-
Болка во џебот
0250,00 денРоман за слепата љубов, насилството и капитализмот. Базиран е на вистински настан – пожар на патнички траект во 1990 година, во кој загинаа 159 луѓе. Иако настанот е реален, ликовите се фиктивни.
Жена патува со автобус низ јужна Данска. Кога погледнува низ прозорецот, пред неа се појавува лик на маж со бела коса. Заслепена е од неговото лице, но не го препознава. Повторно се качува во автобусот, овој пат патувајќи во спротивната насока, и се симнува на местото каде што ѝ се појавил ликот на човекот. Во моментот кога се доближува до една куќа и заѕвонува на ѕвончето, пред неа се откриваат слики од животот на двајца луѓе, Курт и Меги.
Сопружниците живеат на фарма во своите подоцнежни години. Тука Курт ја започнува својата мала автобуска компанија, додека Меги води тивок живот, тонејќи во спомените. Во куќата тие се љубат и се караат. Како што изминуваат годините, караниците се сè почести, сѐ додека нивната врска не се распадне, оставајќи ги само со чувство на апатија. Тоа што на почетокот е пламена страст почнува да венее, а насилното минато и финансиските проблеми сѐ повеќе се испречуваат помеѓу нив. По нејзината смрт, еден бизнисмен го охрабрува Курт да инвестира во траект што ќе плови помеѓу Данска и Норвешка. Набрзо ги губи сите вложени пари откако траектот ќе изгори. Ги поминува своите последни денови сам и во сиромаштија. Спомените го измачуваат и почнува да ги слуша криковите на првородениот син.
Романот е наречен „најамбициозен книжевен потфат за 2020 година“.
-
Во акрата нема мостови
0450,00 денСи земам за право да го прогласам романот „Во Акрата нема мостови“ за една од најубавите љубовни приказни напишани на македонски јазик, но и за првиот „on the road“ роман во македонската литература. Иако има дела со сродни елементи, ниту едно не ја гради „поетиката на патувањето“, бегството и егзистенцијалната потрага како органска целина. Јостед е јунак во движење, млад и рефлексивен, за кого патувањето е слобода, а домот цел. Сенката на Одисеј и стиховите на Кавафис ја продлабочуваат потрагата, додека љубовта на Јостед и Елени му дава смисла на нивното самопронаоѓање. – Зоран Бојаровски, новинар и автор; „Некои мостови ги разбираме дури кога веќе е предоцна да ги преминеме.“ Со прецизна и воздржана нарација, Миле Бошњаковски создава роман во кој личните судбини се преплетуваат со историјата, а интимните избори одекнуваат во рамките на општествените системи. „Во Акрата нема мостови“ отвора прашања за припадноста, семејството и цената на неизговорените вистини, покажувајќи дека тишините што ги наследуваме знаат да бидат посилни од зборовите. Ова е приказна за љубовта и загубата, за родители и деца, за невидливите нишки што ги поврзуваат луѓето и тогаш кога мислат дека се разделени. Роман што се чита внимателно и останува долго по последната страница. – Катерина Синадиновска, новинар
-
Скандалозни страсти
0430,00 денМоже ли еден гусар да разбере дека вистинското богатство лежи во срцето на една жена?
Сајланс Холингбрук е сиромашна, убава и љубезна дама – и пред девет месеци направи страшна грешка. Побара помош од гусарот за да си го спаси мажот и притоа се согласи на спогодба што ќе ја чини брак. Таа ноќ беше толку многу повредена што дури остана во сиропиталиштето во кое му помагаше на својот брат Винтер. Но, нејзиниот мир имаше краток рок на траење.
„Шармантниот“ Микеј О’Конор е најнемилосрдниот гусар во Лондон. Тој е неодоливо привлечен и интелигентен и успеа да се пробие на врвот на лондонското подземје.
Кога неговата вонбрачна ќерка, чија мајка е умрена, ќе му ја остават за да се грижи за неа, Микеј не може да одолее на поривот детето да го остави на куќниот праг на Сајланс…
Ова е третата од неколкуте романтични и секси љубовни романси што авторката Елизабет Хојт ги објави по 2010 година. Најпребирливите читатели неодамна имаа можност од оваа серија на македонски јазик да ги прочитаат историските љубовни романси „Опасни намери“ и „Забранети задоволства“. Во романот „Скандалозни страсти“ ќе се потсетат и на тие настани и на главните ликови.
„Роман што ја враќа вербата во магијата на љубовта“, Романтик тајмс.
-
Тоа бевме ние
0300,00 денРоман што вибрира од тага, но и од животна радост, како емотивен удар со тупаница што се однесува на сите нас!
Нахид и Масуд се среќаваат една вечер во Техеран. И двајцата се на осумнаесетгодишна возраст и во себе носат сон за слобода и демократија. Се движат кришум и делат летоци. Започнуваат демонстрации и илјадници луѓе извикуваат пароли на улиците. Но сето тоа станува многу посериозно и понасилно отколку што можеле да си претстават. Со позајмени пари и со лажни пасоши бегаат во Шведска. Го прават тоа заради подобар живот и заради иднината на својата ќерка. Слободата што им недостигала сега ја имаат во изобилие, но што е слобода кога ти недостигаат корењата?
Триесет години подоцна, Нахид има уште шест месеци живот. Или барем така ѝ кажуваат докторите. Исполнета е со нов гнев. Во исто време дознава дека нејзината ќерка е бремена. „Ако го добијам ова, не сакам ништо повеќе.“ Но сè се претвора во трка со времето.
Извонредна приказна за егзилот, раселувањата и емотивните врски меѓу мајките и ќерките, приказна за љубовта, за вината и за соништата за подобро утре. „Тоа бевме ние“ нè тера да се запрашаме: што им оставаме на нашите деца? Што им должиме на тие што ги сакаме? И, дали без корени можеме вистински да бидеме слободни?
-
П.С. Те сакам
0500,00 денПамети ги нашите прекрасни спомени, но немој да се плашиш да создаваш и нови…
Холи и Гери имаат совршен живот. Живеат во Даблин блиску до семејството и пријателите и уживаат во својата љубов. Но пред нејзиниот триесетти роденден, човекот кој ѝ е најдобар пријател, љубовник и сродна душа, ја напушта. Светот престанува да постои, животот застанува. Но Гери ѝ ветил дека секогаш ќе биде до неа – и го исполнува своето ветување со пораките што ѝ ги пишувал додека бил во болница. Холи секој месец чита нова порака од него, која ѝ помага да ја преброди тагата.
П. С. Те сакам е прв роман на Сесилија Ахерн. Преведен е во шеесетина земји и стана бестселер во целиот свет, беше најпродаваниот дебитантски роман во Ирска, Англија, САД, Германија, Холадија… Во 2007 година беше и филмуван.
П. С. Те сакам е топла, духовита, искрена и романтична приказна за благословите на пријателството, семејството и вечната природа на вистинската љубов. Според Космополитен, тој е сензационален првенец кој докажува дека вистинската љубов никогаш не умира.
Див хумор и тага – сето ова во еден фантастичен роман.
Кети Кели
-
Италијански приказни
0790,00 денБајките патуваат низ времето и просторот, премостуваат векови и континенти, преминуваат низ општествените слоеви опишувајќи го патот кон успехот или падот, низ раскажување кое се обновува и постојано го преобразува слушателот во наратор, и обратно.
Италијанските народни приказни распостилаат пред нас еден волшебен свет на маѓепсници и зли сили кои го демнат човекот, но кои тој секогаш успева да ги надитри. Тоа е еден напати нереален универзум населен со необични суштества, во време исполнето со чуда, а во суштина толку човечки. Кога се запишани од мајсторот на книжевниот збор Калвино, бајките стануваат ремек-дело повистинито од кој било современ роман. Не затоа што ни раскажуваат возбудливи приказни за јунаци и вештери, самовили или змејови, туку затоа што нè учат како да го живееме животот опкружени со нивните метафори.
Калвино во овие бајки го внел целиот раскошен свет на кралеви и принцези, но и на сиромашни селани и момчиња кои со својата остроумност успеваат да се извлечат од замките на судбината и да се кренат над неа. Успевајќи со своето перо да ги истакне уникатните одлики на националниот фолклор, со овие приказни тој остава неповторлив печат во светската литература.Овие традиционални италијански приказни прераскажани од книжевниот мајстор се вистинско литературно богатство.
Лос Анџелес тајмсИзбрани приказни прераскажани од една од најголемите книжевни икони.
Њујорк тајмс бук ривју -
Исчезнат во лет
0550,00 ден“Клаустрофобична, интензивна и невозможно е да се остави.” – Виктор Метос, бестселер автор
Од USA Today авторката на бестселери Одри Џ. Кол, пристигнува вознемирувачки трилер за жена соочена со незамисливото – нејзиното бебе исчезнува за време на лет кон Њујорк.
Кога набрзина се враќа на своето седиште, Микејла Роси чувствува олеснување што сè изгледа мирно. Но кога погледнува кон своето заспано бебе, олеснувањето веднаш се претвора во паника. Колевката е празна.
Лиам го нема.
Тоа беше долг лет од Анкориџ до Њујорк. Бидејќи стјуардесите беа зафатени, Микејла неволно замоли патничка да внимава на нејзиниот син додека таа отиде до тоалетот. Ја немаше само неколку минути. А, сепак, на триесет илјади стапки височина, тој исчезна.
Патниците и екипажот го пребаруваат авионот, но без успех. А, кога никој не се сеќава дека ја видел со бебето, сомнежот се насочува кон неа. Сигурна е дека не го губи разумот, како нејзината мајка – пред очите на целата јавност. Само Џек да беше тука, нејзиниот сопруг ќе ѝ поверуваше. Како успешен банкар објавен во Форбс, можеби и ќе помогнеше.
Но овојпат Микејла е сама. И ќе мора да размислува брзо ако сака да го пронајде својот син – пред да биде предоцна.
„Одри Џ. Кол е на врвот на својата игра во овој возбудлив, навистина оригинален трилер зад затворени врати. Беспрекорно испланиран со шокантни пресврти на секој чекор, не можев да престанам да ги вртам страниците!“ – Сузан Волтер, бестселер автор
-
Соларис
0300,00 денНајчитаниот автор на научна фантастика во светот конечно на македонски, со едно од најважните Sci-Fi дела во историјата – „Соларис“!
На една истражувачката станица што се наоѓа на планетата Соларис, целата прекриена со огромен жив океан, доаѓа нов член на експедицијата. Веднаш по слетувањето, Крис Келвин го вознемируваат чудните однесувања на членовите од екипажот.
Открива дека еден од нив, доктор Гибариан, извршил самоубиство, а во просториите на станицата се појавиле суштества што ги креирал „океанот“, односно материјализираните спомени за ликови или нешта од најдлабоко потиснатите делови од умовите на истражувачите. Во моментот кога Крис почнува да се истражува себеси, почнуваат компликациите…Романот „Соларис“ има огромно влијание врз уметноста. Најпозната од трите филмски адаптации е онаа на Андреј Тарковски од 1972 година, за која тој ја доби главната награда во Кан.
-
Непобедлив
0300,00 денВселенскиот брод „Непобедлив“ слетува на планетата Регис III. Задачата на неговиот екипаж е да ги открие причините за исчезнувањето на претходната експедиција од вселенскиот брод близнак „Кондор“, кој слетал и набргу потоа прекинала комуникацијата со него. Научниците почнуваат да ја испитуваат планетата, го пронаоѓаат бродот, но не можат да ги утврдат причините за катастрофалните случувања.
Наскоро откриваат и остатоци од нешто што прилега на „град“, а потоа и форма на еволуција на мртвото, т.н. некросфера, за што се претпоставува дека се механизми потомци од одамна исчезнатата цивилизација на Лираните.
Во овој култен роман се зборува за средбата со вонземското и за неможноста на човештвото да оствари контакт со непознатото. Исто така, Лем ја преиспитува човековата желба за истражување на космосот и го поставува прашањето што да направи човештвото кога ќе се соочи со својата ограниченост. -
Бегалка
0350,00 денНиту еден жив писател не може толку убедливо да пишува за „текот на љубовта“ како Алис Манро. Таа е жив џин на модерниот расказ, а нејзиниот чеховски реализам, длабоката психолошка интуиција, инстинктивното чувство за емоционалната аритметика на животот, оставија неизбришлив печат на современото пишување. Вештината на Манро во прикажувањето на човековите чувства и богатството на овие приказни, прави тие да делуваат како заокружени романи. Под нејзиното перо ликовите – жени од секакви средини и возрасти и нивните пријатели, љубовници, родители и деца – оживуваат како да ни се соседи. Бегалка е збирка од 8 раскази која критичарите ја сместуваат на највисокото скалило од опусот на Алис Манро.
-
Замрачување
0350,00 денВо нарација подеднакво маѓепсувачка и мистериозна како и сеќавањето – ја дознаваме приказната за Натаниел (14 години) и неговата постара сестра Рејчел.
Во 1945 година, непосредно по Втората светска војна, тие остануваат во Лондон додека нивните родители се преселуваат во Сингапур, оставајќи ги на чување на мистериозната фигура по име Молецот.
Сомневајќи се дека тој е криминалец, децата стануваат уште позагрижени кога ја запознаваат неговата ексцентрична група пријатели: мажи и жени споени од заедничката, недефинирана служба во војната. И сите тие се решени сега да ги заштитат и едуцираат (на крајно невообичаени начини) Рејчел и Натаниел.
Но, дали се навистина оние што тврдат дека се? И што значи кога мајка им се враќа по месеци молк без таткото и без какво било објаснување?
Десетина години подоцна Натаниел почнува да открива сè што сакал да дознае, а токму патувањето низ фактите, сеќавањата и имагинацијата е пренесено во ова ремек-дело од еден од најголемите писатели на нашето време.
-
Живот без крај
0400,00 денНовото дело на славниот Фредерик Бегбеде романот Живот без крај е негова најавтобиографска приказна. Самиот автор ја нарекува темата на романот соодветна на неговата возраст – доколку претходните книги му беа за љубовта сексот бракот експериментирањето со дрогите итн. во овој роман педесетгодишниот Бегбеде ги истражува темите на семејството на смртта и вечниот живот.
Нараторот на Живот без крај е опседнат со идејата да најде „лек“ за смртта и во таа навидум невозможна потрага ќе биде вклучено целото негово семејство. Трагањето по бесмртноста се претвора во луда авантура, за на крајот, останувајќи во доменот на предвидливото и исполнувајќи ги очекувањата на читателот, нараторот да открие дека бесмртноста постојано била пред него, отелотворена во неговите две ќерки.
Бегбеде без патетика и со многу хумор ја допира оваа мрачна тематика и гради возбудлива приказна која завлегува во доменот на научната фантастика.
-
Повратник со две лица
0280,00 денПорано или подоцна, секој на свој начин се помирува со сознанието дека многу прашања во животот остануваат без одговор, покриени со тишина
Нестор е патник меѓу два света, морнар кој плови меѓу бреговите на вистината и заблудата, љубовта и недостигот, по пат што води кон најтешкото враќање: во самиот себе. По многу години поминати далеку од домот, тој повторно доаѓа во празната семејна куќа. Обидувајќи се да го разбере неразјаснетото загинување на сестра му, ја отвора татковата папка со документи, исечоци од весници, спомени. Решен да ја открие вистината, повторно влегува во лавиринтот од недокажаности, замолчени сведоци и поткупени адвокати, административни пречки…
Со мајсторско испреплетување на реалноста и сонот, на минатото и сегашноста, Челиковиќ создава роман што отвора сериозни морални и филозофски дилеми. Растргнат меѓу копнежот и можноста, вината и искупувањето, Нестор залудно се обидува да најде смисла во сенките на сопствената совест и да се ослободи од тежината на минатото.
Приказна за сеќавањето, за помирувањето со загубата и простувањето, за вечната човечка потреба да се најде светлина во темнината.
-
Господарот на мувите
0290,00 денВо зародишот на следната светска војна, авион се урива на непознат остров, при што група ученици остануваат одделени од другиот дел од светот. Отпрвин, без надзор од возрасните, нивната слобода е причина за славење; така, далеку од цивилизацијата, момчињата можат да прават буквално што сакаат.
Тие се обидуваат да создадат сопствено општество, но не успеваат во тоа. И додека редот се урива, додека почнуваат да одекнуваат чудни завивања во ноќта, додека почнува да владее теророт, надежта за авантура почнува да изгледа исто толку далеку од реалноста колку и надежта за спасување.
Сметан за парабола, алегорија, мит, приказна за моралот, пародија, политички трактат, па дури и за своевидна визија за апокалипсата, Господарот на мувите е можеби нашиот најнезаборавен роман за „крајот на невиноста, за темнината на човечкото срце…
-
1Q84 (Книга 2)
0500,00 денАко во светот нема љубов сè е илузија и имитација
Во вториот том Аомаме и Тенго со невообичаено испреплетените околности ги потврдуваат своите сомневања дека се наоѓаат во друго време – во годината 1Q84 – од кое не можат да се вратат назад во 1984 година и во своето реално време. Нивната љубов иако создадена само со еден стисок на рака во детството е единственото вистинско и реално во романот. Таа е двигател на сите збиднувања и јакне наспроти нивната раздвоеност а тие сè повеќе и повеќе се приближуваат еден кон друг.
Во ова продолжение, Мураками продлабочено се занимава со философски теми, со односот помеѓу доброто и злото, вината и казната и, пред сè, со смислата на животот, стравот од смртта, жртвувањето, но и со семејните врски и, неизбежно, со љубовта.Познат во Јапонија (заради тоа честопати критикуван) како писател што внесува премногу западна традиција во своите романи, Мураками оваа приказна за универзалните теми заеднички за целиот свет, ја бојосува повеќе од кога и да е порано со источната философија и со јапонскиот начин на живеење, особено со кујната, чии состојки нè замелушуваат на секоја страница.Продолжува во третиот дел…
-
Последната годишнина
0490,00 денСофи Ханивел отсекогаш се прашувала дали згрешила кога го оставила Томас Гордон. Бил совршен, но на денот кога ја запросил, Софи му го скршила срцето.
Една година подоцна, Томас повторно влегува во нејзиниот живот за да ја извести дека ја наследила куќата на неговата тетка Кони на островот Скрибли Гам. Софи се сели на островот и го запознава семејството на Кони – галерија од интересни и необични ликови. Меѓутоа, по смртта на сестра си, Роуз почнува да се прашува дали еднаш одамна таа и Кони донеле добра одлука и дали дошло времето да ја открие тајната од дамнешното минато што би можела на сите да им ги промени животите од корен.