Опис
Иден Фокс оди на трчање пред нејзината прва ликовна изложба што со душа ја чека. Но кога се враќа во домот во кој неодамна се досели, шармантната стара куќа во Хоуп Фолс што мештаните ја нарекуваат Двогледот, ништо не е како што треба да биде. Клучот не влегува во бравата, непозната жена што морничаво многу наликува на неа ѝ ја отвора вратата, а сопругот настојува дека таа туѓинка е неговата сопруга.
Една куќа, еден сопруг, две жени. Некој лаже.
Шест месеци претходно, Бирди, самотничка од Лондон, добива ужасна дијагноза и писмо од кое дознава дека е наследничка на Двоглед. Неочекуваниот подарок од одамна изгубената баба ја враќа во убавото крајбрежно селце Хоуп Фолс. Но кога Бирди ќе дознае за лондонската клиника што тврди дека умее да го предвиди точниот датум на смрт на секој човек, вклучително и нејзиниот, се чувствува приморана да поправи некои дамнешни грешки.
„Сопругата на мојот сопруг“ е замрсена мрежа од мистерија, опсесија и измама што нема да можете да ја отплеткате до самиот крај. Подгответе се за врвен трилер и зачекорете во Двоглед – ако се осмелувате – да ја доживеете приказната во која ништо не е како што изгледа.
Критики
Сѐ уште нема препораки - бидете први што ќе споделат мислење.