ПланУМ Про – ексклузивен планер за професионален развој во 12 месеци

ПланУМ Про е моќен интерактивен планер за унапредување на личните потенцијали. Низ уникатен и структуиран процес помага во кристализирање на посакуваните цели и во дефинирање на детална мапа за нивна реализација. Дејствува како личен тренер кој го стимулира вашиот континуиран професионален развој. Поттикнува систематизираност и организација, иницира одговорност и акција и ја зголемува продуктивностa.

ПланУМ Про е индивидуално решение за сите кои имаат амбиција да ги претворат своите соништа во лесно остварливи цели. Содржи месечни и неделни прегледи, зона за состаноци, матрица на приоритети, 180 совети за продуктивност и 60 мисли кои ќе ве мотивираат секојдневно да го постигнете својот максимум!

Наменет е за:

– ентузијастични претприемачи кои се докажуваат на пазарот
– амбициозни корпоративци кои сигурно се искачуваат во кариерата
– храбри иноватори со големи идеи на кои им е потребна структура за реализација
– професионалци со потреба од зголемена продуктивност.

ПланУМ приказна е креативен интерактивен планер за ученици од основно и средно училиште, збогатен со внимателно избрани и дизајнирани вежби и техники кои се базираат врз методологијата за личен развој и техники од позитивната детска психологија. Низ конципиран процес на планирање и освестување на личните афинитети и квалитети, младиот ПланУМец се развива во одговорна, свесна и отворена личност.

ПланУМ приказна обработува различни теми од интерес за најмладите и ги поттикнува и родителите и децата да зборуваат отворено за детските желби, потреби, планови, стравови и дилеми. Преку забавни игри, задачи и предизвици, ПланУМ приказна овозможува децата да си ги развиваат интелигенцијата и талентите, да ги продлабочат своите размислувања, да работат на остварување на своите интереси, желби и соништа, како и да усвојат многу нови теми и прашања со кои ќе се среќаваат во текот на својот развој.

Крајната цел на ПланУМ приказна е:

– откривање на нови таленти и вештини кај децата
– развој на креативноста низ забава
– организирање на обврските
– поставување цели за идни врвни достигнувања
– создавање здрави навики
– градење на цврсти односи со врсниците и со родителите
– откривање и активна работа на силните и слабите страни на детето.

Бидејќи секој корисник создава свој уникатен план и одговор на зададените предизвици, варира и комплексноста на резултатите. Вклученоста на родител или старател е неопходна при пополнување на ПланУМ приказна кај помладите, додека кај повозрасните деца асистенцијата би била делумна или во зависност од барањата на самата вежба.

▪ Која е разликата меѓу љубов и заљубеност?
▪ Постојат ли безусловна љубов и сродни души?
▪ Дали љубовта е прашање на одлука и дали е вистина дека спротивностите фатално се привлекуваат?
▪ Зошто доаѓа до неверство и може ли да се преболи?

Ова се само некои од прашањата што ги поставува најпознатиот хрватски автор на духовна литература Бруно Шимлеша во својот бестселер Љубовологија и на едноставен но луциден начин нè учи како да изградиме здрави и среќни односи со другите.

Дали станува збор за партнерска или семејна љубов, за пријателски или деловни односи, авторот ни ги разоткрива вообичаените заблуди и погрешни очекувања што си ги наметнуваме едни на други, но исто така предлага и решенија кои ќе ги вратат довербата и задоволството во најважната сфера на животот. За градење на вистинска љубовна врска клучни се три фактори – рамнотежа на давање и примање убавина, висок степен на компатибилност и искреност. Бруно Шимлеша нуди и еден уникатен тест, кој ќе им помогне на партнерите да откријат колку нивните љубовни желби и надежи се совпаѓаат и имаат ли темел за вистинска врска каква што секогаш посакувале.

Кога би постоела наука за љубовта, оваа книга би била учебник!