Овој впечатлив дебитантски роман е сместен во волшебниот амбиент на Оксфорд. Тој ја раскажува незаборавната приказна за една амбициозна млада жена која сака да се докаже пред светот и за еден харизматичен маж кој ќе ја запознае со љубов што ќе ѝ го промени животот. Совршен избор за љубителите на романите на Џоџо Мојс и на Николас Спаркс.

Американката Ела Дуран уште од својата тринаесетта година е целосно посветена на една единствена цел – да студира на Оксфорд. На дваесет и четири години, конечно ја остварува својата долгогодишна желба, добивајќи ја престижната Родсова стипендија. Но, токму кога пристигнува во Англија, ја ангажираат во претседателската кампања на еден политичар во подем. Се договараат да работи од далечина, а по завршувањето на годината во Оксфорд да се врати во Вашингтон. Ела сака целосно да се препушти на доживувањето, но еден локалец – брз и во зборувањето и во возењето – ќе ѝ ги упропасти и кошулата и првиот ден.

Кога дознава дека истиот локалец ќе ѝ предава англиска книжевност – Џејми Девенпорт, Ела почнува да се сомнева дека Оксфорд нема да биде таков каков што отсекогаш го замислувала. Но, едно доцно дружење открива неочекувана блискост меѓу нив. Она што почнало како авантура, прераснува во нешто подлабоко, сѐ додека Ела не ја открие тајната на Џејми што ќе им го промени животот.

Ненадејно, Ела се наоѓа пред речиси невозможна одлука. Таа мора да избере: дали да се откаже од мажот во кој се вљубува поради своите политички амбиции, или да остане со него и да се соочи со искушенија за кои не е подготвена. Како што се ближи крајот на годината во Оксфорд, Ела се преиспитува дали нејзините долгогодишни соништа се сè уште она што навистина го сака.

Кога еден војник со бурно минато и надежна композиторка се согласуваат да стапат во брак поради воените бенефити, ниту еден од нив не очекува многу од другиот по кажувањето „Да“. Тогаш ги снаоѓа трагедија, а границата помеѓу реалното и лажното почнува да се заматува во оваа итра и возбудлива романса, совршена за фановите на Николас Спаркс и Џоџо Мојес.

Кеси Салазар и Лук Мороу се две сосема различни личности. Остроумната Кеси навечер работи во бар во Остин, Тексас за да скрпи крај со крај додека цели кон сонот да стане пејачка/композиторка. Лук тренира во војската, назначен е да замине на должност, и наоѓа утеха во суровата дисциплина во службата. Но, една случајна средба во барот на Кеси го менува текот на нивните животи.

Кеси има мака да ги отплати медицинските сметки откако ѝ дијагностицираа дијабет. Кога наидува на својот стар пријател Френки, кој сега е пријавен во војската, таа му нуди договор: ќе се омажи со него во замена за подобро здравствено осигурување, а тие ќе можат да ги поделат парите што доаѓаат како придобивка од имањето „семејство“. Кога Френки ја одбива, неговиот привлечен, но иритантен пријател Лук се пријавува како доброволец да се ожени со Кеси. Она што таа не го знае е дека и тој има очајни причини поради кои сака да стапи во брак. Во оваа незаборавна љубовна приказна, Кеси и Лук мора да ги тргнат настрана нивните различности со цел нивниот брак да изгледа вистински… освен, ако некаде попат, не се претвори во вистински…

Ферн Брукбенкс голем дел животот поминала размислувајќи за Вил Бакстер.

Во своите рани дваесетти години, минала само дваесет и четири часа со овој извонредно привлечен уметник-идеалист, а нивната средба се претворила во целодневно доживување на Торонто. Моментот бил погрешен, но меѓусебната поврзаност очигледна: си ги раскажале секоја тајна и секој сон, и свечено се договориле да се сретнат една година подоцна. На таа средба дошла Ферн, но не и Вил.

Ферн сега има триесет и две години, и животот не ѝ изгледа како што замислувала. Повторно живее во родниот крај и го води езерското одморалиште на мајка ѝ. Таму владее неорганизираност, негов директор е поранешното момче на Ферн, а самата не знае од каде да почне.

Ѝ треба план и насочување. На нејзино изненадување, спасот се појавува во ликот на Вил кој пристига на местото со задоцнување од девет години, носејќи куфер и понуда да ѝ помогне. Но како таа да му верува на овој човек-фантом кој сега носи скапи костуми и кој ни оддалеку не личи на младичот што го запознала пред толку години? Вил крие нешто, а Ферн не е сосема сигурна дека сака да дознае што.

Но десет години пред ова, тој ја спасил неа: може ли сега таа да го стори истото за него?