-
Држете се до своите деца
0600,00 денКако да ги одгледуваме своите деца подложни на врсничко влијание во новиот дигитален свет?
Современа класика за највознемирувачкиот тренд на нашето време – притисокот на врсниците. Неопходен водич за разбирање на овој проблем и за тоа како да му помогнете на своето дете да се справи со него.
Габор Мате и Гордон Нојфелд се зафаќаат со решавање на поткопаниот родителски авторитет. Децата сè повеќе се угледуваат на врсниците во потрагата по својот идентитет и правилата на однесување. Тоа го нарушува здравиот развој и негува непријателска и сексуализирана младинска култура. Децата стануваат опортунисти подложни најчесто на опасни влијанија, се отуѓуваат и најважно им е да бидат кул.
„Држете се до своите деца“ нуди практични совети за повторно поврзување и воспоставување соодветна домашна хиерархија, а притоа децата да се чувствуваат безбедно и сфатено и одново да ги придобиеме нивната приврзаност и љубов. Родителите можат да ги разбудат во себе вродените инстинкти и повторно да ја преземат својата природна улога да бидат за своите деца вистински извор на разбирање, сигурност и нежност.
„Достојна книга која ни носи навистина нови идеи и свежи гледни точки за родителството.“
Мери Пајфер
-
Психопорно
0400,00 ден„Психопорно“ е збирка од кратки раскази, целосно напишани во динамичен дијалог.
Како што кажува и самиот наслов, во делото се прикажуваат сексуалноста, нејзината духовна и трансцедентална димензија. Во расказите буквално се разглобува сексуалноста, дел по дел. Пред читателот се открива длабинско истражување на човековата внатрешнотст. Ова се разговори што се состојат од изјави без заобиколувања, без одбирање „суптилни“ зборови и понекогаш ја доведуваат дискусијата меѓу ликовите до самата срж.
Даворин Ленко е вистински мајстор на дијалогот, кој успева да исцрта сцени без премолчување, а истовремено создава расположение на комплексни, ранети или „ѕверски“ харизматични ликови. Со оваа шокирачка книга тој отвора ново поглавје од својот литературен опус и го подигнува нивото на читателските очекувања.
-
Не почна од тебе
0430,00 денДепресија. Анксиозност. Хронична болка. Фобии. Опсесивни мисли. Доказот е убедлив: можно е корените на тие проблеми да се во траумите на нашите родители, баби и дедовци, дури и кај прабабите и прадедовците. Најновите истражувања потврдуваат дека трауматичните искуства се пренесуваат на идните поколенија и дека тоа емоционално наследство, скриено во сѐ ̶ од експресијата на гените до секојдневниот јазик ̶ има многу поважна улога во нашето здравје отколку што досега се знаело. Врз основа на истражувањата на водечките стручњаци во областа на невронауките и посттрауматскиот стрес, Марк Волин осмисли пионерски пристап во идентификувањето и отстранувањето на тие наследени фамилијарни обрасци. Книгата „Не почна од тебе“ е пристапна, прагматичен и прескриптивен водич за методот што на илјадници луѓе им помогна да завладеат со сопствениот живот. Книгата Не почна од тебе е преполна со приказни што ќе ви го сменат животот, моќни увиди и практични орудија за индивидуално исцелување, таа заслужува место на вашата полица за книги. – Марк Матоусек, автор на делото „Ethical Wisdom“ Многу важна книга… Марк Волин е мудар и доверлив водич на патувањето кон исцелувањето. – Д-р Тара Брак, авторка на делото „Радикално прифаќање и вистинско засолниште“ Смело, креативно и сочувствено дело. – Шерон Салцберг, авторка на бестселерот на „Њујорк тајмс“ „ВИСТИНСКА СРЕЌА“
-
Не одам никаде
0350,00 денКратки, презицни и напнати, овие раскази се експлозија од емоции. Шокираат, растажуваат и вознемируваат, но знаат и да насмеат.
Географскиот и внатрешниот егзил е главниот поттик за конфликтите на овие ликови, заедно со сите наметнати очекувања што ги отежнуваат меѓучовечките односи. Обременети од притисоците на западниот свет, од потценувањето на нашата македонска и балканска реалност, тие не можат да избегаат од своите комплекси, каде и да одат.
Сложените проблеми не можат да имаат едноставни расплети, но можат да кријат зачеток за нивно разрешување. „Не одам никаде“ е совршена книга за да ги помести читателите од нивната умствена вкочанетост.
„Бужаровска е искучително талентирана, модерна и учена раскажувачка, која пораснала со влијанието на американските раскази. Има невообичаено читлив и заводлив стил, дури и кога обработува мрачни теми. Човек лесно би си помислил дека е наследничка на Ани Ерно, решена да стане некој и нешто, иако веќе е она што посакува да биде.“
Дубравка Угрешиќ
-
Зошто ме тргаш од ѕвездите?
0280,00 денКнигата „Зошто ме тргаш од ѕвездите?“ од Леонардо Змајшек е симпатично четиво за зреењето, растењето, за сите дилеми, болки и радости што ги носи периодот на адолесценцијата.
Со нескриена младешка енергија, со уште поотворена тинејџерска
љубопитност и желба за сознавање, расказите на Леонардо откриваат
еден лик и многу негови внатрешни гласови или обратно, мноштво
ликови, а еден доминантен глас што раскажува.
Леонардо, можеби и ненамерно, но секако интересно, си поигрува и
со елементите на научната фантастика, креирајќи ликови или суштества кои во себе или околу себе носат енигма на мистичност, на чудесна интервенција од некој или нешто непознато.
Текстовите откриваат и автор кој е упатен и пасиониран читател, со
силно влијание од митологијата, од епската фантастика, од трилерот
како литература или неговата екранизација.
Дел од расказите лесно би можеле да бидат адаптирани за стрип,
филм или видеоигра.
Леонардо Змајшек пишува искрено, емотивно, со силна страст за
метафори, градење слики и цели лични светови. Неговата книга и
емотивниот вртлог во неа, за повозрасните читатели може да биде
и силна шлаканица или одговор на прашањето каков свет им оста
ваме на нашите деца -
Проектот Автентичност
0500,00 денШто би се случило кога сите би ја кажувале вистината?
Приказна за една обична бледозелена тетратка која ги менува животите на неколку ликови откривајќи им вредни животни лекции.
Џулијан Џесоп е осамен ексцентричен уметник кој верува дека луѓето никогаш не се целосно искрени. Прашувајќи се што би се случило кога сите би ја говореле вистината, својата ја запишува во обична бледозелена тетратка што ја остава во еден мал ресторан. Кога ќе ја најде, Моника решава да му помогне на Џулијан да ја преброди осаменоста и организира курс по сликање. А потоа ја раскажува својата животна приказна и ја остава тетратката во блискиот вински бар.
Моника и Џулијан не можат ни да претпостават колку нивната искреност влијае врз сите кои ќе ја пронајдат тетратката и на кој начин таа ќе им го промени животот. Еден по еден, тие ја споделуваат сопствената приказна – чин што носи слободување, им ги открива скриените потенцијали и безбројните можности што ги нуди животот.
„Топла книжевна прегратка, книга која несомнено ќе ве расположи.“
Вашингтон пост
„Топла и нежна приказна за придобивките од храброста да се покаже своето вистинско лице со сите несовршености.“
Пипл
-
Што не те прави будист
0400,00 денВе фасцинира да станете будист или веќе се сметате за тоа?
Ѕонгсар Џамјанг Кјенце, учител кој доаѓа од традицијата на тибетскиот будизам и еден од најкреативните и најиновативните лами што на денешнината отворено го предизвикува будистичкиот свет, притоа опфаќајќи често сретнувани погрешни сфаќања, стереотипи и фантазии. Со проникливост и иронија, Кјенце ги принудува читателите да појдат отаде површните замки и стапици на будизмот – отаде романсата која подразбира бројаници, мирисливи стапчиња или егзотични одежди – и да се устремат токму кон средиштето на она на што подучувал Буда.
Ѕонгсар Џамјанг Кјенце е лама од традицијата на тибетскиот будизам кој патува и подучува низ целиот свет. Предводник е на прочуениот манастир Ѕонгсар, на колеџот „Ѕонгсар“ и на „Siddhartha’s Intent“, и е духовен патрон на центри за медитација во Ванкувер, Сан Франциско, Сиднеј, Хонг Конг и Тајпеј. Покрај тоа, тој е сценарист и режисер на наградуваните филмови „The Cup“ и „Travellers and Magicians“.
„Конечно пред нас е еден нов и свеж глас на тибетскиот будизам. Во оваа кратка книга се содржани многу нешта за размислување, како за проучувачите на будизмот, така и за сите оние кои се заинтересирани за постојаното приспособување на традиционалната источна мудрост во постмодерните услови и околности наметнати од западниот свет.“ – Паблишерс викли
-
ЗАВЛАДЕЈТЕ СО СВОИТЕ ЕМОЦИИ
0380,00 денНе мора да имате совршен живот за да бидете среќни. Среќата е избор што го правите секој ден.
Сте размислувале ли некогаш за своите мисли? Дали сте посклони кон негативните наместо кон позитивните?
Првиот чекор кон промената е да разберете како функционираат негативните мисли и емоции. Една негативна критика може да фрли во сенка стотици позитивни. Затоа, мора да научите да ги преобразувате лошите емоции и да ги претворате во позитивни. Среќниот живот е возможен ако ги следите практичните чекори што ни ги нуди Морис.
Продадена во 100.000 примероци, оваа книга содржи докажана програма што ќе ве научи на 31 практичен чекор за совладување на негативните емоции. Ќе ви покаже како емоциите да работат за вас и ќе ви помогне да ја научите формулата за преобразба на мислите.
Тибо Морис бил интроверт и неговата повлеченост не му овозможувала да ги постигне целите што ги посакувал. Кога одлучил да си го подобри животот, сè се променило. Ова е неговата приказна за тоа како ја пронашол среќата. Може да биде и патоказ кон вашата.
„Корисен, оптимистички и добро организиран водич за справување со емоциите што ќе ви помогне да станете цврсти и непокорни.“
Киркус ривју
-
Мојот маж
0350,00 денЕдинаесет жени отворено и без никакви задршки зборуваат за своите сопрузи. Секојдневните ситуации докажуваат колку може да биде тежок животот во заедница. А ставовите за брачниот живот кажуваат многу и за нас како личности.
Тешки партнери и уште потешки карактери. Румена Бужаровска ги посочува/оцртува/назначува социјалните и интимните граници што ги имаме со сопружниците. А кога ќе се крене тепихот под кој е насобрано сè што било премолчувано со години, од нас избликнува и долгопотиснувата горчина.
Иронична и трагикомична, брачната баналност во својата срцевина го содржи она што се нарекува живот, а што некои од нас дури и навистина го живеат.
„Бужаровска никогаш не е цинична, зашто секогаш меѓу редовите ја открива битката што сите сме принудени да ја водиме со себеси.“
„Фалтер“
-
Оние што си заминаа и оние што останаа
0430,00 денМајка! Колку моќно звучи тоа. На овој свет веројатно нема ништо посилно од мајчинството. Дури ни оние што заминале од своето родно место, во потрага по подобар и поудобен живот, далеку од своето огниште не можат да ја раскинат оваа врска. Луѓето постојано се во потрага по поубава средина, може да се каже отсекогаш и од секаде. Но, во седумдесеттите и осумдесеттите години од минатиот век, Исламската револуција предизвикува неверојатен егзодус и иселување на Иранците низ светот. Речиси не останува некое градско семејство, а да не е распарчено и да нема некој од тоа семејство што не заминал од татковината. Од својот дом. Долги години живеат разделени, без можност да се видат или да бидат во некаков контакт. Разделбата е до тој степен, што дури има браќа и сестри што не се разбираат и само варијациите на правописот од нивните презимиња е сè што останало од нивната некогашна цврста врска.
Оваа книга ја раскажува приказната за семејното обединување на мајката и нејзините шест деца со нивните сопружници по триесет години разделба. На почетокот, сите се возбудени, полни со љубов и се запознаваат со новите членови на семејствата. Се сеќаваат на златните денови од нивното детство. Се гостат со вкусните персиски јадења по кои копнеат додека се во странство.
Но, наскоро ќе почнат да се појавуваат несогласувања за политичките и општествените прашања. Тензиите се зголемуваат и тајните ќе испливаат на површината. Оние што заминаа имаат бледи сеќавања на убавите денови од младоста. Оние што останаа имаат замисла дека светот од другата страна е совршен. Ниту двете страни немаат вистинска претстава за животот далеку од нивните очи.
Сега останува само едно нешто што ги врзува двете страни и може да ги натера да зборуваат, да си ги кажат маките и да се обидат да се запознаат одново: Нивната Мајка.Уште еден бестселер на Паринуш Сание, авторката на светски познатите хит-романи „Запишано во ѕвездите“ и „Го сокрив мојот глас“, објавени на македонски јазик во 2017 и 2018 година.
-
ОВИРИУМ – ПОМЕЃУ СВЕТОВИ
0350,00 денТвојот мистериозен пријател ја продолжува приказната – зандана чијшто крај би била неговата слобода.
Прочитај ја и ослободи го.
Во вториот дел од серијалот „Овириум“ ќе отриеме кој е таинствениот наратор што нè запозна со чуварот на Преминот, Смртта. Но и многу повеќе од тоа.
Матеј е исчезнат, небаре земјата го проголтала. Матеа – неговата сестра близначка, се впушта во потрага по него. Таа е нишката која ќе го отплете јазолот на пророштвото. А пророштвото веќе е разнишано. Од страница во страница, постепено откриваме кое е значењето на Матеа – двојничката на Матеј и Носител на Времето, Црвенокосата кралица и големата Оракула каква што нејзиниот свет дотогаш не видел. Ќе отпатуваме на необична планета која крие дел од пророштвото. Ќе ги откриеме чудните доживувања со една цел – каде е Матеј?
Мистерија, одмазда, магични преобразби – сè што треба да има во фантазија која остава без сон.
-
Шинела и други раскази
0400,00 денПрозата на Николај В. Гогољ стои во основите на модерната европската литература, како претходник на Франц Кафка, но и како мајстор на гротеската.
Гогољ живее и твори на преминот меѓу две големи книжевно-историски епохи романтизмот и реализмот, при што неговите дела ги имаат карактеристиките на двата правци. Извршил големо влијание на подоцнежните руски реалисти, но и на модернистите. Иако расказите му се проникнати со типично руска атмосфера, успеал да создаде општочовечки и универзални дела. Гогољ ни укажа на сличностите на нашиот свет со пеколот, на истоветноста меѓу сонот и јавето, на алогичното и баналното како клучни во нашето постоење, на невозможното како возможно и на тенката линија што го дели лудилото од уметноста. Полни со имагинација и безвремени, неговите раскази остануваат свежи и значајни денес исто толку колку што биле во времето кога се појавиле.
Од „Виј“ и „Нос“ до „Портрет“ и „Шинела“, оваа збирка ни ги носи осумте раскази на Гогољ кои се вброени во класичните дела на руската и светската литература.
-
Осмица
0280,00 денМозаик од портрети на различни ликови, пишувани од женска или од детска перспектива, фатени во грч, во миг на преиспитување и соочување со сопствените мани и проблеми. Румена Бужаровска прави процеп на стварноста и од неа ги извлекува сите интимни драми на секојдневието.
Во новото издание на оваа збирка ќе се сретнете и со дел од нејзините рани раскази објавени во „Чкртки“. И тогаш и сега, со едноставен а богат јазичен стил, со проблеми од нашето општество а сепак универзални, Бужаровска мајсторски ги буди индивидуалците да се соочат со себе и да преземат одговорност за она што им се случува.
За да ги откорнеме негативните и дискриминаторски ставови, неправилните и неправедните навики, потребно е прво да се соочиме насамо со ликовите од овие раскази. Препознавајќи се во многу од нив, потоа со отворени очи и будна свест зачекоруваме кон новото утре.
„На читачката публика Румена Бужаровска ѝ е претставена како „новата надеж од Македонија“, како што потврдува оваа збирка раскази. Бужаровска пишува од јасна перспектива. Се запознаваме со неколку женски судбини, од кои некои се девојчиња, а други се млади, омажени жени. Линијата на женските судбини се заокружува со приказната за една старица. Најдоброто од Румена Бужаровска штотуку следува.“
Беким Сејрановиќ
-
Никој и ништо во Париз и Лондон
0300,00 денТрпезата на богатите и сиромашните се разликува само според нивните приходи.
Орвеловата автобиографија, исповед и критика – маестрален портрет на сиромаштијата во општеството.
Класикот на критичката мисла отворено и без трошка самосожалување ги изнесува вистините за бедата што ја доживеал во Париз и Лондон. Двете епизоди се еднакво фасцинантни – париската по разоткривањето на заднината на отмените француски ресторани, и лондонската по начинот на кој е насликан животот на скитниците на самото дно на општеството.
Орвел ни нуди живописен приказ на двата града со отрезнувачки вистини за ужасната стварност –ужасна затоа што е сосема реална. Овој негов роман е веродостоен сведок и значаен социјален документ за сиромаштијата што го угнетува народот. Но тој истовремено прераснува и во беспоштедна критика кон општеството кое не презема ништо за нејзино решавање.
-
Азбучната куќа
0600,00 денВтора светска војна – двајца англиски пилоти, eдна психијатриска болница за офицери на СС и една многу опасна игра на преправање.
Во 1944 година, двајца англиски пилоти, Џејмс и Брајан, пријатели од детството, се соборени над Германија. Свесни дека ќе бидат стрелани како шпиони ако ги фатат нацистите, успеваат да влезат во санитетски воз наменет за високорангирани припадници на СС-единиците што го загубиле разумот поради суровите доживувања на источниот фронт. Џејмс и Брајан исфрлуваат од возот двајца пациенти на умирање и ги заземаат нивните постели со надеж дека подоцна ќе избегаат. Така, двајцата завршуваат во Азбучната куќа, психијатриска болница што се наоѓа во самото срце на Германија, во Фрајбург. И единствен спас им е да глумат дека се луди…
„Најдобар филм што сум го прочитал во животот.“ – Јуст Бетцер, филмски продуцент
„Возбудлива комбинација на воен роман и психолошки трилер, ни малку поневозбудлив од неговиот меѓународно познат серијал за секторот Q.“ – The Times
-
Раскази од минатиот век
0250,00 денВо Раскази од минатиот век Виолета Танчева-Златева ја брише границата меѓу умот и заумот, меѓу стварноста и фантазијата, меѓу светот на секојдневието и светот на очудувањето, меѓу сонот и јавето, меѓу класичниот и магичниот реализам. Иако пишувани „во минатиот век“, тие се интуитивна проекција на новиот век, небаре минатото ја посматра иднината со очите на сегашноста, а погледот се менува во дијалогот со себеси, па имаме раскази и со морбиден, но и со меланхоличен призвук, и со рурален, но и со урбан амбиент, и со исповеден, но и со премолчен тон, и со цврсти, конкретни факти, но и со раскошно измислени случки, поставувајќи го егзистенцијално-поетичкото прашање „Колку треба да се премолчи, а сепак да се каже потребното?“ Потеклото, коренот, селската (не)идила, градската сцена, растењето, мајчинството, љубовта, ранливоста на човечкото битие, заборавот, сеќавањето, судбината на жената, животот како пат без станица за одмор – се само дел од темите што авторката ги обработува на автентичен начин, ненаметливо, емпатично и во духот и на старата македонска книжевна класика, но и во дослух со новите наративни пристапи на раскажување. Виолета Танчева-Златева раскажува за хронотопот на срцето кое е секогаш овде и сега. Нејзините раскази од минатиот век се раскази за нас и за нашиот век.
Лидија Димковска