-
Сликата што не е на продажба
0400,00 денМиа и Јан. Навидум едноставни и обични, но исправени пред многу предизвици. Приказна за вртлозите на животот кога душата е сместена во две тела, а тие не можат да најдат мир. Дали за да ги победиш тагата и празнината, како две сестри близначки, треба да инсистираш на сопствената замисла за животот и љубовта или исполнетоста може да се постигне и со толеранција и компромис? Подеднакво незадоволни, а среќни?! Нелогично звучи, но дали е (не)возможно? Каде да се најде патот – во единството на спротивностите или во парадоксите на созревањето, кога дури отпосле ќе сфатиш дека довербата одамна не постои, дека си грешел, а сè можело да биде поинаку. Или иднината ќе остане неоткриена, љубовта ќе остане тајна, а зборот ТЕ САКАМ ќе биде погрешно разбран, или постои надеж?! Кој мудрец може да ги посоветува Миа и Јан кога е доволно доцна, а сепак навреме, да го отворат куферот на неостварените желби?
-
Телефонската говорница на крајот од светот
0350,00 денКнигата е инспирирана од вистинска телефонска говорница што се наоѓа во североисточниот дел на Јапонија.
Авторката пишува приказна за жена што ги изгубила своите мајка и ќерка во цунамито во 2011 година и е принудена да патува низ тагата, но и низ животот пред себе. Јуи првпат ќе чуе за „телефонот на ветерот“ додека води разговор на својата радиоемисија. Јавувач, кој исто така изгубил близок во цунамито во 2011 година, раскажува за говорницата преку која гласот му го предаваш на ветерот и тој го пренесува отаде овој свет.
Моќен и трогателен, внимателно напишан и предизвикувачки роман. Месина пишува јасно и воздржано, со способност да открие многу во само неколку реда.
Во книгата владее мир и тишина, и тоа на секое движење му дава уште поголемо значење. Зборовите имаат тежина и се чини дека нема реченица што е вишок. Приказната на Јуи трогнува, возбудува и го грее срцето – сè во иста мера.
„Телефонската говорница на крајот од светот“ е преведен во повеќе од дваесет држави и секаде се сместува на врвот на топ-листите. Во тек се преговори за продажба на филмските права.
-
Нишки до срцата
0300,00 денНаташа Брезовска-Богоевска не ѝ е непозната на македонската читателска публика досега, во својот творечки опус веќе има повеќе дела поезија и проза како за деца така и за возрасни, а повеќе пати нејзините раскази биле наградувани и забележувани како драгоцен придонес кон македонската белетристичка литература. Во оваа збирка раскази таа се пројавува како мајстор на кусиот прозен жанр, а големиот опус раскази зборува за нејзината посветеност на секој внимателно избран збор, лапидарноста на изразот зборува за високата креативност на авторката: со малку зборови
да каже многу, да погоди токму во срцата и на пребирливата читателска публика и со интерес да се очекува секое нејзино следно остварување.
Нејзините раскази „Кукли“, „Спомени“, „Преку океанот“, „Спасување“ и многу други издишуваат човечки топол здив што е чуен и восприемлив за секој вистински читател, обременети со пораките: Назад кон природата!; Семејството е света работа!; Љуби го ближниот свој!; Верувај во моќта на љубовта! итн. На мошне сликовит и колоритен начин ни ги доближува токму овие трајни човечки вредности, кои не губат смисла и во овие луди времиња и зборуваат дека само со вистинска верба и истрајност се стигнува до вистината и токму тие моменти на топлина и грижа од најблиските се вистинска среќа за секој човек и сите животни несреќи и предизвици полесно се пребродуваат со вербата во доброто. Со секој нејзин расказ извира по една нишка до срцето на читателот.
Авторката верува во човекот, верува во неговата добрина, во неговата верба дека доброто со добро се враќа, па да ѝ веруваме и ние дека овие топли животворни редови се дел од нејзиното богато животно искуство, кое на најдобар можен начин го преточила во литературно дело вредно за читање и за паметење.
Проф. д-р Снежана Петрова-Џамбазова -
Круг
0400,00 денПоследниот роман на Меша Селимовиќ се навраќа на неговата доминантна тема: човековиот егзистенцијализам.
„Круг“ почнува со тоа што главниот јунак Владимир ја спознава вистината за Младен, постариот брат кој загинал во 1944 година. Младен е прогласен за херој на Револуцијата, но со тоа во смрт ги повлекол и таткото и мајката. Но само Младен е интересен за заедницата. Владимир, иако е брат на херој и единствен преживеан член во семејството, не е повикан на свечноста за отворање спомен-музеј во нивната родна куќа. Лут поради овој потег на партиските другари, ја напушта работната акција. Од тој момент во него почнува да се раѓа сомнеж во Партијата и во Револуцијата, а пред читателот се простира цела галерија ликови преку кои се изразуваат политичките, социјалните и културните контрасти на времето.
Во општествениот план на романот е пролетерското општество и бунтот на идеалната совест на Владимир против владејачката хиерархија, идеолошкиот опортунизам и против предавството на поранешните револуционери.
Во сето ова е испреплетена и љубовна приказна преку која Селимовиќ уште еднаш го покажува своето врвно мајсторство за прикажувањето на внатрешната состојба на ликовите и меѓучовечките односи.
Иако формално недовршен, по својата структура и поетичка компактност, „Круг“ функционира како заокружена прозна целина.
-
Сè што изгубивме во огнот
0350,00 денДванаесет раскази во кои вешто се спојува аргентинското секојдневје, обликувано од крвавите траги од суровоста, грабнувањата и убиствата во бурното минато, со натприродните елементи.
Во книгата се распостилаат моќни приказни за патолошки личности, сериски убијци, мајка што го продала детето за да преживее, туристи што ги посетуваат местата на најтешките злосторства за разонода, ќе прочитаме за животот на луѓето во опасните и бедни квартови, полициската бруталност, за локалните празноверија и обичаи.
Последниот расказ, по кој воедно е и насловена книгата, ја раскажува историјата на група жени што решиле да се самозапалaт откако други жени загинале фрлени во оган од своите партнери. Инспирација е вистинскиот случај на фемицид на Ванда Тадеи, која починала неколку дена откако сопругот ја запалил.
Расказите не даваат одговор за судбината на ликовите, читателот не дознава кој е човекот што наведува една девојка да се самоповредува, што се случи со девојката што ја одведе напуштената куќа, кое е момчето со крвави заби што седи на креветот или каков е тој порив на жените за самозапалување како порака кон заканата од насилство. Се чини дека светот едноставно има потреба од жртви
-
Островот на исчезнатите дрвја
0500,00 денЛегендите постојат за да ни го раскажат она што историјата го заборавила.
Во 1974 г., на островот Кипар, Гркот Костас и Турчинката Дефне кришум се среќаваат во меаната Среќна смоква среде која се извишува едно дрво – сведок на војната што се разгорува на островот и на неговата поделба, кога младите се принудени да се разделат.
По дваесетина години Костас се враќа во Никозија како успешен ботаничар и ја наоѓа својата изгубена љубов. Заминуваат за Лондон, со едно гранче од старата смоква… По 16 години, соочена со загубата на мајка си, нивната ќерка очајно трага по одговори. А единствената врска што ја има со земјата на своите предци е смоквата во дворот и една неочекувана гостинка за новогодишните празници. Со своите вкусни кипарски рецепти, бучен карактер и топлина, таа го извлекува семејството од зачмаеноста и ги расветлува годините на тајни, разделби и тишини.
Раскошна, магична приказна за припадноста и идентитетот, љубовта и траумата, сеќавањето и заборавот, уништувањето на човештвото и природата, и најпосле, за обновата и зацелувањето.
„Прекрасен и трогателен роман за мрачните тајни на граѓанските војни и злата на екстремизмот: Кипар, љубовници од различни вери, оштетени деца, откоренување – и замислете, еден од ликовите во книгата е смоква!“
Маргарет Атвуд, Твитер
-
Приказни од кафулето
0380,00 денГодишните времиња се движат во круг. Исто и животот. Минува низ тешки зими, но на крајот, секогаш доаѓа пролет.
Не можеме да видиме што навистина се крие во срцето на другиот. Кога тонеме во своите грижи, стануваме слепи за чувствата на најблиските. А кога конечно ќе се разбудиме, посакуваме да ги смениме нештата. Што ако навистина постои место во кое можеме да се вратиме во времето?
Во приказната на Тошиказу Кавагучи постои едно кафуле во кое можеме да се вратиме во времето. Но притоа мораме да следиме неколку правила, инаку патувањето може да заврши фатално. Најзначајно е дека треба да се вратиш во сегашноста пред да се излади кафето и дека не смееш да го менуваш минатото. Дали е разумно да се враќаш во времето ако не можеш да го промениш?
Во оваа книга ќе сретнеш неколку ликови кои го прифаќаат предизвикот. Тие ќе те премислат. Ќе ти откријат дека враќањето во времето навистина има смисла, дури и ако подразбира само одново доживување на истиот миг. На крајот, ќе видиме дека во тоа е и суштината – да го живееме секој миг како да нема да се повтори никогаш повеќе.
„Ретко се среќаваат вакви приказни кои завршуваат со искрени солзи радосници.“
Њујорк тајмс
-
Интимен живот
0400,00 денПред нас се открива животот на Марија Кристина, прекрасната четириесетгодишна поранешна манекенка и сопруга на актуелниот премиер на Италија.
Според медиумите и социјалните мрежи, таа е најубавата жена на светот, иако животот не ѝ бил секогаш лесен и претерано наклонет. На почетокот како читатели ја мразите оваа жена, затоа што е привилегирана, убава и богата, но како што се одмотува приказната, сфаќате дека почнувате да ја сожалувате. И дека веќе сте ја засакале. Марија Кристина е жртва на консументското општество, гладно за афери и за скандали, кое е спремно да ја проголта, но таа наоѓа сила и храброст да му се спротивстави и да не подлегне на подлите закони на медиумската тортура. Нејзиниот „интимен живот“ е драматичен, збунувачки и застрашувачки, но разоткриен во сета негова веродостојност и убедлива автентичност. Аманити повторно се претставува како мајстор на општествената сатира, и тоа на онаа најактуелната, поврзана со феномените на инстант културата, социјалните мрежи, стереотипите и нивните разобличувања.
-
Психопорно
0400,00 ден„Психопорно“ е збирка од кратки раскази, целосно напишани во динамичен дијалог.
Како што кажува и самиот наслов, во делото се прикажуваат сексуалноста, нејзината духовна и трансцедентална димензија. Во расказите буквално се разглобува сексуалноста, дел по дел. Пред читателот се открива длабинско истражување на човековата внатрешнотст. Ова се разговори што се состојат од изјави без заобиколувања, без одбирање „суптилни“ зборови и понекогаш ја доведуваат дискусијата меѓу ликовите до самата срж.
Даворин Ленко е вистински мајстор на дијалогот, кој успева да исцрта сцени без премолчување, а истовремено создава расположение на комплексни, ранети или „ѕверски“ харизматични ликови. Со оваа шокирачка книга тој отвора ново поглавје од својот литературен опус и го подигнува нивото на читателските очекувања.
-
Не одам никаде
0350,00 денКратки, презицни и напнати, овие раскази се експлозија од емоции. Шокираат, растажуваат и вознемируваат, но знаат и да насмеат.
Географскиот и внатрешниот егзил е главниот поттик за конфликтите на овие ликови, заедно со сите наметнати очекувања што ги отежнуваат меѓучовечките односи. Обременети од притисоците на западниот свет, од потценувањето на нашата македонска и балканска реалност, тие не можат да избегаат од своите комплекси, каде и да одат.
Сложените проблеми не можат да имаат едноставни расплети, но можат да кријат зачеток за нивно разрешување. „Не одам никаде“ е совршена книга за да ги помести читателите од нивната умствена вкочанетост.
„Бужаровска е искучително талентирана, модерна и учена раскажувачка, која пораснала со влијанието на американските раскази. Има невообичаено читлив и заводлив стил, дури и кога обработува мрачни теми. Човек лесно би си помислил дека е наследничка на Ани Ерно, решена да стане некој и нешто, иако веќе е она што посакува да биде.“
Дубравка Угрешиќ
-
Зошто ме тргаш од ѕвездите?
0280,00 денКнигата „Зошто ме тргаш од ѕвездите?“ од Леонардо Змајшек е симпатично четиво за зреењето, растењето, за сите дилеми, болки и радости што ги носи периодот на адолесценцијата.
Со нескриена младешка енергија, со уште поотворена тинејџерска
љубопитност и желба за сознавање, расказите на Леонардо откриваат
еден лик и многу негови внатрешни гласови или обратно, мноштво
ликови, а еден доминантен глас што раскажува.
Леонардо, можеби и ненамерно, но секако интересно, си поигрува и
со елементите на научната фантастика, креирајќи ликови или суштества кои во себе или околу себе носат енигма на мистичност, на чудесна интервенција од некој или нешто непознато.
Текстовите откриваат и автор кој е упатен и пасиониран читател, со
силно влијание од митологијата, од епската фантастика, од трилерот
како литература или неговата екранизација.
Дел од расказите лесно би можеле да бидат адаптирани за стрип,
филм или видеоигра.
Леонардо Змајшек пишува искрено, емотивно, со силна страст за
метафори, градење слики и цели лични светови. Неговата книга и
емотивниот вртлог во неа, за повозрасните читатели може да биде
и силна шлаканица или одговор на прашањето каков свет им оста
ваме на нашите деца -
Проектот Автентичност
0500,00 денШто би се случило кога сите би ја кажувале вистината?
Приказна за една обична бледозелена тетратка која ги менува животите на неколку ликови откривајќи им вредни животни лекции.
Џулијан Џесоп е осамен ексцентричен уметник кој верува дека луѓето никогаш не се целосно искрени. Прашувајќи се што би се случило кога сите би ја говореле вистината, својата ја запишува во обична бледозелена тетратка што ја остава во еден мал ресторан. Кога ќе ја најде, Моника решава да му помогне на Џулијан да ја преброди осаменоста и организира курс по сликање. А потоа ја раскажува својата животна приказна и ја остава тетратката во блискиот вински бар.
Моника и Џулијан не можат ни да претпостават колку нивната искреност влијае врз сите кои ќе ја пронајдат тетратката и на кој начин таа ќе им го промени животот. Еден по еден, тие ја споделуваат сопствената приказна – чин што носи слободување, им ги открива скриените потенцијали и безбројните можности што ги нуди животот.
„Топла книжевна прегратка, книга која несомнено ќе ве расположи.“
Вашингтон пост
„Топла и нежна приказна за придобивките од храброста да се покаже своето вистинско лице со сите несовршености.“
Пипл
-
Мојот маж
0350,00 денЕдинаесет жени отворено и без никакви задршки зборуваат за своите сопрузи. Секојдневните ситуации докажуваат колку може да биде тежок животот во заедница. А ставовите за брачниот живот кажуваат многу и за нас како личности.
Тешки партнери и уште потешки карактери. Румена Бужаровска ги посочува/оцртува/назначува социјалните и интимните граници што ги имаме со сопружниците. А кога ќе се крене тепихот под кој е насобрано сè што било премолчувано со години, од нас избликнува и долгопотиснувата горчина.
Иронична и трагикомична, брачната баналност во својата срцевина го содржи она што се нарекува живот, а што некои од нас дури и навистина го живеат.
„Бужаровска никогаш не е цинична, зашто секогаш меѓу редовите ја открива битката што сите сме принудени да ја водиме со себеси.“
„Фалтер“
-
Оние што си заминаа и оние што останаа
0430,00 денМајка! Колку моќно звучи тоа. На овој свет веројатно нема ништо посилно од мајчинството. Дури ни оние што заминале од своето родно место, во потрага по подобар и поудобен живот, далеку од своето огниште не можат да ја раскинат оваа врска. Луѓето постојано се во потрага по поубава средина, може да се каже отсекогаш и од секаде. Но, во седумдесеттите и осумдесеттите години од минатиот век, Исламската револуција предизвикува неверојатен егзодус и иселување на Иранците низ светот. Речиси не останува некое градско семејство, а да не е распарчено и да нема некој од тоа семејство што не заминал од татковината. Од својот дом. Долги години живеат разделени, без можност да се видат или да бидат во некаков контакт. Разделбата е до тој степен, што дури има браќа и сестри што не се разбираат и само варијациите на правописот од нивните презимиња е сè што останало од нивната некогашна цврста врска.
Оваа книга ја раскажува приказната за семејното обединување на мајката и нејзините шест деца со нивните сопружници по триесет години разделба. На почетокот, сите се возбудени, полни со љубов и се запознаваат со новите членови на семејствата. Се сеќаваат на златните денови од нивното детство. Се гостат со вкусните персиски јадења по кои копнеат додека се во странство.
Но, наскоро ќе почнат да се појавуваат несогласувања за политичките и општествените прашања. Тензиите се зголемуваат и тајните ќе испливаат на површината. Оние што заминаа имаат бледи сеќавања на убавите денови од младоста. Оние што останаа имаат замисла дека светот од другата страна е совршен. Ниту двете страни немаат вистинска претстава за животот далеку од нивните очи.
Сега останува само едно нешто што ги врзува двете страни и може да ги натера да зборуваат, да си ги кажат маките и да се обидат да се запознаат одново: Нивната Мајка.Уште еден бестселер на Паринуш Сание, авторката на светски познатите хит-романи „Запишано во ѕвездите“ и „Го сокрив мојот глас“, објавени на македонски јазик во 2017 и 2018 година.
-
ОВИРИУМ – ПОМЕЃУ СВЕТОВИ
0350,00 денТвојот мистериозен пријател ја продолжува приказната – зандана чијшто крај би била неговата слобода.
Прочитај ја и ослободи го.
Во вториот дел од серијалот „Овириум“ ќе отриеме кој е таинствениот наратор што нè запозна со чуварот на Преминот, Смртта. Но и многу повеќе од тоа.
Матеј е исчезнат, небаре земјата го проголтала. Матеа – неговата сестра близначка, се впушта во потрага по него. Таа е нишката која ќе го отплете јазолот на пророштвото. А пророштвото веќе е разнишано. Од страница во страница, постепено откриваме кое е значењето на Матеа – двојничката на Матеј и Носител на Времето, Црвенокосата кралица и големата Оракула каква што нејзиниот свет дотогаш не видел. Ќе отпатуваме на необична планета која крие дел од пророштвото. Ќе ги откриеме чудните доживувања со една цел – каде е Матеј?
Мистерија, одмазда, магични преобразби – сè што треба да има во фантазија која остава без сон.
-
Шинела и други раскази
0400,00 денПрозата на Николај В. Гогољ стои во основите на модерната европската литература, како претходник на Франц Кафка, но и како мајстор на гротеската.
Гогољ живее и твори на преминот меѓу две големи книжевно-историски епохи романтизмот и реализмот, при што неговите дела ги имаат карактеристиките на двата правци. Извршил големо влијание на подоцнежните руски реалисти, но и на модернистите. Иако расказите му се проникнати со типично руска атмосфера, успеал да создаде општочовечки и универзални дела. Гогољ ни укажа на сличностите на нашиот свет со пеколот, на истоветноста меѓу сонот и јавето, на алогичното и баналното како клучни во нашето постоење, на невозможното како возможно и на тенката линија што го дели лудилото од уметноста. Полни со имагинација и безвремени, неговите раскази остануваат свежи и значајни денес исто толку колку што биле во времето кога се појавиле.
Од „Виј“ и „Нос“ до „Портрет“ и „Шинела“, оваа збирка ни ги носи осумте раскази на Гогољ кои се вброени во класичните дела на руската и светската литература.