-
Стела, Сани и фамилијата Фламингоси
0250,00 денШшш!
Некој доаѓа во кампот на Стела и Сани.Кој би можел да биде?
Тоа е мрзливата фамилија Фламингоси! Никој не би рекол дека од членовите на ова ново
друштво може толку многу да се научи.
И сè одеше супер, сè додека не се успа Месечината.
Ќе се сети ли некој да ја разбуди?
-
Размислете уште еднаш: Моќта на знаењето за сопственото незнаење
0600,00 денОваа книга ја истражува умешноста како да ги преиспитувате своите мислења и како да им го менувате мислењето на другите.
Интелигенцијата често се оценува како способност за размислување и учење, но во свет што постојано се менува, постојат и друг тип вештини што значат многу повеќе: способноста за преиспитување и одучување. Секојдневно ги слушаме оние мислења што прават да се чувствуваме добро за себе, наместо идеи што ќе нѐ замислат. Секое несогласување го доживуваме како напад на нашето его, наместо како можност за учење нешто ново. Се опкружуваме со луѓе што се согласуваат со нашите заклучоци, наместо да избираме луѓе што ни го предизвикуваат начинот на размислување.
Новите докази ни покажуваат дека преиспитувањето како начин на размислување и вештина може да биде научено и Грант ни објаснува како да ги развиеме потребните квалитети за да го направиме тоа.
„Размислете уште еднаш“ е книга за разумното сомневање, како подобро да го прифатиме непознатото и да не се плашиме од грешките. Доказите потврдуваат дека креативните гении не ги врзува еден идентитет, туку константно се подготвени да ги преиспитаат своите ставови, а лидерите што признаваат дека нешто не знаат и бараат конструктивна критика водат попродуктивни и поиновативни тимови.
-
Едно непознато суштество
0250,00 денВетувањето е ветување. Тоа не смее никогаш да се прекрши.
Сѐ започна вака: една ноќ, пред да си легне, Сани слушна… невообичаен звук зад фрижидерот. Знаеше дека таму живее некое суштество. Но не сакаше да открие што е тоа без Стела, а ни без тебе.
А ти сакаш ли да откриеш?
Ако сакаш, влегувај во нашата приказна! Те чекаме!
-
ПОТЕКЛО Саша Станишиќ
0400,00 денВака стојат нештата: земјата во која сум се родил денес веќе ја нема. Додека постоеше, се сметав себеси за Југословен. Како и моите родители: татко ми – Србин, a мајка ми – од бошњачко муслиманско семејство. Бев дете на мултиетничка земја, плод и исповед на двајца луѓе што се сакале и кои југословенскиот melting pot ги ослободил од притисокот на различното потекло и религија.
ПОТЕКЛО е книга за моите потекла, за сеќавањата и откритијата. Книга за јазикот, работата на црно, штафетата на младоста и за многу, многу лета.
Во својот трет роман Саша Станишиќ раскажува како од родниот Вишеград патува за Хајделберг, па се враќа назад во босанските планини кај баба си. Топол, близок, духовит и живописен роман, кој ја плени германската публика. Вонсериско дело што ќе ве освои на прво, второ и на секое следно читање.
Германска книжевна награда за 2019 година!
„За разлика од други постјугословенски автори што ја создаваат својата книжевност во тесните, зададени рамки на идентитетскиот кафез, Станишиќ сам отвора рамки и дефинира идентитети.“ – Миљенко Јерговиќ
-
Пресвртна година
0500,00 денСите кои сонувате за големи нешта – зачекорете и патот самиот ќе се појави
Секој ден може да стане пресвртен. Секоја година е годината што може да ви го промени животот. Бријана Вист не може да го стори тоа за вас. Ниту нејзините мудри зборови. Но тие можат да ве охрабрат и како стар пријател да ве насочат оддалеку и длабоко однатре.
Ако сте во пресвртен период, ако сè уште го премостувате просторот меѓу местото каде што сте сега и каде што сакате да бидете – запомнете дека личноста што сакате да станете е веќе внатре во вас.
Патувањето што оваа книга ќе ви го приреди го убедува вашиот ум да дејствува постојано и доследно до она што вашето срце знае дека сака да го направи. Книга со 365 дневни лекции и медитации што ќе станат дел од вашето секојдневие. Ова е вашиот референтен водич што ќе ви помогне да се соочите со сите предизвици што ви стојат на патот и ве спречуваат да го остварите посакуваното.
Интерактивна и привлечна книга за лични промени и преобразби. Со нејзино читање и збогатување на своите сознанија, ќе достигнете значаен напредок. Секој следен ден ќе ве натера да застанете пред невидливата порта на можности што досега не сте ја забележале. Не плашете се да влезете внатре, во просторот од кој се раѓа сиот ваш живот.
Зборовите на Бријана Вист допираат директно во душата.
Хода Котоб во Пипл
-
Чекорите до црешовото дрво
0350,00 денНежна и моќна приказна за детството, храброста, љубовта и за животот.
Деветгодишната Мафалда носи очила со жолти рамки,има мачор по име Отимо Туркарет, другарка-Амазонка и најдобар другар по име Филип. Но таа е исправена пред чуден предизвик. Ѝ откриле Старгартова болест која предизвикува постепено губење на видот и слепило. Во дневникот започнува да ги запишува сите нешта што нема да може да ги прави–да ги брои ѕвездите на небото, да игра фудбал со машките, да се качува на црешовото дрво во училишниот двор. Ама, набрзо дознава дека постоии поинаков начин нагледање. Со чекорите го мери растојанието до црешовото дрво… во правец на опојниот мирис… и започнува нов список: со нештата што сѐ уште ќе може да ги прави.
Во мракот што ја опфаќа, Мафалда, исто како и Малиот Принц, учи светот да го набљудува со срцето, а не со очите. Горчината што ја чувствува читателот само се засилува со сознанието дека и авторката на романот страда од истата болест.
-
Стела, Сани и јас
0250,00 денТи се случило ли некогаш за бараш нешто што не знаеш како изледа?
Замисли си дека ти, Стела и Сани треба да го барате изгубеното суштество.
Тоа е заталкано некаде во оваа сликовница.
Еве ти мала помош: се плаши од светлината.
Значи, тргнувај накај сè што свети!
-
Лето во градот
0590,00 денДваесет и седумгодишната сценаристка Ел ја добива шансата што ја чекала цел живот: да напише сценарио за високобуџетен филм сместен во Њујорк. Единствениот проблем? Со месеци има креативна блокада, а рокот за сценариото ѝ истекува на крајот од летото.
Во очајна потрага по инспирација, Ел се враќа во градот во кој се заколнала дека никогаш повеќе нема да стапне. Се вселува во стан што во нормални услови не би можела да си го дозволи (со прозорци од под до таван, поглед кон хоризонтот и ново кафуле што веднаш ѝ станува навика). Совршено место за пишување… сè додека не сфати дека нејзиниот нов сосед е технолошкиот „Ерген-милијардер“, Паркер Ворен – човекот со кого имаше неславна авантура на скалилата во еден ноќен клуб пред две години. Веќе комплицираниот однос „од љубовници до непријатели“ штотуку станува уште полош.
Кога повторната средба со него се претвора во ноќ исполнета со омраза и неочекувана инспирација, Ел сфаќа дека нејзиниот најголем непријател можеби е токму човекот што ѝ треба за да го доврши сценариото… Таа пишува анонимно, а тој е на насловната страница на секое бизнис списание. Тој посетува раскошни настани со црвени теписи, а таа не сака да излезе надвор од својот „емоционално безбеден радиус“ од пет блока. Едно лето. Еден ѕид меѓу нив.
Еден договор ги спојува: нему му треба лажна врска, нејзе ѝ е потребен филм базиран на автентични локации низ Њујорк. На двајцата им е потребна пауза од немилосрдните распореди и шанса повторно да ги откријат блескавите облакодери, вкусот на пицата и сончевиот шарм на градот. Едно лето во Њујорк, еден ѕид меѓу нив и правила што не смеат да се прекршат.Оваа летна романса е само договор. Сè е глума. Ветување.
Сè додека веќе не е така. -
Сто љубовни сонети
0300,00 ден„…со многу понизност ги создадов овие сонети од дрво и им го дадов оној звук на непроѕирна и чиста супстанција“, пишува Неруда. Голотијата што ја избира авторот намерно ги одбегнува звучните и конструктивните рамки на класичниот сонет. Преку ова своеволно скршнување, зборот пулсира и се ослободува од сликите. Во „Сто љубовни сонети“, Неруда пее за Матилда Урутија. Овие стихови се дефиниција за љубовта што ја негувал кон својата жена. Но, љубовта на која овие сонети ù оддаваат чест не е само саканото тело на поетот туку и пристапен пат што ù овозможува на индивидуалната свест да се препознае во битието на светот.
-
Дарбата на кројачката
0490,00 денОд авторот на бестселерите „Море од спомени“ и „Ветувањето на пчеларот“ доаѓа една привлечна приказна за три млади жени кои се соочуваат со невозможен избор.
Како ќе им пресуди историјата,
на нив и на нивните семејства?Париз, 1940. Во градот окупиран од нацистите, три млади кројачки се обидуваат да продолжат со својот живот најдобро што можат. Но, трите девојки кријат животни тајни. Мирел, обележана од војната, се бори за Отпорот; Клер е во врска со германски офицер; а вмешаноста на Вивиен е нешто што таа не може да го сподели со ниту една од нив.Две генерации подоцна, внуката на Клер, Хариет, пристигнува во Париз, очајна да најде врска со своето минато. Живеејќи и работејќи во истата зграда на улицата „Кардинал“, таа ја дознава вистината за својата баба, но и за себе, таа открива семејна историја која е тешка и болна. Во време на војна, трите кројачки се соочуваат со невозможен избор кога нивните тајни активности ги ставаат во огромна опасност. Лојални една кон друга, загрозени од нечие предавство, дали можат да ја преживеат најмрачната ера во историјата без да бидат распарчени? -
Трите мали волчиња
0190,00 денСи беа еднаш три мали волчиња
кои сакаа да си изградат своја куќичка.
Но Гицо Гнасец, подмолниот
и злобен прасец,
други планови кроеше.. -
Отворете кога…
0550,00 денКога ви е тешко да бидете со самите себе или со другите – отворете ја оваа книга
Се чувствувате прегорено? Ви се распаѓаат врските? Се сомневате во себе? Го губите правецот?… Отворете ја оваа книга секогаш кога ќе ви затребаат охрабрување и мотивација! Зашто таа е водич за животните пресврти. За моментите кога станува комплицирано да се живее. Задолжителен придружник на претходниот бестселер на Џули Смит „Зошто никој не ми го кажа ова порано“. Книга што треба да ја отворите и да ѝ се обратите кога ќе се најдете среде бура.
Кога сте преоптоварени, збунети или претерано самокритични, кога не знаете како да постапите на работа или да се изборите со распаѓањето на врската, советите на Џули Смит ќе ви помогнат да се снајдете нудејќи смиреност, јасност и фокус кон најдобриот пат што води напред.
Дознајте како да ги решите секојдневните проблеми! Овие се зборовите што треба да ги чуете за да застанете на нозе, чувствувајќи се повеќе од подготвени за совладување на новите пречки што животот ви ги поставил на патот.
„Апсолутно извонредна! Оваа книга ми требаше пред 30 години.“
Мел Робинс, авторка на Теоријата пушти ги
-
Раскажувачот од Казабланка
0520,00 денКазабланка, 2010 година.
Може ли да има втора шанса на изгубената душа?Мароко, 1941 година.
Франција е падната под нацистичка окупација, дванаесетгодишната Џози бега со своето семејство во Казабланка. Животот е интензивен како сонцето, секоја глетка, мирис и звук ги будат сите сетилата во овој град исполнет со извонредни ликови. Тоа е свет што е далеку од сите проблеми, а Џози го сака тоа.
Седумдесет години подоцна.
Едно ново пристигнување во опојниот пристанишен град. Зои, тешко се справува со проблемите во бракот, нејзината ќерка и нејзиниот нов живот
како иселеник во едно за неа непознато место. Но, кога открива мала дрвена кутија и дневник од 1940-тите под даските од спалната соба, Зои влегува во светот на младата Џози, која сведочела за многу поинаква Казабланка.Можат ли сеќавањата на Џози да и' помогнат на Зои да ја претвори трагедијата во надеж
и да ја пронајде потребната утеха за да го излечи своето скршено срце? -
Семејни тајни
0590,00 денДоколку исчезне твојата мајка, дали ќе пријавиш во полиција? Дури и ако најочигледниот осомничен е твојот татко? Ова е дилемата со која се соочуваат четворицата возрасни браќа и сестри Делејни. Делејни се столб во својата заедница. На родителите, Стен и Џој, им завидуваат сите пријатели. Тие се „убијци“ на тенискиот терен, а надвор од него, нивната хемија е речиси опиплива. Но, по педесет години брак, тие конечно ја продаваат тениската академија и се подготвени да почнат да ги живеат златните години од нивните животи. Тогаш зошто Стен и Џој се чувствуваат толку мизерно? Нивните деца – Ејми, Логан, Трој и Брук – биле тениски ѕвезди во детството, но, според нивниот татко, никој од нив го немал она што е потребно за да оди докрај. Подоцна, откако ќе исчезне Џој, полицијата ја испрашува единствената личност која преостанува: Стен. Двајца од децата Делејни мислат дека татко им е невин, а двајца не се толку сигурни…
-
Ништо случајно
0450,00 денАко мојата приказна нешто покажува, тоа е дека патот не мора да биде однапред јасен. Но мора да бидеш подготвен да тргнеш – да ги препознаваш можностите и храбро да ги прифаќаш предизвиците.
Нина Ангеловска Станков е едно од најпрепознатливите имиња на македонската бизнис-сцена, коосновач на еден од најуспешните стартапи Групер, пионер во македонската е-трговија, меѓународнo признат бизнис-лидер, доктор на науки и прва жена министер за финансии во Македонија. За својот успех и влијание има добиено бројни признанија, меѓу кои и 30 под 30 на Форбс… Многумина ги знаат овие факти, но ретко кој ја знае нејзината приказна.Од градење бизнис од нула до носење одлуки на највисоко ниво во државата, оваа книга открива што стои зад успехот – притисокот, преземените ризици и лекциите што не се гледаат однадвор. Ништо случајно е искрено и лично сведоштво за патување низ бизнис-светот, политиката, лидерството, мајчинството и личните пресврти што го обликувале нејзиниот живот. Доказ за тоа дека не треба да се чека совршениот момент, туку да се создаде.
Записи за пречките, но и за пасијата, за деноноќната работа и за начинот на кој нè обликуваат родителите и средината, за храброста да се следи патот што не е секогаш однапред јасен. И не е најважно каде ќе стигнеме, туку какви ќе станеме следејќи го.
Зашто за успешните приказни што оставаат трага – ништо не е случајно.
-
СРЕДБА есеи
0300,00 ден„Средба“ е последниот збир есеи од областа на книжевната критика излеани од едно од најоригиналните и воедно „најостри“ книжевни пера на денешницата, Милан Кундера. Во „Средба“, Кундера брилијантно луцидно се навраќа како на некои од неговите главни идејни тематски стожери, така и на некои свои стари љубови (оставината на Рабле, Фелини, Јаначек, Малапарте), истовремено великодушно и искрено нудејќи ни ги неговите промисли за литературата, за моралот и за трансформацијата на цивилизацијата каква што ја знаеме.