0
9. Популарна психологија (188)

Последни коментари

Книга на неделата

Убиј го таткото 6  
  • img-book

    Замислете си како би било, пред да го напуштите светов, само да правите сé што некој друг ви кажал. Сте работеле напорно, сте штеделе и со нетрпение сте ја очекувале финансиската слобода што доаѓа со пензионирањето.

    Единственото нешто што сте го потрошиле по пат бил..вашиот живот.

    Завршете со позитивна нула претставува една изненадувачки нова и провокативна филозофија, како и практичен водич за тоа како да го извлечете максимумот од вашите пари – и од вашиот живот. Наменета е за оние што сакаат да доживеат незаборавни искуства многу пред, едноставно, само да заработуваат и да акумулираат пари за таканаречените Златни години.

    Бил Перкинс сака да ве спаси од прекумерно штедење и од тоа само преживувањето да му го преземе местото на живеењето. Без оглед на вашата возраст, Завршете со позитивна нула ќе ви покаже, чекор по чекор, како да си го оптимизирате животот така за да уживате во она за што работите и штедите.

    Wishlist
    Завршете со позитивна нула од: 360 ден
  • img-book

    Победете ги блокадите, совладајте го отпорот и раскрилете ја својата креативност

    Ако сонувате да напишете роман, жалите што не сте ги завршиле своите слики, песни или сценарија, ако сакате да основате фирма, од денес да почнете со диета или вежбање… а сепак нешто ве спречува – ова е вистинската книга за вас.

    „Војната на уметноста“ е докажан водич за целосно искористување на творечката енергија. Како да го отклучиме својот потенцијал и да ги надминеме стравот и отпорот што ни го спречуваат успехот? Со храброст, следејќи ја вистинската формула и напорно работејќи, страста може да се претвори во цел.

    Таа е неопходна за секој човек и за сите животни области, не само за уметноста. Со своето богато искуство, Пресфилд ни дава детален план за препознавање и совладување на отпорот што нè спречува да се зафатиме со најважните работи. Само така можеме да постигнеме остварување на своите соништа и да почнеме да живееме слободно, водени од својата креативност.

    „Неверојатно јасно и мудро дело за психологијата на творењето.“

    Џеј Мекинерни

    „Отпорот е гласот во нас што ни повторува да се откажеме, да внимаваме, да не брзаме… Пресфилд е генералот со пет ѕвезди во војната против стравот.“

    Сет Годин

    Wishlist
    Војната на уметноста од: 300 ден
  • img-book

    Како да ги одгледуваме своите деца подложни на врсничко влијание во новиот дигитален свет?

    Современа класика за највознемирувачкиот тренд на нашето време – притисокот на врсниците. Неопходен водич за разбирање на овој проблем и за тоа како да му помогнете на своето дете да се справи со него.

    Габор Мате и Гордон Нојфелд се зафаќаат со решавање на поткопаниот родителски авторитет. Децата сè повеќе се угледуваат на врсниците во потрагата по својот идентитет и правилата на однесување. Тоа го нарушува здравиот развој и негува непријателска и сексуализирана младинска култура. Децата стануваат опортунисти подложни најчесто на опасни влијанија, се отуѓуваат и најважно им е да бидат кул.

    „Држете се до своите деца“ нуди практични совети за повторно поврзување и воспоставување соодветна домашна хиерархија, а притоа децата да се чувствуваат безбедно и сфатено и одново да ги придобиеме нивната приврзаност и љубов. Родителите можат да ги разбудат во себе вродените инстинкти и повторно да ја преземат својата природна улога да бидат за своите деца вистински извор на разбирање, сигурност и нежност.

    „Достојна книга која ни носи навистина нови идеи и свежи гледни точки за родителството.“

    Мери Пајфер

    Wishlist
    Држете се до своите деца од: 600 ден
  • img-book

    Не мора да имате совршен живот за да бидете среќни. Среќата е избор што го правите секој ден.

    Сте размислувале ли некогаш за своите мисли? Дали сте посклони кон негативните наместо кон позитивните?

    Првиот чекор кон промената е да разберете како функционираат негативните мисли и емоции. Една негативна критика може да фрли во сенка стотици позитивни. Затоа, мора да научите да ги преобразувате лошите емоции и да ги претворате во позитивни. Среќниот живот е возможен ако ги следите практичните чекори што ни ги нуди Морис.

    Продадена во 100.000 примероци, оваа книга содржи докажана програма што ќе ве научи на 31 практичен чекор за совладување на негативните емоции. Ќе ви покаже како емоциите да работат за вас и ќе ви помогне да ја научите формулата за преобразба на мислите.

    Тибо Морис бил интроверт и неговата повлеченост не му овозможувала да ги постигне целите што ги посакувал. Кога одлучил да си го подобри животот, сè се променило. Ова е неговата приказна за тоа како ја пронашол среќата. Може да биде и патоказ кон вашата.

    „Корисен, оптимистички и добро организиран водич за справување со емоциите што ќе ви помогне да станете цврсти и непокорни.“

    Киркус ривју

    Wishlist
    ЗАВЛАДЕЈТЕ СО СВОИТЕ ЕМОЦИИ од: 380 ден
  • img-book

    Во Раскази од минатиот век Виолета Танчева-Златева ја брише границата меѓу умот и заумот, меѓу стварноста и фантазијата, меѓу светот на секојдневието и светот на очудувањето, меѓу сонот и јавето, меѓу класичниот и магичниот реализам. Иако пишувани „во минатиот век“, тие се интуитивна проекција на новиот век, небаре минатото ја посматра иднината со очите на сегашноста, а погледот се менува во дијалогот со себеси, па имаме раскази и со морбиден, но и со меланхоличен призвук, и со рурален, но и со урбан амбиент, и со исповеден, но и со премолчен тон, и со цврсти, конкретни факти, но и со раскошно измислени случки, поставувајќи го егзистенцијално-поетичкото прашање „Колку треба да се премолчи, а сепак да се каже потребното?“ Потеклото, коренот, селската (не)идила, градската сцена, растењето, мајчинството, љубовта, ранливоста на човечкото битие, заборавот, сеќавањето, судбината на жената, животот како пат без станица за одмор – се само дел од темите што авторката ги обработува на автентичен начин, ненаметливо, емпатично и во духот и на старата македонска книжевна класика, но и во дослух со новите наративни пристапи на раскажување. Виолета Танчева-Златева раскажува за хронотопот на срцето кое е секогаш овде и сега. Нејзините раскази од минатиот век се раскази за нас и за нашиот век.

    Лидија Димковска

    Wishlist
    Раскази од минатиот век од: 250 ден
  • img-book

    Реката е насекаде – во водата која тече во домовите, во нивните разбранувани тела, во снегулките што лебдат и ѝ се враќаат во течението.

    Што значи да се биде и колку сме изградени од она што било? Какви се водните тела? Дали човекот е растреперен бран и вода која е де во прилив де во одлив? Оваа приказна тече по коритото на животот барајќи го неговиот извор и обидувајќи се да ја спречи сушата.

    Безимената протагонистка и писателка во сенка од Сиднеј се враќа во родното Куманово, но наместо во градот од спомените доаѓа во сиво место задушено во смог, ѓубре и закопани соништа. Како носителка на богатата македонска традиција, баба ѝ ѝ открива дека во Куманово некогаш постоела речна плажа. И така главната хероина се впушта кон откривање на личните приказни и легендите, кон сувото речно корито, заедно со другарите од детството – дивиот таксист Гаврил и Јасна, фотографка која ги следи трагите на црниците. Барајќи го изворот на водата, тие несвесно си го бараат својот извор.

    И како што „Сè што користиме ни е позајмено, а наше е да го чуваме“, така вистината во оваа книга е позајмена. Ваше е да ја чувате книгава на полиците, а вистината за себе – во себе.

    Wishlist
    Водни тела од: 250 ден
  • img-book

    Откривањето на тешките вистини си има своја цена, но и неспоредлива награда: слободата

     

    Мудри и забавни записи на психотерапевтката чии книги „Њујорк тајмс“ постојано ги прогласува за бестселери. Готлиб храбро ни го открива својот живот, и како психотерапевт и како пацент, следејќи ги вистините и лагите што си кажуваме себеси и на другите растргнати меѓу љубовта и омразата, вината и прошката, стравот и храброста да се впуштиме во промени.

    Иако сè поотворено разговараме на теми кои некогаш се сметаа за многу интимни, штом ќе се споменат анксиозноста и депресијата, веднаш замолчуваме. Затоа, секому му треба ваква книга  – „Можеби треба да разговараш со некого“ е толку искрена што прераснува во бунт кон стереотипите.

    Врвен психотерапевт кој им помага на луѓето да го изведат животот на прав пат, еден ден Лори Готлиб и самата запаѓа во ќор-сокак. Кога целиот нејзин свет се распаѓа, во нејзиниот живот влетува Вендел, терапевт од кого ќе побара помош. Зашто секому, па дури и на оние кои ги решаваат проблемите на другите, им е потребно место каде што ќе можат да ја покажат својата ранливост – и да поразговараат со некого.

     

    „Неодоливо патување низ човечката душа што нема да сакате никогаш да заврши.“

    Киркус ривју

    Wishlist
    Можеби треба да разговараш со некого од: 600 ден
  • img-book

    Размислувајте позитивно и ќе активирате позитивни сили што носат позитивни резултати.

     

     

    „Моќта на позитивното мислење“ е една од најпродаваните книги на сите времиња, глобален бестселер преведен на 42 јазика и продаден во над 20 милиони примероци. Таа им помогна на многу луѓе низ светот да живеат целосно и исполнето преку инспиративната порака на Норман Винсент Пил за неопходноста од верба и позитивен став кон животот.

    Во овој исклучителен прирачник за исполнет, здрав и вреден живот, Пил со многу практични примери ни ја приближува моќта на верувањето и нејзиното директно благотворно влијание. Неговите практични техники ќе ве поттикнат да ги остварите сите свои амбиции и надежи и да постигнете душевен мир.

    Оваа едноставна и остварлива филозофија на животот ќе ве научи:

    • Да верувате во себеси и во сè што правите
    • Да стекнете решителност
    • Да развиете моќ за постигнување на поставените цели
    • Да си го подобрите здравјето
    • Да си овозможите непрестајна циркулација на позитивна енергија
    • Да ги отфрлите непотребните грижи и да живеете опуштено
    • Да ги подобрите личните и професионалните односи
    • Да преземете контрола над околностите
    • Да бидете љубезни – и со другите и со себеси.
    Wishlist
    МОЌТА НА ПОЗИТИВНОТО МИСЛЕЊЕ од: 450 ден
  • img-book

    Книга за духовното издигнување, личните победи и враќањето на вистинскиот пат

    Луѓето пишуваат бидејќи никој не слуша.

    Од многутемина кои се соочуваат со анксиозноста, малкумина се тие кои ќе проговорат и ќе напишат некој ред, помагајќи им на другите и будејќи ја свеста на пошироката јавност. Но, може ли млад човек да говори за овие теми? Дали е потребно многу поголемо животно искуство за да се даде одговор на овој проблем?

    Староста не е од пресудно значење. Важен е интересот, искуството, зрелоста и вештините на личноста. Ова е спознавање на себеси, дел од развојот и растот на секоја личност. Ова е емоционален отскок на индивидуата, непријатен по својата манифестација, но важен за заокружувањето на тој процес.

    Книгата „Инспиративна вистина“ е наменета за општата јавност, за читателската публика која трага по разбирливи одговори во кои може да се пронајде и со кои може да се идентификува. Да се избере вистинскиот јазик за пренесување на мислите за оваа појава е комплицирано прашање, но играјќи на картата на искреноста, би рекле дека е најдобриот пат оваа книга да допре до секој читател.

     

    Зошто „Инспиративна вистина“?

    • Книга која ќе ви помогне да се запознаете себеси и да се фокусирате на остварувањето исклучителни резултати.
    • Приказна за духовното издигнување, личните победи и враќање на вистинскиот пат.
    • Надминете ја илузијата за однапред изгубените битки, активирајте се за победа!
    • Поздравете се со празнината, зрачете со вистинската вредност!
    • Не очекувајте надворешна слобода без внатрешен мир! Оваа книга нуди решение да ја остварите таа цел.
    Wishlist
    Инспиративна вистина од: 350 ден
  • img-book

    5… 4… 3… 2… 1! Почнуваме!

    Како да се промени животот за само 5 секунди?

    Оваа книга го открива правилото, базирано на научни факти, со чија помош ќе можете во целост да направите пресврт во вашиот живот.

    Ќе научите:

    – да бидетепосамоуверени,

    – да престанете да ги одложуватеобврските,

    – да ги победите стравот и несигурноста,

    – да ги отфрлите грижите и да станете посреќни,

    – храбро да ги споделите своите идеи.

    Придружете им се на повеќе од десет милиони луѓе што го открија овој метод со кој можат да променат буквално сè. Вие можеби знаете ШТО треба да промените, но оваа книга ќе ви покаже КАКО да го сторите тоа.

    Користејќи се со научните истражувања за навиките, со сведоштва од луѓе и со изненадувачки факти за некои од познатите моменти во историјата и деловниот свет, Мел Робинс ја објаснува силата на „почетниот импулс“ во моментот кога сакаме нешто да преземеме или да промениме.

    Тука во игра влегува правилото „5 секунди“. Тоа ни помага да се придвижиме и, што е најважно – функционира! Ова правило е лесно а неговиот ефект е неверојатен. Впрочем, тоа е тајна со која може да се промени апсолутно сè. Штом ќе го научите правилото, веднаш можете да почнете да го применувате. Ќе ви помогне да живеете, да сакате, да работите и да разговарате со многу поголема самодоверба и смелост!

    Wishlist
    Правилото 5 секунди од: 500 ден
  • img-book

    НАШИОТ СВЕТ ГО ЧЕКА ВАШЕТО СЕКОЈДНЕВНО ХЕРОЈСТВО!

    Светски познатиот експерт во лидерство Робин Шарма над 25 години е ментор на милијардери, спортски и естрадни суперѕвезди, претприемачи, членови на кралски семејства, овозможувајќи им преку револуционерен систем да ги остварат своите најголеми амбиции.

    „Манифест на секојдневниот херој“ ќе ве инспирира да постигнете восхитувачки работи, ќе ве устреми кон вашите најголеми височини и ќе ве поттикне да дејствувате до своите крајни граници. Таа ви нуди потврдени техники со кои ќе создавате ремек-дела и непрестајна низа увиди за живот исполнет со голема убавина и духовна слобода. Притоа правејќи го овој наш свет подобар.

    Страниците на оваа чудесна книга ќе ви овозможат:

    ● внатрешен увид во тоа како најкреативните, најпродуктивните и најуспешните луѓе на светот стекнуваат врвни навики, си ги организираат деновите и ги водат своите големи животи

    ● моќна практика за поголема енергија и долговечност, за да го остварите својот неограничен гениј

    ● конкретен план за правење вистинско ремек-дело кое ќе ве води напред и ќе ги мотивира идните генерации

    ● техники засновани врз невронауката за преобразба на неуспесите во победи, стравот во поттик и повредите од минатото во секојдневно херојство. Шарма несебично ја споделува со нас мудроста што макотрпно ја стекнал во животот, за да ја зголемиме виталноста, да развиеме возвишено спокојство и духовна слобода кои создаваат убав живот.

    Wishlist
    Манифест на секојдневниот херој од: 600 ден
  • img-book

    Сурово искрена формула за победување во бизнисот, спортот или која било арена во која битката е безмилосна од престижниот тренер за врвни резултати меѓу чии ученици се вбројуваат Мајкл Џордан, Коби Брајант и Двејн Вејд.

    Со „Победување“ Тим Гровер докажува зошто е еден од најбараните експерти за успешен начин на размислување што непогрешно води до победа. Врз основа на своето 30-годишно искуство, тој ги отстранува клишеата и претерано ентузијастичкото бодрење кои создаваат просечност и ве повикува решително да ја предизвикате реалноста. Која е наградата? Огромен успех.

    Ако сте навлечени на вкусот на успехот и сакате уште, тогаш сте подготвени за оваа стратегија за изведба. Ако веќе победувате и сакате да научите како да стигнете до нивото на најголемите – оваа книга ќе ви го покаже патот.

    „Тим Гровер е експерт за умствена сила. Со оваа книга-прирачник ќе откриете што сте способни да постигнете, резултати што не можете ни да ги замислите, достигнувања до највисокото ниво на успехот – дури и повисоко.“ Коби Брајант

    „Имам неверојатна верба и доверба во Тим Гровер.“

    Двејн Вејд

    Wishlist
    Победување од: 420 ден
  • img-book

    „Мој личен развој“ е уникатно изработен психолошки прирачник од експертот за личен развој Ведрана Стојановска. Оваа книга е несекојдневен водич за среќен живот што ќе ве насочи како да ги менувате секојдневните навики, како да го цените секој момент и на тој начин да успеете да ја промените својата судбина.

    Достапен во четири различни дизајни, прирачникот е поделен на три дела, секој со различен придонес во мисијата за среќен живот. Тој нуди психолошка анализа и запознавање со сопствената потсвест, по што ве води низ дневно планирање и себеанализа кои придонесуваат за остварување на сите ваши цели.

    Предводена од своите лични искуства и своето знаење, авторката создава нешто многу поинакво, нешто што ќе му помогне на секој човек кој сака да се посвети себеси и на своите соништа.

    Wishlist
    Мојот личен развој од: 790 ден
  • img-book

    Постојат три вида книги:

    книги за забава,

    книги за учење и

    книги за лична промена.

    Читајќи ја оваа книга, ќе дознаете на кој вид таа припаѓа.

    „Животот е убав ако се знае како да се живее“ е дело

    кое говори за човечките и животните судбини

    кои, како што ќе се уверите, можат да се

    менуваат без ограничувања, но само ако се знае

    како да се живее животот.

    Во секоја од петте приказни можете да

    препознате дел од себе и од својата душа, за на

    крајот да почувствувате како нејзините посебни

    делови одново се спојуваат во

    една смислена целина.

    Wishlist
    Животот е убав ако знае да се живее од: 900 ден
  • img-book

    Пречувствителноста не е слабост – може да биде твојата силна страна!

     

    Имаш ненадејни промени во расположението? Непријатно ти е меѓу непознати? Кога гледаш дека некој се чувствува лошо, знаеш што треба да направиш за да му биде подобро? Не сакаш метеж, врева или насилство? Ако на сите овие прашања си одговориш потврдно, тогаш со сигурност си пречувствителна личност и тоа ти создава тешкотии во животот.

    Федерика Боско отсекогаш знаела дека е пречувствителна. Уште од мала не ги сфаќала работите како другите деца, туку сѐ доживувала на своја кожа и многу подлабоко. Овој нејзин интимен дневник е практичен прирачник за сите кои размислуваат многу и се грижат премногу, но истовремено и за оние кои сакаат да ги разберат пречувствителните луѓе. Анализирајќи ја психата со сите нијанси на човековата душа, таа им нуди стратегија на луѓето кои живеат во подвоеноста на своите комплицирани и фасцинантни личности.

    Пречувствителноста не е слабост! Таа може да биде твојата тајна моќ. Со практичните совети на Боско можеш својата пречувствителност да ја претвориш во предност, да се ослободиш од лошите луѓе и ситуации и да му се радуваш на животот.

    Wishlist
    Ми велеа дека сум пречувствителна од: 420 ден
  • img-book

    Ако работиш доволно напорно и се докажеш, и ги користиш умот и имагинацијата, можеш да си создадеш свет каков што посакуваш.

     

    Во оваа чудесна книга Малком Гладвел нè носи на интелектуално патување во светот на најдобрите и најмудрите, најпознатите и најуспешните – оние кои излегуваат надвор од рамките. Прашувајќи се што ги прави успешните луѓе поинакви, тој доаѓа до низа одговори што не сте ни знаеле дека ви стојат како загатки во умот.

    Ние обрнуваме премногу внимание на тоа какви се успешните луѓе, без да ги земеме предвид околностите во кои живеат, нивната култура, фамилија, генерација… И обично забораваме дека тие се концентрираат на сопствената природа и постојано работат на свое подобрување и самонадминување.

    Објаснувајќи ги тајните на софтверските милионери, што е потребно да се биде добар фудбалер, зошто Азијците се познати математичари и како Битлси станаа најпознатиот рок-бенд, Гладвел нè поведува во една неверојатна умствена авантура од другата страна на човечката природа.

     

    „Дознајте што ги издвојува луѓето со високи достигнувања од останатите – од Бил Гејтс до Битлси – во неповторливиот број 1 бестселер на Малком Гладвел.“

    Њујорк тајмс

    Wishlist
    Надвор од рамките од: 500 ден