-
Оддел за рак
0500,00 денАКО НЕКОЈ ЧОВЕК САКА ДА БИДЕ СРЕЌЕН – ТОГАШ ЌЕ БИДЕ СРЕЌЕН И ТАА СРЕЌА НИКОЈ НЕ МОЖЕ ДА МУ ЈА ПОМАТИ.
„Оддел за рак“ е длабока студија за современите канцерогени болести на телото и душата, и на човекот и на државата – и двете еднакво смртоносни. Величествен роман во кој е сумирано огромно количество човечки страдања и историски настани, ремек-дело на светската литература.
Две години по смртта на Водачот, сите „жители“ на одделот означен со злокобниот број 13 се само дел од механизмот сè уште проникнат од сталинизмот. Дојдени од различни краишта на големата советска земја и од различни сталежи, секој од нив ја раскажува својата животна приказна – според замислата на Солженицин, „секој херој станува главен кога дејството стигнува до него“. Препуштени на безмилосната судбина,тие се осудени на немоќно одбројување на деновите што се обидуваат да го ублажат со своите зборови. Соочени со приближувањето на крајот, пациентите од одделот за рак прераснуваат во олицетворение на денешната ситуација и на стравовите на современиот човек, немоќен и беспомошен пред лицето на смртта.
„Без сомневање еден од најголемите руски романсиери.“
Сандеј тајмс
„По својата структура, романот неверојатно потсетува на катедрала: во него има огромни пространства, мноштво сводови и неколку димензии – белетристичка, духовна, социјална.“
Хајнрих Бел
„Солженицин е една од најголемите фигури на времето, како писател, како етичар, како херој.“
Едвард Кранкшо
-
Жртва 2117
0550,00 ден#8 СЕКТОРОТ Q
Застрашувачка меѓународна истрага ја открива сложената животна приказна на еден од членовите на одделот за нерешени случаи – загадочниот Асад.
Весниците го нарекуваат мртвото тело само „Жртва 2117“, две илјади сто и седумнаесеттиот мигрант што го загубил животот во Средоземното Море.
Но за тројца луѓе, жртвата е многу повеќе, а нејзината смрт поттикнува низа настани, кои Секторот Q, предводен од инспекторот Карл Морк, го фрлаат во длабоко опасен и прилично личен случај, кој не само што открива мрачни тајни за минатото туку и смртоносни последици за иднината.
За едно психички нестабилно момче од Данска, смртта на Жртвата 2117 станува симбол на сѐ што мрази и е совршен изговор да ги ослободи своите убиствени нагони. За Галиб, суров мачител од озлогласениот затвор Абу Граиб, смртта на Жртвата 2117 е првиот чекор во терористичка завера, планирана со години. А за Асад, Жртвата 2117 е врската до неговото закопано минато и до своите најблиски кои ги сметал за одамна мртви.
-
Големи лаги во мал град
0500,00 денЧејмберлен, докажан раскажувач на неверојатни приказни, ги држи читателите во неизвесност со приказна што ги поврзува историјата и сегашноста со романса и мистерија.
Северна Каролина 2018 година: Поради злосторството што не го сторила, животот на Морган Кристофер се менува целосно. Нејзиниот сон за уметничка кариера е ставен во мирување, додека еден мистериозен посетител не ѝ даде понуда што ќе ја ослободи од затворот. Нејзината задача е да реставрира еден стар мурал пред платото на поштата во едно мало заборавено гратче. Морган не знае ништо за реставрација, но, очајна за да биде слободна, таа прифаќа. Она што таа го наоѓа под слоевите од нечистотија е слика што раскажува приказна за лудилото, насилството, заговорот и тајните на тоа мало гратче.
Северна Каролина, 1940 година: Ана Дејл, уметник од Њу Џерси, победи на националниот натпревар за сликање мурал за поштата во Идентон, Северна Каролина. Поради големата потреба од работа, таа прифаќа да го слика муралот. Но, она што таа не го очекува е дека ќе се најде во град каде што предрасудите се преголеми, каде што луѓето кријат тајни зад затворени врати и каде што цената за различноста може да заврши со убиство. Што се случи со Ана Дејл? Дали трагите се кријат во насликаниот мурал? Може ли Морган да ги надмине сопствените демони за да ги открие големите лаги?
„Роман за уметноста и тајните… беспрекорно раскажан… со шокантен крај.“ – „Пипл”
-
Кога телото вели не
0550,00 денКога самите не сме способни да му кажеме „не“ на стресот, телото зборува место нас. А кога телото ни зборува, треба да го слушаме.
Може ли човек буквално да умре од осаменост? Дали постои „рак-личност“? Зошто и како се појавуваат артритис, дијабетес, срцеви заболувања, мултиплекс склероза… и дали можат да се излечат?
Врз основа на научните истражувања и своето повеќедецениско искуство, д-р Мате дава одговори на многу важни прашања за ефектот на телоумот врз здравјето и улогата што стресот и индивидуалната емоционална структура ја имаат во многу болести. „Целта на оваа книга е да го опише влијанието на стресот врз здравјето. Тој е толку длабоко скриен и сраснат со нас што го чувствуваме како дел од себе. Се обидуваме да го разбереме телото одвојувајќи го од умот, но тоа е голема предрасуда“, вели д-р Мате.
„Кога телото вели не“ изобилува со животни приказни на многу пациенти. Таа е откровение што придонесува за трансформативни сознанија за тоа дека болеста е начин на кој телото му кажува „не“ на она што умот не може да го признае.
„Габор Мате вешто ги обединува последните достигнувања во биомедицината со личните приказни на пациентите овозможувајќи ни длабок увид во тоа како искуствата го обликуваат нашето здравје и однесување. Книга што мора да се прочита.“
Брус Липтон, автор на „Биологија на верувањето“
„Ова е мошне важна книга, и за докторите и за обичните луѓе. Во секој случај спасува животи.“
Питер Левин, доктор по трауматски стрес
-
Степскиот волк
0400,00 денРастргнатоста на духот на човекот, кој во реалноста е степски волк,див и чуден, ги одразува феномените и струите на современоста што се критички настроени кон културата на 20 век. Со спојот меѓу источниот мистицизам и западното опшество , најпознатото дело на Хесе е едно од најпоетските книжевни евокации на патувањето на душата до конечното ослободување. Оваа фаустовска приказна го следи патот на Хари Халер кој во состојба на целосно отуѓување од буржоаскиот свет страда од длабок внатрешен конфликт.Во голем дел автобиографски , Степскиот Волк поседува длабока мудрост што ги воодушевува читателите дури и цел век по објавувањето.
-
Лисица
0350,00 денДелото „Лисица“ од првата дама на ексјугословенската книжевност, Дубравка Угрешиќ, е роман, автобиографија, патопис – и многу повеќе од тоа. Авторката на духовит начин се пресметува со современата книжевна сцена и со глобалните трендови, патувајќи, литерарно и физички, од Јапонија преку многу руски класици до американските авантури на Набоков, или пак до бесмисленото претставување на книгата во денешниот свет.
Што е книжевноста денес, која е нејзината улога и, уште поважно, која е улогата на писателот, дали е тој само кловн што патува низ светот, дали воопшто е возможно сè уште да се раскажуваат приказни, дали е возможно само така да се создаде роман и да се измисли приказна, како и кој има контрола над текстот, авторот или самата приказна – сите овие прашања ги поставува „Лисица“.
Без нималку патетика, преполна со фин хумор, со суптилна иронија, со книжевни и теориски референции, „Лисица“ е посвета на писателите и на пишувањето, на оние важните, неодминливите, на оние чии приказни го менуваат читателот. Такви приказни може да создаде само исклучителен раскажувач, а таква раскажувачка без сомнение е токму Дубравка Угрешиќ.
-
13 минути
0490,00 денПрогласена „најдобра книга“ за млади за 2016 година од ТЕЛЕГРАФ.
Не се сеќавам како завршив во студената вода, но ова со сигурност го знам: тоа не беше несреќен случај. Велат, чувајте ги пријателите блиску до Вас, а непријателите уште поблиску, но понекогаш е тешко да препознаете непријател меѓу пријателите. Моите пријатели ме сакаат. Сигурна сум дека е така. Но тоа не значи дека не се обидоа да ме убијат…
“13 минути” е роман за една возбудлива мистерија околу еден обид за убиство, за недовербата меѓу луѓето, за стравот, за манипулацијата и за моќта на вистината. Содржина која едноставно Ве тера да ги преиспитате сите Ваши врски – и дали навистина ги познавате луѓето што Ве опкружуваат…
-
Сето тоа ќе ти го дадам
0650,00 денМрачни семејни тајни, убиства, измами и вечната потрага по вистината сместени во прекрасно опишаниот лозарски крај на Галиција.
Познатиот писател Мануел Ортигоса добива известување дека неговиот сопруг Алваро Муњис де Давила загинал во сообраќајна несреќа во Галиција кога всушност требало да биде на службен пат во Барселона. Се упатува таму и открива дека истрагата за случајот е затворена, а човекот со кој бил во брак петнаесет години криел од него дека потекнува од богато благородничко семејство и дека тој му е единствениот наследник.
Растргнат помеѓу болката од загубата и од сознанието за двојниот живот, сака да избега веднаш по погребот. Но го задржува Ногеира, полицаец во пензија, кој се сомнева во околностите за смртта на Алваро исто како и за друг смртен случај во неговото семејство, за кој мисли дека бил прикажан како несреќен случај. Заедно со свештеникот Лукас, кој му бил најдобар пријател на загинатиот од детството, го наведуваат Мануел да започне истрага за ненадејното патување на Алваро во Галиција и за неговиот таен живот. Ја почнуваат потрагата по вистината во место во кое старите обичаи и верувања се длабоко вкоренети и место што крие многу тајни.
-
Авантурите на Шерлок Холмс
0390,00 денКралот на Бохемија е уценет од својата претходна љубовница; свршеникот на една млада дама ненадејно исчезнува на денот на венчавката; црвенокос господин се наоѓа во крајно бизарна ситуација што не може да ја разбере; млада девојка е загрижена за својот живот откако сестра ù мистериозно умира. Само еден човек има одговор на сите овие мистерии, а тоа е секако Шерлок Холмс.
Книгата „Авантурите на Шерлок Холмс“, објавена во 1892 година, е првата збирка раскази за ненадминливиот лондонски детектив и неговиот помошник д-р Вотсон. Оваа збирка содржи некои од најпознатите раскази на Артур Конан Дојл, меѓу кои се вбројуваат „Скандал во Бохемија“, „Сојузот на црвенокосите“ и „Лентата со точки“.
-
Мачорот што ги спаси книгите
0340,00 денДедо ми отсекогаш велеше дека книгите поседуваат безмерна моќ.
Која е вистинската моќ на книгите? Повлеченото момче Ринтаро ќе го открие тоа сосем неочекувано, соочено со загубата на нештата што му значеле најмногу во животот.
Ринтаро се чувствува свој само меѓу книгите на дедо му, кои се негово прибежиште. Но откако дедо му ќе почине, тој ќе мора да ја продаде книжарницата во која поминал многу среќни часови во читање и да се пресели кај една далечна роднина. Меѓутоа еден необичен посетител од корен ќе му го промени животот. Тигар Пругавиот, мачорот кој умее да зборува, бара помош од Ринтаро за спасување на книгите. Оваа мисија ги носи на необично патување на кое запознаваат чуди луѓе и добиваат најразлични задачи. Минувајќи низ лавиринтите, на крајот доаѓаат до последниот и најтешкиот предизвик – оној кој од Ринтаро бара огромна храброст…
Необичен мачор, младешка љубов, волшебни книги и возбудливи авантури…Роман што ја враќа вербата во добрината, во кој ќе се пронајде секој читател.
„Волшебна приказна што нè повикува да уживаме во читањето и ни открива нови светови што ги држиме в раце додека ги листаме и мирисаме печатените страници и ја допираме шушкавата хартија.“
Џапан тајмс
-
Тврдина
0450,00 ден„Тврдина“ е еден од двата класици на великанот на светскиот роман во дваесеттиот век, Меша Селимовиќ.
По огромниот успех што го доживува со „Дервишот и смртта“, романот што денес претставува симбол за неговото име, Селимовиќ во 1970 година го објавува „Тврдина“, кој на некој начин претставува роман близнак, огледален роман на „Дервишот и смртта“.
За ова свое дело Селимовиќ ќе истакне: „Тврдината е еден поширок симбол. Тоа е сè што ги одвојува луѓето: религијата, нациите, државите, убедувањата, предрасудите, сè во што се затвора поединецот и заедницата кон другиот. Во однос на книгата ’Дервишот и смртта‘, каде што е дадена димензија на омраза и страсти, во ’Тврдина‘ сакав да го покажам излезот од таа затвореност во која луѓето живеат одамна, па и денес. Може ли да се излезе од тврдината и од тврдините, можат ли луѓето поинаку да разговараат меѓу себе освен преку пушкарниците? Мојот главен јунак ги има сите услови да биде огорчен и затворен во себе и тој сепак се обидува да најде пат до другите луѓе. За него е неприфатлив каков било друг пат освен патот на љубовта.“
-
Љубов, море и лимончело
0350,00 денСė е возможно кога некого сакаш премногу.
Елени, триесет и тригодишна девојка од Чикаго, изневерена од своето момче Дон, се наоѓа пред привлечна животна одлука. Наградата, која случајно ја добива преку апликацијата „Инстаграм“,ѝ отвора многу прашања. Дали да остане во својата комфорна зона во дождливото Чикаго или да остави сè зад себе и да се впушти во возбудлива авантура на другиот крај од светот, во сончевото Позитано, и да присуствува на тримесечна обука за готвење со десетици непознати луѓе.
Популарната италијанска песна „Sarà perché ti amo“, која ја слуша на радиото во автомобилот, и ограбената галерија за уметнички слики каде што работи веќе неколку месеци се двата знака што ѝ помагаат полесно да ја донесе одлуката. Новиот живот во Позитано ќе ѝ биде исполнет со многу комични и возбудливи настани, кои ќе ѝ го променат животот од корен.
„Љубов, море и лимончело“ е романтичен крими-роман, кој нема да ве остави рамнодушни и ќе ве однесе во светот на Елени исполнет со многу забава, необична љубов, многу интриги и измами и, најверојатно, ќе го прочитате во еден здив. -
Писатели и љубовници
0360,00 денСкршена поради ненадејната смрт на нејзината мајка и уништена по последната љубовна врска, Кејси Пибоди, летото 1997 година, стигнува во Масачусетс без никаков план. Нејзиното поштенско сандаче е преполно со покани за свадби и последни известувања од наплатувачи на долгови. Поранешното чудо од дете за голф, сега работи како келнерка во ресторан на плоштадот Харвард и живее во изнајмена мувлосана соба во која работи на својот роман што го пишува шест години. На 31 година, Кејси сè уште се држи за нешто од кое речиси сите нејзини пријатели се откажале: посветеноста да има креативен живот. Кога во исто време ќе се вљуби во двајца сосем различни мажи, нејзиниот свет се крши на уште поситни парчиња. Кејси се бори да ги исполни нејзините креативни амбиции и да балансира меѓу спротивставените барања на животот и уметноста, на начини што ја туркаат до работ.
„Писатели и љубовници“ ја следи Кејси – паметна и ранлива протагонистка – во последните денови од младоста, период кога секој сегмент од нејзиниот живот е во криза. Напишан со хумор, срце и интелигенција, карактеристични за стилот на Лили Кинг, овој исклучителен роман го истражува застрашувачкиот и возбудлив скок помеѓу крајот на една фаза од животот и почетокот на друга.
-
Тим – официјалната биографија на Авичи
0600,00 денИнтимна биографија за Тим Берглинг – Авичи, легендарниот диџеј што прерано го напушти овој свет.
Диџејот и продуцент Тим Берглинг, во цел свет познат под уметничкото име Авичи, експлодира на музичката сцена како огномет наспроти ноќно небо. Беше музички визионер, кој со своето чувство за мелодија успеа да го дефинира периодот кога шведската и европската хаус-музика го освојуваа светот.
Но Тим Берглинг исто така бил и интровертен и кревок млад човек, принуден пребрзо да порасне. По цела серија инциденти, кои резултираат со болнички престој, тој ја прекинува турнејата летото во 2016 година. Едвај две години подоцна, си го одзема животот.
„Тим – официјалната биографија на Авичи“ е дело на наградуваниот новинар Монс Мосесон, кој добива специјален пристап до белешките на Тим, а прави интервјуа и со неговото семејство, како и со неговите пријатели и колегите од музичкиот бизнис. Биографијата искрено ги претставува Тим и неговата животна потрага, не срамејќи се од тешкотиите со кои се соочувал.
-
Градината на олеандрите
0390,00 денВо градината на една куќа во Карбонара, во Апулија, цвета олеандер. Го насадува Агостино, кога се преселува таму со неговата сопруга Анита, позната како „Марџала“.
Жена со ретка и мистична убавина, Марџала има моќ да ги смири болките кај новороденчињата, претставува скапоцена помош при раѓање и, доколку е потребно, е во состојба да отстранува клетви. Има три ќерки: Розета, Корнелија и Дијаманте, која е најмладата. Првата е убава и дива како и таа. Втората има коса со боја на мед и истите светли, продорни очи на нејзиниот татко. Од друга страна, Дијаманте е полничка, со виткана и нескротлива коса и е своеглава.
Со постојано остар и прониклив поглед, речиси никогаш не препуштајќи се на нежност, со текот на годините Марџала станува сведок на смртта на нејзиниот сопруг, на почеток на војна и на растењето и созревањето на нејзините ќерки, со нивните несреќни љубови, горливи страсти, горчливи разочарувања.
Смирувачкото присуство на Марџала, обвиткано со нејзината непробојна тишина, е постојано тука да ги надгледува, дури и спроти најнепредвидливата судбина…
Семејна сага за испреплетените судбини на четири храбри и уникатни жени. Мирисот на волшебната земја, Апулија
-
Најсвирепиот месец
0500,00 ден#3 АРМАНД ГАМАШ
Велигден во Три Пајнс е време на црковни служби, потрага по јајца и сеанси за воскреснување на мртвите.
Група пријатели одат во старата куќа на Хадли, ужасот на ридот, за конечно да се ослободат од злите духови што го измачуваат селото со децении. Но, наместо да се ослободат од духот, тие создаваат нов. Еден од пријателите умира од страв. Или сепак се работи за убиство? Тогаш се појавува главниот инспектор Арманд Гамаш со својот тим од полицијата во Квебек. Додека ги разоткриваат слоевите нечистотија што ја покриле опседнатата куќа, сфаќаат дека злото не е само таму. Еден од навидум љубезните селани е воден од исто такво зло.
Велигден во Три Пајнс е време на повторно раѓање, особено кога природата се буди. Но тогаш се буди и нешто друго, нешто неубаво. И веќе е јасно дека за да се случи повторно раѓање, прво мора да има смрт.