0
9. Популарна психологија (190)

Книга на неделата

Убиј го таткото 6  
  • img-book

    Секој копнее да биде прифатен и сакан. Во идеална ситуација, во текот на детството ја развиваме неопходната самодоверба, која потоа како возрасни нѐ носи низ животот. Меѓутоа, навредите што сме ги доживеале исто така се втиснуваат во нас и несвесно ги одредуваат сите врски и односи во нашиот живот, спречувајќи нѐ да ги оствариме своите потенцијали.

    Внатрешното дете е збир од сето она што во детството оставило силен печат врз нас, преку нашите родители и другите луѓе во нашите животи. Стефани Штал смета дека детето во нас мора повторно да си го најде својот дом. Зашто оној кој нема внатрешен дом, не може да го пронајде ниту во надворешниот свет.

    Сеопфатната програма за практична работа со „внатрешното дете“, како и многуте вежби опишани во оваа книга, ќе ни помогнат да се ослободиме од усвоените обрасци кои нѐ доведуваат во конфликт со нас самите и со нашата околина.

    Детето во тебе мора да си го најде својот дом е книга која не треба да ја прочитаме само еднаш, туку треба да ни стане секојдневен придружник во животот.

    Wishlist
    Детето во тебе мора да си го најде својот дом од: 450 ден
  • img-book

    Секоја година имаме на располагање фиксен број денови. Некои денови нè одминуваат не оставајќи зад себе никаква трага, а некои ги помниме засекогаш.

    Дали го паметиш првиот бакнеж? Или највкусниот оброк? Или мирисот на свежо потстрижената трева на совршен летен ден?

    Кога нашите сетила се стимулирани, кога ќе ја искористиме моќта на првите искуства и кога сме свесни за сопствените чувства и емоции, полесно ќе ги зачуваме нашите среќни спомени.

    Повикувајќи се на научни истражувања на среќата, Мајк Викинг нè учи како да создаваме среќни спомени и како полесно да ги задржиме. Користејќи податоци и дневници, прашалници, глобални анкети и истражувања, научни осврти на однесувањето и експерименти со среќата, Уметноста на создавање спомени ќе ни објасни како да создадеме совршени моменти. Моменти што ќе ги запаметиме засекогаш. Моменти што ќе ја обликуваат нашата личност.

    Wishlist
    Уметноста на создавање спомени од: 780 ден
  • img-book

    НАМЕНЕТ ЗА СИТЕ ШТО ВЕРУВААТ ДЕКА МОЖАТ ПОДОБРО!

    THRIVITY АКТИВАТОР е интерактивен водич во развојот на вашите потенцијали, кој ја промовира културата на континуирано учење кај поединците, организациите и во општеството.

    Авторскиот тим понуди алатка за развој на 70 бихевиорални компетенции, која на едноставен, но софистициран и прагматичен начин ќе ги крене личниот и професионалниот развој на едно ново, повисоко ниво.

    THRIVITY АКТИВАТОР инспирира високо ниво на свесност за сопствениот личен развој, мотивира прогресивен лидерски стил кој грижата за луѓето и нивниот напредок ги препознава како клучен фактор за успех.

    Наменет е за луѓето кои бараат работа, поединците кои имаат желба за лична и професионална надградба, менаџерите кои се посветени на развој на луѓето, експертите од областа на човечките ресурси и едукаторите кои ќе им ги доближат компетенциите на учениците и студентите, како неопходност за иднината.

    Искористи ги знаењето и искуството пренесени во овој прирачник како инспирација да се оствариш себеси како личност и професионалец.

    Wishlist
    Thrivity Активатор од: 600 ден
  • img-book

    Лујзa Л. Хеј, авторка на многу бестселери, е светски познат лидер во областа на самопомошта. Нејзината клучна порака гласи: „Ако сме подготвени да ја завршиме менталната работа, речиси сè може да се излекува“.

    Во Како да го излечите својот живот таа ни нуди длабок увид во односот меѓу умот и телото. „Животот е навистина многу едноставен. Она што го даваме, тоа ни се враќа“, вели таа. „Она што го мислиме за себе, станува вистина за нас. Верувам дека сите, вклучително и јас, сме одговорни за сè што ни се случува во животот – добро или лошо. Секоја мисла што ја создаваме ја формира нашата иднина. Ние ги создаваме своите искуства со нашиот начин на размислување и со чувствата. Мислите што ги вртиме во главата и зборовите што ги кажуваме ги создаваат нашите искуства.“

    Полн со идеи и стратегии кои биле успешни за милиони луѓе низ светот, овој практичен водич за самопомош ќе ви го промени начинот на размислување засекогаш! Истражувајќи го начинот на кој ограничувачките мисли и идеи нè контролираат и не ни дозволуваат да напредуваме, Лујза Хеј нуди моќен клуч за разбирање на физичките болести и непријатности. Инспиративна книга која ги трансформирала животите на милиони луѓе, длабоко менувајќи им ја свеста за влијанието што умот го има врз нашето здравје и благосостојба.

    Wishlist
    Како да го излечите својот живот од: 400 ден
  • img-book

    Сте доживеале ли некогаш чувство наречено “веќе видено“ … сте сонувале ли повеќе пати некое конкретно место или време … или, сте почувствувале ли на прв поглед блискост со некого? Сите овие искуства ни нудат траги за постоењето минати животи.

    Со „Како да си ги откриете минатите животи’, ќе научите на кој начин сознанијата за минатите животи можат да ви помогнат јасно да ја согледате духовната цел на животот што сега го живеете. Популарниот автор Тед Ендруз ве учи како безбедно и лесно да ги истражувате сеќавањата за минатите животи, со примена на самохипноза, медитација, био-лоцирање, пријатни миризби и на кристали. Откријте како:

    *Да ја искористите свеста за минатите животи како средство за сопствен духовен раст
    *Да ги препознаете вашите сродни души и нивната улога во вашиот живот
    *Да го сфатите вистинското значење на поимот „душа-близначка“
    *Да се ослободите од себепоразувачките однесувања и верувања од сопствените минати животи
    *Да согледате која е крајната цел на вашиот живот

    Wishlist
    Како да си ги откриете минатите животи од: 210 ден
  • img-book

    Можам ли да останам позитивен и спокоен?

    Овие се големи прашања што сите си ги поставуваме во одреден момент од животот. Но воопшто не е лесно да се најде соодветен и мудар одговор. Замислете си дека сите овие секојдневни прашања можете да му ги поставите на најголемиот стоички филозоф Марко Аурелиј. Оваа книга ви го овозможува тоа, зашто во неа ќе најдете:

    – 79 прашања за животот

    – 79 одговори од Марко Аурелиј приспособени на денешниот јазик

    – поттикнувачки размисли за да го задржите позитивниот став во животот.

    Кога работите течат совршено, оваа книга ќе ви помогне да го задржите духовниот мир. Но кога ќе тргнат наопаку – во семејството, љубовта, социјалните односи, работата – овие пораки ќе ви помогнат да им пристапите од поинаква перспектива и да ја издигнете својата свест. Само со таква свест ќе можете да се самосознаете и да стекнете храброст за надминување на проблемите и страдањето.

    Wishlist
    Остани позитивен со Марко Аурелиј од: 280 ден
  • img-book

    Се чувствувам изгубено, како да не сум на вистинскиот пат.

    Се споредувам со другите и се чувствувам неуспешно.

    Толку сум преплавен со мисли што не можам да спијам.

    Се пронајдовте ли во некоја од овие реченици? Не грижете се, сите понекогаш се чувствуваме така, и тоа е сосем нормално. Но само малкумина успеваат мудро да се справат со овие прашања на секојдневното постоење. Нивните одговори ги знае еден од најголемите филозофи на светот, Сенека, кој ги запишал во своите писма. Што ако некој ги приспособи на сегашниот живот и ви овозможи да го намалите стресот, да го живеете животот што е можно помирно, попозитивно и поисполнето? Јана Капри и Чаран Дијаз го сторија тоа во оваа книга, во која ќе пронадете:

    – 79 прашања за животот

    – 79 одговори инспирирани од стоикот Сенека

    – психолошки промислувања што ќе ви овозможат да живеете исполнет живот.

    Ви посакуваме среќно психолошко-филозофско патување, во текот на кое ќе чувствувате помалку неспокој во друштвото на Сенека. Вклопете се во стоичкиот пристап кон животот и променете го начинот на кој мислите, за да може да го разубавите и да го збогатите својот живот.

    Wishlist
    Остани спокоен со Сенека од: 280 ден
  • img-book

    Едвард Бернејс: првиот спин-доктор, американскиот Гебелс, таткото на односите со јавноста, внук на Зигмунд Фројд, па дури и инспирација за име на музички бенд.

    „Пропаганда“: како да се манипулира со јавното мислење во политиката, судството, маркетингот, медиумите, односите со јавноста, бизнисот, уметноста, образованието?

    Оваа книга не премолчува ниту еден аспект на манипулација со јавното мислење, уште повеќе, тоа го смета за сосем легитимна појава што секогаш ќе постои.

    Интелигентното малцинство има право да го предводи помалку интелигентното мнозинство кон целите што се во интерес на малцинството, тврди Бернејс. Книгата е пишувана не толку од гледна точка на теоретичар, колку од практичар и професионалец што секојдневно се занимавал со проблеми и со решенија.

    Бернејс низ единаесет поглавја опфаќа различни области и опишува вистински ситуации во кои пропагандата се користи како алатка што ќе обезбеди успех и напредок за секого од неговите клиенти.

    Ќе ги уочите културата на консумеризам, групната психологија и семејната поврзаност со Фројд, која му помогнала на Бернејс да ги разбере емотивните и потсвесните потреби на просечниот потрошувач.

    Капитално дело на основачот на односите со јавноста како професија и на изумителот на спинувањето. Покрај тоа што е задолжителна литература на сите катедри за односи со јавноста, комуникологија, новинарство и политички науки, како еден од најважните учебници од областа на односите со јавноста, од своето прво објавување во 1928 година до денес таа не престанува да ја бранува јавноста и да предизвикува контроверзии и расправи.

    Wishlist
    Пропаганда од: 320 ден
  • img-book

    Зошто мама раскрева по дома, а не тато? Зошто го носам презимето на тато, а не на мама? Зошто знаеме повеќе за спортисти и научници отколку за спортистки и научнички? – ова се само некои од илјадници прашања што од името на сите девојчиња ги поставува лик-ИЦА, хероината на оваа книга.

    „Никогаш не е прерано за феминизам. Драги девојчиња, ако размислувате од каде да почнете, ова е одлично место.“ – Наѓа Духачек

    „Лекции кои можеби нема да ти помогнат да ги имаш сите петки, ама ќе ти помогнат да го направиш светот поправедно и подобро место за тебе и за твоите пријателки. А првата и најважна лекција гласи: не постои ништо, ама баш ништо што девојчињата не би можеле, не би смееле или би морале да го направат – само затоа што се девојчиња!“ – Тамара Заблоцки

    Wishlist
    Фурам феминизам од: 300 ден
  • img-book

    Во „Пепелник во еден хотел во Скопје“ Жижек посегнува по утврдените мислења на современата наука, ги сопоставува со најактуелните настани и примери денес, а како резултат на тоа се кристализира едно специфично, остроумно и контроверзно множество ставови. Книгава е збирка во која тој подведува пет свои есеи под парадоксот што го доживеал при еден престој во Скопје, а како таква таа истовремено претставува и неизбежна обиколка околу прашањата за љубовта, сексот, психоанализата, идеологијата, филмот, книжевноста, како и политичкото минато, сегашност и иднина. Како сублимат на неговата мисла, „Пепелник во еден хотел во Скопје“ е неопходно четиво за критичкиот ум, крајпатен знак што води кон „пробивање“ на појавата и стигнување до срцевината на стварното.

    Wishlist
    Пепелник во еден хотел во Скопје од: 300 ден
  • img-book

    Приказна што инспирира и охрабри милиони луѓе низ светот да го пронајдат најдоброто во себе!

    Ова е една од највлијателните книги на сите времиња – подеднакво прекрасна, мудра и лична, богата со духовна проникливост, вистинска потрага по смислата на животот. По болниот развод Елизабет Гилберт презема радикален чекор. Сакајќи да си даде време и простор за себепронаоѓање, го остава вообичаениот западен начин на живот и тргнува да истражи три различни аспекти на својата природа во опкружување на три различни култури.

    Првата дестинација е магичната Италија – идеална за истражување на гастрономските и друг вид задоволства. Потоа Индија, каде што ја преиспитува својата духовна приврзаност. На крајот, заминува на индонезискиот остров Бали, каде што доаѓа до балансот меѓу телесното уживање и посветеноста на божественото.

    Сензуална и авантуристичка духовна одисеја што колку што е интересна, толку е и просветлувачка.

    Wishlist
    Јади, моли се, вљуби се од: 500 ден
  • img-book

    За да бидете успешни не е потребно да сте родени под среќна ѕвезда, да бидете богати, да имате идеални познанства и врски или специјални таленти. Единствено што ви е потребно е само- дисциплината. За жал, повеќето луѓе или се движат по линија на помал отпор и/или сакаат моментално задоволство – не земајќи ги предвид долгорочните последици од сегашните акции.

    Без оправдувања! покажува како да успеете на три главни полиња во вашиот живот:
    1. Вашите лични цели
    2. Вашите работни и финансиски цели.
    3. Вашата севкупна среќа

    Наместо да им завидувате на другите и да копнеете по животот што го имаат избраните „среќници“, престанете да наоѓате изговори и прочитајте ја оваа книга!Брајан Трејси е најпознатиот светски гуру за мотивација и продажба. Тој е претседател на Брајан Трејси интернешенал, компанија специјализирана за обука и развој на поединци и организации. Мисијата на Брајан Трејси е да ви помогне да ги достигнете личните и професионални цели побрзо и полесно одошто сте замислувале. Неговите говори и семинари за лидерство, продажба, мотивација, цели, стратегии и креативност ги слушале повеќе од 5 милиони луѓе и 10.000 компании во преку 50 земји ширум светот.

    Wishlist
    Без оправдувања од: 400 ден
  • img-book

    Во книгата инспирирана од нејзиното популарно излагање на TED talk, Решма Саџани ги охрабрува жените и девојките да ги прифатат несовршеноста и храброста.

    Замислете си дека живеете без страв дека не сте доволно добри. Дека не ви е гајле како изгледа вашиот живот на „Инстаграм“ или што мислат комплетните туѓинци за вас. Замислете си дека лесно се ослободувате од чувството на вина и сте престанале да се раскинувате себеси поради ситни грешки. Што доколку, при соочувањето со секоја одлука, сте го избрале похрабриот пат?

    Повеќето од нас се чувствуваат скршени од товарот на нашите сопствени очекувања. Се исцрпуваме себеси, обидувајќи се да ги задоволиме сите, цело време. Си го нарушуваме сонот, размислувајќи да не сме навредиле некого, кои можности да ги пропуштиме затоа што ќе нè извадат од нашата зона на комфорот и како по секоја цена да избегнеме одбивање.

    Постои причина зошто се однесуваме на овој начин, вели Решма. Како девојчиња, нè учеа да играме на безбедна карта. Родителите и наставниците нè фалеа затоа што сме тивки и учтиви, нè предупредуваа да бидеме внимателни за да не бидеме повредени и нè насочуваа на активности на кои можеме да блеснеме.

    Проблемот е дека совршеното девојче расте во жена која се плаши да потфрли. Време е да престанеме да дозволуваме нашите стравови да ги потопат нашите соништа и да го стеснат нашиот свет, заедно со нашата шанса за среќа.

    Со избирањето храброст наместо совршенство можеме да најдеме сила да го зацврстиме нашиот глас, да го оставиме зад себе она што нè прави несреќни и да тргнеме по работите што вистински и страсно ги сакаме. Совршенството можеби нè поставува на патеки на кои се чувствуваме безбедно, но храброста нè води до оној пат што автентично треба да го следиме.

    Во „Храбри наместо совршени“, Решма споделува моќни согледувања и искуства со кои ќе ни помогне да ја надминеме нашата обука за совршено девојче и да ја направиме храброста наша доживотна навика. Со тоа што ќе станеме храбри наместо совршени сите можеме да станеме креатори на нашиот најхрабар и најсреќен живот.

    Wishlist
    Храбри наместо совршени од: 350 ден
  • img-book

    Тој вели дека тоа е неговата најдобра понуда. Но дали е така?  Tаа вели дека се согласува. Дали навистина се согласува? Интервјуто помина одлично – или сепак не?

    Прочитајте ја оваа книга и развијте ја својата невербална интелигенција. Џо Наваро, поранешен агент на ФБИ и стручњак за невербална комуникација, објаснува како брзо и ефикасно да ги „прочитате“ луѓето: да им ги одгатнете чувствата и мислите, да препознаете кога ве лажат и да ги избегнете скриените замки. Ќе дознаете и како говорот на вашето тело влијае врз мислењето што надредените, семејството, пријателите и другите го имаат за вас. Ќе откриете:

    –          кои се древните инстинкти за преживување што го поттикнуваат говорот на телото;
    –          зошто од лицето најтешко се читаат вистинските чувства на личноста;
    –          што ни откриваат гестовите со палците, стапалата и очните капаци;
    –          кои се најмоќните гестови што ја откриваат нашата самодоверба;
    –          како можеме да поттикнеме доверба или авторитет.

    Џо Наваро, наречен „ловец на шпиони“ и „човечки детектор за лаги“, ни открива многу примери од своето професионално искуство покажувајќи ни како да ги разбираме мислите и намерите на луѓето, да ги откриваме и дешифрираме нивните невербални реакции за да можеме поуспешно да комуницираме со нив. За работа или за задоволство, Што кажува секое тело нуди моќно знаење што го збогатува и унапредува животот.

    Wishlist
    ШТО КАЖУВА СЕКОЕ ТЕЛО од: 400 ден
  • img-book

    Свесноста за фактите е навика која го намалува стресот и гради ставови засновани врз цврсти аргументи Зошто расте бројот на жители во светот? Колку млади жени се школуваат? Колкумина живеат во сиромаштија? На овие и на многу други едноставни прашања за глобалните трендови луѓето систематски даваат погрешни одговори. Толку погрешни што шимпанзата, кои случајно би ги избрале одговорите, би имале подобри резултати од новинари, нобеловци и банкарски инвеститори.

    Ханс Рослинг, професор по меѓународно здравје и човек кој умее да ги натера податоците да пеат, нуди ново, радикално објаснување зошто се случува тоа и ни открива десет инстинкти кои ни го искривуваат светогледот. Според Рослинг и неговите соработници, и покрај сите несовршености, светот е во многу подобра состојба отколку што мислиме. Но кога непрестајно и претерано се грижиме за сѐ наместо да усвоиме светоглед заснован врз факти, знаеме да ја изгубиме способноста да се сосредоточиме на нештата кои ни претставуваат најголема закана.

    Инспиративна, просветлувачка и полна со анегдоти и трогателни приказни, Фактологија е значајна, суштинска книга која го менува начинот на кој ги гледаме работите околу нас.

    Wishlist
    ФАКТОЛОГИЈА од: 500 ден
  • img-book

    „Драги свесни креатори!

    Во вашите раце се наоѓа Водич за креирање на реалноста во 7 најважни сегменти во животот:

    Љубов

    Здравје

    Пари

    Успех

    Работа

    Семејни односи

    Пријателство

    Мојата намера беше да го креирам овој Водич со конкретни методи за креирање во горенаведените животни сегменти затоа што сум свесна дека сите можеме да бидеме брилијантни во сите овие сегменти од животот.

    Уверувањето дека не можеме да имаме сè и да бидеме успешни во сите животни сегменти не е ништо друго освен – само уверување.

    Сме дошле на овој свет за да се присетиме кои сме и да ја играме оваа прекрасна игра наречена живот.“

    Ана Бучевиќ

    Wishlist
    Умешноста да ја креирате вашата реалност – Водич за свесни креатори од: 450 ден