-
Водни тела
0250,00 денРеката е насекаде – во водата која тече во домовите, во нивните разбранувани тела, во снегулките што лебдат и ѝ се враќаат во течението.
Што значи да се биде и колку сме изградени од она што било? Какви се водните тела? Дали човекот е растреперен бран и вода која е де во прилив де во одлив? Оваа приказна тече по коритото на животот барајќи го неговиот извор и обидувајќи се да ја спречи сушата.
Безимената протагонистка и писателка во сенка од Сиднеј се враќа во родното Куманово, но наместо во градот од спомените доаѓа во сиво место задушено во смог, ѓубре и закопани соништа. Како носителка на богатата македонска традиција, баба ѝ ѝ открива дека во Куманово некогаш постоела речна плажа. И така главната хероина се впушта кон откривање на личните приказни и легендите, кон сувото речно корито, заедно со другарите од детството – дивиот таксист Гаврил и Јасна, фотографка која ги следи трагите на црниците. Барајќи го изворот на водата, тие несвесно си го бараат својот извор.
И како што „Сè што користиме ни е позајмено, а наше е да го чуваме“, така вистината во оваа книга е позајмена. Ваше е да ја чувате книгава на полиците, а вистината за себе – во себе.
-
Можеби треба да разговараш со некого
0600,00 денОткривањето на тешките вистини си има своја цена, но и неспоредлива награда: слободата
Мудри и забавни записи на психотерапевтката чии книги „Њујорк тајмс“ постојано ги прогласува за бестселери. Готлиб храбро ни го открива својот живот, и како психотерапевт и како пацент, следејќи ги вистините и лагите што си кажуваме себеси и на другите растргнати меѓу љубовта и омразата, вината и прошката, стравот и храброста да се впуштиме во промени.
Иако сè поотворено разговараме на теми кои некогаш се сметаа за многу интимни, штом ќе се споменат анксиозноста и депресијата, веднаш замолчуваме. Затоа, секому му треба ваква книга – „Можеби треба да разговараш со некого“ е толку искрена што прераснува во бунт кон стереотипите.
Врвен психотерапевт кој им помага на луѓето да го изведат животот на прав пат, еден ден Лори Готлиб и самата запаѓа во ќор-сокак. Кога целиот нејзин свет се распаѓа, во нејзиниот живот влетува Вендел, терапевт од кого ќе побара помош. Зашто секому, па дури и на оние кои ги решаваат проблемите на другите, им е потребно место каде што ќе можат да ја покажат својата ранливост – и да поразговараат со некого.
„Неодоливо патување низ човечката душа што нема да сакате никогаш да заврши.“
Киркус ривју
-
Фифти-фифти
0500,00 денЌе победи оној кој ќе раскаже најдобра приказна.
На две сестри им се суди за убиство. Доказите се заплеткани, а тие се обвинуваат една со друга. На која ќе ѝ верувате?
„Татко ми е мртов. Сестра ми Софија го уби! Уште е во куќата, ве молам помогнете ми!“
„Татко ми е мртов. Сестра ми Александра го уби! Уште е во куќата, ве молам помогнете ми!“
Едната од нив лаже, едната од нив е убиец. Но која?
Дали проникливиот адвокат Еди Флин ќе избере да ја застапува невината сестра? За првпат во својата кариера, тој ќе почне да се сомнева во својот избор.
„Брилијантно! Ѓаволски добри заплети и пресврти.“
К. Л. Тејлор„Генијално исткаен заплет, од перото на еден велемајстор на криминалниот жанр.“
Ерин Кели -
Прекрасен нов свет
0300,00 денЕдна книга за иднината може да нè заинтересира единствено со тоа колку е веројатно да се остварат нејзините пророштва. A Хаксли во своето животно ремек-дело добро предвидел дека укинувањето на духовните науки и вредности за сметка на материјалните ќе го смени животот од корен. Дали ни се заканува свет составен од бесчувствени луѓе кои личат на машини и се грижат само за социјалната стабилност и опстанокот? Во футуристичкиот свет на Хаксли луѓето се создаваат во лаборатории, секој со однапред предодредена функција и класа. А изолирано од нив живеат нормалните, преостанатите дивјаци. Кога прекрасните нови луѓе ќе дојдат во допир со еден дивјак, започнува вистинското соочување со стварноста. Дистописката визија на Хаксли нè соочува со заканите пред кои е исправено човештвото, со надеж дека ќе нè освести пред нивната можна опасност.
-
Скарлетна студија
0300,00 денПрвото дело во детективската серија за Шерлок Холмс кој го воведува читателот во неговиот енигматичен универзум.
Кога д-р Џон Вотсон доаѓа да живее на улицата „Бејкер“ со Шерлок Холмс, нема претстава дека штотуку навлегол во еден нејасен свет на криминал и насилство. Придружувајќи го во една злокобна куќа во јужен Лондон, Вотсон запрепастено открива мртовец чие лице е згрчено во ужас. На телото нема траги од насилство, додека на ѕидот со крв е напишан еден единствен збор. Доктор Вотсон е еднакво збунет како и полицијата, но брилијантните аналитички вештини на Шерлок наскоро ќе го расплеткаат клопчето на убиството, одмаздата и изгубената љубов.
„Скарлетна студија“ е запознавање со познатото дуо – ликовите на Шерлок Холмс и д-р Џон Вотсон. Мистеријата околу откривање на извршителот на убиството случено под неразјаснети околности набрзина ги претвора во најдобри пријатели, а целата истрага води кон испишување на студија на случај наречен „Скарлетна студија“.
„Холмс!“, извикав. „Ти ли си? Зарем е можно да си жив? Можно ли е да си успеал да се искачиш од тој ужасен амбис?“
-
Дисциплина без драми
0600,00 денВистинското значење на зборот дисциплина не е „доведување во ред“ со казнување, туку подучување, тврдат Даниел Џ. Сигел и Тина Пејн Брајсон, автори на книгата Менталниот склоп на детето и на други светски бестселери. Со многу искрени приказни и примери, како и со корисни илустрации, книгата Дисциплина без драми ефикасно, едноставно и јасно ќе ве води низ непослушноста, солзите и гневот на вашето дете – без сцени, викања и без казнувања. Ќе научите како брзо и лесно да се поврзете со детето, да ги пренасочите неговите емоции и да ја искористите можноста да го подучите на вештини корисни за цел живот.
Дознајте:
факти за развојот на детскиот мозок и за најефикасните стратегии во зависност од возраста на детето;
како да поставите јасни и доследни граници до кои ќе се придржувате и вие и вашето дете;
осум стратегии за пренасочување на однесувањето, што може да се применат во секоја ситуација;
како да се однесувате со разумен, сочувствителен пристап кон детето кога има излив на гнев;
дваесет најчести грешки во дисциплинирањето и како да се одбегнат;
како да се користи „пусулка“ за потсетување на основните начела во секојдневни ситуации. -
Америка (III издание)
0300,00 денДа замислиме две нешта: Америка да биде личност, а не име на континент и да биде тој, а не таа. Значи, си имаме работа со Америка Берти, триесетгодишен маж чие искуство може да се спакува во џеб од панталони. Едноставен како „извини“ и повлечен како мирно море. Америка Берти, тоа триесетгодишно дете со големо име и со скромни барања. Да вози велосипед наоколу, да лови риба, да игра со своите поќерки и по посетата на поштарот, во осаменост да минува часови со писмата што никој не знае од кого и од каде пристигнуваат.
Ајде сега да замислиме дека сме во Италија, од другата страна на Јадранското Море, и некаде меѓу Бриндизи и Монополи е скриено малото Тинтинио, место што го нема на географска карта, но во него гравитираат толку многу уникатни личности што го заслужува вниманието на светот.
Кога тие две нешта ќе се спојат – чудните навики на еден интровертен човек и љубопитноста на провинцијата што живее од секојдневниот џагор – се создава дело што го носи шармот на приказните што се паметат цел живот.
Роман за опојната привлечност на непознатото, роман за љубовта и пријателството, за потрагата по дом, за неможноста на простувањето, за апсурдот на заборавот, за отсуството како судбина и пред сè роман за утописката (не)моќ на зборот.
-
МОЌТА НА ПОЗИТИВНОТО МИСЛЕЊЕ
0450,00 денРазмислувајте позитивно и ќе активирате позитивни сили што носат позитивни резултати.
„Моќта на позитивното мислење“ е една од најпродаваните книги на сите времиња, глобален бестселер преведен на 42 јазика и продаден во над 20 милиони примероци. Таа им помогна на многу луѓе низ светот да живеат целосно и исполнето преку инспиративната порака на Норман Винсент Пил за неопходноста од верба и позитивен став кон животот.
Во овој исклучителен прирачник за исполнет, здрав и вреден живот, Пил со многу практични примери ни ја приближува моќта на верувањето и нејзиното директно благотворно влијание. Неговите практични техники ќе ве поттикнат да ги остварите сите свои амбиции и надежи и да постигнете душевен мир.
Оваа едноставна и остварлива филозофија на животот ќе ве научи:
- Да верувате во себеси и во сè што правите
- Да стекнете решителност
- Да развиете моќ за постигнување на поставените цели
- Да си го подобрите здравјето
- Да си овозможите непрестајна циркулација на позитивна енергија
- Да ги отфрлите непотребните грижи и да живеете опуштено
- Да ги подобрите личните и професионалните односи
- Да преземете контрола над околностите
- Да бидете љубезни – и со другите и со себеси.
-
Прозорецот
0400,00 денНаследство (Книга 1): Прозорецот
Што ако обвинетиот ви каже дека зад убиството на неговата сакана стои „човекот од прозорецот“ на петти кат, без да објасни на кој начин тој се нашол таму? Би му поверувале ли?
Што ако се работи за некаков паранормален феномен? Би се соочиле ли со него?
Ако дознаете дека зад тоа се крие голем заговор и тајна организација која ќе ве прогонува? Ќе имате ли храброст да продолжите?
Новинарот Мите е решен по секоја цена да ја открие мистеријата зад „човекот од прозорецот“, иако не е свесен што сè ќе треба да жртвува за да го направи тоа.
Додека тој е посветен на истрагата на феноменот, неговата пријателка Катерина и неговиот татко Лазар бараат начин да му помогнат и да ја разоткријат тајната организација која се обидува да го спречи Мите, пред членовите од организацијата да успеат во тоа.
-
Смирени родители, среќни деца
0600,00 денПионерски водич за тоа како да се воспитаат одговорни, способни и среќни деца.
Приодот на д-р Лора Маркам, подеднакво едноставен и ефектен, се темели врз најновите истражувања за развојот на мозокот и врз опсежни искуства од клиничка работа со родители. Нејзината порака гласи: Ако ја јакнете меѓусебната емоционална поврзаност со вашето дете, создавате вистинска и трајна промена. Кога ја имате таа суштествено важна поврзаност, не треба да му се заканувате на детето, да му додевате, да го молите, да го „поткупувате“ – дури ниту да го казнувате.Овој исклучителен водич ќе им помогне на родителите подобро да ги сфатат сопствените емоции, но и да ги контролираат, така што ќе можат да дејствуваат во односот со детето со здрави граници, со емпатија, со јасна комуникација, и така да воспитаат самодисциплинирано дете. Во примерите „чекор по чекор“ се содржани решенија и реченици кои се веќе тестирани со деца и се наменети за родители на деца од најрана возраст до возраста на основното училиште.
Ако сте изморени од „битки за моќ“ со детето, од неговите испади и од тоа да трагате по вистинската „последица“ за него, не барајте натаму. Овде ќе ги откриете практичните средства и начини со кои на еден позитивен и докажан начин ќе го преобразите стилот на вашето родителство. -
Селфи
0550,00 ден#7 СЕКТОРОТ Q
Што може да открие едно едноставно селфи за три (навидум) среќни девојки?
Тие се млади, убави, мрзливи и веќе со години го изигруваат државниот систем за да добијат социјална помош, така што секоја понудена работа ја одбегнуваат со разни оправдувања. И додека тие единствено се грижат за својот изглед и за обезбедувањето „спонзори“, не се ни свесни дека ѝ паѓаат во очи на една неурамнотежена личност што решила да го ослободи светот од ваквите „паразити“.
За тоа време во парк во Копенхаген е откриено тело на постара жена. Случајот неверојатно потсетува на друго нерешено убиство од пред повеќе од десет години, иако врската меѓу жртвите ја збунува полицијата. Тие мислат дека сличностите се случајни, но, всушност, и тоа како се поврзани.
Детективот Карл Морк и неговиот крајно симпатичен помошник Асад ќе се најдат пред тежок предизвик кога мрачното минато на нивната колешка Роуз, која е во тешка депресија, ќе се соочи со едно нерешено убиство.
Дали тимот без нејзиното присуство ќе успее да се избори со сето тоа?
И дали Секторот Q навистина ќе се спаси од згаснување?
-
Пчелно семејство
0300,00 ден„Пчелно семејство“ е збирка од седум раскази. Секој расказ застапува одреден обред или обичај од словенечката традиција, кои во делото на Мугерли се вметнати во поинаков контекст или во современи рамки, така што добиваат нова улога и добиваат нова смисла. Централна тема на секој расказ е семејството: било да е неостварено („Јаболкарка“), обединето и потоа раздвоено („Пламени јазици“) или некое што во нормални услови би можело да стане вистинско („Пчелно семејство“). Сите раскази, освен еден, се случуваат во сегашноста, но поради ритуалите и атмосферата се чинат безвременски. Авторката со јазична виртуозност нè внесува во свет што не го познаваме, иако живееме во него.
Читајќи ги расказите, постојано преминуваме некакви граници – јазични, културни, политички, географски, но и оние што се поставени помеѓу реалноста и несвесното.
Во 2021 година „Пчелно семејство“ ја добива престижната Награда за литература на Европската Унија.
-
Драми – А. П. Чехов
0750,00 денОва издание ги следи драмските чекори на Чехов – од младешкото експериментирање до зрелата тишина на неговите последни дела. Со секоја сцена тој ни подарува светови исполнети со неизговорени чувства, човечки слабости и нежна иронија што допира длабоко.
Книгата ги обединува највпечатливите драмски дела на Чехов – од раната, ретко поставувана „Платонов“ до вечните класици „Вујко Вања“, „Три сестри“ и „Вишновата градина“.
Со суптилна иронија, длабока човечност и ненаметлива трагика, Чехов ги прикажува судбините на обичните луѓе – нивните копнежи, разочарувања и надежи.
Од комичните судири во „Мечка“ и „Предлог за брак“ до интимните монолози во „За штетата од тутунот“ и „Лебедова песна“, оваа збирка нуди богат спектар на емоции и стилови, сведоштво за мајсторството на еден од највлијателните драматурзи на модерната ера.
Семејство, љубов, празнина – сè што не се кажува, а сè што боли.
Идеално за љубителите на театарот, литературата и тишината меѓу зборовите
-
Инспиративна вистина
0350,00 денКнига за духовното издигнување, личните победи и враќањето на вистинскиот пат
Луѓето пишуваат бидејќи никој не слуша.
Од многутемина кои се соочуваат со анксиозноста, малкумина се тие кои ќе проговорат и ќе напишат некој ред, помагајќи им на другите и будејќи ја свеста на пошироката јавност. Но, може ли млад човек да говори за овие теми? Дали е потребно многу поголемо животно искуство за да се даде одговор на овој проблем?
Староста не е од пресудно значење. Важен е интересот, искуството, зрелоста и вештините на личноста. Ова е спознавање на себеси, дел од развојот и растот на секоја личност. Ова е емоционален отскок на индивидуата, непријатен по својата манифестација, но важен за заокружувањето на тој процес.
Книгата „Инспиративна вистина“ е наменета за општата јавност, за читателската публика која трага по разбирливи одговори во кои може да се пронајде и со кои може да се идентификува. Да се избере вистинскиот јазик за пренесување на мислите за оваа појава е комплицирано прашање, но играјќи на картата на искреноста, би рекле дека е најдобриот пат оваа книга да допре до секој читател.
Зошто „Инспиративна вистина“?
- Книга која ќе ви помогне да се запознаете себеси и да се фокусирате на остварувањето исклучителни резултати.
- Приказна за духовното издигнување, личните победи и враќање на вистинскиот пат.
- Надминете ја илузијата за однапред изгубените битки, активирајте се за победа!
- Поздравете се со празнината, зрачете со вистинската вредност!
- Не очекувајте надворешна слобода без внатрешен мир! Оваа книга нуди решение да ја остварите таа цел.
-
Наивност
0400,00 денМартин држејки го в раце болното дете, истовремено плачеше со Силвана. Детето беше во бесознание, по нецели пет минути стигна докторот кој веднаш го зеде детето во своите раце и го внесе во болницата, каде што влегоа Веле, Мартин и Силвана. Персоналот на болницата се зачуди што го виде докторот со детето в раце бидејки беше на одмор. Тогаш персоналот почна да го прашува докторот, што се случува, а тој им кажа дека е итен случај и дека детето што го држи во рацете, е од негови блиски пријатели и персоналот се затрча.
Дејствието на романот ,,наивност,, е во денешно време, тоа е една приказна што опишува наивноста до каде може да го доведе на човекот.
-
Тивката ноќ на Херкул Поаро
0450,00 денНајславниот детектив на светот, легендарната ѕвезда на романите на Агата Кристи, повторно ги активира своите „сиви ќелии“ и пристапува да реши една божиќна мистерија.
Денот е 19 декември 1931 година, а Херкул Поаро и инспекторот Едвард Кечпул добиваат повик да истражат убиство на човек што се случило во навидум сосема безбедна средина: на оддел од болница во Норфолк. Мајката на Кечпул, Синтија, инсистира Поаро да престојува во трошна куќа на брегот, за сите да можат да бидат заедно за време на празниците додека Поаро го решава случајот. Пријателот на Синтија, Арнолд, набргу треба да биде примен во истата болница, а неговата сопруга е убедена дека токму тој ќе биде следната жртва на убиецот, иако одбива да објасни зошто мисли така.
Поаро има помалку од седум дена да го реши злосторството и да спречи уште убиства, доколку сака да избега од кошмарно сценарио и да се врати дома за Божиќ. Во меѓувреме, некој бескрајно безмилосен има друга замисла за неговата судбина.
Ќе успее ли Херкул Поаро навреме да го реши овој збунувачки случај?