-
Лејла
0420,00 денОд број 1 авторката на бестселери на „Њујорк тајмс“ – Колин Хувер – ни доаѓа роман што го истражува животот по трагедија и неуништливиот дух на љубовта.
Кога Лидс ја запознава Лејла, уверен е дека со неа ќе го помине остатокот од животот – сè додека не доживуваат неочекуван напад што таа едвај го преживува. По неколку недели во болница, Лејла закрепнува телесно, но емоционалните и менталните лузни ја менуваат жената во која се вљубил Лидс. Сакајќи да ја спаси нивната врска, Лидс ја носи во пансионот во кој се запознале. Но, кога ќе стигнат таму, нивниот однос доживува чуден пресврт. А тоа е само една од многуте необјасниви појави. Чувствувајќи дека се оддалечува од Лејла, Лидс набрзо пронаоѓа утеха во Вилоу – уште една гостинка во пансионот со која го поврзуваат заеднички проблеми. Како што расте интересот на Лидс за Вилоу, неговата одлука да ù помогне да најде одговори го доведува во опасност здравјето на Лејла. Лидс набрзо сфаќа дека мора да избира меѓу Лејла и Вилоу, бидејќи не може да им помогне на двете. Но, доколку донесе погрешна одлука, тоа би можело да биде погубно за сите.
-
Сета боја зад црнината
0400,00 денУметниците живеат за да го пронајдат времето. Но него го нема. Времето е секавица!
Што се крие зад темнината? Во каква боја уметникот Фјодор Вјаземски ја потопува четката за да го наслика животното платно?
Во оваа книга се крие цел еден живот. Приказна раскажана на самиот заод на Фјодор, во мигот кога вообичаено се води последната битка со илузиите.
Раскажан во прво лице еднина, овој роман е посветен на уметноста во време кога е осудена на прогон, кога се смета за „луксуз“ и не е сигурно дека ќе опстои дури и во музеите, тие ризници на спомените. Изложувајќи се на бесот на протестантите поради својот бунтовен новинарски напис во заштита на уметноста, Фјодор мора да го спасува голиот живот. Ги напушта родниот дом и мајка си и со тешко срце заминува за Париз, каде што успева да се вработи како библиотекар. Еден ден ненадејно налетува на својата младешка љубов Олга – средба што ќе го разбие монотоното секојдневие и ќе означи вистински пресврт во неговиот живот…
„Чудесно е чувството кога ќе се наиде на дебитантско дело со високи уметнички вредности. Васја Мицковски напишал раскошен роман за љубовта и убавината, за нераскинливото пријателство со сите бои во природата и во животот. Златно камче во мозаикот на уметноста, единствената која може да го победи времето.“
Виолета Танчева-Златева
-
Бело се пере на деведесет
0350,00 денБело се пере на деведесет е шокантен, духовит и инспиративен билдунгс-роман, што ја бележи животната приказна на нараторот, кој во прво лице раскажува за своето детство во седумдесеттите и осумдесеттите години на минатиот век, па сè до неодреден ден во денешницата.
Во нејзините живи спомени на детските денови има врволица од луѓе, роднини и пријатели и богат социјален живот, што повеќепати нескриено и со носталгија таа ги поврзува со животот во рамки на поранешната република, кога се организирале групни летувања, колективни зимски екскурзии и кога луѓето главно биле безгрижни.
Но, покрај тоа што овој роман во основата е наратив за растењето, истовремено е и соочување со загубите и со болеста, и го доловува напорот за припитомување на стравот и на сето она што не сакаме да го видиме додека не се соочиме со него неминовно.
Броња Жакељ (1969) е дипломирана новинарка по образование. Нејзината радост заради пишувањето останува некаде меѓу страниците на списанијата и во редакциите на дневните весници, па својот прв професионален ангажман ù е во секторот маркетинг, а денес работи во секторот банкарство. Со оглед на тоа што во финансиите нема многу креативност, а нејзината љубов кон пишувањето никогаш не ја напушти целосно, одлучува да го напише својот прв роман, Бело се пере на деведесет (2018), за кој ја добива престижната книжевна награда „Кресник“ за 2018 година
-
Лажливиот живот на возрасните
0450,00 денУште една неаполска приказна за преминот од детството во светот на возрасните
Убавото лице на 13-годишната Џована почнува да се менува и да огрдува и таа сè повеќе заличува на тетка ѝ. Барем така мисли нејзиниот татко. Но дали таа ги гледа работите такви какви што навистина се? Дали се претвора во Викторија, жена која одвај ја познава, a која нејзините родители очигледно ја презираат? Во кое огледало би требало да се погледне за да се најде себеси и да успее да се засака и да се спаси?
Џована го бара својот одраз во двете линии на нејзиното семејство, во двете крајности на сопствената личност. Растргната меѓу двата спротивни краја на родниот Неапол, меѓу височината и приземноста, префинетоста и вулгарноста, таа се впушта во една мачна потрага по вистината. Проникнувањето во долгогодишните семејни тајни ќе ѝ го открие нејзиното вистинско лице.
Новиот роман на славната Елена Феранте е уште еден доказ за нејзиното ненадминато мајсторство да ги извлече читателите од реалноста и да ги пресели во својот совршено изграден книжевен свет.
„Феранте толку умешно нè вовлекува во тинејџерскиот ум што сето она што изгледа неразумно – променливи расположенија, љубомора, страв, солзи и бес, ни се чини сосем нормално.“
Тајмс, Велика Британија
-
Сечилиште
0250,00 денПо дваесет и пет години, семејството конечно се собира во малото балканско гратче во кое некогаш владеела среќа и напредок, сѐ додека над нив не се надвила сенката на војната. Сега ненадејно се вратиле: најстариот син Владимир, истакнат професор по економија, снаата Хелена и внукот Давид. Бабата Надија и дедото Клемент одвај дочекале да ги видат. На семејната вечера се појавува и синот Игор, воен репортер, кој се обвинува себеси за семејната трагедија.
Од аперитивот до дижестивот, Игор Штикс нѐ води низ напната и интересна семејна историја која секако дека е обременета со политиката на XX и XXI век. Во неа важна улога игра и прадедото Оскар, кој како млад австроунгарски војник учествувал во Октомвриската револуција, а на крајот завршил во логор во текот на Втората светска војна. Ноќ во која се откриваат долгопотиснатите тајни, во која се заменуваат судири и одмазди, во која станува очигледно дека минатото не може да се врати, но дека може од неговите стеги да се извлече со човечност и со непосредност. Ноќта завршува како и секоја друга, со изгрејсонце, но дали е тоа нов почеток или само уште едно ново разминување?
„Сечилиште“ на Игор Штикс ги допира сите оние резови и рани кои војната ги остава кај луѓето а и тие меѓу себе, се занимава со емоциите и неможноста минатото и личностите од нашиот живот да се отсечат со ножици.
-
Кирка
0500,00 денМагична книга која ткае поинаква приказна за волшебничката Кирка.
Неугледна, повлечена и без никакви моќи, иако ќерка на богот на сонцето Хелиј и заводливата нимфа Персеида, малата Кирка е осудена на осаменост и потсмев. Но наскоро таа во светот на смртните луѓе ќе ја открие својата волшебна моќ.
Сомничавиот Зевс ја прогонува на еден пуст остров, кој станува нејзино царство. Тука таа ги припитомува дивите животни, ги усовршува своите вражби и се среќава со многу митски јунаци – Дедал и неговиот несреќен син Икар, Минотаур, Медеја и лукавиот Одисеј во когошто се вљубува.
Жената што сака да биде независна е демнета од најразлични опасности. Кирка несвесно си го навлекува гневот и на луѓето и на боговите, а на крај се соочува и со одмаздољубивата божица Атина. За да го заштити најмилото, мора конечно да реши дали местото ѝ е покрај боговите, од кои потекнува, или покрај смртниците, коишто ги засакува.
„Волшебна приказна! Мадлин Милер создала смела феминистичка верзија на класичната приказна; во митскиот свет полн со богови, чудовишта и нимфи, длабоко во себе, главната хероина е иста како секој од нас.“
О магазин
„Иако знаеме како сè ќе заврши, оваа сочна приказна, раскажана во нова светлина, е напната и полна со неочекувани елементи.“
Вашингтон пост
-
Клетва
0490,00 денРеши дека нема да ги даде ни мајка си ни сестрите, што и да се случи. Му даде завет на татко си дека ќе се бори за нив до последниот здив.Во тој момент помисли дека не е сосем сигурна дали тоа беше вистински завет или беше клетва.
Идиличниот живот на семејството Станимировиќ од корен ќе се промени кога нивното мирно банатско село ќе го зафати виорот на Втората светска војна. Таткото Јован ќе мора да го напушти семејството за да се вклучи во борбата против окупаторот, а неговата најстара ќерка Душанка ќе направи се за да ги заштити мајка си и трите помлади сестри. Во тоа ќе и помогне баба и Радојка, надалеку прочуена по своите моќи и своите напивки.
Јелена Бачиќ Алимпиќ,една од најпопуларните српски авторки, ни раскажува една емотивна и силна приказна за неизмерната љубов, храброст и преданост. Романот “Клетва” е омаж на човечката сила и потсетување дека со упорност и истрајност може да се надминат и најголемите ужаси и страдања…
-
Драг господине М
0450,00 денСвоевремено славен писател, М. го постигнал најголемиот успех со трилер базиран на случај на исчезнување во реалниот живот. Во него ја раскажал приказната за професор по историја што исчезнал една зима откако имал куса врска со својата прекрасна студентка. Професорот никогаш не бил пронајден. По објавувањето, романот на М. станал бестселер што го одбележал неговиот интернационален пробив.
Тоа било пред многу години, но сега кариерата на М. е на залезот. Но не и ако го прашате неговиот бизарен, навидум срамежлив сосед, кој ги демне и него и неговата сопруга. Зошто?
Благодарение на романот на М., кој наводно е фикција, се чини дека сите се поврзани засекогаш, сè додека нешто неочекувано не ја одведе „приказната“ во сосем неочекувана насока.
Со сè позасилена напнатост на својот мрачно циничен ум и светски познатиот инстинкт за човечките недостатоци, Херман Кох повторно не поштедува ништо и никого во својот напнат роман, зајадлива претстава што ги држи читателите на штрек во мистериозниот простор помеѓу фактите и фикцијата.
-
Анатомија на скандалот
0500,00 ден#1 Најгледана серија на НЕТФЛИКС
Сопруга. Љубовница. Политика. Моќ. Лаги.
Софи Вајтхаус има прекрасен дом, две сјајни деца и привлечен, успешен маж. Со други зборови, има совршен живот. Но, сѐ се менува една ноќ кога нејзиниот сопруг Џејмс доаѓа дома и ѝ признава дека ја изневерил.
Одеднаш нејзиниот смирен, уреден свет, се превртува наопаку. Дали навистина го познава човекот за кој се омажи? Признанието на Џејмс е само врвот на ледената санта. Обвинет е за ужасен злочин. Но вистината е уште пострашна отколку што некој би можел да замисли. Дали Џејмс е виновен или е само невина жртва на злобен план?
Во оваа напната и возбудлива сторија за љубовта, одмаздата и лагата никој нема чисти мотиви, ама тајните на некои луѓе се многу помрачни и поопасни.
-
Болка во џебот
0250,00 денРоман за слепата љубов, насилството и капитализмот. Базиран е на вистински настан – пожар на патнички траект во 1990 година, во кој загинаа 159 луѓе. Иако настанот е реален, ликовите се фиктивни.
Жена патува со автобус низ јужна Данска. Кога погледнува низ прозорецот, пред неа се појавува лик на маж со бела коса. Заслепена е од неговото лице, но не го препознава. Повторно се качува во автобусот, овој пат патувајќи во спротивната насока, и се симнува на местото каде што ѝ се појавил ликот на човекот. Во моментот кога се доближува до една куќа и заѕвонува на ѕвончето, пред неа се откриваат слики од животот на двајца луѓе, Курт и Меги.
Сопружниците живеат на фарма во своите подоцнежни години. Тука Курт ја започнува својата мала автобуска компанија, додека Меги води тивок живот, тонејќи во спомените. Во куќата тие се љубат и се караат. Како што изминуваат годините, караниците се сè почести, сѐ додека нивната врска не се распадне, оставајќи ги само со чувство на апатија. Тоа што на почетокот е пламена страст почнува да венее, а насилното минато и финансиските проблеми сѐ повеќе се испречуваат помеѓу нив. По нејзината смрт, еден бизнисмен го охрабрува Курт да инвестира во траект што ќе плови помеѓу Данска и Норвешка. Набрзо ги губи сите вложени пари откако траектот ќе изгори. Ги поминува своите последни денови сам и во сиромаштија. Спомените го измачуваат и почнува да ги слуша криковите на првородениот син.
Романот е наречен „најамбициозен книжевен потфат за 2020 година“.
-
Во акрата нема мостови
0450,00 денСи земам за право да го прогласам романот „Во Акрата нема мостови“ за една од најубавите љубовни приказни напишани на македонски јазик, но и за првиот „on the road“ роман во македонската литература. Иако има дела со сродни елементи, ниту едно не ја гради „поетиката на патувањето“, бегството и егзистенцијалната потрага како органска целина. Јостед е јунак во движење, млад и рефлексивен, за кого патувањето е слобода, а домот цел. Сенката на Одисеј и стиховите на Кавафис ја продлабочуваат потрагата, додека љубовта на Јостед и Елени му дава смисла на нивното самопронаоѓање. – Зоран Бојаровски, новинар и автор; „Некои мостови ги разбираме дури кога веќе е предоцна да ги преминеме.“ Со прецизна и воздржана нарација, Миле Бошњаковски создава роман во кој личните судбини се преплетуваат со историјата, а интимните избори одекнуваат во рамките на општествените системи. „Во Акрата нема мостови“ отвора прашања за припадноста, семејството и цената на неизговорените вистини, покажувајќи дека тишините што ги наследуваме знаат да бидат посилни од зборовите. Ова е приказна за љубовта и загубата, за родители и деца, за невидливите нишки што ги поврзуваат луѓето и тогаш кога мислат дека се разделени. Роман што се чита внимателно и останува долго по последната страница. – Катерина Синадиновска, новинар
-
Тоа бевме ние
0300,00 денРоман што вибрира од тага, но и од животна радост, како емотивен удар со тупаница што се однесува на сите нас!
Нахид и Масуд се среќаваат една вечер во Техеран. И двајцата се на осумнаесетгодишна возраст и во себе носат сон за слобода и демократија. Се движат кришум и делат летоци. Започнуваат демонстрации и илјадници луѓе извикуваат пароли на улиците. Но сето тоа станува многу посериозно и понасилно отколку што можеле да си претстават. Со позајмени пари и со лажни пасоши бегаат во Шведска. Го прават тоа заради подобар живот и заради иднината на својата ќерка. Слободата што им недостигала сега ја имаат во изобилие, но што е слобода кога ти недостигаат корењата?
Триесет години подоцна, Нахид има уште шест месеци живот. Или барем така ѝ кажуваат докторите. Исполнета е со нов гнев. Во исто време дознава дека нејзината ќерка е бремена. „Ако го добијам ова, не сакам ништо повеќе.“ Но сè се претвора во трка со времето.
Извонредна приказна за егзилот, раселувањата и емотивните врски меѓу мајките и ќерките, приказна за љубовта, за вината и за соништата за подобро утре. „Тоа бевме ние“ нè тера да се запрашаме: што им оставаме на нашите деца? Што им должиме на тие што ги сакаме? И, дали без корени можеме вистински да бидеме слободни?
-
Италијански приказни
0790,00 денБајките патуваат низ времето и просторот, премостуваат векови и континенти, преминуваат низ општествените слоеви опишувајќи го патот кон успехот или падот, низ раскажување кое се обновува и постојано го преобразува слушателот во наратор, и обратно.
Италијанските народни приказни распостилаат пред нас еден волшебен свет на маѓепсници и зли сили кои го демнат човекот, но кои тој секогаш успева да ги надитри. Тоа е еден напати нереален универзум населен со необични суштества, во време исполнето со чуда, а во суштина толку човечки. Кога се запишани од мајсторот на книжевниот збор Калвино, бајките стануваат ремек-дело повистинито од кој било современ роман. Не затоа што ни раскажуваат возбудливи приказни за јунаци и вештери, самовили или змејови, туку затоа што нè учат како да го живееме животот опкружени со нивните метафори.
Калвино во овие бајки го внел целиот раскошен свет на кралеви и принцези, но и на сиромашни селани и момчиња кои со својата остроумност успеваат да се извлечат од замките на судбината и да се кренат над неа. Успевајќи со своето перо да ги истакне уникатните одлики на националниот фолклор, со овие приказни тој остава неповторлив печат во светската литература.Овие традиционални италијански приказни прераскажани од книжевниот мајстор се вистинско литературно богатство.
Лос Анџелес тајмсИзбрани приказни прераскажани од една од најголемите книжевни икони.
Њујорк тајмс бук ривју -
Повратник со две лица
0280,00 денПорано или подоцна, секој на свој начин се помирува со сознанието дека многу прашања во животот остануваат без одговор, покриени со тишина
Нестор е патник меѓу два света, морнар кој плови меѓу бреговите на вистината и заблудата, љубовта и недостигот, по пат што води кон најтешкото враќање: во самиот себе. По многу години поминати далеку од домот, тој повторно доаѓа во празната семејна куќа. Обидувајќи се да го разбере неразјаснетото загинување на сестра му, ја отвора татковата папка со документи, исечоци од весници, спомени. Решен да ја открие вистината, повторно влегува во лавиринтот од недокажаности, замолчени сведоци и поткупени адвокати, административни пречки…
Со мајсторско испреплетување на реалноста и сонот, на минатото и сегашноста, Челиковиќ создава роман што отвора сериозни морални и филозофски дилеми. Растргнат меѓу копнежот и можноста, вината и искупувањето, Нестор залудно се обидува да најде смисла во сенките на сопствената совест и да се ослободи од тежината на минатото.
Приказна за сеќавањето, за помирувањето со загубата и простувањето, за вечната човечка потреба да се најде светлина во темнината.
-
Приказна за изгубеното девојче
0600,00 денКнигите се пишуваат за да се каже она што се мисли, а не за да се прикрива вистината.
Четврта, завршна книга од Неаполскиот серијал. Величествено финале на најголемата книжевна сага на 21 век.
Брилијантната Елена и нескротливата Лила веќе се во зрели години. Низ сите голготи што им ги приреди судбината, нивното пријателство беше центарот на гравитацијата околу кој се движеа нивните животни приказни. И кога се чини дека сите лекции се научени и сите болки се веќе преболени, се соочуваат со најголемата загуба.
Двете жени се бореа да избегаат од маалото во кое пораснаа. Елена се омажи и се пресели, објави неколку книги, но се врати во Неапол за да биде со мажот што го сака. Од друга страна, Лила никогаш не успеа да се ослободи од своето минато. Иако сиот живот се обидуваше да го избегне, сега станува незапирлив водач во тоа окружување и успешен претприемач. Сѐ до кобниот ден…
Наспроти заводливата и опасна заднина на Неапол, приказната за пријателството е раскажана со неповторлива искреност и красноречивост. Сите четири дела од оваа сага создаваат незаменлива приказна која со секое навраќање им носи на читателите нови откритија.
„Неверојатен завршеток на најбараната сага за силната пријателска врска меѓу две жени, од горчливото детство во Неапол до нивните зрели години.“
Паблишер викли
„Беспрекорен, зачудувачки книжевен еп.“
Њујорк тајмс
„Секој треба да ги прочита книгите на чии корици стои името Феранте.“
Бостон глоуб
-
Збунетост
0490,00 денНов роман од добитникот на Пулицерова награда и автор на бестселери на „Њујорк тајмс“ – Ричард Пауерс.
Астробиологот Тео Бирн бара живот низ космосот додека, по смртта на неговата сопруга, сам го воспитува своето необично деветгодишно дете Робин. Робин е топло, љубезно момче кое поминува часови сликајќи детални слики од загрозени животни. Тој, исто така, ќе биде избркан од трето одделение затоа што го удрил другарчето в лице. Како што неговиот син станува сè попроблематичен, Тео се надева дека ќе го заштити од користењето од психоактивни лекарства. Тој дознава за експериментален третман со неврофидбек за зајакнување на емоционалната контрола на Робин, кој вклучува обука на момчето на снимените модели на мозокот на неговата мајка…
Со волшебните описи на природата и вселената, со неговата привлечна визија за животот надвор и приказот на жестоката љубов меѓу таткото и синот, „Збунетост“ е најинтимниот и најтрогателен роман на Ричард Пауерс. Во неговото срце лежи прашањето: Како на нашите деца да им ја кажеме вистината за оваа прекрасна, загрозена планета?