Исидора Мун е посебна бидејќи е поинаква.

Мајка ù е самовила, татко ù е вампир, а таа е по малку од двете.

Кога Исидора е поканета да преспие кај другарка ù Зои, на среќата ù нема крај, затоа што никогаш досега не била на преспивање!

А затоа што имаат торта за печење, полноќна гозба и бескрајна волшебна смеа за споделување, ќе мора да останат будни цела ноќ за да успеат да направат сè!

Ники Максвел не е изненадена што нејзината симпатија, Брендон, волонтира во локалниот центар за спасување животни. Тој е толку сладок – секако дека би сакал да им помогне на преслатките кученца! Кога тој ѝ кажува дека на центарот му се заканува затворање, Ники знае дека не смее да дозволи тоа да се случи. Особено кога ќе ја дознае шокантната тајна на Брендон, знае дека постоењето на центарот за спасување животни е поважно од кога било. Од таа причина, Ники и нејзините пријателки, Клои и Зои, се пријавуваат на натпревар по уметничко лизгање за да соберат пари за центарот, но Мекензи мора да замеша прсти и да се обиде да изгледа дека таа е херојот. Нема шанси Ники да го дозволи тоа. Ќе мора да смисли некои екстра креативни идеи овој пат!

Татко, ќерка и нивното куче доживуваат бродолом и завршуваат на еден мал остров, поточно – Островце. Но не знаат дека не е така како што изгледа. Тоа ги штити од студот, ветрот, брановите и од другите опасности што демнат. А на него ги доживуваат и убавините на морскиот свет. Како што се менуваат годишните времиња, откриваат неверојатни звуци и мириси, како и дотогаш невидени бои. Уживаат, сè дури не дојде време да се вратат меѓу луѓето. Тогаш девојчето го открива вистинското лице на Островцето.