9. Популарна психологија (86)

Showing 1–16 of 94 results

Подреди:
  • img-book

    Оваа книга ни ги открива тајните чекори кои стојат помеѓу посакувањето успех и достигнувањето успех. Ни открива како размислуваат милионерите и нè насочува како треба да размислуваме и дејствуваме ако сакаме богатство во животот.

    Дали некогаш сте се запрашале зошто и како некои луѓе се збогатуваат толку лесно, а други како да се осудени финансиски да се измачуваат цел живот? Дали тоа се должи на разликите во нивното образование, интелигенција, вештини, тајминг, работни навики, контакти, среќа или нивниот избор на професија? Шокантниот одговор е: ниедно од горенаведените!

    Т. Харв Екер вели: „Дајте ми 5 минути и можам да ви кажам каква ќе ви биде финансиската иднина до крајот на животот!“ Тој го прави ова со идентификување на вашиот вграден „нацрт“ за пари и успех. Сите ние имаме еден таков нацрт во нашата потсвест и токму тој го детерминира нашиот финансиски успех. Може да знаете сè за маркетинг, продажба и финансии, но ако вашиот паричен нацрт не е правилно поставен за голем успех, никогаш нема да имате многу пари – или дури и да ги заработите, ќе ги изгубите! Екер ќе ви покаже како да создадете нов нацрт со кој ќе стигнете до успех и пари. Според Екер, лесно е! Ако размислувате и се однесувате како богатите, тогаш има големи шанси и самите да се збогатите!

    button-new


  • img-book

    Метју Хаси, експерт за врски и професионален стројник, во оваа книга ви ги открива тајните на машкиот ум и неговиот револуционерен пристап за да им помогне на жените да најдат маж каков што посакуваат.

    Метју нè учи сè што сме желни да дознаеме; како да запознаеме повеќе добри мажи, како да бидеме секси и да флертуваме, но и како да бидеме жена со висока вредност, како да ги поттикнеме да ни пристапат и да се впуштиме во разговор кој за само неколку минути ќе ни открие дали сакаме да го запознаеме типот подобро и да договориме прв состанок, но и како да изградиме емоционална интимност.
    Оваа негова книга е уникатен водич за секоја жена која сака да го сфати и фати типот што отсекогаш го посакувала. (С)фати го типот ќе ви помогне да разберете како размислуваат мажите, што навистина сакаат, како тие гледаат на жените, на врските, на сексот и на обврзувањето.

    button-new


  • img-book

    Број 1 Њујорк Тајмс бестселер за сите луѓе кои сакаат драстично да ги подобрат своите животи.

    Во оваа освежувачки забавна книга за самопомош, светски познатиот тренер за личен развој и успех, Џен Синсеро, нуди 27 поглавја полни со комично инспиративни приказни, отворени совети, лесни вежби и по некоја пцовка. Ако сте подготвени да направите сериозни промени во вашите животи, Ти си ѕвер ќе ви помогне: да ги идентификувате и промените вашите убедувања и однесувања кои не ви дозволуваат да го добиете тоа што го сакате во животот, ќе ви помогне да ги искорените старите стравови за да можете да преземате големи и возбудливи ризици и ќе ви помогне конечно да почнете да заработувате пари, да му се сневиди. Исто така ќе ви помогне да научите да се сакате себеси и другите, да си поставувате големи цели и да ги остварувате – генерално, ќе ви покаже како да создадете живот кој апсолутно ќе го обожавате и тоа како да го создадете веднаш.

    Кога ќе ја прочитате Ти си ѕвер, ќе разберете зошто сте такви какви што сте, како да го сакате она што не можете да го промените, како да го промените она што не го сакате и како сериозно да станете ЅВЕР.

    button-new


    5 out of 5
    Ти си ѕвер од: 400 ден
  • img-book

    Разликата меѓу успешните и неуспешните луѓе е во познавањето на начинот на кој се стигнува до целта. Тајната врата на успехот на Флоренс Сковел Шин ни покажува како да ја пронајдеме и да ја отклучиме вратата што води до тајното знаење за успехот.

    Со едноставни и практични совети, Шин ни покажува како да ги отстраниме бариерите што нè спречуваат да доживееме вистинска љубов, да заработиме пари и да ги оствариме своите цели. Таа ни ја открива тајната врата која води кон исполнување на сето она што го посакуваме длабоко во себе. Ни објаснува како своите несреќи да ги претвориме во радост за само неколку дена. И како вистинскиот ментален став може да нè доведе до успех – зашто секој може да воспостави контрола врз ситуацијата и да постигне изобилство со помош на духовните закони што се закодирани во нас.


  • img-book

    Поставете си високи цели…а потоа надминете ги!

    Над шест милиони луѓе низ светот си го подобрија животот со помош на Магијата на големите соништа. Д-р Дејвид Џ. Шварц, кој долго време го држи приматот на еден од најголемите експерти за мотивација, ќе ви помогне да продавате подобро, да менаџирате подобро, да заработувате повеќе и – што е најважно од сè – да најдете поголема среќа и душевен мир.

    Магијата на големите соништа ви нуди практични методи, а не само празни ветувања. Д-р Шварц ја открива својата внимателно разработена програма за да го извлечете максимумот од работата, од бракот и семејството, од социјалниот живот… Ви покажува дека не мора да бидете интелектуалец или да имате вроден талент за да постигнете успех и сатисфакција – но мора да ја разберете и да ја стекнете навиката на мислење и однесување што ќе ве одведат до врвот. А оваа книга ви ги открива тајните како да стекнете:

    » лично богатство
    » финансиска сигурност
    » моќ и влијание
    » совршена работа
    » среќни односи
    » убав и исполнет живот


  • img-book

    МОЌЕН И ДОКАЖАН ВОДИЧ ШТО ПОТТИКНА ИЛЈАДНИЦИ СЛАВНИ ЛУЃЕ ДА СТИГНАТ ДО ВРВОТ НА УСПЕХОТ ВО БИЗНИСОТ И ВО ЛИЧНИОТ ЖИВОТ

    Книгата Како да се здобијат пријатели и наклоност на луѓето е еднакво релевантна и корисна денес како и во времето кога била објавена, пред речиси 80 години. Тоа се должи на неверојатната умешност на Дејл Карнеги да проникне длабоко во човековата природа и да ги открие принципите врз чија основа секој човек можел да се развие и максимално да го искористи својот потенцијал. Според Карнеги, финансискиот успех не зависи толку од знаењето што го поседуваме колку од способноста да ги изразиме своите идеи, да преземеме лидерска улога и да го поттикнеме ентузијазмот кај луѓето.

    Продадена во десетици милиони примероци низ светот, оваа книга содржи многу корисни совети за тоа како брзо и лесно да се здобиете со пријателството и наклоноста на луѓето, како да го зголемите своето влијание во работната средина, како да станете поефикасни, да ги поттикнувате моралот и ентузијазмот кај соработниците, а да ги избегнете недоразбирањата и расправиите во деловниот и семејниот живот.


  • img-book

    Романот интиутопија Фаренхајт 451 е слика на едно тоталитарно општество во кое луѓето се затворени во своите огноотпорни домови, никогаш не разговараат за она што го мислат и чувствуваат и уживаат само во материјалните работи. Тие се обземени од своите интерактивни телевизори-ѕидови кои им го окупираат целото внимание и не им оставаат време за размислување. Универзитетите се затворени или се претворени во школи за атомско инженерство. Книгите се прогласени за непотребни, строго се забранети и подлежат на горење.

    Но една мала опозиционерска група на луѓе-книги сакаат да го спасат духовното богатство на човештвото и секој од нив знае наизуст понекоја книга, за да им ја пренесе на идните поколенија. Кон нив се приклучува и Монтег, преобратениот пожарникар, кој ќе стане сведок на уништувањето на навидум сигурното и „идеално“ општество…


    ФАРЕНХАЈТ 451 од: 280 ден
  • img-book

    Во продолжението на бестселерот Среќните луѓе читаат и пијат кафе Дијан се соочува со нови предизвици за кои се чини дека не е подготвена. Вратена од Ирска, решена да стави точка на својот бурен однос со мрачниот ирски фотограф Едвард, таа почнува да си го гради животот во Париз посветената работа во својата кафе-книжарница и на новата љубовна врска. Сè додека повторно не го сретне Едвард…


  • img-book

    „Плацебото сте вие” е прирачник со упатства како да направиме чуда со своето тело, здравјето и соживотот. Оваа книга е единствениот рецепт за здравје што некогаш ќе ви затреба“.
    Д-р Кристијана Нортруп

    „Џо Диспенца е врвен учител што има способност да ја објасни науката на многу едноставен начин така што сите можат да ги разберат нејзините поими“.
    Дон Мигуел Руиз
    Дали е возможно некој да се излекува само со моќта на мислите – без лекови или операција? Вистината е дека тоа се случува многу почесто отколку што би очекувале. Во книгата Плацебото сте вие, доктор Џо Диспенца споделува многу документирани случаи за луѓе што излекувале кардиолошко заболување, депресија, артритис, па дури и тремор кај Паркинсонова болест, верувајќи во плацебо. Слично на тоа се потврдените приказни за луѓе што се разболеле или некои дури и починале откако им била поставена погрешна фатална дијагноза.
    Доктор Џо, исто така, го поставува прашањето: „Дали е возможно да се научи принципот на плацебо-ефектот и дали може да се произведат истите внатрешни промени во здравјето и, конечно, во животот на човекот, не потпирајќи се на некоја надворешна супстанција?“ Тој изнесува научни докази (вклучително и снимки на скениран мозок) за извонредни излекувања, потврдени на неговите работилници, каде што учесниците го учеле неговиот модел на лична трансформација, врз основа на практична примена на плацебо-ефектот. Книгата завршува со медитација за промена на уверувањата и на перцепциите што нѐ ограничуваат – а тоа е првиот чекор кон исцелување.
    Плацебото сте вие ги комбинира најновите истражувања во невронауката, биологијата, физиологијата, хипнозата, условувањето од начинот на однесување и квантната физика, за да го демистификува функционирањето на плацебото… и покажува како нешто што е навидум невозможно, може да стане возможно.


  • img-book

    Вежбањето со отпор не е само за спортисти и луѓе со добра физичка  кондиција. Истражувањата покажале дека програмите за вежбање со отпор се корисни за луѓе кои страдаат од хронични болести. Во програмите за вежбање кои ќе ја подобрат општата здравствена состојба можат да учествуваат и стари и млади. Во книгата Вежбање со отпор за посебни популации се опфатени проценките и развојот на програми за вежбање за луѓе кои страдаат од артритис, остеопороза, рак, дијабетес, срцеви, белодробни и други заболувања. Исто така, опфатени се и програми за вежбање со отпор наменети за постари лица, лица со прекумерна телесна тежина и трудници.

    Книгата содржи:

    – Преглед на етиологиите на болестите

    – Осврт кон истражувањата за влијанието на вежбањето со отпор врз различните видови популации

    – Преглед на проценките и планирањето на програмите за различните видови хронични болести

    – Целосни 24-неделни планови за вежбање

    – Критички анализи на конкретни случаи


  • img-book

    Заборавете ги глупостите и чувствувајте се ПРЕКРАСНО ќе ве научи како да влезете во зоната на ПРЕКРАСНОТО и да се издигнете над негативното размислување и драмите. Техниките што се опишани во оваа книга ќе ви помогнат да направите промени што ќе ви овозможат да ги отстраните глупостите од сите области во вашиот живот – работа, пари, богатство, врски, љубов, родителство, зависности, болки на срцето, стрес и секојдневни иритации. Начинот на кој го живеете животот се базира на низа навики и веќе воспоставени шеми. Со замена на старите навики со нови, можеш да го промениш животот на подобро. Во Заборавете ги глупостите и чувствувајте се ПРЕКРАСНО, искусниот хипнотерапевт Аилса Франк ве снабдува со знаење и алатки што ви се потребни за да ја преземете контролата врз својот живот и да се осигурите дека зазема позитивна насока – насока во која вие сакате да оди.


  • img-book

    Сопруга, мајка и сопственичка на кафе-книжарницата Среќните луѓе читаат и пијат кафе во Париз, се чини дека Дијан има совршен живот. Но ненадејно ќе ги изгуби саканиот сопруг и ќерката и сè одненадеж застанува. Сè освен нејзиното срце, кое и натаму упорно и болно чука. Изгубена во спомените, таа повеќе не знае како да живее…

    По една година ќе ги шокира семејството и пријателите одлучувајќи да се пресели во едно село на ирскиот брег. Конечно решена повторно да го изгради својот живот – сама. Таму ќе го запознае Едвард, таинствениот фотограф од соседството. Ќе си дозволи ли повторно да сака? Ќе го надвладее ли стравот дека со новата љубов ќе ги изневери саканите кои веќе ги нема?

    „Трогателна приказна со многу дијалози која со лесен стил и со многу топлина и разбирање зборува за тоа дека можеме да ги преживееме и најтешките животни моменти.“ Ле паризјен


  • img-book

    Трчањето ме учи е збирка текстови инспирирани и посветени на големата пасија на повеќекратниот државен шампион во трчање Кокан Ајановски. Тој ѝ е добро познат на јавноста по своите достигнувања на тркачките патеки – над 20 пати државен првак на Македонија во повеќе атлетски дисциплини – но и надвор од нив, како еден од амбасадорите на спортот кој секојдневно го популаризира и ја шири страста наречена трчање.

    Овие кратки бисери се излезени од секојдневието на човекот за кого трчањето е многу повеќе од спорт – во трчањето Кокан ја пронаоѓа големата смисла на животот. Трчањето му е и животен учител чии лекции важат како на патеките така и надвор од нив. Сакајќи да сподели со вас дел од наученото, тој своите мали и големи откровенија ги пренесува на хартија, во текст полн со топлина и емоција.

    Трчањето ме учи е книга полна со инспирација, мудрост, поуки, благодарност, љубов, и една посебна сила што постојано нè движи напред и нè поттикнува да истрчаме уште еден километар, да направиме уште еден напор – за да станеме подобри од она што веќе сме.


    ТРЧАЊЕТО МЕ УЧИ од: 250 ден
  • img-book

    Од авторот на интернационалниот мегабестселер „Е, баш ме заболе“ доаѓа контраинтуитивен водич за проблемите со надежта.

    Живееме во интересно време. Материјално, сè е подобро од кога и да е, но некако сè изгледа како да е непоправливо и ужасно заебано. Што се случува? Ако некој може да ја именува нашата моментна малодушност и да ни помогне да ја решиме, тоа е Марк Менсон.

    Во „Сè е заебано“, Менсон исцртува планини од психолошки истражувања базирани на безвременската мудрост на Платон, Ниче, Кант, па и на Том Вејтс, за да ги дисецира религијата, политиката, парите, забавата и интернетот.

    Со неговата препознатлива комбинација од ерудиција и хумор, Менсон нè предизвикува да бидеме почесни кон себеси, отворено спротивставувајќи се на нашите дефиниции на верата, среќата, слободата – дури и на надежта. Еден од најголемите модерни автори напиша уште една книга што ќе ја постави агендата на годините што доаѓаат.


  • img-book

    „Зошто јас?“ е прашање што секој од нас си го поставил во одреден момент од животот. Во потрагата по одговорите се насетуваат два избора: тешките искуства за некого ќе бидат нешто што само ќе го преживее, а за некој друг – нешто што ќе го врати во живот. Да се напише оваа книга е да се допре душата на секој од нас, но и личен терапевтски процес. Ставањето на хартија на нашите искуства и доживувања е навистина лековито искуство. Моментот во кој тие ќе заиграат пред нашите очи и ќе ја прочитаме својата приказна е момент во кој сме си ја дозволиле ранливоста, сме го скротиле егото и сме ѝ дале светлина на внатрешната реалност. Тој момент е истовремено и моќен, бидејќи само од позиција на препознавање на својата вистина и љубов за себе можеме да го исцелиме она што боли.

    За сите вас кои сте ја запознале анксиозноста, ова четиво ќе ви биде вистински скапоцено, бидејќи ќе станете свесни дека не сте осамени во тоа искуство. Таа доаѓа во повеќе форми и може да зборува на различни јазици, но секогаш претставува покана за една поинаква средба со себеси.


  • img-book

    ДОЛГООЧЕКУВАНОТО ПРОДОЛЖЕНИЕ НА НАЈПРОДАВАНИОТ СЕРИЈАЛ „КАЛУЃЕРОТ ШТО ГО ПРОДАДЕ СВОЕТО ФЕРАРИ“

    Џонатан Лендри поминува низ тежок период во животот. По необичната средба со својот загубен роднина Џулијан Ментл – поранешен влијателен адвокат кој одеднаш исчезнал на Хималаите – тој е принуден да патува по светот за да ги собере тајните писмата во кои се кријат извонредните тајни што ги открил Џулијан.На незаборавното патување што ве води во сензуалните сали за танго на Буенос Аирес, морничавите катакомби во Париз, блескавите кули во Шангај и мистичните пустини на Седона, Тајните писма на калуѓерот што го продаде своето ферари открива изненадувачки сознанија што ќе ви помогнат да си ја вратите моќта, да му бидете верни на своето вистинско јас и бестрашно да ги живеете своите соништа.

    Денес на светот нема вишок луѓе. Секој од нас е тука со причина, со некоја специјална цел – мисија. Да, биди среќен и забавувај се многу. И да, стани успешен, но според свои критериуми, а не според оние што ти ги наметнува општеството. Но – над сè – биди од значење. Направи твојот живот да е важен. Биди од корист. Биди им на услуга на колку што е можно повеќе луѓе. И биди рамо до рамо со најдобрите што некогаш живееле. Робин Шарма


    ТАЈНИТЕ ПИСМА од: 380 ден