Ксенија Николова е македонска писателка и авторка на современа проза. Таа започнала да пишува уште од млада возраст, а нејзините дела обработуваат теми како љубовта, човечките односи, семејството, зависностите и менталното здравје.

Авторка е на повеќе романи, меѓу кои „Сите мажи ја сакаат Лиа“, „Емотивен манипулатор“, „Незадоволна“ и „Зад маските“. Нејзините книги се објавувани и на други јазици, вклучувајќи англиски, руски, бугарски и српски.

Покрај пишувањето, Ксенија е активна и како креаторка на содржини и основачка на иницијативата Better Women Better World, која се фокусира на поддршка и охрабрување на жените.