0
Најново од Сакам Книги (165)

Книга на неделата

Убиј го таткото 6  
  • img-book

    Во овој моќен роман, Кристин Хана ја истражува душата на проблематичниот брак преку провокативен и актуелен приказ на еден вљубен и завојуван брачен пар.

    Сите бракови имаат точка на пукање. Сите семејства имаат рани. Сите војни имаат своја цена…

    Како многу сопружници, и Мајкл и Џолин Заркејдс се соочуваат со притисоците на секојдневниот живот – деца, кариери, сметки, домашни обврски – додека дванаесетгодишниот брак им се распаѓа. Но кога војничката Џолин ќе биде распоредена во Ирак, во вителот на опасноста, адвокатот Мајкл останува дома, несвикнат да биде единствениот родител на двете ќерки. Мајката Џолин со тешко срце го напушта семејството, но војничката Џолин отсекогаш го сфаќала вистинското значење на должноста. Во писмата што ги праќа до семејството слика розова верзија на нејзиниот живот во првите борбени редови, штитејќи ги најблиските од вистината. Но војната ќе ја промени на начини што никој од нив не можел да ги предвиди. Кога ќе се случи трагедија, Мајкл мора да се соочи со својот најмрачен страв и да води битка со своите уверувања – за најважната работа на неговото семејство.

    „Домашен фронт“ е приказна за љубовта, загубата, херојството, честа и надежта, која ни нуди длабок и искрен поглед на модерниот брак. Драматично истражување на последиците што ги остава војната врз обичното американско семејство.

    Wishlist
    Домашен фронт од: Кристин Хана 550 ден
  • img-book

    Една од највредните вештини во економијата станува сè поретка – ако ја совладате, ќе постигнете извонредни резултати.

    Умеете ли да се фокусирате? Да се исклучите од надворешниот свет, наполно да се внесете во задачата? Ако умеете да го направите тоа, тогаш сте исклучок. Повеќето луѓе денес се обидуваат да извршуваат повеќе задачи истовремено, поради што ја имаат изгубено способноста длабоко да проникнат во даден проблем.

    За да работиме задлабочено, треба да умееме да се сосредоточиме на извршување на задачите што бараат сериозен интелектуален напор и притоа да не дозволуваме други нешта да ни го одвлекуваат вниманието. Оваа способност за фокусирање ни помага побрзо да ги совладаме сложените информации и да постигнеме подобри резултати за пократко време. Задлабоченото работење ќе ве направи подобри во она што го работите и ќе ви донесе вистинска исполнетост. Во сè поконкурентната економија на 21 век, задлабоченото работење наликува на супермоќ. А сепак, повеќето од нас ја имаат изгубено способноста за задлабочување и ги минуваат деновите во френетично и магливо лутање меѓу е-поштата и социјалните медиуми, не сфаќајќи дека постои подобар начин.

    Докажувајќи ја ползата од задлабочената работа, Кал Њупорт ни предлага четири правила за преобразување на умот и навиките. Нè запознава со многу интересни личности кои ја совладале уметноста на задлабоченото работење – од Карл Јунг, кој гради камена кула во шума за да го сосредоточи умот, до пионерот во социјалните медиуми кој купува повратен билет до Токио за да ја напише книгата без ништо да му пречи.

    „Задлабочено работење“ е незаменлив водич за секој човек кој бара фокусиран успех во нашиот расеан свет.

    Wishlist
    ЗАДЛАБОЧЕНО РАБОТЕЊЕ од: Кал Њупорт 550 ден
  • img-book

    ДУЕТ: RELEASE #1

    Додека растев, Ремзи Стјуарт ми остави белези во душата што времето не умее да ги излечи.
    На дванаесет години, ме праша дали сакам да му бидам девојка.
    На тринаесет ми го подари првиот бакнеж.
    На шеснаесет се вљубивме и планиравме заедничка иднина.

    Љубовта никогаш не пропаѓа.
    За Ремзи, пропадна.
    Љубовта го изневери.
    Јас го изневерив.
    Сиот свет го изневери.

    На седумнаесет години, Ремзи беше осуден за убиство на момчето што ме силуваше.

    Заборави ме, ми напиша во првото и последно писмо од затворот.
    Почни нов живот, настојуваше.
    Не те сакам повеќе, излажа.

    Никогаш не помислив да се откажам од него. Можеби љубовта е нашето проклетство, но тој ми е во срцето – тогаш, сега и засекогаш.

    Сега, по дванаесет долги години, го чекам да излезе низ затворските порти мажот којшто не го ни познавам.

    Wishlist
    ОСЛОБОДУВАЊЕ од: Али Мартинез 450 ден
  • img-book

    Првиот пат кога го запознав Кејн Вест, беше во бар.
    Тој забележа дека гледам накај него и погрешно го протолкува
    моето муртење, мислејќи дека го меркам.
    Кога се обиде да разговара со мене, јас го пресеков – му кажав што мислам за неговиот лажлив, прељубнички, его-манијакален задник.
    Видете, прекрасниот кретен си отиде на вечера со мојата најдобра пријателка – намамувајќи ја во неговиот кревет, без ни да помисли да спомне дека е оженет.
    Тој си го заслужи секој дел од моето пердашење, дури и малку му беше, во споредба со тоа што тој го направи.
    Особено кога таа мрзлива насмевка му го украси неговото совршено лице, како одговор на мојот бесен монолог.
    Само што, испадна дека, човекот кој штотуку го направив партал, не е вистинскиот човек.
    Упс. Моја грешка.
    Засрамена, избегав без извинување.
    И онака никогаш повеќе немаше да го видам згодниот странец, нели?
    Така си мислев… додека следното утро не влегов на час.
    Па, здраво професоре Вест, јас сум вашиот нов асистент.
    Ќе работам под Вас… фигуративно кажано.
    Иако буквалното толкување можеби и не е толку лоша работа – да работиш „под“ професорот Вест.
    Ова има да биде интересно…

    Wishlist
    Прекрасна грешка од: Вај Киленд 450 ден
  • img-book

    Го запознав Броди Истон во машката соблекувална. Требаше да го направам моето прво интервју како спортски новинар.

    Познатиот квотербек реши да се разголи. Не, не ми ги раскажа своите тајни, не ми ја разголи душата. Самобендисаниот играч реши да ја тргне крпата врзана околу половината во моментот кога му го поставив првото прашање. А интервјуто одеше во живо!

    Но јас не излегувам со играчи – згодни и самозадоволни момци на кои паметот им е само во сексот. Не затоа што сум една од малкуте жени кои работат во светот на професионалниот спорт.

    Нема поголем играч од Броди Истон. Секоја жена копнее да го смени. Но нему му беше потребна девојка за која вреди да се промени. Излезе дека јас сум таа девојка.

    Просто како грав, нели? Но никогаш не е толку едноставно. Постои цела една приказна меѓу Си беа еднаш и Си живееја среќно до крајот на животот. А оваа е нашата.

    Wishlist
    ИГРАЧОТ од: Вај Киленд 450 ден
  • img-book

    Алекс Волков е ѓавол со ангелско лице и минато од кое не може да побегне. Трагедијата во детството му го одредила животот и му го поплочила патот кон одмаздата. Воден од безмилосната потрага по успех, тој во своето срце нема место за љубов.

    Кога е принуден да се грижи за помладата сестра на неговиот најдобар пријател, почнува да чувствува дека нешто се топи во неговите гради. По извесно време му го распламтува срцето. Во него почнува да беснее таков оган што ќе му го изгори сиот свет.

    Ава Чен е самостојна и силна девојка, со чии соништа господарат кошмарите од детството на кое не може да се сети. Но и покрај тешкото минато, постојано наоѓа убавина во светот што ја опкружува – вклучително и во срцето скриено зад ледениот ѕид што го кренал мажот кој не смее да го посакува. Најдобриот пријател на нејзиниот брат. Нивниот сосед. Нејзиниот спасител и нејзината пропаст.

    Алекс и Ава не смеат да се засакаат. Нивната забранета љубов ќе разоткрие тајни кои би можеле да ги уништат – нив двајцата и сè што им значи.

    Wishlist
    Изопачена љубов од: Ана Хуанг 450 ден
  • img-book

    Тој знае како да ја погоди целта – на мразот и надвор од него…

    Али Хејс е во криза. Наскоро ќе дипломира, а нема поим што ќе прави потоа. За да бидат работите уште полоши, тагува по неодамнешниот прекин на долгогодишната врска. Див, необврзан секс сигурно не е решение за нејзините проблеми, но на згодната хокејска ѕвезда Дин Ди Лорентис е невозможно да му се одолее. Но ќе го направи тоа само еднаш, зашто иако иднината ѝ е несигурна, во неа сигурно нема место за кралот на врските за една ноќ.

    …но неговото вообичаено однесување нема да биде доволно за да го освои нејзиното срце.

    Дин секогаш го добива тоа што го сака. Девојки, оценки, уште девојки, признанија… Досега ниедна жена не успеала да одолее на неговиот шарм. Сѐ додека не ја запознае Али. За само една ноќ, енергичната русокоса му го превртува светот наопаку – а сега сака да бидат пријатели? Нема шанси! Не е готово додека тој не каже дека е готово. Дин се впушта во непопустлив освојувачки поход, но кога неколку драматични промени ќе му го потресат животот, почнува да се прашува дали можеби не е време да престане да размислува само за погодоците… и да почне да се стреми кон љубовта.

    Wishlist
    4 out of 5
    ПОГОДОКОТ #3 од: Ел Кенеди 450 ден
  • img-book

    „Одлична книга која може да ви го смени животот.“ – Опра Винфри

    Предупредување до читателите: содржината на оваа книга може да ги потресе основите на вашиот живот. Ова е најлуцидната, најпроникливата и најзначајната книга за пари што ќе ја прочитате. Веројатно зашто во неа не станува збор за пари, туку за она за што ја разменуваме нашата животна енергија.

    Ова не е книга за личните финансии, туку за животот и како да го структурирате вашиот за да одговара на вашите вредности. И тоа не преку бескорисни совети како „следете ја страста“, туку на многу подлабоко ниво. Ви помага да откриете колку е „доволно“ за вас – точка во која сте задоволни и исполнети, единствена за секој. Иако вежбите во книгата се за управување со вашите пари, прашањата и советите се поврзани со ограничениот број часови што ни остануваат во животот и начините на кои можеме да внесеме смисла во нив.

    Без разлика дали штотуку го почнувате вашиот финансиски живот или сте пред пензија, оваа книга ќе ви покаже како да:

    • се ослободите од долговите и да заштедите
    • заштедите преку зголемена свесност и добри навики, а не преку строго штедење
    • го расчистите животот и да живеете подобро со помалку
    • ја вложите вашата заштеда и да се збогатите
    • и уште многу други важни работи!

     

     

     

     

     

    Wishlist
    ПАРИТЕ ИЛИ ЖИВОТОТ? од: Вики Робин и Џо Домингез 550 ден
  • img-book

    Доктор Беки Кенеди, психолог и популарен експерт за родителство, го споделува својот револуционерен пристап кон воспитувањето на децата и нуди практични стратегии за родителство. Нејзиниот пристап промовира цврсти граници, родителски авторитет и силно водство, притоа не заборавајќи ги позитивните односи, довербата и почитта.

    Во изминатите неколку години, доктор Беки Кенеди предизвика родителска револуција. Милиони родители, уморни од следењето на советите кои или не функционираат или едноставно не се чинат исправни, го прифатија моќниот и ефективен пристап на доктор Беки, модел кој дава приоритет на поврзувањето со нашите деца, наместо на нивно поправање.

    На родителите многу долго им се продава модел на воспитување на децата, кој едноставно не функционира. Од сложени системи за наградување, до казни или праќање во ќош, многу популарни родителски пристапи се засноваат на обликување на однесувањето, а не на воспитување луѓе. Овие техники не ги градат вештините што им се потребни на децата за живот, ниту ги објаснуваат нивните сложени емоционални потреби. Во Добри однатре, доктор Беки ја споделува својата родителска филозофија, комплетирана со изводливи стратегии, кои ќе им помогнат на родителите да преминат од несигурност и самообвинување кон самодоверба и цврсто лидерство. Ова е нов начин на воспитување, со главна цел: да им се помогне на децата да стекнат саморегулација, самодоверба и издржливост за цел живот.

    Wishlist
    ДОБРИ ОДНАТРЕ од: Д-р Беки Кенеди 550 ден
  • img-book

    Можеш ли да спречиш убиство откако веќе се случило?

    Крај на октомври. После полноќ. Го чекаш својот осумнаесетгодишен син. Тој доцни. Додека гледаш од прозорецот, тој се појавува и сфаќаш дека не е сам: тој оди кон еден човек и вооружен е.

    Не можеш да поверуваш кога ќе видиш што прави: твојот забавен, среќен син тинејџер, убива некој странец, токму таму на улицата пред вашата куќа. Не знаеш кој. Не знаеш зошто. Знаеш само дека твојот син сега е во притвор, неговата иднина е уништена.

    Таа ноќ заспиваш во очај. Сѐ е изгубено.

    Додека не се разбудиш. . .
    . . . на вчерашен ден.

    И тогаш повторно се будиш. . .
    . . . на завчерашен ден.

    Секое утро се будиш ден порано, уште еден ден пред убиството. Со уште една шанса да го запреш. Некаде во минатото лежи одговорот – причината за ова злосторство – и немаш друг избор, освен да ја откриеш. . .

    Goodreads Choice Award
     – Номинирана за најдобра мистерија и трилер за 2022 година

     

    Wishlist
    Погрешно место, погрешно време од: Џилијан МекАлистер 520 ден
  • img-book

    Мислите дека ја познавате личноста со која сте се венчале? Размислете уште еднаш…

    Работите помеѓу господин и госпоѓа Рајт веќе долго време не се како што треба. Кога Адам и Амелија добиваат викенд-патување во Шкотска, тоа може да биде токму она што му треба на нивниот брак. Самопрогласениот работохолик и сценарист Адам Рајт цел живот живее со нарушување на способноста за идентификување човечки лица. Тој не може да ги препознае пријателите или семејството, па дури ни сопствената сопруга.

    Секоја годишнина двојката разменува традиционални подароци – хартија, памук, керамика, калај – и секоја година сопругата на Адам му пишува писмо, што никогаш не му дозволува да го прочита. Сè досега. И двајцата знаат дека овој викенд ќе го поправат или раскинат нивниот брак, но тие не го добија ова патување случајно. Еден од нив лаже, а некој не сака тие да живеат среќно до крајот на животот.

    Десет години брак. Десет години тајни. И годишнина што никогаш нема да ја заборават.

    Камен, Лист, Ножици е најновиот возбудлив трилер од кралицата на убиствените пресврти и најпродавана авторка на Њујорк Тајмс, Алиса Фини.

    Goodreads Choice Award
    – Номинирана за најдобра мистерија и трилер за 2021 година

    Wishlist
    5 out of 5
    Камен, Лист, Ножички од: Алиса Фини 520 ден
  • img-book

    „Се надеваме дека Вашиот син ќе може да ни одговори на неколку прашања во врска со едно девојче кое исчезнало синоќа…“

    Ерика Кас има совршено семејство и совршен живот. Сѐ до вечерта кога двајца детективи се појавуваат на нејзината врата.

    Една средношколка исчезнува од тивката предградска населба на Ерика. Полицијата се сомнева во најлошото – убиство. А синот на Ерика, тинејџерот Лиам, е последниот кој го видел девојчето живо.

    Ерика отсекогаш насетувала нешто мрачно и вознемирувачко во нејзиното навидум совршено постаро дете. Таа сака да верува дека тој е невин, но како што доказите се трупаат, така ѝ станува сѐ потешко да се бори против вистината – можно е Лиам да го направил незамисливото.

    И сега таа мора да се запраша себеси: колку далеку е подготвена да оди за да го заштити сопствениот син?

    Wishlist
    Совршениот син од: Фрида МекФаден 500 ден
  • img-book

    Стари мистерии отвораат нови рани…

     Полициски извештај за настан кој се случил во мај 1994 година ја отпочнува приказната богата со ликови и испреплетени стории во чија срж лежи стара мистерија. Во раните утрински часови пронајдено е безживотното тело на полицаецот Зафир. Неговата глава е целосно разнесена од истрел од револвер кој е пронајден до неговото тело. Од извршениот увид на местото на настанот и од извршените оперативни проверки констатирано е дека Зафир се самоубил.

    По 28 години во истиот град исчезнуваат две машки лица. Заедничко за исчезнатите е тоа што и двајцата извршиле семејно насилство врз нивните сопруги и тие ги пријавиле настаните во полициската станица.

    Потрагата по двајцата исчезнати ја води инспектор кој всушност е син на починатиот полицаец Зафир. Додека трае потрагата по исчезнатите, во полициската станица се појавува и нова млада инспекторка. Нејзиното појавување и започнување со работа во полициската станица во малиот град е сомнително, поради тоа што таа не познава никого во гратчето.

    Неизвесна мистерија, која до самиот крај го тера читателот да се прашува како ли ќе заврши, кој е виновникот, кој е мотивот. Фактот дека авторот по професија е инспектор кој ги искористува своите лични искуства и експертиза како инспирација од која ги крои приказните го прави делото уште поинтересно.

    Wishlist
    4 out of 5
    Траги од минатото од: Далибор Трајков 350 ден
  • img-book

    Сузан Колинс се буди во чудна соба налик на „собите за бегство“, каде што решаваш загатки за да стигнеш до излезот. Набргу сфаќа дека е затворена со глувонемиот Џефри, младиот Дилан кој е слеп од раѓање и Мајк, кому му недостасуваат горните екстремитети, додека самата таа е во инвалидска количка по тешка сообраќајна незгода. Последното нешто на кое сите се сеќаваат е дека биле присутни на забавата на Астрикс, филантропска компанија која вложува огромни средства во откривање и лекување на трауми, како и нови методи за лечење на тешки заболувања.

    Не знаат како се нашле во собата, зошто се заклучени таму и како е направена таа чудна комбинација на луѓе со различни инвалидитети, но веднаш сфаќаат дека има траги насекаде околу нив и дека мора да ги здружат силите за да почнат да ги решаваат загатките ако сакаат некогаш да излезат.

    Сепак, кога детективот Алекс ќе почне да го истражува случајот, првото нешто на што ќе наиде е документ за приватност кој сите затворени во собата за загатки го имаат своеволно потпишано… што значи дека некој тука крие нешто, дури и дел од заробените во собата. Но сопругот на Сузан е убеден дека таа е таму против своја волја, дека не би заминала никаде без да му каже и најстрашно од сѐ, чувствува дека неговата сопруга е во голема опасност.

     

    Wishlist
    4 out of 5
    ИЗЛЕЗ од: Саша Богдан 350 ден
  • img-book

    Ема е млада девојка, средношколка во музичко училиште, која го сака пеењето и свирењето виолина. Малку „презрела“ за своите години, или барем таа така се доживува себеси. Ема е паметна, Ема е интересна, Ема е убава; сите сакаат да се дружат со неа и каде и да оди го привлекува вниманието на момчињата. Но нејзиното внимание го привлекува токму оној кој не треба; личност која е забранета за Ема. Новиот, млад и прекрасен професор по солфеж, кој сепак е премногу „стар“ за малолетната Ема. Но забранетото секогаш е најслатко и најпривлечно, па така Ема се опседнува со професорот Огнен и не може да престане да мисли на него. Фантазира за него, го идеализира до бескрај и почнува да излегува каде што тој има свирки само за да биде во негова близина.

    Кога нејзината најдобра другарка дознава за ова и ја советува да не се впушта во опасни води со постариот професор, Ема не сака ни да чуе; напротив, таа свесно ја оттурнува Марија од себе. Впрочем, таа ги оттурнува сите и сѐ од себе, не сакајќи ништо да ѝ пречи во мисијата да го освои неговото срце. Младоста ја карактеризираат невиноста и неискуството, коишто се први предуслови за погрешни избори и грешки кои можат многу да чинат. Па така, во еден момент се чини како главната хероина да губи сѐ, но сепак останува една светла точка во нејзиниот живот.

    Велат дека пријателството е како свеќа што сјае и ти го грее срцето кога надвор е студено и темно…

    Wishlist
    Најслаткиот филџан кафе од: Оља Петрушевска – Томева 320 ден
  • img-book

    Родителите се единствените луѓе на светот чии раце се секогаш подадени кон нас и  секогаш подготвени да нè прифатат. Само што, понекогаш, ние сметаме дека тие раце имаат намера да нè гушат, па се опираме и опираме за да избегаме што подалеку од нив. За жал, далеку од вистинската поддршка и искрените совети кои единствено тие можат да ни ги дадат, може да донесеме катастрофални одлуки и да паднеме на дното во кое ќе ги повлечеме и нив со нас.

    Ова е приказна за девојка доведена на раб на нервен слом и втурната во психички проблеми по смртта на нејзиниот татко.  Приказна за девојка која почнува да ја гледа мајка си како непријател и станува мета на емотивни манипулатори кои ја цицаат секоја капка енергија од неа, доведувајќи ја до уште поголеми психички проблеми и психијатриска установа. Ова е приказна за девојка која на потешкиот начин ќе научи дека единствените луѓе во чија верност и љубов никогаш не треба да се сомневаме се родителите. Животот е суров учител, но најважните лекции секогаш се најтешки за учење.

    Прекрасен и трогателен роман, во кој емоциите се леат од страница на страница и вибрираат низ секој збор.

     

    Wishlist
    Ја мразам мајка ми од: Верица Митева 350 ден