-
Чудесната госпоѓица
0430,00 денАлистер Карсингтон навистина не сака како порано, тол-
ку да ги обожува жените. За да им избега на своите најлоши
навики, си замина далеку од цивилизацијата: во Дарбишир,
и тоа во зима!
Се надеваше дека таму со еден потег ќе заврши две
нешта: дека ќе им побегне на сите свои пороци и дека ќе му
се оддолжи на пријателот што му го спаси животот во бит-
ката кај Ватерло. Но, и покрај овие чесни намери, Алистер
се најде лице во лице со госпоѓица Мирабел Олдриџ, нео-
бичната повозрасна девојка што е своеглава и истовремено
досетлива како него. Но и совршено неодолива.
Мирабел Олдриџ веќе има полни раце работа, внима-
вајќи нејзиниот генијален и неверојатно ексцентричен тат-
ко да не падне во неволја.
Најмалку што ѝ треба е исклучително привлечен, прете-
рано чувствителен и премногу умен благородник што ќе ја
потсети дека и таа има срце – а и тело за кое тој забележу-
ва дека е толку неугледно облечено што дури чувствува
граѓанска должност да го соблече.
Може ли да биде полошо? И зошто, она што е сосема
погрешно речиси секогаш е толку чудесно?
„Восхитувачка книга од самиот почеток до крајот.“
‒ Афер де кор
„Волшебна историска романса.“
‒ Мидвест бук ривју
„Чудесната госпоѓица е духовита, шарматна и многу
романтична книга. Исклучително интересна. Чејс е
навистина една од најдуховитите писателки.“
‒ Ол абоут романс -
Се викам Марите
0350,00 денРоманот се базира на вистински случувања кои ги пресретнале германските жени и деца по завршувањето на Втората светска војна.
Ева е мајка која е подготвена да направи сè за своите деца. Со неа поминуваме низ војната што малите херои ја водат со животот и смртта, храната и гладта, очајот и надежта, човечноста и нечовечноста, алчноста и дарежливоста, стравот и храброста, среќата и несреќата, јавето и сонот, со сеќавањата и сегашноста.
„Волчите деца“ се деца кои останале без своите семејства после 1945 година. Се смета дека нивниот број изнесувал од 10 000 до 25 000. Тие растеле со еден родител или без родители и биле лишени од нормално детство, оставени на себе во мрачните пруски шуми. Таму прерано се запознале со одговорноста, несправедливоста и со суровоста на животот. Барале засолниште меѓу литванските семејства каде што не биле секогаш топло добредојдени, најчесто поради страв од депортација на Сибир или затоа што ни тие немале што да јадат. Литванците кои се одлучувале да земат кај себе некое од „волчите деца“, се обидувале прво да ги научат литвански јазик, а потоа да им извадат документи со променети имиња со цел да се заштитат од суровиот советски режим.
СССР за поголемиот број луѓе е доживуван само како ослободител на Европа од фашистичката тиранија, но она што всушност се претставува во романот ни дава слика дека доаѓа до замена на едно зло со друго.
-
Свежа вода за цвеќиња
0600,00 денОсвен вечно актуелните теми – тага, надеж, загуба и љубов, во оваа книга нежно се допираат и сите мали нешта поради кои животот заслужува да се живее, и тоа на место кое навидум им припаѓа на мртвите.
Виолет Тусен е чуварка на гробишта во мало гратче. Нејзиното кафе, нејзината насмевка, но и разговорот со оваа жена со големо срце која секогаш има убав збор за секого, е вистинска утеха за луѓето што за последен пат ги испраќаат своите најмили.
Еден ден се појавува Жилиен Сел, полициски комесар кој има необично барање. Неговата мајка починала неодамна, а нејзина желба била урната со пепелта да ѝ биде поставена во гробот на некој сосема непознат човек. Од тој момент сè ќе се промени.
Приказната за тајната љубов на мајката на Жилиен, како и времето што тој и Виолет го поминуваат заедно, полека ќе го урнат ѕидот што таа со години внимателно го градела околу себе. Бидејќи длабоко во себе и Виолет чува болна тајна.
Романот на Перен претставува ода на животот и воспевање на љубовта која не е посилна од физичката смрт, туку е љубов која го победува заборавот и, откако човекот ќе научи да живее со болката, го насочува дека врз тие спомени треба да го гради остатокот од животот.
Романот е преведен на повеќе од триесет јазици, а во подготовка е и мини-серија.
-
Малиот Бог на земјотресот
0450,00 ден„Малиот Бог на земјотресот“ претставува прекрасна приказна која проникнува во скриените односи на животот.
Книгата започнува како и многу други: со разделба. Една жена го напушта својот маж без некоја посебна причина. Го прави тоа старомодно, со белешка напишана на рака. Тој не изгледа изненаден, дури на почетокот воздивнува со олеснување дека не ѝ се случило ништо лошо. Така навлегуваме во светот на еден нереализиран филозоф кој е сопственик на цвеќарница. Во обид да ја открие мистеријата на исчезнувањето на неговата сопруга, презема трауматично патување во минатото – во својот гардеробер, среде руините на татковата куќа, по софиските улици, на брегот на Дунав, среде чаршијата во Скопје. Преживувајќи го распаѓањето на љубовната врска, за да преживее по трагите на изгубеното, тој се става себеси на влезовите и излезите на сегашноста. Дали оваа интензивна потрага е во состојба да го надмине чувството за живот составено од страв и недостиг? Возможно ли е еден личен Бог да го стабилизира свлечиштето на животот за да го забави напредувањето на лудоста, која ги претвора луѓето во машини?
-
Брезите што шумеа крај Темза
0350,00 денСместен во инвалидска количка, седејќи пред прозорецот во својата крајбрежна вила во Брајтон, Англија, 65-годишниот професор по книжевност со полско потекло, Едвард Лијам Адамски, ќе им се наврати на своите стари спомени. Дури четири децении наназад, само за да ни ја раскаже приказната за младиот студент кој една пролетна ноќ, во Лондон, имал среќа да ја запознае жената на својот живот – девојката од високата класа по име Емили Стоунбриџ.
Двајцата млади писатели ќе се впуштат во бурна љубовна врска, исполнета со многу страст и поезија. Но, тој ќе сфати колку многу ја сакал Ема дури откако целосно ќе ја изгуби, а таа ќе отпатува далеку, во Јужна Америка… Следува неговиот брак со нејзината родена сестра Беверли и нивната борба за да добијат деца, но и сите други необични перипетии на неговиот живот, додека времето неповратно тече напред и ги носи водите на реката Темза, некаде далеку.
Сепак, без оглед на потребите на своето семејство – сопругата Беверли и посвоените близначки Холи и Фиона, неговата успешна кариера како професор на колеџот „Кингс“ во Лондон, но и сите други настани во животот, тој никако не може да ги заборави уникатните емоции што ги негува исклучиво кон Ема.
Сè додека еден ден не открие дека има и возрасен, биолошки син по името Рафаел Паз.
Напишано од перото на писателката Катерина Серафимовска (1972 година), член на ДПМ (2001) и автор на десет досега објавени книги, меѓу кои и романите: „Забранет поглед“ (1999); „Насмевка со цимет“ (2016); „Поглед полн синило“ (2017); „Небото над реката Чарлс“ (2018); „Блесок на пролетта“ (2019).
-
Невозможниот господин
0430,00 денАнглиските, француските и турските благородници
уште од средниот век патувале во Египет да истражуваат,
да владеат, да водат љубов и да уживаат во земјата на сон-
цето, фараоните и пирамидите. Во 1821 година на Нил е
Руперт Карсингтон, четвртиот син на лордот Харгејт. Тој
е вистински авантурист и заводник. Неодоливо згоден, не-
веројатно мажествен, секси и непоправливо невозможен,
каде и да се упати, го следат неволји.
Но… Руперт никогаш не се нашол во ситуација од која
не може да побегне. Сѐ досега. По игра на судбината завр-
ши во занданата на најзлогласниот каирски затвор и един-
ствен излез му е да ја прифати опасната понуда на убавата
црвенокоса вдовица, госпоѓица Дафне Пемброк. Таа сака
Руперт да ѝ помогне да го пронајде братот, кој што веројат-
но е грабнат поради легендарното фараонско богатство.
Нивната соработка е само деловна: таа ќе биде мозок на
операцијата, а тој, Руперт – силата. На прв поглед тоа звучи
многу едноставно. Но со време, напнатоста меѓу нив сѐ по-
веќе расте, а сопирачките попуштаат и неизбежно доаѓа до
спој на тие два потполно различни светови – воздржаната
вдовица и непоправливиот заводник – и тоа на најнеодолив
можен начин.
Историска, романтична, секси, љубовна приказна на
Лорета Чејс.
„Руперт е еден од моите омилени херои, а Дафне многу му
одговара. Оваа книга е возбудлива и исполнета со љубов,
страст и на моменти многу ќе ве насмее.“
– Кејти Лав -
Вистинита но не многу веројатна историја за семејството Пустополски за куќата покрај Вардар и за чет
0450,00 денЛетото 1898 – во преодните денови помеѓу веќе исцрпениот XIX век и тукушто родениот XX век – Никола се враќа од своите студии на Ecole supérieur de pharmacie во Париз. Со себе го носи научното знаење од Западот и етосот на модерниот, просветлен човек, желен да ги примени во своето родно Скопје. Дома – во големата куќа на крајот на градот, покрај течението на реката Вардар – го чекаат татко му Харалампие, трговецот на ангро, мајка му Евдокија и трите помлади братучетки. На прв поглед животот на ова семејство изгледа нормален, пристоен, па дури и здодевен.
Но, работите не се такви како што изгледаат. Нешто страшно и неискажливо ја фрла својата сенка врз семејството Пустополски. Старата куќа крие свои тајни што се протегаат сè до Ориентот и кои се однесуваат на богатството на дедото на Никола. Приказната за еден прстен купен во Старата скопска чаршија го втурнува Никола во низа настани чиешто потекло, смисла и цел не му се целосно јасни…
-
Ветрогонот Бабукиќ и неговото време
0500,00 денГлавниот лик на филмот „Терминал“ бил заробен на аеродром девет месеци, а херојот од новиот роман на Миљенко Јерговиќ патува со авион низ целиот свет цели триесет години.
Се вика Бабукиќ, а во светот тргнува со почетокот на нашата последна балканска војна. Бега од Загреб, од работата во ЈНА и од трудната љубовница, преку Љубљана, некаде далеку, што подалеку. Веќе на првиот лет за Франкфурт, стекнува чудна дарба да го научи секој јазик веднаш штом ќе го слушне и сите – од цариници и стјуардеси до обични патници – неизмерно да му веруваат.
Авантурите на Бабукиќ се споредливи само со оние на Дон Кихот. Обиколувајќи го светот безброј пати, а никогаш не излегувајќи од аеродром или од авион, тој внимателно ги слуша неверојатните приказни на луѓе од сите раси и религии – од дагестанската вештерка, преку шведскиот антрополог Олсон, до Динко Микуличиќ, синот на најпознатиот убиец на УДБА, со кого на белградскиот аеродром ќе го дочека крајот на светот.
„Ветрогонот Бабукиќ и неговото време“ е современ пикарски роман, кој ги отсликува нашите стравови, немири, опседнатоста со секс, озборување и алкохол. Јерговиќ напишал дело во кое неговиот лик, истовремено грижлив и суетен, плашлив и храбар, е вистински херој на нашето време.
-
Девојката Смрт
0350,00 денДодека се враќа со воз во родното место, на Марија, главниот лик и раскажувач во романот, ѝ се нижат слики од животот во минатото на нејзиното дисфункционално семејство, на младешките радости и таги, пороци, љубов… Почнува од нејзиното речиси идилично детство, но набргу стигнува до мрачните настани од поблиското минато, цело време промислувајќи ја смислата и потребата за постоење во сегашноста. Товарот на сеќавањето изгледа претежок, и таа го очекува крајот. Со возот, и Марија ќе стигне на својата крајна дестинација.
„Девојката Смрт“ може да се чита како семеен роман, како роман-студија за самоубиствата, како психолошко-контемплативен роман, како роман за девојка која и покрај тешката реалност сака да живее.
Може да го чита кој како милува, но ретко дека некого ќе го остави рамнодушен.
Иако навидум главната тема во романот е самоубиството, Фаулерова изјавила дека главната тема е слободата. Слободата во смисла на тоа човекот сам да го направи сопствениот избор – дали да живее или не.
-
Никогаш не оставај ме
0450,00 денСтуден е мигот кога за првпат ќе се здогледаш низ очите на друга личност зашто сфаќаш дека живееш во заблуда за сопственото постоење – и тогаш бездната на непознатиот свет станува уште подлабока.
„Хејлшам“ е навидум мирно интернатско училиште незасегнато од надворешни влијанија. Неговите добро згрижени ученици оттаму излегуваат обликувани според очекувањата на светот. Но никој не ги учи дека она што ги очекува надвор е многу пострашно одошто им се чини. Кети Х. дури по неколку години ја открива вистината за своето идилично училиште – морничавата тајна дека учениците се клонови создадени да обезбедуваат витални органи за човечката популација. Ќе успеат ли таа и нејзините пријатели Рут и Томи да се приспособат на напредниот, но сè уште суров свет?
„Никогаш не оставај ме“, потресна приказна со дистописки призвук, прераснува во предупредување за човештвото и опасностите што му се закануваат за сметка на напредокот.
„Вознемирувачко четиво, со беспрекорна контрола на дејството… Неодоливата моќ на книгата произлегува од способноста на Ишигуро да ја изложи мрачната суштина со одбрани зборови.“
Ентертејмент викли
-
Подоцна
0390,00 денПОНЕКОГАШ РАСТЕЊЕТО ЗНАЧИ СООЧУВАЊЕ СО ТВОИТЕ ДЕМОНИ
Синот на една самохрана мајка, Џејми Конклин, сака обично детство. Но, тој не е обично дете. Роден со натприродна способност, за која мајка му му вели да ја чува во тајност, Џејми може да го види она што никој не може да го види и да го дознае она што никој друг не може да го дознае. Цената на користењето на оваа способност е повисока од она што тој може да си го замисли – и Џејми го открива тоа кога детективка од њујоршката полиција ќе го вовлече во потрага по убиец, кој се заканува да нападне од зад гробот.
„Подоцна“ е најдоброто од Стивен Кинг, застрашувачка и емотивна приказна за изгубената невиност и предизвиците што го тестираат нашето чувство за добро и погрешно. Со ехо од неговиот класик „Тоа“, овој роман е моќно и незаборавно истражување на она што е потребно за спротивставување на злото со сите негови лица.
-
Историја на пчелите
0500,00 ден„Историја на пчелите“ комбинира футуристичка дистопија и историска фикција за да го вклучи алармот во врска со сѐ помалата популација на пчелите.
Англија, 1852 година. Вилијам е биолог и трговец со семиња, кој започнува со изградба на нов тип кошница за пчели, која нему и на неговите деца ќе им донесе и слава и чест.
САД, 2007 година. Џорџ е пчелар кој залудно се бори против модерното пчеларство, но се надева дека неговиот син ќе биде нивното спасение.
Кина, 2098 година. Тао рачно нанесува полен на овошните дрвја затоа што пчелите веќе одамна се исчезнати. Кога по една трагична несреќа властите ќе го одведат нејзиниот син, таа тргнува на опасно патување за да открие што се случило со него.
Книгата ги обединува минатото, сегашноста и една застрашувачка иднина во возбудлива приказна која е сложена како саќе. Просветлувачка и одлично опишана врска за моќната поврзаност меѓу децата и родителите како и за нашиот однос кон природата и човештвото.
„Историја на пчелите“ на прекрасен начин воведува една исклучително важна тема во светот на литературата – климатската проза, која ни предочува дека ние како човештво сме зависни од добросостојбата на пчелите и на другите инсекти. Сѐ додека тие се во опасност, и ние сме во опасност.
-
Совршениот господин
0430,00 денПримерниот!
Наследникот на грофот од Харгејт, Бенедикт Карсингтон, виконтот од Ратбурн, е совршен аристократ. Висок, црн и привлечен, познат по своите беспрекорни манири и доброто потекло. Бенедикт ги познава сите општествени правила и не му претставува никаков проблем да ги почитува – сѐ додека не се појави таа.
На лош глас.
Батшеба Вингејт е припадничка на лошата гранка на фамилијата Де Лусеј – позната по озлогласените лажговци и измамници. Не е ни чудо што токму затоа, нејзиниот маж, инаку син на благородничка фамилија, останал без наследство. Кога станала вдовица, со скромни приходи, Батшеба решила на својата ќерка да ѝ обезбеди стабилен живот и пристојно воспитување. Никој и ништо нема да ги попречи нејзините планови – сѐ додека не се појави тој.
Совршениот!
Но, тогаш немирната ќерка на Батшеба, го привлекува бистриот внук на Бенедикт за потрага по легендарно богатство. За да ги спасат витезите-скитници, Бенедикт и Батшеба тргнуваат во спасувачка мисија што ќе ги доведе во опасна, интимна блискост. Тоа е состојба што речиси гарантира хаотична завршница – дури и скандал! – ако во неа биде вклучен кој и да е друг. Но, Бенедикт држи сѐ под совршена контрола. Под совршена контрола и покрај неговата луда желба да ги прекрши сите правила.
Совршена контрола?
Како да не…„Уште една возбудлива, романтична, на моменти секси сторија.“
‒ Џулија Квин -
Те знам
0450,00 денВо овој напнат трилер од авторката на бестселерот „Што направи?“, една жена наоѓа мртво тело. Дали ќе ја направи истата грешка како минатиот пат?
Кога Рејчел ќе наиде на тело во шумата, знае што треба да направи: да трча. Да избега. Да не биде пронајдена на местото на злосторството. Минатиот пат, таа не знаеше, и заврши обвинета за убиство. Но, кога оваа жртва е идентификувана како отуѓената сопруга на нејзиното момче, Рејчел сфаќа дека веќе е главната осомничена.
Со сè повеќе докази против неа, единствената надеж на Рејчел е добро да ја прикрие вистината за себе. Затоа што, дваесет години претходно, таа беше некоја друга – Кејси, млада дадијарка со амбиција да стане актерка во Лос Анџелес. Кога семејството за кое работеше се брутално убиени, сите докази упатуваа на неа и таа заврши во затвор. За влакно избегна смртна казна и успеа со жалба да излезе од затвор. Сега се бори да го спаси животот што со години внимателно го градеше.
Но, како што нејзиното однесување е сè посомнително, а полицијата сè поблиску, таа се прашува: дали наоѓањето тело во шумата е ужасна коинциденција или, пак, некој ја мести за убиство? Некој што знае која е и сака одмазда…
-
Забранети задоволства
0430,00 денНивните животи беа совршени сѐ додека не се запознаа.
Леди Хиро Батен е занесна млада дама што ѝ припаѓа на самата елита на аристократијата. Таа е родена сестра на војводата од Вејкфилд и ништо не ѝ недостасува. Верена е за маркизот од Мендевил, за кого смета дека е досаден и нема смисла за хумор… Ама не ѝ пречи. Сѐ додека не се сретна со братот на маркизот!
Лордот Грифин Ридинг воопшто не е совршен. Всушност тој е еден многу мистериозен тип за кого никој не знае како му поминува денот, ама затоа е општопознато дека ноќе присуствува на разновидни развратни забави… Уште кога првпат го виде, Хиро почувствува одбојност, а Грифин пак мисли дека таа со својата добротворна работа и беспрекорните манири е премногу совршена за неговиот брат. Нивното постојано надмудрување и битка со зборови се разгоруваат во незапирлива страст која се заканува како кули од карти да ги разурне нивните уредени светови.
Можат ли двата несовршени лика
да пронајдат совршена, вистинска љубов?Ова е втората од неколкуте романтични и секси љубовни романси, што авторката Елизабет Хојт ги објави по 2010 година. Најпребирливите читатели неодамна имаа можност од оваа серија да ја прочитаат книгата „Опасни намери“, а при читањето на „Забранети задоволства“ ќе се потсетат на настаните и нејзините главни ликови.
„Опојна комбинација на љубовна приказна, историски роман и бајка… Предизвикувачка, сензуална и забавна сторија со несекојдневни главни јунаци, што ќе ги воодушеви читателките што се жедни за длабоки и вистински чувства.“
Буклист -
На лов
0460,00 ден„На лов“ е дебитантски криминалистички роман на авторката на интернационалниот бестселер „Списокот со гости“ – Луси Фоли. Инспирацијата за оваа книга е едно зафрлено место во Шкотска, кое ја разгорува нејзината фантазија.
Атмосферата на дочекот на Новата година се загрева. Девет добри пријатели ја поминуваат вечерта разменувајќи приказни и сеќавајќи се на заборавените спомени. А сепак, дружината е потајно свесна дека веќе не ги поврзува ништо освен заедничкото минато, длабоките стари рани и тајни, доволно непријатни што со леснотија би можеле да го разорат нивното пријателство.
Кога часовникот отчукува полноќ, а поседот ја фаќа силна снежна бура, во снегот осамнува изобличено тело. Дружината е заробена на поседот, а сè упатува на убиство.
Никој не може да дојде. Но, никој не може ни да замине. Дури ни убиецот.