-
Натриум хлорид
0550,00 ден#9 СЕКТОРОТ Q
Во возбудливиот претпоследен трилер од серијалот, тимот тргнува во лов на криминалец кој со години се провлекува незабележано.
На својот шеесетти роденден, една жена си го одзема животот. Кога случајот пристигнува на бирото на Карл Морк, нему не му е јасно каква врска има тоа со одделот за нерешени случаи бидејќи причината за смртта се чини сосем очигледна. Сепак, неговиот шеф, Маркус Јакобсен, е убеден дека тоа е поврзано со нерешен случај што го мачи уште од 1988 година.
На барање на Маркус, Карл и колегите од Секторот Q, Росе, Асад и Гордон, неволно почнуваат да истражуваат. Набрзо откриваат дека претчувството на Маркус се покажува точно: во текот на последните три децении, на секои две години има необични, беспрекорно темпирани смртни случаи со меѓусебна поврзаност што вклучува мистериозни купчиња сол на местото на злосторството. Како што истрагата навлегува подлабоко, се покажува дека овие „несреќни случаи“ се, всушност, дел од пакосна шема на убиства.
Соочени со својот најтежок случај досега, дополнително отежнат од рестрикциите со ковид-19 и предизвиците што им ги носи приватниот живот, колегите од Секторот Q влегуваат во трка со времето за да го пронајдат виновникот пред да се изврши следното убиство, зашто станува сѐпојасно дека убиецот нема намера да сопре.
-
Волкот
0450,00 денВо четвртата книга од серијалот преведен на триесет и три јазици, Самуел Бјорк како потврен крими-мајстор нè враќа во минатото и на првиот случај на двајцата познати инспектори.
Тела на две убиени единаесетгодишни момчиња се пронајдени на поле среде Шведска. Помеѓу нив – бел зајак. Во дневникот на една од жртвите стои загадочна исповед: „Утре излегува месечината. Се плашам од Волкот.“ Случајот останува неразјаснет. Осум години подоцна, уште две деца се убиени на сличен начин во близина на Осло, а помеѓу нив – мртва лисица.
На Холгер Мунк, шеф во новата единица во одделението за убиства, му треба помош во решавањето на случајот. Добива препорака за младата кадетка Миа Кригер, која на испитите на академијата постигнува невообичаено високи оценки.
Мунк и Миа заедно копаат по темните, гнасни случаи, што стануваат многу поинтригантни отколку што можат да замислат, а масло на огнот долева веста за исчезнувањето на уште две дечиња…
„Феноменален и возбудлив роман од најдобрата скандинавска традиција.“ Nordic magazine
-
Кога лажев за последен пат
0500,00 денЕдна мистерија и една вистина закопани под многу лаги се темел на овој брилијантен психотрилер што ќе се поигрува со вашиот ум во текот на целата приказна.
Од летниот камп „Најтингејл“ исчезнуваат три девојчиња што никогаш не се пронајдени. Приказната предизвикува огромен медиумски публицитет, а кампот е затворен…
По петнаесет години, четвртото девојче од друштвото, Ема, веќе позната сликарка од њујоршката сцена, се враќа во повторно отворениот камп за да држи часови по сликање. Ема го гледа ова и како можност да ја реши мистеријата за цимерките, но и да се оттргне од сенките на минатото.
Напнатоста буквално извира од секоја страница, а како што постапно се откриваат важните детали, читателот останува без здив во обидот да дојде до вистината за исчезнувањето на трите девојчиња.
Спектакуларниот крај остава без зборови и во целост прави пресврт на сѐ што дотогаш сте помислиле.
-
Скриено во снегот
0550,00 ден#1 УБИСТВАТА ВО ОРЕ
Непосредно пред почетокот на скијачката сезона во Оре, на еден од ски-лифтовите е пронајдено мртво тело: смрзнато како камен, со усните истенчени од студ. Многу нешта укажуваат дека се работи за убиство.
Инспекторот Даниел Линдског дома има новороденче и нервозна и исплашена партнерка. Полицајката Хана Аландер долетува во Оре откако е присилена да замине од работното место во градската полиција на Стокхолм, ист ден кога момчето со кое одамна е во врска ѝ раскинува. Двајцата набргу длабоко се внесуваат во истрагата.
„Скриено во снегот“ е првата книга од драматичната серија романи од авторката Вивека Стен, чие дејство се случува на прекрасните шведски планини. Стен ја слика величествената природа преплетувајќи ја со силни описи на ликовите, со што создава напната мистерија за убиства која едноставно го маѓепсува читателот.
Се подготвува снежна бура, температурите вртоглаво паѓаат, сè повеќе животи се во опасност. Уште колку жртви ќе има пред да излезе вистината на виделина?
-
Жените од замокот Лафајет
0650,00 денПовеќето замоци биле заштитувани од мажи. Овој замок е од жени.
Приказна за прекрасниот замок Лафајет, од средиштето на Франција, раскажана низ различните историски периоди и животите на хероините на замокот.
Адриjaнa Лафајет, основачка на замокот, која во време на Француската револуција морала да се откаже од благородничката титула и од сопругот, за го задржи наследството што ќе стане инспирација на многу генерации во иднина.
Беатрис Ченлер, храбрата њујоршка визионерка, која за време на Првата светска војна ќе биде сведок на уништувањето на Франција, преземајќи го најголемиот предизвик во животот: да ја убеди Америка да се бори за она што е правилно.
Марта Симон, учителка и уметница, сирак, која целиот свој живот го поминува во замокот, гледајќи ја нацистичката тортура во Втората светска војна, одлучува да ги заштити децата што живеат во замокот а кои припаѓаат на еврејската заедница.
Сложено исткаен и моќно раскажан, „Жените од замокот Лафајет“ е роман за должноста и надежта, за љубовта и храброста, за силата што ја наследуваме од оние што биле пред нас.
-
-
Книга на изгубените имиња
0500,00 денНајпродавана книга според Њујорк тајмс
инспирирана од вистински настани за животот
на фалсификаторите на документи во време на
Втората светска војна.
Ева Трауб Абрамс, библиотекарка од Флорида, која е речиси пред пензија, едно утро, редејќи книги на полиците, погледот и запира на една фотографија во едно
списание кое лежи отворено на нејзиното биро. Таа се
замрзнува, тоа е слика на книга што не ја видела повеќе
од шеесет и пет години – книга која е позната под името
„Книгата на изгубени имиња“.
1942 година, Ева е принудена да избега од Париз
по апсењето на нејзиниот татко, полски Евреин. Наоѓајќи засолниште во едно мало планинско гратче во
слободната зона, таа започнува да фалсификува лични
документи за еврејските деца што бегаат во неутрална
Швајцарија. Но, бришењето на луѓето има цена, и заедно со мистериозниот, убав фалсификатор по име Реми, Ева одлучува дека мора да најде начин да ги зачува
вистинските имиња на децата кои се премногу мали за
да се сетат кои се тие навистина. Записите што ги чуваат во „Книгата на изгубени имиња“ ќе станат уште поважни кога ќелијата на отпорот за која работат ќе биде
предадена и Реми ќе исчезне… -
Ангели и демони
1600,00 денПрофесорот Роберт Ленгдон, прочуениот симболог од Харвард, е повикан од директорот на светски познатата, швајцарска истражувачка установа ЦЕРН за да анализира криптичен симбол втиснат на градите на еден убиен физичар. Она што го открива е незамисливо, смртоносна одмазда против Католичката црква од страна на вековната подземна организација – Илуминатите. Во очајна трка да го спаси Ватикан, Ленгдон ги здружува силите со прекрасната и мистериозна научничка Виторија Ветра. Заедно тие тргнуваат во избезумен лов низ запечатени крипти, опасни катакомби, напуштени катедрали и во длабочините на најтаинствениот трезор на земјата… одамна заборавеното дувло на Илуминатите.
-
Азбуката на куклата
0350,00 денМашини за шиење, кукли, огледала, конзервирана храна, продавници во кои се продаваат необични предмети, чудесни апарати – тоа се мотивите кои опсесивно се повторуваат во „Азбуката на куклата“. Инспирирана од расказите на Маргарет Атвуд, Анџела Картер и Ширли Џексон, младата канадска авторка Камила Грудова создава еден необичен книжевен универзум, кој изненадува со својата оригиналност и привлекува со својата застрашувачка убавина. Расказите од „Азбуката на куклата“ се издвојуваат со својата имагинативност и оригиналност, но исто така и со моќта да предизвикаат силна емоционална реакција кај читателот. Во нив авторката ја изместува реалноста сосем доволно за да ги задржи нејзините познати елементи, но истовремено и да ги премести до границата на заумното, па дури и на апсурдното. Светогледот во расказите варира од детски и наивен, до гротескен и мрачен, спојувајќи ги елементите на фантастиката, бајките и хоророт во еден вид современо преосмислување на надреализмот. „Приказните на Камила Грудова се како бајки што сонуваат дека се кошмари. Во нив постои еден сосем нов свет, кој нè повикува да го откриеме за потоа да нè зароби во себе.“ „Гардијан“ „Со овие раскази Камила Грудова се вбројува во една долга, значајна и исклучително привлечна книжевна традиција во која спаѓаат браќата Грим, Франц Кафка, Анџела Картер, Џорџ Орвел, Маргарет Атвуд и други автори чиишто дела ги истражуваат тајните што се кријат во темнината.“ „Харперс магазин“
-
Победникот беше таа
0400,00 денВо романот именуван ,,Победникот беше Таа'' ќе се запознаете со младата хероина којашто ја поседува главната улога во целосната приказна. Таа постанува нов член во семејството Петревски, кои топло ја пречекуваат во љубовните прегратки, и се до нејзината предучилишна возраст посветено се грижат и ја негуваат љубовта во секој поминат заеднички миг. Нора облеана од родителска љубов е среќно дете кое понатаму ненадејно ќе се соочи со огромна мрачна темнина, запаѓајќи во море од солзи предизвикани од трансформираното однесување на нејзините родители. Тотален пресврт се случува во нивниот дом, агресијата, негативноста, физичкото и психичкото напаѓање ја завладуваат љубовта, мирот и хармонијата. Нора пронаоѓајќи ја улогата во трагач по светлината на животот, со помош на вградената истрајност и незапирливост ќе ги прифати предизвиците и разочарувачките удари на коишто ќе наиде во раната возраст, соочувајќи се со бура на тажни емоции кои неочекувано ќе создадат емотивен пад. Одалеченоста од мајчинската прегратка ќе и постане недостапна и засекогаш одбиена. Поставувањето забрана за дружење со најдобрата пријателка Ека, која потекнува од семејство коешто не се во добар сооднос, ќе ја судри со дополнителен удар кој потполно ќе ја повреди. Присилно ќе ја изолираат во собата на тагата, недозволувајќи и надворешен пристап се до нејзината 18-та годишна возраст. Патем Нора и нејзината борбена моќ, доследно со најголемата поддршка Ека успеваат во понатамошниот период да го извлечат доброто, и да го оддржуваат позитивното да опстои во нив. Нора неподлегнувајќи им на нивниот груб однос, трпеливо со постоечката искра надеж молејќи се деноноќно на бога допринесуваше силна вера во остварување на молитвите, и пристигнување на денот од лишување на страдалниот период, и како птица во лет се препушти на очекуваната слобода. Како Нора и Ека се справуваа со сета оваа тешкотија? Кој е излезот на оваа кризна состојба? Дали можеби моќта на оптимизмот е причинителот на победата? Како успеа да ја оствари победата? Романот е осмислен според вистинска приказна кој е пресликан во пишана форма, и верувам дека секоја страница ќе ви испушти нова воздишка. Доживеј ја и ти победата!
-
Succubus
0400,00 ден„Се знае и за ѓаволските книги што си ги читала. А се знае што чуваш во ковчежиња и дека си го уби свршеникот. Си станала сукубус. Знаете што е тоа?“ Иако им се обрати на стражарите и Тобиас, не се се заврте кон никој од нив, туку со перверзна надменост гледаше во Луција. „Ајде, ти барем си читала, знам дека знаеш. Народот ги вика сукуби, женски демони, мачат мажи, ги снеможуваат, им ја крадат силата.“
Почеток на XVIII век. Палењата вештерки низ Европа се стивнати, но не и исчезнати. За време на неделна миса во катедралата, шеснаесетгодишната Елисавет здогледува таинствена туѓинка и во истиот миг се опседнува со мистеријата околу неа. Луција Лилит Абдеел, омажена за локален благородник, покрај таинственоста, во новиот град со себе ги носи и гласините дека била осомничена за вештерство.
Самаел, црковниот прислужник и другар од детството на Елисавет, наоѓа начин да ја пикне на работа во богаташкиот дом на туѓинката. Елисавет гледа и сфаќа дека гласините за нејзината господарка не се неосновани, но од ден на ден и нејзината верност кон неа сѐ повеќе расте.
Елисавет, Самаел и Лилит стануваат нечисто свето тројство во обидот Луција да избега од несаканиот брак со човекот кој ја спасил од клада.
„Не горат благородници, Елисавет, запомни го тоа. Горат гревовите како мене и тебе.“
-
Како пердув на ветрот
0400,00 денПонекогаш, еден ден може да обележи цел еден живот.
На 12 август 2019 година Виола добива неочекуван повик од Лили, нејзина поранешна сосетка и најдобра пријателка. Сега двете имаат по осумдесет години и Лили е на смртна постела. Животот ги разделил во младоста, но никогаш не престануваат да мислат една на друга.
Длабокоемотивниот роман на Софија Лундберј ги прикажува животите на Виола и Лили така што ги потсетува на истиот, значаен датум, од 1950-тите до денес. Кога Виола и нејзините ќерки итно заминуваат за Париз за да ја видат Лили за последен пат, прашањето што со години ја измачува Виола најпосле добива одговор.„Како пердув на ветрот“ е приказна за бесмртното пријателство, љубовта и џезот.
-
Победниците
0750,00 денМоќна, емотивна приказна која влева надеж за подобра иднина!
Поминаа две години од настаните на кои никој не сака да се сеќава. Сите се обидуваат да продолжат понатаму, но има нешто што ги спречува во тоа. Жителите и понатаму се соочуваат со големи прашања: Што е семејство? Што значи еден хокеарски тим? Што е заедницата? И што сме подготвени да жртвуваме за да ги спасиме?
Додека се борат да го надминат минатото, пред нив се исправуваат нови предизвици. Бидејќи ова е град со тежина во срцето. Сакаат приказни со среќен крај, но длабоко во себе се плашат дека овој нема да биде таков.
Некој се враќа дома по долго време. Некој ќе го погребаат. Некој ќе се заљуби, некој ќе се обиде да го сочува бракот, некој ќе мечтае за НХЛ а некој ќе стори сè за да си ги спаси децата. Некој ќе мрази, некој ќе се бори, а некој ќе ја грабне пушката и ќе замине кон хокејското лизгалиште. Сè ќе започне со бура, а ќе заврши со оган.
Конечно – што е семејство? Што значи еден хокеарски тим? Што е заедницата? И што сме подготвени да жртвуваме за да ги спасиме?
Сè. Едноставно, сè.
-
Американската авантуристка
0650,00 денПриказната за Џени Џером Черчил, мајката на Винстон Черчил, наследничка родена во Њујорк, која секогаш го живеела животот по свои услови.
Ќерка на њујоршкиот финансиер Леонард Џером, Џени е родена во богатство – и скандал. По разделбата на нејзините родители, нејзината мајка ги однела Џени и нејзините сестри во Париз, каде г-ѓа Џером била решена да ги омажи своите ќерки во најелитните семејства. Гламурозниот град станал неподносливо место за живеење откако девојките го завршиле училиштето. Бегајќи во Англија, во посета на кралицата Викторија, Џени го привлекува вниманието на аристократот Рендолф Спенсер-Черчил, син на војводата од Марлборо. Тоа беше љубов на прв поглед, а неконвенционалниот брак беше поттикнат од нивната меѓусебната амбиција и раѓањето на двата сина.
Откако рано станува вдовица, Џени продолжува дрско да го живее животот, пркосејќи им на крутите ставови на општеството со нејзиното интимно пријателство со Едвард, принцот од Велс, озлогласен боем. Подоцна и со двата брака со помлади мажи. Кога нејзиниот син Винстон ја започна својата брилијантна политичка кариера, Џени станува неговиот најгласен и највреден поддржувач.
-
Речно улиште
0250,00 денДебитанската книга и првата збирка раскази од Драги Михајловски.
Расказите се реминисценции од детството на авторот во кои провејува фиктивниот свет на неговите сеќавања. Спомените и детските фантазии се ројат околу Курдерес, битолската река што денес повеќе не постои, како пчелите околу водата. Оттука доаѓа и насловот на збирката. Писателската имагинација кривулка по течението на Курдерес (на турски „волчи поток“) низ мозаикот од разни детски доживувања, сеќавања, расположенија, мечти и фантазии.
Во „Сенка“, „Слика“ и „Мрежа“ се прикажани случките од детството поврзани со родителите, во „Леван“ првите љубовни мечти и така натаму. Детството на авторот не е преокупација на Михајловски само во раниот период од неговото творештво, туку и во книгите за деца, како и во неговиот роман „Бдеењето на Одисеј“.
Книгата е оригинално објавена во 1981 година. Ова е прво нејзино издание оттогаш.„Движејќи се по работ на видливото и невидливото, можното и неможното, јавето и сонот, Драган Михајловски го открива пределот на фантазијата, внесувајќи во него сопствен сензибилитет, внесувајќи во тој отворен простор своја специфичност, што ќе биде забележана и од читателите и од литературната критика.“
Анте Поповски (1981) -
Последната куќа на улицата
0500,00 денПо смртта на сопругот, кој умира во несреќа додедека ја градел нивната куќа од соништата, Кајла Картер е свесна дека мора да сотане силна за нивната четиригодишна ќерка. Но, кога една постара жена се доселува во соседството, животот на Кајла тргнува во друга насока. Постарата нова сосетка на Кајла, Ели Хокли и вели да не се вцелува во куќата и таа речиси и ќе се согласи со неа. Повеќе од јасно е дека оваа жена има некаква врска со минатото….и врска со самата Кајла. Ели Хокли со себе носи тајни што се протегаат наназад, дури до педесетите години на минатиот век.
Дали Ели сака да ги исправи грешките од минатото? И дали последната куќа од улицата го има клучот за разрешавање на мистеријата?
Раскажан во два временски периода, Последната куќа на улицата е роман на шокантни предрасуди и насилство, забранета љубов, потрага по правда и заплеткани лози на две семејства.