• img-book

    Со нарушено здравје и сам на светот, деведесет и едногодишниот Ајра Левинсон се наоѓа на пуст асип по преживеаната сообраќајна несреќа. Тешко повреден, се бори да остане свесен и тогаш му се прикажува еден замаглен лик – саканата сопруга Рут од чија смрт поминале девет години. Тој грчевито се фаќа за нејзините зборови и повторно ги живее тагите и радостите на нивниот брак.

    Студентката Софија Данко неочекувано го запознава младиот каубој Лук, кој има малку сличности со повластените момчиња што таа ги среќава на колеџот. Тој ја воведува во еден свет во кој се ставаат на коцка успехот и пропаста, па дури и опстанокот и самиот живот. Додека меѓу нив се раѓа љубов, Софија замислува иднина мошне различна од нејзините дотогашни планови… доколку не биде уништена од тајната на Лук.

    Ајра и Рут. Софија и Лук. Две двојки што имаат многу малку заеднички работи и што ги разделуваат и годините и искуството. Нивните животи сепак неочекувано ќе се испреплетат, потсетувајќи нè дека дури и нашите најтешки одлуки може да нè одведат на неверојатни патувања – далеку од безнадежноста, далеку од смртта, до најдалечните дострели на човековото срце.


  • img-book

    Сите сакаат да веруваат дека вечна љубов е можна…

    Во пролетта 1984 година средношколците Аманда Колиер и Досон Кол доживуваат длабока, судбинска љубов која им пркоси на строгите правила на животот во малото гратче Ориентал. Досон е осаменик од едно озлогласено семејство и верува дека љубовта кон Аманда му овозможува бегство од мрачната судбина. Аманда, пак, е добра, богата девојка која планира да оди на студии. Таа во Досон гледа нешто што е блиско на нејзиното бунтовно, страсно срце. Но со крајот на школската година неколку непредвидени настани ќе ја раздвојат младата двојка и секој од нив ќе тргне по сосем различен пат…

    По дваесет и пет години, Аманда и Досон се среќаваат на погребот на Так Хостетлер, човекот кој на времето ѝ дал засолниште на нивната средношколска љубов. Ниту еден од нив двајцата не го живее животот за кој сонувале… и ниту еден не може да ја заборави страсната прва љубов што засекогаш им го сменила животот. Додека ги следат упатствата што им ги оставил Так, Аманда и Досон сфаќаат дека сè што мислеле дека знаат – за Так, за себе и за своите соништа – не е такво какво што се чини. Принудени да се соочат со болните спомени, двајцата поранешни љубовници ја откриваат непобитната вистина за своите одлуки. И за време на единствениот, возбудлив викенд, ќе се прашаат длабоко во себе: Може ли љубовта навистина да го промени минатото?


  • img-book

    Спаркс со право го носи епитетот „мајстор на романсата“. Во уште едно свое ремек-дело кое ќе ви ги стопли срцата, тој ни ја раскажува приказната за Рони, млада девојка која по разводот на нејзините родители сè уште е скршена и отуѓена. На инсистирање на нејзината мајка, три годни потоа, таа оди да помине едно лето со татко ѝ. Во тоа судбоносно лето, Рони го запознава Вил, момче по кое сите воздивнуваат. Додека полека ги урива ѕидовите што ги има изградено околу себе, Рони истовремено сè повеќе се зближува со татко си и длабоко се вљубува. Така, таа ја открива најголемата среќа, но и најголемата болка – какви што дотогаш нема почувствувано. Последната песна покажува, како што тоа го може само Николас Спаркс, на колку начини љубовта може да ни го скрши и… да ни го исцели срцето.


  • img-book

    Во една летна вечер во 1984 година, во мало предградие на Даблин се случува ужасна трагедија. Три деца одат да си играат во блиската шума, а две од нив ќе исчезнат и никогаш нема да бидат пронајдени. Полицијата наоѓа само едно од децата, повредено и преплашено, кое не може да се сети што се случило…

    По дваесет години, во истата шума се случува ново злосторство. Роб Рајан, преживеаното момче од првата трагедија, сега има нов идентитет и работи како детектив во даблинската полиција. Тој и неговата партнерка почнуваат да го истражуваат новиот случај, поврзан со свирепо убиство на една тинејџерка. Навлегувајќи во тајните на жртвата и на нејзиното чудно семејство, тие откриваат детали и за стариот случај. Со секоја нова трага, сеќавањата на Роб полека излегуваат на површина и неизбежно го водат назад во шумата…

    Исклучителен психолошки трилер кој храбро навлегува во темнината што се крие зад животот на обичните луѓе. Напнатата атмосфера и комплексноста на ликовите ќе го одведат читателот на едно сурово патување низ сложената мрежа на злото, но и многу подалеку – до она што не може да се објасни.


    Во шумата од: 450 ден
  • img-book

    Потерата продолжува – дали Алекс Крос е ловец или плен?

    Тој е повикан на најлошото место на злосторство во сите негови години на полициска работа. Некој кој нема никаква почит кон човечкиот живот испотепал цело семејство – а по овие убиства следуваат нови, сè понемилосрдни.

    Алекс и неговата девојка, детективката Бријана Стоун, се нурнуваат во случајот и се заплеткуваат во смртоносното африканско подземје на Вашингтон. Откриваат нешто толку вџасувачко што одвај може да се сфати: вешто организирана банда на деца-криминалци предводени од еден суров заповедник познат како Тигар. Кога недофатливата трага на убиецот ќе се појави во Африка, Алекс знае дека мора да тргне по него. Сам.

    Стигнувајќи во Нигерија, тој открива свет во кој правдата е непознат поим. Ќе успее ли, незаштитен и сам во туѓа земја, опсипан со убиствените закани на Тигар, да преживее и да го фати убиецот?

    Лов на Тигар, нов бестселер на Џејмс Патерсон полн со брзи пресврти и адреналин – трилер од кој застанува здивот.


    Лов на тигар од: 450 ден
  • img-book

    7 Навики на успешните луѓе е обемна програма за развивање на свеста за тоа како досегашните перцепции и претпоставки го попречуваат успехот – како во деловните така и во личните односи. Овој пристап ќе ви го прошири начинот на размислување и ќе ве одведе до поголеми можности и поефикасно решавање на проблемите. Денес Стивен Р. Кови е најпочитуваниот мотиватор во корпоративниот свет. Научете како да ги примените неговите 7 навики – и гледајте како ви го менуваат животот. „Стивен Кови е американскиот Сократ, затоа што совршено разбирливо пишува за ’перманентните нешта’ – за вредностите, семејството, меѓучовечките односи, комуникацијата“. Брајан Трејси „Кога Стивен Кови зборува, директорите молчат и слушаат“. Њујорк тајмс Стивен Р. Кови, еден од 25 највлијателни Американци според магазинот „Тајм“, го посвети својот живот за да докаже дека секоја личност може да ја контролира својата судбина со помош на длабоко, а сепак директно водење. Тој е светски признат стручњак за лидерство, семеен експерт, учител, организациски консултант и автор. Неговите книги се преведени на 38 јазици и продадени во повеќе од 20 милиони примероци, а 7 Навики на успешните луѓе е прогласена за највлијателна бизнис-книга на 20. век.


  • img-book

    Ен и Марко Конти навидум имаат сè – љубов, убав дом и прекрасно бебе. Но една ноќ, додека се на вечера кај првите соседи, се случува ужасно злосторство. Сомнежот веднаш паѓа врз нив, родителите. Меѓутоа вистината не е толку едноставна. Внатре, зад спуштените завеси на куќата, полека се отплеткува потресната приказна за она што се случило. Детективот Резбак знае дека испаничената двојка нешто крие. И Ен и Марко набргу сфаќаат дека и двајцата имаат тајни што со години ги криеле еден од друг… Морничаво разоткривање на едно семејство. Напната приказна за измама, дволичност и неверство што ве остава без здив сè до конечниот шокантен пресврт.

    „Пресвртот се случува толку брзо колку што брзо ги вртите страниците“ – Пипл


  • img-book

    Оваа мала збирка од 333 афирмации е за секој што ја прифаќа идејата дека во него лежи моќта за сѐ што сака да создаде. Моќ која е посилна од надворешните фактори што влијаат врз нашите животи. Ако верувате дека можете да го постигнете невозможното, и тоа благодарение на сопствените потенцијали, тогаш верувајте – ве очекуваат магични награди.

    Зар не е фасцинантно да знаете дека вие ја имате привилегијата да создадете свет каков што посакувате?! И тоа – преку своите мисли. Со енергијата на човечката мисла, секој има можност да создаде судбина каква што посакува. Затоа е многу важно да станеме свесни за сопствените мисли. Зашто мислата е енергија, а свесната мисла е насочена енергија. Афирмациите се свесни мисли кои влијаат врз разбистрување на умот и ни помагаат да ја одредиме дестинацијата каде што сакаме да патуваме.

    Донесете одлука и одберете ја својата реалност, со чиста и највозвишена мисла. Бидејќи кога ќе донесете одлука и ќе направите избор – магијата започнува. Вие тоа го заслужувате!


    333 АФИРМАЦИИ од: 250 ден
  • img-book

    „… OДЛИЧЕН КРИМИ-ТРИЛЕР СО ЗАВРШНИЦА СО КОЈА И АГАТА КРИСТИ БИ СЕ ГОРДЕЕЛА.“

    Гостите еден по еден пристигнуваат во Мичеловиот пансион, длабоко во снежните планини Кетскил, не ни помислувајќи дека невремето ќе ги отсече од надворешниот свет. Постепено запознавајќи се, се обидуваат да го искористат тоа на најдобар начин. Но тогаш се појавува првото мртво тело – и тие се ужасуваат од помислата дека меѓу нив има убиец.


  • img-book

    Очекуваме од нашите судии да бидат чесни и мудри ‒ нивниот интегритет и нивната непристрасност се темелот на целиот правосуден систем.

    Со својата долгогодишна работа како агент во Комисијата за судиска етика, Лејси Столц смета дека повеќето проблеми во работата на судиите се должат на некомпетентност, а не на корупција. Но на нејзината маса завршува токму таков случај. Еден бивш адвокат, кој се враќа во фелата под новото име Грег Маерс, тврди дека судијката Клодија Мек-Довер е најкорумпираниот судија во историјата на американското правосудство. Не само што за поткуп вмешала прсти во изградбата на големо казино во индијански резерват во кој важат други закони, туку е и тесен соработник на мозокот што стои зад сето тоа, фантомскиот мафијашки бос Вон Дјубоз. Планот со години функционира совршено.
    Сега Грег и неговиот анонимен клиент ‒ Тајниот сведок ‒ сакаат да ја разоткријат судијката за милионска награда.На Лејси веднаш ѝ станува јасно дека тоа може да биде опасно. Што ако буквално си го става животот на коцка?…

    Од мајсторот на правниот трилер Џон Гришам, нов, опасно возбудлив роман за корупцијата во темните ќошиња на сончевата Флорида.


    Таен сведок од: 450 ден

    Очекуваме од нашите судии да бидат чесни и мудри ‒ нивниот интегритет и нивната непристрасност се темелот на целиот правосуден систем.

    Со својата долгогодишна работа како агент во Комисијата за судиска етика, Лејси Столц смета дека повеќето проблеми во работата на судиите се должат на некомпетентност, а не на корупција. Но на нејзината маса завршува токму таков случај. Еден бивш адвокат, кој се враќа во фелата под новото име Грег Маерс, тврди дека судијката Клодија Мек-Довер е најкорумпираниот судија во историјата на американското правосудство. Не само што за поткуп вмешала прсти во изградбата на големо казино во индијански резерват во кој важат други закони, туку е и тесен соработник на мозокот што стои зад сето тоа, фантомскиот мафијашки бос Вон Дјубоз. Планот со години функционира совршено.
    Сега Грег и неговиот анонимен клиент ‒ Тајниот сведок ‒ сакаат да ја разоткријат судијката за милионска награда.На Лејси веднаш ѝ станува јасно дека тоа може да биде опасно. Што ако буквално си го става животот на коцка?…

    Од мајсторот на правниот трилер Џон Гришам, нов, опасно возбудлив роман за корупцијата во темните ќошиња на сончевата Флорида.

  • img-book

    „КНИГА ШТО ЌЕ ГИ ИЗНЕНАДИ И ФАНОВИТЕ НА ГРИШАМ.“

    Банда крадци дрско го ограбуваат трезорот на Библиотеката Фаерстон на Принстонскиот универзитет. Нивниот плен е бесценет, но Принстон го има осигурено на дваесет и пет милиони долари. Дел од него по тајни канали ќе стигне до Брус Кејбл, сопственик на популарна книжарница во заспаното туристичко гратче Санта Роса на Островот Камино, во Флорида. Но некој полека се инфилтрира во писателскиот круг пријатели на Брус Кејбл за да му ги дознае тајните…


    Островот Камино од: 420 ден
  • img-book

    Напнато и неивесно ремек-дело за осуетените соништа за бегство

    По 25 години работа како полицаец во Чикаго, Кал го напушта Чикаго верувајќи дека мирниот селски живот ќе му помогне да се соземе од напорната и трагичната реалност. Сака да почне од почеток во некое мирно, мало место со добар паб, каде што ништо особено нема да се случува. Но наскоро ќе открие дека дури и малите места кријат мрчни тајни.

    Од селото исчезнува едно мало момче, но никој не е особено загрижен поради тоа, дури ни полицијата. Тогаш во Кал повторно се буди полицаецот и тој започнува своја истрага. Убеден дека нешто не е во ред, не може да остане мирен додека не открие што е тоа.

    Извонредна приказна од најпознатата ирска авторка која со оваа книга го потврдува своето место меѓу најдобрите во криминалистичкиот жанр.

    На првото читање ѝ се восхитуваме на содржината, на второто на убавиот и суптилен стил. Њујорк тајмс


    Трагачот од: 500 ден
  • img-book

    Будниот ум ќе се погрижи за сѐ, како што сонцето се грижи за вегетацијата.

    Мир со секој чекор, ремек-дело на современиот мудрец и духовен учител Тич Нат Хан, ни ги открива древните холистички учења за практична примена при секојдневните проблеми.

    Обземени од виорот на современиот живот, забораваме дека духовниот мир и среќaта ни се на дофат на раката. Доволно е само да живееме во склад со здравиот разум, да го забавиме темпото и со буден ум да уживаме во секој миг. Сѐ што правиме е поетски чин или уметничко дело, доколку тоа го правиме со буден ум. Будниот ум е темел на среќниот живот и него можеме да го одржуваме низ секојдневна медитација. А медитацијата – свеста за сопственото тело и дух по пат на свесно дишење, можеме да ја изведуваме и додека миеме садови, јадеме или чекаме пред семафорот.

    Кога имаме буден ум и внатрешен спокој, се исполнуваме со љубов, сочувство и алтруизам. Со нивна помош создаваме атмосфера на мир и хармонија, која понатаму се шири од индивидуалецот на семејството, од семејството на заедницата и на крајот – на целиот свет.

    Мир со секој чекор е книга која нè учи како да го смениме својот светоглед… таа ни отвора видици кон похуман начин на живот. Паблишер викли


  • img-book

    Аналекти се едно од највлијателните дела на сите времиња. Збирката изреки на Конфуциј се собрани и уредени од страна на неговите ученици набрзо по неговата смрт, во 497 година пр. н. е. Тие го одразуваат степенот до кој Конфуциј го воспоставил, но и претставувал моралниот идеал за сите луѓе. Целта на Аналектите е да овозможи усовршување на личниот карактер, преку истрајната потрага по моралните одлики какви што се добродетелта, мудроста, храброста. Резултатот не е надомест во овој или во следниот живот – следењето на Патот мора самото себеси да си биде награда.

    Сè уште еднакво релевантни како што биле и пред повеќе од две илјади години, овие учења го претставуваат моралниот кодекс кој доблеста ја вреднува повеќе од сè, и ги изразуваат темелните вредности на конфуцијанската традиција.


    АНАЛЕКТИ од: 199 ден
  • img-book

    Ерик Берн, врвен психотерапевт и основач на трансакциската анализа, во оваа книга дава сеопфатен преглед на сексуалноста заснован врз серија негови предавања. Неговата способност сложените меѓусебните односи да ги изрази на едноставен начин ќе ви помогне да ја разберете поврзаноста на сексот и љубовта, како два важни аспекта на човековите односи. • Која е функцијата на сексот во различните видови односи?

    • Која е функцијата на сексот во различните видови односи? • Зошто сексот не е само секс? • Кога сексот е блискост, а кога станува игра, ритуал или повлекување? • Што зборува сексуалното однесување за нас како личности? • Која е улогата на сексот во психолошките игри? .Тука нема да најдете девијантни изблици на сексуално однесување својствено за психијатриски третман, туку со доза на сатира се манифестира локалниот однос кон сексот и предрасудите во врска со него. Од времето кога е издадена, Сексот во љубовта ги детабуизира темите за љубовта и сексот, со што дава придонес кон сексуалната еманципација на интересен, структириран и квалитетен начин.


  • img-book

    Успехот на твојот бизнис зависи од успехот на твоите маркетиншки активности. Ако можеш да откриеш што бараат, што им е потребно и што можат да си дозволат купувачите – и ако можеш да им го дадеш тоа – ќе постигнеш одлични резултати.

    Овој незаменлив прирачник содржи 21 моќни маркетиншки идеи што се брзо и лесно применливи. Преку мудроста на Брајан Трејси ќе откриете како:

    •  Да создадете своја база на купувачи
    •  Да се одвоите од конкуренцијата
    •  Да одговорите на трите клучни прашања за новата понуда
    •  Да ги подобрите пазарното истражување и целните групи, за да носите подобри одлуки
    •  Да ги исполните основните емоционални потреби на купувачите
    •  Да ја оформите вистинската цена за својата понуда
    •  Целосно да се насочите кон купувачите
    •  Најдобро да ги искористите каналите за дистрибуција

    Спакувана со практични стратегии, оваа мала книга покажува како да се доминира на пазарот, на голема врата.


    МАРКЕТИНГ од: 250 ден