0
2. Трилери и мистерии (335)

Последни коментари

Книга на неделата

Убиј го таткото 6  
  • img-book

    Сите настани се случуваат во август 1954 година, месец на тешки убиства, политички атентат, беспоштедна борба за власт.

    Извонреден приказ на бурната општествена и политичка клима во Рио де Жанеиро во 1950-тите години, период кога бил главен град на Бразил.

    Следиме истовремено две приказни. Едната, базирана на историски настани, ги прикажува последните денови од владеењето на претседателот Жетулио Варгас, големиот бразилски лидер на XX век, и заговорот што по повод неуспешниот атентат на новинарот Карлос Ласерда, неговиот политички противник, доведe до самоубиството на Варгас пред да биде соборен од власта.

    Другата, крими-приказна, ја следи истрагата за убиството на богат индустријалец што ја води инспекторот Алберто Матос, убиство што е повод за други крвави разврски.

    Преку овие две линии се прикажани механизмите на корупцијата во институциите и нивната поврзаност со организираниот криминал, опфаќајќи ги сите политички и економски структури, од круговите блиски до претседателот, сенатори и деловни луѓе, па сè до вработените во полициската станица во која работи Матос, чесен полицаец со несреќен љубовен живот.

    Романот „Август“ му донесе светска слава на авторот што во своите дела, со остар и директен стил, ги прикажува човечкото насилство и блуд, свет во кој се мешаат маргиналци, убијци, проститутки, припадници на власта и бедници.

    Wishlist
    Август од: 450 ден
  • img-book

    Ти не знаеш што има таму. Никој не знае што има таму.

    Третиот роман на Миодраг Мајиќ е пишуван со намера што е очигледна уште од првата реченица. Исповедта на Богдан Бањац можеби е вистинита, а можеби е плод на трауматизираната фантазија, но во секој случај е веродостојна на неговите сеќавања. Тој е поранешен адвокат што се наоѓа во санаториум и поради тоа неговите навраќања кон минатото можат да бидат земени со резерва од јавноста.

    Сепак, читателот лесно станува негов сојузник, дури и кога нема да поверува во сè што кажува. Според приказната на Бањац, тој се наоѓа во средиштето на комплексна мрежа од интереси на крупниот капитал, политиката и на институциите… А рудникот богат со кобалт во селото на неговата баба наликува на премин кон некој друг, страшен свет, кој е пандан на ужасите што се случуваат во овој, нашиот свет.

    Потреба за раскажување е последниот обид на Богдан да го реконструира минатото за да ја состави целосната слика за сегашноста и така да дојде до – вистината.

    Wishlist
    Рудникот од: 450 ден
  • img-book

    Роман во кој е прикажана морничава и канибалистичка иднина на светот.

    Поради вирус што ги напаѓа животните, а е смртоносен и за луѓето, сите животни мора да се убијат. Светот се соочува со потребата да го замени пазарот со месо од животинско потекло со човечко. Се создаваат нови закони за одгледување и за преработка на месо, со што се легализира човекојадството и општеството се дели на луѓе што јадат луѓе и луѓе што се за јадење.

    Маркос Техо е раководител во кланицата „Криг“ во која се колат луѓе што се посебно одгледани за да служат за исхрана. Тој е привремено разделен од сопругата, се грижи за таткото болен од деменција, и се труди да не мисли како заработува за живот. Еден ден, жена одгледана за исхрана ја сокрива во домашната плевна. И покрај тоа што знае дека каков било личен контакт со неа значи смртна казна, искушенијата ќе го наведат да ги прекрши правилата.

    Во такво бездушно и застрашувачко општество, брутално, но и суптилно, алегорично, но реалистично, со моќта на фикцијата, авторката поттикнува чувства и покренува прашања што се актуелни.

    Што се случува со односот на другите луѓе кога еден ден може да станат наша храна?

    Wishlist
    Прекрасен труп од: 350 ден
  • img-book

    Не треба ли мртвиот сопруг да остане мртов?

    Лајла Риџфилд живее во идиличен град, но не е сè како што изгледа. Ниту Лајла не е таа што се претставува. Еден студент исчезнал, но и сопругот на Лајла, професорот Арон, исто така е исчезнат. На почетокот овие случаи се водат како ужасни случајности додека не се открие дека студентот е едно од необјаснетите исчезнувања во последните неколку години. Полицијата е очајна да ја пронајде врската, ако воопшто постои. Тие не знаат дека овие исчезнувања се само мал дел од вистината…

    Додека гратчето е во метеж, сите се загрижени каде е нивниот сакан професор. Сите освен Лајла, неговата сопруга. Таа дефинитивно е збунета за неговото исчезнување, бидејќи таа беше последната личност што го виде неговото тело, а сега го нема.

    Романот „Убава мала сопруга“ ќе ве воодушеви со својата напнатост, неизвесност и целосен пресврт.

    Wishlist
    Убава мала сопруга од: 500 ден
  • img-book

    Роман на Лиса Џул, бестселер автор на „Њујорк тајмс“, приказна за минатото на едно семејство, чии закопани тајни се закануваат да излезат на виделина.

    Бидете внимателни кого ќе пуштите во својот живот.

    Откако ќе го прослави својот дваесет и петти роденден, Либи Џонс го пронаоѓа долгоочекуваното писмо. Конечно го дознава не само идентитетот на нејзините родители, туку и дека е единствениот наследник на нивната напуштена палата на бреговите на Темза, вредна милиони. Но, она што таа не го знае е дека и други го чекаат тој ден. Пред 25 години, полицијата била повикана на адресата „16 Чејн Вок“. Полицискиот извештај вели дека биле повикани поради плачење на бебе. Кога пристигнале, нашле здраво десетмесечно дете како си лежи во своето креветче во спалната соба. Во кујната се откриени три мртви тела, сите облечени во црно. Другите четири деца, пријавени дека живеат на истата адреса, ги нема.

    Романот „Семејството на горниот кат“ ни ја расплетува приказната за две меѓусебно поврзани семејства што живеат во куќа што ги крие најтемните тајни.

    „Богат, темен и превртлив роман, неверојатна мешавина на една семејна сага со мрачен расплет, за на крајот да се чувствувате како да сте биле под ладен туш.“ – Рут Вер, бестселер автор на „Њујорк тајмс“

    „Роман што ќе ве остави без сон и ќе ве прогонува длабоко во ноќта.“ – Меган Миранда, бестселер автор на „Њујорк тајмс“

    Wishlist
    Семејството на горниот кат од: 490 ден
  • img-book

    „Семејството сепак останува“ е роман
    за извртени бракови, распаднати
    семејства и смртоносни опсесии.

    Едно рано утро на брегот на Темза, јавниот обвинител Семјуел е повикан на место каде што полицијата открила монструозни докази за извршено злосторство. Кога Семјуел ги испраќа доказите на испитување, дознава дека коските се поврзани со случајот на трите мртви лица во Челзи пред триесет години.
    Рејчел Ример, добива шокантна вест дека нејзиниот сопруг, Мајкл, е пронајден мртов во подрумот на неговата куќа во Франција. Полиција треба итно да добие одговори поврзани со Мајкл на кои Рејчел не сака да одговори.
    Откако побегна од Лондон, Луси Ламб конечно се враќа дома во Челзи, вселувајќи се со своите деца во штотуку купената куќа.

    Додека сите тие се тркаат да ги откријат
    одговорите на овие мистерии, ќе
    дознаат дека се поврзани на начин
    на кој не би можеле ни да замислат.

    Wishlist
    Семејството сепак останува од: 490 ден
  • img-book

    Арсен Лупен – безмилосен, опасен крадец и екцентричен џентламен со чии лукави подвизи не можат да се справат ни најдосетливите детективи!

    Создаден од перото на Морис Леблан на почетокот на 20 век – Арсен Луоен е самоуверен крадец, Шерлок Холмс во светот на криминалот. Сиромашните нема зошто да му се плашат, тие често и уживаат во неговата спонтана дарежливост. Но затоа богаташите и детективот кој се обидува да му влезе во трагата мора да бидат претпазливи.

    Плановите на маестралниот крадец прераснуваат во сложени, детално разработени авантури и претставуваат приказни што им претходат на кинематографските остварувања како Единаесеттемина на Оушн, а се инспирација и за серијата Лупен продуцирана од Нетфликс.

    Освен што изобилуваат со досетливи шеги, најдобрите приказни од серијалот за Арсен Лупен се скандалозни, мелодраматични и остроумни. Со своите незапирливи подвизи Лупен е незаменлив лик во крими-литературата – единствениот со доволен калибар да смисли и да изведе кражба со такви размери!

    Wishlist
    АВАНТУРИТЕ НА АРСЕН ЛУПЕН, КРАДЕЦОТ ЏЕНТЛМЕН од: 250 ден
  • img-book

    Лора е скршена по ненадејната смрт на нејзиниот сопруг. Борејќи се да се справи емоционално и финансиски, Лора е благодарна кога локална заедница, „Оук лиф органикс“, ù нудат дом нејзе и на нејзината 17-годишна ќерка Тили.

    Но, додека Лора и Тили се адаптираат на животот со нивното ново „семејство“, почнуваат да се случуваат опасни работи. Кога еден од заедницата умира под сомнителни околности, Лора сака да замине, но Тили, привлечена од харизматичниот лидер, Алекс, одбива да си оди.

    Очајно барајќи начин да ја спаси својата ќерка, Лора открива застрашувачка тајна, но Алекс и неговото семејство не се единствените што кријат нешто. Како што Лора копа во нивното минато, така тие копаат во нејзиното и таа ја открива застрашувачката причина поради која ги поканиле неа и Тили и зошто никогаш нема да им дозволат да заминат…

    Wishlist
    Семејство од: 450 ден
  • img-book

    Марина и нејзиното момче Филип одлучуваат својот одмор ова лето да го поминат на грчкиот остров Крит на гости кај блиски роднини на Марина. Елена, тетката на Марина, треба да ги пречека на автобуската станица во Хања.

    Прекрасната идила што ги очекува на островот е прекината поради ситна караница на станицата предизвикана од Филип, кој во момент на фрустрација ја остава својата девојка сама.

    Сфаќајќи во меѓувреме дека направил голема грешка, се враќа назад на станицата, каде што од Марина нема ни трага ни глас. Уште полошо, договорениот термин поминува, а тетката на Марина не се појавува во закажаното време.

    Во тој момент, Филип започнува мртва трка со времето во обид да ја пронајде Марина, а денот што допрва следува се претвора во вистински пекол што засекогаш го менува.

     

     

    Wishlist
    Едно лето на Крит од: 300 ден
  • img-book

    Што ќе се случи ако новоизбраните, претседателот и заменик-претседателот починат пред преземањето на функцијата? Одговорот е извесен, всушност, она што следува ќе биде ништо помалку од вкупен политички хаос.
    Соборен над Сибир, поранешниот агент во Одделот за правда, Котон Малоун, е принуден да се бори за опстанок со Александар Зорин, човек чија лојалност кон пора-
    нешниот Советски Сојуз резултирала со невидена омраза кон САД.
    Пред да избега, Малоун дознава дека Зорин и уште еден поранешен службеник на КГБ, се упатиле во Вашингтон на 20-ти јануари, ден пред Инаугурацијата на новиот претседател. Поради недостаток во Уставот, а уште повеќе поради недостатоците во претседателските активности, Зорин ќе ја искористи ситуацијата да ја открие во целост нивната слабост.
    Вооружени со остатоци од оружје од времето на Студената војна, Зорин кова план како да нападне. Тој успева да открие една шокантна тајна скриена во архивите на Америка – планот на Друштвото Синсинати, најстарата братска организација, за три инвазии на 14-та колонија на Америка – Канада.
    Во трката против времето, која започна во ледената Русија, а за жал заврши во Белата куќа, Малоун не само што мора да се бори против Зорин, исто така тој мора да се соочи со еден негов одамна скриен страв, кој сега загрозува сè.
    Мешавина од историја и шпекулации – заштитниот знак на Стив Бери, а сето тоа го има во овој провокативен нов трилер.

    Wishlist
    Четиринаесеттата колонија од: 550 ден
  • img-book

    Книгата го поставува прашањето: Дали е поопасен сериски убиец што убива педофили или е поопасен човек што, додека во светот се случуваат вакви нешта, ја гледа само својата удобност и останува рамнодушен? 

    Цел на серискиот убиец Мижачот се педофилите. Секогаш ги убива со ист ритуал. Ги носи силувачите на места што се поврзани со деца и покрај нив остава играчка. Покрај тоа, им ги врзува очите со кадифен превез и им пресекува дел од десното уво. Поради ова го нарекуваат Мижачот.

    Пред неколку години имало слични случаи, но убиецот не бил фатен. Сега, кога тимот на началникот Невзат доаѓа на местото на злосторството, од глетката заклучуваат дека Мижачот повторно се вратил. Жртвата е педофилот што претходно се обидел да ја заведе и ќерката на началникот, пред таа и мајка ѝ да загинат во вооружен напад. Поради сето ова случајот почнува да станува почувствителен.

    „Крикот на ластовицата“ го буди интересот на читателите со својата богата фикција и со возбудливото темпо, како и со чувствителниот приод кон општествените случувања, нудејќи многу повеќе од еден детективски роман. Дали може да се оправда едно убиство, од каква и да е причина?

    Wishlist
    Крикот на ластовицата од: 500 ден
  • img-book

    Во „Бартоломеј“ ништо не е како што изгледа. Влегувате на сопствен ризик.

     

    По низата несреќи што ги доживува, без пари и без живеалиште, младата Џулс Ларсен добива шанса да работи како станар чувар на еден од апартманите во „Бартоломеј“, една од најгламурозните згради во Њујорк. Таму не се дозволени гости. Не е дозволено зборување со богатите или славните станари. И тоа се само некои од правилата што Џулс треба да ги следи.

    Маѓепсана од сјајот и раскошот на зградата, таа ги прифаќа и решава засекогаш да го остави своето тажно минато зад себе. Се спријателува со Ингрид, пргава сосетка, која неизмерно ја потсетува на нејзината исчезната сестра. Кога Ингрид ѝ се доверува дека „Бартоломеј“ има и друга, морничава страна, Џулс го припишува тоа на нејзината драматичност… сè додека Ингрид не исчезне.

    Сакајќи да ја разреши мистеријата, Џулс навлегува сè подлабоко во злогласното минато на „Бартоломеј“ и во тајните вткаени во неговите ѕидови.

    Спој на хорор-елементи и напната неизвесност со модерен заплет. Мајсторски составена тензија доволно вредна да биде во истото друштво на хорор-класиците што биле нејзина инспирација. Со изненадувачки пресврт на крајот, ова хорор ремек-дело опседнува, плаши и во исто време забавува.

    Wishlist
    Заклучи ги сите врати од: 400 ден
  • img-book

    Дали десет дена во здравствено одморалиште навистина можат да ве променат засекогаш?

    Овие девет совршени туѓинци наскоро ќе го откријат тоа…

    Девет луѓе се наоѓаат во оддалечено здравствено одморалиште. Некои се тука за да ослабат, некои за да си го рестартираат животот, а некои се тука од причини што не можат да си ги признаат ниту самите на себе. Среде луксузното опкружување на одморалиштето, среде сесиите по сосредоточеност и медитација, за брзо време сфаќаат дека овие десет дена можат да испаднат пресвртница во нивните животи. Но, никој од нив не може ни да си замисли колкав предизвик ќе бидат десетте дена што им претстојат.

    Лијан Моријарти е австралиска писателка и авторка на седум романи – меѓународни бестселери, вклучително и на бестселерите на „Њујорк тајмс“: Тајната на сопругот, Големи мали лаги и Вистински лудо виновни. Нејзините книги ги читаат над четиринаесет милиони читатели низ светот, вклучително и еден милион читатели во Австралија.

    Wishlist
    Девет совршени туѓинци од: 480 ден
  • img-book

    Еден единствен потег беше доволен да смени се. Кој никогаш не мечтаел да се врати во тој одлучувачки миг каде среќата беше возможна?? Сан Франциско. Младиот лекар Елиот никогаш не се помири со исчезнувањето на Илејна, жената што ја сакаше, која умре пред триесет години. Еден ден, под специфични околности, тој е одведен назад и се сретнува со еден млад човек, кој беше, од времето од пред триедет години. Тој се врати во одлучувачкиот миг, каде со еден негов потег можеше да ја спаси Илејна. Едно запрепастувачко соочување во четири очи. Една потресна љубовна приказна . Една неизвесност, напнатост да ти го запре здивот. Гијом Мисо има 36 години . Својот огромен успех го постигна со романот ,, А потоа…” кој е преведен на дванаесет светски јазици и послужи како основа за сценарио на филм. Својот успех во потрди и со успехот на романот ,,Спаси ме “. Денес, Гијом Мисо е еден од најомилените францусли автори кај широката читателска публика.

    Wishlist
    Дали ме чекаш? од: 240 ден
  • img-book

    Брилијантна четворка со неколку скриени
    трикови во ракавите;
    Жена полицаец со својот прв голем случај;
    Брутално убиство.
    Во едно мирно пензионерско гратче Елизабет, Џојс,
    Ибрахим и Рон се среќаваат еднаш неделно во „Сложувалка“ за да разговараат за неразјаснети злосторства. Заедно
    се нарекуваат „Клубот на убиства во четврток“.
    Кога еден локален бизнисмен е пронајден мртов со
    мистериозна фотографија оставена покрај телото, „Клубот
    на убиства во четврток“ ќе се најде во средина на својот
    прв случај. Како што телата ќе почнат да се натрупуваат,
    може ли нашата несекојдневна, но брилијантна група да го
    фати убиецот пред да биде предоцна?

    Wishlist
    Клубот на убиства во четврток од: 500 ден
  • img-book

    Правдата е како вода. Секогаш си го наоѓа патот.

    Уште еден грабеж на банка во центарот на Осло и нова жртва. А мотивот на маскираниот ограбувач е крајно бизарен… Случајот му е доделен на вишиот инспектор Хари Хуле. Тој добива и нова партнерка, ќерка на легендарен полицаец кој и самиот загинал од ограбувач на банки… Во меѓувреме, сликарката Ана – старата љубов на Хари – е најдена мртва во нејзиниот заклучен стан, токму ноќта по неговата посета…И само што ќе ги затворат случаите како решени – нов грабеж на банка, нова жртва и нови, неочекувани докази. Единствениот кој може да помогне е озлогласениот Раскол, кој во меѓувреме им се предава на властите…
    Дали навистина одмаздата е таа што ги движи луѓето? И што се случува кога двајца браќа ќе се вљубат во иста жена?

    „Така се пишуваат криминалистички романи – читателот да го полазат морници, да го чекаат изненадувања на секој чекор“. Vasterviks-Tidningen

    Wishlist
    Одмазда од: 500 ден