Филтер по цена
Жанр
  • До дома за Божиќ

    До дома за Божиќ

    0

    Лорен Ричмонд не го сака Божиќ. Не ги сака семејните собири, празничната еуфорија и сите оние очекувања дека во декември светот одеднаш треба да стане посреќно место. Затоа со години успешно ги избегнува празниците дома, уживајќи во својот живот во Калифорнија. Но овој Божиќ сѐ се менува. Нејзиниот брат чека бебе, а Лорен нема срце да гo одбие. Единствениот проблем? Патувањето до Илиноис. Бидејќи таа ужасно се плаши од летање, брат ѝ наоѓа совршено решение: ќе патува со автомобил, во друштво на неговиот најдобар пријател.

    Вил Синклер. Момчето во кое некогаш била безнадежно вљубена. Мажот кого се обидува да го заборави повеќе од десет години.

    Таа сака ред, планови и контрола. Тој живее спонтано, флертува без срам и има насмевка на која сѐ уште е опасно тешко да ѝ се одолее. Пред нив се илјадници километри, бескрајни разговори, неочекувани авантури и едно минато кое никако не сака да остане таму каде што припаѓа. Лорен цврсто верува дека луѓето не се менуваат. А Вил е решен да ѝ докаже дека греши.

    И, можеби најубавиот божиќен подарок не е нешто што те чека под елката, туку некој што цело време го носиш во срцето.

    520,00 ден
    Додај во кошничка
  • Само за Божиќ

    Само за Божиќ

    0

    Лора има совршен план за Божиќ: мир, тишина, вино и празен стан што треба да го чува. Без семејни собири, празнични драми и романтични компликации. Но планот пропаѓа уште во првите пет минути, кога го затекнува сопственикот, Калум, како изгледа од тушот. Целосно гол.

    Пред да закрепне од сплетката, се појавуваат неговите родители, убедени дека таа е мистериозната девојка на нивниот син. По едно недоразбирање, неколку невешти лаги и катастрофално лоши одлуки, Лора завршува на пат кон снежните Шкотски Висорамнини, каде што треба да го помине Божиќ со неговото семејство. Преправајќи се дека е лудо вљубена во човек што практично не го познава.

    Што би можело да тргне наопаку? За почеток, Калум е непристојно привлечен и ужасно забавен. А кога ќе се вмешаат неговата поранешна девојка и најдобриот пријател на Лора, забавата станува уште поголема. Меѓу романтичното патување со ноќен воз, шармантните шкотски пабови и украдените погледи, нивната измислена љубовна приказна почнува да изгледа опасно вистинска.

    Зашто едно е да глумиш дека си вљубен. А сосема друго кога срцето ќе одлучи да престане да глуми.

    550,00 ден
    Додај во кошничка
  • -10% Љубов пред Божиќ

    Љубов пред Божиќ

    0

    „Ако во изминативе неколку дена научив нешто, тоа е дека човек треба да се бори за среќата.”

    По тешкиот развод и непростливото предавство, Џој Канделаро повеќе не може да му се радува на Божиќ, нејзиниот омилен празник. Без размислување купува авионски билет за Канада, очајна да исчезне од познатото опкружување. Кога по неочекуваната несреќа ќе се најде среде дивина, Џој ја зграпчува шансата да исчезне на некое време, да го напушти својот тажен живот и да подише со полни гради.

    Во малото гратче Рејн Вели, наоѓа засолниште во зафрлената куќарка на Даниел О’Ши и неговиот шестгодишен син Боби, кој треба да го дочека првиот Божиќ без мајка си. Повлечен и изгубен во својата тага, Боби зборува само со своето замислено другарче – сè додека не ја запознае Џој. Додека таа им помага на Даниел и Боби да закрепнат, нешто сончево и неочекувано почнува да свети во нејзината душа: кревко ветување за нов почеток. Но ниту во Рејн Вели не е cè така како што изгледа и во еден ненадеен момент, новиот свет на Џој е уништен.

    На бадниковата ноќ исполнета со чуда, невозможни избори и надеж што мислела дека е изгубена засекогаш, Џој мора да собере храброст да се бори за љубовта, семејството и втората шанса што не верувала дека некогаш ќе ја добие.

    Original price was: 450,00 ден.Current price is: 405,00 ден.
    Додај во кошничка
  • -10% Најпрекрасното злосторство на годината

    Најпрекрасното злосторство на годината

    0

    Запознајте ги Меги Чејс и Итан Вајат – новата кралица на мистеријата и мајсторот на трилерите. Таа го мрази од дното на душата, а тој мисли дека нејзиното име е Марси (иако таа постојано го поправа). Кога и двајцата ќе ја прифатат мистериозната покана од нивниот таен обожавател да го поминат Божиќ во Англија, никој од нив не очекува нивниот домаќин да биде најпознатиот автор во светот: Еленор Ешли, Војвотката на смртта.

    На три дена пред Божиќ, надоѓа снежна бура, а следното утро Еленор ја нема. Исчезнала од заклучена соба. Меги почнува да се прашува дали Елеонор е во опасност или ова е некаков тест. Дали Итан е нејзин соперник или е единствената личност меѓу сомнителните гости на имотот покриен со снег на која може да ѝ верува?

    Додека снегот продолжува да вее, телефоните не работат, а напнатоста расте, секоја трага ги доближува Меги и Итан до вистината, а нивното соперништво се претвора во неочекувано партнерство. Бидејќи овој Божиќ, двајцата мора да станат сојузници (а можеби и нешто повеќе) ако сакаат да ја спасат Елеонор.

    Освен ако прво не се убијат меѓу себе…

    Original price was: 570,00 ден.Current price is: 513,00 ден.
    Додај во кошничка
  • -10% Нашиот најубав Божиќ

    Нашиот најубав Божиќ

    0

    „За Божиќ, чудата го осветлуваат небото над Шкотските Висорамнини.”

    Гејл Мичел, брилијантната и амбициозна бизнисменка, со години се наоѓа во зенитот на кариерата, но по цена на односот со своите ќерки. По ненадејното соочување со сопствената смртност, ги контактира со неочекувана покана: повторно да го поминат Божиќ заедно – за првпат по пет години.

    За сестрите Саманта и Ела Мичел, Божиќ е најубавиот период во годината, време кое го поминуваат во смеа и веселба, обидувајќи се да ги надоместат топлината и магијата што им недостигале на празниците додека растеле. Годинава, додека Ела се приспособува на животот како мајка, а Саманта се надева да постигне деловна зделка за куќата во којашто ќе го поминат празникот, двете сестри решаваат да ја прифатат мајчината покана.

    Додека снегот непрестајно паѓа, се разоткриваат стари тајни, се разгоруваат нови познанства и жените од семејството Мичел се принудени да се соочат со вистините што предолго ги избегнувале. Заедно мора да научат дека патот до прошката ретко е без пречки, но понекогаш, еден Божиќ може да смени сè.

    Original price was: 520,00 ден.Current price is: 468,00 ден.
    Додај во кошничка
  • -10% Божиќната колиба

    Божиќната колиба

    0

    „Таков е животот, нели? Се трудиш да го извлечеш најдоброто од добрите делови, а со лошите се справуваш колку што можеш подобро.”

    Имоџен е маркетиншки гениј, но иако нејзиниот имиџ на одличен професионалец е вистински, среќните приказни од детството што ги раскажува се исто толку измислени колку и нејзиниот наводен ентузијазам за Божиќ. Работењето деноноќно и без одмор отсекогаш било нејзиното решение за преживување на празничната сезона, сè додека исцрпеноста не ја натера да направи катастрофална грешка.

    Имоџен е принудена да земе еден месец одмор од работа, но за среќа, нема да мора да остане во бедното станче во Лондон и да размислува за својот тажен живот. Дороти, нејзината омилена клиентка, ја поканува да престојува во нејзината Божиќна колиба во Котсволдс. Куќичката е совршено прибежиште и Имоџен брзо се навикнува на идиличниот селски живот, особено кога деновите ги минува со енергичниот ретривер и шармантниот ветеринар.

    Но кога тајните од минатото ќе ѝ го нарушат мирот, дали Имоџен ќе остане сама за Божиќ или сепак ќе успее да им прости на оние што ѝ згрешиле?

    Original price was: 520,00 ден.Current price is: 468,00 ден.
    Додај во кошничка
  • -10% Завеани за Божиќ

    Завеани за Божиќ

    0

    Таа е завеана со семејството. Единствениот проблем? Тоа не е нејзиното семејство…

    Семеен собир
    Овој Божиќ братот и сестрите Милер имаат една цел – да ги избегнат добронамерните прашања од семејството. Тие имаат тајни што не сакаат да бидат дознаени и се потпираат еден на друг за да го одвлечат вниманието.

    Непоканета гостинка
    Луси Кларк ја мачи можноста да ја изгуби работата – ако не успее да склучи голема деловна зделка со Рос Милер. Планот ѝ е да му ја однесе својата понуда до семејниот дом во Шкотските Планини и потоа да си замине. Таа никако не би сакала да се наметнува на совршениот семеен Божиќ на Милерови.

    Божиќ за паметење
    Кога Луси се појавува на заснежениот праг на Милерови, семејството помислува дека му е девојка на Рос. Но додека да се расчисти недоразбирањето, снежна бура го зафаќа регионот и Луси останува заглавена. Додека сите се подготвуваат за заедничката прослава на Божиќ, нетрпеливоста почнува да избива на површина и одеднаш Луси се наоѓа среде голема семејна кавга – со семејство кое не е нејзиното.

    Original price was: 490,00 ден.Current price is: 441,00 ден.
    Додај во кошничка
  • -10% Божиќниот клуб на читатели

    Божиќниот клуб на читатели

    0

    Сара Морган ни се враќа со приказна за моќта на книгите да исцелуваат, но и моќта на женското пријателство.

    Со својот историски шарм и бајковитата библиотека, хотелот Јаворов Шеќер се смета за совршена зимска дестинација. Како што празниците наближуваат, хотелот се полни со гости кои се надеваат на зимување од соништата. Но младата вдовица Хети, преморена од жонглирање со хотелот и обврските како посветена самохрана мајка, едвај чека празниците да завршат.

    Кога клубот на читатели составен од Ерика, Клаудија и Ана – долгогодишни пријателки кои навидум имаат сѐ на светот – доаѓа во хотелот на „читачки одмор“, сѐ се менува. Нивното пријателство и љубовта кон книгите ги движи низ животот, низ сите подеми и падови. Но Хети забележува дека и тие имаат големи емоционални товари и ништо не може да ја подготви за тоа колку длабоко нејзината приказна се испреплетува со нивните. Дали овие четири жени заедно можат да започнат комплетно ново поглавје во своите животи за време на најубавиот период од годината, и тоа за само недела дена?

    Original price was: 490,00 ден.Current price is: 441,00 ден.
    Додај во кошничка
  • -10% Како намќорот го спаси Божиќ

    Како намќорот го спаси Божиќ

    0

    Изабел Кук има сериозен проблем. Нејзината семејна фарма, местото каде што воедно се одржува еден од најважните традиционални настани во Тиликум, Божиќното село, е во неволја. Голема неволја. А најлошото од сѐ е што човекот којшто се обидува да ја купи фармата е најголемиот намќор на светот – Илајас Стоунхарт. Нема теоретски шанси. Таа нема намера да му дозволи ни да им се приближи. Не со тоа негово камено срце.

    Илајас е заинтересиран само за стекнување богатство, не пријатели. Особено откако неговиот шеф му го ветува долгоочекуваното унапредување. Сѐ што треба да направи е да убеди едно семејство, на кое бизнисот секако не му оди добро, да ја продаде фармата. Проблемот? Фармата е на семејството Кук. А Изабел Кук му е поранешна девојка.

    И покрај тоа што има минато со Изабел, ова е само бизнис. И нема намера да дозволи една фармерка која го обожава Божиќ да застане помеѓу него и неговите амбиции. А Божиќ? Па тој го мрази! Божиќното село е глупост. Но кога доаѓа во малиот град, божиќниот дух – и Изабел – почнуваат да му се пикаат под кожа. И има шанси таа да е единствената која може да го стопи мразот на неговото ледено срце.

    Original price was: 470,00 ден.Current price is: 423,00 ден.
    Додај во кошничка
  • -10% Свадба во декември

    Свадба во декември

    0

    За Роузи не постои ништо поромантично од тоа да се омажи со љубениот на БожиЌ. Но нејзиното семејство не го дели нејзиниот ентузијазам.

    Меги е во шок! Нејзината најмлада ќерка одлучила да се омажи за Божиќ. И тоа на само дваесет и две години! Дали на таа возраст човек е подготвен да се врзе за цел живот? И таа самата се омажи за Ник на тие години, па еве ги сега, веќе шест месеци живеат одвоено и се разведуваат. Сепак, за да не ги расипат празниците и венчавката, одлучуваат да се преправаат дека се сè уште вљубени еден во друг. Дали таквата блискост и зимската идила ќе им донесат втора шанса?
    На постарата сестра Кејти воопшто не ѝ е по ќеф што мора да го прелета Атлантскиот Океан само за да ѝ биде старосватица на сестра ѝ, но нема избор – мора да ѝ ги отвори очите пред да биде предоцна! Смета дека импулсивната, слатка Роузи прави грешка и решена е да ја спречи. Кога само згодниот кум, Џордан, би престанал да ѝ се меша во плановите…

    Како што наближува датумот на венчавката, Роузи станува сè повознемирена. Дали е нетрпелива или се предомислува? Гостите полека пристигнуваат и реалноста почнува да ја притиска. Повеќе не може да го занемарува прашањето што подолго време ја мачи – дали прави грешка што ќе се омажи со човек кој го познава одвај неколку недели?

    Овој Божиќ ќе биде незаборавен за семејството Вајт.

    Original price was: 490,00 ден.Current price is: 441,00 ден.
    Додај во кошничка
  • -10% Последната желба

    Последната желба

    0

    1996 е годината која менува сѐ за Меги. Кога на шеснаесет години ја праќаат да живее со тетка која едвај ја познава, во далечно гратче на брегот на Северна Каролина, не може да мисли на ништо друго, освен на пријателите и семејството кои ги остава зад себе… но тоа почнува да се менува кога го запознава Брајс Трикет, еден од малкуте тинејџери на островот. Прекрасен, искрен и полн со живот, Брајс ја запознава со многуте убавини на градот опкружен со плажи, но и со фотографирањето, страст која ќе го дефинира остатокот од нејзиниот живот.

    До 2019 година, Меги веќе е познат фотограф. Таа има успешна галерија во Њујорк, но истовремено и многу патува на далечни места низ целиот свет. Но оваа година неочекувано останува дома за Божиќ, избезумена од страшна дијагноза. Бидејќи станува сѐ позависна од својот асистент, таа се зближува со него. Додека заедно ги одбројуваат последните денови од празниците, таа почнува да му раскажува приказна за еден друг Божиќ, од пред многу декади – и љубовта која ја насочила кон животот кој никогаш не можела ни да си го замисли.

    Original price was: 550,00 ден.Current price is: 495,00 ден.
    Додај во кошничка
  • -10% Бадникова вечер во Фрајдеј Харбор (Фрајдеј Харбор #1)

    Бадникова вечер во Фрајдеј Харбор (Фрајдеј Харбор #1)

    2

    НА ЕДНО МАЛО ДЕВОЈЧЕНЦЕ МУ Е ПОТРЕБНО СЕМЕЈСТВО

    Една лоша дождлива вечер, шестгодишната Холи го изгубила единствениот родител кој го знаела, нејзината сакана мајка. И од таа вечер, Холи никогаш повеќе нема прозборено ни збор.

    НА ЕДЕН ЧОВЕК МУ Е ПОТРЕБНА СОПРУГА

    Нешто што дефинитивно не му е потребно во животот на Марк е шестгодишно дете. Но набрзо сфаќа дека е подготвен да направи сѐ што може за повторно да го разубави нејзиниот живот. Сестра му му дава совет: Таа нема никој друг, освен тебе. Почни со тоа што ќе ја сакаш. Останатото ќе си дојде само по себе.

    ПОНЕКОГАШ Е ПОТРЕБНА МАЛКУ МАГИЈА…

    Меги не се осмелува повторно да верува во љубов по загубата на сопругот. Но таа верува во магијата на имагинацијата. Кога ја запознава Холи, препознава девојченце кое очајно има потреба од малку магија.

    …ЗА ДА СЕ ОСТВАРАТ СОНИШТАТА

    Три осамени личности. Три животи на крстопат. Тројца кои ќе откријат дека Божиќ е она време од годината кога сѐ е можно.

     

    Original price was: 390,00 ден.Current price is: 351,00 ден.
    Прочитај повеќе
  • -10% Божиќ во Шкотска

    Божиќ во Шкотска

    0

    Во снежните Шкотски Гори, Сузан Мекбрајд сонува за совршен Божиќ. Нејзините три посвоени ќерки доаѓаат дома за празниците и таа со нетрпение ги чека. Напнатоста расте…

    Хана, зависничка од работа, знае дека не може две години по ред да го избегнува празнувањето со семејството. Но паниката не е предизвикана од тежината на нивните очекувања – туку од големата тајна што ја крие.

    Мајката домаќинка Бет доживува лична криза и за време на Божиќ сака само да размисли дали е подготвена да се врати на работа – семејната средба би требало да ѝ го намали стресот, не да го зголеми.

    Поузи не е сигурна дека ужива во животот, но бидејќи нејзините родители зависат од неа, ризично е да направи промена. Но сепак, не е толку ризично колку што е вљубувањето во прекрасниот нов сосед Лук.

    Додека сонот на Сузан за совршен Божиќ пропаѓа, мора да верува дека празничната магија ќе ги сплоти нејзините ќерки. Но дали оваа нова сплотеност ќе ги научи сестрите дека нивната врска е доволно цврста за да издржи сѐ – вклучувајќи и еден необичен семеен Божиќ?

    Original price was: 490,00 ден.Current price is: 441,00 ден.
    Прочитај повеќе
  • -10% Можеби овој Божиќ (Браќата О'Нил #3)

    Можеби овој Божиќ (Браќата О’Нил #3)

    1
    „Полн со позитивна енергија, крајно секси и празнично топол – серијалот за браќата О’Нил е совршенство!“
    Оваа зима, поранешниот шампион во скијање – исто така поранешен срцекршач – и самохран татко Тајлер О’Нил има само една мисија: да се погрижи неговата ќерка Џес да го доживее најубавиот Божиќ во својот живот. Фактот дека неговата најдобра пријателка, Брена, привремено мора да се всели кај него затоа што нивниот ресорт Снежниот Кристал е преполн, е само една слатка дистракција што едноставно ќе мора да ја игнорира. Нивната врска е единствената којашто не ја уништил во својот живот и дефинитивно нема намера сега да го стори тоа.
    Професионалната скијачка Брена Даниелс многу добро знае што е тоа невозвратена љубов – таа е лудо вљубена во Тајлер веќе со години. Но живеењето со него е вистинска тортура… како може да се концентрира на тоа да му биде само пријателка кога тој спие во соседната соба?
    А кога тој одеднаш ја бакнува, остварувањето на нејзината најголема желба ѝ се чини на дофат на прсти како никогаш претходно. Дали е можно овој Божиќ конечно да ѝ се оствари најголемиот сон?
    Original price was: 420,00 ден.Current price is: 378,00 ден.
    Прочитај повеќе
  • -10% Ѕвончиња во снегот (Браќата О'Нил #1)

    Ѕвончиња во снегот (Браќата О’Нил #1)

    1

    На времето, Кајла Грин го обожавала Божиќ. Сега, единствената божиќна желба ѝ е „најмагичниот период од годината“ да помине што е можно побрзо. Па, кога должноста ја повикува во снежниот Вермонт да склучи договор со нов клиент, Кајла е благодарна за можноста да ги избегне празниците и оваа година.

    Џексон О’Нил го оставил зад себе успешниот бизнис за да се врати дома и да го спаси скијачкиот ресорт на неговото семејство – тој ресорт и семејството му се најважното нешто на светот и не може да дозволи сѐ да биде уништено. Сега, кога тој ангажира маркетинг-експерт, Кајла Грин, да работи со него и да го истакне Снежниот Кристал на мапата, успехот е на повидок. Искрата меѓу нив доволна за да ги напојува сите божиќни сијалички во Вермонт е само дополнителен бонус.

    Кајла можеби е експерт за нејзината работа, но таа дефинитивно е надвор од својот елемент во близина на Џексон, особено во (за неа) неподносливата божиќна атмосфера во идиличниот Вермонт. Снег, санки со хаски, накитени елки и божиќни ѕвончиња на сите страни… ѝ доаѓа веднаш да се спакува и да побегне од таму. Но, можно ли е Џексон да биде оној кој ќе ја натера Кајла повторно да се вљуби во Божиќ?

    Original price was: 450,00 ден.Current price is: 405,00 ден.
    Прочитај повеќе
  • -10% Еден незаборавен Божиќ (Wallflowers #5)

    Еден незаборавен Божиќ (Wallflowers #5)

    1

    За време на божиќните празници во Лондон, Рејф Боуман пристигнува од Америка поради договорената средба со Натали Бландфорд, ќерката на леди и лорд Бландфорд, која е прекрасна и совршена, односно, соодветна сопруга за него.

    Неговиот занесно добар изглед и импресивната фигура се повеќе од доволни за да ја импресионираат дамата која го чека – да не беше неговиот шокантен, американски начин на живот, нивниот брак ќе беше загарантиран.

    Но пред да може да почне додоворувањето, Рејф сфаќа дека мора да ги научи правилата на англиското општество. Жените во Англија се многу различни од жените во Америка и тој просто не може да ги сфати без помошта на четирите поранешни „стари моми“: Лилијан, Иви, Анабел и Дејзи. Но кога тие четири ќе замешаат прсти во стројништво, само еден Бог знае што може да се случи.

    За маж кој е навикнат да добива сѐ што ќе посака, пронаоѓањето на вистинската невеста се покажува покомплицирано од очекуваното. Сепак, на Божиќ се случуваат најнеочекуваните нешта, па и цинизмот може да се претвори во инспиративна, страсна романса.

    ,,Еден незаборавен Божиќ“ ве носи на патување во викторијански Лондон, патување водено исклучиво од страстите и срцето.

    Original price was: 390,00 ден.Current price is: 351,00 ден.
    Додај во кошничка