Продавница

Филтер

Прикажи

Мртва ладна
0

Во бајковитото село Три Пајнс во Квебек, додека селаните се подготвуваат за Божиќ, некој се подготвува за убиство. Главниот инспектор Арманд Гамаш е повикан да ја истражи причината за грозната и необична смрт на една жена. Не му треба многу време да сфати дека госпоѓата Сиси де Поатје не била омилена. Но, и покрај тоа што сите ја мразеле – меѓу кои и нејзиниот сопруг, љубовникот и ќерката – како е возможно никој да не види како се измачува од електричен удар среде подмрзнатото езеро? Инспекторот длабоко копа во случајот за да дознае каде лежи вистината. Набргу сфаќа дека и тој си создава непријатели. Со доаѓањето на страшните зимски ветришта, надоаѓа нешто уште пострашно. Во следните денови уште два смртни случаи ќе се најдат пред брилијантниот детектив Арманд Гамаш, легенда од рангот на Херкул Поаро и Шерлок Холмс!

350,00 ден
Додај во кошничка
Мртво тело во библиотеката
0

Едно рано утро полковникот Бантри и неговата сопруга Доли ги буди вознемирувачкиот глас на куќната помошничка, која им соопштува дека долу во нивната библиотеката има мртво тело. Иако не верувајќи, тие навистина наоѓаат мртво тело на една млада, силно нашминкана девојка облечена во вечерен фустан. Никој не знае која е таа и како воопшто се нашла токму во домот на Бантриеви. Тогаш, Доли ја повикува нејзината пријателка и аматер-детектив, госпоѓицата Марпл, за да помогне во откривањето на идентитетот на девојката и расветлувањето на ова убиство. Освен за овој случај, оваа кротка, но мошне прониклива старица, ќе успее да ù помогне на полицијата и при расветлувањето на уште еден случај на убиство, директно поврзано со првото убиство.

Романот „Мртво тело во библиотеката“, објавен во 1942 година, е необична приказна со многубројни меѓусебно испреплетени и живописни ликови, а како што велат и книжевните критики: „Не треба многу време за да се прочита ова дело, но двата случаи на убиство изобилуваат со толку мистерија околу нив, што нема да сакате да ја оставите книгата додека не се открие убиецот со помош на остроумноста и интуицијата на Џејн Марпл“.

380,00 ден
Додај во кошничка
Мудар родител – време е за градинка
0
„Мудар родител – време е за градинка“ е книга што е од суштинско значење за сите родители што имаат деца на возраст од две до шест години. Со неа ќе станете родител каков што отсекогаш сте сакале да бидете!

Психологинката и семејна терапевтка Хедвиг Монтгомери одговара на сите прашања поврзани со децата што се на предучилишна возраст: Што значи доброто воспитување? На кој начин детето расте и се развива преку играта? Колку е важно за детето да се дружи со другите деца? Дали караницата меѓу браќата и/или сестрите е опасна? Како да излезете накрај со неволите, бујната фантазија и со сите нови емоции што ќе го обликуваат детското секојдневје?

Во периодот кога одат во градинка, децата се многу љубопитни и тогаш го формираат односот кон светот што ги опкружува. Затоа вашата најважна задача е да допрете до нив и заедно да ги дискутирате доживувањата и искуствата со кои се соочуваат. Детето треба да сфати дека вие сте водич од доверба.

Норвешкиот серијал од пет книги Мудар родител почна да се објавува во 2018 година и стана меѓународна сензација што се чита во над 25 земји.
650,00 ден
Додај во кошничка
Мудар родител – среќен тинејџер
0

Петтата книга од серијалот посветен на семејниот живот и начинот на воспитување ќе ви помогне да ги согледате потребите на детето кога е на возраст помеѓу 13 и 19 години.

Адолесценцијата е период кога на родителите им изгледа дека детето станува и го напушта сето она што го изградиле заедно. Големото ново чувство кај тинејџерите е желбата да се оддалечат од познатото.

Тие го прават тоа за да се пронајдат самите себе, но семејството во кое пораснале и во кое веројатно им е добро, сега се доживува на целосно нов начин. Тинејџерите бараат подобри верзии, сонуваат за нешто друго: за родители кои се покул, за подобра исхрана и поопуштена атмосфера. Меѓутоа, дури и кога се оддалечува, детето во целост зависи од односот што го имате. Истовремено сте и пресудни, но веќе и помалку важни.

Зошто тинејџерите сè повеќе ја губат самодовербата и стануваат самокритични? Зошто срамот на оваа возраст е посилен од порано, а стравот од погледите на другите понекогаш е речиси оневозможувачки?

Тинејџерските години се напорни, кревки и полни со животни случајности. Покрај тоа што другите ги гледаат поинаку, тинејџерите го менуваат и погледот што го имаат самите за себе. На адолесцентите никој не им се насмевнува како што е тоа случај со малите деца. Училиштето во нив ја всадува сериозноста што ги чека, а од друга страна и љубовните проблеми стануваат посложени.

Потрудете се барем вие да сфатите дека под лушпата создадена од проблемите се крие човечко суштество. Покажете разбирање и поддршка за оние кои навистина ја чувствуваат силата што се разбудила.

600,00 ден
Додај во кошничка
МУДАР РОДИТЕЛ – СРЕЌНО БЕБЕ
0

ебињата се чудо! Не е важно колку деца имате, искуството со секое е ново, различно, посебно, и како родител никогаш не престанувате да се грижите што е најдобро за вашето дете.

Мудар родител – среќно бебе е модерна библија за родителите на дваесет и првиот век. Во седум лесни чекори, психологинката и семеен терапевт Хедвиг Монтгомери ги води родителите низ првите 24 месеци од детскиот живот. Бидејќи првите две години од животот се навистина чудесни. Неверојатно е да се воспитува дете од првите денови, од немоќно бебе што само лежи или лази до дете што чекори покрај вас и говори. Во еден момент тоа не може ништо, а веќе во следниот може сè. Тие две години се како цела вечност, еден посебен универзум. И затоа е потребен овој придружник!

Како да имате среќно дете? Како да стекнете доверба? Како да го подготвите детето за тешките нешта што следуваат? Колку навистина смеете да бидете нервозни? Која е најчестата грешка што ја прават родителите?

Мудар родител– среќно бебе е поучна и едноставна книга, која ќе ве научи како да станете родител каков што посакувате да бидете.

600,00 ден
Додај во кошничка
Мутации
0

Домашната мува Леон Зумса се буди едно утро и се наоѓа себеси преобразена во „монструозен ‘рбетник“, односно човечко суштество. Лавот од сатирата на Курт Тухолски „Лавот избега!“ мутира во поларна мечка која го истражува хипстерскиот Берлин. Моделот на статуата на Венера од приказната на Проспер Мериме „La Venus d’Ille“ работи како млад роб во „фирма“ која покажува неверојатни паралели со денешниот работен свет. „Анегдотата од последната пруска војна“ (Клајст) е поместена во иднината, каде што последните четири луѓе се борат едни против други. „Повикувањето на големата мечка“ на Ингеборг Бахман е вкрстено со митот за Чулу на Лавкрафт и резултатот е песна што потсетува чудно на Готфрид Бен.

„Мутации“ се 7 приказни и 1 песна, секоја базирана на класичен текст, од Црвенкапа до Вирџинија Вулф!

300,00 ден
Додај во кошничка
На големото корито
0

Една романсиерка учествува во телевизиска емисија по повод објавувањето на нејзината прва книга. Таа не се сомнева дека нејзината слика на екранот ќе вознемири еден од телевизиските гледачи вработен како градинар во градот Ножан-Ле-Ротру. Откако ја отслужил својата казна за злосторство што го извршил пред 30 години, тој сега води мирен живот. Но неочекувано, повторно ќе мора да се соочи со сопствените избори и грешки. Зашто романсиерката е ќерка на неговата жртва и за пет дена ќе дојде во локалната книжарница за да ја промовира својата книга.

Во напната и мачна атмосфера, додека го чека соочувањето со личноста од која се плаши но од која не може да избега, за овој осамен човек почнува одбројувањето…

Приказна во која секој лик е во потрага по емоционално закрепнување, откако ќе ја прифати одговорноста за своите постапки. Роман за верноста во потрагата по вистината, поттикната од желбата и потребата да им простиме на другите – но и себеси.

300,00 ден
Додај во кошничка
На господин Филип, со љубов (Бриџертон #5)
0

Џулија Квин

Сер Филип смета дека знае сè што треба за Елоиз Бриџертон. Од преписката со далечната роднина на неговата покојна сопруга, ja замислува како повлечена стара мома која копнее да стапи во брак. Затоа, решава да ја запроси. Но… таа воопшто не е таква. Жената што стои пред неговиот праг е вистинско изненадување – не само што е убава, туку е и храбра, зборлива и мошне паметна. А секогаш кога ќе престане да зборува, тој посакува само едно – да ја бакне.

Елоиз Бриџертон никогаш не би се омажила за човек што не го познава. Но совладана од љубопитноста, се качува во кочија и тргнува во ноќта за да го запознае мажот кој се надева дека ќе биде нејзиниот совршен сопруг. Но… тој воопшто не е таков. Нејзиниот совршен партнер не би бил толку намуртен и некултурен. И несомнено требало да ѝ спомене дека има две мали и мошне немирни деца, на кои им е потребна мајка, исто колку што нему му е потребна сопруга.

520,00 ден
Додај во кошничка
На дверите на вечноста
0

Св. Лаврентиј Черниговски

Житие, пророштва, поуки и чуда на големиот заштитник и покровител на Руската земја, пророкот на Второто Христово доаѓање, духоносниот старец кој многу души изведе од длабочината на адот и ги изведе на патот на покајанието.

„Како да се спасам баќушка?“, го праша една жена старецот. „Постојано пеј: ’Слава на Бога во висините и на земјата мир’. Во душата треба да завла- дее мир. Спасението не е тешко, туку мудро. Во ова време треба да бидеш мудар“, додаде старецот, „ и ќе се спасиш“.

„Светиот старец имаше срце полно со љубов. Зборуваше: ’Како е можно да се даваат епитимии? И така сите страдаат. Треба сите да ги љубиме, да простуваме и да се молиме за сите. Јас на никого не му давав епитимии“.

„Ќе дојде време“, зборуваше преподобниот отец Лаврентиј, „кога ќе се обновуваат и затворените храмови, и тоа не само од надвор туку и одвнатре. Куполите ќе се позлатуваат и на црквите и на камбанариите. А кога сето тоа ќе се заврши, ќе завладее антихристот. Молете се Господ да ни го продолжи времето за да зацврснеме, затоа што нè очекува страшно време. Гледате ли како сè се подготвува на лукав начин? Сите цркви ќе бидат во најголем раскош како никогаш претходно, а во нив нема да смее да се влегува.

„А вие, во реновирањето на нашата црква бидете умерени кога е во прашање нејзината надворешност. Повеќе молете се, одете во црква додека има можност, особено на Литургија на која се принесува Бескрвната Жртва за гревовите на целиот свет. Почесто исповедувајте се и причестуваjте се со Телото и Крвта Христови и Господ ќе ве зајакне.

Господ Исус Христос создал една Црква (а не цркви) која нема да ја надвладее ни вратата од адот. Само Православната црква е Света, Соборна и Апостолска. Другите кои себе се нарекуваат цркви, не се цркви, туку демонски какол меѓу пченицата и демонска банда’.

Баќушката заповедал: да се молиме и да постиме. На големите празници и во неделите никако да не се работи, сè нека стои така како што е.

250,00 ден
Прочитај повеќе
На запад ништо ново
0

Секој војник останува жив благодарејќи на илјадници случајности.

И секој војник верува и му се препушта на случајот. Од школската клупа директно на бојното поле. Паул Бојмер на почетокот на Првата светска војна е регрутиран заедно со своите врсници во германската војска. Млади и полни со идеализам, тие стануваат силни војници. Но наспрема поривот што го тера да војува, Паул води уште една битка во себе – онаа против омразата што бесмислено ги тера луѓето да се борат во различни униформи, едни против други.

На запад ништо ново е најпопуларниот и најпреведуван воен роман на сите времиња. Не можеле да го замолчат ниту прогонството на Ремарк од татковината ниту горењето на неговите книги. Бил и останува сведок на разорните последици што војувањето ги носи врз личната и колективната болка и судбина.

Оваа книга е жестока осуда на ужасите на војната. Обид да престанат или барем да се ублажат нејзините трауми, повик да не се повтори никогаш. Надежна приказна што зрачи со љубов и грижа за човештвото.

300,00 ден
Додај во кошничка
НА КРАЈОТ ОД ДЕНОТ
0

ДОБИТНИК НА БУКЕРОВАТА НАГРАДА

По три децении служба во Дарлингтон хол, батлерот Стивенс тргнува на заслужено патување низ земјата, и наедно во службена посета на својата некогашна колешка, г-ца Кентон. Во текот на патувањето размислува за својата дотогашна кариера, за да си потврди дека преку службата на еден „голем џентлмен“ му служел на човештвото. А спроти средбата со госпоѓица Кентон, го преиспитува нивниот однос во кој се насетувало нешто повеќе од колегијалност… Но во неговите спомени демнат сомнежи за вистинската природа на „големиот“ лорд Дарлингтон кому му служел, и уште поголеми сомнежи во сопствените избори и пропуштени можности.

На крајот од денот е маестрален психолошки портрет на еден совршен англиски батлер од златната доба која бледнее на прагот на повоена Англија. Напишан на префинет стил од перото на Казуо Ишигуро, ова е трогателен и моќен роман за вистинските вредности и за суштината на човековата среќа.

380,00 ден
Прочитај повеќе
На лов
0

„На лов“ е дебитантски криминалистички роман на авторката на интернационалниот бестселер „Списокот со гости“ – Луси Фоли. Инспирацијата за оваа книга е едно зафрлено место во Шкотска, кое ја разгорува нејзината фантазија.

Атмосферата на дочекот на Новата година се загрева. Девет добри пријатели ја поминуваат вечерта разменувајќи приказни и сеќавајќи се на заборавените спомени. А сепак, дружината е потајно свесна дека веќе не ги поврзува ништо освен заедничкото минато, длабоките стари рани и тајни, доволно непријатни што со леснотија би можеле да го разорат нивното пријателство.

Кога часовникот отчукува полноќ, а поседот ја фаќа силна снежна бура, во снегот осамнува изобличено тело. Дружината е заробена на поседот, а сè упатува на убиство.

Никој не може да дојде. Но, никој не може ни да замине. Дури ни убиецот.

460,00 ден
Додај во кошничка
На небото има реки
0

Водата се стврднува при неповолни услови, исто како и човечкото срце.

Во древноста, крај животодавната река Тигар, една мала дождовна капка паѓа врз главата на суровиот владетел Асурбанипал, опседнат со глинените плочи на кои е запишан познатиот еп за Гилгамеш. Следејќи го цикличниот пат на капката низ вековите, патуваме низ земјите и културите, а нејзините промени нè носат до нови херои: момче со генијална меморија родено на брегот на валканата Темза во викторијански Лондон, наглуво девојче кое во 2014 г. со баба ѝ заминува во долината Лалиш, свето место на нејзиниот народ соочен со уништување. Во наши дни, ним им се придружува една научничка која го напушта сопругот и се сместува во својот нов дом: брод на реката Темза.

Овој волшебен роман на Елиф Шафак ги следи чудесните текови на водата, историјата и судбините, испишувајќи приказна проткаена со длабока емпатија за несреќните и отфрлените. Водата владее над сите нив – таа е и предвесник на животот и гласник на смртта. Иако телото е смртно, душата е вечен патник – исто како капката вода. Водата памети. Луѓето забораваат.

„Одисеја, еп, приказна за искупување. ‘На небото има реки’ е повик да им се оддаде почест на елементарните сили кои ни ги обликуваат сеќавањата, историите, нашиот свет. Накратко – ремек-дело.“
Рут Озеки

650,00 ден
Додај во кошничка
На пат кон дома
Оценето 4.75 од 5
4

Оној кој го знае часот на својата смрт веќе почнал да умира малку по малку…

Сабота е, нешто малку по 22:00 часот. Јулс Танберг е на смена како волонтер во телефонската служба за жени кои бараат смирувачки глас на другиот крај на линијата за да ги придружува додека се враќаат накај дома доцна навечер или каде што се јавуваат во итни случаи. Но досега, ниеден од тие случаи не бил ништо којзнае колку сериозно. Дефинитивно ништо опасно по живот. Сѐ до денес. Сѐ до разговорот на Јулс со Клара.

Младата жена е преплашена. Таа е убедена дека ја следи маж кој веќе ја има нападнато еднаш претходно. Маж кој напишал еден датум на ѕидот во нејзината спална соба, и тоа го напишал со крв. Датумот кога Клара ќе умре. А тој ден доаѓа за помалку од два часа…

Мистериозен, опсесивен, вознемирувачки… ова дефинитивно е најстрашниот психолошки трилер на Фицек досега!

420,00 ден
Прочитај повеќе
На полковникот нема кој да му пишува
0

Еден пензиониран полковник, ветеран од Илјададневната војна, петнаесет години по ветувањето и официјалната одлука, ја чека својата пензија. Во меѓувреме, живее во скудни услови со својата жена-астматичар и еден петел, единствениот спомен од неговиот неодамна убиен син Агустин.

Болеста на жена му, безизгледноста на пензиските примања и хроничниот недостиг на средства го изложуваат полковникот на една незгодна неизбежност: да го продаде својот високо ценет петел, непоразен во арената.

Но — соочени со гордоста и достоинството — и неизбежностите се чинат минливи.

300,00 ден
Додај во кошничка
На работ
0

Памела Клер

Што би направил кога копнежот те турка до работ?

Истражувачката новинарка Кетрин Кет Мартин го запознава планинскиот ренџер Гејбриел Гејб Роситер кога тој ја спасува по нејзиниот пад заедно со одронот на карпи во националниот парк Елдорадо Кањон. По неколку месеци, тој повторно ѝ доаѓа на помош кога еден полициски службеник од Болдер ги обвинува неа и другите американски Индијанци за нелегално престојување на местото Меса Бјут.

Некој сака да ги избрка домородните Американци од нивната света земја. Затоа, Кет и Гејб ги здружуваат силите за да ја истражат причината. Но поради страста што ја чувствуваат еден кон друг и кон вистината, тие ќе им станат трн во око на луѓето кои се доволно очајни за да убијат.

490,00 ден
Додај во кошничка