-
Живот
0300,00 денЖивотот е борба. А колку потешка е борбата толку послатки се плодовите, толку посладок е животот.
Ниту еден живот не е обичен, но некои животни приказни имаат малку понеобичен тек. Таков е животот на еден човек кој доживеа многу и пропатува на најразлични места во светот запознавајќи многу луѓе, но запознавајќи се и себеси… И тогаш реши стварноста што ја живее, а која и ти ја живееш, да ја запише на картони. Веројатно веќе знаеш за кого зборуваме. Е па, Кристијан е многу повеќе од Човекот со картоните.
Запознај го одблизу и ѕирни колку „Живот“ се крие во неговата енергија. Да, многупати нè насмеал, но сега е време да дознаеме што се крие зад неговата насмевка. Зашто насмевките не кријат секогаш среќа. Понекогаш таму има и разбранувано море. Убавината е да научиш да пловиш и по него. Кристијан нека биде капетанот, а бродот, драги гледачу на животниот филм на Бомбакис, е токму оваа книга што ја држиш во рацете.
П. С. Внимавај при пловењето, понекогаш е тешко да се одржува рамнотежата кога едната страна на морето те смее, а другата те расплакува.
-
Емотивен талог
0350,00 денКнигата „Емотивен талог“ произлегува од себезапрашаноста пред предизвиците на современото живеење и откривањето на сопствените стратегии за борба против сѐ што нѐ одвојува од нашата суштина. Ова дело е повик и поттик да се впуштиме во авантура на себеиспитување и себенадградување преку аналитички поглед во сопствениот емотивен талог.
Гоце Смилевски
Прозните цртички за „најдлабокото човечко“ на Ана Јовковска се албум на една лична интима, но воедно и освестувачки аларм за колективната свест и совест. Испровоцирани од радикалната промена на светот при соочувањето со монструозниот вирус, нејзините прозни записи се длабока интроспекција и потрага по примарните хуманистички вредности: среќата, љубовта, слободата, здравјето (физичко и ментално), моралот, солидарноста, природата, културата… Хибридните прози кои комбинираат расказ со есеј, колумна со критика, филозофија со психологија се необични книжевни медалјони, свежи и сочни. И, секако, не смее да се заборави – имаат розова боја, „крчкани“ се во женска кујна!
Соња Стојменска-Елзесер
Приказните од кујната на Јовковска се „крчкани натенане“, сериозно промислени и продлабени низ слоевите на колективните матрици, но едновремено длабоко прочувствувани и процедени низ решетките на сопственото искуствено доживување. Во нив таа навидум се занимава со себе и женските револуции што ги води, но нејзиното интимно соголување, всушност, крие гандиевска филозофија, длабоко верувајќи дека со личниот пример може да го трасира патот кон поправеден, послободен и попродуховен свет.
Ана Мартиноска
Извонредно слоевита и напишана со огромна вештина, книгата „Емотивен талог“ има силна интроспективна визура. Интелектуалната љубопитноста на Ана Јовковска е безгранична и повикува на креативен и продуктивен дијалог со читателите. Ракописот е густ како талог од кафе, натопен во разигран јазик на метафори, симболи и асоцијации, а сепак е едноставен, непретенциозен и лесно читлив.
Владимир Мартиновски
-
Психологија на парите
0500,00 денУмешноста со парите зависи многу повеќе од начинот на кој се однесувате отколку од вашата интелигенција. А однесувањето тешко се учи, што важи дури и за најпаметните луѓе.
Пари, инвестиции, лични финансии и деловни одлуки – сите се изучуваат како наука заснована врз математиката во која податоците и формулите прецизно го одредуваат следниот чекор. Но во вистинскиот живот луѓето не носат финансиски одлуки врз основа на табели, туку одлучуваат додека се на вечера или во соба за состаноци – а во тие одлуки се обединуваат нивното минато, индивидуалните гледишта на светот, нивното его, гордоста и личниот поттик.
Во „Психологија на парите“ докажаниот автор Морган Хаусел во 19 поглавја ги истражува невообичаените ставови што луѓето ги имаат кон парите и ги учи како подобро да го разберат едно од најважните животни прашања.
„Ретко кој може да напише книга за финансиите со таква јасна прецизност како Морган Хаусел.“
Даниел Х. Пинк
-
Порив
0500,00 денЛуѓето имаат внатрешен порив да бидат автономни, самоопределени и меѓусебно поврзани. А кога ќе го пронајдат тој порив во себе, постигнуваат повеќе и живеат побогати животи.
Што ги мотивира луѓето подобро да работат? Покачувањето на платата, бонусот или некој друг вид награда? Или, пак, казната ако поставената цел не се оствари? За жал, повеќето веруваат дека овој метод е најдобриот начин за мотивација.
Но експертот Даниел Х. Пинк убедливо го оспорува ваквиот пристап кон менаџментот. Тој изнесува издржани докази против него, засновани врз научни сознанија, и нуди радикално поинаков пристап согласно човековата природа и потребите на денешната економија.
Пинк открива каде се разидуваат науката и бизнисот и како тоа влијае врз секој аспект на животот. Преку досетливи и изненадувачки техники ни ги претставува трите елементи на вистинската мотивација – автономија, мајсторство и намера, и ни дава практични начини за нивна примена со цел да го смениме начинот на размислување, а со тоа и целиот живот. Луѓето постигнуваат најдобри резултати кога се мотивирани однатре, а не однадвор. Ова најдобро го потврдуваат компаниите кои смело го воведуваат ваквиот модел за мотивација.„Пинк во целиот свет веќе има статус на гуру… Тој е беспрекорен писател кој предизвикува.“
Фајненшел тајмс„Овие се лекции што треба да се повторуваат. Колку повеќе компании се осмелуваат да ги следат советите на Пинк, толку подобро.“
Волстрит џурнал -
Никому ништо не должите
0430,00 денНашите обрасци на перфекционизам и угодување на луѓето настанале врз основа на некогашните повреди на емоционално ниво.
Никому ништо не должите е книга за перфекционисти, трудохоличари, оние што им угодуваат на луѓето и оние што макотрпно се трудат и што се чувствуваат заглавено во циклусот на бескрајно вложување напори. Споделувајќи ги со читателите своите искуства како животен тренер и „излечен“ перфекционист, Керолајн Гарнет Макгро ни покажува како може да се ослободиме од тежината на очекувањето и нѐ охрабрува да одиме понатаму во животот, без да му се правдаме на некој.
Инспирирана од текстот на авторката „Никому не му должиш да влезеш во интеракција со него“, кој стана вирален, оваа книга нѐ повикува да направиме изненадувачки избор што може да ни помогне да се ослободиме. Наместо да понудат само уште повеќе начини за постигнување промени со вложување труд, овие лични приказни се како сочувствен сведок и претставуваат одраз на нашите перфекционистички навики. Тие се истовремено и повик за будење што ни помага да излеземе од менталитетот на маченик и нѐ инспирира да тргнеме во нов, позитивен правец.
Низ едноставната и достапна практика, Никому ништо не должите ни покажува како изгледа кога ќе одлучиме да престанеме да функционираме на стариот начин, со претерување во сѐ, и нѐ повикува да донесеме одлуки што ѝ помогнаа и на авторката, а и на нејзините клиенти да го надминат перфекционизмот, зајакнувајќи и овозможувајќи да се ослободиме од стравовите и да го заздравиме своето срце. -
Размислете уште еднаш: Моќта на знаењето за сопственото незнаење
0600,00 денОваа книга ја истражува умешноста како да ги преиспитувате своите мислења и како да им го менувате мислењето на другите.
Интелигенцијата често се оценува како способност за размислување и учење, но во свет што постојано се менува, постојат и друг тип вештини што значат многу повеќе: способноста за преиспитување и одучување. Секојдневно ги слушаме оние мислења што прават да се чувствуваме добро за себе, наместо идеи што ќе нѐ замислат. Секое несогласување го доживуваме како напад на нашето его, наместо како можност за учење нешто ново. Се опкружуваме со луѓе што се согласуваат со нашите заклучоци, наместо да избираме луѓе што ни го предизвикуваат начинот на размислување.
Новите докази ни покажуваат дека преиспитувањето како начин на размислување и вештина може да биде научено и Грант ни објаснува како да ги развиеме потребните квалитети за да го направиме тоа.
„Размислете уште еднаш“ е книга за разумното сомневање, како подобро да го прифатиме непознатото и да не се плашиме од грешките. Доказите потврдуваат дека креативните гении не ги врзува еден идентитет, туку константно се подготвени да ги преиспитаат своите ставови, а лидерите што признаваат дека нешто не знаат и бараат конструктивна критика водат попродуктивни и поиновативни тимови.
-
ПОТЕКЛО Саша Станишиќ
0400,00 денВака стојат нештата: земјата во која сум се родил денес веќе ја нема. Додека постоеше, се сметав себеси за Југословен. Како и моите родители: татко ми – Србин, a мајка ми – од бошњачко муслиманско семејство. Бев дете на мултиетничка земја, плод и исповед на двајца луѓе што се сакале и кои југословенскиот melting pot ги ослободил од притисокот на различното потекло и религија.
ПОТЕКЛО е книга за моите потекла, за сеќавањата и откритијата. Книга за јазикот, работата на црно, штафетата на младоста и за многу, многу лета.
Во својот трет роман Саша Станишиќ раскажува како од родниот Вишеград патува за Хајделберг, па се враќа назад во босанските планини кај баба си. Топол, близок, духовит и живописен роман, кој ја плени германската публика. Вонсериско дело што ќе ве освои на прво, второ и на секое следно читање.
Германска книжевна награда за 2019 година!
„За разлика од други постјугословенски автори што ја создаваат својата книжевност во тесните, зададени рамки на идентитетскиот кафез, Станишиќ сам отвора рамки и дефинира идентитети.“ – Миљенко Јерговиќ
-
Мојата љубовна приказна ТИНА ТАРНЕР
0450,00 денПродадени двесте милиони плочи. Дванаесет награди „ГРЕМИ“ Само една Тина Тарнер. „Правев опасни работи и ми беа правени опасни работи, но во последен момент нешто во мене секогаш ми кажуваше кога да побегнам, како да преживеам. Без разлика што и да ми се случеше, секогаш се извлекував. Си реков, па можеби треба да живеам. Можеби сум тука со причина. И можеби причината е да ја споделам мојата приказна со вас.“
-
Слобода од познатото
0280,00 денЗа да се гледа не се потребни ни философија ни учител. Никој не мора да ви каже како да гледате. Едноставно гледате.
Нашиот свет е полн со насилство и страдање и потребна му е промена. Но како таа да се постигне? Кришнамурти нè поттикува активно да (се) истражуваме и да излеземе од стапицата на познатото за да можеме да постигнеме промена во себе, а со тоа и промена во мислењето и однесувањето на целото човештво.
Што е освестеноста и како да се постигне, во што е суштината на човековата потрага, што е љубовта, зошто се плашиме од смртта, зошто страдаме и зошто нашиот ум е несреќен?… се само дел од поважните теми што ги обработува Кришнамурти покажувајќи како луѓето можат радикално и брзо да се ослободат од тиранијата на очекуваното, без разлика на својата припадност. Големиот учител ни нуди изобилна духовна ризница од која читателот ќе црпи со задоволство и благодат.
„Кришнамурти ми изврши длабоко влијание и ми помогна да ги надминам самонаметнатите ограничувања на мојата слобода.“
Дипак Чопра
„Еден од најголемите мислители на сите времиња.“
Далај-лама
-
Патот на супериорниот маж
0400,00 денСмела, предизвикувачка и многу длабока книга.
Патот на супериорниот маж од Дејвид Деида, светски познат гуру за личен развој и духовна сексуалност, е практичен водич за живеење машки живот со интегритет, автентичност и слобода, во сите области од животот – кариера, хоби, пријателство, интимност, љубов, секс.
Преведен на над 20 јазици, овој бестселер на Деида е длабок и возбудлив водич за патот на самоуверениот маж кој е подготвен да се усовршува надминувајќи ги пречките и да си поставува нови цели живеејќи во хармонија со себе и со светот. А среќната врска со саканата жена е многу значаен дел од тој пат. Ефикасните, несекојдневни и на многу начини револуционерни совети и телесни практики од Деида се однесуваат на сите аспекти на заедничкиот живот: од решавање на секојдневните прашања до способноста да се дава и да се прима највисоко задоволство во сексот.
„Патот на супериорниот маж поставува предизвик пред сите мажи да ја исполнат својата вистинска цел и да бидат автентично мажествени. Искористете ја можноста со оваа книга во раката.“
Тони Робинс
„Оваа книга ќе навреди и разгневи некои луѓе, ќе инспирира и тестира други, но ќе ги предизвика буквално сите…“
Кен Вилбер
-
Дај си петка!
0550,00 денВо својата книга Правилото „Пет секунди“, наслов што се претвори во светски феномен, Мел Робинс научи милиони луѓе низ светот на тајната кон мотивираноста наречена „пет секунди“. А сега, се враќа со уште едно, многу едноставно и проверено функционално средство што можете да го искористите за да преземете контрола врз својот живот, наречено „Дај си петка!“.
Но насловот нека не ве залажува. Во оваа книга не се зборува за тоа дека на сите личности во својот живот треба да им „Давате петка!“. Вие тоа и онака веќе го правите. Им кликате на омилените спортски тимови. Им честитате на пријателите. Ги поддржувате своите сакани додека тежнеат кон она што го посакуваат во своите животи.
Замислете со иста таква љубов и охрабрување да се опсипувате себеси. Или, уште подобро, замислете тоа да ви стане секојдневна навика.
Никој нема да може да ве сопре.
Во оваа книга, Мел ве учи како да почнете да правите „да пукне“ на најважната личност во својот живот, онаа што ви го возвраќа погледот во огледалото: САМИТЕ СЕБЕСИ.
Ако се борите со себесомневања (а, кој и не се бори?)…
Ако веќе ви се смачило од тој здодевен и упорен критичар во вашата глава (аман веќе, нека го избрка некој!)…
Ако сте крајно успешни, но единствено се концентрирате врз тоа што не чини (не сте единствените)…
Ако ви е веќе преку глава да гледате како сите други напредуваат, а вие туку си седите на каучот дома со кучето (немојте сега и кучево да го вмешувате во ова)…
…Мел книгава ви ја посветува вам.
Навиката „Дај си петка!“ е едноставна, а длабока алатка, која ќе ви ги промени ставот, начинот на размислување и однесувањето. И затоа, подгответе се да се смеете и да учите додека преземате чекори со кои веднаш ќе си ги засилите самодовербата, среќата и постигнатите резултати.
Време е за „Дај си петка!“, време е да си ги пружите уважувањето и поддршката што ги заслужувате.
-
7 тајни на успехот
0480,00 денКенан Црнкиќ е автор на балкански бестселери за успехот и среќата.
Неговата прва книга „7 тајни на успехот“, како едноставен и практичен водич до успехот, предизвика своевидна сензација, ги собори сите рекорди на продажба, во рок од само 10 дена од издавањето се искачи на првото место. Во првата година го доживеа своето неверојатно десетто јубилејно издание, како и превод на повеќе странски јазици. Книгата со симболичен наслов „Внимавај кој волк го храниш“ е вториот наслов од овој популарен автор. Оваа книга, која зборува за среќата – како да се пронајде, постигне и трајно задржи во нашиот живот, ги надмина сите очекувања и ја освои титулата култна книга и ултимативен балкански бестселер. Авторот е доктор по економски науки и професор на многубројни универзитети во земјата и во странство. Во теоретска смисла, се образувал на престижни универзитети и бизнис-училишта, а специјалистичките студии успешно ги завршил на познатата школа за бизнис, на Харвард во Соединетите Американски Држави. Во практична смисла д-р Црнкиќ успешно раководел мултимилионски корпорации и фондации во приватно, но и во државно сопствеништво. Стана препознатлив по својата стручност па извршува голем број функции во управни, советодавни и стручни комисии, а моментно е и потпретседател на Европскиот комитет за претприемаштво. Неговите книги се преведени на повеќе странски јазици, како и на Брајево писмо. -
Децата и разводот
0450,00 денВо својот научен труд „Децата и разводот: Психологија на разводот од перспектива на децата“ – што е адаптирана и дополнета верзија на нејзината докторска дисертација – универзитетската професорка Драгана Батиќ пишува за влијанието на разводот на родителите и на семејната структура врз менталното здравје на децата и на адолесцентите. Таа прави детален преглед на разводот како стресоген животен настан и на карактеристиките на семејствата што настануваат по разводот. Од истражувањата што ги спроведува професорката во рамките на својата работна практика, но и од истражувањата на цитираните автори кои се занимаваат со истата тема, може да се заклучи дека менталното здравје на децата и на адолесцентите на разведени родители не е изложено на ризик, односно дека за менталното здравје на децата и на адолесцентите поважни фактори се функционалноста на новоформираните семејства и кооперативниот однос помеѓу родителите, отколку самата структура на семејствата.
-
Седумте
0450,00 денСедумте“ е дело кое нема да ве однесе само на падините и на врвовите на далечните, за повеќето од нас сосема недофатливи, па и незамисливи светови. Овој патопис на Илина Арсова е документ не само за нејзините патешествија и подвизи што оставија неизбришлива трага во историјата на македонскиот спорт, туку претставува и архив на едно време во кој преку длабоко искрен приказ на личното – од размислите до животните приказни на авторката – стигнуваме до пресек на болните проблематики на современото македонско општество.
Румена Бужаровска, писателка, професорка„Седумте“ е мистично, адреналинско, авантуристичко патување по светот, но е уште повеќе длабоко, внатрешно патување кон сопствениот гравитационен центар. Прелетувајќи преку тропските бои, џагор и мириси на Истокот, низ чудесниот остров на Екваторот проткаен со вулкански карпи, корални формации и неверојатен биодиверзитет, низ глечерите на Хималаите и бескрајната белина на Антарктикот, „Седумте“ слетува во најдлабоките прашуми на срцето и душата. Токму таму, Арсова суптилно и безрезервно ги отвора темите за љубовта, страста, тагата, дилемите и одлуките поради кои е нешто засекогаш загубено или, пак, занавек сочувано.
Маја Мухиќ, професорка и вљубеничка во адреналинските спортовиИлина е име изведено од дарежливост, среќа, насмевка, утеха, љубов. Нејзината книга е сведоштво за вистинскиот балон кој самите си го создаваме, но таа умешно е надвор од него. Кога ќе си ја спомнете, пред вас е широката насмевка која зрачи со љубов и мудрост. Има вештина! Одете и пробајте некоја ваша вештина, ќе паднете во стапица! Илина вешто ги создава стапиците и ги совладува!
Оваа книга треба да си ја имате поблиску до себе. Зборовите стануваат ваши. Илина копнеж, стремеж, врзување, допирач на ѕвезди, чувар на пеперутки и безусловно слободна!
Весна Петрушевска, актерка„Седумте“ се патописи за љубовта, за планините, за уметноста, за карпите, за езерото, за екологијата и упатства за управување со отпадот (четиво за младите генерации). За живот исполнет со спортување. Спортот за неа е лек за многу физички и психолошки состојби, а несомнено помага во градење на самодовербата и дисциплината на една личност.
„Седумте“ е книга за копнежот на Илина по нови нешта, остварување на мали и големи цели со предизвици, дестинации. Книга пишувана со искреност соголена до коска.
Илина е жител на светот, зависник од патувања, во постојана трка со времето, со планинските врвови што ја прават неизмерно среќна. Постојано се вљубува во нови работи што одбира да ги прави, што е нејзина неприкосновена пасија.
Во својот номадско-авантуристички живот е растргната меѓу различни хобија, креативна дејност, активизам, волонтерска работа, спортување, патувања… Зборот досада за неа е непознаница.
Илина Арсова е нашата национална хероина.Катица Гароска Ацевска, планинарка, книжевна преведувачка
Токму нејзиниот поглед, полн со решителност и мекост, ме плени во првата (виртуелна) средба со Илина Арсова. Од неа зрачи суптилна мешавина на сила и спокојство. Нејзиниот тон, термините што таа секогаш внимателно ги избира, ја покажуваат рамнотежата која би требало да постои меѓу луѓето и природата. Нејзините достигнувања имаат длабоко чувство на почит и поклон кон планината. За неа одењето до врвот е синоним за внатрешно патување. Тој никогаш не се освојува, можете само привремено да застанете на планинскиот врв, притоа достигнувајќи го својот.
Ванеса Буше, фотографка, новинарка и скијачка
Искрена, луцидна, интригантна, номатка, авантуристка – токму како што кажуваат почетните букви од нејзиното име – Илина ни раскажува не само за светот чие дете е, туку и за својот свет, и за нашиот свет. Свет со врвови од кои запира здивот, но и со длабоки, неистражени долини и пештери. Свет со божествена убавина, загрозен од нашата негрижа. Овие страници, проникнати со восхит и длабока почит кон природата, се освестувачка шлаканица за човештвото кое не знае да го цени тоа што го има.
Ова не е книга само за освојување на врвовите на светот. Туку и за нашите сопствени, внатрешни врвови. За негувањето на сонот и неговото остварување. За издржливоста. И најмногу за љубовта – кон ближните, кон природата, кон светот – која ни е неопходно потребна во овој отуѓен свет.
Виолета Танчева-Златева, писателка и лекторка -
Моќта на намерата
0450,00 денВашите мисли се реални. Тие се чиста енергија.
Речиси сите ја сфаќаме намерата како решеност што нè поттикнува да оствариме некоја замисла и да не се откажуваме од неа по никоја цена. Но оваа книга ни овозможува да погледнеме на намерата од еден поинаков и мошне корисен агол.
Со вистински случаи и примери од секојдневниот живот, д-р Вејн Дајер докажува дека сè што можеме да замислиме во нашите умови може и мора да се оствари, ако останеме во хармонија со универзалниот извор што создава сè. Ние, како и сè што постои, произлегуваме од универзалното поле на намерата. Сите сме тука благодарение на нејзината невидлива но безмерна моќ. Колку побргу ќе го согледаме тоа, толку подобро ќе живееме.
Енергетското поле на намерата постоело пред воопшто да бидеме зачнати. Има начин да ја привлечеме кон себе и да го искусиме животот на едно возбудливо и повисоко ниво. Тоа поле е насекаде околу нас и само чека да му пристапиме. Ако светот хармонично вибрира со универзалниот ум на намерата, ќе биде многу поубаво место за живеење.
-
Да се смислува и да се талка : збирка размисли од Џеф Безос
0450,00 денСо оваа фасцинантна збирка на записи од Џеф Безос – оригиналните годишни обраќања до акционерите, заедно со бројни говори и интервјуа коишто го откриваат неговиот живот, работа и развојот на неговите идеи – ќе ја разберете заднината на неговиот феноменален успех во деловниот свет.
Опфаќајќи многу теми од областа на бизнисот и политиката, од иновациите и опседнатоста со корисниците, па сè до климатските промени и освојувањето на вселената, оваа книга нуди редок увид во начинот на размислување на Безос, но и поглед во блиската иднина во чие обликување тој непосредно учествува. Книгата е напишана во директен, јасен стил и содржи неизоставни лекции за безнис-вредностите, стратегијата и извршувањето на деловните замисли.
Покрај тоа, авторот на читателот му нуди и необично јасни и разбирливи излагања на многу поими од областа на бизнисот, финансиите, јавните политики, објаснети на оригинален и лесно сфатлив начин од страна на еден од најбогатите луѓе во историјата на човештвото.
Оваа книга е неизоставно четиво за секој што сака да разбере како визионерството на само еден човек има моќ да ги унапреди животите на милиони други, и тоа на конкретен, опиплив начин. Раководители, претприемачи кои штотуку почнуваат, но и милионите потрошувачи на производите и услугите што ги нудат претпријатијата на Џеф Безос – со оваа книга сите имаат можност да ги разберат принципите на успехот на еден од најважните иноватори на денешнината.