2. Трилери и мистерии (195)
  • img-book

    Брилијантна и неизвесна приказна за мрачната страна на друштвените медиуми. Книгата ќе те натера да се запрашаш дали си објавил нешто за што можеби ќе зажалиш. 

    Полицијата дознава за злосторството на ист начин како и сите други: преку „Снепчет“. На видеото е прикажана преплашена млада девојка што моли за прошка. Кога е пронајдено нејзиното тело, тоа е обележано со бројот 2.

    Детективот Хулдар се приклучува кон истрагата, доведувајќи ја во тимот детската психологинка Фреја за да помогне при испрашувањето на пријателите на убиената тинејџерка. Наскоро ќе дознаат дека Стела била далеку од оној ангел како што сите ја опишуваат, но кој би можел да ја мрази толку многу за да ја убие?

    Потоа, исчезнува уште еден тинејџер, нови видеа се испратени по друштвените мрежи и се појавува тело со бројот 3. Вистината е далеку од едноставна. Фреја и Хулдар се согласуваат за најмалку две нешта: убиецот сè уште не завршил. И, дали некаде постои неоткриено тело обележано со бројот 1?


    Ослободување од: 400 ден
  • img-book

    #1 Миа Кригер и Холгер Мунк

    „Патувам сама“ постигна извонреден интернационален успех кај читателите низ светот, а беше избран и за најдобар во бестселер-листата на германскиот весник Der Spiegel.

    Истражителката Миа Кригер ја напушта полицијата и градскиот метеж го заменува со осамен и тивок живот на еден норвешки остров. Наскоро таму доаѓа нејзиниот стар колега, Холгер Мунк, да ја наговори да се врати на работа. Потребна му е нејзината помош за новиот вознемирувачки случај. Во шумата е најдено безживотното тело на шестгодишно девојче, обесено со училиштен ранец на грбот. Околу вратот има закачено порака: „Патувам сама“.

    Сè укажува на тоа дека убиецот ќе продолжи да убива, а истрагата на Миа нè води до постар случај кога од породилното одделение исчезнува новороденче…

    Комплексен, софистициран и застрашувачки трилер, кој нема да престане да ве шокира и изненадува до последната страница.


    Патувам сама од: 450 ден
  • img-book

    Една жена е најдена мртва во нејзиниот стан, со прегризан врат, по состанокот договорен на Интернет. По два дена, нова жртва – на слична возраст, корисничка на Тиндер, во слична сцена.

    Притиснат од медиумите за што побрзо решавање на случајот, директорот на полицијата е свесен дека само еден човек може да го фати убиецот. Меѓутоа Хари Хуле не сака да се врати таму каде што за малку ќе загубеше сѐ. Барем додека не се посомнева дека овие убиства може да се поврзани со една негова стара, неуспешна истрага.

    Зашто има нешто во нив што му го привлекува вниманието, нешто во деталите што истражителите ги пропуштаат. Кога ќе биде откриена наредната жртва, Хари мора да стави на коцка сѐ за да го фати единствениот човек што успеал да му се извлече.Потрагата по убиецот прераснува во потрага по она што е најинтимно, најдлабоко во човекот.

    „Исклучително… Хари е растргнат од тежок внатрешен конфликт – од една страна, сака да ги заборави ужасите што се обидува да ги спречи, а од друга, знае дека мора да ги запомни во сите нивни мрачни детали.“

    Паблишер викли


    Жед од: 500 ден
  • img-book

    Пред својот педесетти роденден, Хари Хуле живее како во најлошите времиња. Рахела, единствената жена која ја сакал, го исфрла од дома. Ја губи работата на Полициската академија и се враќа во Одделението за крвни деликти, но работи на стари, неважни случаи. Згора на сѐ, серискиот силувач и убиец Свејн Фине излегува од затвор и се заканува дека ќе му се одмазди на тој што го пратил таму и кој во меѓувреме го убил син му.

    Во своето алкохолно бунило, Хари очекува остварување на својот најголем кошмар – кобен напад на неговото семејство. И кога едно утро целиот во крв се буди од морничавиот мамурлак, сфаќа дека кошмарот станал реалност.

    Нож е можеби најдобриот роман од исклучителниот серијал на Ју Несбе. Моралните дилеми ќе ве потсетат на Достоевски, пресвртите ќе ве остават без здив, некои дијалози ќе ве насмеат, а напнатоста не попушта ни за миг. Нож е една од ретките големи книги за кои никој не би помислил дека требало да бидат скратени макар за една страница.

    Волстрит џорнал

    Дали некој умее да создава позлокобни злосторници од Ју Несбе?… Не, не можам да се сетам на друг од чии приказни ме полазуваат толку морници.

    Њујорк тајмс ривју


    Нож од: 500 ден
  • img-book

    Во 1987 година, во викендичка во северна Данска, сурово се убиени брат и сестра. Полицијата се сомнева дека убиецот е дел од една приватна гимназија во која учат децата на најбогатите семејства во земјата. Учениците од ова елитно друштво се познати по организирање насилни оргии. Сепак, истрагата е попречена од високи полициски инстанции.

    Дваесетина години подоцна случајот повторно е на масата на полицискиот инспектор Карл Морк, брилијантниот детектив што раководи со Секторот Q – одделението за нерешени случаи. За него станува јасно дека не е сè така како што изгледа на прв поглед.

    Тој ќе дојде до Кими, жената што живее на улица и краде за да преживее и која мајсторски го усовршила криењето од полицијата. Но не ја бараат само претставниците на законот бидејќи таа чува тајни поради кои и моќници од високите општествени кругови би можеле да ја бараат нејзината глава.

    Tајната што Кими ја крие може да смени сè.


    Ловци на фазани од: 450 ден
  • img-book

    Кога Мирјам одлучува да почне да работи наместо да остане домаќинка, таа и нејзиниот сопруг бараат совршена дадилка за своите деца. Никогаш не сонувале дека ќе ја најдат Луиз: тивка, љубезна, посветена жена, која умее да пее приспивни песни, го чисти нивниот стан во Париз, останува доцна без приговор и приредува прекрасни забави за децата. Но, како што парот и дадилката стануваат сѐ позависни еден од друг, љубомората, незадоволството и сомнежите се зголемуваат. Потоа, еден ден, две деца се убиени од eдна „совршена дадилка“! Градејќи напнатост со секоја страница, овој роман е возбудливо и храбро набљудувано истражување на моќта, класата, расата, семејството, мајчинството и лудилото! Во 2016 година романот ја добива наградата „Гонкур“ и набргу станува бестселер со над 450 000 продадени примероци!


  • img-book

    Македонско издание на светскиот мегахит „Bird Box“! Во светот на иднината луѓето не смеат да гледаат за да преживеат! Има нешто, нешто страшно што не смее да се види! Со само еден директен поглед на дневната светлина, следува болна смрт! Никој не знае што е тоа или од каде доаѓа. Пет години откако сето ова започнува, остануваат само неколку преживеани, меѓу кои и Малори и двете деца со неа. Живеејќи во напуштена куќа близу реката, таа сонува да побегне на безбедно место. Кога момчето и девојчето ќе наполнат четири години, време е да заминат таму, но патувањето ќе биде застрашувачко: повеќе од триесет километри по течението на реката во чамец и со врзани очи! Еден погрешен потег и ќе ги проголта смртта. Човек, животно или чудовиште? Овој психолошки трилер ќе ве прогонува долго откако ќе го прочитате. Во 2018 година беше филмуван со Сандра Булок, Треванте Роудс и Џон Малкович во главните улоги!


    Со затворени очи од: 350 ден
  • img-book

    11 септември 1683 година

    Градот Рим е во неизвесност. Граѓаните чекаат информации за исходот од битката кај Виена, во која Отоманската Империја е пред портите на католичка Европа.

    Во меѓувреме една римска таверна е ставена под карантин поради сомнително ширење на чума. Меѓу заробениците е и мистериозниот Ато Мелани, шпион што му служи на францускиот крал. Со помош на едно момче, тој открива скришен премин што води до мрежа тунели под градот. Нивните ноќни талкања во римското подземје ќе ги одведат до изненадувачки откритија во однос на смртоносното непријателство меѓу папата Инокентиј XI и Луј XIV и до таен заговор за користење оружје за масовно уништување во битката меѓу исламот и Западот.
    Со темелно истражување и со брилијантна замисла, „Имприматур“ содржи воодушевувачки откритија, кои биле криени со векови. Ова е вџашувачки трилер што фрла нова светлина на судирот на силите во Европа од XVII век, чии последици се чувствуваат до денес.

    Кога била првпат објавена во Италија во 2002 година, книгата предизвикала огромен број контроверзии, била бојкотирана од италијанските медиуми и од сите издавачки куќи. Сепак, романот станал европски бестселер, преведен на 20 јазици и објавен во 45 држави. Досега се продадени повеќе од милион примероци.


    Имприматур од: 700 ден
  • img-book

    Прогонувана. Киднапирана. Но достоинствена. И борбена. Гребе со ноктите по голите ѕидови на просторијата во која е заробена додека прстите не почнат да ѝ крвават. Нема начин да одреди колку е часот или кој ден е, па неделите и месеците минуваат како на бескрајна лента. Прикриениот глас во темнината е груб и немилосрден. Вели дека сето тоа ќе престане кога ќе му одговори на едно едноставно прашање…

    Детективот Карл Морк се враќа на работа по подолго отсуство поради престрелка во која едниот од неговите колеги останува парализиран, а другиот е убиен. Карл се обвинува себеси, а колегите почнуваат да го избегнуваат. Шефот го преместува во новоформираниот сектор за нерешени случаи надвор од Копенхаген, наречен секторот Q. Како единствен вработен во овој сектор му е назначен сирискиот имигрант Асад, кој всушност е чувар, но се покажува како талентиран и надарен детектив.

    Карл одново ја започнува истрагата за случајот со исчезнатата млада политичарка Мерете Лингор. Таа исчезнала пред пет години и се претпоставува дека е удавена, но нејзиното тело никогаш не е пронајдено. Карл смета дека нешто е пропуштено во истрагата. Навистина, Мерете не е мртва. Сè уште не!


  • img-book

    Прва книга од серијата „Детската куќа“! Мрачна и тажна приказна што започнува во 1987 година, кога три дечиња остануваат сираци и се разделени во три различни семејства. Како оваа приказна подоцна се поврзува со настаните што се случуваат во 2015 година, кога две момчиња бараат помош од соседите затоа што се будат заклучени во својата соба, а мајка им ја нема? Има причина за тоа – таа е мртва. Убиена е на грозоморен начин, а единствениот сведок на убиството е девојчето скриено под креветот, нејзината ќерка, која не можат да ја натераат да зборува. Каков ќе биде животот на тоа дете кога ќе биде во грижата на Фреја, психолог во „Детската куќа“, која работи со трауматизирани и злоупотребувани деца? Но убиецот не застанува тука! Атмосферата на неочекуваното е присутна од почетокот до крајот, меѓу несреќните животни судбини, страшните убиства, кодираните пораки, заплетканите животни приказни, кои постојано се откопуваат од минатото… Трилер во кој најморничавите настани се случуваат токму кога најмалку очекувате!


    ДНК од: 450 ден
  • img-book

    Во бајковитото село Три Пајнс во Квебек, додека селаните се подготвуваат за Божиќ, некој се подготвува за убиство. Главниот инспектор Арманд Гамаш е повикан да ја истражи причината за грозната и необична смрт на една жена. Не му треба многу време да сфати дека госпоѓата Сиси де Поатје не била омилена. Но, и покрај тоа што сите ја мразеле – меѓу кои и нејзиниот сопруг, љубовникот и ќерката – како е возможно никој да не види како се измачува од електричен удар среде подмрзнатото езеро? Инспекторот длабоко копа во случајот за да дознае каде лежи вистината. Набргу сфаќа дека и тој си создава непријатели. Со доаѓањето на страшните зимски ветришта, надоаѓа нешто уште пострашно. Во следните денови уште два смртни случаи ќе се најдат пред брилијантниот детектив Арманд Гамаш, легенда од рангот на Херкул Поаро и Шерлок Холмс!


    Мртва ладна од: 350 ден
  • img-book

    Во оваа импресивна, фасцинантна приказна која потсетува на делата на Агата Кристи, Ло Блеклок, новинарка која пишува за списание специјализирано за патувања, ја добива задачата на својот живот: една недела на луксузно крстосување на брод со само неколку кабини. Небото е чисто, водата мирна, а префинетите, избрани гости се пријатни како и ексклузивниот брод Аурора, кој го започнува своето патување во живописното Северно Море. Во почетокот, престојот на Ло е сосема пријатен: кабините се луксузни, вечерните забави се блескави, а гостите елегантни. Но, како што изминува неделата, студените ветрови безмилосно удираат на палубата, небото станува сиво, а Ло сведочи на она што таа може да го опише само како мрачен и застрашувачки кошмар: една жена е фрлена во морето. Проблем? Сите патници стануваат осомничени и се земени предвид – и така, бродот плови како ништо да не се случило, и покрај очајните обиди на Ло да пренесе дека нешто (или некој) тргнало во ужасно, ужасно погрешна насока… Со изненадувачки заплети, вратоломни пресврти и со опкружување кое се покажува како непријатно клаустрофобично, како што е зловесно убаво, Рут Веар нуди уште едно напнато и интензивно четиво во „Жената во кабината бр.10“, кое дури и најсигурниот читател ќе го остави во непријатно неспокојство долго откако ќе ја прочита последната страница.


  • img-book

    Пред осумнаесет години шестмесечната ќерка на Симона Портер, Хелена, е киднапирана.

    Симона и нејзиниот сопруг, Мет, едвај успеваат повторно да ги состават парчињата од својот живот, но болката од загубата на нивното дете никогаш не ги напушта. Тогаш се појавува една млада девојка по име Грејс и ѝ кажува на Симона дека има информации за нејзината исчезната ќерка.

    Но, која е Грејс? И дали Симона може да и верува? Но, кога и Грејс исчезнува, Симона се вплеткува во очајна потрага по својата ќерка и по девојката што може да има клучни информации за случајот. Таа е само на чекор од вистината, но тој чекор се наоѓа на опасна и болна територија.

    Симона ја загуби својата ќерка. Но дали ќе го загуби и животот обидувајќи се да ја најде?


  • img-book

    Лидија е мртва. Но тие сѐ уште не го знаат тоа. Со овие зборови почнува несекојдневниот роман на Селест Инг за семејството со кинеско потекло што живее во Америка во седумдесеттите години од минатиот век. Лидија е омиленото дете на Мерилин и на Џејмс Ли, кои се надеваат дека таа ќе ги исполни нивните големи очекувања и ќе го оствари сето тоа за што сонуваат, а што самите не биле во можност да го достигнат. Но кога во езерото недалеку од нивната куќа ќе биде пронајдено телото на Лидија, чувствителната рамнотежа во семејството Ли ќе биде уништена и во нивниот живот ќе завладее хаос.
    Ова е роман полн со детали и одлично прикажани емоции што ги преживуваат ликовите: долго потиснување на неостварените желби на родителите со кои ги оптоваруваат своите деца, како и напорот и борбата на членовите на семејството за меѓусебно разбирање.


  • img-book

    Од најпродаваниот автор на „Сè што никогаш не ти кажав“, возбудлив роман кој ги следи испреплетените судбини на совршеното семејството Ричардсон и загадочните мајка и ќерка, кои прават пресврт во своите животи. Во Шејкерс Хајтс, спокојно, прогресивно предградие на Кливленд, сè е планирано – од изгледот на кривулестите патишта, до боите на куќите и успешните животи на нивните жители. И никој не го отелотворува овој дух повеќе од Елена Ричардсон чиј принцип, според кој се води, е да игра според правилата. Се појавува Миа Ворен, енигматичен уметник и самохрана мајка, која ќе пристигне во овој идиличен меур со својата ќерка тинејџерка, Перл, и изнајмува куќа од Ричардсонови. Наскоро, Миа и Перл стануваат повеќе од станари: сите четири деца на Ричардсонови се привлечени од мајката и ќерката. Но, Миа со себе го носи и своето мистериозно минато и не се грижи за состојбата на статус кво што се заканува да ја шокира оваа внимателно уредена заедница. Кога старите семејни пријатели на Ричардсонови се обидуваат да посвојат бебе со кинеско-американско потекло, битката за старателството еруптира толку драматично што го поделува градот – и ги става Миа и Елена на спротивставени страни. Сомневајќи се во Миа и во нејзините мотиви, Елена решава да ги открие тајните од минатото на Миа. Но, нејзината опсесија ќе даде неочекувани и разорувачки резултати. „Мали огнови насекаде“ се занимава со тежината на тајните, природата на уметноста и на идентитетот, и со опасноста од верувањето дека ако се игра според правилата, може да се спречи катастрофа.


  • img-book

    Кампусот на едно престижно средно училиште е завеан во снег. Тројца пријатели ќе бидат поврзани со една трагична тајна. Една млада жена исчезнува во ноќта.

    Француската ривиера, зима 1992 година. Кога подготвителната школа е затворена поради снежната бура, Винка Роквел, 19-годишна, една од најсолидните ученички во нејзината генерација на програмата за пост-бакалауреат, бега со својот професор по филозофија со кого таа има тајна врска. За Винка, „Љубовта е сѐ, или ништо”. Никој нема да ја види повторно… Француската ривиера, пролет 2017. Некогаш неразделните Манон, Томас и Максим (најдобрите пријатели на Винка) немале никаков контакт меѓу себе по завршувањето на средното училиште. Тие се сретнуваат за првпат по 25 години, на собирањето по повод средношколскиот јубилеј. Кога тие беа ученици, под ужасни околности, тројцата пријатели извршија убиство и го сокрија телото во ѕидот од спортската сала во нивното училиште. Сега салата треба да биде срушена за да се направи место за новата училишна зграда. Одеднаш ништо не може да ја спречи вистината да излезе на виделина. Вознемирувачката, болна, ѓаволска вистина…