-
-20%
Кодот на Катарина
0Original price was: 550,00 ден.440,00 денCurrent price is: 440,00 ден.Исчезнување без трага е мистерија само по себе. Но што ако исчезнатото лице оставило нешто зад себе што ја прави мистеријата уште поголема?
Кога Катарина Хауген исчезнала пред дваесет и четири години, случајот не бил решен. Оттогаш, секоја година на денот на нејзиното исчезнување, главниот инспектор Вилијам Вистинг ги разгледува документите од старата истрага и оди на гости кај сопругот на Катарина, Мартин Хауген, кој дента на исчезнувањето имал цврсто алиби. Нивниот редовен контакт прераснал во пријателство.Но овој пат Вистинг ја наоѓа куќата заклучена. На годишнината од исчезнувањето на неговата сопруга, Мартин Хауген и самиот исчезнува без трага.
Истиот ден во полициската станица пристигнува младиот истражител Адријан Стилер, кој работи на стари, нерешени случаи. Тој верува дека исчезнувањето на Катарина е поврзано со друга, уште постара мистерија. Принудени да соработуваат, Вистинг и Стилер мора да најдат заеднички јазик и да ги следат и најнезначајните траги за да го решат овој сложен случај.
Морничав трилер за тајните, довербата и непоколебливата потрага по вистината.
-
Салто
0370,00 денАлвур има дванаесет години и живее за гимнастиката. Негова најголема желба е еден ден да настапи на Олимписките игри и да патува во Јужна Америка со својот најдобар пријател Рагнар. Но додека Рагнар е успешен во сè и изгледа како да има совршен живот, Алвур постојано се сомнева во себе и се плаши од мислењето на другите.
Кога тимот добива покана да патува во Бразил, Алвур очајно посакува да биде избран – но токму тогаш на неговиот сакан помал брат Еики му дијагностицираат аутизам. Алвур одбива да поверува дека Еики е различен и чувствува дека никој не го разбира. Во потрага по одговори и сила, тој тајно ја контактира својата мистериозна тетка Харпа – поранешна олимписка шампионка во гимнастика, која по страшниот пад ги прекинала сите врски со семејството и светот.
Ова е трогателна приказна за братската љубов, за борбата со сопствените стравови и за пронаоѓањето на храброста токму онаму каде што најмалку ја очекуваме.
-
Давеничката
0490,00 денЛи Гуливер никогаш не помислила дека еден ден ќе живее на улица, но кога нејзиниот ресторан пропаѓа и таа запаѓа во огромни долгови, принудена е да го напушти својот стар живот и да исчезне заминувајќи само со колата и облеката. Во Сиетл преноќува на едно затскриено место покрај плажата, но изутрината здогледува расплакана жена како се фрла во океанот. Без размислување ја спасува жената, но наместо благодарност, добива бесен излив. Давеничката, Хејзел, ѝ кажува дека е заробена во насилен брак, дека е затвореник во сопствениот дом, а Ли ѝ ја одзела единствена шанса да избега од својот живот. Хејзел се враќа во својот позлатен кафез и Ли мисли дека повеќе нема да ја види. Сепак, следното утро Хејзел се враќа и тие се поврзуваат и остваруваат блиско и неверојатно пријателство.
Но еден ден Хејзел доаѓа со страшно барање: сака Ли да ѝ помогне да исчезне. Ја уверува дека ќе биде лесно, но Ли наскоро дознава дека работите не се такви какви што изгледаат и дека Хејзел можеби не е таква пријателка каква што мислела дека е.
-
Лето во Тоскана
0500,00 денПолина Фонтана е жизнерадосна старица која со години е отуѓена од своето американско семејство. Но сега ги поканува своите правнуки Емилија и Лучана да ја придружуваат на патувањето во нејзината родна Италија. Им ветува дека на нејзиниот осумдесетти роденден ќе ја сретне љубовта на својот живот на скалите од катедралата Равело и ќе стави крај на проклетството што ги следи сите второродени ќерки во семејството Фонтана.
Проклетството веројатно е само обична случајност, древен мит. Сепак, неоспорно е дека со векови, ниту една второродена ќерка во семејството Фонтана не пронашла љубов.
Што би се случило ако се растури клетвата? Дали Емилија и Лучана ќеуспеат да ја најдат својата вистинска љубов? Покрај кривулестите венецијански канали, на тосканските полиња и во волшебните селца на брегот на Амалфи, расцветуваат романси, се остваруваат судбини и се откриваат долго чувани семејни тајни – тајни кои се повознемирувачки од проклетството старо со векови..
-
Возот со деца
0440,00 денТрогателна приказна за љубовта, семејството и надежта, базирана на вистинити настани од периодот по Втората светска војна во Италија. Романот ги следи животите на децата од југот на Италија, испраќани на север да живеат со семејства кои можат да им обезбедат подобра иднина во текот на тешките зими. Преку очите на главниот лик, Америго, Ардоне мајсторски ја отсликува детската наивност и траумите на разделбата.
Италија останува во многу лоша состојба по војната, особено југот. Седумгодишниот Америго живее со својата мајка во Наполи, преживувајќи како и сите други сиромашни луѓе во нивното соседство. Но еден ден, дознава дека возот ќе ги однесе него и други деца на север, со други семејства каде што ќе бидат безбедни и ќе имаат топла облека и храна. Па така, Америго и илјадници други деца заминуваат кон подобар живот. Низ неговите невини, љубопитни очи гледаме како една нација се издига од пепелта на војната и како одново се раѓа.
Позитивно изненаден од новата околина и можностите за подобра иднина, Америго сфаќа дека понекогаш мора да се откажеме од сѐ, дури и од мајчината љубов, за да си ја пронајдеме судбината.
„Возот со деца“ е повеќе од историски роман — тоа е човечка сага за загуба, носталгија и надеж. Книжевно ремек-дело кое носи длабока историска и емотивна тежина.
-
Летниот непристоен предлог
0490,00 денГо запознавам на состанок на слепо. Макс Јервуд е неверојатно згоден и забавен и ги има најубавите дупчиња на образите. Хемијата меѓу нас е неспоредлива… Но во тој миг доаѓа личноста со која, всушност, требало да се сретнам. Какво разочарување!
Пред да си замине, Макс ми остава билет за хокејски натпревар. Се обидувам да уживам во состанокот со договорениот маж, но никако не можам да престанам да мислам на Макс. Одејќи си, одлучувам да отидам на натпреварот и да си ја пробам среќата. Но седиштето до моето е празно! Во мигот кога се свртувам да си одам, еден од тимовите дава гол и целата публика спобудалува. На екраните го даваат лицето на играчот што го постигнал голот. Иако носи кацига, се стаписувам кога се насмевнува – нема шанси да ги утнам тие дупчиња на образите. Не ме поканил заедно да гледаме натпревар, туку да го гледам како игра.
Така започнува нашата луда авантура, со многу смеа, секс и нови предизвици. Но има еден проблем – Макс се сели во нов тим за неколку месеци. Ми предлага да го поминеме летото заедно и да ми помогне да го заборавам бившиот. Може ли врската да стане сериозна кога е со рок? Планот не е лош, но знаете што велат за плановите…
-
Летна романса
0470,00 денДОБРИТЕ СТРАНИ НА СЕКОЈА ЛЕТНА РОМАНСА:
секогаш е слатка, секогаш е кратка и никој никогаш не завршува со скршено срце.Нема доволно стаклени тегли на светот за да го соберат хаосот што ѝ се случува на Али Морис. Мајка ѝ почина пред две години, сопругот ја напушти, а таа не памети од кога нема облечено панталони со патент. Заработува = организирајќи ги туѓите домови, а нејзиниот е катастрофа.
Дента кога одлучува да го извади венчалниот прстен и да ги смени старите тренирки (комбинезонот се смета за пристојна облека, така?), го запознава Итан. Поточно, нејзиното куче го избира одбележувајќи го, помочкувајќи му се на ногата. Тој прави таа да се чувствува помлада и похрабра – како поранешната Али, а не како изморената, збунета самохрана мајка на три деца. Сега најмалку посакува да ѝ се искомплицира животот, но една невина летна романса никогаш никому не наштетила, така?
Забавен, лесен, а длабок роман, кој нè потсетува како да испливаме од животните неволји, да наоѓаме задоволство во малите работи и да направиме простор за љубовта.
-
Нескршливото срце на Олива Денаро
0450,00 денВо 1960-тите години, во сончевата Сицилија, 15-годишната Олива Денаро сонува за слобода – безгрижно да трча по полињата, да учи нови зборови, да живее живот необременет од традицијата. Но во општество кое вредноста на жената јамери со нејзината послушност, желбите на Олива се сметаат за опасни.
Кога вниманието на несаканиот додворувач се претвора во понуда за брак, Олива е соочена со ужасен избор: да се покори на очекувањата или да се заземе за своето право самата да си ја избере судбината. Нејзиниот пркос ќе ги предизвика вековните обичаи и ќе поттикне значајна промена. Инспирирана од вистинската приказна на Франка Виола, првата Италијанка што одбила „репарациски“ брак откако била силувана, „Олива Денаро” е трогателна приказна за храброста потребна да се отфрлат општествените пранги. Лирската проза на авторката ја оживува борбата на младата жена за самостојност во светот решен да ја замолчи.
Зборувајќи за силата на жената и за моќта на отпорот, „Олива Денаро” е роман што нè потсетува на цената на слободата и на нејзината бесценетост.
-
Крстопати
0520,00 денГо запознав Вест Хејвен кога имав осум години. Ме научи да играм покер кога имав девет и заедно правевме авиони од
хартија кога имав единаесет. Ме бакна кога имав шеснаесет. Тој беше најдобриот дел од нашите семејни летни одмори во Монтана. Тој беше момчето кое ми го украде срцето. Имав дваесет и три кога животот грубо нѐ раздели.Години подоцна, го прекршувам заветот и се враќам на ранчот. Не како гостинка, туку како негова нова сопственичка. Вест можеби најмногу посакува да ме снема, но дури и тој мора да признае дека прифаќањето на мојата помош е единствениот преостанат начин да се спаси нивното семејно наследство.
Не ни е лесно да работиме еден покрај друг соочувајќи се со тие стари спомени. Но оваа ситуација е само привремена. Двајцата сме на крстопати. И можеби, ако не си дозволам повторно да се вљубам во Вест Хејвен, ова е нашата шанса засекогаш да ги закопаме тие духови. Можеби овој пат конечно ќе можеме вистински да се збогуваме.
-
-50%
Ја слушнавте ли лагата?
0Original price was: 550,00 ден.275,00 денCurrent price is: 275,00 ден.Луси и Савана се убави, паметни и обожавани девојки, кои живеат во својот роден град во Тексас. Луси е венчана за мажот од соништата и живее во новиот, раскошен дом, а Сави е дружељубивата, мила девојка што сите ја сакаат, а особено е популарна кај мажите, ако им се верува на гласиштата. Но кога Луси ја наоѓаат како лута по улиците облеана во крвта на својата најдобра другарка, сите мислат дека таа ја убила.
Од таа кобна ноќ, на која Луси не се сеќава, се поминати години и таа сега живее во Лос Анџелес и се обидува да изгради нов живот. Но Бен Овенс, вообразениот и неверојатно привлечен водител на исклучително популарниот поткаст за решавање нерешени убиства, одлучува во втората сезона да го истражи убиството на Савана. Луси е принудена да се врати во родниот град, во местото во кое се има заколнато дека никогаш повеќе нема да се врати, за да се обиде да го открие убиецот на својата другарка – макар и тоа да е таа.
Вистината е во етерот. Треба само да знаеш како да ја начуеш.
-
-50%
Киндерленд
0Original price was: 420,00 ден.210,00 денCurrent price is: 210,00 ден.Моќен роман за детството, напуштањето и издржливоста. Кога родителите заминуваат на печалба во странство, 12-годишната Кристина е принудена да се грижи за своите две помали братчиња. Оставена во малото молдавско село во кое живеат речиси само деца и старци, Кристина нема друг избор освен да го носи товарот на животот на возрасна жена – да готви, да чисти и да ги чува братчињата – и истовремено да се соочи со осамата, тагата и копнежот што ја обземаат поради прерано изгубеното детство.
Низ нејзините очи, романот го истражува длабокото влијание на економската миграција врз семејствата, особено врз децата обременети со родителски обврски несоодветни за нивната кревка возраст. Во селото обележано од отсуството, напуштените деца, кои сепак се полни со надеж, се сеќаваат на нивните родители низ ритуали и обичаи, низ нивната бујна имагинација. Додека се борат со чувството на напуштеност, наоѓаат утеха во избледените спомени од семејниот живот. Авторката мајсторски ја балансира суровата реалност на преживувањето со нежните моменти од детството, сликајќи трогателен портрет на изгубеното детство на предвреме пораснатите деца.
-
-50%
Како на филм
0Original price was: 430,00 ден.215,00 денCurrent price is: 215,00 ден.Нора Хамилтон ја знае формулата за љубов подобро од кој било. Тоа ѝ е работа, како сценарист на филмови за канал за романси. Но кога сопругот кому му е под чест да работи ги остава неа и нивните две деца, Нора решава да заработи од колапсот на бракот и го пишува најдоброто сценарио во својот живот. Сепак е шокирана кога добива понуда од огромна продукција и снимањето се закажува во нејзиниот дом. И нејзиниот живот никогаш повеќе нема да биде ист, особено откако дознава дека улогата на нејзиниот поранешен сопруг ќе ја игра Лио Венс – претходно прогласен за Најсекси маж кој постои.
Утрото откако снимањето завршува и екипата заминува, Нора го наоѓа Лио на својот трем со полупразно шише текила и предлог. Вели дека ќе ѝ плаќа по илјада долари дневно ако му дозволи да остане уште една недела. Парите би ѝ дошле добро, се разбира, но причината поради која прифаќа е очајот што го гледа во неговите очи. Седум дена: може да минат дур трепнеш или да ти се чинат како вечност, зависи. Доволно време да се вљубиш. Доволно да ти го скршат срцето.
Топла, смешна и мудра – ова е една од оние најубавите љубовни приказни во кои љубовта ја комплицираат работата, децата и емоционалниот багаж кој доаѓа со животот. За Нора и Лио, оваа љубов е поголема дури и од онаа на големите екрани.
-
Исаак
0400,00 денДревни скапоцености. Писма со порака за смрт. И Исак, кој со своите тајни се наоѓа во средина, во окото на бурата.
Оксфорд, 1884 година. Во една мирна пред-Велигденска ноќ во месец април, се појавуваат 141 коверт на исто толку куќни прагови, кои во себе содржат загатка со порака за смрт и рок од три дена, како и една нишка црвен конец. Оксфорд се крева на нозе; потрагата почнува. Што се бара? Кој треба да биде најден? И зошто треба сите да умрат? Разбирајќи ја итноста на пораката, младиот професор Вилијам Еванс и неговата сестра близначка Изобел почнуваат трка со времето. Им се придружуваат детективот Грин и вдовицата Камингс која со себе ја носи тајната за Аластер Ворен, единствениот преживеан од големата трагедија пред седум години.
Охрид, 2025 година. Во една мирна пред-Велигденска ноќ во месец април, се појавува едно писмо на само еден куќен праг, кое ја содржи истата порака и нишка црвен конец како пред 141 година. Прагот на Исак Илиев. Зошто исто писмо? Што треба да биде најдено? И зошто повторно сите треба да умрат? Заедно со неговиот најдобар пријател Крсте и Британката Агата која мистериозно се појавува, почнуваат трка со времето и бегаат. Бегаат од ловци на глави, ловци на духови, ловци на богатства, ловци убијци. Од северот на Македонија до пазувите на Егејското море, пред нив се распослани загатки, мапи, писма, нови вистини и стари тајни. Сѐ во рок од три дена.
Што се случува со загатките кои завршуваат со закана за смрт во Охрид и Оксфорд? Како се овие два града поврзани преку една голема лична трагедија и загуба која ќе го растрепери целиот свет? И зошто Исак станува Исаак?
-
Одмаздата на богомилката
1370,00 денДве жени. Едно минато. Безброј тајни.
За колкумина од оние што ги познавате можете да сте сигурни дека љубовта или болката не го бојадисале нивниот живот, во бои зависно од чувствата што ги одбележале. Во „Одмаздата на богомолката“, Оља Петрушевска-Томева нѐ води низ мрачен и сензуален лавиринт од емоции, каде љубовта и болката се вечни сопатници. Сара е силна, но длабоко повредена жена, чие детство е обележано со загуба, насилство и молк. Нејзината глад за правда и одмазда ја турка низ светот, од темните тајни на родниот град до блескавите фасади на меѓународниот бизнис. Кога се враќа дома, минатото ја пречекува со отворени раце-старата болка, заборавените пријателства, нераскажани вистини. Повторната средба со самата себе, средбата со сестра ѝ Ева, нерешените убиства, мистериозниот инспектор и незаменливиот пријател Филип, единствениот маж нејзиниот живот – сите се дел од мозаикот што полека се составува. Или можеби само така изгледа..
Дали крајот е навистина крај? Или е само уште еден почеток?
Овој психолошки роман со елементи на трилер и длабоки емотивни слоеви ќе ве натера да се прашате колку навистина познавате некого-па дурии самите себе.
-
Дечкото
0520,00 денСидни нема среќа со мажите, како и секоја втора жена во Њујорк. Таа има видено сѐ: мажи кои лажат на своите профили на сајтовите за запознавање, мажи кои те оставаат сама да ја платиш сметката за вечерата и, најлошо од сѐ, мажи кои не можат да престанат да зборуваат за своите мајки.
Но нејзиниот нов дечко е совршен. Шармантен, згоден и работи како доктор во локална болница. Па Сидни е на седмо небо.
Тогаш се случува бруталното убиство на млада жена – само уште едно во низата смртни случаи на брегот. Главниот осомничен е мистериозен маж кој има кратки романтични врски со жртвите пред да ги убие.
Сидни треба да се чувствува безбедно. На крајот на краиштата, се гледа со човекот од нејзините соништа. Но ја јаде некој сомнеж дека има шанси совршениот маж да не е толку совршен колку што изгледа. Затоа што некој го набљудува секој нејзин чекор и ако не ја дознае вистината, таа ќе биде следната жртва на убиецот.
-
Убавината на скршените нешта
0390,00 денИтан се бори за нешто целиот свој живот – за успех, за докажување, за љубов. Роден со големи соништа и амбиции, а израснат со малку, се обидува да се пробие во свет кој никогаш не му дал ништо на тацна. Научен да очекува загуби. Научен секогаш да биде подготвен за падот.
Тогаш ја запознава Ирис, девојката која му покажува дека ништо во животот не е невозможно. Таа прави тој да се чувствува семоќно. Со неа, повеќе не мора да се бори сам. Па кога таа сонува, тој сонува со неа. Кога таа посакува нешто, тој ќе помести и планини за да ѝ го даде. А кога таа копнее за семејство, тој се заколнува дека ништо – дури ни невозможното – нема да им застане на патот.
Нивната љубов е неуништлива, неопислива, луда… Но што кога љубовта не е доволна?
Навидум совршен пар, тие бијат битка во тишина: битка која им ги тестира силите, надежта, телата и љубовта. И кога конечно го добиваат чудото кое го чекаат, мислат дека е готово. Но грешат. Судбината е безмилосна и ја распарчува нивната љубовна приказна. Стануваат туѓинци во сопствените животи, а нивната љубов почнува да напукнува од грешката која никој не може да ја поправи. За првпат, тие се на спротивна страна на битката.
Некои љубови преживуваат сѐ. Некои не. Но за некои вреди да се бориш… дури и кога се скршени. Можеби затоа што има некоја посебна убавина во љубењето со скршено срце.