Мистерии (126)
  • Попуст!
    img-book

    Во случаи со киднапирање, првите неколку часа се клучни. После тоа, малите шанси жртвата да се пронајде жива се претвораат во речиси непостоечки.
    Но оваа девојка не е обична жртва.
    И покрај тоа што прекрасната, силна и паметна Алекс Прево не е обична девојка, нејзиното време истекува. Таа е затворена, заробена во кафез кој виси на два метри од земја, изгладнета, претепана, оставена на милост и немилост на човекот кој сака да ја гледа како умира.
    Детективот Верховен нема ништо важно за да ја води истрагата: нема осомничен, нема трага, а и неговата надеж полека исчезнува. Сè што знаат е дека крупен човек киднапирал девојка на улица во Париз и ја пикнал во бело комбе. Никој не знае кој е киднаперот, никој не знае која е девојката, никој не ја пријавува за исчезната со денови… Енигмата за судбината на Алекс ќе го прогонува Верховен сè до горкиот, ужасен крај.
    А нема да помине долго време пред спасувањето на нејзиниот живот да стане негов најмал проблем.

    button-new


    4.91 out of 5
    Алекс од: Пјер Леметр 400 ден280 ден

    Во случаи со киднапирање, првите неколку часа се клучни. После тоа, малите шанси жртвата да се пронајде жива се претвораат во речиси непостоечки.
    Но оваа девојка не е обична жртва.
    И покрај тоа што прекрасната, силна и паметна Алекс Прево не е обична девојка, нејзиното време истекува. Таа е затворена, заробена во кафез кој виси на два метри од земја, изгладнета, претепана, оставена на милост и немилост на човекот кој сака да ја гледа како умира.
    Детективот Верховен нема ништо важно за да ја води истрагата: нема осомничен, нема трага, а и неговата надеж полека исчезнува. Сè што знаат е дека крупен човек киднапирал девојка на улица во Париз и ја пикнал во бело комбе. Никој не знае кој е киднаперот, никој не знае која е девојката, никој не ја пријавува за исчезната со денови… Енигмата за судбината на Алекс ќе го прогонува Верховен сè до горкиот, ужасен крај.
    А нема да помине долго време пред спасувањето на нејзиниот живот да стане негов најмал проблем.
    Со освојувањето на престижната награда Dagger за интернационален трилер, судиите рекоа: „Брилијантен трилер, напната трка помеѓу неколку паралелни приказни кои вџашуваат и шокираат кога најпосле се пресретнуваат. Оригинал и напнат крај кој ги надминува очекувањата.“

  • img-book

    ПРЕТХОДНО: Мајлс „Буце“ Халтер има крајно здодевен живот. Тој нема пријатели, неговите денови се празни, а единствена занимација што ја има му е опсесијата со последни зборови на познати луѓе. Но, сето ова се менува кога заминува да учи во училиштето со интернат – Кулвер Крик. Неговиот живот станува тотална спротивност на здодевен и безбеден. А таму ја запознава и прекрасната, откачена Алјаска Јанг. Таа е паметна, убава, смешна и бескрајно фасцинантна – таа е девојката која го повлекува Буце во својот свет, а притоа го краде и неговото срце.

    ПОТОА: Ништо никогаш повеќе нема да биде исто.
    „Убавината на оваа книга лежи во тоа што таа не крие ништо. Ги прикажува младата љубов и растењето во реално, брутално и искрено светло. Можеби нема да наполните кофи со солзи како на крајот од Светот не е фабрика за исполнување желби, но ќе се приврзете за Мајлс и Алјаска, исто како што тие се приврзуваат еден за друг.“
    The Guardian

    button-new


    4.33 out of 5
    Во потрага по Алјаска од: Џон Грин 370 ден

    ПРЕТХОДНО: Мајлс „Буце“ Халтер има крајно здодевен живот. Тој нема пријатели, неговите денови се празни, а единствена занимација што ја има му е опсесијата со последни зборови на познати луѓе. Но, сето ова се менува кога заминува да учи во училиштето со интернат – Кулвер Крик. Неговиот живот станува тотална спротивност на здодевен и безбеден. А таму ја запознава и прекрасната, откачена Алјаска Јанг. Таа е паметна, убава, смешна и бескрајно фасцинантна – таа е девојката која го повлекува Буце во својот свет, а притоа го краде и неговото срце.

    ПОТОА: Ништо никогаш повеќе нема да биде исто.

    „Убавината на оваа книга лежи во тоа што таа не крие ништо. Ги прикажува младата љубов и растењето во реално, брутално и искрено светло. Можеби нема да наполните кофи со солзи како на крајот од Светот не е фабрика за исполнување желби, но ќе се приврзете за Мајлс и Алјаска, исто како што тие се приврзуваат еден за друг.“
    The Guardian

  • Попуст!
    img-book

    Крвава месечина, 13 роман во серијалот за Хари Хуле

    Брилијантниот детектив се враќа – како приватен истражител со свој тим составен од одметници

    На почетокот од есента во Осло исчезнуваат две девојки кои биле на иста забава кај познатиот милијардер Ред. На пронајденото тело полицијата забележува необичен „потпис“, кој навестува дека тоа е само почеток на нечии чудовишни намери.

    Откривањето на необичниот убиец бара и необичен детектив. Но легендарниот Хари Хуле е преселен во Лос Анџелес и е на добар пат да си ја оствари намерата – да пие до смрт. Одбива да се врати во Осло сè додека некогашната глумица Лусил, која му го спасува животот, не запаѓа во голема опасност. А тој може да ја спаси само ако го прифати ангажманот што доаѓа од неговиот роден град.

    Се враќа во Осло и составува чуден тим – другар од детството кој сега е дилер на кокаин, корумпиран полицаец и психолог на смртна постела. Има десет дена да го најде убиецот и да ја спаси Лусил. Времето немилосрдно тече додека над градот се надвиснува крвавата месечина.

    „Умешноста на Несбе заслужува највисоки оценки. Ова е првокласна приказна – Хари Хуле се враќа и повторно нè фасцинира.“

    „ВГ“


    Крвава месечина од: 600 ден480 ден
  • img-book

    Дури и ангелите имаат свои демони…

    Париз, Божик 2021 година

    По срцев удар, Матијас Тајфер се буди во болничка соба. Непозната девојка стои покрај неговиот кревет. Тоа е Луиз Коланж, студентка што доаѓа доброволно да свири виолончело за пациентите.

    Штом дознава дека Матијас е полицаец, бара од него да преземе еден прилично посебен случај. Матијас на почетокот се противи, но, конечно, се согласува да ѝ помогне втурнувајќи ги двајцата во смртоносна спирала.

    Така почнува една извонредна истрага, чијашто тајна лежи во животот што би сакале да го водиме, љубовта што би можеле да ја имаме и местото што сè уште се надеваме дека ќе го најдеме…

    Трескавично, неочекувано, возбудливо, лавиринт од емоции каде што тоа што е сигурно на една страница никогаш не е и на следната.


    Анжелик од: 240 ден
  • img-book

    Студен е мигот кога за првпат ќе се здогледаш низ очите на друга личност зашто сфаќаш дека живееш во заблуда за сопственото постоење – и тогаш бездната на непознатиот свет станува уште подлабока.

    „Хејлшам“ е навидум мирно интернатско училиште незасегнато од надворешни влијанија. Неговите добро згрижени ученици оттаму излегуваат обликувани според очекувањата на светот. Но никој не ги учи дека она што ги очекува надвор е многу пострашно одошто им се чини. Кети Х. дури по неколку години ја открива вистината за своето идилично училиште – морничавата тајна дека учениците се клонови создадени да обезбедуваат витални органи за човечката популација. Ќе успеат ли таа и нејзините пријатели Рут и Томи да се приспособат на напредниот, но сè уште суров свет?

    „Никогаш не оставај ме“, потресна приказна со дистописки призвук, прераснува во предупредување за човештвото и опасностите што му се закануваат за сметка на напредокот.

    „Вознемирувачко четиво, со беспрекорна контрола на дејството… Неодоливата моќ на книгата произлегува од способноста на Ишигуро да ја изложи мрачната суштина со одбрани зборови.“

    Ентертејмент викли


  • img-book

    ПОНЕКОГАШ РАСТЕЊЕТО ЗНАЧИ СООЧУВАЊЕ СО ТВОИТЕ ДЕМОНИ

    Синот на една самохрана мајка, Џејми Конклин, сака обично детство. Но, тој не е обично дете. Роден со натприродна способност, за која мајка му му вели да ја чува во тајност, Џејми може да го види она што никој не може да го види и да го дознае она што никој друг не може да го дознае. Цената на користењето на оваа способност е повисока од она што тој може да си го замисли – и Џејми го открива тоа кога детективка од њујоршката полиција ќе го вовлече во потрага по убиец, кој се заканува да нападне од зад гробот.

    „Подоцна“ е најдоброто од Стивен Кинг, застрашувачка и емотивна приказна за изгубената невиност и предизвиците што го тестираат нашето чувство за добро и погрешно. Со ехо од неговиот класик „Тоа“, овој роман е моќно и незаборавно истражување на она што е потребно за спротивставување на злото со сите негови лица.


    Подоцна од: 390 ден
  • img-book

    Во овој напнат трилер од авторката на бестселерот „Што направи?“, една жена наоѓа мртво тело. Дали ќе ја направи истата грешка како минатиот пат?

    Кога Рејчел ќе наиде на тело во шумата, знае што треба да направи: да трча. Да избега. Да не биде пронајдена на местото на злосторството. Минатиот пат, таа не знаеше, и заврши обвинета за убиство. Но, кога оваа жртва е идентификувана како отуѓената сопруга на нејзиното момче, Рејчел сфаќа дека веќе е главната осомничена.

    Со сè повеќе докази против неа, единствената надеж на Рејчел е добро да ја прикрие вистината за себе. Затоа што, дваесет години претходно, таа беше некоја друга – Кејси, млада дадијарка со амбиција да стане актерка во Лос Анџелес. Кога семејството за кое работеше се брутално убиени, сите докази упатуваа на неа и таа заврши во затвор. За влакно избегна смртна казна и успеа со жалба да излезе од затвор. Сега се бори да го спаси животот што со години внимателно го градеше.

    Но, како што нејзиното однесување е сè посомнително, а полицијата сè поблиску, таа се прашува: дали наоѓањето тело во шумата е ужасна коинциденција или, пак, некој ја мести за убиство? Некој што знае која е и сака одмазда…


    Те знам од: 450 ден
  • img-book

    „На лов“ е дебитантски криминалистички роман на авторката на интернационалниот бестселер „Списокот со гости“ – Луси Фоли. Инспирацијата за оваа книга е едно зафрлено место во Шкотска, кое ја разгорува нејзината фантазија.

    Атмосферата на дочекот на Новата година се загрева. Девет добри пријатели ја поминуваат вечерта разменувајќи приказни и сеќавајќи се на заборавените спомени. А сепак, дружината е потајно свесна дека веќе не ги поврзува ништо освен заедничкото минато, длабоките стари рани и тајни, доволно непријатни што со леснотија би можеле да го разорат нивното пријателство.

    Кога часовникот отчукува полноќ, а поседот ја фаќа силна снежна бура, во снегот осамнува изобличено тело. Дружината е заробена на поседот, а сè упатува на убиство.

    Никој не може да дојде. Но, никој не може ни да замине. Дури ни убиецот.


    На лов од: 460 ден
  • img-book

    Срцето може буквално да боли, не метафорично – од тежината на споменот, копнежот и бесот

     

    Пред многу години, Џоузи е убиена во терористички напад во воз во Франција. Барем така мисли сестра ѝ Кит, докторка во Санта Круз, која со години се обидува да се помири со трагичната судбина на Џоузи. Но сета насобрана тага прераснува во збунетост и гнев во мигот кога ја здогледува на телевизија. Гледајќи вести од некој ноќен клуб во Нов Зеланд во кој се случил пожар, таа згогледува една жена која излегува од чадот и рушевините. Сличноста е неверојатна и непогрешлива.

    Тајните што долго време биле закопани испливуваат на брегот, каде што ги чека нова бура. Можно ли е да е жива? Ако е така, зошто не се јавила? Зошто посакала да води друг живот додека сите ја сметаат за мртва?

    Во потрага по одговори, Кит заминува за Нов Зеланд. Повторната средба на сестрите значи откривање на долго чуваните тајни и соочување со вистината што ги држела одвоени. „Кога верував во сирени“ е роман кој нè потсетува дека некои врски, особено семејните, колку и да се болни и тешки, сепак се нераскинливи.

     

    „Емотивна приказна за поврзаноста на две сестри и неможноста да се соочат со болната вистина.“

    Тудеј


  • img-book

    Предизвик за љубителите на авантуристични приказни – неизвесност зачинета со летна романса.

    Четворица туристи од Франција и од Англија учествуваат во предизвик што го прочитале преку социјалните медиуми. Не ги слушаат предупредувањата на старицата од пансионот чиј покоен сопруг бил еден од стражарите на „забранетиот град“ во времето кога се случило нешто за кое се молчи. „Градот не смее да се вознемирува“, ги советува таа. Некој од туристите смета дека се работи само за суеверие, друг прифаќа да оди надгласан од групата, трет живее за авантура, иако не се познаваат добро меѓу себе.

    Островот Сазан во близина на Валона е популарна туристичка дестинација, опкружен со тиркизни води и уникатна плажа и познат по сочуваниот напуштен град, целосно забранет за пристап до 2015 година, а сега достапен единствено за организирани краткотрајни посети.

    Напуштениот град можеби и не е напуштен… која е тајната на „Островот на тишината“?


  • img-book

    Во науката го нарекуваат енергија. Во религијата – верба. Лаички е ‚‚вајб‘‘ или атмосфера. Шесто сетило. Гатачите го декларираат како претчувство. Уметниците – спиритуалност. Не знам како е правилно, знам дека постои. И дека треба да му се верува.

    Бен, млад, луд, со апетит за авантура, сосема случајно и неочекувано ја запознава Кејти – нежна, емотивна, склона кон романтизирање на животот. Љубовта го наоѓа својот пат и ги спојува двајцата млади луѓе. Бен и Кејти се заљубуваат. Онака – вистински, исконски, неприкосновено. Набрзо стапуваат во брак. А што следува потоа? Секако дека меден месец. Одлучуваат да одат во Монтана, САД.

    Но што може да тргне по зло?

    Монтана е прекрасна. Воодушевувачки пејзажи, божествена природа, фини луѓе. Уникатни флора и фауна. Рај за очи, спокој за душа. Дабри кои ги градат своите брани, лосови кои пијат вода од бистрите реки, орли летаат високо во небото, раскошни шуми со секакви растенија, од црвен берберис до канадско гиломо…

    И сеприсутно чувство на несигурност. Нешто необјасниво. Нешто што Бен и Кејти го чувствуваат, но не можат да си го објаснат. Мистериозна шума. Приказни за лудак кој избегал од лудница. Злокобен ресорт, фарма, имот…? Нешто непознато и одделено од тамошната цивилизација.

    Бен и Кејти во Монтана се среќаваат со најстрашното нешто на кое некогаш се осудило човештвото.


  • img-book

    Еден станар исчезнува. Клучот е кај друг станар… Добре дојдовте во Ру Дез Амон, бр. 12. Преубав станбен блок, длабоко во споредните улици на Монмартр. Место со извиени скали, заклучени соби, будни очи од секој прозорец. Место на кое никој не пропушта ништо и секој нешто крие. Место на убиство. Внимателна настојничка Презрена љубовница Љубопитен новинар Наивна студентка Добар тип Несакана гостинка Загатката е заклучена зад вратата од станот број 3. Кој го има клучот на решението?


    Станот во Париз од: 490 ден
  • img-book

    Вајлди порасна не знаејќи ништо за неговата фамилија, уште помалку за неговиот сопствен идентитет. Сè што знае е дека, како малечко момче, бил пронајден како живее дивјачки живот во планините Рамапо во Њу Џерси. Тој стана познат како момчето од шумата. Сега истражува на генеалошка интернет-страница. Ја внесува неговата ДНК. 100% совпаѓање. Неговиот татко. Се среќаваат, и тој сфаќа дека татко му не знаел дека има син. Тоа не го обесхрабрува да продолжи да бара членови од неговата фамилија, но се вплеткува во заедница на онлајн-доксери, тајна група која разоткрива анонимни тролови. Кога доксерите еден по еден умираат, станува јасно дека се мета на сериски убиец – и дека следната жртва би можел да биде самиот Вајлди… „Совпаѓање“ е продолжение на хит-трилерот на Харлан Кобен, „Момчето од шумата“. Со фасцинантни портрети на ликовите и експлозивна акција, Кобен создава привлечен и непредвидлив трилер, кој е возбудливо „возење“ и во реалниот и во виртуелниот свет.


    Совпаѓање од: 490 ден
  • img-book

    Уште една воодушевувачка приказна за морбидното насилство и одмаздата.

    На едно мрачно вулканско поле во околината на Рејкјавик се наоѓа Карпата на бесилките. Тоа порано било место на кое се вршеле погубувања, а сега е туристичка атракција. Сè додека едно утро полицијата не најде човек обесен таму…

    Клинецот закован во неговите гради докажува дека не се работи за самоубиство. Но, кога полицијата ќе влезе во станот на жртвата, наоѓа уште една загатка: таму е оставено едно четиригодишно дете. Се чини дека тоа нема никаква врска со жртвата. Од неговите родители нема ни трага ни глас, а цртежите што ги црта покажуваат дека било сведок на нешто ужасно.

    Додека детективот Хулдар се обидува да го најде убиецот, а детската психологинка Фреја ги бара родителите на момчето, мистеријата добива мал зрак светлина.


  • img-book

    Книгата „Зошто ме тргаш од ѕвездите?“ од Леонардо Змајшек е сим­патично четиво за зреењето, растењето, за сите дилеми, болки и ра­дости што ги носи периодот на адолесценцијата.
    Со нескриена младешка енергија, со уште поотворена тинејџерска
    љубопитност и желба за сознавање, расказите на Леонардо откриваат
    еден лик и многу негови внатрешни гласови или обратно, мноштво
    ликови, а еден доминантен глас што раскажува.
    Леонардо, можеби и ненамерно, но секако интересно, си поигрува и
    со елементите на научната фантастика, креирајќи ликови или суш­тества кои во себе или околу себе носат енигма на мистичност, на чудесна интервенција од некој или нешто непознато.
    Текстовите откриваат и автор кој е упатен и пасиониран читател, со
    силно влијание од митологијата, од епската фантастика, од трилерот
    како литература или неговата екранизација.
    Дел од расказите лесно би можеле да бидат адаптирани за стрип,
    филм или видеоигра.
    Леонардо Змајшек пишува искрено, емотивно, со силна страст за
    метафори, градење слики и цели лични светови. Неговата книга и
    емотивниот вртлог во неа, за повозрасните читатели може да биде
    и силна шлаканица или одговор на прашањето ­ каков свет им оста­
    ваме на нашите деца


  • img-book

    Наследство (Книга 1): Прозорецот

     

    Што ако обвинетиот ви каже дека зад убиството на неговата сакана стои „човекот од прозорецот“ на петти кат, без да објасни на кој начин тој се нашол таму? Би му поверувале ли?

    Што ако се работи за некаков паранормален феномен? Би се соочиле ли со него?

    Ако дознаете дека зад тоа се крие голем заговор и тајна организација која ќе ве прогонува? Ќе имате ли храброст да продолжите?

    Новинарот Мите е решен по секоја цена да ја открие мистеријата зад „човекот од прозорецот“, иако не е свесен што сè ќе треба да жртвува за да го направи тоа.

    Додека тој е посветен на истрагата на феноменот, неговата пријателка Катерина и неговиот татко Лазар бараат начин да му помогнат и да ја разоткријат тајната организација која се обидува да го спречи Мите, пред членовите од организацијата да успеат во тоа.


    Прозорецот од: 400 ден