• img-book

    Ништо не е невозможно кога желбата е поткрепена со цврста верба.

    За многу луѓе успехот изгледа лесен и достапен. Тие не работат повеќе од вас, ниту се поинтелигентни или поостроумни. Која е нивната тајна? Наполеон Хил ја знае, а сега и вие можете да ја откриете.

    „Мисли и збогати се“, продадена во над 20 милиони примероци, е бизнис-класика без која не може да се замисли овој вид литература, а и безброј успешни луѓе. Книгава, пак, што ја држите в раце изобилува со практични чекори и трансформативни методи со чија помош лесно и брзо од идеја ќе стигнете до немерлив успех.

    Секој кој има јасна замисла, зацртана цел и горлива желба да ја претвори во реалност, решително ќе работи да си го оствари сонот и да стане успешна и среќна личност. Секому во животот му се појавува можност за пресвртница. Треба само да ја насетите и да запомните дека практичните сонувачи никогаш не се откажуваат! Нема исклучоци. Сè што умот може да замисли и во што верува – може и да го оствари.


  • img-book

    НАШИОТ СВЕТ ГО ЧЕКА ВАШЕТО СЕКОЈДНЕВНО ХЕРОЈСТВО!

    Светски познатиот експерт во лидерство Робин Шарма над 25 години е ментор на милијардери, спортски и естрадни суперѕвезди, претприемачи, членови на кралски семејства, овозможувајќи им преку револуционерен систем да ги остварат своите најголеми амбиции.

    „Манифест на секојдневниот херој“ ќе ве инспирира да постигнете восхитувачки работи, ќе ве устреми кон вашите најголеми височини и ќе ве поттикне да дејствувате до своите крајни граници. Таа ви нуди потврдени техники со кои ќе создавате ремек-дела и непрестајна низа увиди за живот исполнет со голема убавина и духовна слобода. Притоа правејќи го овој наш свет подобар.

    Страниците на оваа чудесна книга ќе ви овозможат:

    ● внатрешен увид во тоа како најкреативните, најпродуктивните и најуспешните луѓе на светот стекнуваат врвни навики, си ги организираат деновите и ги водат своите големи животи

    ● моќна практика за поголема енергија и долговечност, за да го остварите својот неограничен гениј

    ● конкретен план за правење вистинско ремек-дело кое ќе ве води напред и ќе ги мотивира идните генерации

    ● техники засновани врз невронауката за преобразба на неуспесите во победи, стравот во поттик и повредите од минатото во секојдневно херојство. Шарма несебично ја споделува со нас мудроста што макотрпно ја стекнал во животот, за да ја зголемиме виталноста, да развиеме возвишено спокојство и духовна слобода кои создаваат убав живот.


  • img-book

    „Мој личен развој“ е уникатно изработен психолошки прирачник од експертот за личен развој Ведрана Стојановска. Оваа книга е несекојдневен водич за среќен живот што ќе ве насочи како да ги менувате секојдневните навики, како да го цените секој момент и на тој начин да успеете да ја промените својата судбина.

    Достапен во четири различни дизајни, прирачникот е поделен на три дела, секој со различен придонес во мисијата за среќен живот. Тој нуди психолошка анализа и запознавање со сопствената потсвест, по што ве води низ дневно планирање и себеанализа кои придонесуваат за остварување на сите ваши цели.

    Предводена од своите лични искуства и своето знаење, авторката создава нешто многу поинакво, нешто што ќе му помогне на секој човек кој сака да се посвети себеси и на своите соништа.


  • img-book

    Постојат три вида книги:

    книги за забава,

    книги за учење и

    книги за лична промена.

    Читајќи ја оваа книга, ќе дознаете на кој вид таа припаѓа.

    „Животот е убав ако се знае како да се живее“ е дело

    кое говори за човечките и животните судбини

    кои, како што ќе се уверите, можат да се

    менуваат без ограничувања, но само ако се знае

    како да се живее животот.

    Во секоја од петте приказни можете да

    препознате дел од себе и од својата душа, за на

    крајот да почувствувате како нејзините посебни

    делови одново се спојуваат во

    една смислена целина.


  • img-book

    Заедно со необичниот дар за султанот во отоманската престолнина пристигнува и малиот Џахан кој го има само Чота мудар и редок бел слон. Како скротувач во царската менажерија тој се спријателува со султановата ќерка Михрима и се вљубува во неа. По игра на судбината момчето го запознава главниот царски архитект Синан кој го зема под своја закрила и заедно со слонот ги создаваат највеличествените градби во историјата. Но додека ги градат овие ремек-дела меѓу четворицата чираци на мајсторот се јавува завист а под површината се насетуваат опасни струи…

    Бајковит историски роман за уметничката слобода и креативност, за судирот меѓу науката и традицијата. Облеан со боите на Османлиското царство, кога Истанбул е плоден центар на една цивилизација, Чиракот на архитектот е магична приказна во која љубовта и верноста се во постојан судир со желбата за моќ.

    „Величествена слика на Истанбул во екот на подемот и моќта, град преполн со магија и интриги.“ Дејли тајмс

    „Мајсторски исткаен и раскошен роман, со шекспировски заплети и мистерии, судбини во кои се исполнуваат пророштвата.“Индипендент


  • img-book

    Пречувствителноста не е слабост – може да биде твојата силна страна!

     

    Имаш ненадејни промени во расположението? Непријатно ти е меѓу непознати? Кога гледаш дека некој се чувствува лошо, знаеш што треба да направиш за да му биде подобро? Не сакаш метеж, врева или насилство? Ако на сите овие прашања си одговориш потврдно, тогаш со сигурност си пречувствителна личност и тоа ти создава тешкотии во животот.

    Федерика Боско отсекогаш знаела дека е пречувствителна. Уште од мала не ги сфаќала работите како другите деца, туку сѐ доживувала на своја кожа и многу подлабоко. Овој нејзин интимен дневник е практичен прирачник за сите кои размислуваат многу и се грижат премногу, но истовремено и за оние кои сакаат да ги разберат пречувствителните луѓе. Анализирајќи ја психата со сите нијанси на човековата душа, таа им нуди стратегија на луѓето кои живеат во подвоеноста на своите комплицирани и фасцинантни личности.

    Пречувствителноста не е слабост! Таа може да биде твојата тајна моќ. Со практичните совети на Боско можеш својата пречувствителност да ја претвориш во предност, да се ослободиш од лошите луѓе и ситуации и да му се радуваш на животот.


  • img-book

    Уште една неаполска приказна за преминот од детството во светот на возрасните

    Убавото лице на 13-годишната Џована почнува да се менува и да огрдува и таа сè повеќе заличува на тетка ѝ. Барем така мисли нејзиниот татко. Но дали таа ги гледа работите такви какви што навистина се? Дали се претвора во Викторија, жена која одвај ја познава, a која нејзините родители очигледно ја презираат? Во кое огледало би требало да се погледне за да се најде себеси и да успее да се засака и да се спаси?

    Џована го бара својот одраз во двете линии на нејзиното семејство, во двете крајности на сопствената личност. Растргната меѓу двата спротивни краја на родниот Неапол, меѓу височината и приземноста, префинетоста и вулгарноста, таа се впушта во една мачна потрага по вистината. Проникнувањето во долгогодишните семејни тајни ќе ѝ го открие нејзиното вистинско лице.

    Новиот роман на славната Елена Феранте е уште еден доказ за нејзиното ненадминато мајсторство да ги извлече читателите од реалноста и да ги пресели во својот совршено изграден книжевен свет.

    „Феранте толку умешно нè вовлекува во тинејџерскиот ум што сето она што изгледа неразумно – променливи расположенија, љубомора, страв, солзи и бес, ни се чини сосем нормално.“

    Тајмс, Велика Британија


  • img-book

    Ако работиш доволно напорно и се докажеш, и ги користиш умот и имагинацијата, можеш да си создадеш свет каков што посакуваш.

     

    Во оваа чудесна книга Малком Гладвел нè носи на интелектуално патување во светот на најдобрите и најмудрите, најпознатите и најуспешните – оние кои излегуваат надвор од рамките. Прашувајќи се што ги прави успешните луѓе поинакви, тој доаѓа до низа одговори што не сте ни знаеле дека ви стојат како загатки во умот.

    Ние обрнуваме премногу внимание на тоа какви се успешните луѓе, без да ги земеме предвид околностите во кои живеат, нивната култура, фамилија, генерација… И обично забораваме дека тие се концентрираат на сопствената природа и постојано работат на свое подобрување и самонадминување.

    Објаснувајќи ги тајните на софтверските милионери, што е потребно да се биде добар фудбалер, зошто Азијците се познати математичари и како Битлси станаа најпознатиот рок-бенд, Гладвел нè поведува во една неверојатна умствена авантура од другата страна на човечката природа.

     

    „Дознајте што ги издвојува луѓето со високи достигнувања од останатите – од Бил Гејтс до Битлси – во неповторливиот број 1 бестселер на Малком Гладвел.“

    Њујорк тајмс


  • img-book

    Магична книга која ткае поинаква приказна за волшебничката Кирка.

    Неугледна, повлечена и без никакви моќи, иако ќерка на богот на сонцето Хелиј и заводливата нимфа Персеида, малата Кирка е осудена на осаменост и потсмев. Но наскоро таа во светот на смртните луѓе ќе ја открие својата волшебна моќ.

    Сомничавиот Зевс ја прогонува на еден пуст остров, кој станува нејзино царство. Тука таа ги припитомува дивите животни, ги усовршува своите вражби и се среќава со многу митски јунаци – Дедал и неговиот несреќен син Икар, Минотаур, Медеја и лукавиот Одисеј во когошто се вљубува.

    Жената што сака да биде независна е демнета од најразлични опасности. Кирка несвесно си го навлекува гневот и на луѓето и на боговите, а на крај се соочува и со одмаздољубивата божица Атина. За да го заштити најмилото, мора конечно да реши дали местото ѝ е покрај боговите, од кои потекнува, или покрај смртниците, коишто ги засакува.

    „Волшебна приказна! Мадлин Милер создала смела феминистичка верзија на класичната приказна; во митскиот свет полн со богови, чудовишта и нимфи, длабоко во себе, главната хероина е иста како секој од нас.“

    О магазин

    „Иако знаеме како сè ќе заврши, оваа сочна приказна, раскажана во нова светлина, е напната и полна со неочекувани елементи.“

    Вашингтон пост


    Кирка од: 500 ден
  • img-book

    Не расправај многу за тоа каков треба да биде добриот човек, туку ти самиот биди таков.

    Медитации е светилник што големиот римски император и философ Марко Аурелиј го изградил среде разбрануваниот океан на секојдневните обврски и проблеми, со цел никогаш да не го загуби курсот на пловидбата кон моралноста и мудроста.

    Напишана на старогрчки јазик, без никаква намера некогаш да биде објавена, Медитации е извонредна книга философско-интроспективни записи за разбирањето на себеси, функционирањето на светот и универзумот. Со овие текстови, кои имаат цел да дадат лична утеха и да бидат охрабрување за водење едноставен живот проникнат со скромност, љубов кон луѓето и моралноста, Марко Аурелиј создава едно од најголемите философски дела на сите времиња. Книга на која ѝ се восхитуваат и од која се инспирираат државници, мислители и читатели низ целиот свет, ризница на мудрости во потрагата по смислата на животот.


    Медитации од: 250 ден
  • img-book

    Возбудлива мистерија што ги истражува филозофските концепти на западната мисла и се чита во еден здив. Со својот дваесетмилионски тираж, Светот на Софија со години ја распламтува фантазијата на читателите низ целиот свет.

    Еден ден четиринаесетгодишната Софија Амундсен се враќа од училиште и во поштенското сандаче наоѓа две писма со по едно прашање: Која си ти? и Од каде потекнува светот? Овие прашања ја опседнуваат Софија и ја одведуваат далеку од идиличното норвешко секојдневие. Низ писмата на еден анонимен филозоф таа се вклучува во еден вид курс по историја на филозофијата, од Сократ, па сè до Сартр. А што е уште почудно, во поштенското сандаче наоѓа и писма адресирани до друго девојче. Која е Хилда? И зошто нејзината пошта пристигнува кај Софија? За да ја разреши оваа загатка, таа мора да го примени она што го научила – но вистината е многу покомплицирана отколку што замислувала.

    “Чудесно… Она што Јустејн Гордер успеал е да смести 3000 години од човечката мисла во 500 страници; а на мошне возбудлив а сепак едноставен начин да ја раскаже сета приказна на историјата на филозофијата.
    Сандеј тајмс

    “Алиса во земјата на чудата од деведесетите… едноставно прекрасна и неодолива книга”.


    СВЕТОТ НА СОФИЈА од: 500 ден
  • img-book

    Животот не е бесцелна битка за комплетно игнорирање на туѓите мислења, туку е процес на формирање круг составен од луѓе, верувања и мислења кои не се само важни туку се и нужни за нашиот личен успех.

     

    Барањето одобрување од другите и грижата што мислат тие за нас е нешто сосем нормално, бидејќи е дел од човековата природа. Но тоа не значи дека секој од нас, во одреден момент во животот, не се обидел да го пронајде одговорот на најтешкото животно прашање – како да не се грижам што ќе мислат другите за мене?

     

    Одговорот е во кругот! Но кругот не е секогаш совршено затворен. Понекогаш спротивните верувања го разнишуваат. Меѓутоа ако е доволно силен, кругот ќе те направи имун на туѓите влијанија, и само тогаш ќе можеш да ги надминеш препреките. Само човек што се наоѓа во вистинскиот круг, кој е опкружен со вистински луѓе – може да направи чуда.


  • img-book

    Бајките патуваат низ времето и просторот, премостуваат векови и континенти, преминуваат низ општествените слоеви опишувајќи го патот кон успехот или падот, низ раскажување кое се обновува и постојано го преобразува слушателот во наратор, и обратно.

    Италијанските народни приказни распостилаат пред нас еден волшебен свет на маѓепсници и зли сили кои го демнат човекот, но кои тој секогаш успева да ги надитри. Тоа е еден напати нереален универзум населен со необични суштества, во време исполнето со чуда, а во суштина толку човечки. Кога се запишани од мајсторот на книжевниот збор Калвино, бајките стануваат ремек-дело повистинито од кој било современ роман. Не затоа што ни раскажуваат возбудливи приказни за јунаци и вештери, самовили или змејови, туку затоа што нè учат како да го живееме животот опкружени со нивните метафори.
    Калвино во овие бајки го внел целиот раскошен свет на кралеви и принцези, но и на сиромашни селани и момчиња кои со својата остроумност успеваат да се извлечат од замките на судбината и да се кренат над неа. Успевајќи со своето перо да ги истакне уникатните одлики на националниот фолклор, со овие приказни тој остава неповторлив печат во светската литература.

    Овие традиционални италијански приказни прераскажани од книжевниот мајстор се вистинско литературно богатство.
    Лос Анџелес тајмс

    Избрани приказни прераскажани од една од најголемите книжевни икони.
    Њујорк тајмс бук ривју


  • img-book

    Животот е борба. А колку потешка е борбата толку послатки се плодовите, толку посладок е животот.

     

     

    Ниту еден живот не е обичен, но некои животни приказни имаат малку понеобичен тек. Таков е животот на еден човек кој доживеа многу и пропатува на најразлични места во светот запознавајќи многу луѓе, но запознавајќи се и себеси… И тогаш реши стварноста што ја живее, а која и ти ја живееш, да ја запише на картони. Веројатно веќе знаеш за кого зборуваме. Е па, Кристијан е многу повеќе од Човекот со картоните.

     

    Запознај го одблизу и ѕирни колку „Живот“ се крие во неговата енергија. Да, многупати нè насмеал, но сега е време да дознаеме што се крие зад неговата насмевка. Зашто насмевките не кријат секогаш среќа. Понекогаш таму има и разбранувано море. Убавината е да научиш да пловиш и по него. Кристијан нека биде капетанот, а бродот, драги гледачу на животниот филм на Бомбакис, е токму оваа книга што ја држиш во рацете.

     

    П. С. Внимавај при пловењето, понекогаш е тешко да се одржува рамнотежата кога едната страна на морето те смее, а другата те расплакува.


    Живот од: 300 ден
  • img-book

    Книгите се пишуваат за да се каже она што се мисли, а не за да се прикрива вистината.

     

    Четврта, завршна книга од Неаполскиот серијал. Величествено финале на најголемата книжевна сага на 21 век.

    Брилијантната Елена и нескротливата Лила веќе се во зрели години. Низ сите голготи што им ги приреди судбината, нивното пријателство беше центарот на гравитацијата околу кој се движеа нивните животни приказни. И кога се чини дека сите лекции се научени и сите болки се веќе преболени, се соочуваат со најголемата загуба.

    Двете жени се бореа да избегаат од маалото во кое пораснаа. Елена се омажи и се пресели, објави неколку книги, но се врати во Неапол за да биде со мажот што го сака. Од друга страна, Лила никогаш не успеа да се ослободи од своето минато. Иако сиот живот се обидуваше да го избегне, сега станува незапирлив водач во тоа окружување и успешен претприемач. Сѐ до кобниот ден…

    Наспроти заводливата и опасна заднина на Неапол, приказната за пријателството е раскажана со неповторлива искреност и красноречивост. Сите четири дела од оваа сага создаваат незаменлива приказна која со секое навраќање им носи на читателите нови откритија.

     

    „Неверојатен завршеток на најбараната сага за силната пријателска врска меѓу две жени, од горчливото детство во Неапол до нивните зрели години.“

    Паблишер викли

    „Беспрекорен, зачудувачки книжевен еп.“

    Њујорк тајмс

    „Секој треба да ги прочита книгите на чии корици стои името Феранте.“

    Бостон глоуб


  • img-book

    Книгата „Емотивен талог“ произлегува од себезапрашаноста пред предизвиците на современото живеење и откривањето на сопствените стратегии за борба против сѐ што нѐ одвојува од нашата суштина. Ова дело е повик и поттик да се впуштиме во авантура на себеиспитување и себенадградување преку аналитички поглед во сопствениот емотивен талог.

    Гоце Смилевски

     

    Прозните цртички за „најдлабокото човечко“ на Ана Јовковска се албум на една лична интима, но воедно и освестувачки аларм за колективната свест и совест. Испровоцирани од радикалната промена на светот при соочувањето со монструозниот вирус, нејзините прозни записи се длабока интроспекција и потрага по примарните хуманистички вредности: среќата, љубовта, слободата, здравјето (физичко и ментално), моралот, солидарноста, природата, културата… Хибридните прози кои комбинираат расказ со есеј, колумна со критика, филозофија со психологија се необични книжевни медалјони, свежи и сочни. И, секако, не смее да се заборави – имаат розова боја, „крчкани“ се во женска кујна!

    Соња Стојменска-Елзесер

     

    Приказните од кујната на Јовковска се „крчкани натенане“, сериозно промислени и продлабени низ слоевите на колективните матрици, но едновремено длабоко прочувствувани и процедени низ решетките на сопственото искуствено доживување. Во нив таа навидум се занимава со себе и женските револуции што ги води, но нејзиното интимно соголување, всушност, крие гандиевска филозофија, длабоко верувајќи дека со личниот пример може да го трасира патот кон поправеден, послободен и попродуховен свет.

    Ана Мартиноска

     

    Извонредно слоевита и напишана со огромна вештина, книгата „Емотивен талог“ има силна интроспективна визура. Интелектуалната љубопитноста на Ана Јовковска е безгранична и повикува на креативен и продуктивен дијалог со читателите. Ракописот е густ како талог од кафе, натопен во разигран јазик на метафори, симболи и асоцијации, а сепак е едноставен, непретенциозен и лесно читлив.

    Владимир Мартиновски


    Емотивен талог од: 350 ден