„Споредувајќи ја оваа обемна збирка од еднострофни гатанки со оние, досега објавените, што го привлекле нашето внимание, доаѓаме до следните заклучоци:

– таа импресионира со зачудувачката бројност (околу 200 гатанки);

– со свежината на версот и со првичното доживување;

– со тематската разноликост, која буквално го опфаќа целиот воспримачки свет на младиот читател.

[…] Версот на Александар Кујунџиски е едноставен и лесен, течен и лежерен, најчесто и мошне успешно хуморно обоен, што придонесува за драгоста на творбата, дури и ако се исклучи предметот од опишувањето. Пријатно изненадуваат и различните авторови пристапи кон тој предмет, начинот на кој му го пренесува на детето, на неговиот увид.“

Оливера Николова

Toa врнежливо саботно утро на вратата се појави едно накиснато дванаесетгодишно момче, барајќи стара хартија. Вратата ја отвори мајка му на Игче и токму од тој момент Соколе Најденовски од Домот за деца без родители стана дел од нивните животи, а врсниците Игче и Соколе стануваат и најдобри другари.

Но, набрзо откриваат дека во Домот не постои никаков Соколе Најденовски! Тогаш, кое е тоа момче и кој е всушност Соколе? Дали навистина ова дете е од Домот? Што е со необичните предмети што Соколе ги чува во домот на Игче, што е со мистериозните јавувања кај сосетката, со татко му на Соколе и со кршливиот мост до куќата на Олга Коленова?

„Преминот не е осветлен“ е трилер исполнет со мистерија и авантура, но и топла приказна за животот и за пријателството…

Скарлет и Блесок уживаат во Академијата за еднорози. Тоа е совршено место каде што можеш да се забавуваш, а и да бидеш палав!

Волшебното езеро почнува да замрзнува и можно е да се затвори училиштето! Скарлет и Блесок не можат да поднесат да бидат разделени, па одлучуваат да откријат кој стои зад големото замрзнување и да ги вратат работите на свое место…

„Поларна светлина“ е првиот том од трилогијата „Темната граѓа“ (оригинален наслов His Dark Materials). Делото е напишано уште во 1995 година и е добитник на многу награди, а од 2019 година е и критички и комерцијално успешна серија на Би-би-си и Ејч-би-о. Денес, романите на Филип Пулман се сметаат за модерни класици на детската литература.

„Без детето, сите ќе умреме.“

Лира Белаква и нејзиниот дајмон живеат разуздан и безгрижен живот меѓу професорите на Колеџот „Џордан“ во Оксфорд.

Судбината ќе ги однесе во далечните, смрзнати предели на Арктикот, каде што вештерски кланови се борат меѓу себе, а поларните мечки имаат свое кралство.

Невообичаеното и возбудливо патување на Лира ќе има огромни последици, што ќе ги надминат границите на нејзиниот свет…

Изабел сака да се трка околу Академијата за еднорози со нејзиниот прекрасен еднорог, Облак. И едвај чека нејзиниот еднорог да ја открие неговата магична моќ!

Некој фрла лоша магија на Волшебното езеро. Изабел и Облак ќе мораат да научат да си веруваат еден на друг впуштајќи се во опасна авантура за да го спасат училиштето…

„Духот од Кантервил“ е приказна за едно семејство коешто се доселува во куќа на село, опседната од духот на еден покоен благородник. А кога во куќата ќе се всели конзервативното американско семејство што не верува во натприродни сили, следува низа од комични ситуации. Духот на сер Сајмон попусто дава сè од себе да го преплаши семејството Отис со неговите најморничави привиденија. Сепак реалното американско семејство одбива да биде исплашено, а сер Сајмон мора да се задоволи единствено со комичните неуспеси.