-
Заробено срце
0300,00 денЧитателите за романот „Заробено срце“
Љубов на прв поглед! Вистинска магија: желби, очекување, страдање, возбуда, сон или јаве. Сето тоа убаво спакувано во приказна која не може, а да не ги разбранува емоциите кај читателот кој ќе биде дел од секој збор, секоја реченица, секоја страница… Романот го прочитав во еден здив..го препрочитав повеќе пати.Како да сум дел од секој збор, мисла..од секоја реченица, од секоја страница..од почеток до крај.Овој роман е посветен на љубовта..преполн со емоции , солзи, мечти, среќа, тага, радост, нежност, возбуда и повторно љубов…љубовта кон саканиот, љубовта кон семејството и кон пријателите. Овој роман е скапоцен дар за читателите како и сите досегашни. Ви Благодарам за можноста да бидам меѓу првите читатели а уште повеќе што Ве имам за пријател..Вие сте човек со големо срце и сите свои емоции ги претварате во прекрасни романи кои не по-тсетуваат на човечките вредности. Со големо задоволство ги имам прочитано Вашите досегашни книги, а новите ги чекам со нетрпение
Славица Трајановска Величковиќ, лекарКнига од животот во кој во некој сегмент секој ќе се пронајде себе си, тогаш ќе свати дека животот не е сон туку реалност. Лесна и примамлива книга која те „заробува“ да ја прочиташ без одложување.
Анета Велкоска, одд. наставникКнигата нуди еден широк спектар на настани кои се нижат низ времето, на животот кој продолжува по неговиот тек. Некогаш бавно, некогаш побрзо, дури драматично, минува и оди во неповрат, без реприза…Секоја страница е нов предизвик, ново случување, ново исчекување за читатаелот, за на крај да биде како во народната „КРАЈОТ ДЕЛОТО ГО КРАСИ“.
Билјана Наумоска, фармацевт -
Последната кралица
0550,00 денХуана од Кастилија,
последната кралица со чиста шпанска крв што го наследи престолот на својата земја,
со векови е енигматична фигура обвиткана со неверојатна мистериозност.
Дали таа беше вдовица, како што вели легендата, која беше полудена од нејзината загуба,
или историјата погрешно ја проценила жената што била пред своето време?Како трето дете на Изабела I, кралицата на Кастилија и Фернандо, кралот на Арагон, Хуана ќе се роди во услови на безмилосна борба на нејзините родители за обединување на нивното кралство, сведочејќи за падот на Гранада и откритијата на Колумбо. На возраст од шеснаесет години, таа е испратена да се омажи за Филип, надвојводата на Фландрија, како дел од стратегијата на нејзините родители за зајакнување на Шпанија, исто како што нејзината најмлада сестра, Каталина од Арагон, е испратена во Англија да стане прва сопруга на Хенри VIII.
Хуана наоѓа неочекувана љубов и страст со својот убав млад сопруг, единствениот наследник на Хабсбуршката Империја. На почетокот таа била задоволна со своите деца и животот во Фландрија. Но, кога ќе се случи трагедијата и таа ќе го наследи шпанскиот престол, Хуана ќе се најде помеѓу бескрупулозната борба за моќ на нејзиниот сопруг и ветувањето што ѝ го дава на мајка ѝ Изабела I, не изоставувајќи го и мешањето на најголемите европски монарси. Опколена со непријатели од сите страни, нејзината интелигенција и гордост се искористени како оружје против неа, Хуана ветува дека ќе ја обезбеди круната и ќе ја спаси Шпанија од пропаст, дури и по цена тоа да ја чини сè.
-
Некој ми го знае името
0300,00 денУште како мала, Амината ја киднапираа и ја качија на бродот со робови. Таа мора да ги слуша наредбите за да го сочува својот живот. А и што им преостанува на црнците качени на овој ужасен брод. Среде океан далеку од својот дом. Откако пристигнаа на копното, Амината ја продадоа на друг газда. Се раздели од момчето од соседното село со кое ги делеа нечовечните мигови на бродот. Ама и не е така важно. Она што сега е значајно е успешно да му служи на белиот Американец што сега ја поседува. Сепак Амината е непоколеблива и постојано ја следи желбата еден ден да се врати дома. Во Африка. Моментот кога повторно го сретнува Чакура, момчето од бродот, засекогаш ќе и го промени животот. Сега веќе пораснати, заедно ќе се борат да го променат светот. За време на нејзиното долго страдање, таа прави сè што може да се ослободи себеси и останатите од ропство. Притоа ги учи да читаат и тие да ги поучуваат другите, и да се спријателуваат со секој што може да им помогне, без разлика на бојата на кожата. Инспиративна приказна за една силна жена, што ги доживува едни од најтешките услови за живот низ историјата. Вознемирувачки и длабок роман, напишан по вистинска приказна по кој е снимена познатата телевизиска серија, што под наслов „Книгата на црнците“ се прикажуваше на Нетфликс.
-
Збогум
0220,00 денТрогателна семејна приказна, која низ личните трагедии и победи прикажува поголема слика за последните моменти на големото османлиско царство и за подемот на републиката. Османлиската Империја ги одбројува последните денови, а високиот државен функционер Аџмед Рашат се обидува да го собере и зачува семејството во окупираниот Истамбул. Присилен да оди по тенката линија на судбината, Ахмед е растргнат меѓу лојалноста што му ја должи на султанот и потребата да им помогне на воените единици од Анатолија, предводени од харизматичниот генерал Мустафа Кемал, кои јуначки му даваат отпор на окупаторот. Додека опсадата и оковите на зимата се повеќе го притискаат Истанбул, во куќата на министерот Решат судбината, сепак, продолжува да ги исцрпува своите необични патишта- и покрај сите проблеми ќе процвета невозможна љубов и ќе покаже дека дури и во најнапнатите моменти на историските превирања животот не може да чека… Ајше Кулин раскажува за едно навидум обично семејство во Истанбул во клучен историски момент- низ нивните подеми и падови, надеж и очај, љубов и несреќа, гледаме како полека исчезнува една цела култура, а на нејзино место доаѓа ново време, кое со себе носи поинакви вредности и нови генерации.
-
The Game – за авантуристички расположени момчиња и девојчиња
0500,00 денПриказна за спомените, за менливоста на животот и за разделбите. Љубовно писмо и бавно збогување на еден човек со неговиот внук, на еден татко со неговиот син.
Дедото и Ноа седат на клупа до која цветаат зумбули. И покрај големата разлика во возраста, тие можат да разговараат буквално за сè. За животот, за математиката, за училиштето, за мечките, за најважните и најневажните работи на светот. Дедото се обидува да се сети како се вљубил во бабата на Ноа и како ја изгубил. Сè уште ја памети, но што ќе се случи кога веќе нема да се сеќава ниту на нејзиниот лик?
Како што само тој умее, Бакман ни дава трогателен приказ на борбата на дедото да ги сочува своите најдраги спомени среде океанот на универзумот. Оваа книга е искрено толкување на стравот и љубовта, но и потсетник дека најголемото богатство се секојдневните мали ситни радости. И оние со кои ги споделуваме.
-
Секое утро патот до дома е сè подолг и подолг
0250,00 денПриказна за спомените, за менливоста на животот и за разделбите. Љубовно писмо и бавно збогување на еден човек со неговиот внук, на еден татко со неговиот син.
Дедото и Ноа седат на клупа до која цветаат зумбули. И покрај големата разлика во возраста, тие можат да разговараат буквално за сè. За животот, за математиката, за училиштето, за мечките, за најважните и најневажните работи на светот. Дедото се обидува да се сети како се вљубил во бабата на Ноа и како ја изгубил. Сè уште ја памети, но што ќе се случи кога веќе нема да се сеќава ниту на нејзиниот лик?
Како што само тој умее, Бакман ни дава трогателен приказ на борбата на дедото да ги сочува своите најдраги спомени среде океанот на универзумот. Оваа книга е искрено толкување на стравот и љубовта, но и потсетник дека најголемото богатство се секојдневните мали ситни радости. И оние со кои ги споделуваме.
-
Не ми е страв
0250,00 денДејството на книгата е сместено на југот од Италија, при крајот на 1970-тите години. Најжешкото лето на дваесеттиот век. Мала заедница од пет куќи во огромно поле со пченица. Токму таму деветгодишниот Микеле Амитрано открива многу важна, страшна тајна и не му ја кажува никому. Во драматичните настани што следуваат, ќе се сруши детскиот свет, а возрасните ќе го прикажат своето вистинско, ужасно лице.
Италија на фудбалот, стриповите, старите „фиати“ и популарните радиомелодии е опишана во ритамот на вистински трилер. Моќен, лирски и многу вешто раскажан роман, споредуван со делата на Итало Калвино и на Стивен Кинг.
Со овој роман, Аманити станал најмладиот добитник на престижната награда „Вијареџо“. „Не ми е страв“ е преведен на десетина јазици и адаптиран во филм.
-
Едем
0350,00 денНапишан во 1958 година, „Едем“ ја отвора зрелата епоха во творештвото на Лем од жанрот на научната фантастика.
Експедиција од Земјата поради погрешни пресметки доживува судир со атмосферата и принудно слетува на планетата Едем, при што ракетата се разбива, а екипажот преживува. Што ли ќе затечат земјаните тука?
Жителите создале цивилизација базирана врз биоинженеринг. Генетската контрола сепак се покажала недоволно прецизна. Земјаните се појавуваат во момент кога на планетата се одвива акција на екстерминација. Анонимната влада на Едем се обидува да го сотре поколението на мутанти што содржат дефект. Владетелите имаат власт и врз јазикот, па без исклучок ги тргаат и од него сите формулации што би можеле да ја именуваат фактичката состојба, а на нивно место се појавуваат термини што ја заведуваат стварноста.
Овие политички услови можат да ги потсетат читателите на еден вид орвеловска визија, но далеку повеќе има алузии со доживувањата на Робинзон Крусо и со настаните во „Таинствениот остров“ од Жил Верн. Самиот Лем не сакал да дава изјави за „Едем“, ниту во јавноста ниту во преписките. Постои хипотеза дека премногу се открил себеси во неа и дека главната фабула ја претставуваат своевидни сеќавања за настаните во гетото во Лавов.
-
Случајот Чернобог
0400,00 денНа почетокот на 1980-тите младите психијатри Јан Леви и Татјана Фауст добиваат задача да напишат теза за феноменот Елеонора Чернобог, случај што со децении неуспешно се провлекувал по психијатриски установи и за кој ниеден психијатар не успеал да постави вистинска дијагноза.
Денот кога стигнуваат во поправниот дом каде што Елеонора е оставена од родителите е денот кога животите на тројцата се менуваат. Од научнички аспект недоверливи кон телекинеза, психијатрите доаѓаат со намера да ја земат Елеонора на Институтот за психијатрија.
Нејзините претскажувачки зборови и телекинезата всадуваат страв, но и уште поголем интерес кај Јан и Татјана. Институтот и тезата на психијатрите се само параван за експериментите што државата сака да ги врши над девојката. Татјана по секоја цена сака да ја спроведе кај оние што ја бараат.
Триесетина години подоцна, една млада режисерка е решена да сними документарец за „Случајот Чернобог“ зашто има многу прашања во врска со телекинеза и психокинеза, превидувања за иднината, комуникација со оној свет и претскажувачки соништа, кои само Јан Леви може да ѝ ги одговори.
Дали Мона ќе го сними документарецот, или патем ќе го загуби умот кога ќе почне да гледа привиденија?
-
Големата црвена книга
0350,00 денЏелалудин Руми, големиот пророк и трагач по внатрешниот мир и совршенството, е најпознат по стиховите кои ги искажуваат занесот и таинствата на сите видови љубов – еротска, божествена, пријателска – а во Големата црвена книга се собрани најдобрите меѓу нив. Маестрално лирски и длабоко експресивни, во неа се поместени стихови за божественото откровение, духовното будење, пријателството и љубовта. Стихови кои стигнуваат до нови длабочини и ни откриваат нови димензии. Зашто добрата поезија е над сите сопирачки и не може да биде ограничена од времето.
Овие страници се полни со гроздови зрела духовна, преубава поезија, кои нудат допир со божественоста, откривајќи ја патеката на љубовта посеана со страст, копнеж и постигнување единство со возљубеното. Стихови кои го отвораат срцето и душата за сеопшта љубов однатре и однадвор, која нè поврзува со сите луѓе и со сè што постои.
Оваа раскошна и тешко достижна поезија, актуелна и цели осум века по своето создавање, се смета за едно од најголемите богатства на персиската и светската литература. Ремек-дело што ги слави мистичната љубов, пријателството и животот.
-
Децата на Волга
0500,00 денВо далечините на степата по долниот тек на Волга уште во осумнаесеттиот век се населиле Германци. Годината е 1916, а Јакоб Бах е руски Германец што работи како учител во малото село Гнадентал. Тој одамна се повлекол од светот, се грижи за својата единствена ќерка Анче на осамен селски имот и пишува волшебни приказни што на чудесен и трагичен начин се остваруваат во стварноста.
Но животот одеднаш му се променува кога ќе се вљуби во Клара, ќерка на селанец од другиот брег на Волга. Нивната љубов не може да им избега на настаните што со себе ги носат револуцијата и основањето на Германската република на Волга.
Книга во која се прикажани и љубовта, и смртта, и историјата, и политиката, и војната, и создавањето… Книга во која магичниот реализам се среќава со суровата руска реалност, на бреговите на моќната река Волга, но и пошироко.
Ова е вториот и долгоочекуван роман на Гузел Јахина, најфалената дебитантка во поновата историја на руската литература.
-
Сеништето
0500,00 денПреселувајќи се во Хонгконг, Хари Хуле мисли дека засекогаш ги оставил зад себе своите трауми, исто како и кариерата во полицијата. Но се случува нешто незамисливо: Олег, момчето што порасна со Хари, е уапсено поради убиство. Не можејќи да поверува во тоа, Хари се враќа дома за да го најде вистинскиот сторител. Иако повеќе не работи во полицијата, тој самостојно го истражува прометот на наркотици по улиците на родниот град, што ги пустоши една нова дрога. На секој чекор го чекаат изненадувања, а истрагата на едно навидум типично наркоманско убиство, добива размери што Хари не ги предвидел. Речиси сите траги водат во иста насока…
Во оваа досега најлична истрага, Хари мора да се соочи со своето минато и со потресни вистини за Олег и за себе.„Исклучително… Ова е најличната истрага на Хари, но Несбе не му дозволува на својот јунак да ја занемари потрагата по вистината поради својата татковска љубов кон Олег, колку и да го чини тоа.“ Паблишерс викли
-
УМЕТНОСТА НА НАСЛЕДУВАЊЕ ТАЈНИ
0500,00 денЛуѓето го гледаат само тоа што сакаат да го видат.
Оливија Шо, уредничка на едно од најугледните списанија за храна во Америка, одеднаш дознава дека наследила стар англиски имот и титула. Соочена со смртта на својата сакана мајка, 38-годишната Оливија одеднаш станува грофица обременета од товарот на своите предци, но и на многу мрачни тајни скриени во напуштениот замок.
Вознемирена од сознанието дека мајка ѝ криела нешто толку големо од неа, го напушта Сан Франциско и заминува во потрага по одговори.
Само еден поглед кон дворецот Роузмер ќе ѝ биде доволен да сфати дека мајка ѝ со години го сликала на своите платна. Но зошто никогаш не ѝ кажала за својот дом и за причините зошто го напуштила? Слој по слој, Оливија го ослободува минатото од превезот на тајните скриени во дворецот што пропаѓа и во неговите величествени градини. Иако нејзиниот стар живот ја чека да се врати, таа полека се вљубува во англиското село и неговите жители и ја прифаќа новата љубов…
Прекрасен стил, воодушевувачки ликови, романса, интриги и многу изненадувања кои ќе ги поттикнат читателите на неизвесни претпоставки до самиот крај.
Киркус ривју
-
Жената со црвена коса
0390,00 денОрхан Памук е можеби најпознатиот современ турски писател, добитник на Нобеловата награда за литература во 2006 година. Неговите дела се занимаваат со соочувањата помеѓу Истокот и Западот, со проблемите на уметноста и на идентитетот, а честопати се споредувани со оние на Џојс, Набоков и Маркес.
При крајот на XX век, во град близу Истанбул, мајсторот Махмут и неговиот чирак Џем копаат бунар на едно навидум пусто и суво место. Мачејќи се да стигнат до скапоцената вода – што ќе го „разбуди“ местото и ќе ја поттурне економијата – тие развиваат длабок однос: Махмут го пронаоѓа синот што никогаш го немал, а Џем таткото што го напуштил. Во меѓувреме, на сцена стапува жената со црвена коса, а во Онгорен се случува страшна и голема несреќа, несреќа што ќе остави длабока траума во животот на момчето.
„Жената со црвена коса“ е комплексен роман во кој се испреплетуваат политиката и психологијата, книжевноста и стварноста, Западот и Истокот. Приказна преокупирана со таткоубиството и Цар Едип на Софокле; но, исто така, и приказна за синоубиството, за Рустем и Сухраб, раскажана во епот „Шахнаме“ на персискиот поет Фирдуси. Роман што уште еднаш ја потврдува комплексноста и сериозноста на Орхан Памук.
-
Почеток од соништата
0430,00 денПо враќањето во долината Хадсон, Итан Бишоп веќе не е истата личност како што беше некогаш. Како поранешен падобранец на Специјалните сили, има видено прилично голем број судири, а раните што му сведочат за тоа не се само оние по телото, туку и оние што ги носи длабоко во душата. На фармата на својата сестра, својата болка ја држи на сигурна дистанца од останатите луѓе. И сè што му треба е спокој. Но, како да се остане спокоен кога во животот ќе влезе страсна жена?!
Работата – а не уживањето – на истата фарма ја доведува агентката за односи со јавност, Миа Труш. Строго деловна и темпераментна, Миа веднаш влегува во судир со мрачниот Итан. Нејзе буквално сè ѝ е иритантно кај него – од силните мускули и продорните сини очи, до мирисот на пот и мошус. Но, како што поминува летото и температурите растат, Итан и Миа откриваат колку многу работи имаат заеднички: грижливо чуваното минато, неконтролирана страст и копнеж за нешто повеќе, што би можело да ги исцели двете скршени срца.
Но, дали нивното минато ќе ја загрози кревката прилика за потполно нова иднина?„Ако сакате секси книга, исполнета со забава, што ќе ви го стопли срцето, нема да згрешите со Џенифер Пробст!“
– Џил Шелвис, најпродавана авторка на Њујорк тајмс„Книгите на Џенифер Пробст, ме потсетуваат на вкусна чоколадна торта. Изобилен вкус, декадентно богата… и многу задоволувачка.“
– пасиониран е-читател -
Пред да се излади кафето
0340,00 денКога би можеле да се вратите во времето, кого би сакале да сретнете?
Во мала, споредна уличка во Токио, има едно кафуле кое повеќе од сто години служи внимателно избрано кафе. Но според локалната легенда, ова кафуле нуди и нешто друго освен вкусно кафе — можност за патување во времето.
Во текот на едно лето, четворица муштерии го посетуваат кафулето со надеж дека ќе тргнат на такво патување. Но патувањето низ времето не е толку едноставно, постојат правила што мора да се почитуваат. Најважното е дека тoa патување може да трае само толку колку што му е потребно на кафето да се излади.
Срдечен, носталгичен, мистериозен и чудесно оригинален, меѓународниот бестселер на Тошиказу Кавагучи го истражува вечното прашање: што би промениле да имате можност да се вратите во времето?