-
Нека остане во семејството
0570,00 денМиа и Фин ја реновираат старата, запуштена куќа што треба да стане нивниот дом од соништата. А кога Миа неочекувано останува бремена, се чини дека животот конечно почнува да се одвива онака како што отсекогаш посакувале.
Но непосредно пред да се вселат, Миа открива морничава порака врежана во една лајсна:
ЌЕ ТИ СПАСАМ ОД ТАВАНОТ.
Трагата ги води до ужасно откритие што со децении било скриено меѓу ѕидовите на куќата.
По раѓањето на нивното бебе, Миа не може да го заборави она што го видела. Опседната со потребата да дознае што навистина се случувало во нивниот дом, почнува да копа по неговото мрачно минато. Но колку повеќе тајни открива, толку повеќе се оддалечува од Фин – и толку поблиску доаѓа до вистина што некој очајнички сака да остане закопана.
Миа е подготвена на сè за да го заштити своето семејство. Но што ако најголемата опасност не останала во минатото – туку сè уште живее меѓу нив?
-
Џенесис (Robert Hunter #12)
0600,00 денУБИСТВО КАКВО ШТО ДОСЕГА НЕ ВИДЕЛ.
УБИЕЦ ПОИЗОПАЧЕН ОД СИТЕ СО КОИ СЕ СООЧИЛ.
СЛУЧАЈ ШТО ЌЕ ГО СТАВИ НА НАЈТЕШКИОТ ИСПИТ.
ДАЛИ ХАНТЕР КОНЕЧНО НАИДУВА НА ДОСТОЕН ПРОТИВНИК?„Верувате ли дека постои Ѓаволот, детективе?“ го прашува полицаецот од другата страна на линијата. „Зашто ако не верувате… сигурен сум дека ќе поверувате штом ќе пристигнете овде.“
Роберт Хантер го повикуваат на најбруталното место на злосторството што го видел во својата кариера. Но обдукцијата открива нешто уште пострашно: во телото на жртвата убиецот оставил стихови.
Набргу потоа пронаоѓаат уште едно тело. Начинот на убиството и потписот на убиецот се различни, но нивото на насилство укажува дека зад двете злосторства стои истиот човек. А кога во телото на втората жртва го пронаоѓаат продолжението на стиховите, најмрачните сомнежи на Хантер се потврдуваат.
Откритието не само што ги поврзува двете убиства. Тоа открива дека се дело на сериски убиец.
Без ниту една форензичка трага што би го одвела до сторителот, Хантер мора да го пронајде најдисциплинираниот и најметодичниот убиец со кој се соочил досега – човек кој се храни со стравот на своите жртви и за кого смртта е лекција што мора да се научи.
-
Прекрасно грдо
0570,00 денВозбудлив и мрачен трилер за бракови и… одмазда.
Најубавиот ден во животот на писателот Грејди Грин се претвора во најлошиот. Кога ѝ се јавува на сопругата Аби за да сподели возбудливи вести со неа, слуша како тоа ја запира колата на патот накај дома и излегува на студот. А потоа ништо. Кога најпосле ја наоѓа колата покрај работ на карпата со вклучени фарови и отворена возачка врата, забележува дека телефонот уште ѝ е внатре, но… неа никаде ја нема.
По една година, Грејди уште е обзeмен од тага и болка и е очаен да дознае што ѝ се случило на Аби. Не може да спие, не може да пишува и животот му се распаѓа. Во обид да си го врати животот во колосек, ја прифаќа понудата на неговата агентка да отпатува на неколку месеци на шкотското островче Амберли за да пишува. Но таму го гледа невозможното – жена што личи исто како неговата сопруга.
Жените мислат дека нивните мажи ќе се изроманат, но тие не се менуваат. Мажите мислат дека нивните жени нема да се изроманат, но тие се менуваат.
-
Судирот
0570,00 денКошмарот од кој бега не е ништо во споредба со оној на кој ќе налета.
Тиган е во осмиот месец од бременоста, сама и очајна да го остави уништениот живот зад себе. Планира да престојува извесно време кај нејзиниот брат додека да го смисли следниот чекор, па по завршувањето на смената, тргнува на пат со својот автомобил. Само кога би знаела дека ја чека снежна бура.
Тиган воопшто не стигнува до својата дестинација. Отсечена од главниот пат, со уништен автомобил и скршен глужд, Тиган е во паника дека направила огромна грешка. За чудо, ја спасува една девојка која ѝ нуди да преноќи во нивната топла куќа додека не го расчистат снегот.
Но нешто не е во ред. Тиган верува дека чека да помине бурата, но како што изминува времето, сфаќа дека е во незамислива опасност. Засолништето не е она што очекувала и престојот во куќата може да се покаже како смртоносна грешка.
Сега мора да стори сѐ што е во нејзина моќ за да се спаси себеси – и бебето.
-
Запишано со крв (Robert Hunter #11)
0570,00 денАко тој ти го запише името, тогаш тоа е смртна казна…
Лос Анџелес, 5 декември – само неколку недели пред Божиќ. Анџела Вуд, експертот за џебни кражби, штотуку завршува со „работата“ за денес – 687 долари – не е лошо за нешто помалку од петнаесет минути работа.
Додека прославува за профитабилниот ден со коктел, вниманието ѝ го привлекува еден од гостите во локалот, кој е многу дрзок кон друг постар човек. Анџела решава да му одржи лекција, па му ја краде кожната чанта, која делува мошне скапо.
Но внатре нема пари… нема лаптоп… ништо вредно. Барем не за Анџела. Само црн нотес со кожни корици, изненадувачки тежок. Љубопитноста ја совладува, па во мирот на својот дом, Анџела почнува набрзина да го прелистува.
И тогаш започнува најголемиот кошмар во нејзиниот живот.
Ова не е обичен нотес.
Ова е нешто што се чита само на свој ризик и одговорност. -
Поканата
0590,00 денТешко на секој што ќе ја прими…
Во текот на продолжен викенд на Алпите, Марла Линдберг прифаќа покана за петгодишнина од матурата. Но брзо по пристигнувањето сфаќа дека постои само едно поопасно нешто од напуштањето на изолираниот планински хотел ноќе, на подмрзаниот снег, а тоа е… да не го напушти.
Спомените на Марла се кристално јасни: чудната порака што ја намамила во напуштена породилна клиника. Ликот што се обидел да ја убие. Страшната кашлица со граден свиреж на психопатот за време на борбата за живот.
По години психотерапија, високо интелигентната млада жена сега знае дека сето ова се само лажни спомени. Марла страда од прозопагнозија, односно нарушување на перцепцијата за човекови лица што води до неспособност за препознавање ликови. Во екстремни ситуации, нејзиниот мозок си игра со неа, обидувајќи се залудно да ги препознае луѓето по нивните лица.
Кога Марла ја добива поканата за собирање на класот на Алпите, таа се надева дека средбата со старите другари ќе ѝ врати убави спомени. Кога пристигнува во завеаниот планински хотел, сите соби се веќе зафатени. Каминот гори, има чинии на масата, но таму нема никој. Почнува да ги бара останатите. И тогаш повторно ја слуша. Таа морничава кашлица со граден свиреж, во студениот мрак…
-
Касиа
0400,00 денВасет, 1446 година пред Христа: Десетгодишните близнаци Елиел и Мириам робови од Гошен се спријателуваат со младиот благородник Небамон; два различни светови. Близнаците раскажуваат за Очите на Ра, два скапоцени камења кои се украдени од нивното племе. Со дух полн бунт и потреба за слобода, Небамон решава да им помогне Во потрагата на овие мистериозни скапоцености.
Каиро, 1894 година после Христа: Младиот авантурист Јустинијан „Јуст“ Грифит ја поседува мистериозната книга „Списите од Александрија“, која во себе содржи тајни локации на скриени богатства, вклучително и онаа на Очите на Ра. Во придружба на неговата сопруга Изабела и локалецот Адел, Јуст треба да одгатне три загатки кои во себе ја чуваат скриената локација.
Египет, 2025 и 2026 година после Христа: Исаак, Крсте и Агата се нурнуваат во древноста на Египет после смртта на Сотир Андов, таткото на Исаак. Низ едногодишното трагање по Очите на Ра, им се придружува мистериозниот Исмаил и Александра, мајката на Исаак. Трите убиства и натопениот песок од крв само ќе ги замрсат веќе испреплетените конци кои беа почнале да се одмотуваат уште од Охрид и Оксфорд.
Како е смртта на Сотир поврзана со Очите на Ра? Зошто, покрај сите богатства Јустинијан решава да го бара тоа за кое има најмалку информации? Како другарството на Елиел и Мириам со Небамон ќе одекне низ минатото и сегашноста? Во ова второ продолжение од првата трилогија, оние нешта кои беа откриени и изнедрени во Охрид и Оксфорд се превртуваат, дополнително откриваат и ги изронуваат сите, а посебно Исаак и Крсте.
-
Товарот на вистината
0400,00 денЕдна мајка одбива да се откаже. Еден детектив е принуден да се сомнева во сè. А вистината одбива да остане закопана.
Шест месеци по исчезнувањето на Тамара Калајџиева, случајот почнува да се води како нерешен. Без нови траги и докази, полицијата е принудена да го посвети вниманието на тековните задачи. Само мајка ѝ, Ружица, е заглавена во минатото. Уништена од загубата и болката, во живот ја одржуваат единствено надежта и вербата дека нејзиното чедо еден ден ќе се врати.
И по шест месеци, се случува незамисливото. Повик во ноќта ја прекинува тишината и гласот што една мајка никогаш не би можела да го заборави го оживува нерешениот случај.
Младиот инспектор Стефан Михајловски го наследува случајот од кој сите други кренале раце. Воден од инстинктот и личните принципи, продолжува да копа подлабоко и сфаќа дека ова не е само обичен случај на исчезнато лице, туку нешто многу помрачно. Нешто внимателно скриено. Делчињата од вистината избиваат на површина и она што личело на очајна измислица на една мајка, полека се претвора во вознемирувачка реалност.
-
Игра на душата (Мирен Тригс #2)
0550,00 денВо 2011 година, грозоморно злосторство го тресе Њујорк – 15-годишно девојче е пронајдено распнато во една приградска црква откако било прогласено за исчезнато.
Мирен Тригс, истражувачката новинарка од „Менхетн прес“, одлучува да го истражува случајот откако добива мистериозен плик со фотографија од друго исчезнато девојче со едноставна порака: „Џина Пеблс, 2002 година“. Заедно со Џим Шмоер, нејзиниот поранешен професор по новинарство, ја следат трагата за девојчето од фотографијата додека истовремено го истражуваат и скорешното распнување. Истрагата ги води до една религиозна институција чии членови извршуваат ритуали далеку повознемирувачки отколку што си замислувале.
Двајцата партнери се соочени со три прашања:
Што ѝ се случило на Џина?
Кој ја пратил фотографијата?
И колку далеку води оваа мрачна игра на душата?Некои тајни се закопани со причина, а нивното растајнување би можело да ги чини живот.
-
Сопругата на мојот сопруг
0570,00 денИден Фокс оди на трчање пред нејзината прва ликовна изложба што со душа ја чека. Но кога се враќа во домот во кој неодамна се досели, шармантната стара куќа во Хоуп Фолс што мештаните ја нарекуваат Двогледот, ништо не е како што треба да биде. Клучот не влегува во бравата, непозната жена што морничаво многу наликува на неа ѝ ја отвора вратата, а сопругот настојува дека таа туѓинка е неговата сопруга.
Една куќа, еден сопруг, две жени. Некој лаже.
Шест месеци претходно, Бирди, самотничка од Лондон, добива ужасна дијагноза и писмо од кое дознава дека е наследничка на Двоглед. Неочекуваниот подарок од одамна изгубената баба ја враќа во убавото крајбрежно селце Хоуп Фолс. Но кога Бирди ќе дознае за лондонската клиника што тврди дека умее да го предвиди точниот датум на смрт на секој човек, вклучително и нејзиниот, се чувствува приморана да поправи некои дамнешни грешки.
-
Куќната помошничка гледа сè (The Housemaid #3)
0550,00 денПорано чистев туѓи домови – а сега не можам да поверувам дека оваа куќа е навистина моја! Се наоѓа во тивко и безбедно соседство, има шармантна кујна и голем двор каде што децата можат да си играат. Со сопругот со години штедевме за да им го дадеме на нашите чеда животот што го заслужуваат.
Иако нашата нова сосетка г-ѓа Ловел не ми влева доверба, решаваме да ја прифатиме поканата за вечера во нивниот дом. Вратата ни ја отвора нивната куќна помошничка. Носи бела престилка, а косата ѝ е стегната во строга пунџа. Точно знам како е да се биде на нејзино место. Но од нејзиниот студен поглед ме полазуваат морници…
Куќната помошничка на Ловелови не е единствената чудна работа на тивката уличка. Убедена сум дека гледам силуета како нè набљудува, мојот сопруг излегува од дома доцна навечер, а кога ја запознавам жената што живее во куќата отспротива, нејзините зборови ме стаписуваат: пази се од соседите.
Дали направив ужасна грешка што се преселив со семејството овде? Мислев дека ги оставив моите мрачни тајни во минатото. Можно ли е ова тивко соседство да се покаже како најопасното место?
-
Давеничката
0490,00 денЛи Гуливер никогаш не помислила дека еден ден ќе живее на улица, но кога нејзиниот ресторан пропаѓа и таа запаѓа во огромни долгови, принудена е да го напушти својот стар живот и да исчезне заминувајќи само со колата и облеката. Во Сиетл преноќува на едно затскриено место покрај плажата, но изутрината здогледува расплакана жена како се фрла во океанот. Без размислување ја спасува жената, но наместо благодарност, добива бесен излив. Давеничката, Хејзел, ѝ кажува дека е заробена во насилен брак, дека е затвореник во сопствениот дом, а Ли ѝ ја одзела единствена шанса да избега од својот живот. Хејзел се враќа во својот позлатен кафез и Ли мисли дека повеќе нема да ја види. Сепак, следното утро Хејзел се враќа и тие се поврзуваат и остваруваат блиско и неверојатно пријателство.
Но еден ден Хејзел доаѓа со страшно барање: сака Ли да ѝ помогне да исчезне. Ја уверува дека ќе биде лесно, но Ли наскоро дознава дека работите не се такви какви што изгледаат и дека Хејзел можеби не е таква пријателка каква што мислела дека е.
-
Ја слушнавте ли лагата?
0550,00 денЛуси и Савана се убави, паметни и обожавани девојки, кои живеат во својот роден град во Тексас. Луси е венчана за мажот од соништата и живее во новиот, раскошен дом, а Сави е дружељубивата, мила девојка што сите ја сакаат, а особено е популарна кај мажите, ако им се верува на гласиштата. Но кога Луси ја наоѓаат како лута по улиците облеана во крвта на својата најдобра другарка, сите мислат дека таа ја убила.
Од таа кобна ноќ, на која Луси не се сеќава, се поминати години и таа сега живее во Лос Анџелес и се обидува да изгради нов живот. Но Бен Овенс, вообразениот и неверојатно привлечен водител на исклучително популарниот поткаст за решавање нерешени убиства, одлучува во втората сезона да го истражи убиството на Савана. Луси е принудена да се врати во родниот град, во местото во кое се има заколнато дека никогаш повеќе нема да се врати, за да се обиде да го открие убиецот на својата другарка – макар и тоа да е таа.
Вистината е во етерот. Треба само да знаеш како да ја начуеш.
-
Исаак
0400,00 денДревни скапоцености. Писма со порака за смрт. И Исак, кој со своите тајни се наоѓа во средина, во окото на бурата.
Оксфорд, 1884 година. Во една мирна пред-Велигденска ноќ во месец април, се појавуваат 141 коверт на исто толку куќни прагови, кои во себе содржат загатка со порака за смрт и рок од три дена, како и една нишка црвен конец. Оксфорд се крева на нозе; потрагата почнува. Што се бара? Кој треба да биде најден? И зошто треба сите да умрат? Разбирајќи ја итноста на пораката, младиот професор Вилијам Еванс и неговата сестра близначка Изобел почнуваат трка со времето. Им се придружуваат детективот Грин и вдовицата Камингс која со себе ја носи тајната за Аластер Ворен, единствениот преживеан од големата трагедија пред седум години.
Охрид, 2025 година. Во една мирна пред-Велигденска ноќ во месец април, се појавува едно писмо на само еден куќен праг, кое ја содржи истата порака и нишка црвен конец како пред 141 година. Прагот на Исак Илиев. Зошто исто писмо? Што треба да биде најдено? И зошто повторно сите треба да умрат? Заедно со неговиот најдобар пријател Крсте и Британката Агата која мистериозно се појавува, почнуваат трка со времето и бегаат. Бегаат од ловци на глави, ловци на духови, ловци на богатства, ловци убијци. Од северот на Македонија до пазувите на Егејското море, пред нив се распослани загатки, мапи, писма, нови вистини и стари тајни. Сѐ во рок од три дена.
Што се случува со загатките кои завршуваат со закана за смрт во Охрид и Оксфорд? Како се овие два града поврзани преку една голема лична трагедија и загуба која ќе го растрепери целиот свет? И зошто Исак станува Исаак?
-
Одмаздата на богомилката
1370,00 денДве жени. Едно минато. Безброј тајни.
За колкумина од оние што ги познавате можете да сте сигурни дека љубовта или болката не го бојадисале нивниот живот, во бои зависно од чувствата што ги одбележале. Во „Одмаздата на богомолката“, Оља Петрушевска-Томева нѐ води низ мрачен и сензуален лавиринт од емоции, каде љубовта и болката се вечни сопатници. Сара е силна, но длабоко повредена жена, чие детство е обележано со загуба, насилство и молк. Нејзината глад за правда и одмазда ја турка низ светот, од темните тајни на родниот град до блескавите фасади на меѓународниот бизнис. Кога се враќа дома, минатото ја пречекува со отворени раце-старата болка, заборавените пријателства, нераскажани вистини. Повторната средба со самата себе, средбата со сестра ѝ Ева, нерешените убиства, мистериозниот инспектор и незаменливиот пријател Филип, единствениот маж нејзиниот живот – сите се дел од мозаикот што полека се составува. Или можеби само така изгледа..
Дали крајот е навистина крај? Или е само уште еден почеток?
Овој психолошки роман со елементи на трилер и длабоки емотивни слоеви ќе ве натера да се прашате колку навистина познавате некого-па дурии самите себе.
-
Фаворити
1590,00 денЗа светот се скандал. Еден за друг, опсесија.
Таа нема значајно потекло, познато име, богатство или семејна поддршка, но отсекогаш знаела дека ѝ е пишано да стане добитничка на златен олимписки медал во танц на мраз. Кога Катарина Шо го запознава Хит Роча, осамено дете заглавено во системот за згрижување сираци, нивната инстантна конекција ги прави добар пар на мразот. Благодарение на тоа што се потпираат на лизгањето – и еден на друг – за да побегнат од своите турбулентни животи, Кет и Хит стануваат шампиони на мразот, освојувајќи го светот со нивната неопислива хемија, бунтовнички стил и нивната вртоглаво луда врска.
Но шокантен инцидент на Олимписките Игри ненадејно става крај на нивното партнерство.
На десетгодишнината од нивното последно лизгање заедно, еден документарен филм повторно ја потпалува масовната опсесија со Шо и Роча, тврдејќи дека низ интервјуа со нивните најблиски пријатели и најжестоки ривали ќе ја открие „вистинската приказна“ за скандалозниот пар. Кет не сака да има ништо со документарецот, но не може да ја поднесе помислата некој друг да ја дефинира нивната историја. Па, по цела декада молк, сега ја раскажува приказната: од детските трагедии од кои се раѓа нејзината огнена врска со Хит до судирот на желби поради кој се разделуваат. Сензационалистички гласини им го следат секој чекор со години, но има шанси вистината да е уште пошокантна од насловите во таблоидите.