Млада писателка се заплеткува во забранета љубовна врска со Гитано, полна со тајни, измама и со мрачни страсти.
Лето, 1976 година. Луз де Руеда се враќа во својата сакана Шпанија и прифаќа работа како биограф на еден познат уметник. На нејзиниот прв ден во Кадиз, запознава еден волшебен млад Циган по име Леандро, кој во истиот момент го заробува нејзиното срце, иако врските од овој вид се табу. Прогонувана од оваа забранета љубов, го запознава својот нов шеф, софистираниот Андрес де Калдерон. Воздржан, а сепак интригантен, сосема поинаков од Леандро, но на лик – негов двојник. И двајцата мажи во Луз разгоруваат непознати и возбудливи желби, но Луз тукушто треба да ја открие мистеријата и опасноста што ја носат.
Луз треба да го открие вистинскиот пат за неа, додека блескавиот Кадиз, со мистичната месечина и со певливите тиркизни брегови ѝ се враќа во крвта. Зошто толку ја привлекуваат дивите и магични Цигани? Што се крие зад старите застрашувачки предвидувања за астролошкиот знак Близнаци? Низ овој лавиринт на тајни и на лаги, дали Луз ќе ја најде својата среќа… или својот крај?
„Љубов под маски“ е приказна за забранета љубов, вистина и доверба. Дали изгледот секогаш лаже?
-
Божиќ засекогаш
0500,00 денДодека го промовира својот нов божиќен роман писателката Рајли Рејнолдс останува без зборови.
За време на телевизиското интервју емитувано во живо низ целата земја ја прашуваат како може да пишува романси кога самата досега лично не доживеала нешто романтично. Рајли набрзина вели дека во минатото доживеала една голема љубов која подоцна станала инспирација за нејзините романи. Но, таа не е свесна дека нејзината патемна изјава ќе ѝ го преврти светот на глава. Интервјуто го гледаат тројца нејзини поранешни момчиња: секој од нив мисли дека зборувала токму за него и сите тројца доаѓаат на нејзиниот книжевен викенд-настан, Божиќниот камп. Секој од нив е решен да ја наговори заедно со него одново да го напише среќниот крај на личната љубовна приказна. Поранешните момчиња на Рајли се натпреваруваат кој ќе ѝ го освои срцето, при што не бираат начини за да го испланираат најромантичното рандеву на светот. Рајли почнува одново да чувствува наклоност кон секој од нив, но на различен начин. Додека се навраќа на трите поранешни врски и притоа дознава повеќе за себеси, Рајли ѝдозволува на празничната магија да ја обземе и конечно ја наоѓа онаа, вистинската љубов, оној свој среќен Божиќ засекогаш…
-
Љубов под маски
0399,00 ден -
Скандал и чест
0399,00 денПатот на самооткривање води една млада жена во светот на забранета страст, дива убавина и на одмазда. Пролет, 1950 година, Александра де Фала, писателка од англо-шпанско потекло, го напушта својот привилегиран, но задушлив живот во Лондон и заминува за Шпанија за да се сретне со своето одамна загубено семејство. Но, место чувството на припадност, по кое копнее, во семејството Де Фала вријат емоции во канџите на обичаите и на традицијата на Андалузија, кои се непознати за Александра. Покрај чудните ликови и општиот интензитет на земјата, Александра запознава еден човек, кој во неа ќе разбуди емоции што воопшто не знаела дека ги има. Но, на нивниот пат се појавуваат многу пречки: опасни ривали, непредвидливи настани и големи скандали. Каква ќе биде судбината на Александра во оваа разиграна земја на драма и на страст, каде што врелата крв се пролева низ арените при борбите со бикови, мистичните Цигани шират магија и желба за одмазда, а прекрасни танчарки ги кријат своите тајни зад разнобојните лепези? “Скандал и чест” е приказна за љубов, откривање на корените и за спротивставени идеали при потрагата по среќа. Но може ли љубовта да преживее во свет во кој скандалот и опасноста се секогаш присутни?
-
Концерт
0499,00 денКога Катриона Друо, млада музикотерапевтка, ѝ ја исполнува последната желба на една оперска дива на умирање, да му помогне на нејзиниот син Умберто Монтеверди да си го поврати талентот за музика, знае дека се нафатила на тешка задача. Пред десет години поминала страсна ноќ со тогаш славниот композитор, ноќ што ѝ оставила неочекувани последици.
Ѝ станува јасно на колкав предизвик се нафатила кога стасува на имотот на својот клиент, на блескавиот брег од езерото Комо во Италија. Со видот одземен од речиси фатална автомобилска несреќа, тој маж е арогантен, огорчен, и се спротивставува на секој нејзин напор да му помогне. Сепак, Катрина, со песна како сирена, повикува нешто во него што тој никако не може да го игнорира.
Заробена во бурните интриги што се одвиваат во огромната куќа на Умберто во неокласичен стил, Катриона открива дека слепиот музичар ја привлекува исто толку силно колку порано. Како да му каже за тоа што изминативе десет години го криела од него? Набргу сфаќа дека нејзината тајна не е единствената што неспокојно се бранува под површината. Композиторот без вид го прогонуваат мрачни сили, кои, сега по вторпат, му се закануваат на животот.
„Концерт“ е сензуална и романтична приказна за изгубената љубов и за простувањето, за судбината и за тешките одлуки и за една хероина решена, конечно, да ги исправи сите нешта. -
Песната на реката Нил
0630,00 денЛуксор, 1946 година. Младата медицинска сестра Аида eл Масри се враќа од Лондон, кој е разурнат од војната, во Египет, на имотот на своето семејство, и притоа психички се подготвува да се соочи со предизвиците што ја чекаат. Поминале осум години откако татко ѝ Ајуб бил наместен за кривично дело што не го сторил и потоа починал како трагична последица од настанот. Аида, пак, не заборавила ништо од тоа и сега сака да му се одмазди на човекот за кој верува дека го предал татко ѝ: неговиот најдобар пријател Камел Фараони. А потоа, Аида одново го сретнува синот на Камел, неодоливо привлечниот хирург Фарес, кој ѝ нуди брак, И против нејзина волја, во Аида одново се разгорува скришната страст што ја негувала кон него како млада девојка. Но, како може да се омажи за синот на човекот што го уништил татко ѝ, кој го посрамотил нејзиното семејство? Што ќе ѝ донесе враќањето дома: љубов или само опасност и скршено срце?
-
Чудесната госпоѓица
0430,00 денАлистер Карсингтон навистина не сака како порано, тол-
ку да ги обожува жените. За да им избега на своите најлоши
навики, си замина далеку од цивилизацијата: во Дарбишир,
и тоа во зима!
Се надеваше дека таму со еден потег ќе заврши две
нешта: дека ќе им побегне на сите свои пороци и дека ќе му
се оддолжи на пријателот што му го спаси животот во бит-
ката кај Ватерло. Но, и покрај овие чесни намери, Алистер
се најде лице во лице со госпоѓица Мирабел Олдриџ, нео-
бичната повозрасна девојка што е своеглава и истовремено
досетлива како него. Но и совршено неодолива.
Мирабел Олдриџ веќе има полни раце работа, внима-
вајќи нејзиниот генијален и неверојатно ексцентричен тат-
ко да не падне во неволја.
Најмалку што ѝ треба е исклучително привлечен, прете-
рано чувствителен и премногу умен благородник што ќе ја
потсети дека и таа има срце – а и тело за кое тој забележу-
ва дека е толку неугледно облечено што дури чувствува
граѓанска должност да го соблече.
Може ли да биде полошо? И зошто, она што е сосема
погрешно речиси секогаш е толку чудесно?
„Восхитувачка книга од самиот почеток до крајот.“
‒ Афер де кор
„Волшебна историска романса.“
‒ Мидвест бук ривју
„Чудесната госпоѓица е духовита, шарматна и многу
романтична книга. Исклучително интересна. Чејс е
навистина една од најдуховитите писателки.“
‒ Ол абоут романс -
Невозможниот господин
0430,00 денАнглиските, француските и турските благородници
уште од средниот век патувале во Египет да истражуваат,
да владеат, да водат љубов и да уживаат во земјата на сон-
цето, фараоните и пирамидите. Во 1821 година на Нил е
Руперт Карсингтон, четвртиот син на лордот Харгејт. Тој
е вистински авантурист и заводник. Неодоливо згоден, не-
веројатно мажествен, секси и непоправливо невозможен,
каде и да се упати, го следат неволји.
Но… Руперт никогаш не се нашол во ситуација од која
не може да побегне. Сѐ досега. По игра на судбината завр-
ши во занданата на најзлогласниот каирски затвор и един-
ствен излез му е да ја прифати опасната понуда на убавата
црвенокоса вдовица, госпоѓица Дафне Пемброк. Таа сака
Руперт да ѝ помогне да го пронајде братот, кој што веројат-
но е грабнат поради легендарното фараонско богатство.
Нивната соработка е само деловна: таа ќе биде мозок на
операцијата, а тој, Руперт – силата. На прв поглед тоа звучи
многу едноставно. Но со време, напнатоста меѓу нив сѐ по-
веќе расте, а сопирачките попуштаат и неизбежно доаѓа до
спој на тие два потполно различни светови – воздржаната
вдовица и непоправливиот заводник – и тоа на најнеодолив
можен начин.
Историска, романтична, секси, љубовна приказна на
Лорета Чејс.
„Руперт е еден од моите омилени херои, а Дафне многу му
одговара. Оваа книга е возбудлива и исполнета со љубов,
страст и на моменти многу ќе ве насмее.“
– Кејти Лав -
Совршениот господин
0430,00 денПримерниот!
Наследникот на грофот од Харгејт, Бенедикт Карсингтон, виконтот од Ратбурн, е совршен аристократ. Висок, црн и привлечен, познат по своите беспрекорни манири и доброто потекло. Бенедикт ги познава сите општествени правила и не му претставува никаков проблем да ги почитува – сѐ додека не се појави таа.
На лош глас.
Батшеба Вингејт е припадничка на лошата гранка на фамилијата Де Лусеј – позната по озлогласените лажговци и измамници. Не е ни чудо што токму затоа, нејзиниот маж, инаку син на благородничка фамилија, останал без наследство. Кога станала вдовица, со скромни приходи, Батшеба решила на својата ќерка да ѝ обезбеди стабилен живот и пристојно воспитување. Никој и ништо нема да ги попречи нејзините планови – сѐ додека не се појави тој.
Совршениот!
Но, тогаш немирната ќерка на Батшеба, го привлекува бистриот внук на Бенедикт за потрага по легендарно богатство. За да ги спасат витезите-скитници, Бенедикт и Батшеба тргнуваат во спасувачка мисија што ќе ги доведе во опасна, интимна блискост. Тоа е состојба што речиси гарантира хаотична завршница – дури и скандал! – ако во неа биде вклучен кој и да е друг. Но, Бенедикт држи сѐ под совршена контрола. Под совршена контрола и покрај неговата луда желба да ги прекрши сите правила.
Совршена контрола?
Како да не…„Уште една возбудлива, романтична, на моменти секси сторија.“
‒ Џулија Квин -
Забранети задоволства
0430,00 денНивните животи беа совршени сѐ додека не се запознаа.
Леди Хиро Батен е занесна млада дама што ѝ припаѓа на самата елита на аристократијата. Таа е родена сестра на војводата од Вејкфилд и ништо не ѝ недостасува. Верена е за маркизот од Мендевил, за кого смета дека е досаден и нема смисла за хумор… Ама не ѝ пречи. Сѐ додека не се сретна со братот на маркизот!
Лордот Грифин Ридинг воопшто не е совршен. Всушност тој е еден многу мистериозен тип за кого никој не знае како му поминува денот, ама затоа е општопознато дека ноќе присуствува на разновидни развратни забави… Уште кога првпат го виде, Хиро почувствува одбојност, а Грифин пак мисли дека таа со својата добротворна работа и беспрекорните манири е премногу совршена за неговиот брат. Нивното постојано надмудрување и битка со зборови се разгоруваат во незапирлива страст која се заканува како кули од карти да ги разурне нивните уредени светови.
Можат ли двата несовршени лика
да пронајдат совршена, вистинска љубов?Ова е втората од неколкуте романтични и секси љубовни романси, што авторката Елизабет Хојт ги објави по 2010 година. Најпребирливите читатели неодамна имаа можност од оваа серија да ја прочитаат книгата „Опасни намери“, а при читањето на „Забранети задоволства“ ќе се потсетат на настаните и нејзините главни ликови.
„Опојна комбинација на љубовна приказна, историски роман и бајка… Предизвикувачка, сензуална и забавна сторија со несекојдневни главни јунаци, што ќе ги воодушеви читателките што се жедни за длабоки и вистински чувства.“
Буклист -
Остров на тишината
0400,00 денПредизвик за љубителите на авантуристични приказни – неизвесност зачинета со летна романса.
Четворица туристи од Франција и од Англија учествуваат во предизвик што го прочитале преку социјалните медиуми. Не ги слушаат предупредувањата на старицата од пансионот чиј покоен сопруг бил еден од стражарите на „забранетиот град“ во времето кога се случило нешто за кое се молчи. „Градот не смее да се вознемирува“, ги советува таа. Некој од туристите смета дека се работи само за суеверие, друг прифаќа да оди надгласан од групата, трет живее за авантура, иако не се познаваат добро меѓу себе.
Островот Сазан во близина на Валона е популарна туристичка дестинација, опкружен со тиркизни води и уникатна плажа и познат по сочуваниот напуштен град, целосно забранет за пристап до 2015 година, а сега достапен единствено за организирани краткотрајни посети.
Напуштениот град можеби и не е напуштен… која е тајната на „Островот на тишината“?
-
Возбудливи времиња
0450,00 денКамо да знаев како е да се биде слободен.
Роман за неверојатната слобода и големата несигурност што таа ја носи со себе. Сурово искрената приказна на една повлечена девојка ни ги доловува личните, професионални и љубовни недоумици на младите во потрага по своето место во светот.
Не можејќи да се помири со ситуацијата што владее во нејзината родна Ирска, Ејва одлучува да си ја најде среќата во Хонгконг. Тука деновите ги минува предавајќи им англиски на богати дечиња, а ноќите избегнувајќи ги зајадливите цимерки во малото станче. Низ најразлични размисли, таа постепено ни ги открива својот карактер, борбата со ниската самодоверба и храбрите политички ставови.
Набрзо во нејзиниот живот ќе се појават две значајни личности. Благодарение на искуствата од двете сосем различни љубовни приказни, таа го открива патот за закрепнување од самоомразата. Пријателството со Џулијан и Идит ќе ја стави на значаен животен крстопат. Кој пат ќе го избере нејзиниот ум, а кој срцето?
-
Список за читање
0490,00 денНезаборавен и трогателен дебитантски роман за тоа како случајна средба со список за читање во една библиотека помага да се создаде неверојатно пријателство помеѓу двајца различни луѓе во едно лондонско предградие.
-
Војна и љубов
0520,00 ден1917 година, Првата светска војна е во својот зенит кога Хејзел и Џејмс првпат се среќаваат на една забава во Лондон. Таа е срамежлива и талентирана пијанистка; тој е новопечен војник со соништа да стане архитект. Кога ќе се вљубат, тоа е на прв поглед и длабоко, но набргу Џејмс е испратен на полињата на смртта.
Обри Едвардс е исто така упатен накај рововите. Талентираниот музичар кој свирел во Карнеги Хол е член на 15. њујоршка пешадија, афроамерикански полк испратен во Европа да помогне да се стави крај на големата војна. Љубовта е последното нешто што му е на ум. Но, тоа е пред да ја сретне Колет Фурние, белгиска пејачка која веќе преживеала ужасна трагедија од рацете на Германците.
Триесет години откако судбината ќе ги поврзе овие четворица љубовници, грчката божица Афродита им ја раскажува нивната приказна на нејзиниот сопруг Хефест и на нејзиниот љубовник Арес во луксузна хотелска соба на Менхетн во екот на Втората светска војна. Таа бара одговор на вечното прашање: Зошто Љубовта и Војната секогаш се привлекуваат една со друга? Но, нејзината потрага по заклучок што ќе го задоволи нејзиниот љубоморен сопруг, открива повеќеслојна приказна за предрасуди, трауми и музика и открива дека ниту Војната не може да ù застане на патот на вистинската Љубов.
-
Господарот на темнината
0430,00 денКОГА ТУЃИНЦИТЕ ВО НОЌТА…
Тој живее меѓу сенките. Додека ја става маската на таинствениот одмаздник познат под името Духот од Сент Џајлс, единствена желба на Годрик Сент Џон е да ги заштити невините граѓани на Лондон. Сѐ додека во еден од своите ноќни походи не се соочува со дрската млада жена што му вперува пиштол во главата – а тој сфаќа дека тоа е неговата сопруга.
ЌЕ СТАНАТ ЉУБОВНИЦИ…
Леди Маргарет Ридинг вети дека крваво ќе му се одмазди на Духот од Сент Џајлс – убиецот на човекот на нејзиниот живот. Враќајќи се во Лондон кај мажот што не го видела од денот на нивната венчавка, Маргарет зад маската не го препознава својот маж. Див, строг и опасен, Духот од Сент Џајлс е сѐ од што се плашеше дека ќе биде – ама и многу повеќе од тоа.
СТРАСТА Е НАЈГОЛЕМА ОПАСНОСТ.
Кога ќе засветка страста, тие двајца интимни туѓинци даваат од себе многу повеќе од она што некогаш им беше намерата. Ама кога Маргарет ќе ја сфати вистината – дека Духот е нејзин маж – играта е готова, а играчите мораат да се предадат… на искушението што и двајцата може да ги уништи.
„Господарот на темнината е круна на безграничната фантазија на авторката… приказна што ќе ја обожавате.“ – РТ Бук Ривју
„Класичната Елизабет Хојт! Единствено, привлечно четиво по кое читателот напнато ја чека следната книга… неверојатно дополнување на сјајниот серијал од Мејден Лејн.“
-
Ќерката на трговецот со свила
0500,00 денНезаборавна приказна за една жена растргната помеѓу два света…
Француска Индокина, 1952 година. Кога Никол, полу-Французинка, полу-Виетнамка, ќе наполни осумнаесет години, нејзината мајка умира и татко ѝ ѝ препушта да се грижи за одамна затворената продавница за свила во Ханој. Но нејзината сестра Силви е таа што ќе го преземе управувањето со големиот семеен бизнис. Погодена од оваа неправда, почнува да ги чувствува и неправдите на колонијалната власт кон Виетнамците.
Додека бунтовниците со сите расположливи средства се обидуваат да стават крај на владеењето на Французите, Никол е на крстопат помеѓу Тран, озлогласен виетнамски бунтовник што ѝ нуди совршено бегство од неволите, и Марк, шармантниот американски трговец и маж за каков што отсекогаш сонувала. Исправена пред големите одлуки, животот ќе ѝ тргне во неочекуван правец…
Магична повест за мрачните тајни, сестринското ривалство и страсната љубов, сместена во колонијалната ера на Далечниот Исток.
Од бестселер-авторката на МИРИСОТ НА ЛИСТОВИТЕ ЧАЈ
-
Кери Сото се врати
0490,00 денКери Сото е бестрашна и нејзината посветеност да победи по секоја цена не ја прави ниту малку популарна. Во моментот кога ќе се повлече од тенисот, таа е најдобрата тенисерка што ја видел светот. Таа го постави секој можен рекорд и освои дваесет грен-слем титули. Жртвуваше речиси сè за да стане најдобра, со помош на нејзиниот татко, Хавиер, како нејзин тренер. И самиот поранешен шампион, Хавиер ја тренирал уште од двегодишна возраст. Но, шест години по повлекувањето, во 1994 година, Кери седи на трибините на Отвореното првенство на САД и гледа како нејзиниот рекорд го соборува извонредната тенисерка Ники Чен. На 37 години, Кери решава да се врати и со помош на нејзиниот татко да го собори рекордот на Чен. И покрај тоа што на медиумите никогаш не им се допаѓала „Борбената секира“. И покрај тоа што нејзиното тело не се движи како порано. Па, дури и ако тоа значи да си ја проголта гордоста и да тренира со човекот кому еднаш му го отвори срцето: Боу Хантли.