-
Сите ние живееме овде
0650,00 денЛила Кенеди има повеќе грижи отколку што може да поднесе. Пропаднат брак, две своеглави ќерки, куќа што се распаѓа и постар очув кој, се чини, тивко и незабележливо, едноставно се вселил кај неа. Кариерата ѝ е во слободен пад, љубовниот живот ѝ е… комплициран, а секој нов ден носи уште една катастрофа што некако мора да ја реши.
И токму кога се обидува да сфати како да продолжи понатаму – и дали во нејзиниот хаотичен живот воопшто има место за нова љубов – на вратата се појавува човекот што најмалку очекува да го види. Нејзиниот вистински татко. Човекот што пред триесет и пет години практично исчезнал од нејзиниот живот, сега одеднаш сака повторно да биде дел од него. Но како да му простиш на некого што те напуштил?
Под еден покрив наскоро ќе се судрат стари разочарувања и нови тајни, поранешни љубови и нови чувства, родители и деца, лутина и вина. А среде сиот тој прекрасен хаос, Лила ќе мора повторно да открие која е таа кога не се обидува постојано да ги спасува сите други. Зашто понекогаш луѓето за кои сме биле сигурни дека никогаш нема да им простиме се токму оние што можат да нè научат нешто за љубовта. За вторите шанси. И за тоа дека семејството ретко изгледа онака како што сме го замислувале – но можеби токму затоа вреди да се бориме за него.
-
Лето со ривалот
0590,00 денНоел Шепард има дваесет и осум години, нема работа, повторно живее со родителите и сè уште тагува по својата сакана баба. Тогаш, меѓу нејзините работи, пронаоѓа стари фотографии и љубовно писмо од непознат маж.
Во обид да ја открие неговата приказна, Ноел објавува видео што станува вирално. Одговорот доаѓа од неговиот внук – Тио Спенсер, нејзиниот стар ривал од средно училиште.
Кога дознава дека неговиот дедо Пол и баба ѝ некогаш планирале да побегнат и да се венчаат, но никогаш не го оствариле свадбеното патување, Ноел решава да тргне по рутата што тие ја оставиле зад себе. Пол сака да дојде со неа. Но има еден услов: и Тио оди со нив.
Следуваат две недели на пат, стари тајни, прекрасни пејзажи, премногу време со човекот што ја нервира најмногу на свет – и само еден кревет кога работите стануваат навистина комплицирани.
Но понекогаш, додека ја бараш љубовната приказна што останала недовршена, можеш сосема неочекувано да ја започнеш сопствената.
-
Љубов на радио
0600,00 денБезнадежна романтичарка и разочаран радиоводител во топла љубовна приказна инспирирана од Sleepless in Seattle.
Ејдан Валентајн има една мала тајна: тој повеќе не верува во љубов. А кога си водител на љубовна радиоемисија, тоа е прилично голем проблем. Но кога едно девојче се јавува во живо барајќи совет како да ѝ најде момче на својата мајка, разговорот станува вирален, а Ејдан и неговата емисија се наоѓаат во центарот на вниманието прекуноќ.
Луси Стоун смета дека ѝ оди сосема добро и без љубов. Има добра работа, прекрасно семејство и паметна, досетлива ќерка. Но кога нејзиниот непостоечки љубовен живот одеднаш станува тема на разговор низ цел Балтимор, Луси почнува да се прашува дали навистина е толку среќна колку што мисли. Можеби во нејзиниот живот сепак има место за малку романса.
Сите сакаат Луси да го добие својот среќен крај – дури и згодниот, намуртен маж зад микрофонот кој ги влече конците. Но додека радиото се обидува да ѝ го пронајде совршениот маж, таа почнува да чувствува нешто сосема неочекувано кон човекот зад микрофонот.
Сега останува само едно прашање: дали Луси ќе го избере среќниот крај што радиото го создава за неа… или мажот со слушалките покрај неа?
-
Заветот на бившите
0590,00 денПоранешни љубовници се принудени да здружат сили за да ја спасат свадбата на својот најдобар пријател од низа неочекувани катастрофи.
Џорџија живее според списоци. А најважен е оној со правилата за нејзиниот бивши, Илај Мора. Тие се едноставни: држи дистанца, не отворај стари рани и никогаш не заборавај зошто вашата љубов заврши. Токму тие правила им помогнале да го зачуваат мирот во нивното пријателство по нивното болно раскинување.
Но сега, кога се наближува свадбата на нивниот најдобар пријател Адам, а тие треба да бидат кум и кума, Џорџија им потврда од своите правила повеќе од кога било. Не смее да дозволи чувствата што сè уште ги крие длабоко во себе да ја нарушат рамнотежата во нивното блиско друштво. Затоа ќе се држи до планот. Ќе остане смирена. Ќе држи дистанца. И по секоја цена ќе го избегнува Илај.
Но, тој пристигнува во Њујорк како сосема поинаков човек – решен да не игра според старите правила повеќе. А кога луксузниот свадбен комплекс гори до темел и целиот план се распаѓа пред нив, Адам нема друг избор освен да им ја довери најважната задача токму ним. Заедно.
И додека во живописната долина Напа се обидуваат да организираат совршена свадба, секој нов ден ги турка сè подалеку од минатото… и сè поблиску еден до друг. Па можеби, ако конечно се осмели да ги прекрши сопствените правила, ќе открие дека приказната што ја пишуваат не е продолжение на старата љубов што ја скршила… туку сосема нов почеток. И втора шанса за љубов за која вреди да се ризикува.
-
Индискретно
0550,00 денТој е нејзиниот шеф. Таа е неговото најголемо искушение.
Првиот пат кога го запознав Доусон Рид, завршивме во ист кревет.
Проблемот беше во тоа што ниеден од нас не знаеше дека и другиот е таму.
Кога се разбудив среде ноќ и затекнав непознат маж покрај себе, инстинктот ми проработе и го нападнав натрапникот.
Само што тој воопшто не беше натрапник.
И Доусон ја имал изнајмено истата куќичка. Очигледно, грешка во системот овозможила двојна резервација.
Набргу дознавме дека сме во градот поради истата свадба — и дека Доусон е токму оној девер за кој ме предупредија. Беше висок, темен и неверојатно згоден, баш како што ми го опиша најдобрата пријателка. Но таа беше во право и кога рече дека ќе се мразиме.
Кога се раздени, Доусон и јас се обидовме да го расчистиме хаосот во кој се најдовме. Но тоа се покажа многу потешко отколку што очекувавме. Поради празничниот викенд, немаше ниту една слободна соба во радиус од повеќе од осумдесет километри.
Претпоставувам дека има и полоши нешта од тоа да делиш куќичка цел викенд со згоден маж што не го поднесуваш.
На пример, подоцна да откриеш дека токму тој е твојот нов шеф.
Индискретно од Вај Киленд е духовита и експлицитна романса што започнува лесно и разиграно, но зад самоувереноста и силната хемија се кријат вина, загуба и нешта што не се кажуваат лесно — дури ни на личноста во која почнуваш да се вљубуваш.
-
Оваа книга ме натера да помислам на тебе
0570,00 денТили Најтингејл е вчудовидена кога од локалната книжарница ѝ се јавуваат да ѝ кажат дека кај нив ја чека роденденски подарок од нејзиниот сопруг. Делумно зашто не се сеќава кога последен пат читала книга од задоволство, а главно зашто Џо е починат веќе пет месеци.
Кога оди да го подигне подарокот, Алфи, сопственикот на книжарницата, со топол и љубезен поглед, ѝ ја објаснува замислата на Џо. На секој први од месецот, Тили ќе добива по една книга со рачно напишано писмо од Џо. Така тој ќе се обиде да ѝ помогне да ја сврти страницата на нејзината прва година без него.
Отпрвин, Тили не може да си замисли да се задлабочи во фиктивниот свет, но нежните зборови на Џо ја поттикнуваат да се обиде. И имал право. Наскоро Тили не може да ги испушти книгите од раце и ново поглавје од нејзиниот живот почнува да се испишува. Посетите на книжарницата и длабоките и искрени разговори со Алфи ѝ ја нудат потребната утеха, но и ја охрабруваат да се впушти во авантури поттикнати од книгите на Џо, кои ќе ја однесат на разни места низ светот и ќе ѝ донесат многу нови искуства и пријателства.
Годината исполнета со книги и чуда ќе ѝ овозможи на Тили одново да му се радува на животот и на новите можности, а можеби дури и на љубовта.
-
Сестрите
0590,00 денМеган Донтес сиот живот се справува со скршено срце. Пред дваесет и седум години беше принудена да направи ужасен избор што ја чинеше сѐ, дури и љубовта на сестра си, Клер. Денес, Меган е вревен адвокат за разводи и не верува во блискост – сѐ додека не го запознае мажот кој може да ѝ го промени убедувањето.
Клер Кавено е вљубена – за првпат во својот живот. Како што се приближува денот на нејзината венчавка, таа се подготвува да се соочи со својата строга, критички настроена сестра. По повеќе од две децении сестрите за првпат ќе минуваат време заедно подготвувајќи ја венчавката. Во текот на едно топло лето, овие две жени кои веруваат дека немаат ништо заедничко ќе се обидат да станат тоа што никогаш не биле: семејство.
„Сестрите“ е нежна, трогателна приказна што раскажува за убавите моменти и болката што ги споделуваат сестрите, за грешките направени во името на љубовта и за исцелителната моќ на новите почетоци. Кристин Хана ќе ве остави без зборови и со оваа неверојатна книга.
-
Вистината помеѓу нас
0400,00 денПостои љубов што те спасува. Постои и љубов што те уништува. А онаа најопасната ги прави и едното и другото истовремено.
Тара Орлова преживува. Тоа е она што го прави целиот свој живот – работи бескрајни смени, ја носи тежината на својата мајка алкохоличар, тоне во долгови, сонува за нормален и мирен живот кој се чини дека постојано ѝ е далеку од досег.
Каин Кос има сѐ. Пари, име, моќ. И темнина во него што не се скротува со ниту една привилегија на животот.
Кога судбината ги спојува во сенките на Москва, она што почнува како необична конекција се претвора во нешто што ниеден од нив не може да го контролира – ниту пак да го преживее без да се промени. Затоа што Каин бие тајна битка да ја сруши корумпираната империја на неговото семејство. И колку повеќе Тара се доближува до неговиот свет, толку повеќе сфаќа дека кога лагите се валута, а довербата оружје – љубовта може да биде најопасниот ризик.
Две скршени души мора да решат дали вистината помеѓу нив вреди за цената што треба да се плати.
-
Оставена пред олтарот
0550,00 денЖивотот на Слоун Карик се врти околу љубовните приказни и среќните краеви. Таа е новинар што пишува за венчавки за списанието во кое работи и од мала верува во нивната магија – сè додека свршеникот не ја остави пред олтарот.
Сега секоја црква, секој завет, секоја прослава ја потсетува на животот што го изгуби. Заколнувајќи се дека никогаш повеќе нема да љуби, Слоун се посветува целосно на работата, но една работна обврска ја спојува со последниот маж што ѝ е потребен во моментот: шармантниот, арогантен и неподносливо неодолив Вајлдер Хејс.
Украдените погледи и забавното препирање набрзо се претвораат во нешто подлабоко. Доколку си дозволи да љуби, ризикува сè, а Слоун не е сигурна дали е доволно силна да преживее уште едно разочарување.
Сепак Вајлдер можеби вреди за ризикот. Бидејќи понекогаш, љубовта не влегува во твојот живот кога си подготвен… туку кога најмногу ти е потребна.
-
Кревки нешта
0550,00 денАприл, 1906 година. Разорувачки земјотрес го тресе Сан Франциско токму пред изгрејсонце исплукувајќи го пеколот на површината на земјата. Многу животи згаснуваат, но некои се раѓаат од пепелта засекогаш променети.
Софи Вејлен, млада ирска имигрантка, е очајна да се спаси од мачниот живот во Њујорк, па одговара на огласот за невеста во весникот и се согласува да се омажи со маж што не го познава. Вдовецот Мартин Хокинг е занесно згоден и има неверојатни очи, но е воздржан и многу често патува по работа. Петгодишната ќеркичка на Мартин, Кет, веднаш ѝ го освојува срцето на Софи, но чудното однесување на новиот сопруг ѝ разгорува сомнеж дека нешто не е како што треба во нејзиниот нов живот.
Животите им се менуваат една ранопролетна вечер кога непозната личност им се појавува на врата. Судбините им се испреплетуваат вечерта пред ужасниот земјотрес впуштајќи ги на опасно патување на кое ќе ги откријат својата сила и сознанието дека љубовта умее да го победи стравот.
„Кревки нешта“ е емотивна приказна за силата на мајчината љубов, женската солидарност и пријателствата.
-
Луција
0380,00 денЛуција има сè во животот – стабилен брак, успешна кариера и обично секојдневие. Но некаде помеѓу очекувањата и обврските, го има изгубено единственото нешто што не може да го замени – себеси.
Кога возбудливата порака од дамнешната младешка љубов ѝ ја напукнува површината на нејзиниот контролиран свет, Луција е вовлечена во тивка, но моќна внатрешна бура. Бура што ја тера да се запраша дали го живее животот што го посакувала.
Додека сомнежите ја јадат, а страста ја растреперува и буди, Луција наоѓа неочекувано, а сепак толку едноставно прибежиште во… мирисот на лавандата. Тој ја потсетува на чувството што не смее повторно да го занемари.
„Луција“ е интимен портрет на една жена; приказна за копнежот, храброста да се направи различен избор и новите животни почетоци. -
Вистински бои
0590,00 денСестрите Греј отсекогаш биле блиски, но по смртта на мајка им стануваат и најдобри другарки. За жал, на нивниот строг татко поважна му е репутацијата одошто сопствените деца и, години подоцна, тој сè уште бара од нив да ја одржуваат неговата позиција во општеството.
Винона, најстарата, има најголема потреба од татковото одобрување. Таа никогаш не се чувствувала пријатно и вистински дома на ранчот што е во сопственост на семејството три поколенија. Знае дека не ги поседува квалитетите што татко ѝ ги цени, но, како најдобар адвокат во градот, решена е еден ден да му ја докаже својата вредност.
Аурора, средната сестра, е миротворецот во семејството. Таа ги смирува сите кавги и се обидува да ги усреќи сите, истовремено криејќи ја својата болка.
Виви Ен е неоспорната ѕвезда во семејството. Занесна убавица, сонувачка со срце од злато, таа е обожавана од сите. Сѐ ѝ оди од рака, сè додека во градот не се појави еден туѓинец.
За миг, сè се менува. Сестрите Греј застануваат една против друга на начини на кои ниедна од нив не си замислувала. Лојалноста им е ставена на тест, се разоткриваат стари тајни, а шокантното убиство ќе ги потресе и семејството и целиот град.
Емотивна приказна каква што само Кристин Хана умее да напише, „Вистински бои“ е незаборавен роман за сестринските врски, искупувањето, прошката, а најмногу за тоа што значи да се биде семејство.
-
Зрак надеж
0520,00 денВо текот на мојот прв ден во Монтана, ќе настанеше тепачка за количка за пазарување во продавница. Најзгодниот маж кој некогаш сум го видела ги смири тензиите пред да ме покани на состанок. И за малку ќе прифатев… но тогаш ми го кажа своето име.
Како сопственик на ранчот Хејвен Ривер, Џакс Хејвен не ми беше шеф. Но и делумно ми беше. Работите беа комплицирани. Па, единствената опција ми беше да го одбијам, да побегнам, а потоа да се преправам дека не се знаеме на првиот работен ден. И многу јасно, не смеев да си дозволам да се дознае дека потајно бев малку зацапана во него.
Па така, колку што се трудам за работата, двојно повеќе се трудам да се преправам дека Џакс не постои. Не си дозволувам да мислам на неговите сјајни очи или шармантната насмевка. Игнорирам колку нездраво добро изгледа во пар избледени фармерки. И не ме интересира колку секси му стои каубојскиот шешир – Џакс е дистракција што не можам да си ја дозволам. И сѐ одеше по планот до вечерта на забавата, кога испивме малку повеќе. По една ноќ во неговиот кревет, веќе нема теоретски шанси да го игнорирам Џакс Хејвен. Барем не сега кога носам негово дете.
-
Железен пламен (The Empyrean #2)
01.090,00 денСите, вклучително и самата Вајолет Соренгејл, очекуваа таа да загине во текот на првата година во воениот колеџ „Басгијат“. Но Вршидбата беше одвај првиот невозможно тежок тест, чија цел беше да ги истреби страшливците, недостојните, родените без к’смет.
Дури сега, во втората година, почнува вистинската обука и Вајолет се прашува како ќе успее да преживее. Обуката не само што е истоштувачка и сурова, туку е смислена за да ја растегне способноста на јавачот да издржи болка над сите граници. А и личната мисија на новиот заменик-заповедник е да ѝ покаже на Вајолет колку е беспомошна – освен ако не го предаде мажот што го љуби.
Иако телото на Вајолет е послабо и покревко од другите, таа поседува исклучителен ум и челична волја. А водството ја заборава најважната лекција на која ја научи „Басгијат“: јавачите на змејови создаваат свои правила.
Но одлучноста да преживее нема да биде доволна оваа година, бидејќи Вајолет ја знае тајната што кралството со векови ја крие во срцето на „Басгијат“ – и можеби ништо, дури ниту змејскиот оган, нема да успее да ги спаси.
-
Последна понуда (Dreamland Billionaires #3)
0590,00 денКалахан
Јас сум братот што сите го озборуваат зад затворени врати. Богат наследник, пропаднат спортист, љубител на чашката. Но постои само една личност што вистински ме познава – Лана Кастиљо, мојата најдобра пријателка од детството и единствената жена што некогаш сум ја сакал. Кога ѝ го скршив срцето пред шест години, ѝ ветив дека никогаш повеќе нема да стапнам во куќата на езерото Вистерија. И си стоев на зборот сè додека дедовиот тестамент не промени сè. За да го добијам наследството морам да го поминам летото во семејната куќа на езерото пред да ја продадам. Барањето звучи мошне едноставно, но планот ми се руши уште првиот ден. Излегува дека Лана не само што живее во куќата, туку тврди и дека ја поседува.
Алана
Беше грешка што се вљубив во Калахан Кејн. Самиот тој ми го кажа тоа пред да ми го скрши срцето и да го уништи нашето пријателство пред шест години. А кога вети дека нема да се врати, наивно му поверував. Но Кал повторно се појави и тоа со намера да ја продаде дедовата викендичка. Само што има еден голем проблем. Моето име стои на имотниот лист.
Прогонувани од спомените на едно среќно минато, двајцата ќе мораат да го најдат одговорот на прашањето дали нештата можеле поинаку да се одвиваат.
И можеби да ѝ дадат втора шанса на иднината што ја пропуштиле.
-
Кога повторно ќе се сретнеме
0570,00 денКога Изи Астор се качува во авион на лет за дома, не очекува којзнае што. Вообичаеното патничко искуство како секој турист: гужва, бучава, стрес. Но тогаш го забележува човекот кој седи до неа и тој дефинитивно не е вообичаен патник. Со кусата темна коса, сините очи и зарипнатиот глас, Нејт има неодолив природен шарм на кој Изи не може да одолее. Искрата помеѓу нив е инстантна. Изи никогаш претходно не верувала во судбина, но сега почнува да верува.
Само деведесет секунди по полетувањето, авионот паѓа во реката Мисури.
Нивните животи се менуваат. Тие се менуваат. Нејт се насочува кон воена кариера, а Изи си го наоѓа патот во политика. И покрај неколку случајни средби низ годините, тајмингот за нив двајца секогаш е некако погрешен. Тогаш следи нова опасна средба во Авганистан, каде Нејт има задача да го штити животот на Изи. Тој ќе направи сѐ за нејзината безбедност. И сѐ за да го освои нејзиното срце.