• img-book

    Една девојка од Македонија, во седумнаесеттиот век заминува, по игра на судбината, во Хрватска. Во Хрватска е во ек голем прогон на вештици – жени кои склучиле сексуален пакт со ѓаволот. Во исто време, од Италија, падре Бенџамин, личен пријател на Џордано Бруно, доаѓа во Хрватска да учествува во инквизицискиот прогон и судењето на вештиците. И девојката од Македонија е обвинета за пакт со ѓаволот, само затоа што не го сака својот сопруг со кој е во договорен брак. И, наместо нејзин џелат, учениот теолог Падре Бенџамин станува нејзин спасител. Меѓу нив пламнува огнена љубов… Како оган на клада на која горат еретиците… Ќе изгорат ли? Или ќе се родат повторно во дваесеттиот век, како писателот кој ја пишува Вештица и една верна читателка која се поистоветува со женскиот лик од неговиот роман?

     

    „Но во ова сјајно полифонично дело, во кое разновидноста на наративните техники го изненадува и го радува читателот, потсетувањето на вештици и магии постојано е проследено и збогатено со приказни кои се сместени во современиот живот, така што Вештица станува голем роман за Европа. За минатото и сегашноста на Европа. Но, доволно е. Не сакам да го раскажувам овој роман што не може да се раскаже. Ве молам да го прочитате. Со љубовта која ја заслужува.“ Милан Кундера

    „Венко Андоновски во романот Вештица ги урива сите стереотипи. Неговиот јазик и по својата синтакса и по својата сензибилност има една благородна мелодика и промислена сигурност. Тој е супериорен мајстор да ги вработи сите зборови и на сите да им даде еднакви, речиси рамносилни задачи и значења. (…) По завршувањето на некои мои книги, многупати сум останувал рамнодушен, мислејќи дека некој друг ги напишал. За романот Вештица, пак, многу повеќе се радував отколку јас да сум го напишал…“  Петре М. Андреевски


    ВЕШТИЦА од: 380 ден
  • img-book

    Последниот дел од серијалот Милениум нè води на едно неочекувано патување кое најпосле ќе ја одгатне судбината на бунтовната Лизбет Саландер. Девојката со тетоважа на змеј ненадејно го продала станот во Стокхолм и не одговара на електронската пошта. Никој не знае каде е, никој не претпоставува дека кочнечно одлучила да стане ловец, а не плен. Каква е нејзината поврзаност со непознатиот бездомник кој е пронајден мртов откако на јавно место закачил памфлет
    против шведскиот министер за одбрана? И зошто во неговиот џеб е пронајдено ливче со телефонскиот број на Микаел Блумквист?
    Девојката што требаше да умре открива политички скандали на највисоко ниво и меѓународни игри на моќ, со говор на омраза, лажни вести и една стара експедиција на Монт Еверест. Трагајќи по одговорите, во момент на необјасниво саможртвување, Блумквист ќе ѝ овозможи на Лизбет да се соочи со најважната битка во нејзиниот живот и конечно да расчисти со минатото.

    „Неверојатен трилер со многу акција во кој се испреплетуваат заговор, шпионажа и мистерија со кои се обвиени неколкуте убиства – неверојатен спој што ќе ги збудали обожавателите на Саландер.“
    Вол стрит џурнал


  • img-book

    Што ако по смртта човековиот ум продолжува да работи уште неколку скапоцени минути? Или, поточно, десет минути и триесет и осум секунди…За Леила секоја минута по нејзината смрт ѝ навраќа спомени: семејната тајна за нејзиното раѓање; детството во мирното турско гратче; вкусот на манџата направена од месото на козата што татко ѝ ја жртвува за да го прослави раѓањето на долгоочекуваниот син; бегството во Истанбул за да го избегне несаканиот брак; вкусот на чоколадните бонбони што ги јаде со згодниот студент во борделот во кој работи… Секој спомен ја потсетува и на пријателите што ги запознала во клучните мигови од својот живот ‒ пријатели кои сега очајно се обидуваат да ја најдат…„Очекувајте енергични, сликовити описи што ќе ви ги отворат очите за животот на Средниот Исток проткаени низ трогателната приказна раскажана во препознатливиот, прекрасен стил на Шафак.“Венити фер„Шафак е страстно посветена на уривање на бариерите, без разлика дали станува збор за пол, раса, националност, култура или оние помистичните.“Сандеј тајмс

     


  • img-book

    Бескрупулозен обвинител
    Брилијантен бранител
    Обвинет што крие тајна
    Сериски убиец кој седи во поротата…

    Ариела и Боби Соломон се најпознатиот и најмоќен холивудски пар. Би можеле да го имаат светот на дланка, но една ноќ таа е најдена мртва заедно со телохранителот, а обвинет за бруталното убиство е нејзиниот сопруг. Меѓутоа, она што на прв поглед изгледа како злосторство од страст, може да е едно од низата убиства на најинтелигентниот сериски убиец што некогаш чекорел по планетата.

    Тој убива поради недостижниот американски сон. Поради задоволството да гледа дека за убиството ќе биде осуден невин човек. И овој пат убиецот не е на обвинителната клупа. Тој е во поротата.

    Но некој успева да го разоткрие. Некогашниот измамник кој станал адвокат, Еди Флин, не верува дека неговиот клиент убил двајца луѓе и се сомнева дека вистинскиот убиец е поблиску отколку што мислат сите – но кој би можел да помисли дека е толку блиску?


    13 од: 450 ден
  • img-book

    Пред тебе стои мојата книга Најчитаните и најнечитаните колумни. Главна причина да ги објавам во книга е тоа што веќе сигурно нема да се занимавам со политичка колумна. Впрочем, 35 години веќе непрекинато пишувам колумни, експериментирајќи со овој жанр, обидувајќи се да го оддалечам од вулгарно политичкото и да го доближам до здравото логичко мислење, личното толкување на фактите, до есеистиката, до сопствениот став и сопствената гледна точка.

    Денес колумната не само што се сведе на хистерично изразување исклучив став (кој читателот, дури и да е навистина личен став, веднаш го прогласува за партиски), туку стана и полигон за изразување интелектуална суета. Мене тоа не ми треба. Како ни висока читаност. Читаноста денес е пазарен критериум и јас веќе знам дека најпродаваното не значи по дефиниција и најдобро.

    Ќе бидам пресреќен доколку навистина, драг читателу, провериш што сè сум напишал во тоа бурно време, доколку внимателно процениш колку сум бил контрадикторен и каде сум се „лизнал“, а каде сум погодил некои нешта. Сума сумарум: ако критички ме исчиташ, без надворешни политички влијанија и предрасуди. Венко Андоновски


  • img-book

    Што ако – за некое чудо – се разбудите утре и сфатите дека некоја или секоја област од вашиот живот е преобразена? Што би било поразлично? Дали би биле посреќни? Поздрави? Поуспешни? Кој од вашите проблеми би бил решен? Што ако постои не толку очигледна тајна што несомнено ќе ви го промени животот побрзо отколку што сте се надевале? И замислете таа тајна да ви одземе само шест минути од денот!

    Шесте навики што им ги менуваат животите на десетици илјади луѓе низ светот покажувајќи им како да се разбудат секое утро со повеќе енергија, мотивација и сосредоточеност, може да бидат наједноставниот пристап кон создавање на животот што отсекогаш сте го посакувале.

    Дали сте подготвени за Чудесното утро? Следното поглавје од вашиот живот – најневеројатниот живот што сте си го замислувале – започнува. Време е да го разбудите својот целосен потенцијал!

    „Хал Елрод е генијалец и неговата книга Чудесното утро внесе магија во мојот живот.“ Роберт Киосаки, автор на бестселерот Богат татко, сиромашен татко


    ЧУДЕСНОТО УТРО од: 400 ден
  • img-book

    Аби Абернати е добра и пристојна девојка. Запишувајќи се на факултет во друг град, заедно со својата најдобра другарка, верува дека сеништата од мрачното минато ги оставила зад себе. Но набрзо сфаќа дека новиот почеток не е толку едноставен колку што очекувала.

    Згодниот Тревис Медокс е токму од оној тип на момци што таа сака по секоја цена да ги одбегне. Зашто премногу ја потсетува на татко ѝ и на мрачното и опасно минато. Тој ноќе заработува борејќи се, а прекуден заведува девојки. Заскокоткан од нејзиното одбивање, Тревис ја наговара да се обложат ‒ доколку тој изгуби, ќе мора да се откаже еден месец од заведувањето, а доколку таа изгуби, ќе мора да живее исто толку време во неговиот стан. Меѓутоа Тревис не е ни свесен дека ја нашол сродната душа.

    Прекрасна катастрофа е книга која маѓепсува со жесток сексапил и зашеметувачка страст. Љубовна приказна која ги истражува и најмрачните аспекти во љубовта на младите, нивните односи со пријателите и семејствата.

    „…Мојата нова омилена љубовна приказна со мазохистички шмек.“ Најтли ридинг ривју


  • img-book

    Неочекувано, еден полицаец е најден мртов на местото на старо, нерешено убиство кое тој го истражувал. Никој не ни претпоставува дека постои некаква поврзаност меѓу двете убиства. Но кога истото ќе им се случи на уште двајца полицајци во следните неколку месеци, полицијата почнува да се сомнева дека постои одреден застрашувачки шаблон зад кој се крие таинствен сериски убиец. Ниеден од старите случаи не бил решен. Убиствата се вџасувачки брутални, а полицијата нема никакви траги. Што е уште полошо, Хари Хуле, нивниот најдобар детектив, веќе не може да им помогне…

    Ју Несбе одново ни сервира ѓаволски интересна приказна за степенот кој може да го достигне човечкото зло. Освен полицијата, и читателот е вклучен во потрагата полна со најнеочекувани пресврти.

    „Оваа страшно заплеткана приказна е еден од најмрачните и највознемирувачки романи на Несбе. Од овој стресен трилер морници ќе ве лазат со секоја страница.“ Њујорк тајмс


    ПОЛИЦИЈА од: 500 ден
  • img-book

    Моќта на самодовербата е неверојатна книга што ви дава бесценети совети и конкретни насоки за себеразвивање преку зацврстување на самодовербата. На тој начин, таа ви ја отвора вратата кон еден поисполнет и порадосен живот. Брајан Трејси, најпознатиот светски гуру за мотивација и продажба, несебично споделува со нас повеќе практично докажани техники за развивање на самодовербата, која е клучна за постигнување на успех и среќа.

    Самодовербата е способност да се осмелите да ги преземете потребните ризици без гаранција дека ќе успеете. Добрата работа е што и таа, како и секоја друга особина или вештина, може да се развива преку редовни вежби за развој во секоја област од животот.

    Што би направиле денес доколку знаете дека исходот ви е загарантиран? Би го договориле состанокот? Би ја поканиле личноста што ви се допаѓа да излезете? Би го склучиле договорот? Секако! Ако зрачите со самодоверба, вие би го постигнале посакуваниот резултат и биле побрзи, поефикасни во работата и би влијаеле позитивно и врз другите луѓе. Оваа книга ќе ви помогне да ја разберете моќта на самодовербата, да дознаете како да ја примените кај себе и кај другите и да уживате во плодовите што таа ќе ви ги донесе!


  • img-book

    Јазикот коски нема, но коски крши, вели народната мудрост. А сите сме почувствувале дека некогаш зборовите печат повеќе и од шлаканица. Користејќи ги како моќни алатки, но и како смртоносни оружја, негувачкиот и критичкиот родител можат да го демотивираат, па дури и трајно да го оштетат своето дете, или пак позитивно да го поттикнат неговиот развој, создавајќи на тој начин возрасен човек што ќе го има истото мислење за себе какво што имале и неговите родители. Репертоарот на погрдните (дискаунтирачки) зборови е огромен: вол, свиња, гуска, кокошка, глупак, смотан, трчи-лажи… Свесно или несвесно омаловажувајќи го, родителите засекогаш запечатуваат во детската свест одредени „сценарија“ за неговата личност и судбина. .

    Оружјата на критичкиот и лекот на негувачкиот родител е предупредување за моќта на зборот и книга-апел што ни е потребна на сите, зашто секој од нас треба да ја преземе одговорноста за искажаните зборови и за нивното влијание, особено врз децата. .


  • img-book

    НЕ ТРЕБА ДА ИЗБИРАТЕ ПОМЕЃУ ОВА И ОНА, ПОМЕЃУ УСПЕХОТ И ДОБРИОТ ЖИВОТ. ТОА Е ЗА ПРОСЕЧНИТЕ ЛУЃЕ ШТО ЈА ИЗГУБИЛЕ КОНТРОЛАТА ВРЗ СВОЈАТА ИДНИНА. ОПСЕДНАТИТЕ ЛУЃЕ БАРААТ СЀ И ДОБИВААТ СЀ.

    По огромниот успех на Правилото 10Х, докажаниот бизнис-експерт Грант Кардон одново нѐ советува со потврдени техники од своето сопствено искуство!

    Бидете просечни или бидете опседнати е брутално искрена книга. Таа ќе ве извлече од комфорната зона и ќе го скрши оклопот на просечност што општеството цврсто го обвиткал околу вас. Ќе ви помогне да ја ослободите моќта на опсесијата, а потоа ќе ве научи како да се грижите за неа и да ја насочите кон остварување на своите најголеми сoништа.

    Без разлика со што се занимавате, оваа книга ќе ви помогне да ги зацврстите и да ги развиете својот бренд и бизнисот до зачудувачки височини, наспроти сите пречки и сета конкуренција. Зашто опсесијата е критичниот дел на успехот – поважна е и од стратегијата, цените на производот, изборот и распоредот на времето; таа ви нуди вистинска слобода и целосна контрола на вашиот живот – на личен, финансиски и на емоционален план.


  • img-book

    Кога ќе ја чуе песната на Битлси Тору Ватанабе се сеќава на својата прва љубов Наоко девојката на неговиот најдобар пријател Кизуки. Истиот миг во мислите се враќа во минатото кога пред речиси дваесет години ги минувал студентските денови во Токио загубен во свет на тегобни пријателства патемен секс страст загуби и копнежи – во времето кога во неговиот живот влегла незауздената млада жена Мидори а тој морал да избира меѓу иднината и минатото.
    Норвешка шума е најпознатиот роман на Харуки Мураками култна книга која неодамна беше најголем јапонски бестселер на сите времиња. Само во Јапонија се продадени над четири милиони примероци.

    Оваа книга е полна со студентски бунтови, слободна љубов и поп-музика од шеесеттите години. Исто така, таа е вистински емотивна и ги опишува врвовите, но и најдлабоките падови на растењето. Индепендент

    Трогателна приказна што погодува право во срцето… Мураками е несомнено еден од најдобрите светски романсиери. Глазгов хералд

    Мураками го гради своето книжевно ткиво на толку префинет, пајажинест начин, што сè што ќе реши да опише, трепери од безброј симболични можности. Гардијан


    НОРВЕШКА ШУМА од: 500 ден
  • img-book

    НЕВЕРОЈАТНА КНИГА ЗА ЉУБОВТА И ОСАМЕНОСТА, ВОЈНАТА И УМЕТНОСТА – УШТЕ ЕДНО РЕМЕК-ДЕЛО НА ЕДЕН ОД НАЈГОЛЕМИТЕ СОВРЕМЕНИ ПИСАТЕЛИ

    По разделбата со сопругата, триесет и нештогодишниот сликар одлучува да оди да живее на планина во куќата на еден познат уметник, татко на негов пријател. Деновите му поминуваат во сликање, готвење, слушање музика на грамофонот и пиење чаша виски навечер. Но еден ден случајно открива чудна слика скриена на таванот и не сакајќи го отвора кругот од мистериозни случувања во кој се вплеткани неговиот мистериозен сосед, едно таинствено ѕвонче, тринаесетгодишно девојче, обидот за атентат на нацистички функционер и страшното подземје. За да го затвори кругот, уметникот мора да тргне на опасно патување за себеоткривање во волшебното подземје какво што само Харуки Мураками може да создаде.


  • img-book

    Кафка на брегот е едно од најамбициозните дела на мајсторот на современата јапонска проза, Харуки Мураками. Овој бисер на метафизичкиот реализам ја следи судбината на два впечатлици лика: жртвата на едиповската фрустрација, тинејџерот – бегалец Кафка Тамура, и остарениот налудничав Наката, кој никогаш не закрепнал од воените трауми и кого Кафка необјасниво го привлекува. И додека патиштата на овие двајца навидум неспоиви ликови се доближуваат, пред нас се отвора фантастичен свет во кој мачките зборуваат, проститутката која работи за еден морничав сводник го цитира Хегел, во шумата се среќаваат војници за кои времето застанало во Втората светска војна, а од небото лее порој од риби.. Се случува и сурово убиство. Која е жртвата? Кој е убиецот? Восхитениот читател ќе ги добие сите одговори – заедно со разјаснувањето на судбината на Кафка и Наката.

    Бајковитиот свет на Кафка на брегот е вистински показ на мајсторството на големиот раскажувач Мураками, роман од кој извира раскошниот талент на еден од најголемите светски автори на врвот на својата творечка сила.

    „Напнат роман што се чита без здив, но и предизвикувачка метафизичка гимнастика за умот. А под сите тие трескави патешествија набиени со симболика нè влече нешто потсвесно, скоро еднакво силно како сексот и животот: ништотноста, ништото, блажената празника. Мураками е нежен слика на негативните простори.“

    Њујоркер


    Кафка на брегот од: 500 ден
  • img-book

    Болката е неизбежна. Страдањето е избор.

    Во 1982 година, откако ќе го продаде својот џез-клуб за да се посвети на пишувањето, Мураками почнува да трча за да се одржи во добра физичка форма.

    По многу години и по голем број истрчани трки и маратони, додека тренира за Њујоршкиот маратон, Мураками одлучува да ни ги раскаже своите искуства и да ни открие какво влијание имало трчањето врз неговиот живот и пишувањето. Резултатот се овие прекрасни мемоари за неговите испреплетени страсти – трчањето и пишувањето – што изобилуваат со спомени, размисли и заклучоци од сопствените увиди, вклучувајќи го и точниот момент кога одлучува да стане писател.

    Едновремено смешно и сериозно, разиграно и филозофско, За што зборувам кога зборувам за трчањето е задолжително четиво за обожавателите на овој генијален но повлечен писател, како и за огромниот број спортисти кои наоѓаат слично задоволство во трчањето.

    „Читајќи ја оваа книга, оние кои не трчаат веројатно ќе се прашаат: ’Зошто морал да истрча 100 километри кога знаел дека ќе боли?‘ Но оние кои трчаат ќе постават поинакво прашање: ’Зошто јас никогаш не сум го направил тоа?‘“ Гардијан


  • img-book

    Цукуру Тазаки има четворица најдобри пријатели. Секој од нив во своето име содржи боја. Сите, освен Цукуру. Нивното пријателство е толку интензивно, искрено и силно што изгледа речиси нескршливо. Сè до еден ден. Ден кога се прекинува грубо и одненадеж. Кога тие му соопштуваат дека не сакаат да го видат, или да зборуваат со него, никогаш повеќе… Оваа случка толку го погодува Цукуру што му го менува неповратно животот. Оттогаш минуваат години, безбојни и испразнети, сè додека не ја сретне Сара, која ќе го поттурне во едно необично, од животно значење, патување. Роман за љубовта, пријателството, болката која трае. Исклучителна приказна за младото момче прогонувано од огромна загуба, за соништата, кошмарите и за патувањата назад во минатото. Вистински пример за мајсторство на јазикот и на психолошкото портретирање на ликовите, нивните битки и премрежија, ова е роман кој хипнотизира. Безбојниот Цукуру Тазаки… не е книга за еден ден, ова е книга која го обојува животот на секој читател, засекогаш!