-
Четири илјади седмици
0390,00 денПросечниот човечки животен век е апсурдно, навредливо кус. Под претпоставка дека ќе доживеете 80 години, имате само околу 4.000 седмици.
Никој не треба да каже дека нема доволно време. Опседнати сме со списоците на задачи што треба да ги завршиме, а кои постојано се зголемуваат, со преполните електронски сандачиња, рамнотежата работа-приватен живот и постојаната битка со дистракции; преплавени сме со совети како да станеме попродуктивни и поефикасни со разни „трикови“ со цел да ги оптимизираме нашите денови. Но, ваквите техники често само ги влошуваат работите. Чувството на анксиозност станува поинтензивно и најзначајните работи во животот изгледа дека се зад хоризонтот. И покрај тоа, ние ретко ја поврзуваме секојдневната борба со времето со крајниот проблем на управување со него: предизвикот како најдобро да ги искористиме нашите 4.000 седмици.
Потпирајќи се на увидите и на античките и на современите филозофи, психолози и духовни учители, Оливер Буркеман ни нуди забавен, хумористичен, практичен и длабок водич за времето и управувањето со времето. Отфрлајќи ја залудната модерна фиксација „да се заврши сè“, книгата „Четири илјади седмици“ ги запознава читателите со алатки за градење на значаен живот со прифаќање на конечноста, покажувајќи колку од бескорисните начини до кои сме дошле размислувајќи за времето не се неизбежни, непроменливи вистини, туку избори што сме ги направиле како поединци и како општество – и дека можеме да ги правиме работите поинаку.
-
СВЕТОТ НА СОФИЈА
0500,00 денВозбудлива мистерија што ги истражува филозофските концепти на западната мисла и се чита во еден здив. Со својот дваесетмилионски тираж, Светот на Софија со години ја распламтува фантазијата на читателите низ целиот свет.
Еден ден четиринаесетгодишната Софија Амундсен се враќа од училиште и во поштенското сандаче наоѓа две писма со по едно прашање: Која си ти? и Од каде потекнува светот? Овие прашања ја опседнуваат Софија и ја одведуваат далеку од идиличното норвешко секојдневие. Низ писмата на еден анонимен филозоф таа се вклучува во еден вид курс по историја на филозофијата, од Сократ, па сè до Сартр. А што е уште почудно, во поштенското сандаче наоѓа и писма адресирани до друго девојче. Која е Хилда? И зошто нејзината пошта пристигнува кај Софија? За да ја разреши оваа загатка, таа мора да го примени она што го научила – но вистината е многу покомплицирана отколку што замислувала.
“Чудесно… Она што Јустејн Гордер успеал е да смести 3000 години од човечката мисла во 500 страници; а на мошне возбудлив а сепак едноставен начин да ја раскаже сета приказна на историјата на филозофијата.
Сандеј тајмс“Алиса во земјата на чудата од деведесетите… едноставно прекрасна и неодолива книга”.
-
Сидарта
0250,00 денМудроста човек може да ја најде и да ја живее, со неа можат да се прават чуда!
„Сидарта“ е еден од најдобрите алегорични романи на светот. Приказна за духовното патување на едно момче кое има сѐ, но постојано чувствува дека нешто му недостига. Затоа и заминува во потрага по вистината, по аскетски пат кој го носи до одрекување од богатството, задоволството, привилегиите, кој првин го фрла во очај, а потоа го лекува со надеж.
Барањето значи да се има цел, а наоѓањето значи да се биде слободен, отворен, без цел. Сидарта успева да се извлече од желбите и барањето, да стигне до духовно исполнување кое до ден-денес инспирира, воодушевува и влијае врз безброј генерации мислители, читатели, писатели и обични гости на овој свет.
Нобеловецот Херман Хесе е синтеза на различни филозофии – источните религии, Јунговите архетипови, западниот индивидуализам и една неповторлива творечка мисла – сите обединети во единствена визија за животот изразена преку еден лик во потрага по вистината. Со оваа книга тој во наследство не ни остава само класика туку и непресушна мудрост за смислата на постоењето.
-
Кафеана на крајот и на почетокот од универзумот
0400,00 денПатување низ една вселена каде границите меѓу реалноста и симулацијата се топат во чад од кафеанска ламба. Дон, Роб, Хал, Р2 и чудесни битија како Природата, Спектар и Моно се вплеткуваат во разговори што се нишаат меѓу смеење и апокалипса, меѓу научни формули и егзистенцијални прашања.
Оваа книга ја меша иронијата на Даглас Адамс, метафизиката на Ками и визијата на Лем, но ја сместува во универзална кафеана – архетипско место каде секоја цивилизација би можела да ја започне или заврши својата приказна.
Тука симулациите се напредни копии на реалноста, а симулакрумите поавтентични од неа. Времето тече со каприциозни закони што го понижуваат разумот, а гравитацијата е само уште една шега на космосот. На крајот, човештвото е ставено пред најтешкиот избор: Дали врвната смисла е слободата што создава светови – или љубовта што ги чува?
Читателот ќе најде забава, но истовремено ќе биде предизвикан и збунет – и можеби малку променет. Ова не е обичен роман, туку филозофска научна фантастика за оние што сакаат да го постават најстарото прашање на нов начин: Што значи да се биде човек во универзум кој можеби е само симулација – или, пак, само уште една шега?
-
Записи од подземјето
0250,00 денДва по два ќе биде четири и без мојата волја.Тоа ли е слободна волја?
Најреволуционерната книга на Достоевски, еден од првите егзистенцијалистички романи во историјата на светската литература. Четиво што го означува преминот на книжевноста од XIX во XX век, приказна за визиите на поединците што ги уништува општеството.
„Записи од подземјето“ ни ги нуди белешките на еден гневен, изолиран човек, поранешен чиновник кој се повлекува од светот во своето мрачно и тесно живеалиште. Во него содејствуваат два спротивставени комплекса – инфериорност и супериорност. Зашто иако е социјално отфрлен и сиромашен, во духовен и интелектуален поглед тој стои над другите. Проникнати со сурова искреност и горчлив презир, неговите записи се бунтовен напад на социјалниот утопизам и потврда на ирационалната човекова природа.
Блескаво решение на проблемот на постоењето, филозофска книга за животот каква што само Достоевски може да создаде. Едно од неговите најдлабоки дела.
-
Папокот на светлината
0450,00 денСилната светлина заслепува неподготвено око, а блесокот на молњата може и да убие.
Јан Лудвиг, протагонистот кој пред повеќе од 20 години трагаше по папокот на светот (љубов кон жената), сега е во потрага по папокот на Светлината. Заедно со другите ликови, тој се обидува да открие каде се раѓа онаа Светлина која ја просветлува душата и како се случува некој цел живот да ја бара неа, а некој да се задоволи да му биде облека на ѓаволот.
„Папокот на светлината“ е во знакот на Светото Тројство: тројца навидум различни раскажувачи раскажуваат три навидум неповрзани приказни, сите љубовни на свој начин, три наративи кои на крајот се сврзуваат во еден, можен роман. На тој начин овој роман станува и нов клуч за читање на „Папокот на светот“; тројството на светлината го надминува дуализмот на светот. Дуализам кој и ќе го уништи стариот поредок, со сите негови морални вредности, и ќе го претвори во опожарена цивилизација врз чии јагленосани остатоци треба да се крене новиот свет.
„Папокот на светлината“ е значаен прилог кон тој нов, продуховен свет.
-
Ајде да ти раскажам
0280,00 денШто треба да направиме за да бидеме среќни?
Според Хорхе Букај, за да тргнеме по вистинскиот пат треба да си одговориме на следните прашања: Кој сум? Каде одам? Со кого? Не треба патот да нè определува кои сме, ниту пак човекот кој нè придружува да одлучува каде одиме. По патот треба истовремено да се забавуваме и да научиме да го цениме она што го имаме, и ако е потребно да почнеме од почеток, да го направиме тоа без да престанеме да веруваме во себеси.
Тоа се лекциите што психотерапевтот Хорхе се обидува да му ги пренесе на студентот Демијан, дојден кај него да најде решение за своите животни дилеми. Тој добива одговори во облик на случки кои Дебелиот (тоа е прекарот на необичниот терапевт) ги црпи како од животот, така и од античките митови, од зен-мудростите, од народните и од суфи- приказните и од автори како Егзипери и Лафонтен.
Тие случки ќе ве трогнат, ќе ве насмеат или едноставно ќе ве натераат да се замислите, но едно е сигурно: нема да ве остават рамнодушни.
-
ЧОВЕК ШТО ПЛАЧЕ ОД СМЕЕЊЕ
0400,00 денОктав Паранго во 90-тите работи како копирајтер, во 2000 е моден агент, а во 2010 година открива нова професија…
Човек што плаче од смеење е заокружување на трилогијата на Октав Паранго за современите отуѓувања. Суров и смешен, циничен и искрен, со духовити забелешки за човековиот живот и актуелниот миг, овој роман изобилува со емоции и очајни исповеди. Користејќи го своето алтер его, Фредерик Бегбеде пишува памфлет против недостатоците на западното општество, особено во медиумите.
За жал, сѐ е точно во оваа смешна и очајна сатира!
-
САКАМ, ЗНАЧИ ПОСТОЈАМ
0380,00 денСАКАМ во себе содржи цел еден друг свет на МОЖАМ! Тоа e оној внатрешен импулс на проактивност за подобрата ЈАС, подобар живот, подобар свет.
Се движам по тркалото на животот… Застанувам само пред сопките на љубовта, болката, слободата, емпатијата, родителството, дискриминацијата, егото и интегритетот. Сепак… се движам бунтовно и храбро кон неправдата во светот, сиромаштијата на духот, човековите судбини и човековите права, женската слобода, консумеризмот, технолошкото ропство, културата на шопинг-центри, проституцијата на уметноста, но и проституцијата на духот. И така, качена на велосипедот на животот, го барам ѕвончето со кое ќе свирнам за ПРОМЕНА! Некогаш тивко, некогаш гласно, но секогаш со верба дека овој комплициран свет може да се спаси со добрина и љубов.
По трнливиот пат на мудроста, не знам дали успеав да ги „фатам“ состојбите на невралгичните премрежја на нашето време и на нашите души, но се обидов. Она што ми беше неочекувано во целиот процес е што сфатив дека да се биде набљудувач на најчовечкото во себе е уште потешко отколку да се биде набљудувач на времето и светот.
САКАМ, ЗНАЧИ ПОСТОЈАМ е духовно патување од и кон себеси. Качи се на тркалото на животот!
-
Во затворот на умот
0450,00 денСè што ви се случува во животот е поради вашето незнаење. Вашиот најголем проблем е вашиот ум. Лутина, бес, страв, стрес, анксиозност, депресија, пекол. Сите овие работи се само погрешни записи во умот што вие самите несвесно сте ги ставиле и сега тие ве вртат како хрчак во круг. И вртат, и вртат. Секој ден. Од утро до мрак. И нема излез од тој затворен круг. И нема излез од тој магичен круг. Излез има, само вие не сакате да го најдете! Излез има, само вие не сакате да го видите! Книга од која ќе дознаете од каде навистина доаѓаат сите овие работи кај вас. Книга од која ќе дознаете како да ги тргнете сите овие работи од вас. Книга од која ќе дознаете како да стигнете до онаа радост од вашето детство, која никогаш не исчезнува. Книга која ќе ви ја открие најголемата вистина за животот.
-
ДОСТОЕВСКИ И МЕКДОНАЛДС
0350,00 денДенешните источни и словенски книжевности се изложени на силен налет на глобализацијата, што од точката на гледање на нивните книжевни традиции се доживува како бришење на националниот и локалниот културен идентитет. Таа западна колонизација на словенските семиосфери се одвива и преку редефиниција на поимот „книжевност“ и наметнување на една нова естетика на бестселерот, сфатен како нормативна глобална поетика.
Тој „светски“ бестселер се сведува на тематски список на пожелни геополитички теми и стереотипи, а својата „естетика“ ја позајмува од геномот на мелодрамата, со нејзината традиционална морална црно-бела поделба на „добри“ и „зли“, спектакуларноста и патетичноста на изразот. Наспроти таа кич и ready made книжевност, словенските литератури имаат свои богати книжевни традиции во кои централните прашања се сврзани со Бога (теодицејата), смислата на животот и човекот, бесмртноста, историјата и митовите во кои се отсликуваат националните архетипови. Најмладите писатели од словенските и „децималните“ книжевности се пред сериозна дилема: дали да останат во „локалната традиција“ или да се свртат кон оваа „лесна“ ама нормативна „книжевност“ на „западниот соцреализам“, која им гарантира светска слава и милионски тиражи?
-
УМЕТНОСТА НА ЉУБОВТА
0250,00 денЉубовта е активна сила на човекот; сила што ги пробива ѕидовите што го раздвојуваат човекот од неговите ближни, која го соединува со другите. Љубовта му помага да го премавне чувството на осаменост и одвоеност, а сепак му допушта да биде свој, да си го зачува интегритетот. Во љубовта се случува парадоксот две личности да станат едно, а сепак да останат двајца. Љубовта е активност, а не пасивен афект – таа е „останување“, а не „заљубување“. На најобопштен начин, активниот карактер на љубовта може да се изрази со тврдењето дека љубовта е првенствено давање,а не примање.
Љубовта е единствениот здрав и задоволителен одговор на проблемот на човечкото постоење. Во чинот на љубовта, во давањето себеси, во чинот на проникнувањето во другата личност се пронаоѓам себеси, се откривам себеси, нè откривам нас двајцата, го откривам човекот.
-
ВРЕМЕ
0280,00 денРидигер Зафрански, еден од највлијателните германски интелектуалци, во својата најнова книга го истражува времето како феномен кој денес го дефинира современиот човек. Зафрански почнува од денешната состојба во светот на модерните медиуми, во кој брзината на размена на информации, на мислење и на доживување целосно го изместува поимот време. Тргнувајќи од оваа точка, Зафрански прави спој меѓу егзактните науки (физиката и хемијата) и филозофијата на времето. Неговите размисли допираат до темите на политиката, економијата, уметноста, социологијата, сето тоа поврзувајќи го со теориите на Ајнштајн и Хокинг.
„Време“ е специфично напишана книга, која разработува тешка тема, но на разбирлив и заводлив начин. Авторот успешно зборува за некои од клучните научни и филозофски концепции, а притоа не завлегува во академизам, туку го држи вниманието на читателот како да се работи за авантуристички роман.
„Ова е една од книгите што се читаат со молив во раката. На крајот ќе ви останат малку реченици кои не сте ги подвлекле.“ Ди велт
-
ИКИГАИ
0380,00 денНајдобро чуваната тајна на јапонската долговечност се нарекува икигаи. Значењето на тој збор може да се опише на различни начини, но сите тие водат кон едно – причина за живот! Јапонците велат дека секој има свое икигаи. Кога ќе го пронајдете, имате сè што ви е неопходно за долг и среќен животен пат.
Идејата за оваа книга се раѓа од средбата меѓу Ектор Гарсија, кој 12 години живее во Јапонија и проникнал во јапонската култура и битот, и популарниот шпански романсиер и психолог Франсеск Миралјес. Тие нè водат во „селото на стогодишниците“ во северниот дел на јапонските острови Окинава. Нè запознаваат со некои од најстарите жители на планетата, кои ни ги предаваат своите поуки за вечна младост – начинот на исхрана, физичката активност, позитивниот светоглед и заемното помагање.
Икигаи ни ги открива тајните на прочуената јапонска долговечност кои понекогаш нам, на луѓето од Запад, ни изгледаат неразбирливо и недостижно. Овој водич за една нова култура на живеење е збогатен со најпознатите јапонски вежби за долга младост и ќе ви покаже дека секој човек може да ужива во долг живот полн со оптимизам и среќа.
Зошто не и вие?
-
УМЕШНОСТА НА ВОЈУВАЊЕТО
0250,00 денНапишана пред повеќе од 2000 години, оваа книга, што ја составил мистериозниот војник-филозоф, и ден-денес претставува една од најценетите и највлијателни книги за стратегиите на војувањето, што со еднакво внимание е проучувана и од современите политичари и лидери како што била и од војсководците од дамнешните времиња. Како студија за анатомијата на организациите кои се наоѓаат во војна, Умешноста на војувањето може да се примени на секаков вид натпреварувања и битки, низ целиот свет – од интерперсонални до интернационални. Целта на оваа книга е да се достигне непобедливост, да се издвојува победа без борба, да се стекне моќ што не може да биде совладана од противниците, а која ќе се темели врз сфаќањата за физиката, политиката и психологијата на конфликтите.
„’Најдобро е да се победи без борба‘, говорел Сун Цу. Според него, војната и животот се случуваат во исто време. Оваа книга не содржи ниту една застарена максима или нејасно упатство. Совладајте ги нејзините начела и можете слободно да заборавите на современите книги за менаџмент“. Њузвик
-
ПРОРОКОТ
0150,00 денПо дванаесет години, доаѓа денот кога Пророкот мора да го напушти островот Орфалес. Пред да замине, народот се собира околу него на чело со свештеницата Алмитра, молејќи го да им ја пренесе својата мудрост за љубовта, за бракот и децата, за времето, за радоста и тагата, за законите и казните, за давањето, пријателството… Просветлувачките и човечни одговори на Пророкот му даваат на народот безвремена водилка за животот.
Пророкот станува бестселер уште со своето прво издание во 1923 г. Оттогаш делото е преведено на над 40 јазици, а неговата инспиративна лирична проза се смета за класика. Мистичните илустрации од надарената рака на самиот писател се совршено визуелно надополнување на ова моќно дело, целина што е вистински мевлем за душата и сетилата. Пророкот е непресушен извор на мудрости и поуки за сите сфери на човековото живеење, што им вдахнува духовност на световните прашања.
Како што пророковите мисли се дар за жителите на Орфалес, така оваа книга е Џибрановиот универзален дар на човештвото, аманет што се пренесува од колено на колено.