-
КЛУБОТ НА НЕПОПРАВЛИВИТЕ ОПТИМИСТИ
0500,00 денКлубот на непоправливите оптимисти е еден од најуспешните документарни романи во современата француска книжевност, во кој фикцијата на авторот се преплетува со реалните историски личности, како Жан-Пол Сартр и Албер Ками. Авторот на брилијантен начин ја доловува атмосферата во Париз во педесеттите години, создавајќи прекрасна, меланхолична и трогателна приказна за детството и младоста поминати во еден бурен период од историјата на Европа.
Мишел Марини има дванаесет години и во својот живот има неколку големи страсти – фудбалот, книгите и шахот. Токму овие три големи љубови го водат младиот Мишел во бистрото „Балто“, во еден од сиромашните квартови на Париз. Во тој легендарен ресторан има и една скришна сала, каде Мишел ќе открие луѓе кои не се среќаваат често по париските улици, а кои се членови на шаховскиот Клуб на непоправливи оптимисти. Момчето ќе успее да се избори за своето место во тој храм на интелектот и духовноста и ќе ја запознае судбината на многу луѓе кои побегнале од источната на западната страна на Железната завеса, но ќе ги сретне и великаните на европската филозофија и книжевност. Во овој чудесен роман Жан-Мишел Генасија создава хроника на една младост, но исто така и незаборавна слика за Франција во средината на XX век. Клубот на непоправливите оптимисти е своевидна ода на хуманизмот, младоста и човековата истрајност. Ова е една од оние книги што се прераскажуваат, се препрочитуваат и никогаш не се забораваат.
-
Рандеву
0420,00 денНешто лошо ù се случи на Алисон Тејлор.
Нејзината саботна вечер почна нормално. Поради разделбата со сопругот, пријателите ја убедуваат да излезе на рандеву со друг човек. Таа е подготвена, нервозна и возбудена. Спремна е да направи чекор кон нејзината нова иднина.
До недела наутро, животот на Али е непрепознатлив. Се буди знаејќи дека нешто не е во ред. Дома е, сама, повредена и не се сеќава што ù се случило.
Уште полошо, кога ќе се погледне во огледалото, таа не го препознава ликот кој гледа во неа. Не може да ги препознае ниту роднините ниту пријателите. И не може да ја препознае личноста која се обидува да ја уништи…
-
Некој што го знаеме
0450,00 денВо едно тивко предградие во северниот дел на Њујорк, еден тинејџер се прикрадува во куќите – и во компјутерите на сопствениците – учејќи ги нивните тајни, а можеби и споделувајќи некои од нив. Кој е тој, и што можеби открил? И кога ќе биде најдена една жена убиена на улицата, напнатоста се зголемува. Кој ја убил? И на што сѐ се подготвени овие луѓе за да ги заштитат сопствените тајни? Во ова соседство не играат игри само сопружниците. Во ова соседство, секој во семејството има своја тајна…
-
Тркачот
0390,00 денБен Ричардс нема работа и нема среќа. Неговата осумнаесетмесечна ќерка е болна и ниту Бен ниту неговата сопруга не можат да си дозволат лекар. За човек од сиромашната страна на градот без пари и надеж, постои само едно нешто што може да го направи: да стане натпреварувач во една од Игрите на Мрежата, шоуа во кои можеш да заработиш повеќе пари отколку што некогаш си сонувал – или да умреш. Бен станува дел од најгледаното шоу и е на пат да стане плен на масите…
-
Зулејха ги отвора очите
0450,00 денПриказната започнува во мало татарско село во 1930 година. Микрокосмос во кој жената е објект на постојано понижување. Но ова не е патријархален роман. Ова е женски роман во најубавата смисла на зборот. Бидејќи главен херој е зеленооката Зулејха. Жена што ќе го посведочи убиството на сопругот од страна на комунистите и жена што ќе го преживее прогонството на Сибир. И така засекогаш ќе го напушти родниот микрокосмос.
Таа е принудена на мачно патување со товарен воз до најоддалеченото место на бреговите на реката Ангара во Сибир. Животните услови во руската тајга носат сосема поинаква тежина. Многумина не ја преживуваат долгата зима. Тоа е средина составена од: селани, интелектуалци, криминалци, чесни луѓе, муслимани, православни, атеисти, Татари, Руси и Германци. Во групата на Зулејха има еден напорен доктор, еден сликар, еден пар, еден криминалец, но и – Игнатов, убиецот на нејзиниот сопруг. Заедно започнуваат да градат нов живот, далеку од своето минато. Заедно мора да создадат – љубов!
Зошто Зулејха ги отвора очите? Токму за љубовта, за мајчинството, за слободата, за борбата за живот.
Романот е добитник на двете најважни книжевни награди во Русија – „Големата книга“ и „Јасна Полјана“.
-
Загубениот симбол
0600,00 денОНА ШТО Е ЗАГУБЕНО ЌЕ СЕ ОТКРИЕ… Вашингтон: Симболот од Харвард Роберт Лангдон е повикан во последен миг да одржи вечерно предавање во Капитол. По неколку мигови од неговото пристигнување, во самиот центар од Ротундата, се појавува еден вознемирувачки предмет, морничаво украсен со пет симболи. Тој веднаш сфаќа дека станува збор за античка покана, којашто го повикува нејзиниот примач кон еден одамна загубен свет на скриена езотерична мудрост. Кога Лангдон открива дека неговиот почитуван ментор, Питер Соломон филантроп и истакнат масон, брутално е киднапиран, Лангдон сфаќа дека единствената надеж да го спаси животот на неговиот пријател е да ја прифати оваа мистериозна покана и да ја следи без оглед каде таа ќе го одведе. Лангдон многу брзо се наоѓа себеси затворен зад бедемите од најмоќниот град во Америка, во непознатите соби, храмови и тунели кои постојат таму. Сето она што претходно му било познато се трансформира во нејасен, прикриен свет на умешно скриено минато во кој се чини дека масонските тајни и претходно непознатите откритија го водат до невозможна и незамислива вистина. Како совршено изработена таписерија од прикриени истории, мистериозни знаци и загадочни кодови, ЗАГУБЕНИОТ СИМБОЛ претставува интелигентен, молскавичен трилер кој нуди изненадувања на секој агол. Бидејќи, како што ќе открие Роберт Лангдон, не постои ништо почудно или пошокантно од тајната којашто се крие пред очи…
-
Чук, чук
0500,00 денПет црвени свеќички на тортата. Исчекување. Како можеше Зана да знае дека овој ден ќе им го промени животот на толку многу луѓе? А сè што сакаше беше да си ја испее „Среќен роденден“.
Кога Еверт Гренс ќе влезе во станот во Стокхолм, останува зашеметен од смрдеата на расипана храна, но и на нешто многу пострашно. Тоа што ќе го види ќе му остане длабоко врежано во сеќавањето.
По речиси две децении, Еверт Гренс повторно ќе се најде во истиот стан. Некој се вратил да ја бара Зана. Гренс знае дека не смее да ја загуби трката со времето и мора да ја најде пред таа да биде убиена.
Приказна за предавството и одмаздата, а светот трепери за време на трите дена исполнети со шокантни настани.
-
Потрага по Одри
0270,00 денПрв роман на Софи Кинсела напишан за тинејџери.
Одри не е во состојба да излезе на улица. Дури и дома не може да ги тргне темните очила. Таа страда од анкциозност. Тогаш во нејзиниот живот се појавува Линус, другарот на нејзиниот брат. Со својата пријателска насмевка налик на парче портокал и духовитите пораки, тој ја наведува Одри повторно да излезе од дома – за почеток, барем до Старбакс. Одри чувствува дека покрај Линус може да го прави сето она од кое претходно се плашеше. Одеднаш и се чини дека би можела повторно да се врати во светот од кој се отуѓи.
Подгответе се да се смеете, сонувате и да се надевате заедно со Одри, која сфаќа дека дури и кога ќе помислите дека сте се изгубиле себе, љубовта сепак може да ве пронајде вас… -
АСИСТОЛА
0300,00 денОд авторката на Белешките на Лајла Грејс и Карма
Никогаш не мислев дека враќањето е толку тешко. Секогаш мислев дека е тешко да направиш чекор напред, а не чекор назад.
Има моменти кога животот нѐ носи на крстопат, кога мораме да се одлучиме за правецот по кој ќе тргнеме. Има ли таков пат што би нѐ ослободил од товарот на минатото за да можеме со леснотија да ја прегрнеме иднината?
По доживеаната лична трагедија, младата докторка Лена решава да го напушти својот живот во Виена и да се врати во родниот град. Растргната е меѓу напорните болнички смени, редовните средби со психотерапевтот, задржување на пријателството… и забранетите чувства што ненадејно ја обземаат кон Гаврил, познат и шармантен хирург, кои можат да ѝ ја уништат целата кариера. Обидувајќи се да најде излез од емотивниот лавиринт, токму кога ќе реши да ги распакува големите куфери од Виена, животот ѝ носи нов пресврт.
Драматичен и полн со чувства, возбудлив од почеток до крај, романот Асистола нè носи таму каде што се води борбата за човековиот живот, но и за љубовта, борба за работите што ни даваат смисла и го тераат нашето срце да чука уште посилно.
-
Невидливиот чувар
0400,00 денПо многу години минати надвор од Елисондо, инспекторката Амаја Саласар се враќа во родниот град за да го најде убиецот што ги избира своите жртви меѓу младите девојки. Тој ги задушува и ги остава голи во шумата следејќи некој вид мрачен ритуал. Додека се обидува да го изгради профилот на убиецот и да ги реши убиствата, Амаја мора да се соочи со сеништата од сопственото минато. Тоа се мрачни епизоди за кои никогаш не зборувала и што ја принудиле да замине без желба да се врати, но измешани и со старите народни верувања од областа Навара. Фасцинантна приказна во која тајните и легендите се испреплетуваат со ужасни злосторства. Што кријат бастанските шуми?
„Невидливиот чувар“ е првата книга од „Бастанската трилогија“, преведена на повеќе од 20 јазици. Филмската верзија е изработена од страна на продуцентите на трилогијата „Милениум“ на Стиг Ларсон.
-
Џентлмен во Москва
0550,00 ден„Романот е исполнет со енергија од бројни авантури, љубовни афери и пресврти на судбината“. – Волстрит џурнал
Од најпродаваниот автор според Њујорк тајмс – роман кој ќе ве однесе во еден друг свет, роман за човек на кој му е наредено да го помине остатокот од својот живот во луксузен хотел.
Ако барате квалитетен роман, ова е тоа. Прекрасно напишана приказна за еден руски аристократ заробен во Москва за време на немирите во триесеттите години од минатиот век.
„Џентлмен во Москва“ е неверојатна приказна затоа што во неа има од сè по малку. Има фантастична романса, политика, шпионажа, родителство и поезија. Книгата е историска фикција, но би било исто толку точно ако се нарече трилер или љубовна приказна. – Бил Гејтс
-
ЉУБОВТА ТРАЕ ТРИ ГОДИНИ
0300,00 денЉубовта е однапред загубена битка.
На почетокот сè е убаво, дури и вие самите. Не паметите дека некогаш сте биле толку вљубени. И сосем лесно го носите својот товар со чуда. Никој на планетата Земја не осознал такво задоволство. Среќата е тука и едноставна е – таа има лице. Вселената се насмевнува. Цела година вашиот живот ќе биде низа од сончеви утра. За тоа пишувате книги. А потоа се соземате – зошто човек да мисли кога е среќен? Од премногу размислување станувате тажни; а треба да му се препуштите на животот.
Втората година нештата почнуваат да се менуваат. Сте станале нежни. Се гордеете со заедништвото што се вкоренило во вашето секојдневие на двојка. Луѓето на улица мислат дека вашата жена ви е сестра: тоа ви ласка, ама и влијае врз вас. Сè поретко водите љубов и сметате дека тоа не е причина за загриженост. Убедени сте дека со секој изминат ден вашата љубов е сè поцврста, иако неумоливо се приближува крајот на вашиот свет. Пред своите другари ергени, кои не можат повеќе да ве препознаат, ја браните институцијата брак. А дали самите сте сигурни дека се препознавате себеси додека ја рецитирате лекцијата што сте ја научиле напамет, воздржувајќи се притоа да не се загледувате во девојките по кои сите се вртат?
Тече веќе третата година и вие повеќе не се воздржувате да гледате по девојките. Со сопругата речиси и не разговарате. Со часови седите во ресторан слушајќи што разговараат на соседната маса. Сè почесто излегувате заедно: тоа ви доаѓа како оправдување повеќе да не се дупите. Наскоро доаѓа и оној момент кога не можете повеќе да ја поднесувате сопствената жена, ниту една единствена секунда, затоа што сте се вљубиле во друга. Не сте се измамиле само во едно: животот го има последниот збор.
Љубовта е величествено паѓање во бездна: кога знаеш дека ќе удриш со главата во ѕид, а сепак трчаш сè побрзо; кога јуриш во пропаст, а на усните имаш насмевка; кога љубопитно го исчекуваш моментот кога сè ќе отиде по ѓаволите. Љубовта е единствената програмирана измама, единствената предвидлива несреќа на која ѝ се враќаме, која повторно и повторно ја бараме.
-
Отчукувања
0300,00 денДобрата страна?! Добра е и има нов мобилен, па конечно може да зборува со сите преку HeartBits.
17:05
Лошата страна?! Не се сеќава на трите дена што и претходат на несреќата. Што ли се случило за време на тие денови? Кој ли е тој Феникс кој не престанува да и пишува пораки? И зошто секогаш кога Елија ќе помисли на она што можела да го заборави… чувствува дека и недостига воздух.
17:06
-
Мајсторот и Маргарита
0500,00 денОдбиван, премолчуван, забрануван и напаѓан. Тоа е историјата на овој роман. Едно обично, жешко летно пладне, во Москва, започнуваат да се случуваат многу, многу необични работи. Никогаш не разговарајте со непознати. Зошто, така, ете така започнува хаосот. Хаосот кој го создава никој друг, туку Воланд. Воланд, Мефистофел, Ѓаволот лично. Но каков е овој ѓавол, чуден и гротесктен? И од каде во сета таа приказна за неговото лудување низ московските улици, театри, домови и најразлични највисоки институции, се појавуваат Понтиј Пилат и младиот Јешуа? Кој е нивниот удел и врска со московската приказна? А Мајсторот писател и неговата љубена Маргарита? Низ меланжот од приказни, проткаени со многу хумор и иронија, пародија и смеа, смешно и страшно, подбив и (само)критика, се издигнува, на крајот, една нова приказна. Можеби не сосем вистинита, но приказна која не се вклопува во калапите на бинарностите, која донесува една поинаква перспектива на набљудување, ново промислување на Вистината, Убавината, Уметноста. Една поинаква, Уметничка Вистина, која ги пресвртува добро познатите и вечни вистинини, која не дозволува нивно еднаш засекогаш и цврсто утврдување, која е надвор од востановените идеолошки и политички рамки и убедувања. Користејќи го хуморот како најсилно оружје против системите кое се обидуваат да нè задушат, да ја убијат во нас последната капка креативна фантазија, да ни го скројат животот во задушливите кабинети во име на напредокот, Булгаков ја исмева таа нехумана лакрдија, по цена на својот живот, а во име на слободата и правото на избор на сопствената (уметничка) вистина. Не постои историја, туку само Истории. Различни приказни, погледи на минатото и историјата, нивно калкулирање и искористување. Еве одлична прилика да се погледнат нештата од поинаков агол.
-
Зад нејзините очи
0490,00 денЛуис е самохрана мајка, секретарка, заглавена во секојдневјето. На едно од нејзините ретки излегувања, во еден бар се среќава со еден човек и помеѓу нив се раѓаат искри. Иако тој заминува откако ќе се бакнат, таа е воодушевена што конечно пронашла некого.
Кога Луис пристигнува на работа во понеделник, таа го запознава новиот шеф Дејвид. Човекот од барот. Кој е оженет… и кој ѝ вели дека бакнежот бил ужасна грешка, но сепак, не може да ги одвои очите од Луис.
И, тогаш Луис се запознава со Адел, која е нова во градот и има потреба од пријател, но која е омажена за Дејвид. Дејвид и Адел изгледаат совршено како сопружници, но зошто Дејвид сака толку да контролира, а зошто Адел толку се плаши од него?
Луис полека се вовлекува во животот на Дејвид и Адел. Таа открива многу збунувачки прашања што немаат одговор. Единствено што е кристално јасно е дека нешто во овој брак е многу, многу погрешно, но Луис не може да претпостави колку погрешно – и колку далеку може да оди еден човек за да ги заштити тајните на бракот. -
Ана и францускиот бакнеж
0270,00 денЌе успее ли Ана да пронајде љубов во градот на светлината? Ана е среќна во Атланта. Има лојална, најдобра другарка и е вљубена во колегата со кој работи во киното. Тој само што почна да ја забележува. Така што, не е многу одушевена кога татко ѝ решава да ја прати во интернат во Париз за таму да ја помине последната учебна година. Но, иако Ана воопшто не зборува француски, таа запознава неколку суперлуѓе, вклучувајќи го и згодниот Етјен Сент Клер, кој набрзо станува нејзин најдобар пријател. За жал, има девојка – а, можеби и Ана има момче. Дали годината преполна со романтични недоразбирања ќе заврши со францускиот бакнеж на кој Ана се надева?