5. Историски (148)
  • img-book

    Неверојатна приказна за страдањето и преживувањето на еден затвореник во Аушвиц, интернационален бестселер и единствената книга целосно напишана во логорот.

    Еди де Винд, холандски лекар и психијатар, бил испратен во Аушвиц со својата сопруга Фридел во 1943 година. Тие го поминале бруталниот процес на селекција и биле работно ангажирани. Секој ден, секоја минута станале битка за опстанок. За Еди, ова значело преговори со непредвидливите чувари во болничкиот блок. За Фридел тоа значело избегнување на нацистичките варварски експерименти.

    Како што се приближувал крајот на војната, нацистите избегале, водејќи со себе многу затвореници. Еди се скрил под куп стара облека и останал во логорот.

    Наоѓајќи бележник и молив, тој во наплив на инспирација почнал да пишува за своите искуства. Резултатот е „Последна станица Аушвиц“, извонредна приказна за животот како затвореник, запис за борбата за преживување, но и за треперливите моменти на радост што Еди и Фридел ги наоѓале еден во друг. Документирајќи ги најдоброто и најлошото од човештвото, ова е уникатна и безвременска приказна што нè потсетува на она за што сме способни како луѓе, но и дека има надеж дури и во пеколот.


  • img-book

    Хуана од Кастилија,
    последната кралица со чиста шпанска крв што го наследи престолот на својата земја,
    со векови е енигматична фигура обвиткана со неверојатна мистериозност.
    Дали таа беше вдовица, како што вели легендата, која беше полудена од нејзината загуба,
    или историјата погрешно ја проценила жената што била пред своето време?

    Како трето дете на Изабела I, кралицата на Кастилија и Фернандо, кралот на Арагон, Хуана ќе се роди во услови на безмилосна борба на нејзините родители за обединување на нивното кралство, сведочејќи за падот на Гранада и откритијата на Колумбо. На возраст од шеснаесет години, таа е испратена да се омажи за Филип, надвојводата на Фландрија, како дел од стратегијата на нејзините родители за зајакнување на Шпанија, исто како што нејзината најмлада сестра, Каталина од Арагон, е испратена во Англија да стане прва сопруга на Хенри VIII.

    Хуана наоѓа неочекувана љубов и страст со својот убав млад сопруг, единствениот наследник на Хабсбуршката Империја. На почетокот таа била задоволна со своите деца и животот во Фландрија. Но, кога ќе се случи трагедијата и таа ќе го наследи шпанскиот престол, Хуана ќе се најде помеѓу бескрупулозната борба за моќ на нејзиниот сопруг и ветувањето што ѝ го дава на мајка ѝ Изабела I, не изоставувајќи го и мешањето на најголемите европски монарси. Опколена со непријатели од сите страни, нејзината интелигенција и гордост се искористени како оружје против неа, Хуана ветува дека ќе ја обезбеди круната и ќе ја спаси Шпанија од пропаст, дури и по цена тоа да ја чини сè.


  • img-book

    Уште како мала, Амината ја киднапираа и ја качија на бродот со робови. Таа мора да ги слуша наредбите за да го сочува својот живот. А и што им преостанува на црнците качени на овој ужасен брод. Среде океан далеку од својот дом. Откако пристигнаа на копното, Амината ја продадоа на друг газда. Се раздели од момчето од соседното село со кое ги делеа нечовечните мигови на бродот. Ама и не е така важно. Она што сега е значајно е успешно да му служи на белиот Американец што сега ја поседува. Сепак Амината е непоколеблива и постојано ја следи желбата еден ден да се врати дома. Во Африка. Моментот кога повторно го сретнува Чакура, момчето од бродот, засекогаш ќе и го промени животот. Сега веќе пораснати, заедно ќе се борат да го променат светот. За време на нејзиното долго страдање, таа прави сè што може да се ослободи себеси и останатите од ропство. Притоа ги учи да читаат и тие да ги поучуваат другите, и да се спријателуваат со секој што може да им помогне, без разлика на бојата на кожата. Инспиративна приказна за една силна жена, што ги доживува едни од најтешките услови за живот низ историјата. Вознемирувачки и длабок роман, напишан по вистинска приказна по кој е снимена познатата телевизиска серија, што под наслов „Книгата на црнците“ се прикажуваше на Нетфликс.


  • img-book

    Елена и Лила, двете нераздвојни девојчиња од првиот и од вториот роман од сагата, се разделуваат на возраст на триесетина година, кога едната заминува во Фиренца, а другата останува во Неапол. Иако изборот на двете млади жени е сосем различен, тие остануваат постојано во близок контакт, во еден амбивалентен однос создаден од љубов и омраза. И повторно околностите ќе ги зближуваат и оддалечувааат во текот на бурните 70-ти години од минатиот век.

    Приказна за оние што заминуваат и за оние што остануваат има историска и интимна димензија која се одвива во текот на десет години пресудни за Италија, земја во трансформација која чекори кон модерност. Тоа е период на идеолошки превирања во италијанското општество – свет на револуционери, реакционери, студенти, камористи, комунисти, неофашисти, црква, синдикат, гнил владејачки естаблишмент, но и свет кој отвора сосема нови можности и за Елена и Лила.

    Ова е секако книга која не може да се заобиколи. Секој што ја цени моќта на пишаниот збор уште веднаш, по првите страници, ќе се увери дека не се испушта од рака додека не се прочита до крај.


  • img-book

    Живописна, незаборавна приказна за едно тешкозамисливо сестринско поврзување – емоционално моќна и незаборавна сага за пријателството, сторија што фрла светлина врз маките на жената во една традиционална култура, од авторката на бестселерите „Бисерот што ја скрши школката’ и „Кога месечината е ниско“.
    Цели две децении Зеба била сопруга полна со љубов, стрплива мајка, мирна селанка. Но, нејзиниот тивок живот се урива кога нејзиниот сопруг Камал е пронајден убиен со секира во дворот од нивната куќа. Речиси сосема одземена од шокираност, Зеба не е во состојба да каже каде била и што правела во моментот на неговата смрт. Нејзините деца се колнат дека е невозможно мајка им да извршила таков морничав чин. Семејството на Камал е сигурно дека таа го сторила тоа и бара правда. Зеба за малку избегнува да биде линчувана од одмаздничката толпа, уапсена е и однесена в затвор.
    Додека чека судење, Зеба запознава група жени, чијашто несреќна судбина ги донела во овие мрачни ќелии: 18-годишната Нафиса, затворена за да биде заштитена од крвна одмазда; 25-годишната Латифа, која како тинејџерка избегала од дома, но уште останува во затворот бидејќи тука наоѓа безбедно засолниште; 22-годишната Мезган, бремена и немажена, која чека судот со налог да го присили нејзиниот љубовник да се ожени за неа. Ладнокрвен убиец ли е Зеба, се прашуваат младиве жени, или, како и тие, е фрлена в затвор зашто прекршила некое правило на општеството? Затворот за овие жени истовремено е и прибежиште, и казна; тргнати настрана од надворешниот суров свет што не простува, тие меѓусебно се поврзуваат во жива и неуништлива сестринска врска.
    Во овој затворен свет доаѓа Јусуф, адвокатот на Зеба, млад Авганистанец роден овде, а пораснат во Америка, кој се вратил поради личната посветеност кон борбата за човекови права и поради желбата да ѝ помогне на својата родна земја. Судбината на оваа навидум сосема обична домаќинка е во негови раце, а тој открива дека, како и самиот Авганистан, неговата клиентка, можеби, воопшто не е тоа што тој замислува дека е.
    Трогателен приказ на животот на авганистанските жени во денешно време, Куќа без прозорци е неверојатно, застрашувачко и триумфално четиво.


  • img-book

    Најпознатиот модерен бразилски писател Жорже Амадо нè пренесува во времето на владетелите на какаото во бразилската провинција Баија, кога недоразбирањата се решавале со пиштоли, а од мажот што е изневерен се очекувало да ја исчисти својата чест со убивање на прељубничката и на нејзиниот љубовник.

    Оваа хроника на еден град, на една страст, омаж на богатата бразилска култура, роман замислен и како химна на сензуалноста на тамошните жители, особено на жените, во последните неколку децении доживеа огромен број изданија и филмски екранизации.

    Секое од поглавјата почнува со песна посветена на една жена, а, заговарајќи ја женската слобода, особено сексуалната, Амадо ја шокирал и ја разгневил тогашната бразилска јавност. Бесот со времето исчезнал, а книгата станала еден од омилените бразилски романи на 20 век. Иако бил употребен како основа за сапуници, го задржува раскажувачкото мајсторство.


  • img-book

    Во вториот дел од трилогијата, посветена на луѓето и на случувањата кои поминуваа низ дорќолската куќа на брегот на Дунав, д-р Карајлиќ по којзнае кој пат докажува дека поседува неисцрпна енергија со којашто успева да се избори со најголемите животни и уметнички предизвици. Раскажувајќи за сè она што ги снашло станарите на Солунска 28 во текот на германската окупација на Белград во Втората светска војна, д-р Карајлиќ еднакво нуди читачко уживање и на оние што го прочитале првиот дел од трилогијата, но и на оние што дури сега се придружуваат на армијата негови верни читатели. Продолжението на монументалната сага за една куќа, за еден град и за два света, уште еднаш потврдува дека нашата книжевност добила еден нов, поинаков и храбар глас во д-р Карајлиќ, со кој овој сестран уметник умее, а и има толку многу важно да ни каже.


  • img-book

    Низ дворските кулоари кружат приказни дека на младиот крал Луј XV по седум години брак му здодеала неговата сопруга. Сега сите дворјани се трудат да ја пронајдат соодветната љубовница, што истовремено би ги задоволила потребите на кралот во креветот, но и политичките желби на владетелите од сенка.
    Семејството Нел надалеку е познато по убавината на петте сестри, а четири од нив ќе се најдат во кралската прегратка.
    Во годините што следат, слатката и наивна Луиз, амбициозната Полин, волшебната Дајан и проникливата Мери Ен ќе се соочат со многу страдања, завери и интриги за да се изборат за својата љубов и моќта што ја посакуваат. А петтата? Петтата сестра сум јас и моја обврска е да ви раскажам како навистина се одвиваа работите.
    „Бевме пет сестри, а четири од нас станаа љубовници на нашиот крал. Само јас ја одбегнав неговата прегратка, но тоа беше мој избор: можеби сè што зборувам се случило во далечното минато, но женската суета е вечна. И затоа морам да ви кажам: можев. Ако сакав. Бидејќи тој – кралот – секако го сакаше тоа.“


  • img-book

    А вие си помисливте дека сестрите се опасни… Во ова волшебно продолжение на вешто напишаниот и апсорбирачки првенец на Сали Кристи, се среќаваме, ни помалку ни повеќе, со маркизата Де Помпадур, една од најголемите убавици на нејзината генерација и прва буржоаска љубовница што некогаш ги красела возвишените дворски сали на Версај.
    Годината е 1745 година, а креветот на кралот Луј XV е повторно празен. Се појавува Жана-Антоанета Поасон, убава девојка од средната класа. Како дете, една гатачка ѝ ја претскажала судбината на младата Жана: дека ќе стане љубовница на кралот и најмоќна жена во земјата. На крајот, врските, среќата и малите интриги ѝ го поплочуваат патот до Версај, до прегратките на кралот.
    Брзо-брзо, конспиративните чиновници и надежните убавици бараат начин да ја заменат буржоаската натрапничка со посоодветна љубовница. Додека Жана, сега маркиза Де Помпадур, се справува со своите многубројни ривали ‒ вклучително и една сладострасна дворска дама, една дрска четиринаесетгодишна проститутка, па дури и една братучетка на озлогласените сестри Нел ‒ таа му помага на кралот да се предаде на живот исполнет со раскош и разврат. Околу нив, војната беснее, расте незадоволството, а Франција е сè поблизу до Револуцијата.
    Раскажана во прославениот духовит и модерен стил на Кристи, „Ривалите од Версај“ ќе ги воодушеви и ќе ги привлече читателите бидејќи го оживува дворот на Луј XV со сета своја гордост, помор и слава.


    Додадена
  • img-book
    Во последниот дел од „крајно возбудливата“ (Њујорк Дејли Њус) трилогија на Сали Кристи, „Љубовниците од Версај“, Жана Беку, жена со неверојатна убавина, но со скромно потекло, од мрачните улички на Париз успева да се искачи до Версај, каде што кралот Луј XV полека прераснува во измачен и огорчен стар женкар. Жана влегува во неговиот живот и, како грофица Ди Бари, брзо станува негова официјална метреса.
    „Бестијална буржујка беше еден; обична проститутка е веќе сосем друг проблем што базди на риба.“
    По децении страдање заради бескрајниот прилив на кралски љубовници, дворските принцези достигнуваат критична точка. Згрозени дека во осветените ходници на Версај пристигнува грофицата Ди Бари, припадничка на ниската класа, ќерките на Луј XV, предводени од нескротливата мадам Аделаида, се колнат на вечно непријателство и ја приклучуваат дофенката Марија Антоанета во борбата против новата љубовница. Но како што растат тензиите и се ближи Француската револуција, проститутка во палатата наскоро станува најмала грижа за благородништвото.
    Раскажана во карактеристичниот духовит и привлечен стил на Кристи, последната книга од трилогијата „Љубовниците од Версај“ ќе ги одушеви и ќе ги привлече обожавателите бидејќи повторно го оживува раскошниот и суров свет на Версај од осумнаесеттиот век, како и Франција, која чекори кон неповратни промени.

  • img-book

    Максут и Фејзал беа млади офицери во турската војска чија храброст и пожртвуваност особено се истакна спасувајќи го синот на султанот од сигурна смрт. Како награда, султанот им вети сé што ќе посакаат. Тие ја посакаа својата слобода. Се вратија на родното огниште од кое беа оттргнати како деца.

    Максут стана Константинос Хаџи-Макис, Грк, а Фејзал Јован Хаџи-Јанев, Македонец. Годините што следеа по Илинденското востание не беа ни малку лесни за Динката и неговото семејство. И тој реши. Ќе ги прати синовите во подобра иднина. Доста е од војни. Неговите деца заслужуваат да живеат. Четирите сина ги испрати во Америка.

    Едно случајно познанство на бродот со кој патуваа им ги отвори вратите во ветената земја. Но во ветената земја не им течеше мед и млеко. Шест дена во неделата поминуваа работејќи во рудникот. При една тешка рударска несреќа, најмалиот брат Стефан го спаси животот на Индиецот Арсак Хифас. Арсак знаеше дека нема да преживее. Како аманет, на Стефан му го остави садот за вино со изрезбано сонце. Оваа светост еден ден да се врати таму од каде што е дојдена. Таа треба да се врати таму од каде и самиот тој ја зема-Александар од Македонија.

    Приказна која ќе ве поведе низ времето. Ќе ги видите и војските на Александар, Турската Империја, двете светски војни, егзодусот на децата бегалци од Егејска Македонија, комунистичка Југославија и независна Македонија. Приказна за животот на печалба, но и за животот во родната земја. Приказна за аманетот на предците, за богатството, но и за клетвата. Приказна за семејството, за блискоста и за отуѓувањето, за политиката и за поделбите. Приказна за една проколната земја, приказна за Македонија.


  • img-book

    Во есента 1948 година, Ернест Хемингвеј и неговата четврта сопруга по првпат патуваат во Венеција, која Хемингвеј ја нарекува „апсолутно проклето прекрасна“. Една година пред неговиот педесетти роденден, Хемингвеј нема објавено роман речиси една деценија, а тогаш ја запознава Адријана Иванчич и се вљубува во неа, впечатлива венецијанска девојка, која само што го завршува училиштето. Во оваа книга Андреа ди Робилант, со блескава јаснотија, ни ја прикажува оваа изненадувачка, долгогодишна врска, во која Адријана инспирира човек триесет години постар од неа да го заврши своето последно големо дело.

    Хемингвеј ја користи Адријана како модел за ликот на Рената во Преку реката и во шумата и продолжува да ја посетува Венеција за да се гледа со неа; додека Иванчичеви се во Куба, Адријана е присутна додека тој ја пишува новелата Старецот и морето.

    Есен во Венеција е извонредна приказна за еден писател и неговата муза – која истовремено ја испитува цената што треба да ја плати една млада жена поради нејзината поврзаност со еден писател кој е жива легенда – и претставува интимен поглед на последните години на Хемингвеј.


    Есен во Венеција од: 450 ден
  • img-book

    Првата книга од историската трилогијата која го опишува животот на Скитите. Прекрасна приказна за љубовта, храброста и страдањата на едно момче кое неможе ни да сонува што се ќе му донесе животот во јужноруските Степи..


  • img-book

    Младата Мања живее со мајка си во едно земјоделско село и сонува да се омажи за Вилуфар, момчето од соседството. Меѓутоа, по нападот на Скитите, номадските воени коњаници и ловци на скалпови, немилосрдни владетели на степската дивина, Мања ќе премине кај Сарматите, народ кај кој жените управуваат со судбината на племето. Во своето племе ќе се врати подоцна како воинка во придружба на волчицата и треба да се одлучи меѓу љубовта од младоста и новиот живот..


  • img-book

    Никој не може да избега од судбината: „Господарката на степата“, третиот роман во сагата за легендарните коњаници на скитските народи.

    Таа е гордост на нејзиното племе: Мања е најсилниот борец на Сарматите, која многумина ја сметаат за најдобра кандидатка за наследничка на кралицата. Но, судбината си поигрува со животот на младата жена. Мања не гледа друг излез, освен да го напушти својот народ. Поминуваат години пред да се сретне со пустиникот Артан, кој некогаш бил еден од најстрашните водачи на Скитите – коњаници што ги мразат Сарматите.
    Оваа средба менува сè, но дали Мања може да го заборави минатото што ја оптоварува и повторно да стане воин, каков што му е потребен на нејзиниот народ повеќе од кога било досега?

    Во големата трилогија на Волфганг Јетке, седмиот век пр.н.е. и античките народи, кои требало да заминат во историјата како Амазонките и кентаврите, повторно се будат. Волшебен роман за судирот на матријархатот и на патријархатот, полн со авантури, манири и обичаи, кој фасцинира и прави да се наежите.


  • img-book

    „Колку си храбра, малечка Анемари?“

    Годината е 1943, а за Анемари Јохансен, животот во Копенхаген е сложена смеса од обичното домашно и училишно секојдневие, недостигот од храна и постојаното присуство на нацистички војници на улиците. Храброста се чини како нејасна доблест, што ја поседуваат витези што убиваат змејови во приказните што ù ги раскажува на помалата сестра, Кирсти.

    Додека германските трупи ја почнуваат мисијата за „релоцирање“ на сите Евреи од Данска, семејството Јохансен ја згрижува најдобрата другарка на Анемари, Елен Росен, претставувајќи ја како дел од семејството. Девојчињата живеат како сестри, сè додека не стане јасно дека треба да се стори нешто повеќе за да се спасат Елен, нејзиното семејство и сите Евреи од Данска.

    Во оваа приказна за хероизмот на една цела држава, нарацијата за данскиот отпор и нивниот план да го прошверцува целото еврејско население од Данска – речиси седум илјади луѓе – преку море до Шведска е раскажана со гордост и со надеж низ очите на едно мало девојче.