• img-book

    На крајот, сè се сведува на (не)прифаќање на ранливоста на постоењето.

    Среде зима во туѓ град, еден млад човек почнува да ја раскажува својата приказна испреплетувајќи ја со туѓи биографии, за да не го изгуби чувството на припадност. Трагајќи по нејзината смисла, бара одговор за суштината на животот и смртта. Дали тој одговор лежи во архитектката Дорота, која со својата интелектуална енергија и егзистенцијалистичките монолози покренува уште повеќе прашања? Или пак во несреќниот Даријуш, хирург кој ја губи работата поради проблеми со алкохолот?

    Оваа книга е портрет на Градот – местото каде што се судираат индивидуалните судбини и универзалните правила, историските херои и настани и луѓето од сегашноста, кои заедно ја формираат сликата за Нештото и Ништото. Раскажувајќи општочовечки приказни, но користејќи ги сопствените искуства, Наврат создава филозофска приказна со импресивен и прецизен тон за едно недофатливо битие кое преку метафизичкото толкување ја бара смислата на постоењето.


    Тажниот гостин од: 300 ден
  • img-book

    Таа секој миг може да исчезне не кажувајќи збогум.

    Рикардо е опсесивно вљубен во една необична девојка која постојано исчезнува и ненадејно се појавува. Луд по неа уште од тинејџерските години, влегува во еден маѓепсан круг од кој не сака да излезе. Како и да се појави, како жена на француски дипломат, како љубовница на мистериозен јапонски бизнисмен или како сопруга на богат Англичанец, Рикардо жедно ја прифаќа поканата на неодоливата измамничка.

    Ќе дознае ли некогаш која е таа навистина? Тешко прашање, исто како и дилемите околу идентитетот, и личниот и националниот. Сите ликови расфрлени низ светот како семиња на ветер, опседнати со своите амбиции и желби, се луѓе кои се борат за своите идеали, подготвени да го сменат својот идентитет како да облекуваат нов костум.

    Во својот обичен живот во саканиот Париз, во свет на лаги и брзи промени, Рикардо не престанува да го очекува враќањето на своето лошо девојче. Ќе паднат ли на крај маските и ќе се открие ли вистинското лице на љубовта?

    „Приказна која опфаќа децении и континенти, раскажана со таква умешност што се граничи со вешто премостување на личното и универзалното.“

    Сан Франциско кроникал


  • img-book

    Ако не го правиш тоа што го сакаш, колку и да се фалиш со слободниот дух, не можеш да кажеш дека си слободен.

    Адријан Грин е романски хомосексуалец кој одлучува да се пресели во Лондон затоа што е веќе уморен од себедокажувањето, од сиромаштијата, од тоа да биде различен. Со месеци живее кај својот пријател Оли и кога веќе губи надеж дека ќе најде работа, среќата му се насмевнува: станува администратор на блиските гробишта.

    Во своите монолози и во разговорите со клиентите и новите пријатели, Адријан со сурова искреност, многу хумор и сарказам ни кажува што точно мисли за вербата и религијата, среќата и парите, музиката и книгите, сексот и љубовта, стравот и смртта. Гробиштата Вормхолт стануваат простор каде што тој постепено сфаќа дека среќата лежи во прифаќањето на сопствената вистина, а не во очите на другите.

    Искрен до крајност, доволно дрзок за да ги нарече работите со нивното вистинско име, доволно храбар да ги прифати различните, Адријан прераснува во бунтовник кон стереотипите, во човек кој ни ја враќа вербата во животот.


    Гробиштата од: 400 ден
  • img-book

    АКО НЕКОЈ ЧОВЕК САКА ДА БИДЕ СРЕЌЕН – ТОГАШ ЌЕ БИДЕ СРЕЌЕН И ТАА СРЕЌА НИКОЈ НЕ МОЖЕ ДА МУ ЈА ПОМАТИ.

     

    „Оддел за рак“ е длабока студија за современите канцерогени болести на телото и душата, и на човекот и на државата – и двете еднакво смртоносни. Величествен роман во кој е сумирано огромно количество човечки страдања и историски настани, ремек-дело на светската литература.

    Две години по смртта на Водачот, сите „жители“ на одделот означен со злокобниот број 13 се само дел од механизмот сè уште проникнат од сталинизмот. Дојдени од различни краишта на големата советска земја и од различни сталежи, секој од нив ја раскажува својата животна приказна – според замислата на Солженицин, „секој херој станува главен кога дејството стигнува до него“. Препуштени на безмилосната судбина,тие се осудени на немоќно одбројување на деновите што се обидуваат да го ублажат со своите зборови. Соочени со приближувањето на крајот, пациентите од одделот за рак прераснуваат во олицетворение на денешната ситуација и на стравовите на современиот човек, немоќен и беспомошен пред лицето на смртта.

     

    „Без сомневање еден од најголемите руски романсиери.“

    Сандеј тајмс

    „По својата структура, романот неверојатно потсетува на катедрала: во него има огромни пространства, мноштво сводови и неколку димензии – белетристичка, духовна, социјална.“

    Хајнрих Бел

    „Солженицин е една од најголемите фигури на времето, како писател, како етичар, како херој.“

    Едвард Кранкшо


    Оддел за рак од: 500 ден
  • img-book

    Арсен Лупен – безмилосен, опасен крадец и екцентричен џентламен со чии лукави подвизи не можат да се справат ни најдосетливите детективи!

    Создаден од перото на Морис Леблан на почетокот на 20 век – Арсен Луоен е самоуверен крадец, Шерлок Холмс во светот на криминалот. Сиромашните нема зошто да му се плашат, тие често и уживаат во неговата спонтана дарежливост. Но затоа богаташите и детективот кој се обидува да му влезе во трагата мора да бидат претпазливи.

    Плановите на маестралниот крадец прераснуваат во сложени, детално разработени авантури и претставуваат приказни што им претходат на кинематографските остварувања како Единаесеттемина на Оушн, а се инспирација и за серијата Лупен продуцирана од Нетфликс.

    Освен што изобилуваат со досетливи шеги, најдобрите приказни од серијалот за Арсен Лупен се скандалозни, мелодраматични и остроумни. Со своите незапирливи подвизи Лупен е незаменлив лик во крими-литературата – единствениот со доволен калибар да смисли и да изведе кражба со такви размери!


  • img-book

    Во јапонскиот јазик, буквата Q и бројката 9 се изговараат исто. Кога 1Q84 ќе се изговори на јапонски, се добива 1984, што е директна алузија на романот на Џорџ Орвел кој, на овие страници, повеќепати се спомнува и се цитира.

    Читателот, заедно со главните личности, плови помеѓу 1984 година и паралелното време во годината 1Q84. Првиот том од овој капитален роман го покрива периодот од април до јуни и ние, низ поглавјата што наизменично се менуваат, ги следиме приказните на двајцата главни херои – Тенго и Аомаме. Таа е инструкторка за боречки вештини, членка на мистериозна организација што спроведува правда убивајќи насилници… Тенго е професор по математика во едно подготвително училиште, типичен муракамиевски машки лик – пасивен, без иницијатива, талентиран без да се реализира,едноставно кажано – тој е „дел од сложувалката што никаде не се вклопува“. Во поглавјата што се преплетуваат, среќаваме надреални елементи карактеристични за сите дела на Мураками, но и важни теми од модерниот свет – политички злосторства, толкувања на историјата, насилство, религиозен фанатизам, слобода. Мураками успева да изгради дело на границата помеѓу лагата и вистината, помеѓу реалноста и фикцијата.

    Мураками е како магионичар кој го објаснува трикот додека го изведува, а сепак успева да нè убеди дека има натприродни моќи… Иако секој може да раскаже приказна што наликува на сон, само редок уметник како него може да ни предизвика чувство дека самите го сонуваме.

    Њујорк тајмс


    1Q84 (КНИГА ПРВА) од: 500 ден
  • img-book

    Новиот роман Баба на Луан Старова, прозаист со големо меѓународно реноме и бездруго еден од најзначајните книжевни автори како на македонски така и на албански јазик, го разбира и систематски го истражува феноменот на вечната човекова подвоеност, условно кажано – помеѓу небото и земјата.

    За Луан Старова, инспириран од ликот на неговата баба Хазбије ан’м, жената – или ако сакате: Жената! – е единствениот и пресуден фактор кој овозможува поврзување на луѓето, и тоа на сите нивоа, од семејството како интимна заедница до соработка и поврзување на големите светски култури и цивилизации, одгатка и средиште на мистеријата која филозофот на културата Х. Г. Гадамер ја означи со синтагмата „фузија на хоризонтите“.

    Со тоа е даден и одговор на прашањето што си го поставува Хазбије: нејзиниот свет, нејзината татковина е светот што таа овозможи да се создаде, светот што без неа никогаш не ќе беше можен, светот во кој се сочувани и нераскинливо поврзани во вистинска фузија на хоризонти нејзините светови!

    Ферид Мухиќ


    Баба од: 300 ден
  • img-book

    Од град можеш да избегаш, но од крвта не се бега.

    Близначките Винс мислат дека можат да избегаат и од едното и од другото. Стела и Дезире растат во малото гратче Малард. Во детството неразделни, откако ќе избегаат во големиот град нивните животи тргнуваат во поинакви насоки, со различни семејства, заедници и ставови за расниот идентитет. Стануваат два различни света.

    По многу години, едната сестра се враќа со својата црна ќерка во родниот град, а другата половина, Стела, влегува во светот во кој не припаѓа – нејзиниот бел маж не знае ништо за нејзиното минато. Но дури и одвоени со километри и со многу лаги, судбините на близначките остануваат испреплетени. Што ќе се случи со следната генерација кога ќе се вкрстат приказните на нивните ќерки?

    Зафаќајќи ги темите за двојните стандарди во идентитетските и национални разлики, од Длабокиот Југ до Калифорнија од 1950 до 1990 година, Брит Бенет создава емотивна приказна за семејството и за американската историја.

    Половината што ми недостига е роман на годината, речовит нов влез во книжевноста преку најсуштествените теми за идентитетот.“ Тајм


  • img-book

    Краток опис

    Платформа е најпознатото и најконтроверзното дело со кое Мишел Уелбек стекна светска слава и достигна статус на најзначаен современ француски и европски писател. Во него се преплетени сите карактеристики на делата на Уелбек – општествена сатира, возбудлива приказна, нетипични ликови и брилијантен стил кој го отсликува светот во кој живееме со сите негови недостатоци и предности. Во Платформа Уелбек го слика денешниот непродуховен човек, обземен од консумеризмот и зависен од секс, опкружен со различни облици на фундаментализам и екстремизам кои секој ден добиваат сѐ поголем замав. Среде тој хаос на денешното постоење, Уелбек се осмелува да го постави прашањето за љубовта и да ги истражува причините зошто таа не може да опстои.


    ПЛАТФОРМА од: 400 ден
  • img-book

    Ексклузивна биографија на Стив Џобс напишана со негова целосна соработка.Врз основа на повеќе од четириесет интервјуа со Стив Џобс направени во тек на цели две години – како и врз основа на интервјуа со над сто негови роднини, пријатели, непријатели, ривали и колеги – оваа книга е хроника на неговиот возбудлив живот и див карактер, приказна за креативниот претприемач кој се стремеше кон совршенство и му се предаваше на својот немирен, интуитивен порив, житие за човекот кој успеа да изврши револуција во шест различни индустрии: персоналните компјутери, анимираните филмови, музиката, мобилните телефони, таблет- компјутерите и дигиталното издаваштво. Во време кога општествата од целиот свет се обидуваат да изградат економија што ќе биде во тек со дигиталната ера, Џобс е иконата за креативност и применета имагинација. Знаеше како да создаде вредност во дваесет и првиот век: ја поврза имагинацијата со технологијата, создаде компанија во која креативноста беше на исто ниво со високата технологија. Џобс е искрен, можеби и претерано искрен, за луѓето со кои работеше, соработуваше и се натпреваруваше на пазарот. Исто така, неговите пријатели, непријатели и колеги нудат искрени прикази за она што го сакаше и го мразеше, за неговите демони, за перфекционизмот, за желбите, мајсторството, ѓаволштините и опседнатоста со контрола, сето она што ги обликуваше неговиот пристап кон работата и иновативните производи што резултираа од вложениот труд. Знаеше да ги разбесни и да ги фрли во очај блиските. Но неговиот карактер и производите што ги создаваше беа тесно поврзани, исто како што се поврзани хардверот и софтверот на производите на „Епл“. Неверојатната приказна за животот и делото на Стив Џобс е токму оваа мајсторски напишана биографија, исполнета со лекции за иновација, карактер, вредности и раководство.


    СТИВ ЏОБС од: 650 ден
  • img-book

    Моќта на секоја организација е одредена пред сè од способноста на нејзините менаџери. Сакате да бидете незаменливи во вашата компанија? Едноставно – подобрете ги своите менаџерски вештини.

    Во овој корисен мал прирачник експертот за личен развој Брајан Трејси ви го открива лесниот пат до:

    • продуктивно доделување задолженија
    • отстранување на дразбите што го одвлекуваат вниманието и насочување кон високоисплатливи активности
    • дефинирање полиња за клучни резултати
    • ефикасно вработување и отпуштање
    • создавање врвен тим на посветени работници
    •одржување конструктивни состаноци
    • поттикнување на тимскиот дух
    • јасно комуницирање
    • давање личен пример
    • брзо носење добри одлуки, и уште многу други нешта.

    Направете ја оваа книга свој личен водич на патот кон успехот! Нејзините испробани техники ќе ви покажат како да го извлечете најдоброто од своите вработени – и да достигнете нови височини во сопствената кариера.


    МЕНАЏМЕНТ од: 250 ден
  • img-book

    Тао те чинг не е израз само на филозофијата и мистиката на Истокот. Езотерична и истовремено практична книга применлива во животот на современиот човек, таа е ода на мудроста од вечниот извор што го носиме во себе.

    Учењето на таоизмот и на „Стариот учител“ нуди одговори за најразлични животни прашања, а идејата за умствена и душевна рамнотежа ја прави корисна и во бизнисот и во политиката. Следењето на овие концепти доведува до разбирање на сите нешта во човековата природа, поставувајќи го себепознанието како највисока мудрост. Тие го покажуваат патот до внатрешната сила и моралното живеење што, всушност, е и целта и значењето на тао, или правиот пат .

    Ова ремек-дело на кинескиот мудрец Лао Це е задолжителен прирачник за сите кои сакаат да живеат во хармонија со себеси, со другите луѓе и со природата. Иако е напишано пред повеќе од 2.500 години на Далечниот Исток, концептите и учењата што ги изнесува никогаш не биле порелевантни за современиот западен свет. Тао те чинг е практичен водич до идеалната личност што треба да ја постигне секој поединец.


    ТАО ТЕ ЧИНГ од: 199 ден
  • img-book

    Бегството не е само пронаоѓање засолниште, туку и на себеси.

    Неверојатно длабока животна приказна за една мајка ослепена од трагедиите што ќе ги види, и татко кој се бори за нивно преживување среде сириската патека за бегалци во Европа. Нури е пчелар, а неговата жена Афра е уметник. Живеат мирен живот полн со љубов во прекрасниот сириски град во Алепо, додека не се случи незамисливото – започнува војна. Принудени да го напуштат животот кој го познаваат, тргнуваат на опасно патување кон неизвесната иднина во Велика Британија.

    На тоа патување низ светот што се распаѓа тие не се соочуваат само со болката од огромната загуба, туку и со опасности што би ги исплашиле и најхрабрите. Избегнувајќи ги замките и заканите на бегалските патишта, тие истовремено патуваат и еден кон друг, тешејќи се и наоѓајќи сили да ги прифатат новите делови од себе.

    Потресна и моќна, прекрасно напишана книга која е сведоштво за триумфот за човековиот дух.

    „Создавајќи ликови со толку богати, комплексни внатрешни животи, Лефтери ни посочува дека е доволно да покажеш сочувство за еден човек, за тоа да се прошири на милиони.“

    Тајм


  • img-book

    Таа е неговата најнај другарка, тој нејзиниот најнај другар. Се викаат Стела и Сани, а меѓу себе Јасти и Тијас. Родени се на ист ден, во иста година, во ист час. Исти им се и имињата. Sвездени.Живеат во исто маало, учат во исто одделение, исти нешта ги интересираат. Изгледа дека ништо не би можело да ги раздели, па сепак…

    Кога ќе се најдат илјадници километри далеку еден од друг, продолжуват да се дружат преку мејлови. Но колку можат тие да им ги надоместат живите средби, гушкањата, заедничката смеа, солзите, воздишките?… Ќе се смени ли нешто меѓу нив? Дали ќе успеат да ја одржат блискоста?

    На прагот се од тинејџерската доба со неброени прашања без одговори. И премногу си недостигаат. Ех, само кога повторно би се виделе!

    Ти носам пустински песок, прв роман за деца и млади од авторката на Последниот чај, Полиња со диви нарциси, Понекогаш доаѓа среќа, Луна и Вилино.


  • img-book

    СТЕЛА: Обвинета сум за хакирање на целата документација во гимназијата. Сите оценки се избришани. Нема шанси да докажам дека не бев јас. Вљубена сум во еден, а тој во онаа што ја избриша документацијата, и нема шанси да ме засака. Како да излезам од ова?

    САНИ: Ме претепаа пред зградата на Наде, само затоа што ја сакам. Ми ја скршија и гитарата, а не е моја. Ме обвинија дека ѕиркам на физичко во женската соблекувална. А јас само сакав да ја сретнам Наде. Како се најдов во сето ова?

    Исти души, исти гајлиња. Ова е роман во кој самите треба да го допишете крајот.

    Прв роман за младинци од авторот на романите Вештица, Ќерката на математичарот и Папокот на светот.


  • img-book

    Најважното нешто што го поседува една компанија се нејзините луѓе.

    Ако се стремите кон успех во работата и кариерата, треба да воспоставите рамнотежа меѓу лидерството и менаџирањето. Научете како да ги препознаете и искористите предностите на својот лидерски стил за да ги постигнете најдобрите резултати – за себе и за вашата организација. Откријте ги тајните на успешните луѓе:

    • Која е суштината на лидерството и менаџирањето?
    • Како да ги најдете и вработите најдобрите луѓе?
    • Како да ги мотивирате вработените, а притоа да останат одговорни?
    • Како може да се постигнат лесно менаџирање и високи резултати?
    • Како да се справите со конфликти и негативности?…

    Нашиот успех како лидери зависи од способноста да се соочиме со предизвиците, да се справиме со луѓето со тежок карактер, да им препуштаме на вработените одговорност за нивните цели и задолженија, а во исто време да ги обучуваме и мотивираме, да се грижиме за нив и да ги решаваме појавените проблеми.
    Разгледувајќи ги овие и многу други аспекти на лидерството, оваа книга нуди драгоцени и докажани стратегии што ни помагаат да напредуваме во нашата професија.