Убиствено шармантен и доволно паметен за да го крие тоа, Кристијан Харпер е монструм во совршено скроен дизајнерски костум како вистински џентлмен. Не се оптоварува со морали, уште помалку со љубов, но не може да негира дека нешто необично го влече кон жената која живее на катот под неговиот. Таа му ги буди најмрачните копнежи, таа е единствената сложувалка што тој не може да ја реши. И кога му се укажува шанса да ѝ се доближи, ги прекршува сопствените правила нудејќи ѝ зделка што знае дека нема да може да ја одбие.

Секој монструм има слабост. А таа е неговата. Неговата опсесија. Неговата зависност. Неговиот единствен исклучок.

Слатка, срамежлива и интровертна и покрај славата на социјалните медиуми, Стела е романтична душа која го чува своето срце во кафез. Благодарение на тоа што работи две работи, нема ниту време, ниту желба за романтична врска. Но опасност од минатото ја втурнува во рацете – и куќата – на најопасниот човек кој го познава, па за првпат по долго време паѓа во искушение да си дозволи да чувствува. Затоа што, иако е ладен, Кристијан прави таа да се чувствува заштитено, страстно, посакувано. Но нивната љубов е полна со тајни и лаги… а кога вистината конечно ќе излезе на површина, може да уништи сѐ.

Тој ја мрази… речиси исто толку колку што ја посакува.

Прекрасниот, арогантен и екстремно успешен доктор Џош Чен, никогаш нема запознаено жена којашто не можел да ја шармира – со исклучок на Џулс Амброуз. Прекрасната црвенокоса го вади од такт уште од денот кога се запознаваат, но истовремено му ги консумира мислите, како ниедна друга претходно. Кога омразата помеѓу нив експлодира во една незаборавна вечер, тој предлага решение со кое се надева дека ќе успее да ја исфрли од глава еднаш и засекогаш: договор за непријатели со бенефиции со едноставни правила. Без љубомора. Без обврски. И апсолутно без вљубување.

Амбициозната и забавна Џулс Амброуз е фокусирана на една работа: да го положи правосудниот испит за да стане адвокат. И ако нешто не ѝ треба во оваа фаза од животот, тоа е некојси арогантен, неподнослив доктор… без разлика колку е згоден. Но колку подобро го запознава, толку повеќе сфаќа дека има нешта кои не ги знаела за човекот кој го мрази толку долго. Нејзиниот непријател. И нејзиниот единствен спас.

Правилата беа прости: да ги држи рацете подалеку од ќерката на неговиот агент и да не запаѓа во неволји. Да биде беспрекорен. А сега е принуден да го дели покривот со неа. И креветот. Но правилата се создадени за да бидат прекршени.

Рет Итон е најпознатиот родео-каубој во Канада и жените го обожаваат. Вистинска суперѕвезда. Или барем до неодамна, пред да биде вмешан во голем скандал што се заканува да ѝ стави предвремен крај на неговата блескава кариера. Агентот настојува да го среди имиџот, па затоа ја праќа ќерка си, Самер, да го следи во чекор до крајот на сезоната.
На Рет не му треба дадилка – особено не толку убава, со припиени панталони и заводлива насмевка, која не умее да си ја држи устата затворена. Прекрасната уста за која тој не може да престане да размислува. Но Самер не е лесен плен, не е уште една цртка во долгиот список со заведени девојки. Таа проникнува зад неговата маска на самоуверен и себичен никаквец, го гледа неговото вистинско лице и нема намера да побегне.
Самер се обидува да не ја пречекори границата, затоа што неговата репутација не би издржала уште еден удар – како и нејзиното срце, кое не би издржало уште болка.
Но Рет е решен да ѝ го освои, колку и да го чини тоа.