9. Популарна психологија (130)
  • img-book

    Од авторот на интернационалниот мегабестселер „Е, баш ме заболе“ доаѓа контраинтуитивен водич за проблемите со надежта.

    Живееме во интересно време. Материјално, сè е подобро од кога и да е, но некако сè изгледа како да е непоправливо и ужасно заебано. Што се случува? Ако некој може да ја именува нашата моментна малодушност и да ни помогне да ја решиме, тоа е Марк Менсон.

    Во „Сè е заебано“, Менсон исцртува планини од психолошки истражувања базирани на безвременската мудрост на Платон, Ниче, Кант, па и на Том Вејтс, за да ги дисецира религијата, политиката, парите, забавата и интернетот.

    Со неговата препознатлива комбинација од ерудиција и хумор, Менсон нè предизвикува да бидеме почесни кон себеси, отворено спротивставувајќи се на нашите дефиниции на верата, среќата, слободата – дури и на надежта. Еден од најголемите модерни автори напиша уште една книга што ќе ја постави агендата на годините што доаѓаат.


  • img-book

    ДОЛГООЧЕКУВАНОТО ПРОДОЛЖЕНИЕ НА НАЈПРОДАВАНИОТ СЕРИЈАЛ „КАЛУЃЕРОТ ШТО ГО ПРОДАДЕ СВОЕТО ФЕРАРИ“

    Џонатан Лендри поминува низ тежок период во животот. По необичната средба со својот загубен роднина Џулијан Ментл – поранешен влијателен адвокат кој одеднаш исчезнал на Хималаите – тој е принуден да патува по светот за да ги собере тајните писмата во кои се кријат извонредните тајни што ги открил Џулијан.На незаборавното патување што ве води во сензуалните сали за танго на Буенос Аирес, морничавите катакомби во Париз, блескавите кули во Шангај и мистичните пустини на Седона, Тајните писма на калуѓерот што го продаде своето ферари открива изненадувачки сознанија што ќе ви помогнат да си ја вратите моќта, да му бидете верни на своето вистинско јас и бестрашно да ги живеете своите соништа.

    Денес на светот нема вишок луѓе. Секој од нас е тука со причина, со некоја специјална цел – мисија. Да, биди среќен и забавувај се многу. И да, стани успешен, но според свои критериуми, а не според оние што ти ги наметнува општеството. Но – над сè – биди од значење. Направи твојот живот да е важен. Биди од корист. Биди им на услуга на колку што е можно повеќе луѓе. И биди рамо до рамо со најдобрите што некогаш живееле. Робин Шарма


    ТАЈНИТЕ ПИСМА од: 380 ден
  • img-book

    Дали тешко ги менувате своите навики? Ако е така, проблемот не сте вие. Проблемот е во вашиот систем. Лошите навики се повторуваат одново и одново, не затоа што вие не сакате да се промените, туку затоа што имате погрешен систем за промена.

    Оваа книга содржи проверен и докажан систем, кој може да ве издигне до нови височини.

    Ќе научите како:

    •          да најдете време за нови навики;

    •          да го надминете недостигот на мотивација и на волја;

    •          да ја промените својата околина за да бидете поуспешни;

    •          да се вратите на патот кога ќе скршнете од курсот;

    •          и уште многу нешта…

    „Атомски навики“ ќе го преобликуваат начинот на кој размислувате за успехот и за напредокот и ќе ви ги дадат потребните алатки и стратегии за трансформација на вашите навики – сеедно дали сте тим што сака да освои првенство, компанија што се стреми да се издигне над конкуренцијата или едноставно поединец што сака да престане да пуши, да ја намали тежината, да го победи стресот или да постигне некоја друга цел.

    Навиките се оној ситен детаљ што може да донесе огромен пакет од позитивни промени кај секого од нас.


    АТОМСКИ НАВИКИ од: 500 ден
  • img-book

    Колку време и жртви се потребни за да се врати животот таков каков што бил пред доживеаната несреќа?

    Доволен е само миг за да се промени нешто што го создаваме со години. Совршената хармонија на семејниот живот на галеристката Ада и ветеринарот Гзавие се уништува со една сообраќајна несреќа. Дали ќе успеат да се справат со фаталните последици, со предизвиканите физички и емотивни штети?

    Ние не требаше да се сретнеме е приказна за загубата и повторното наоѓање, за еден љубовен триаголник и потребата од прошка и соземање. Роман за способноста да ја преобразиме траумата во прифаќање во процесот на надворешно и внатрешно закрепнување. Ќе успеат ли да се прифатат двајцата што несреќата случајно ги споила или ќе се покаат што се сретнале враќајќи им се на старите животи?

    Животот е лесен кога сè е совршено, но треба да научиме да го сакаме и кога бара од нас повторно да го изградиме она што било урнато до темел.


  • img-book

    Јувал Ноа Харари, автор на светскиот феномен Сапиенс: кратка историја на човечкиот род, продолжува со истражување на проблематиката на целокупното човеково искуство со уште една неверојатно оригинална книга – Хомо деус: кратка историја на иднината.

    Со својот единствен стил што воодушеви милиони читатели низ светот, Харари укажува дека луѓето успеале да го направат она што се чини невозможно: да ги победат гладот, заразните болести и војните, да ги претворат од неразумни и неконтролирани сили на природата во предизвици кои може да се управуваат. За првпат во човековата историја денес повеќе луѓе умираат од премногу храна отколку од глад; повеќе луѓе умираат поради старост, а не од заразни болести; повеќе луѓе се самоубиваат отколку што гинат од воени акции, тероризам или криминал заедно.

    Кои ќе бидат идните проблеми на човештвото? Каква судбина им е наменета на луѓето, како самопрогласени богови на планетата Земја, кои чекори ќе ги преземеме за да ја оствариме? Хомо деус ги истражува проектите, соништата и кошмарите кои ќе го обликуваат дваесет и првиот век – од заобиколување на смртта до создавање вештачки живот. Пред нас се основните прашања на кои мораме да дадеме одговори: во кој правец ќе се движиме понатаму? И како ќе го заштитиме овој кревок свет од сопствената деструктивна моќ? Пред нас е следната фаза во еволуцијата: хомо деус!


    ХОМО ДЕУС од: 500 ден
  • img-book

    Разбудете се и преземете ја контролата врз својот живот!

    Веќе 30 години Разбудете го џинот во себе го задржува приматот на една од најзначајните книги за мотивација и самопомош што биле некогаш напишани. Милиони луѓе се будат со помислата дека нема да прифатат ништо помалку од неверојатен живот. И сето тоа благодарејќи на ефикасните совети и најквалитетните техники за самоусовршување кои ќе ви овозможат да станете личност каква што секогаш сте сонувале да бидете.

    Ентони Робинс, реномираниот експерт за психолошкиот процес на промените, ни ги открива најефикасните стратегии и техники за справување со емоциите, со промените на нашето тело, со врските, финансиите и воопшто со сето она што го сочинува нашиот живот. Ни нуди програма која чекор по чекор нè учи на основните лекции како да завладееме со сопствената судбина, кои ќе ни помогнат да ја откриеме вистинската цел во животот, да ја преземеме контролата и да завладееме со силите кои ни ја обликуваат судбината.

    „Тони Робинс е еден од највлијателните луѓе на оваа генерација. Разбудете го џинот во себе е фасцинантно претставување на најновите наоди и согледувања низ цел еден спектар прашања, вклучувајќи ја и сè поголемата свесност дека вистинскиот успех се состои, пред сè, во трајните вредности и во помагањето на другите.“ Стивен Р. КОВИ


  • img-book

    Тони Робинс ја нарекува нова наука за лично постигнување. Вие ќе ја нарекувате најдоброто нешто што ви се случило.

    Ако некогаш сте сонувале за подобар живот, Неограничена моќ ќе ви покаже како да го постигнете и како да управувате со својот личен и професионален живот што го посакувате и заслужувате. Робинс преку своите книги, програми и семинари им докажал на милиони луѓе дека жнеејќи ги плодовите на умот, можете да правите, да имате, да постигнете и да создадете сѐ што сакате во својот живот. Им покажал на претседатели на држави, членови на кралското семејство, на олимпијци и професионални спортисти, филмски ѕвезди и деца како се постигнуваат успеси.

    Со Неограничена моќ тој страсно и елоквентно ни ја открива науката за лично достигнување и нѐ учи за:

    – Како да дознаете што навистина сакате

    – Седумте лаги на успехот

    – Како да го репрограмирате својот ум за само неколку минути за да ги надминете стравот и фобијата

    – Тајната за создавање моментален однос со секој што ќе го сретнете

    – Како да го удвоите успехот на другите

    – Петте клучеви за здравје и среќа…

    Неограничена моќ е револуционерна книга за умствен развој. Ќе ви покаже како, чекор по чекор, да постигнете најдобри резултати добивајќи емоционална и финансиска слобода, развивајќи лидерство и самодоверба и остварувајќи соработка со другите. Ќе ви овозможи знаење и храброст да се смените себеси и својот свет.

    Неограничена моќ е прирачник за надмоќни постигнувања во ерата на успех.


  • img-book

    За Данска често се вели дека е најсреќната земја во светот. А тоа се сведува на една работа – хиге.

    ХИГЕ СЕ ПРЕВЕДУВА НА НАЈРАЗЛИЧНИ НАЧИНИ, ОД УМЕТНОСТ НА СОЗДАВАЊЕ БЛИСКОСТ, ПРЕКУ ПРИЈАТНА ДУШЕВНА УДОБНОСТ, ПА ДО ЦРПЕЊЕ ЗАДОВОЛСТВО ОД ПРИСУСТВОТО НА СМИРУВАЧКИ НЕШТА. А МОЈОТ ОМИЛЕН ОПИС Е – КАКАО ПОД СВЕТЛИНА ОД СВЕЌИ…

    Кога ќе го почувствуваш она што се нарекува хиге, едноставно го знаеш тоа. Тоа е она кога си стуткан на каучот со саканата личност или кога јадеш заедно со најблиските пријатели. Тоа се оние јасни сини утра кога светлината што ти влегува низ прозорецот е токму онаа вистинската.

    А никој не може да ти биде подобар водич за сето она што се подразбира под хиге од Мајк Викинг. Мајк е генерален директор на Институтот за истражување на среќата во Копенхаген и има минато многу години во проучување на магијата на данскиот начин на живот. Почнувајќи од изборот на вистинското осветлување и сè околу планирањето забава, преку создавањето комплет за хиге прва помош, па дури и во однос на изборот на облека, оваа прекрасна и инспиративна книга на Мајк ќе ти помогне да бидеш по-хиге.


  • img-book

    Нашиот животен пат е поплочен со верувања што се развиваат од најраното детство, па сè до последните часови на нашиот живот.  Ограничувачките верувања се честа причина поради која немаме самодоверба, остануваме заробени во комфорната зона и не го живееме животот што го заслужуваме.

    Оваа книга ќе ве ослободи. Приказните од срце, советите што им помогнале на илјадници луѓе низ светот и неверојатните откритија на авторот ќе ви покажат, чекор по чекор, како да го живеете својот живот од соништата. Таа ќе ви ги открие верувањата што ве попречуваат и кои без одложување ќе мора да ги промените за да станете самоуверени, храбри и отворени за промени. Ќе се ослободите од чувството на помала вредност, од чувствата на вина, срам и страв.

    Вие сте вашите уверувања претставува моќен прирачник за постигнување на зацртаните цели. Таа е лична исповед на авторот Смиљан Мори, кој успеал да се ослободи од вкоренетите верувања што со години му го расипувале квалитетот на животот. Денес тој е неизмерно успешен претприемач, автор, мотивациски говорник и среќен сопруг и татко на две деца. Препуштете им се на неговите зборови и станете најдобрата верзија на самите себе.

    Подарете си ја оваа книга – зашто со неа ќе си дарите слобода!


  • img-book

    ВАЖНО Е ДА ЗНАЕМЕ ПРАВИЛНО ДА УПРАВУВАМЕ СО ПАРИТЕ, А ИРОНИЧНО Е ШТО ЗА ТОА НЕ НÈ УЧАТ НИ ОД ДОМА НИ НА УЧИЛИШТЕ.

    Парите не се сѐ и не е сѐ во парите, но без нив не можеме да функционираме. Не можеме да го подобриме својот живот и животот на своето семејство, не можеме да им помогнеме на другите. Додека немаштијата го понижува човекот, го парализира и му го одзема достоинството, парите се средство со кое можеме да направиме многу работи за себе, за своите блиски, за нашата планета. Тие се една од најважните работи во животот, иако за многумина сѐ уште будат непријатни чувства, страв, отпор. Што нѐ спречува да заработуваме пари? И зошто некогаш ги трошиме толку неразумно?

    Ако сте веќе уморни од вртењето во маѓепсаниот круг на вечен недостиг, ако сакате да си создадете златна резерва наместо одвај да врзувате крај со крај, ја имате вистинската книга в раце. Време е да се погрижите парите да работат за вас.

    Станете господари на својата судбина и на своите финансии!


  • img-book

    Почетната точка за моќен говор е публиката. Запомнете, не се работи за вас, се работи за нив.

    Способноста убедливо да зборувате пред публика е клучна за вашиот успех. Ќе ви донесе почит од другите, ќе ве направи повредни за компанијата и ќе го привлече вниманието на луѓето кои можат да ви помогнат и да ви ги отворат вратите. Притоа, јавното говорење е вештина што може да се научи, а најпознатиот светски говорник Брајан Трејси е идеалниот инструктор.

    Знак за вистински професионалец во секое поле е подготвеноста. Колку потемелно ќе се подготвите толку подобри резултати ќе постигнете. Кога ќе научите како да одржувате одлични говори и пред мала група и пред голема публика, ќе станете еден од највлијателните и најубедливи поединци во својата област.

    Моќта на јавното говорење ве учи како:

    • Да ги зголемите самодовербата и самопочитта

    • Да постигнете силна умствена контрола

    • Да го освоите и да го задржите вниманието на слушателите

    • Да ја импресионирате публиката

    • Да стекнете гласовна вештина и моќни техники на врвен говорник • Да научите стратегии со кои ќе ги придобиете слушателите…

    Начинот на кој зборувате е важен колку и самиот говор. За да ги остварите најмоќните презентации во животот, следете ги советите на еден од најдобрите светски говорници – Брајан Трејси.


  • img-book

    Џеси Ицлер постигнал многу во животот – има приватна авиокомпанија, косопственик е на „Атланта хокс“, оженет е со најмладата милијардерка во светот, сопственичка на компанијата „Спенкс“, активен ултрамаратонец е, го има искачено најсмртоносниот врв во Америка…

    Но неговиот авантуристички дух не мирува. На најдолгиот маратон од 160 километри што ги истрчал за 24 часа, го среќава Дејвид Гогинс (СЕАЛ), поранешен припадник на Navy SEAL, кој последните 30 км ги истрчал со скршени стапала. Восхитен од овој подвиг, Ицлер го кани овој „непознат“ тркач да помине еден месец во неговиот дом, не ни сонувајќи што го очекува, но со надеж дека ќе успее да ги помести сопствените граници на издржливост. СЕАЛ има само еден услов – Ицлер беспоговорно да го слуша. Колку и да изгледа тешко, исцрпувачко или невозможно!

    Оваа екстремна авантура резултира не само со мускули и издржливост, туку и со добро пријателство и урнебесно смешна, но и длабоко инспиративна книга! Прифати го предизвикот и мотивирај се – предизвикај го умот за да видиш на што сè е подготвено твоето тело!

    „Џеси е човек кој презема ризици и секогаш пробува различни нешта за да се подобри. А освен тоа е и забавен!“

    Том Бреди


  • img-book

    Кој го здипли моето сирење? е едноставна басна која ни донесува длабоки вистини за промените. Тоа е забавна и поучна приказна за четири суштества кои живеат во „Лавиринтот“ и бараат „Сирење“ од кое живеат и кое ги прави среќни.

    Две од нив се глувчиња, Душкало и Брзи. А две се „човечиња“ – суштества со големина на глушец кои со однесувањето и со ликот многу потсетуваат на луѓето. Се викаат Туцко и Муцко. „Сирењето“ е метафора за она што сакате од животот – добра работа, сериозна врска, пари, имот, здравје и душевен мир.

    А „Лавиринтот“ е место во кое го барате она што го сакате – организацијата во која работите или семејството и заедницата во која живеете.

    Кога ќе стасате до „Ракописот на ѕидот“ и сами ќе откриете како да се справите со промените, па ќе можете да уживате во поголеми успеси со помалку стрес во работата и во приватниот живот.

    Оваа приказна е напишана за сите возрасти, ќе ја прочитате за помалку од еден час, но нејзината исклучителна мудрост ќе ви трае цел живот.

    „Кој го здипли моето сирење“ е книга што ја користат мажи и жени во многу корпорации, државни институции, војската, во малите претпријатија, болниците, црквите и училиштата вклучувајќи ги и: Apple Computers, Dell Computers, Goodyear, HP, IBM, Kodak, Nestle, Pepsi, Proctor & Gamble, Shell, Time..


  • img-book

    Пред дваесет и три години д-р Спенсер Џонсон ни ја подари приказната за две необични човечиња заробени во еден лавиринт. Кој го здипли моето сирење? го освои светот со својата моќна и практична мудрост за надминување на стравот и за неопходноста од промени во животот.

    По 26 милиони продадени примероци низ целиот свет, д-р Џонсон конечно им се врати на своите омилени ликови.


    Ова восхитувачко продолжение ќе ви помогне да го пронајдете излезот од какви и да е лавиринти со кои може да се соочите во својот живот.


  • img-book

    Која е онаа магична вештина што некои луѓе ја поседуваат поради која веднаш ви се лепат за срце? Сите сакаат да им бидат пријатели или да остварат интимна врска со нив. Во деловниот свет самоуверено јурат кон врвот на корпорациското скалило. Како им успева сè што ќе допрат да се претвори во „злато“?

    Меѓу кориците на забавната и поучна книга Како да разговарате со секого ќе ги откриете малите трикови што писателката ги издвоила како клучни за постигнување успех. Дефинитивно ќе уживате читајќи ги и вежбајќи ги овие трикови проследени со практични совети и јасни примери и анегдоти.

    Малите потези на кои ве учи, а кои без напор можете да ги направите дел од својата секојдневна рутина, ја создаваат вашата судбина. Зашто кога повторувате некое дејство, тоа ви станува навика. Навиките што ги имате го создаваат вашиот карактер. А вашиот карактер е ваша судбина.

    Успехот нека стане вашата судбина!


  • img-book

    Во животот го добивате она во што верувате.

    Сите ние имаме неверојатен потенцијал да бидеме, да постигнеме и да добиеме сè што ќе посакаме, замислиме или во кое вистински веруваме. Но за жал, само малкумина целосно го остваруваат, а повеќето луѓе не успеваат да ја препознаат и искористат безграничната моќ на потсвеста.

    Овие 52 неделни афирмации и многуте практични и докажани техники на Џозеф Марфи ќе ве поттикнат да го подобрите секој дел од вашиот живот. Со помош на желба, имагинација и верба, ќе успеете да создадете нова реалност. Оваа книга е ваш личен водич кон посреќен, побогат и поисполнет живот. Следејќи ги упатствата, ќе ги откриете моќта на сопствениот ум и бесконечните можности што постојат насекаде околу вас.

    Најуспешните луѓе низ историјата не се оние кои едноставно ја прифаќаат реалноста онаква каква што е, туку оние кои мечтаат за подобра реалност и кои толку длабоко веруваат во неа што можат дури и да создадат нова!