Б. К. Борисон е американска авторка на современи романтични романи, позната по топлите, шармантни приказни со многу хумор, нежност и незаборавни ликови. Нејзините книги најчесто носат пријатна cozy атмосфера, силна романтична хемија и љубовни приказни што потсетуваат на класичните романтични комедии.

Публиката ја освои со серијалот Lovelight, кој започнува со романот Lovelight Farms, а потоа продолжи и со серијалот Heartstrings. Нејзиниот роман „Љубов на радио“ (First-Time Caller) е инспириран од духот на романтичните комедии од 90-тите и филмот Sleepless in Seattle.

Борисон вели дека за неа љубовните приказни претставуваат еден вид безгранична надеж, а токму тоа чувство е препознатливо и во нејзините книги.