-
Себастијан Фицек
Пациентот
од: Себастијан ФицекПРЕД ЕДНА ГОДИНА: Тил Беркхоф го сака својот син Макс со цело срце. Но и покрај тоа што го чуваат како сопствените очи и постојано го предупредуваат никогаш да не оди со непознати, Макс еден ден оди да игра со другарче и не се враќа дома.
СЕГА: Макс Беркхоф е исчезнат цела година. Само киднаперот знае што се случило со него. Дали е жив или мртов… Но киднаперот сега е во психијатриското крило на затвор со максимално обезбедување и одбива да каже нешто.
Па таткото на Макс нема друг избор, има само еден начин да се стигне до вистината: тој мора да влезе во психијатриското крило на затворот како пациент на тајна мисија. Планот е јасен: нема потреба од насилство, тој сака само признание, последна шанса да си го пронајде синот. Но како и во секоја книга на Фицек, ништо не е така како што изгледа…
450 ден315 ден
29 на залиха
Детали
ISBN: 978-608-260-037-6
Издавач: Издавачка куќа Сакам Книги
Година на издавање: 2020
Број на страници:
Други што може да ти се допаднат
-
Мрачни места
Во мало мирно гратче каде сите луѓе се познаваат и фино си живеат, се случува грозоморен масакр. Убиена е мајка заедно со своите две мали ќерки. Најмалата ќерка, Либи Деј, успева да побегне низ прозорецот, а братот, Бен Деј, е обвинет за убиството на своето семејство и осуден на доживотен затвор. Либи Деј тогаш имала само седум години и била клучен сведок за затворањето на нејзиниот брат.
Сега, после дваесет и пет години, Либи живурка и си ги исполнува деновите со постојано размислување за самоубиство. Таа сè уште го нема надминато масакрот, а и кој би можел? Но, баш кога мисли дека не може да биде полошо, се појавува група на луѓе кои се убедени дека таа го сместила погрешниот човек во затвор со нејзиното збунето, детско сведочење. Таа сепак не го видела убиецот, само го слушнала неговиот глас. Дали е можно Бен да е невин? Дали постои некоја семејна тајна што Либи би можела да ја открие или таа само се залажува затоа што сака братот да ѝ се врати?
Либи почнува да истражува и сфаќа дека сите во семејството имале по некоја тајна тој ден… а особено Бен. Кој го извршил масакрот?
-
Ејми ја нема
Бракот може да биде вистински убиец…
Едно топло летно утро во Мисури, Ник и Ејми се подготвуваат да ја прослават својата петта годишнина од брак. Се замотуваат подароци, се прават резервации во ресторани, но прекрасната и паметна сопруга на Ник одеднаш ја снемува од нивната куќа, а она што е оставено зад неа укажува на насилство…
Ник, сопруг на годината, не изгледа воопшто загрижено и исплашено за исчезнувањето на неговата сакана жена, но добро, секој што ќе го прочита нејзиниот дневник ќе открие дека алфа девојката перфекциониста би можела да извади од кожа секого. Додека целиот град ја жали и оплакува прекрасната исчезната девојка, нејзиниот сопруг презентира несоодветно однесување и бескрајна низа лаги и измами. Ник е сомнителен и дефинитивно огорчен, но дали навистина е убиец? И добро, ако тој навистина е невин како што тврди, тогаш каде е неговата прекрасна жена? И што има скриено во сребрената украсна кутија во плакарот во нивната спална соба?
Ејми ја нема е еден од најдобрите – и најзастрашувачките – портрети на психопатија кои постојат. Манипулативна, безмилосна, мрачна. Еден маж, една жена, еден брак и една љубов какви што досега не сте виделе…
Ѓаволски интелигентен и мрачен психолошки трилер кој ќе ве натера повторно да почнете да ја читате книгата уште еднаш, веднаш по завршувањето на последната страница.
-
Попуст!Алекс
Во случаи со киднапирање, првите неколку часа се клучни. После тоа, малите шанси жртвата да се пронајде жива се претвораат во речиси непостоечки.
Но оваа девојка не е обична жртва.
И покрај тоа што прекрасната, силна и паметна Алекс Прево не е обична девојка, нејзиното време истекува. Таа е затворена, заробена во кафез кој виси на два метри од земја, изгладнета, претепана, оставена на милост и немилост на човекот кој сака да ја гледа како умира.
Детективот Верховен нема ништо важно за да ја води истрагата: нема осомничен, нема трага, а и неговата надеж полека исчезнува. Сè што знаат е дека крупен човек киднапирал девојка на улица во Париз и ја пикнал во бело комбе. Никој не знае кој е киднаперот, никој не знае која е девојката, никој не ја пријавува за исчезната со денови… Енигмата за судбината на Алекс ќе го прогонува Верховен сè до горкиот, ужасен крај.
А нема да помине долго време пред спасувањето на нејзиниот живот да стане негов најмал проблем.
Со освојувањето на престижната награда Dagger за интернационален трилер, судиите рекоа: „Брилијантен трилер, напната трка помеѓу неколку паралелни приказни кои вџашуваат и шокираат кога најпосле се пресретнуваат. Оригинал и напнат крај кој ги надминува очекувањата.“
Емилија – :
предобра книга, непредвидлива, Фицек мајстор за психолошки трилери
Александар Николовски – :
Со исклучок на крајот, книгата е одлична! Една од подобрите на Фицек, моја топла препорака. 4,3/5 🙂
Јана – :
💣ТРИЛЕРИШТЕ 💣
Фицек што направи човеку 😵😳
Ако финтата е да не оставиш без сон тогаш успеваш! Јас ова психо дело го прочитав за еден ден, зошто е нешто што не се испушта од раце и страните опседнато ги вртев се додека не добив одговор на прашањето кој таткото Тил си го поставува веќе цела година : КАДЕ Е ТЕЛОТО НА СИН МИ ? Што пропуштам ?
Се започнува една проклета ноќ кога Тил му дозволува на својот 6 годишен син накратко да оди кај неговата пријателка. Одеднаш исчезнува, а со тоа и последната шанса дека ќе се врати жив. Во меѓувреме славниот киднапер на деца завршува во лудница, а по начинот на извршување на делата станува очигледно дека тој е виновникот и за исчезнувањето на Макс. Но иако сите дела ги признава, за тој случај молчи. Таткото скршен од тага знае дека единствен начин да ја дознае вистината е да влезе во лудница лично тој. Но мора да глуми лудак и да доживее голгота од страдања за да го добие одговорот. Дали се уште има надеж? Ќе издржи ли да извлече жива глава од таму , а притоа да не му ја смачка главата на киднаперот ? Како ќе го погледне во очи и ќе се соочи со најголемото страдање на еден родител ?
Луѓе книгава е баш ЛУДНИЦА и е еден од најдобрите психотрилери кој сум ги читала. Не можам да кажам повеќе без да откријам спојлер , верувајте НИШТО не е така како што изгледа ! Крајот е шокирачки. Ќе се преплашите, ќе се сожалите, ќе се израдувате на момент и ќе ги доживеете сите можни емоции во оваа луда вожња низ мозокот на еден пациент. Баш како што се и неговите чувства 😵🤯
Ве предупредувам, држете се јако !
Од мене има без двоумење 5 ⭐⭐⭐⭐⭐ !!
Слаѓан – :
Одличен психолошки трилер, долго се памети – а особено крајот е топ! 😀
игор – :
тешка тема за читање но многу добар психо-трилер, се чита во еден здив. ја препорачувам на сите, чиста десетка за книгава !
Денис – :
Најдобра книга на Фицек.
Стефани (го има купено овој производ од сајтот) – :
Значи ако не си поигра Фицек со вашиот мозок,тогаш нема кој друг.💥
Одличен трилер!
Nadja – :
Ваква книга ниту ќе претпоставите дека постои ниту пак ќе ја заборавите откако ќе ја прочитате 🤯😍