9. Популарна психологија (164)
  • img-book

    Кога самите не сме способни да му кажеме „не“ на стресот, телото зборува место нас. А кога телото ни зборува, треба да го слушаме.

    Може ли човек буквално да умре од осаменост? Дали постои „рак-личност“? Зошто и како се појавуваат артритис, дијабетес, срцеви заболувања, мултиплекс склероза… и дали можат да се излечат?

    Врз основа на научните истражувања и своето повеќедецениско искуство, д-р Мате дава одговори на многу важни прашања за ефектот на телоумот врз здравјето и улогата што стресот и индивидуалната емоционална структура ја имаат во многу болести. „Целта на оваа книга е да го опише влијанието на стресот врз здравјето. Тој е толку длабоко скриен и сраснат со нас што го чувствуваме како дел од себе. Се обидуваме да го разбереме телото одвојувајќи го од умот, но тоа е голема предрасуда“, вели д-р Мате.

    „Кога телото вели не“ изобилува со животни приказни на многу пациенти. Таа е откровение што придонесува за трансформативни сознанија за тоа дека болеста е начин на кој телото му кажува „не“ на она што умот не може да го признае.

    „Габор Мате вешто ги обединува последните достигнувања во биомедицината со личните приказни на пациентите овозможувајќи ни длабок увид во тоа како искуствата го обликуваат нашето здравје и однесување. Книга што мора да се прочита.“

    Брус Липтон, автор на „Биологија на верувањето“

    „Ова е мошне важна книга, и за докторите и за обичните луѓе. Во секој случај спасува животи.“

    Питер Левин, доктор по трауматски стрес


  • img-book

    „Пазарот е преплавен со книги за тоа како да се постигне добро ментално здравје, почнувајќи од медитација, преку максимална концентрација, до лекување со медикаменти. Но, мозокот не се развил за потребите на нашата добросостојба, туку заради наше преживување и размножување. Стресните состојби, паничните напади, опсесивно-компулсивните нарушувања, дури и АДХД и дијагнозите во спектарот на аутизмот, сите тие носат еволуциски поволности. Психијатарот Андерш Хансен го сфатил ова, и сега ни ги испорачува своите размисли во неговата генијална и одлично составена книга. Апсолутно задолжително четиво!“
    –Хуго Лагеркранц, почесен професор по педијатрија, институт „Каролинска“

     

    „Андерш Хансен е нашиот најистакнат и најугледен јавен едукатор. Со неговиот кристалнојасен, максимално непосреден стил, кој во ниеден миг не отстапува исплашен од тешки прашања, Хансен пишува за еволуцијата, за мозокот и за тоа зошто многумина од нас се чувствуваат толку неубаво. Според мене, брилијантно. И, многу поучно“.
    Давид Лагеркранц


    Тажни мисли од: 450 ден
  • img-book

    Ако не го живеете својот живот за себе, тогаш кој ќе го живее за вас?

    Дали среќата е нешто што човек може да го избере за себе? Јапонскиот феномен „Храброста да се биде свој“ ни дава едноставен и јасен одговор.

    Користејќи ги теориите и техниките на Алфед Алер, еден од најбрилијантните умови на психологијата, необичниот филозоф му помага на едно момче да сфати дека секој човек сам ја одредува насоката на својот живот. Ослободување од оковите на минатото и од очекувањата на другите – овој идеал ги предизвикува социјалните норми што ги живееме и за кои сме убедени дека се вообичаени. Потребна е храброст да се ослободиме од нив и да сфатиме дека секој од нас има своја улога во светот.

    Оваа мудра книга ќе ви помогне да почнете да верувате во себе и да заборавите на туѓите и на самонаметнатите ограничувања. Веќе на милиони луѓе им помогна. Сега е вашиот ред!

    „Сократовски дијалог што ги обединува Адлеровата психологија и стоичката филозофија. Зачудувачки од почеток до крај. Моја топла препорака.“ Марк Андерсен


  • img-book

    Престани да им угодуваш на другите! Научи како да поставиш граници и како слободно да кажеш НЕ – без чувство на вина!

    Зарем не ти досади тоа што луѓето те искористуваат? Дали си уморен/на од колегите, пријателите, па дури и роднините што си земаат за право да го користат твоето време и очекуваат да им бидеш достапен кога ѝ да им затреба нешто? Ако е така, тогаш ова е вистинска книга за тебе – Речи НЕ без чувство на вина!

    Во оваа книга ќе откриеш:

    – Како и самиот автор ги пребродил навиките да им угодува на другите луѓе

    – Список на најчести причини кога велиме ДА, а знаеме дека треба да кажеме НЕ

    – Десет едноставни стратегии како на фин начин да го одбиеме барањето

    – Зошто зборот НЕ, не нè прави лоша личност (напротив!)

    – Најдобар начин да развиеш навика за да воспоставиш лични и професионални граници

    – Како да знаеш дали си личност што им угодува на другите

    Плус бонус поглавје:

    – Како да речеш НЕ на посебни групи луѓе како што се брачни другари, деца и пријатели (о да, можеш и нив да им речеш НЕ!)

    Не дозволувај луѓето да те земат здраво за готово, преземи контрола над својот живот така што ќе речеш НЕ без чувство на вина!


  • img-book

    „Плацебото сте вие” е прирачник со упатства како да направиме чуда со своето тело, здравјето и соживотот. Оваа книга е единствениот рецепт за здравје што некогаш ќе ви затреба“.
    Д-р Кристијана Нортруп

    „Џо Диспенца е врвен учител што има способност да ја објасни науката на многу едноставен начин така што сите можат да ги разберат нејзините поими“.
    Дон Мигуел Руиз
    Дали е возможно некој да се излекува само со моќта на мислите – без лекови или операција? Вистината е дека тоа се случува многу почесто отколку што би очекувале. Во книгата Плацебото сте вие, доктор Џо Диспенца споделува многу документирани случаи за луѓе што излекувале кардиолошко заболување, депресија, артритис, па дури и тремор кај Паркинсонова болест, верувајќи во плацебо. Слично на тоа се потврдените приказни за луѓе што се разболеле или некои дури и починале откако им била поставена погрешна фатална дијагноза.
    Доктор Џо, исто така, го поставува прашањето: „Дали е возможно да се научи принципот на плацебо-ефектот и дали може да се произведат истите внатрешни промени во здравјето и, конечно, во животот на човекот, не потпирајќи се на некоја надворешна супстанција?“ Тој изнесува научни докази (вклучително и снимки на скениран мозок) за извонредни излекувања, потврдени на неговите работилници, каде што учесниците го учеле неговиот модел на лична трансформација, врз основа на практична примена на плацебо-ефектот. Книгата завршува со медитација за промена на уверувањата и на перцепциите што нѐ ограничуваат – а тоа е првиот чекор кон исцелување.
    Плацебото сте вие ги комбинира најновите истражувања во невронауката, биологијата, физиологијата, хипнозата, условувањето од начинот на однесување и квантната физика, за да го демистификува функционирањето на плацебото… и покажува како нешто што е навидум невозможно, може да стане возможно.


  • img-book

    Љубовта кон себе е баласирање меѓу прифаќањето на себеси онакви какви што сте, иако знаете дека заслужувате подобро, и работењето да го постигнете тоа.

     

    Како да научите вистински да се сакате? Како да ги претворите негативните емоции во позитивни? Дали трајната среќа е илузија? „Добри вибрации, добар живот“ ќе ви ги одговори сите прашања.

    Придружете се на револуцијата што ја покрена неверојатниот Векс Кинг откривајќи ги инспиративните пораки и универзалната мудрост што ќе ви помогнат да изградите прекрасна врска со себеси. Најдолгата врска што ја имате во животот е токму таа, па внимателно градете ја.

    Надминувајќи ги животните препреки и пишувајќи за нив со мудроста од личното искуство, Векс Кинг стана извор на надеж за илјадници луѓе, а ќе ви помогне и вам:

    • да се грижите за себе, да ја надминете негативната енергија и благосостојбата да ви стане приоритет

    да си ги промените верувањата, со што животот ќе ви отвори многу нови можности

    • да го победите стравот и да бидете во согласност со универзумот
    • да ја најдете својата повисока цел и да станете патоказ за другите.

    Ако го промените начинот на кој мислите, зборувате и дејствувате, ќе почнете да го менувате светот. Зашто зборовите можат да повредат, но можат и да излечат. Векс Кинг ги користи за да го разубави животот на многумина, па зошто да не го правите тоа и вие?

     

     

    „Совршен водич за сите кои трагаат по излез од темнината и кои сакаат да живеат прекрасен и исполнет живот.“

    Луис Хаус, најпродаван автор на „Њујорк тајмс“


  • img-book

    Дали понекогаш имате чувство дека сте опкружени со идиоти? Не разбирате никого, не успевате да се договорите со партнерот, со колегите, роднините, соседите… Не сте единствени!
    ***
    Книгата Опкружени со идиоти ви помага да сфатите како, навистина, функционираат многу нешта во човековото однесување и размислување. Покрај брилијантниот опис на различните типови личности, класифицирани според боите, Томас Ериксон внесува и малку хумор и го прави тоа на забавен начин.
    Кога ќе ја разберете психологијата на различните личности, ќе го приспособите и својот начин на комуникација, ќе успеете подобро да се разбирате и да соработувате со луѓето што се разликуваат од вас.
    На тој начин и животот ќе ви биде поубав и помалку комплициран.
    ***
    Авторот ви гарантира дека по читањето на оваа книга, бројот на идиоти околу вас драматично ќе се намали.


  • img-book

     

    „Мудар родител – време е за градинка“ е книга што е од суштинско значење за сите родители што имаат деца на возраст од две до шест години. Со неа ќе станете родител каков што отсекогаш сте сакале да бидете!

    Психологинката и семејна терапевтка Хедвиг Монтгомери одговара на сите прашања поврзани со децата што се на предучилишна возраст: Што значи доброто воспитување? На кој начин детето расте и се развива преку играта? Колку е важно за детето да се дружи со другите деца? Дали караницата меѓу браќата и/или сестрите е опасна? Како да излезете накрај со неволите, бујната фантазија и со сите нови емоции што ќе го обликуваат детското секојдневје?

    Во периодот кога одат во градинка, децата се многу љубопитни и тогаш го формираат односот кон светот што ги опкружува. Затоа вашата најважна задача е да допрете до нив и заедно да ги дискутирате доживувањата и искуствата со кои се соочуваат. Детето треба да сфати дека вие сте водич од доверба.

    Норвешкиот серијал од пет книги Мудар родител почна да се објавува во 2018 година и стана меѓународна сензација што се чита во над 25 земји.


  • img-book

    Најважното нешто што го поседува една компанија се нејзините луѓе.

    Ако се стремите кон успех во работата и кариерата, треба да воспоставите рамнотежа меѓу лидерството и менаџирањето. Научете како да ги препознаете и искористите предностите на својот лидерски стил за да ги постигнете најдобрите резултати – за себе и за вашата организација. Откријте ги тајните на успешните луѓе:

    • Која е суштината на лидерството и менаџирањето?
    • Како да ги најдете и вработите најдобрите луѓе?
    • Како да ги мотивирате вработените, а притоа да останат одговорни?
    • Како може да се постигнат лесно менаџирање и високи резултати?
    • Како да се справите со конфликти и негативности?…

    Нашиот успех како лидери зависи од способноста да се соочиме со предизвиците, да се справиме со луѓето со тежок карактер, да им препуштаме на вработените одговорност за нивните цели и задолженија, а во исто време да ги обучуваме и мотивираме, да се грижиме за нив и да ги решаваме појавените проблеми.
    Разгледувајќи ги овие и многу други аспекти на лидерството, оваа книга нуди драгоцени и докажани стратегии што ни помагаат да напредуваме во нашата професија.


  • img-book

    Вие имате моќ да го збогатите својот живот, моќ да ги надминете неволјите и да постигнете среќа, хармонија, здравје и просперитет.

    Оваа книга ги содржи принципите што ги постави Дејл Карнеги и што ги применија милиони луѓе за да научат како да го усогласат својот пристап кон различни ситуации со кои се соочуваат. Ќе научите како да ги откриете своите силни и слаби страни, како да ги подобрите своите предности и да ги надминете слабостите.

    Ќе ви помогне да разберете како моментално се справувате со животните перипетии, и што треба да подобрите за да ги остварите своите потреби. Клучните идеи за збогатување на животот што ќе ги добиете од оваа книга се:

    • Како да ги урамнотежите клучните фази во животот: личниот, професионалниот и социјалниот.
    • Како да ги намалите стресот и загриженоста.
    • Како најефикасно да комуницирате со другите.
    • Како да станете харизматична личност.
    • Како да се справите со комплицирани, тешки луѓе.
    • Како да ги контролирате своите емоции.

    Советите презентирани во оваа книга ќе ви го збогатат животот. Тие не се теоретски или филозофски проповеди, туку произлегуваат од искуството на луѓе како вас, кои ги примениле за да ги променат своите животи од просечно постоење до задоволувачко, значајно и возбудливо патување.


  • img-book

    Оваа книга ќе ве научи како да ги привлечете луѓето да ве слушаат со интерес, ќе ви покаже колку е важно вистински да слушате и да го користите чуеното во своја полза. Ќе ви помогне да совладате неколку најважни вештини во денешниот конкурентен свет – умешноста да зборувате пред публика, умешноста да водите спор и да излезете победник од него. Научете да комуницирате на нов начин, да ги придобивате луѓето на своја страна и да постигнувате успеси!

    Без разлика дали продавате производи, услуги или идеи, деталните објаснувања и вежбите во оваа книга ќе ве научат како да ја зголемите својата моќ на убедување. Конкретно, книгата ви открива:

    • Едноставен процес за постигнување супериорна комуникација
    и влијание.
    • 10 најчести грешки во деловната комуникација.
    • 19 вежби за кратка и лесно разбирлива презентација.
    • Ментални активатори и како да ги користите.
    • Како да ги претворите заинтересираните во лојални клиенти.
    • 12 докажани чекори за да станете убедливи и да се издвоите
    од просечните.
    • И многу повеќе.

    Сето ова базирано врз принципите за успех поставени од Дејл Карнеги, надградени од неговите следбеници и применети од милиони луѓе што живеат според нив!


  • img-book

    Ова е приказна зошто сте овде на планетата Земја.
    На некој начин сте посебни. Сте се родиле за да станете некој и да се занимавате со нешто според коешто сосема ќе се разликувате од другите седум милијарди луѓе. Постои живот што би требало да го живеете и патување на кое треба да тргнете. Оваа книга зборува за тоа патување.
    Дванаесет исклучителни современици ќе ви ги раскажат своите на изглед неверојатни приказни и ќе ви покажат дека сте се родиле со сé што ви е потребно за да го остварите својот најсјаен сон, дека со тоа ќе ја исполните својата мисија и буквално ќе го промените светот.
    Некогаш живеел херој.


    Херој од: 400 ден
  • img-book

    Многу ретко се појавува книга што може вистински да ви го промени животот. А Повторно откривање на животот е една од нив.

    Ентони де Мело е еден од најголемите духовни автори на XX век чие учење го обиколи светот. Повторно откривање на животот е неговото последно дело, напишано според предавањето што го одржал само неколку месеци пред смртта. Во него тој ни укажува како да ја спознаеме подлабоката смисла на животот и да најдеме едноставни решенија што ќе нè ослободат од негативните чувства – осаменост, гнев, тага или депресија. Со други зборови, Де Мело ни нуди нов светоглед што ќе ни го преобрази животот.

    Повторно откривање на животот е еднакво безвременска и сочувствена книга како и класиката Будење. Книга што ќе ве направи свесни за убавините на човечкото постоење и ќе ве научи да ги гледате насекаде околу себе.

     


  • img-book

    Зошто некои луѓе успеваат, а други не?

    Споделувајќи сознанија од своите истражувања, Анџела Дакворт објаснува зошто талентот е речиси неважен за постигнување успех. Наместо тоа, вели таа, вистинските достигнувања се определени од сосема поинакви лични особини како што е препознавањето на страста и истрајноста до остварување на целта.

    Анџела целото детство го слушала својот татко како ѝ вели: „Не, дефинитивно не си гениј“. Сепак, мошне млада ја добила стипендијата „Мекaртур“, која се нарекува „стипендија за гении“ и е симбол на официјалното признавање на исклучителноста.

    Потпирајќи се на својата лична исповед и професионално истражување, Дакворт го опишува патот на учење, дообразување и советување,  со што покажува дека она што навистина води до успех не е генијалноста, туку посебен спој на карактерот во кој се вплеткани страста и долготрајната упорност.

    Прониклива, остроумна, победнички настроена, ова е книга што го менува животот – задолжително четиво за секој што сака да успее!


  • img-book

    Смирете го немирот и ослободете се од стресот со боење.

    Оваа книга со прекрасни илустрации изобилува со суптилни цртежи и сложени шари кои ќе ве поттикнат да медитирате понесени од креативноста и со полна присутност да ги боите страниците.

    Одвојте неколку минути од денот – каде и да сте – и бојте за мир и спокоен ум.

    Ема Фарарон е француски илустратор и графички дизајнер што живее и работи во Лондон.


  • img-book

    Сè што ви се случува во животот е поради вашето незнаење. Вашиот најголем проблем е вашиот ум. Лутина, бес, страв, стрес, анксиозност, депресија, пекол. Сите овие работи се само погрешни записи во умот што вие самите несвесно сте ги ставиле и сега тие ве вртат како хрчак во круг. И вртат, и вртат. Секој ден. Од утро до мрак. И нема излез од тој затворен круг. И нема излез од тој магичен круг. Излез има, само вие не сакате да го најдете! Излез има, само вие не сакате да го видите! Книга од која ќе дознаете од каде навистина доаѓаат сите овие работи кај вас. Книга од која ќе дознаете како да ги тргнете сите овие работи од вас. Книга од која ќе дознаете како да стигнете до онаа радост од вашето детство, која никогаш не исчезнува. Книга која ќе ви ја открие најголемата вистина за животот.