1

Последни коментари

Книга на неделата

Убиј го таткото 6  
  • img-book

    Бестселерот Која игра ја играш? на психијатарот Ерик Берн е книга што им помогна на милиони луѓе да ја сфатат динамиката на врските и да го подобрат својот живот.

    Сите ние играме игри. Тоа го правиме при секоја средба со другите. Природата на овие игри зависи и од ситуацијата, но и од другиот учесник во играта. Оваа класика е најдостапната и најпроникливата книга напишана досега за игрите што ги играме: оние шаблони на однесување кои ги откриваат нашите вистински чувства и емоции. Со мудрост и досетливост ни ги покажува мотивите што се кријат зад нашите врски и ги истражува улогите што се обидуваме да ги играме – и сме принудени да ги играме. Која игра ја играш? ви го дава клучот за психологијата на другиот – и на самиот себеси. Ќе станете поискрени, поефикасни и вистински тимски играч.

    „Генијална, забавна и јасна илустрација на психолошкиот театар што луѓето непрестајно го играат.“ Курт Вонегат

    Wishlist
    КОЈА ИГРА ЈА ИГРАШ? од: 400 ден
  • img-book

    По третпат Неџма ја зафаќа табу-темата во арапскиот свет: сексот. По Бадем, романот што ќе остане запаметен во историјата на литературата како прв еротски роман напишан од една Арапка, и Патеките на сетилата, кој го следи еротскиот пат на една млада муслиманка, овде ги откриваме авантурите на еден марокански студент.

    Карим пораснал во Мароко не знаејќи ништо за љубовта. Како студент, а потоа и новинар во Париз, се нурнува во вител на еротски авантури, постепено откривајќи дека не успева вистински да љуби. Додека неговата култура не учи како да се љуби жена, уште помалку Европејка, имигрантот Карим одненадеж паѓа во сексуалниот вител карактеристичен за западното општество. Судбината на тој пат ќе му ја прати Бадра, хероињата на Бадем, која ќе го земе во свои раце. Арапинот Карим ќе ѝ го раскаже својот љубовен и сексуален живот и притоа ќе ги сфати своите неуспеси. За возврат, Бадра, со берберска крв во себе, не ќе се премислува да му каже сè отворено за Арапите.

    „Овој решителен и храбар роман се вклопува во традицијата на приказните од Илјада и една ноќ, но во спротивна насока: овде маж раскажува на жена“. Sunday Times

    Wishlist
    КИЛИБАР И СВИЛА од: 320 ден
  • img-book

    Книгата која се распродаде во над 5.000 примероци, добива свое продолжение!

    Авантурите на срцето на Лајла Грејс продолжуваат. Што ѝ се случува на вечно заљубената, во животот и во љубовта, хероиња?

    Куси белешки пишувани онака како што чувствува срцето, емоции од најскришните катчиња на душата преточени во мастило на хартија, љубовни болки во кои се пронаоѓа секоја барем еднаш заљубена душа, урбани ситуации кои сите ги препознаваме и животни крстопати на кои барем еднаш сме застанале. Сите радости и болки на срцето се собрани во овие страници пред вас.

    Кратки, луцидни и искрени размисли на кои секогаш ќе им се навраќате!

    Wishlist
    БЕЛЕШКИТЕ НА ЛАЈЛА ГРЕЈС: КАРМА од: 250 ден
  • img-book

    Момчето Гашпер, вљубеник во Интернет и во хорор-филмовите, само уште малку не ќе смее да ги гледа филмовите за 12+. Тој живее со мајка си Мајда, која го напуштила сонот да стане сликарка,  и таткото Јоже, кој сè почесто отсуствува од дома, што предизвикува бурни кавги… Него почнува да го копка чудното (не)расположение на мајка му, па почнува да пребарува на Интернет и доаѓа до сознанието дека ќе стане популарен во училиште ако дознаат дека мајка му се дрогира… Но дали не се работи за нешто друго?

    Гашпер си има и други проблеми. Соученичката Тина го избегнува во училиште и сака да разговараат само по Скајп. Го прогонуваат и го исмеваат тројцата школски насилници. А најдобриот другар Марко е готов да го предаде за да се спаси од нив… Текот на овие секојдневни настани е прекинат од жестоката караница на родителите, ненадејното исчезнување на мајка му и посетатата кај чудниот Макс… Одеднаш, животот на Гашпер почнува да добива друга димензија!

    Wishlist
    КАКО ВО ФИЛМ од: 340 ден
  • img-book

    Запознајте ги сите лица на ноторната Бернадет Фокс! За нејзиниот маж и Мајкрософт-гуру, таа е ексцентрична и своеглава; за архитектонските кругови е пионер на зелената архитектура; за останатите мајки чии деца учат во истото приватно училиште, таа е дрска и асоцијална, а за петнаесетгодишната Би е едноставно мама и нејзина најверна другарка.

    Еден ден, Бернадет исчезнува. Сè почнува кога Би се враќа со највисоки оценки и ја бара ветената награда – семејно патување на Антарктикот. Но сè посилната алергија на Бернадет од Сиетл – и од луѓето воопшто – ја прави толку голем агорафоб што најмува виртуелна асистентка од Индија за најосновни секојдневни работи. Патувањето на крајот од светот ѝ задава дополнителни главоболки…

    Во обид да ја најде мајка си – но и да ја разбере – Би собира имејлови, официјални извештаи, тајни преписки, доверливи документи од ФБИ, создавајќи заразно читлив и трагикомичен епистоларен роман за потиснатиот гениј и за силниот однос меѓу една мајка и една ќерка во овој апсурден свет.

    „Нетрадиционален роман за еден извртен гениј и силната врска меѓу мајка и ќерка, но можеби премногу ќе се смеете за да забележите.“ Опра магазин

    Wishlist
    КАДЕ ИСЧЕЗНА, БЕРНАДЕТ? од: 450 ден
  • img-book

    Романот Тунел е еден од најкарактеристичните романи од хиспано културата на ХХ век. Преку 39 кратки поглавја, Сабато ни ја раскажува љубовната приказна меѓу Марија и Хуан Пабло и злосторството поттикнато од една огромна страст, од човечката немоќ за комуникација. Раскажан во прво лице, Тунел е, всушност, отсликување на егзистенцијалниот тунел на современиот човек, неговата очајничка потрага по комуникација и разбирање.

    Овој роман се смета за прв дел од трилогијата на аргентинскиот писател Сабато, заедно со Херои и гробови и Абадон, уништувачот.

    Wishlist
    ТУНЕЛ од: 199 ден
  • img-book

    Кога ќе ја пронајдеш својата вистинската љубов, зграпчи ја. Минатото никогаш не се враќа за да го промениме. Една одлука влијае на целиот живот. Понекогаш изгледа страшно, изгледа тешко, сомнежите нè јадат однатре, двоумењето ни ги затвора очите и нè прави слепи и затворени за светот. Ричард Бах се плаши. Се плаши од тоа дека нема никогаш да ја пронајде вистинска љубов. Се плаши кога ќе ја пронајде. Се плаши дека се излажал. Во тој страв, кој му го задушува и кочи целото битие, тој решава да побегне, да побегне од љубовта воопшто. Меѓутоа, љубовта ги наоѓа своите патишта. Бах решава да порасне и да ја преземе одговорноста за себе и сопствениот живот, да ја прими љубовта со сето своето битие, затоа што, иако понекогаш боли, само така вистински се живее.Мост преку вечноста – Ричард Бах Една од најубавите љубовни приказни од авторот на култната книга Галебот Џонатан Ливингстон. Пишувана врз основа на автобиографски настани, на некој начин раскажувајчи ја својата животна сторија, Ричард бах раскажува за патиштата на љубовта и вечните дилеми, на тој начин изнесувајчи ни ја неговата животна филозофија. Кога ќе ја пронајдеш својата вистинската љубов, зграпчи ја! Минатото никогаш не се враќа за да го промениме. Една одлука влијае на целиот живот! Понекогаш изгледа страшно, изгледа тешко, сомнежите нè јадат однатре, двоумењето ни ги затвора очите и нè прави слепи и затворени за светот. Ричард Бах се плаши. Се плаши од тоа дека нема никогаш да ја пронајде вистинска љубов. Се плаши кога ќе ја пронајде. Се плаши дека се излажал. Во тој страв, кој му го задушува и кочи целото битие, тој решава да побегне, да побегне од љубовта воопшто. Меѓутоа, љубовта ги наоѓа своите патишта. Бах решава да порасне и да ја преземе одговорноста за себе и сопствениот живот, да ја прими љубовта со сето своето, затоа што, иако понекогаш боли, само така вистински се живее. Ричард Бах (1936- ) е американски автор, најпознат по својот роман Галебот Џонатан Ливингстон. Најголем дел од неговите книги се полу- автобиографски, во кои употребува вистински или фикционализирани настани однеговиот живот за да ја илустрира неговата филозофија: влегуваме во овој свет на Привиди и Појави за забава, за да учиме, да ги споделуваме искуствата со оние кои ни значат, да истражуваме, и најмногу – да научиме како да сакаме повторно и повторно. Ова е приказна за витезот на смртна постела и за принцезата која му го спасува животот. Ова е приказна за убавицата и ѕверот, за магиите и тврдините, за привидните сили на смртта и вистинските сили на животот. Ова е приказна за најважната авантура на светот, без оглед на векот во кој се одвива.

    Wishlist
    МОСТ ПРЕКУ ВЕЧНОСТА од: 199 ден
  • img-book

    Првиот ден од новата година. Самуел де Хуан, триесет и седумгодишен професор по германска книжевност, своеволен осаменик во постојан страв од ненадејна смрт, се буди уверен дека ни таа нова година нема да му донесе ништо ново. Меѓутоа, еден мал четириножен посетител влегува во неговиот самечки живот, со цврста намера и да остане во него. Доаѓањето на Мишима, младиот уличен мачор, е почеток на чудесните промени во херметичкиот свет што си го создал главниот јунак, првиот мал чекор кон љубовта во мало… Чекор по чекор, Самуел де Хуан го напушта својот тивок свет на книги, музика и филмови, своите вкоренети навики и домашната ергенска педантерија, и се преселува во свет со „густо населена, бучна осаменост“.

    Благодарејќи на лукавиот мачор, ги запознава необичниот Валдемар, поранешен физичар што е преокупиран со тајните на Месечината и на човечката душа, стариот сосед Титус, компилатор на разни водичи низ животот и магијата, убавата и осамена ветеринарка и светот на случајностите што ќе го вратат триесет години назад, во замокот на „бакнежот на пеперугата“, и кај Габриела, осамената жена на неговиот живот.

    Забавна и нежна приказна за љубовта и пријателството, што ќе го трогне читателот со малите тајни на среќата.

    „Франсеск Миралјес е длабок, бистар и оригинален писател. Им го препорачуваме овој роман, лекција по љубов и човечност, на сите што веруваат дека можностите на човечкото духовно зреење и менување немаат граници. “

    Wishlist
    ЉУБОВ СО МАЛИ БУКВИ од: 199 ден
  • img-book

    Живееме во култура copy paste. Културата што доживеа подем со развојот на информационата технологија. Таа е производ на општеството на изобилието чии плодови се користат на секој чекор. Таа е промотор на глобалното село. Таа е резултат на судирот на индивидуалната егзистенција и општествениот систем. Култура на конфликтот. Контрадикторна култура до срцевината. Оксиморон. Електрицизам. Хибрис. Глобална култура со која управуваат ‘бунтовници’. Бунтот како поза. Вмрежени битници!:))

    Кои од придобивките на оваа култура copy paste ќе преживеат? Одговорот на ова прашање ќе го даде времето. Ние, во оваа библиотека, само ги пренесуваме. Ништо не проповедаме ниту симулираме. Само го пресликуваме она што се случува на полето на книжевноста, уметноста, бизнисот. Бизнисот? Да, зошто да не?! Впрочем, што останува кога ќе ја одвоиме уметноста од маркетингот? Празни галерии, сали и книги што никој не ги чита. Можеме да мрмориме и да негодуваме, но така е. Доколку тоа не ви се допаѓа имате друга опција: цут. јуст (дон’т) до ит!
    Октав Паранго, ненадминат првак во креирањето на рекламни слогани, поминува низ лош период во животот. Неговиот талент страда од претерување во консумирање на кокаин, трошење на пари, лесни девојки и непроспиени ноќи. Помеѓу монденскиот кварт Сен-Жермен де-Пре, семинарот во Африка и снимањето на реклами во Мајами, овој млад рекламџија ќе се обиде да ги состави делчињата од својот растурен професионален и сентиментален живот. Ексцесивна критика или документарен пастиш; како и да ја доживеете оваа книга, нема да им одолеете на духовитите забелешки на сметка на светот во кој живееме, затрупан со рекламни спотови што ни ги диктираат животните идеали.
    За Фредерик Бегбеде едни велат дека е лицемер, елитист и париски сноб. Други го сметаат за идеолошко дете на Мишел Уелбек и најдобар писател на новата книжевна сцена во Франција. Тој самиот, пак, тврди дека не е Бубо (буржуј боем) туку Бобу (богаташ бунтовник). За него пишувањето не значи да се објаснува животот, туку да се прикаже без шминка. Вели дека книгите мора да одат подалеку од телевизијата ако сакаат да поттикнат интерес. Тие мора да го покажат невидливото. Овој талентиран млад писател смета дека денес „непотчинувањето станало облик на потчинетост“ и дека „револтот претставува составен дел на играта“. Биди и ти дел од забавата.

    Wishlist
    399 од: 199 ден
  • img-book

    Точно е тоа што го велат луѓето: кога долго време трагаме по вистината, оној ден кога конечно ќе ја откриеме настапува најтешкиот дел. Што да се направи со неа?

    Која е вистината што се крие зад таинствената насмевка на деветгодишниот Гилјермо? Момче со сини очи кое еден ден сака да биде Мери Попинс. Момче кое не ги сака грубите машки игри и се дружи единствено со Насија, девојчето доселено од Пакистан, кое му се доверува дека е веќе свршена за еден свој возрасен роднина. Саканиот син кој секој четврток добива писмо од својата отсутна мајка, со која никогаш не може да се види и да се слушне…

    На учителката Соња Гил и неговиот непристапен татко ѝ личат на санта мраз под која трепери нешто таинствено, злокобно. Заедно со училишниот психолог Марија, тиесе обидуваат да ја  одгатнат детската душа и психа. Чекор по чекор, трпеливо навлегуваат во чудниот свет на Гил. Преку неговите многузначни цртежи и искрените есеи, тие на крајот ќе ја откријат тажната вистина и ќе сфатат зошто тој толку копнее да биде Мери Попинс.

    Wishlist
    Син од: 380 ден
  • img-book

    Со добра комуникација можеме да постигнеме сè. Комуникацијата е размена на пораки меѓу луѓето. Тоа е процес во кој праќаме, примаме и ги модификуваме пораките. Во секојдневниот живот, под комуникација многу често се мисли на разговор. Но разговорот е само еден аспект од комуникацијата, зашто таа се остварува на многу нивоа и на многу начини.

    Комуникацијата, едноставно, не може да се избегне. Дури и кога не зборуваат, луѓето комуницираат – со погледи, со гестови, со положбата на своето тело… Ние сме тие што можеме да го менуваме текот на комуникацијата според својата слободна волја, но и според несвесната мотивација – својата или на соговорникот. А најдоброто во тоа е што комуникацијата е вештина што може да се научи!

    Оваа книга е вистински практичен водич кој ќе ви ги покаже сите аспекти на комуникацијата и начините за нивно усвојување. Со нивна помош ќе остварите квалитетни односи со луѓето со кои доаѓате во контакт – во семејството, на работното место, во непосредната и пошироката околина… Научете добро да комуницирате и бидете господар на секоја ситуација!

    Wishlist
    ИНТЕРПЕРСОНАЛНИ КОМУНИКАЦИСКИ ВЕШТИНИ од: 350 ден
  • img-book

    Еден ден познатиот писател дознава дека неговата сопруга, воен известувач, исчезнала без трага. Иако времето му донесува нови успеси и нови љубови, нејзиното исчезнување се повеќе го збунува – и се повеќе го опседнува. Дали е киднапирана, или станала жртва на уцена или едноставно здодеал нивниот брак? Немирот што го предизвикува таа е силен исто колку и привлечноста што ја зрачи. Потрагата по неа – и по вистината за неговиот сопствен живот – го води од Франција во Шпанија, во Хрватска и во прекрасните и пусти пејзажи на централна Азија. И повеќе од тоа – го одведува од сигурноста на неговиот свет на сосем неизвесен пат, на кој ќе побара нова смисла на природата на љубовта и на силата на судбината. Со својот нов роман Пауло Коелјо не само што покажува колку силна и маѓесна е неговата раскажувачка вештина туку и ни разоткрива чудесен увид во она што значи да бидеш човечко суштество во светот преполн со можности. Пресоздавајќи го стариот мотив од исламската традиција, мотивот захир, односно оној што е видлив, присутен и што не е можно човек да го превиди – а на кој Борхес своевремено му даде статус на книжевна јавност – Коелјо го пишува својот Захир: опсесијата со љубовта која ту му изгледа света ту луда.

    Wishlist
    ЗАХИР од: 380 ден
  • img-book

    Ти си сонувач. Твоите соништа ќе станат реалност кога ќе одлучиш да ги живееш. Ти си семоќно суштество. Најголемата моќ е во твојата ЉУБОВ. Ти си светлина. Секогаш знаеш да блеснеш во најголе мата темница. Ти си ЧУДО.

    Луѓето кои се сакаат себеси им дозволуваат на другите да бидат тоа што се, прифаќајќи ги такви какви што се, без намера да ги променат. … Љубовта не значи да бидеш врзан, туку да бидеш слободен во своите избори, да бидеш целосен и кога никој не е до тебе, да се чувствуваш сакано и ако си заминат од тебе, да се сакаш иако другите не го сакаат тоа што си ти.

    Верата во доброто секогаш се враќа со добро. Ако сме отворени кон животот и даваме дозвола да ни се случуваат работите, животот секогаш ќе нѐ дарува кога ќе ни биде најпотребно. Животот нѐ сака и поддржува во секој момент, но за да го почувствуваме тоа, треба и ние да почнеме да го сакаме и да веруваме дека сме заштитени и поддржани.

    Wishlist
    ЗАВРТИ НОВА СТРАНИЦА ВО СВОЈОТ ЖИВОТ од: 250 ден
  • img-book

    Новото дело на славниот Фредерик Бегбеде, романот Живот без крај, е негова најавтобиографска приказна. Самиот автор ја нарекува темата на романот соодветна на неговата возраст – доколку претходните книги му беа за љубовта, сексот, бракот, експериментирањето со дрогите итн., во овој роман педесетгодишниот Бегбеде ги истражува темите на семејството, на смртта и вечниот живот.

    Нараторот на Живот без крај е опседнат со идејата да најде „лек“ за смртта и во таа навидум невозможна потрага ќе биде вклучено целото негово семејство. Трагањето по бесмртноста се претвора во луда авантура, за на крајот, останувајќи во доменот на предвидливото и исполнувајќи ги очекувањата на читателот, нараторот да открие дека бесмртноста постојано била пред него, отелотворена во неговите две ќерки.

    Бегбеде без патетика и со многу хумор ја допира оваа мрачна тематика и гради возбудлива приказна која завлегува во доменот на научната фантастика.

    Wishlist
    ЖИВОТ БЕЗ КРАЈ од: 400 ден
  • img-book

    Ехото доаѓа длабоко однатре и како ефектот на пеперутката стигнува до другиот крај на светот, каде некој непознат човек, читајќи ги твоите зборови, ќе се препознае во нив. На пеперутката ѝ требаат крилјата за да го постигне ефектот на преносливост, но зар човекот ги нема? Крилјата на човекот се неговите мисли и зборови. Можеш да ги рашириш до каде што сака твоето срце и до каде што ти дозволува твојата храброст. На крајот, сè се сведува на тоа:
    Умееш ли да сонуваш за подобар свет?
    Умееш ли да леташ високо над произаичното и медиокритетско секојдневје?
    Умееш ли да веруваш во луѓето?
    Умееш ли да им го отвориш срцето, за тие да ти ги отворат своите најинтимни мисли?
    Умееш ли да го отвориш умот за да ги видиш нивните добри страни?
    Умееш ли да бидеш активен слушател за да го чуеш ехото на слободата?

    Слободата е МОЖАМ. Слободата е ЖЕЛБА. Слободата е ЉУБОВ.

    Интервјуто е повеќе од занает. Тоа е состојба на духот.

    Wishlist
    ЕХО НА СЛОБОДАТА од: 399 ден
  • img-book

    Рибарско село на крајот од светот. Загадено езеро што полека пресушува и кобно се повлекува од бреговите. Мажите пијат вотка, жените се грижат за нив додека ловат риби среде бурите, а децата ја имаат за чешање својата егзема. А што има Нами? Нами нема ништо освен една бабичка со дебелкави раце. Но има и живот пред себе ‒ другари и детски игри, љубов кон училиштето, прва љубов што му ја обесчестуваат руските војници, а потоа му одземаат и сè друго…

    Но ако еден живот може да започне на крајот од светот, тогаш можеби може да заврши и на неговиот почеток. Приказна стара колку и самиот човек. Нејзиниот јунак тргнува на патување само со својата храброст и палтото што некогаш му припаѓало на дедо му ‒ за да ја најде мајка си. Но за да ја открие големата мистерија, мора да заплови и да го заобиколи езерото, а најпосле, да потоне до неговото дно во потрага по своите корени.

    Wishlist
    ЕЗЕРО од: 250 ден