-
Црниот мачор – раскази за мистеријата
0300,00 денЛуѓето кои мечтаат будни знаат многу нешта што им се измолкнуваат на оние кои сонуваат само ноќе.
Едгар Алан По е еден од првите американски раскажувачи кој се смета за творец на детективската и криминалистичката проза, а му се припишува и заслугата за појавата на научната фантастика. Меѓутоа најпознат е по неговите мрачни приказни што ги истражуваат мистериозните длабочини на човековата психа. Смртта, лудилото, натприродното, со сложени заплети и живописни слики на страв и ужас, заслужено му го носат епитетот „принц на темнината“.
Во оваа книга се вклучени некои од најпознатите раскази на По, почнувајќи од „Маската на црвената смрт“, „Елеонора“, „Падот на куќата Ашерови“…, сè до „Убиствата на улицата Морг“. Таа е безвременска класика задолжителна за сечија библиотека.
Без предрасуди, без сомнеж во своите светови, По успеал да ги издигне своите раскази на ниво на ремек-дела. Вистински бисери во светската книжевност.
-
Дворец во Ромања
0250,00 денДворец во Ромања“ е првиот роман на Игор Штикс.
Тројца млади вљубеници во литературата и архитектурата доаѓаат во посета на дворецот Марди, каде што поетот Енцо Стречи живеел во периодот на ренесансата.
Додека девојките го разгледуваат дворецот, момчето се фасцинира од приказните на калуѓерот за животот на Стречи. Тој својата љубов ја сретнал токму таму, по што ѝ посветил многу љубовни песни, но во дворецот ги проживеал и најтешките денови од својот живот.
Инспириран од потеклото на момчето, калуѓерот раскажува и за себе. Дошол во Италија од Раб, по прогонот од тамошните власти заради Резолуцијата за Информбирото. Неговиот егзил е резултат на политичката ситуација и на несогласувањето со тогашната комунистичка власт, како и на забранетата љубов.Штикс поврзува две љубовни приказни со историски и политички ситуации. Првата се случила во време на конфликт меѓу Ломбардија и Хабсбурзите, а другата се случила во поствоена СФРЈ.
-
Ноќи на чума
0890,00 ден„Ноќи на чума“ е долгоочекуваниот роман на Орхан Памук, пишуван пет години (2016-2021). Во него се вешто проткаени историјата и фикцијата, при што на читателот од една страна му се оневозможува да ја најде границата што е вистина, што – не; но од друга страна му носи чудесна возбуда за недобројните лица на многуте можни вистини, во минатото, во сегашноста и во иднината. Во пролетта 1901 година избива епидемија на чума на островот Мингерија, 29. провинција на Османлиското Царство и султанот Абдулхамид ги прака првин главниот здравствен инспектор Бонковски-паша, а потоа и младиот и успешен доктор Нури, за да ја запрат чумата. Вака почнува романот и продолжува со многу писма, љубови, интриги, страдања,.. со многу политика натопена во иронија и пародија. Раскошен, повеќеслоен роман со минуциозно претставување на историјата на еден незнаен остров…
-
Замок-Кафка
0500,00 ден„Замок“ е класика без која не може да се замисли книжевноста на XX век!
Приказната е навидум едноставна – К. на секаков начин се обидува до дојде до одговорните во замокот што управува со селото во кое е дојден да работи како геометар. Но никако не може да стигне дотаму – наместо тоа, наидува на луѓето од селото и ги доживува опскурноста и налудничавоста на нивниот туѓ свет. Сета содржина на ова книжевно ремек-дело може накратко да биде означена како залудни обиди на К. да го најде патот до замокот. Но едноставноста е само привидна. Уметничкиот космос на Кафка, кој се надоврзува на делата на Хофман, Гогољ, Достоевски, Е. А. По, е полн со параболи, сомнибулни ситуации и симболичка многузначност. Тој го маѓепсува читателот и го води во познати, но непрепознатливи предели, скриени во длабочините на нашето скриено „јас“. Со секое ново читање се исцртува нов пат низ лавиринтите на овој космос.
„Замок“ е роман за отуѓувањето, бирократијата и за бесцелните обиди на човекот да се бори против системот и уште едно од брилијантите дела на Кафка.
Оваа книга е прв интегрален превод на македонски јазик што ги содржи оригиналните поговори на Макс Брод и сите отфрлени фрагменти.
-
Војна и љубов
0520,00 ден1917 година, Првата светска војна е во својот зенит кога Хејзел и Џејмс првпат се среќаваат на една забава во Лондон. Таа е срамежлива и талентирана пијанистка; тој е новопечен војник со соништа да стане архитект. Кога ќе се вљубат, тоа е на прв поглед и длабоко, но набргу Џејмс е испратен на полињата на смртта.
Обри Едвардс е исто така упатен накај рововите. Талентираниот музичар кој свирел во Карнеги Хол е член на 15. њујоршка пешадија, афроамерикански полк испратен во Европа да помогне да се стави крај на големата војна. Љубовта е последното нешто што му е на ум. Но, тоа е пред да ја сретне Колет Фурние, белгиска пејачка која веќе преживеала ужасна трагедија од рацете на Германците.
Триесет години откако судбината ќе ги поврзе овие четворица љубовници, грчката божица Афродита им ја раскажува нивната приказна на нејзиниот сопруг Хефест и на нејзиниот љубовник Арес во луксузна хотелска соба на Менхетн во екот на Втората светска војна. Таа бара одговор на вечното прашање: Зошто Љубовта и Војната секогаш се привлекуваат една со друга? Но, нејзината потрага по заклучок што ќе го задоволи нејзиниот љубоморен сопруг, открива повеќеслојна приказна за предрасуди, трауми и музика и открива дека ниту Војната не може да ù застане на патот на вистинската Љубов.
-
Совпаѓање
0490,00 денВајлди порасна не знаејќи ништо за неговата фамилија, уште помалку за неговиот сопствен идентитет. Сè што знае е дека, како малечко момче, бил пронајден како живее дивјачки живот во планините Рамапо во Њу Џерси. Тој стана познат како момчето од шумата. Сега истражува на генеалошка интернет-страница. Ја внесува неговата ДНК. 100% совпаѓање. Неговиот татко. Се среќаваат, и тој сфаќа дека татко му не знаел дека има син. Тоа не го обесхрабрува да продолжи да бара членови од неговата фамилија, но се вплеткува во заедница на онлајн-доксери, тајна група која разоткрива анонимни тролови. Кога доксерите еден по еден умираат, станува јасно дека се мета на сериски убиец – и дека следната жртва би можел да биде самиот Вајлди… „Совпаѓање“ е продолжение на хит-трилерот на Харлан Кобен, „Момчето од шумата“. Со фасцинантни портрети на ликовите и експлозивна акција, Кобен создава привлечен и непредвидлив трилер, кој е возбудливо „возење“ и во реалниот и во виртуелниот свет.
-
Знакот на четворицата
0300,00 денНАЈПОЗНАТИОТ ДЕТЕКТИВ НА СИТЕ ВРЕМИЊА
Холмс и неговиот придружник д-р Вотсон откриваат скриено богатство и убиство.
Госпоѓица Мери Морстан пристигнува на улица „Бејкер“ 221б, за да побара помош за мистеријата на нејзиниот исчезнат татко, накитот што го добива од анонимен испраќач, како и за едно писмо во кое од неа се бара да се сретне со непознато лице таа вечер. Шерлок го прифаќа случајот и авантурата почнува. Оригинално објавена во 1890 година, втората приказна за Шерлок Холмс е класичен детективски роман и предвесник на жанрот кој е толку сеприсутен во моментов.
„Вториот роман во серијата за Шерлок Холмс е можност да откриете повеќе за познатиот детектив од улицата „Бејкер“ и за неговите придружници, а и да го следите развојот на уште една мистерија. Во неа има заплети и пресврти и, како што е вообичаено за мистерија во која е вклучен Холмс, дел од нив навистина ќе ве изненадат.“ – Гардијан
„За оние кои сакаат загадочна приказна која завршува со тоа што виновникот ги објаснува своите постапки, начинот на извршување и мотивацијата, книгата навистина ќе ви се допадне.“ – Ен Логан, книжевен рецензент
„Забавна и мелодраматична, оваа кратка мистерија кулминира со епската ноќна брканица со бродови по Темза. Не смее да се пропушти!“ – Семи Кокс, автор и блогер
-
Господарот на темнината
0430,00 денКОГА ТУЃИНЦИТЕ ВО НОЌТА…
Тој живее меѓу сенките. Додека ја става маската на таинствениот одмаздник познат под името Духот од Сент Џајлс, единствена желба на Годрик Сент Џон е да ги заштити невините граѓани на Лондон. Сѐ додека во еден од своите ноќни походи не се соочува со дрската млада жена што му вперува пиштол во главата – а тој сфаќа дека тоа е неговата сопруга.
ЌЕ СТАНАТ ЉУБОВНИЦИ…
Леди Маргарет Ридинг вети дека крваво ќе му се одмазди на Духот од Сент Џајлс – убиецот на човекот на нејзиниот живот. Враќајќи се во Лондон кај мажот што не го видела од денот на нивната венчавка, Маргарет зад маската не го препознава својот маж. Див, строг и опасен, Духот од Сент Џајлс е сѐ од што се плашеше дека ќе биде – ама и многу повеќе од тоа.
СТРАСТА Е НАЈГОЛЕМА ОПАСНОСТ.
Кога ќе засветка страста, тие двајца интимни туѓинци даваат од себе многу повеќе од она што некогаш им беше намерата. Ама кога Маргарет ќе ја сфати вистината – дека Духот е нејзин маж – играта е готова, а играчите мораат да се предадат… на искушението што и двајцата може да ги уништи.
„Господарот на темнината е круна на безграничната фантазија на авторката… приказна што ќе ја обожавате.“ – РТ Бук Ривју
„Класичната Елизабет Хојт! Единствено, привлечно четиво по кое читателот напнато ја чека следната книга… неверојатно дополнување на сјајниот серијал од Мејден Лејн.“
-
Ќерката на трговецот со свила
0500,00 денНезаборавна приказна за една жена растргната помеѓу два света…
Француска Индокина, 1952 година. Кога Никол, полу-Французинка, полу-Виетнамка, ќе наполни осумнаесет години, нејзината мајка умира и татко ѝ ѝ препушта да се грижи за одамна затворената продавница за свила во Ханој. Но нејзината сестра Силви е таа што ќе го преземе управувањето со големиот семеен бизнис. Погодена од оваа неправда, почнува да ги чувствува и неправдите на колонијалната власт кон Виетнамците.
Додека бунтовниците со сите расположливи средства се обидуваат да стават крај на владеењето на Французите, Никол е на крстопат помеѓу Тран, озлогласен виетнамски бунтовник што ѝ нуди совршено бегство од неволите, и Марк, шармантниот американски трговец и маж за каков што отсекогаш сонувала. Исправена пред големите одлуки, животот ќе ѝ тргне во неочекуван правец…
Магична повест за мрачните тајни, сестринското ривалство и страсната љубов, сместена во колонијалната ера на Далечниот Исток.
Од бестселер-авторката на МИРИСОТ НА ЛИСТОВИТЕ ЧАЈ
-
Кери Сото се врати
0490,00 денКери Сото е бестрашна и нејзината посветеност да победи по секоја цена не ја прави ниту малку популарна. Во моментот кога ќе се повлече од тенисот, таа е најдобрата тенисерка што ја видел светот. Таа го постави секој можен рекорд и освои дваесет грен-слем титули. Жртвуваше речиси сè за да стане најдобра, со помош на нејзиниот татко, Хавиер, како нејзин тренер. И самиот поранешен шампион, Хавиер ја тренирал уште од двегодишна возраст. Но, шест години по повлекувањето, во 1994 година, Кери седи на трибините на Отвореното првенство на САД и гледа како нејзиниот рекорд го соборува извонредната тенисерка Ники Чен. На 37 години, Кери решава да се врати и со помош на нејзиниот татко да го собори рекордот на Чен. И покрај тоа што на медиумите никогаш не им се допаѓала „Борбената секира“. И покрај тоа што нејзиното тело не се движи како порано. Па, дури и ако тоа значи да си ја проголта гордоста и да тренира со човекот кому еднаш му го отвори срцето: Боу Хантли.
-
Бризбејн
0400,00 денЕвгениј Водолазкин во својот нов роман ја продолжува приказната за јунаците (исто како и во „Лавр“ или во „Авијатичарот“) чија судбина – како во античките трагедии – наеднаш и веднаш се менува.
Глеб Јановски е музичар, виртуоз што на врвот од својата слава ја губи можноста да настапува поради болест и се обидува да најде нова смисла на својот живот, нова потпорна точка. Во тоа му помага минатото: се обидува да ги собере заедно сеќавањата од детството во Киев, од младоста во Ленинград, од сегашноста во Минхен. Само Бризбејн го нема меѓу тие животни патешествија. Дали воопшто постои таков град? Или тоа е само илузија, мечта, утописки идеал?
Романот е прогласен за Книга на годината во Русија за 2019 година.
-
Белегот на сите нешта
0650,00 денВеличествен, опсежен роман за желбата, амбицијата и жедта за знаење.
Вметнувајќи го својот уникатен глас во волшебна приказна за љубов, авантури и откритија, Елизабет Гилберт го опфаќа периодот од XVIII и XIX век. Романот ја следи судбината на необичното семејство Витакер, на чело со бизнисменот Хенри, Англичанец од сиромашно потекло, кој стекнува огромно богатство во Јужна Америка благодарение на трговијата со кинин и на крајот станува најбогатиот човек во Филаделфија. Неговата ќерка Алма, родена во 1800 година, покрај парите, ја наследува и татковата интелигенција, па станува надарена ботаничарка. Како што истражувањата ја водат кон длабоките мистерии на еволуцијата, таа се вљубува во Амброуз Пајк, човек што слика неповторливи орхидеи и ја одвлекува во свет поразличен од нејзиниот – свет на духовното, божественото и магичното. Алма е трезвен научник, Амброуз уметник на утопија – но тоа што го обединува овој необичен пар е очајната желба да сфатат како функционира светот.
Извонредно истражен и раскажан со галопирачко темпо, романот нè води низ целиот свет – од Лондон до Перу, Филаделфија, Тахити, Амстердам… Напишана со смел, предизвикувачки дух на тоа време, мудрата, промислена и волшебна приказна на Гилберт со сигурност ќе ги освои срцата и умовите на читателите.
-
Бизарни раскази
0350,00 денЗбирка од десет раскази чиј заеднички именител е фасцинацијата од чудовишното. Токарчук ни поставува дилеми што нè исфрлаат од комфорната зона, потсетувајќи нè дека светот сè повеќе ни се измолкнува и дека сè помалку имаме контрола врз она што го правиме.
Бизарен е светот во кој живееме, ставен во непрестајно движење и постојано менување. Такви се и овие фасцинантни раскази огромно патување, книга што преку чудовишното ги поткопува сите очекувања. Од каде води потекло бизарното? Дали бизарното е одлика на светот или пак лежи во секого од нас? Читателот ја губи свеста низ постојаната промена на ритамот на нарацијата. Што ли го чека на следната страница?
Ова не се само приказни за клонирање, осаменост и неможност да се сфатиме себеси и својата положба во утврдените општествени улоги, туку секој расказ е визија што ја поттикнува потребата да му дадеме смисла на светот. Со помош на гротеска, црн хумор, фантастични и хорор-елементи ни покажува дека реалноста не е онаква каква што ја познаваме. Токму затоа и постои уметноста за да го провоцира она што се плашиме и да го помислиме.
-
Двојник
0400,00 денПетербуршкиот чиновник Јаков Петрович Голјаткин неочекувано открива дека постои негов целосен двојник, не само според надворешниот изглед туку и со исто име и презиме.
Додека Голјаткин-постариот води скромен и повлечен живот, неговиот двојник поседува потполно спротивни карактеристики, тој е дрзок мајстор на социјална мимикрија и плетење интриги. Од овој момент животот на главниот јунак почнува незапирливо да се распаѓа, бидејќи неговиот двојник методично и немилосрдно го зазема местото на Јаков Петрович во друштвото, на работа и во срцата на познаниците.
„Двојник“е најзагадочната повест на Ф. М. Достоевски од неговиот најран период. Ова е длабоко истражување на психата на човекот, на природата на неговата идентичност, на границите помеѓу реалноста и халуцинациите и за тоа како социјалниот притисок и внатрешни комплекси можат да го доведат човека до лудило.
-
Мојот пурпурен мирислив роман
0180,00 денПријателството меѓу двајcа писатели добива cхуден пресврт кога едниот од нив одеднаш ќе стане успешен. Лјубомората и фрустраcиите ќе го поттикнат неуспешниот писател да испланира и бескрупулозно да изврши совршено книжевно злосторство.
-
Карпа на бесилките #4 Детската куќа
0400,00 денУште една воодушевувачка приказна за морбидното насилство и одмаздата.
На едно мрачно вулканско поле во околината на Рејкјавик се наоѓа Карпата на бесилките. Тоа порано било место на кое се вршеле погубувања, а сега е туристичка атракција. Сè додека едно утро полицијата не најде човек обесен таму…
Клинецот закован во неговите гради докажува дека не се работи за самоубиство. Но, кога полицијата ќе влезе во станот на жртвата, наоѓа уште една загатка: таму е оставено едно четиригодишно дете. Се чини дека тоа нема никаква врска со жртвата. Од неговите родители нема ни трага ни глас, а цртежите што ги црта покажуваат дека било сведок на нешто ужасно.
Додека детективот Хулдар се обидува да го најде убиецот, а детската психологинка Фреја ги бара родителите на момчето, мистеријата добива мал зрак светлина.