• img-book

    „Ја гледам раката. Не неа пишува: ФЛОРА. Биди храбра.“
    Десет години имав кога се промени сè..
    Осум години ми важи пасошот.
    Шест луѓе ме бараат на студот.
    Четири години имав кога ја запознав најдобрата другарка.
    Едно сеќавање е сè што имам.

    возбудлива, непредвидлива, уникатна,
    трогателна, охрабрувачка…

    Книга што нема да ја заборавите никогаш!

    Флора Бенкс има седумнаесет години и има амнезија. Сè
    што ѝ се случува, многу брзо го заборава. Постојано се оби-
    дува да се сети на минатото. Живее сега и тука. Но, една
    вечер ќе го бакне Дрејк и ќе се промени сè. Се сеќава на тој
    бакнеж. Тоа е првото сеќавање што успеа да го зачува од
    својата десетта година. Но, Дрејк отиде на Северниот пол,
    на Арктикот. Ќе успее ли да го пронајде? Ќе ѝ помогне ли
    тој да си го врати памтењето? Ќе успее ли љубовта да ја по-
    беди амнезијата? Не ѝ преостанува ништо друго освен да се
    обиде. Мора да го пронајде, без оглед на сè! Мора да биде
    похрабра и порешителна! Ѝ преостанува само надежта!
    Но на кого да верува на ова патување? На Дрејк, на најдо-
    брата другарка, на родителите или…

    Во рацете држите книга во која е раскажана несекојднев-
    на љубовна и животна приказна. Приказна која мотивира на
    упорна борба, а возбудливиот начин на кој е напишана, не го
    остава читателот ниту за миг. Го држи вниманието до самиот
    крај, кој не можете да го предвидите.

    „Приказна што создава лесна атмосфера… волшебна… книга што
    брзо се чита и во која е спакуван силен емотивен набој.“
    Гардијан


  • img-book

    АВАНТУРАТА ПРОДОЛЖУВА! Кога Биг Бен, во Лондон, одеднаш престана да чука, Вилијам знаеше дека се подготвува нешто големо. И навистина! Се појавува мистериозниот агент на орбулаторот, со што започнува нова урнебесна авантура за Вилијам и за неговата најдобра другар­ка Ишја. Што сака агентот орбулатор од Вилијам? И што е всушност ‒ орбулатор? Страниците на Агентот на орбулаторот, третата книга од светски прославениот серијал за Вилијам Вентон се исполнети со длабоки и мрачни тајни и насекаде има нере­шливи шифри. Боби Пирс се враќа во светот на Вентон и ни носи низа интересни пресврти, хумористички роботи и јунаци од разни возрасти и видови.

    „Во својот серијал на авантуристички романи за деца Боби Пирс создаде интересен свет што се движи со брзина на светлината… Со години не сум прочитал толку забавен микс на роботска комедија, научна фантастика, авантуристички роман.“ – Верденс Ганг

    „Боби Пирс толку динамично и визуелно ни го долову­ва дејствието што пред очите ви пролетува како филм. Ви­лијам Вентон без сомнение е најдобриот норвешки пандан на Хари Потер.“ – Бок 365с


  • img-book

    Дочекот на Нова година за полицајците во Истанбул секогаш претставуваше ноќен кошмар. Грабежи, пијанства и тепачки, што често завршуваа со нечија смрт, станаа дел од нивната секојдневна рутина. Ова особено важеше за главниот јунак, прекалениот инспектор Невзат. Кога слушнаа дека се случило убиство во квартот Пера, историско јадро на градот што во меѓувреме се претвори во легло на наркоманија, проституција и илегално коцкање, тој не се изненади многу. Доаѓајќи на местото на злосторството, тој сфати дека овој пат станува збор за нешто многу посериозно. Необичниот начин на кој беше извршено убиството, како и идентитетот на жртвата ја навестуваат катастрофата која што за само три дена како последица ќе има смрт на уште девет лица.

    Квартот во кој во педесеттите години на минатиот век се одигра прогонот на нивните жители од други нации и вери, повторно го зеде својот крвав данок. Соочен со вистински злосторници, како и со сеништата од сопственото и колективното сеќавање, како и со злокобните претскажувања, тој едвај ги разликуваше сонот и јавето.

    Изгледаше дека инспекторот кој зад себе немаше ниеден нерешен случај, освен оној најтрагичниот кога му страдаа жената и ќерката ќе ја затвори фасциклата и ќе подлегне на животната стихија.

    Помирен со поразот, отиде на вечера по повод свршувачката на најблиските соработници Али и Зејнеп. Не насетуваше дека токму на семејната трпеза најпосле ќе се разјасни мистеријата на убиството во квартот Пера…


  • img-book

    Тој имаше право: црешите повторно ќе расцутат и ќе даваат сочни плодови. повторно ќе се врати времето на црешите, без оглед на драмата, што таму некаде ја проживуваат синовите на проклетата апулија.
    Пред крајот на Првата светската војна, меѓу маслинките и лозјата во едно зафрлено селце на југот на Италија, две жени одлучиле да ја сменат судбината на тукушто родениот Витантонио Палмизано, надевајќи се дека така ќе го заштитат од семејното проклетство и смртта за време на војна. Како дваесет и прв во редицата машки во фамилијата Палмизано, Витантонио го замениле по раѓањето и го воспитувале како брат близнак на Џована Конвертини, родена истиот ден во една од најбогатите фамилии во Апулија. Витантонио и Џована заедно растеа, врзани со тајната, а војната изгледа како некој далечен, одамна заборавен кошмар.
    Ама облаците на новата, уште покрвава Втора светска војна се појавуваат на хоризонтот и се закануваат да уништат сè што една храбра и пожртвувана мајка се обидела да зачува. Палмизанови е италијанска трагедија, што се одвива меѓу владеењето на Мусолини и надежите за ослободувањето, запишана од мајсторското перо на реномираниот каталонски писател Надал…
    Незаборавна сага за две семејства и за едно момче кое се бори против судбината… Приказна за пријателството, војната, соперништвото, за невозможната љубов на двајца кои веруваат дека се брат и сестра.


  • img-book

    ЕРЕБ е игра. Таа те набљудува, разговара со тебе,
    те наградува, те проверува, ти се заканува…

    Ник е опседнат со Ереб, компјутерската игра што во неговото училиште се пренесува од рака на рака. Правилата се многу строги: секој има само една можност да одигра. Притоа мора да биде сам и за Ереб не смее да зборува со никој. Кој ќе ги прекрши овие правила или нема да ги исполни задачите, отпаѓа од игра и повеќе не може да почне пак. Најнеобичниот дел е што задачите на Ереб, мора да се исполнат не во виртуелниот, туку во вистинскиот свет.
    Кој е всушност Ереб и што бара од играчот? Може ли Erebos, Богот на подземјето да убива? Дали мртвиот автор преку играта што ја измислил имал намера да убие за одмазда?

    ЦЕЛТА НА ЕРЕБ Е ДА УБИВА!

    „Трилер на годината“ ‒ Die Zeit

    „Волшебен роман за млади за опасностите што ги крие виртуелниот свет“ ‒ Brigitte Magazine

    „Исто како што играта ги опседнала главните ликови на овој роман, така и нас оваа книга нѐ маѓепса и не ја испуштавме од рака додека загатката не беше разрешена“


    Ереб од: 450 ден
  • img-book

    ВИЛИЈАМ ВЕНТОН, МОМЧЕТО СО ГЕНИЈАЛЕН ТАЛЕНТ ЗА ОДГАТНУВАЊЕ ШИФРИ, СЕ СООЧУВА СО НОВА ЗАКАНА! Откако почнува да трпи таинствени напади поради кои ја губи контролата над сопственото тело и способност за разбивање на кодови, Вилијам се загрижува дека неволјите му ги предизвикува интелигентниот метал луридиум. Постои само едно место каде што може да побара решение за својот проблем: Институтот за постхумно истражување. Но на Институтот веќе ништо не е како порано… Неговата стара соба сега изгледа како затворска ќелија, а движењето по Институтот строго се контролира. Менторите на Вилијам не сакаат да му кажат што се случува, иако е очигледно дека сите од некого или од нешто многу се плашат. Тогаш ја дознава грозната вест дека крадецот на луридиум, злосторникот Абрахам Тали, побегнал од својот криогенски затвор во подрумот на Институтот. Потрагата по него Вилијам го води на Хималаите, во подземен храм опкружен со планински врвови и длабоки пештери што ја чуваат тајната на настанокот на луридиумот. Вилијам повторно ќе се изложи на голема опасност во обидот, заедно со дедо му, да го запре злобниот Абрахам и неговата помошничка Корнелија, кои имаат намера да го ослободат луридиумот и да ги изложат луѓето на неговото погубно дејство… Тајниот портал е втора книга од серијата за возбудливите авантури на младиот Вилијам Вентон. Веднаш по објавувањето книгата стана книжевен феномен и досега е објавена во 37 земји, а наскоро се очекува и холивудски филм.


    Тајниот портал од: 350 ден
  • img-book

    Стаклениот хотел е возбудлив роман сместен на крстопат меѓу две навидум неспоиви случки – пропаѓање на огромна пирамидална шема и мистериозно исчезнување на една жена од брод на море.

    Винсент работи како шанкерка во отмениот хотел „Кајет“ на најсеверната точка на осторовот Ванкувер. Ноќта кога го запознава Џонатан Алкаитис, маскирана силуета начкртува порака на прозорецот во фоајето: Да се наголташ срчи. Високо над Менхетен, со години се одвива поголемо злосторство. Кога финансиската империја на Алкаитис ќе се распадне, ќе збрише неброени богатства и ќе уништи многу животи.

    Во оваа восхитувачка приказна за преживувањето, Емили Сент Џон Мандел често го води читателот низ скриени предели: кампови за луѓе кои ги изгубиле своите домови, подземни клубови за електронска музика, прекуокеанска шпедиција, меѓу послугата во луксузните хотели и животот во федерален затвор. Исполнет со изненадувачка убавина, Стаклениот хотел е блескав портрет на лакомост и вина, љубов и заблуда, духови и неочекувани последици, и на бесконечните патишта по кои ја бараме смислата на нашите животи.


  • img-book

    Уште како мала, Амината ја киднапираа и ја качија на бродот со робови. Таа мора да ги слуша наредбите за да го сочува својот живот. А и што им преостанува на црнците качени на овој ужасен брод. Среде океан далеку од својот дом. Откако пристигнаа на копното, Амината ја продадоа на друг газда. Се раздели од момчето од соседното село со кое ги делеа нечовечните мигови на бродот. Ама и не е така важно. Она што сега е значајно е успешно да му служи на белиот Американец што сега ја поседува. Сепак Амината е непоколеблива и постојано ја следи желбата еден ден да се врати дома. Во Африка. Моментот кога повторно го сретнува Чакура, момчето од бродот, засекогаш ќе и го промени животот. Сега веќе пораснати, заедно ќе се борат да го променат светот. За време на нејзиното долго страдање, таа прави сè што може да се ослободи себеси и останатите од ропство. Притоа ги учи да читаат и тие да ги поучуваат другите, и да се спријателуваат со секој што може да им помогне, без разлика на бојата на кожата. Инспиративна приказна за една силна жена, што ги доживува едни од најтешките услови за живот низ историјата. Вознемирувачки и длабок роман, напишан по вистинска приказна по кој е снимена познатата телевизиска серија, што под наслов „Книгата на црнците“ се прикажуваше на Нетфликс.


  • img-book

    Кога во несекојдневниот, остарен град Бесел, некаде на периферијата на Европа, ќе го откријат телото на убиената жена, инспекторот Борлу од Единицата за екстремни злосторства смета дека тоа ќе биде рутински случај. Но како што истрагата напредува, доказите почнуваат да укажуваат на заговори што се многу почудни и повеќе погубни отколку што претпоставуваше. Набрзо истрагата станува преопасна и за него и за оние што му се важни и Борлу мора да ја премине границата каква што не постои никаде на друго место и да отпатува во една метропола на држава која е исто толку чудна колку и неговиот град.
    „Одличен роман на тема полициски процес и прекрасна урбана фантастика, ова е основно четиво за љубителите на детективски и фантастичен роман.“
    Booklist

    „Кога духовното чедо на Филип К. Дик и Рејмонд Чандлер би го негувал Франц Кафка, делото што од тоа би настанало би потсетувало на романот Градот и градот од Миевил.“
    Los Angeles Times

    Според овој роман во Лондон е снимена популарната телевизиска серија под наслов The City and the City во продукција на BBC Two


    Градот и градот од: 400 ден
  • img-book

    Едно необично и неочекувано запознавање, целосно го менува животот на младата Ева и засекогаш ѝ го заробува срцето. Љубовта која се разви од тој магичен момент, е толку волшебна што ни самата не може да поверува. Среќниот и исполнет живот со Виктор, е многу повеќе од она што таа верува и очекува од еден маж. Нивната приказна е завиена во мистериозноста на неговото појавување во нејзиниот живот и настаните кои само ја зацврстуваат љубовта меѓу нив. Ева повеќе не може да го замисли животот без Виктор, сè до оној момент кога ќе мора да научи да живее без него.

    Приказна за силата на љубовта и силата на жената која останува да стои исправена пред предизвиците кои ѝ ги носи судбината и може да го поднесе секој товар, поради желбата за продолжување на животот.

    Билјана Мартиновска е родена на 8 август 1977 година во Струга. Книгата „Куќата со жолта фасада“ е нејзино второ авторско дело. Живее и твори во родниот град.


  • img-book

    Ако го најдеш, готово е.
    Тој веќе доаѓа по тебе.
    Сè започна едно утро кога полицијата пронајде тело на убиена жена во мирното предградие на Копенхаген. Од тој момент, граѓаните живеат во страв од немилосрдниот убиец чиј потпис е „човек од костени“ – кукла направена од кибритчиња и два костени, што ги остава на секое место на злосторството. Додека ги проучуваат трагите, форензичарите ќе дојдат до шокантно откритие: отпечатокот од прстот е од девојчето што исчезна пред една година и го сметаа за мртво.
    Може ли убиецот да биде клуч за решавање на старото злосторство? И дали сè е само случајност или можеби нешто многу позаплеткано? Времето истекува, а убиецот го продолжува крвавиот пир. За да ги спасат невините животи, детективите мораат да преминат преку меѓусебните расправии и да откријат кој се крие зад овие свирепи убиства. Едно е сигурно, неговата мисија не е завршена. И никој не е безбеден.

    КНИГА ШТО ДОЖИВЕА НЕВЕРОЈАТЕН СВЕТСКИ УСПЕХ
    НАСКОРО КАКО ТВ СЕРИЈА НА „НЕТФЛИКС“

    „Еден од најдобрите и најстрашните трилери оваа година… ќе ве хипнотизира вештината на новиот мајстор во жанрот.“
    ‒ Киркус Ривјус

    „Неверојатна приказна и крај што ве остава без здив.“
    ‒ Њујорк Тајмс


    Човек од костени од: 500 ден
  • img-book

    После разводот, младата и привлечна мајка Со­­ња, се обидува да го добие и да го задржи старателството над нејзиниот син. Во исклучително тешка животна ситуација, таа се впушта во шверц на кокаин за Исланд и одеднаш е заглавена во канџите на безмилосниот криминален свет. Додека очајно го бара излезот од неволјите, уценета и крваво претепана, таа е принудена да применува нови и смели тактики, но не успева да го надму­дри Браги – цариникот со долгогодишно искуство. Најинтересно е кој стои на врвот на меѓународниот нарко октопод! Работите стануваат уште поком­пликувани затоа што Соња е во врска со жена. И тоа со Агла, некогашната висока менаџерка на банка, која ја гонат заради последиците од финансискиот колапс на Исланд.
    Дејствието на романот се одвива во Рејкјавик, кој сѐ уште е покриен од прашината на вулканската ерупција на Ејафјадлајекидл. Со темен, динамичен и студен заплет и интригантни ликови Ста­пица е исклучително оригинален и харизматичен скан­динавски кри­ми-трилер, од една од највозбудливите кри­­ми авторки – Лилја Сигурдардотир.


    5 out of 5
    Стапица од: 299 ден
  • img-book

    Дванаесетгодишниот Вилијам Вентон, не е како неговите врсници. Toj има чудесна моќ за откривање на шифри. Се обидува да разбере зошто неговото семејство пред неколку години било принудено да го промени идентитетот и во драматични околности да побегне од својот дом во Лондон и да се пресели во Норвешка, каде што живеат таен живот исполнет со страв. Но неговиот генијален талент за разбивање на шифри е откриен и Вилијам Вентон се соочува со невидени опасности и суштества што со години чекале на него… Тој сепак е упорен во намерата да го пронајде својот мистериозно исчезнат дедо кој претходно основал и работел во уште помистериозен институт за постхумни истражувања.

    Крадецот на луридиум е прва книга од серијата за возбудливите авантури на младиот Вилијам Вентон. Веднаш по објавувањето книгата стана книжевен феномен и досега е објавена во 37 земји, а наскоро се очекува и холивудски филм.

    Боби Пирс (1974), норвешки сценарист и режисер, остави трага во историјата на норвешкиот филм кога во 2006 година ја освои Златната палма за сценарио и режија, а во 2015 година го објави романот за деца „Крадецот на луридиум“. Книгата во 2015 година ја освои угледната норвешка награда за детска книжевност Арк, а во 2016 година е прогласена за Книга на годината во Норвешка.


  • img-book

    Елис Лејси не може да најде добра работа во Ирска. Свештеникот Флуд ѝ нуди одлични можности за работа преку Атлантикот, во Големото јаболко. Во Бруклин. Елис не може без семејството и пријателите, ама сепак тргнува во потрага по подобар живот. Се качува на прекуокенаскиот брод за да заплови во водите на животот.

    Таа вредно работи и учи во Америка, во ветената земја, ама носталгијата постојано расте. Еден ден го запознава Италијанецот Тони и тие се вљубуваат. Елис е пред ново искушение и мора да избере меѓу љубовта и родното место.

    Незаборавен роман, натопен со човечка длабочина, забавен и вешто скроен… Чувствителен и неодолив портрет на една девојка чиј што мирен семеен живот се претвора во интересна љубовна романса. Ова е најпознатиот роман на ирскиот писател Колм Тојбин, со кој тој ја доби престижната награда Costa Book Award и беше во потесен избор за ексклузивната европска награда Booker. Според сценариото од оваа новела во 2015 година беше снимен и светски познатиот филм, кој што под истоимениот наслов „Бруклин“, доби три номинации за Оскар


    Бруклин од: 199 ден
  • img-book

    Од време на време Сеит повторно води боемски живот. Се забавува со убави жени, пие вотка. Отвора луксузни ресторани со музика и танчарки во Пера – срцето на Истанбул, како и во летувалишта на островите и бреговите на Мраморно Море. Читателот ќе дознае за што разговарал таму со турскиот претседател и војсководец Ататурк, додека на подиумот деца, врвни танчари, изведуваат казашки танци…

    Таму ги доживуваат најубавите љубовни мигови со Мурка.

    Деновите на удобниот живот и раскошните забави се далеку. Со Мурка и со ќерките се борат со немаштија, болести… Во родната Алушта на Крим, болшевиците го убиваат татко му Мирза Еминов и ја искоренуваат целата негова фамилија.

    Светот влезе во Втората светска војна…

    Со Мурка доживуваат и други семејни трагедии, кога умира нејзината најмлада сестра, а ќерката Леман, миленичка на Сеит, (мајка на авторката Нермин Безмен) има несреќен брак. Нејзиниот маж ја изневерува на најподмолен начин…

    Сеит е разочаран, предвреме остарен и му се враќаат спомените за првата љубов Шура…


  • img-book

    На бродот за Париз, заедно со Шура замина и минатото на Курт Сеит, сите соништа што никогаш нема да се остварат и татковината во која веќе не ќе може да се врати, фамилијата и пријателите што веќе никогаш нема да ги види. Иако и натаму го следат спомените на бурната љубов, Сеит запловува во брачните води со младата Мурка и сега за таа детинеста, срамежлива, ама и љубоморна жена го поврзуваат длабоки чувства. Сепак, нивниот однос е преполн со издигања и падови, затоа што погледите на животот доста им се разликуваат. Сеит копнееше за Америка, а Мурка пак не сака да се оддели од семејството, а тука се и ноќите што Сеит поради природата на својата работа ги поминува надвор од куќата и сенката на Шура што од време на време се појавува над нив.

    Читателот во вториот дел од „Снеговите на љубовта“, документарна сага од брилијантната авторка Нермин Безмен, емотивно ќе ги доживее новите драматични доживувања на главниот јунак…

    Романот во делови „Снеговите на љубовта“ е плод на долготрајното истражување на авторката и веднаш по објавувањето ја освои пошироката публика.