Но по завршувањето на првиот училиштен ден, открива нешто неверојатно: новото куче помошник на Свен е Алјаска – кучето што порано беше нејзино. Кога го здогледува во негово друштво, ѝ се враќаат сите убави спомени од времето што го поминале заедно. Очајно сакајќи повторно да биде со Алјаска, една ноќ Паркер се маскира и се прикрадува во собата на Свен… Во превезот на мракот, децата си ги споделуваат тајните и стануваат пријатели. Но прекуден тие се туѓинци – и двајцата ја кријат својата болка, копнеејќи по друштво и разбирање.
„Алјаска“ е трогателен роман за болката, храброста и исцелувачката моќ на пријателството. Приказна што ги разоткрива предизвиците со кои се соочуваат младите при созревањето, товарот што секој од нив го носи во душата и пријателството што може да расцвета и во најнеочекувани околности.
-
Алјаска (Е-КНИГА)
0370,00 ден📱 Е-КНИГА | ДИГИТАЛНО ИЗДАНИЕ (EPUB)
Внимание: Ова е електронско, а не печатено издание на книгата. По успешното купување добивате линк за преземање на книгата во EPUB формат, наменет за читање на телефон, таблет или компатибилен е-читач.
Моќна приказна за двајца необични пријатели кои ги спојува љубовта кон едно куче.
Свен е решен: на првиот училиштен ден ќе направи нешто големо, нешто незаборавно. Фора што ќe ги спречи соучениците да го гледаат само како „кутрото момче со епилепсија“.
Паркер, пак, сака да остане незабележлива. По најлошото лето во нејзиниот живот, не верува никому. Но по завршувањето на првиот училиштен ден, открива нешто неверојатно: новото куче помошник на Свен е Алјаска – кучето што порано беше нејзино. Кога го здогледува во негово друштво, ѝ се враќаат сите убави спомени од времето што го поминале заедно. Очајно сакајќи повторно да биде со Алјаска, една ноќ Паркер се маскира и се прикрадува во собата на Свен… Во превезот на мракот, децата си ги споделуваат тајните и стануваат пријатели. Но прекуден тие се туѓинци – и двајцата ја кријат својата болка, копнеејќи по друштво и разбирање.
„Алјаска“ е трогателен роман за болката, храброста и исцелувачката моќ на пријателството. Приказна што ги разоткрива предизвиците со кои се соочуваат младите при созревањето, товарот што секој од нив го носи во душата и пријателството што може да расцвета и во најнеочекувани околности.