Self Help (126)
  • img-book

    За некои борби вреди да се живее…

    Мојата животна приказна: сексуалното и менталното злоупотребување во детството и младоста, борбата со ракот и преживување на траумите.

    „Безсловен“ е автобиографско писание, вклопено во рамка на сирова искреност. Една тегобна реална слика, насликана со скрб, крв и солзи. Со делото авторот се обидува да се исцели себеси, но и да помогне на сите оние кои го преживеале истото и сè уште се борат во сенките на четириѕидовниот затвор на својот ум.

    Испреплетените приказни низ годините делуваат како исткаени моменти, кои како да не припаѓаат тука, на Балканот. Една разнобојна таписерија, која започнува во 2019 година кога авторот дознава дека има канцер. Канцерот е како еден катализатор за да може како од Пандорина кутија да се излеат сите болки, тајни и трауми од минатото. Поточно шест трауми и големи лузни од минатото, сокриени во шест сандаци: менталното и физичкото злоставување од страна на негувателките од градинка и од сопствените баба и дедо, кои со жилети му го сечеле јазикот, злоставување од страна на таткото алкохоличар, сексуалното злоставување од 8 до 10 години од страна на сосед, што впрочем е и најголемата траума во делото и околу кое се прилепуваат сите останати, и врсничкото физичко и ментално насилство (булинг) во основното и средното образование.

    Време е и на овие наши простори да за’рти дело кое ќе изникне и ќе се издигне над сите табуа кои нè чувале под стеги; да се зборува за сите овие нешта (особено за сексуалното злоставување), за да може некое дете, некоја возрасна личност, некоја социјална група, да се излечи. Делото е еден вид на водич како да се адресираат траумите кои ги чуваме сите; совети дека е сосем во ред да се разговара за тоа, бидејќи преку зборувањето и откривањето, ние се лечиме.

    * Книгата ќе биде достапна за продажба од 06.04.2024


  • img-book

    Поранешен ФБИ преговарач за меѓународни киднапирања и ситуации со заложници споделува нов, но докажан метод за преговарање – ефективен во која било ситуација, со многубројни примени во секојдневниот живот.

    Од мрачните улици на Канзас Сити, Мисури, Крис Вос преоѓа во ФБИ, каде што неговата кариера како преговарач при киднапирања го става во ситуации лице в лице со ограбувачи на банки, лидери на банди и терористи. „Никогаш не прифаќај компромис“ ве носи во длабоката внатрешност на светот на преговорите – и тоа оние најважните, најделикатните, каде што може најмногу да се изгуби или добие. Вос ги открива деветте клучни принципи кои им помогнале нему и на неговите колеги тогаш кога било најважно – кога нечии животи зависеле од нивните преговарачки вештини.

    Црпејќи од реалните искуства на врвен професионалец, „Никогаш не прифаќај компромис“ ќе ви даде значајна конкурентска предност во секоја можна дискусија.


  • img-book

    Една од највредните вештини во економијата станува сè поретка – ако ја совладате, ќе постигнете извонредни резултати.

    Умеете ли да се фокусирате? Да се исклучите од надворешниот свет, наполно да се внесете во задачата? Ако умеете да го направите тоа, тогаш сте исклучок. Повеќето луѓе денес се обидуваат да извршуваат повеќе задачи истовремено, поради што ја имаат изгубено способноста длабоко да проникнат во даден проблем.

    За да работиме задлабочено, треба да умееме да се сосредоточиме на извршување на задачите што бараат сериозен интелектуален напор и притоа да не дозволуваме други нешта да ни го одвлекуваат вниманието. Оваа способност за фокусирање ни помага побрзо да ги совладаме сложените информации и да постигнеме подобри резултати за пократко време. Задлабоченото работење ќе ве направи подобри во она што го работите и ќе ви донесе вистинска исполнетост. Во сè поконкурентната економија на 21 век, задлабоченото работење наликува на супермоќ. А сепак, повеќето од нас ја имаат изгубено способноста за задлабочување и ги минуваат деновите во френетично и магливо лутање меѓу е-поштата и социјалните медиуми, не сфаќајќи дека постои подобар начин.

    Докажувајќи ја ползата од задлабочената работа, Кал Њупорт ни предлага четири правила за преобразување на умот и навиките. Нè запознава со многу интересни личности кои ја совладале уметноста на задлабоченото работење – од Карл Јунг, кој гради камена кула во шума за да го сосредоточи умот, до пионерот во социјалните медиуми кој купува повратен билет до Токио за да ја напише книгата без ништо да му пречи.

    „Задлабочено работење“ е незаменлив водич за секој човек кој бара фокусиран успех во нашиот расеан свет.


  • img-book

    „Одлична книга која може да ви го смени животот.“ – Опра Винфри

    Предупредување до читателите: содржината на оваа книга може да ги потресе основите на вашиот живот. Ова е најлуцидната, најпроникливата и најзначајната книга за пари што ќе ја прочитате. Веројатно зашто во неа не станува збор за пари, туку за она за што ја разменуваме нашата животна енергија.

    Ова не е книга за личните финансии, туку за животот и како да го структурирате вашиот за да одговара на вашите вредности. И тоа не преку бескорисни совети како „следете ја страста“, туку на многу подлабоко ниво. Ви помага да откриете колку е „доволно“ за вас – точка во која сте задоволни и исполнети, единствена за секој. Иако вежбите во книгата се за управување со вашите пари, прашањата и советите се поврзани со ограничениот број часови што ни остануваат во животот и начините на кои можеме да внесеме смисла во нив.

    Без разлика дали штотуку го почнувате вашиот финансиски живот или сте пред пензија, оваа книга ќе ви покаже како да:

    • се ослободите од долговите и да заштедите
    • заштедите преку зголемена свесност и добри навики, а не преку строго штедење
    • го расчистите животот и да живеете подобро со помалку
    • ја вложите вашата заштеда и да се збогатите
    • и уште многу други важни работи!

     

     

     

     

     


  • img-book

    Доктор Беки Кенеди, психолог и популарен експерт за родителство, го споделува својот револуционерен пристап кон воспитувањето на децата и нуди практични стратегии за родителство. Нејзиниот пристап промовира цврсти граници, родителски авторитет и силно водство, притоа не заборавајќи ги позитивните односи, довербата и почитта.

    Во изминатите неколку години, доктор Беки Кенеди предизвика родителска револуција. Милиони родители, уморни од следењето на советите кои или не функционираат или едноставно не се чинат исправни, го прифатија моќниот и ефективен пристап на доктор Беки, модел кој дава приоритет на поврзувањето со нашите деца, наместо на нивно поправање.

    На родителите многу долго им се продава модел на воспитување на децата, кој едноставно не функционира. Од сложени системи за наградување, до казни или праќање во ќош, многу популарни родителски пристапи се засноваат на обликување на однесувањето, а не на воспитување луѓе. Овие техники не ги градат вештините што им се потребни на децата за живот, ниту ги објаснуваат нивните сложени емоционални потреби. Во Добри однатре, доктор Беки ја споделува својата родителска филозофија, комплетирана со изводливи стратегии, кои ќе им помогнат на родителите да преминат од несигурност и самообвинување кон самодоверба и цврсто лидерство. Ова е нов начин на воспитување, со главна цел: да им се помогне на децата да стекнат саморегулација, самодоверба и издржливост за цел живот.


  • img-book

    Кои модели на размислување и однесување ни помагаат достоинствено да се соочиме со искушенијата и да ги надминеме? Ејми Морин си го поставува ова прашање не само како психотерапевт туку и како личност која претрпела неколку тешки загуби. Додека се соочува со уште една лична трагедија, размислува за природата на психичката моќ и ги набројува тринаесетте работи што нè спречуваат да ја развиеме.

    Во оваа книга, авторката ги опишува лошите навики што нè спречуваат да го постигнеме својот целосен потенцијал и ни предлага начини за развивање на психичката сила насочени кон контрола на мислите, емоциите и однесувањето. Благодарение на проверените совети и интересните приказни на нејзините пациенти, ќе можете да стекнете навики на психички силни луѓе. Повеќе нема да се сожалувате, премногу да се навраќате кон минатото, да се плашите од промени или неуспех, или да се трудите да им угодувате на другите. Со новооткриената самодоверба и одлучност, ќе го пронајдете својот пат до среќата и успехот.


  • img-book

    „Што работиш?“ Тим Ферис има проблем кога треба да одговори на ова прашање. Во зависност од времето кога ќе го прашате, овој контроверзен предавач на Универзитетот „Принстон“ може да ви одговори: „Возам мотор низ Европа“, „Скијам на Андите“, „Нуркам во Панама“, „Играм танго во Буенос Аирес“…

    Повеќе од пет години ги проучувал тајните на новите богаташи, брзорастечката супкултура која го отфрла планот „работи денес за да уживаш на старост“ и ги има совладано новите валути на денешницата – времето и подвижноста – создавајќи луксузни животи во кои уживаат во моментот.

    Не е важно дали сте преоптоварен работник или претприемач кој не може глава да крене раководејќи го својот бизнис, оваа книга е компасот што ви е потребен за да се снајдете во новиот, револуционерен свет.

    Придружете му се на Тим Ферис и откријте како:

    – да ги делегирате задачите на виртуелни помошници од странство и да правите што сакате

    – обичните работници да патуваат низ светот без да ја напуштат работата

    – да ја преполовите работата за 48 часа со принципите на еден заборавен италијански економист

    – да го натерате шефот да ја вреднува вашата работа, а не вашето присуство во канцеларијата

    – да одите на куси пензионирања во текот на целиот живот, наместо да го чекате крајот на работниот век

    – да си ослободите време со селективно незнаење преку режимот со намалување на информации

    – извршните директори работат на далечина

    – да најдете бесплатно сместување во странство и авионски билети за 50-80% пониска цена

    – како да создадете значаен живот откако ќе го намалите обемот на работа и ќе заминете од канцеларијата.


  • img-book

    „Блескав манифест за отстранување на пречките што стојат меѓу вас и богатството од вашите соништа.“ – Њујорк магазин

    Водич кој ќе ви го промени животот и ќе ви помогне да ги заработите парите за кои само сте сонувале, од најпродаваната авторка на Њујорк тајмс, која се вивна до врвот со Ти си ѕвер.

    Ти си ѕвер за правење пари ќе ви помогне да ги надминете стравовите и пречките поради кои досега не сте постигнале финансиски успех. Повикувајќи се на преобразбата на својот живот за само неколку години, кога од личност која живеела во реновирана гаража со празна банкарска сметка станала жена која со стил патува низ светот, Џен Синсеро одново нè соочува со својата неповторлива дрскост и практичност поради кои Ти си ѕвер стана апсолутен бестселер. Комбинацијата од урнебесни лични приказни и куси блескави поенти успева да го разоткрие вашиот скриен потенцијал за заработување пари и да ви обезбеди вистински резултати.

    Научете како:

    • да откриете што е тоа што не ви дозволува да заработувате пари
    • да ги растерате сите сомнежи, стравови и изговори
    • да се поврзете со парите на нов, профитабилен начин
    • да го подготвите коктелот на создавањето
    • да ја откриете својата вродена способност за збогатување
    • да си ја обликувате реалноста и да престанете да бидете жртва на околностите
    • да станете толку богати колку што сакате да бидете.

  • img-book

    Овој практичен и инспиративен водич нè учи како да ги прекинеме деструктивните навики и заробувачки мисли за да пронајдеме слобода и да уживаме во животот.

    Моќната прва книга на Едит Егер, „Изборот“, ја раскажува приказната за нејзиното преживување во концентрациони логори, нејзиното бегство, исцелувањето и патешествието кон слободата. Опра Винфри вели, „Засекогаш ќе бидам променета од приказната на доктор Егер“. Илјадници луѓе од целиот свет ѝ пишувале на Егер за да ѝ кажат колку нејзината книга ги трогнала и ги инспирирала да се соочат со сопственото минато со цел да се обидат да најдат лек за својата болка, истовремено молејќи ја да напише уште една книга со повеќе практични и детални совети како нејзе ѝ успеало во тоа. Па така сега, во „Подарокот“, Егер се осврнува на исцелувањето и ни дава многу корисен прирачник кој нежно нѐ охрабрува да ги промениме своите мисли и однесувањето кое нѐ прави затвореници на минатото.

    Егер објаснува дека најлошиот затвор за неа не бил затворот во кој ја сместиле нацистите, туку оној што таа самата го создала за себе – затворот на нејзиниот ум. Потоа ги опишува дванаесетте најзаробувачки проблеми со кои се соочила – како, страв, тага, лутина, тајни, стрес, вина, срам и одбегнување – и алатките кои ги открила за справување со овие универзални предизвици.

    Со многу емпатија, стручност и хумор, Подарокот ќе ви даде охрабрување и совети за да се ослободите од сопствените затвори и да уживате во животот.


  • img-book

    Без евтини фори. Без преувеличувања. Без магични стапчиња. Според Дарен Харди постои само еден, многу едноставен и функционален принцип за успех, без оглед на кое поле во животот сакате да напредувате. Ако сте сериозни дека сакате да живеете исклучителен живот, тогаш искористете ја моќта на кумулативниот ефект за да го постигнете успехот кој го посакувате.

    Оваа книга се базира на принципот дека одлуките што сите ги носиме во животот се оние кои ја обликуваат нашата „судбина“ и нашиот пат во животот. Малите секојдневни одлуки или водат до живот каков што сите посакуваме или пак до катастрофа. Дарен Харди, авторот и издавач на списанието УСПЕХ, направил збир на основните принципи кои се заслужни за најфеноменалните достигнувања во бизнисот, врските и општо во сите аспекти на животот.

    Оваа книга треба да ја прочита секој кој копнее по нешто, без разлика дали тоа се однесува на подобра кариера, поуспешни и поисполнителни љубовни врски, подобро физичко здравје и тело, раст и усовршување или кој било друг аспект… бидејќи е како оперативен систем кој ви овозможува да го умножувате вашиот успех, да го бележите напредокот и да постигнете сè што сакате во животот.


  • img-book

    Кога поради сериозна повреда останува без работа и практично живее на каучот на сестра му, познатиот професионален рагбист Луис Хаус сфаќа дека мора да направи некоја промена во животот. Почнува да контактира со луѓе на кои им се воодушевува, во потрага по ментори, а и да ги применува советите на старите тренери, пренасочувајќи ги од спортот директно во животот. И успева да изгради мултимилионски онлајн бизнис.

    Во Школа за извонредност, Хаус ги споделува најважните совети и навики на голем број извонредни луѓе, сѐ што дознал од нив за тоа како да се живее извонреден живот. Низ разговори со спортски шампиони и бизнисмени милијардери, Хаус се обидува да открие што е потребно за да бидеме извонредни во животот, успешни на секое поле, и да достигнеме величие кое не го достигнува баш секој. И сфаќа дека овие великани не се успешни затоа што им се насмеала среќата во животот или едноставно се родени исклучително талентирани, туку имаат одредени навики и алатки со кои ги надминуваат пречките во животот.

    Школа за извонредност е водич за личен развој кој ви дава алатки, знаење и ресурси за остварување на вашиот максимален потенцијал. Лекциите на Хаус докажуваат дека секој е способен за постигнување исклучителен успех и дека сите можеме да се стремиме кон извонредност во нашите секојдневни животи.


  • img-book

    Во својата нова книга, д-р Џо Диспенца ги спојува квантната наука и древната мудрост за да ни покаже дека секој од нас може да доживее мистично искуство и да ги разбуди своите потенцијали до невидени нивоа. Врз основа на многубројни научни истражувања и сведоштва на обични луѓе што доживеале неверојатни искуства во својот живот, д-р Диспенца нѐ учи како да се споиме со фреквенцијата на единствената, универзална свест, како да ги поттикнеме и да ги урамнотежиме нашите осум енергетски центри, како да се ослободиме од минатото усогласувајќи го телото со новиот ум и како да креираме нова реалност менувајќи ја енергијата во сегашниот момент. Оваа книга е програма што ни овозможува да исчекориме од физичкиот свет и да влеземе во квантното поле на неограничени можности – во кое можеме да станеме кој било и да оствариме нешто чудесно.


  • img-book

    Како би изгледало кога би можеле да се ослободите од ограничувањата и да се извишите над своите граници? Што можете да сторите секој ден за да дојдете до внатрешен мир и спокој? „Незаробената душа“ нуди едноставни, а сепак длабоки одговори на овие прашања.

    Сеедно дали сега за првпат го истражувате сопствениот внатрешен простор или целиот живот сте го посветиле на патувањето низ својата внатрешност, оваа книга ќе ви го преобрази односот со себеси и со светот околу вас. Ќе откриете што е она кое можете да го сторите за да им ставите крај на сите вообичаени мисли и емоции кои ви ја ограничуваат свеста.

    Користејќи ги традициите на медитирање и на апсолутно концентрирање, авторот и духовен учител Мајкл А. Сингер ни покажува како развивањето на свеста може да ни овозможи да се задржуваме во сегашниов миг, а притоа да ги пуштиме од себе мислите и сеќавањата полни болка кои нè спречуваат да постигнеме среќа и да се реализираме себеси.

    Издадена во соработка со Институтот за ноетички науки (ИОНС), „Незробената душа“ почнува така што чекор по чекор ви ја објаснува релацијата што ја имате со сопствените мисли и емоции и ви помага да ги откриете изворот и флуктуирањата на вашата внатрешна енергија. Понатаму, книгата се задлабочува во она кое можете самите да го сторите за да се ослободите од вообичаените мисли, емоции и модели на лична енергија што ви ја ограничуваат свеста. На крај, со совршена јасност, книгата ви ја отвора вратата кон живеењето со слобода за вашето најдлабоко битие.


  • img-book

    „Монтесори за деца“ е една од најреномираните книги посветени на прочуениот педагошки и образовен пристап, започнат со делото и животот на доктор Марија Монтесори. Оваа книга е бастион на методот Монтесори, практично ги содржи сите начела и нè учи на безброј нешта, од тоа како да ги воспитуваме нашите деца за да станат љубезни, љубопитни и одговорни личности, па сè до тоа како да научиме да се грижиме за себеси, за нашето семејство, за другите луѓе и за средината околу нас. Напишана во форма на водич со голем број совети, предлози, како и со активности соодветни за малите деца, истовремено претставува и книга за личен развој на родителите. Неизбежно е да ја прочитате ако го применувате принципот Монтесори со вашите деца или ако сакате да дознаете нешто повеќе за него.


  • img-book

    Овој бестселер, кој веќе се смета за своевидно класично дело во полето на модерната детска психологија, напишан од меѓународно признати експерти за комуникација меѓу родители и деца, содржи голем број важни сознанија и предлози, но и методи (за коишто се покажува дека успешно го издржуваат тестот на времето) за решавање на честите проблеми коишто се среќаваат во рамките на оваа комуникација и за градење основи за трајни врски, вклучувајќи бројни иновативни начини за: · Справување со негативните чувства на вашето дете, како што се фрустрираноста, лутината и разочарувањето.

    • Изразување на вашите силни чувства без притоа никого да повредите.

    • Остварување ефективна соработка со вашето дете.

    • Поставување цврсти граници и одржување на добрата волја.

    • Користење алтернативи за казнување кои поттикнуваат самодисциплина.

    • Разбирање на разликата помеѓу корисните и некорисните пофалби за одделни поведенија.

    • Мирно разрешување на семејните конфликти.

    Ентузијастички фален и од родителите и од бројни експертиnод оваа област низ светот, пристапот на Фејбер и Мазлиш ги прави односите со децата од сите возрасти помалку стресни и, општо земено, повредни и позадоволувачки.


  • img-book

    Сурово искрено четиво кое прво ве крши на многу парчиња, а потоа одново ве составува, така што ниту еден дел не е излишен.

    Кристи Тејт е штотуку прогласена за најдобра студентка на Правниот факултет и успешно се справува со нарушувањата во исхраната. Но зошто вози низ Чикаго посакувајќи да исчезне? Зошто си замислува дека ѝ става крај на тагата што ја притиска?

    Кога влегува во шестчлената група на психотерапевтот д-р Розен, сѐ почнува да се менува. Но пресвртницата во нејзиниот живот не се случува прекуноќ. Влезот во тој чуден и застрашувачки свет, во кој пред непознати луѓе треба да ги исповеда дури и најмрачните тајни, воопшто не е лесен. Но во секој случај е исплатлив.

    Кристи Тејт е наш водич во тешкиот, но возбудлив процес на поврзување со себеси и со другите – врска за која не сме знаеле дека ни е толку потребна сѐ додека не се најдеме разголени пред оваа книга согледувајќи колку нѐ чинат чувствата што ги потиснуваме во себе. Време е да ги пуштиме надвор, кон новиот среќен живот.

    „Потребни се храброст и доверба за да се разголи душата пред психотерапевт и плус пред шестмина странци. Одлуката на Тејт да ја раскаже оваа приказна е вистински подвиг, и среќни сме што се одлучи на тој чекор.“

    Лори Готлиб, авторка на „Можеби треба да разговараш со некого“


    Група од: 490 ден