-
Вечниот маж
0300,00 денВо нашиот век дури ни на пристојните луѓе не им се простуваат толку лесно прегратките и солзите на покајување…
„Вечниот маж“ во западната книжевна критика се смета за најдобро структуриран роман на Достоевски. Неговиот заплет се гради околу сложената врска меѓу двајца мажи чии животи се испреплетуваат околу една жена – на едниот му е сопруга, а на другиот љубовница.
Кога останува сам, Трусоцки е принуден да се соочи со последиците од своите постапки и нивното влијание врз другите животи, а најмногу врз несреќната судбина на неговата ќерка. Истражувајќи ја темата на вина и одговорност, како и природата на љубовните и меѓучовечките односи, „Вечниот маж“ се одликува со сложени ликови и длабоко проникнува во човековата психа, поради што е една од ненадминатите класики на руската книжевност.
Забранувани или цензурирани во минатото, денес делата на големиот Достоевски се преведени на десетици јазици, што го прави еден од најчитаните автори на сите времиња и го вбројува меѓу најзначајните филозофи и психолози во уметничката литература.
-
Пурпурни срца
0450,00 денКога еден војник со бурно минато и надежна композиторка се согласуваат да стапат во брак поради воените бенефити, ниту еден од нив не очекува многу од другиот по кажувањето „Да“. Тогаш ги снаоѓа трагедија, а границата помеѓу реалното и лажното почнува да се заматува во оваа итра и возбудлива романса, совршена за фановите на Николас Спаркс и Џоџо Мојес.
Кеси Салазар и Лук Мороу се две сосема различни личности. Остроумната Кеси навечер работи во бар во Остин, Тексас за да скрпи крај со крај додека цели кон сонот да стане пејачка/композиторка. Лук тренира во војската, назначен е да замине на должност, и наоѓа утеха во суровата дисциплина во службата. Но, една случајна средба во барот на Кеси го менува текот на нивните животи.
Кеси има мака да ги отплати медицинските сметки откако ѝ дијагностицираа дијабет. Кога наидува на својот стар пријател Френки, кој сега е пријавен во војската, таа му нуди договор: ќе се омажи со него во замена за подобро здравствено осигурување, а тие ќе можат да ги поделат парите што доаѓаат како придобивка од имањето „семејство“. Кога Френки ја одбива, неговиот привлечен, но иритантен пријател Лук се пријавува како доброволец да се ожени со Кеси. Она што таа не го знае е дека и тој има очајни причини поради кои сака да стапи во брак. Во оваа незаборавна љубовна приказна, Кеси и Лук мора да ги тргнат настрана нивните различности со цел нивниот брак да изгледа вистински… освен, ако некаде попат, не се претвори во вистински…
-
Август
0450,00 денСите настани се случуваат во август 1954 година, месец на тешки убиства, политички атентат, беспоштедна борба за власт.
Извонреден приказ на бурната општествена и политичка клима во Рио де Жанеиро во 1950-тите години, период кога бил главен град на Бразил.
Следиме истовремено две приказни. Едната, базирана на историски настани, ги прикажува последните денови од владеењето на претседателот Жетулио Варгас, големиот бразилски лидер на XX век, и заговорот што по повод неуспешниот атентат на новинарот Карлос Ласерда, неговиот политички противник, доведe до самоубиството на Варгас пред да биде соборен од власта.
Другата, крими-приказна, ја следи истрагата за убиството на богат индустријалец што ја води инспекторот Алберто Матос, убиство што е повод за други крвави разврски.
Преку овие две линии се прикажани механизмите на корупцијата во институциите и нивната поврзаност со организираниот криминал, опфаќајќи ги сите политички и економски структури, од круговите блиски до претседателот, сенатори и деловни луѓе, па сè до вработените во полициската станица во која работи Матос, чесен полицаец со несреќен љубовен живот.
Романот „Август“ му донесе светска слава на авторот што во своите дела, со остар и директен стил, ги прикажува човечкото насилство и блуд, свет во кој се мешаат маргиналци, убијци, проститутки, припадници на власта и бедници.
-
Рудникот
0450,00 денТи не знаеш што има таму. Никој не знае што има таму.
Третиот роман на Миодраг Мајиќ е пишуван со намера што е очигледна уште од првата реченица. Исповедта на Богдан Бањац можеби е вистинита, а можеби е плод на трауматизираната фантазија, но во секој случај е веродостојна на неговите сеќавања. Тој е поранешен адвокат што се наоѓа во санаториум и поради тоа неговите навраќања кон минатото можат да бидат земени со резерва од јавноста.
Сепак, читателот лесно станува негов сојузник, дури и кога нема да поверува во сè што кажува. Според приказната на Бањац, тој се наоѓа во средиштето на комплексна мрежа од интереси на крупниот капитал, политиката и на институциите… А рудникот богат со кобалт во селото на неговата баба наликува на премин кон некој друг, страшен свет, кој е пандан на ужасите што се случуваат во овој, нашиот свет.
Потреба за раскажување е последниот обид на Богдан да го реконструира минатото за да ја состави целосната слика за сегашноста и така да дојде до – вистината.
-
Прекрасен труп
0350,00 денРоман во кој е прикажана морничава и канибалистичка иднина на светот.
Поради вирус што ги напаѓа животните, а е смртоносен и за луѓето, сите животни мора да се убијат. Светот се соочува со потребата да го замени пазарот со месо од животинско потекло со човечко. Се создаваат нови закони за одгледување и за преработка на месо, со што се легализира човекојадството и општеството се дели на луѓе што јадат луѓе и луѓе што се за јадење.
Маркос Техо е раководител во кланицата „Криг“ во која се колат луѓе што се посебно одгледани за да служат за исхрана. Тој е привремено разделен од сопругата, се грижи за таткото болен од деменција, и се труди да не мисли како заработува за живот. Еден ден, жена одгледана за исхрана ја сокрива во домашната плевна. И покрај тоа што знае дека каков било личен контакт со неа значи смртна казна, искушенијата ќе го наведат да ги прекрши правилата.
Во такво бездушно и застрашувачко општество, брутално, но и суптилно, алегорично, но реалистично, со моќта на фикцијата, авторката поттикнува чувства и покренува прашања што се актуелни.
Што се случува со односот на другите луѓе кога еден ден може да станат наша храна?
-
Водена приказна
0250,00 денСовремена приказна за последиците од граѓанската војна во Грција.
Патрик МекКензи е воен пилот на RHAF кој на осумдесет и пет годишна возраст, веќе испреплетен од канцер, не може да умре поради товарот од напалм истурен врз македонските села во 1948 година.
Нечистата совест го тера на неговото последно патување…селото Русилово (близу Воден) во кое на колена, ќе побара прошка за сите 36 куќи што тој лично ги запали при бомбардирањето.
Ова е приказна за поразот на идеалите на ДАГ и ЕЛАС, за држава во која Македонците и Грците ќе живеат рамноправно.
Граѓанската војна е одамна завршена.
Горчливиот вкус на поразот и тажниот спомен за илјадниците расселени остануваат, оттргнати од заборавит во оваа “Водена приказна”.
-
Тајната на Тудорите
0550,00 денВремето на Тудорите беше ера исполнета со опасности, интриги, заговори и, пред сè, шпионажа.
Летото 1553 година: Време на заговори и измами. Брендон Прескот, сирак, израснат под заштита на едно од најмоќните семејства во Англија, Дадлиеви, е изведен пред суд. За да ја избегне казната тој мора да прифати тајна мисија кај брилијантната, но мистериозна сестра на кралот, принцезата Елизабета. Брендон паѓа во мрежата на заштитникот на Елизабета, Вилијам Сесил и е принуден да работи како двоен шпион. Сесил, во замена за услугите, му ветува дека ќе му помогне да ја открие тајната за своето мистериозно минато.
Принцезата Елизабета е спречена да ја открие вистината за исчезнувањето на нејзиниот тешко болен брат, кралот Едвард Шести.
Брендон за да ја докаже својата храброст пред принцезата се втурнува во безмилосна игра на тајни, лаги и убиства.Роман во кој е опишано владеењето на Тудорите, „Тајната на Тудорите“ е првата книга од Хрониките на шпионот на Елизабета I.
-
Убава мала сопруга
0500,00 денНе треба ли мртвиот сопруг да остане мртов?
Лајла Риџфилд живее во идиличен град, но не е сè како што изгледа. Ниту Лајла не е таа што се претставува. Еден студент исчезнал, но и сопругот на Лајла, професорот Арон, исто така е исчезнат. На почетокот овие случаи се водат како ужасни случајности додека не се открие дека студентот е едно од необјаснетите исчезнувања во последните неколку години. Полицијата е очајна да ја пронајде врската, ако воопшто постои. Тие не знаат дека овие исчезнувања се само мал дел од вистината…
Додека гратчето е во метеж, сите се загрижени каде е нивниот сакан професор. Сите освен Лајла, неговата сопруга. Таа дефинитивно е збунета за неговото исчезнување, бидејќи таа беше последната личност што го виде неговото тело, а сега го нема.
Романот „Убава мала сопруга“ ќе ве воодушеви со својата напнатост, неизвесност и целосен пресврт.
-
Во нечии други чевли
0550,00 денПриказна исполнета со сплетки, недоразбирања и грешки,
ова е новиот роман од најпродаваната авторка на „Њујорк тајмс“ Џоџо Мојес,
авторката на ЈАС ПРЕД ТЕБЕ и ТИ ПОДАРУВАМ ЅВЕЗДИ.Која сте вие кога сте принудени
да одите во нечии други чевли?Ниша Кантор живее удобен живот во светот на богатите, сè додека нејзиниот сопруг ненајдено не ѝ побара развод. Ниша е решена да продолжи со својот гламурозен живот.
Во меѓувреме ќе открие дека ѝ недостасуваат најомилените чевли.
Сем Кемп очајно се бори да преживее во животот. Таа едвај има време да се грижи за случајно земената торба од фитнес-центарот. Но, кога ја отвора торбата и ги здогледува црвените крокодилски чевли од Кристијан Луботин доживува шок од самодоверба што ја тера да сфати дека нешто мора да промени – а тоа нешто е таа самата.Полн со препознатлив хумор на Џоџо Мојес, брилијантно раскажан, ВО НЕЧИИ ДРУГИ ЧЕВЛИ е роман за тоа како една мала работа одеднаш може да промени сè.
-
Семејството на горниот кат
0490,00 денРоман на Лиса Џул, бестселер автор на „Њујорк тајмс“, приказна за минатото на едно семејство, чии закопани тајни се закануваат да излезат на виделина.
Бидете внимателни кого ќе пуштите во својот живот.
Откако ќе го прослави својот дваесет и петти роденден, Либи Џонс го пронаоѓа долгоочекуваното писмо. Конечно го дознава не само идентитетот на нејзините родители, туку и дека е единствениот наследник на нивната напуштена палата на бреговите на Темза, вредна милиони. Но, она што таа не го знае е дека и други го чекаат тој ден. Пред 25 години, полицијата била повикана на адресата „16 Чејн Вок“. Полицискиот извештај вели дека биле повикани поради плачење на бебе. Кога пристигнале, нашле здраво десетмесечно дете како си лежи во своето креветче во спалната соба. Во кујната се откриени три мртви тела, сите облечени во црно. Другите четири деца, пријавени дека живеат на истата адреса, ги нема.
Романот „Семејството на горниот кат“ ни ја расплетува приказната за две меѓусебно поврзани семејства што живеат во куќа што ги крие најтемните тајни.
„Богат, темен и превртлив роман, неверојатна мешавина на една семејна сага со мрачен расплет, за на крајот да се чувствувате како да сте биле под ладен туш.“ – Рут Вер, бестселер автор на „Њујорк тајмс“
„Роман што ќе ве остави без сон и ќе ве прогонува длабоко во ноќта.“ – Меган Миранда, бестселер автор на „Њујорк тајмс“
-
Семејството сепак останува
0490,00 ден„Семејството сепак останува“ е роман
за извртени бракови, распаднати
семејства и смртоносни опсесии.Едно рано утро на брегот на Темза, јавниот обвинител Семјуел е повикан на место каде што полицијата открила монструозни докази за извршено злосторство. Кога Семјуел ги испраќа доказите на испитување, дознава дека коските се поврзани со случајот на трите мртви лица во Челзи пред триесет години.
Рејчел Ример, добива шокантна вест дека нејзиниот сопруг, Мајкл, е пронајден мртов во подрумот на неговата куќа во Франција. Полиција треба итно да добие одговори поврзани со Мајкл на кои Рејчел не сака да одговори.
Откако побегна од Лондон, Луси Ламб конечно се враќа дома во Челзи, вселувајќи се со своите деца во штотуку купената куќа.Додека сите тие се тркаат да ги откријат
одговорите на овие мистерии, ќе
дознаат дека се поврзани на начин
на кој не би можеле ни да замислат. -
Ништо од ова не е вистина
0500,00 денКоја е Џози Фер? И што сторила таа?
На прославата на четириесет и петтиот роденден во едно локално кафуле, популарната водителка на поткасти, Аликс Самер се среќава со една скромна жена по име Џози Фер која, исто така, го прославува својот четириесет и петти роденден. Тие се, всушност, близначки по роденден.
Неколку дена подоцна, Аликс и Џози повторно се среќаваат случајно, овојпат пред училиштето во кое учат децата на Аликс. Џози во меѓувреме ги преслушала поткастите на Аликс и предлага дека и таа би можела да биде интересна тема во нејзиниот серијал. Таа е, како што ѝ вели на Аликс, на работ да направи спектакуларни промени во својот живот.
Животот на Џози делува чуден и комплициран, и иако Аликс се чувствува на некој начин вознемирено и непријатно, таа не може да му одолее на искушението да продолжи со снимањето на поткастот. Постепено, таа почнува да разбира дека Џози крие многу мрачни тајни, и уште пред да се свести, Џози веќе е длабоко инволвирана во животот, но и во нејзиниот дом.
Џози набргу исчезнува, а Аликс, дури тогаш открива дека Џози има оставено ужасна и застрашувачка оставштина зад себе, но исто така и станува јасно дека таа сега е главната тема во нејзиниот поткаст за вистински злосторства, притоа изложувајќи го нејзиниот живот и животот на нејзиното семејство на смртна закана.
-
Сивиот човек
0500,00 денКнигата по која е направен најскапиот и најгледаниот филм во историјата на НЕТФЛИКС
Корт Гентри е добар човек. Но, исто така, тој е поранешен врвен американски разузнавач и неверојатен професионален убиец. На оние што го демнат од сенка, тој им е познат како Сивиот човек. Тој е легенда во мистериозниот свет, се префрла од една на друга работа, екогаш во акција, постигнувајќи го невозможното… Потоа наеднаш исчезнува. И тој секогаш погодува во целта. Секогаш. Но, има сили на светот што се поопасни од Гентри. Сили како што се на пример парите. И моќта. Има агенти, мафијаши, професионални убијци, држави кои сакаат да го елиминираат. Од Иран, Сирија, Украина, Франција, Албанија, Нигерија, Англија, од сите страни на светот. Некои не веруваат во неговите способности. За едни е мит, а за други минато. Но, Корт Гентри ќе докаже дека за него, нема разлика помеѓу убивањето за да се заработува за живот и убивањето за да се остане жив.„Овој роман е како добро наострен нож: безмилосен и смртоносен.
Сивиот човек на Марк Грини е Борновиот идендитет за новиот
милениум… Никогаш досега еден убиец не бил толку реален, а сепак
толку смртоносен. Погодува како куршум во гради… Книга што не се
пропушта.“
— Џејмс Ролинс
„Силен, брз и непобедлив – токму таков каков што треба да биде еден
трилер.“
— Ли Чајлд
„Приказната е возбудлива, а убиствата се толку експлозивни, што при
вртењето на страниците, ни дава чувство како да играме некоја врвна
видео игра.“
— Њујорк Тајмс -
Името ми е Вивиен Ли
0250,00 денРоманот, како што наведува авторот, е пишуван според вистината на една тинејџерка, па оттука приказната произлегува од денешното време.
Главните ликови се тинејџерката наречена Вивиен Ли и нејзината другарка по име Вероника. Првата преку својата необична љубов кон „Норвежанецот од Љубојно“, запаѓа во незгодни, но и во духовити ситуации. Сето тоа се слева во еден богат сплет на случки и настани кои се вградуваат во структурата на приказната која е врзана со денешново време.
Вивиен Ли, и покрај тоа што не е надарена за пишување, поради својата заљубеност во таинствениот „Норвежанец од Љубојно“, последна надеж и „терапија“ ѝ е да напише љубовна приказна. Таа цело време, криејќи од родителите, ќе се измачува да пишува не верувајќи дека тоа ќе ѝ успее, а на крајот, без да биде сигурна во она што го пишува, ќе го создаде романот.
-
Две свеќи
0450,00 денВо оваа топла и инспиративна приказна, таткото на забавен начин ѝ ја пренесува на својата ќерка тајната за среќен и исполнет живот преку двете свеќи. Тој сè уште неизлекуван од разводот со мајка ѝ и од губењето на работното место, таа бунтовна тинејџерка што бурно реагира на предизвиците што ѝ ги носат младешките години, заедно поминуваат викенд во планина исполнет со непредвидливи настани и бура од емоции.„Две свеќи“ е прирачник за водење исклучителен живот, книга што го открива најкраткиот пат до среќата преку само еден единствен збор, кој има волшебна моќ да го прочистува срцето, да ги отвора очите и на најефикасен начин да ја лекува душата. -
АВАНТУРИТЕ НА АРСЕН ЛУПЕН, КРАДЕЦОТ ЏЕНТЛМЕН
0250,00 денАрсен Лупен – безмилосен, опасен крадец и екцентричен џентламен со чии лукави подвизи не можат да се справат ни најдосетливите детективи!
Создаден од перото на Морис Леблан на почетокот на 20 век – Арсен Луоен е самоуверен крадец, Шерлок Холмс во светот на криминалот. Сиромашните нема зошто да му се плашат, тие често и уживаат во неговата спонтана дарежливост. Но затоа богаташите и детективот кој се обидува да му влезе во трагата мора да бидат претпазливи.
Плановите на маестралниот крадец прераснуваат во сложени, детално разработени авантури и претставуваат приказни што им претходат на кинематографските остварувања како Единаесеттемина на Оушн, а се инспирација и за серијата Лупен продуцирана од Нетфликс.
Освен што изобилуваат со досетливи шеги, најдобрите приказни од серијалот за Арсен Лупен се скандалозни, мелодраматични и остроумни. Со своите незапирливи подвизи Лупен е незаменлив лик во крими-литературата – единствениот со доволен калибар да смисли и да изведе кражба со такви размери!