Убиј го таткото
Единствениот кој може да го запре е единствениот кој му има побегнато…
Данте Торе поминал единаесет години во заробеништво – затворен во бетонските ѕидови на силос од страна на човек познат само како Таткото. Но успеал да го надмудри киднаперот. Сега работи за полицијата во Рим и неговите методи се малку невообичаени, но неговата генијалност е очигледна.
Кога една жена е обезглавена во парк во околината на Рим, а нејзиниот шестгодишен син исчезнува, полицијата наоѓа лесно решение: го апсат сопругот на жената и чекаат негово признание. Но началникот на полицијата се сомнева дека работата е толку едноставна. Па намамува двајца врвни аналитичари, кои важат за едни од најспособните детективи во Италија, да помогнат во решавање на сложениот случај: бестрашната детективка Коломба Касели и Данте Торе. Торе мора да се соочи со демоните од минатото за да се обиде да го реши овој случај. Сите докази упатуваат на тоа дека Таткото повторно е активен по декади криење… и дека сака повторна средба со Данте.
520 ден
Други што може да ти се допаднат
-
Јас те сакам повеќе
КОГО САКАШ?
Едно прашање, минијатурно делче од секундата и Брајан Дарби паѓа мртов на кујнскиот под во својата куќа. Неговата сопруга, државната полицајка Теса Леони, тврди дека го застрелала во самоодбрана, а нејзиното модро лице и скршени коски ја поддржуваат таа приказна. За искусната детективка Ди Ди Ворен, случајот е прилично јасен. Само што… каде е нивната шестгодишна ќеркичка?
И КОЛКУ ДАЛЕКУ БИ ОДЕЛЕ ВИЕ…
Детективите ја започнуваат потрагата по девојчето додека истовремено се трудат да ги откријат сите семејни тајни. Дали една тренирана полицајка навистина би си го застрелала сопругот? Зошто? И дали една мајка е способна да го повреди сопственото дете?
… ЗА ДА ЈА СПАСИТЕ?
За Теса Леони, најлошото следува дури сега. Таа чекори по тенко јаже, не може да побара помош од никој, не смее никому да верува. Таа има само една цел и планира да ја искористи секоја секунда тренинг за да дојде до неа. Ниедна жртва не е преголема, ниедно дело не е незамисливо. Мајката знае кого сака…
-
Мрачни места
Во мало мирно гратче каде сите луѓе се познаваат и фино си живеат, се случува грозоморен масакр. Убиена е мајка заедно со своите две мали ќерки. Најмалата ќерка, Либи Деј, успева да побегне низ прозорецот, а братот, Бен Деј, е обвинет за убиството на своето семејство и осуден на доживотен затвор. Либи Деј тогаш имала само седум години и била клучен сведок за затворањето на нејзиниот брат.
Сега, после дваесет и пет години, Либи живурка и си ги исполнува деновите со постојано размислување за самоубиство. Таа сè уште го нема надминато масакрот, а и кој би можел? Но, баш кога мисли дека не може да биде полошо, се појавува група на луѓе кои се убедени дека таа го сместила погрешниот човек во затвор со нејзиното збунето, детско сведочење. Таа сепак не го видела убиецот, само го слушнала неговиот глас. Дали е можно Бен да е невин? Дали постои некоја семејна тајна што Либи би можела да ја открие или таа само се залажува затоа што сака братот да ѝ се врати?
Либи почнува да истражува и сфаќа дека сите во семејството имале по некоја тајна тој ден… а особено Бен. Кој го извршил масакрот?
-
Зад затворени врати
Сè уште нема. Проверете повторно за некое време.
-
Другата жена
Проверете подоцна…
Draga – :
Предобар трилер, можеби ќе беше уште подобро ако беше напишан во помалку страници, но сепак те остава во неизвезност до самиот крај.
Топло го препорачувам 🙂
Александар Николовски – :
Солиден трилер, можеби малку развлечен, но во глобала многу добар.
Nadja – :
Еден од најдобрите трилери кои сум ги читала. Возбудлив, брилијантен, интелигентен полн со описи, детали и пресврти. Моја топла препорака 🤗❤️
Слаѓан – :
Данте и Коломба се едно незаборавно и несекојдневно дуо што потполно ме зароби, се чинат толку живи што лесно би помислиле дека станува збор за реални човечки суштества. Оваа книга ја прочитав со кнедла во грлото и со забрзан пулс, едноставно едвај се терав себеси да направам пауза, зашто е невозможно да прекинете со читањето. Изобилува со шокирачки пресврти, вознемирувачки сцени, мошне возбудливи случки и мрачна атмосфера. Ги голтав страниците и како што се доближував до крајот, имав чувство како јас да сум навлезен длабоко во мислите и постапките на главните јунаци. Одличен психолошки крими-трилер што дефинитивно ме измести, ме наежи, ме згрози и морам да кажам дека се најде во мојата топ 5 листа на прочитани трилери! Адреналински, брутален и оригинален, буквално ќе ви го одземе здивот 🔥
Се надевам дека набрзо ќе бидат преведени и двете продолженија – Kill the Angel и Kill the King!